好麵線

營業中

休息中

都唔係第一次去食~但係每次都回味無無窮。今次點左一個二人餐，有一碗大米線，兩個小食，兩杯飲品，仲有豆腐花做甜品，真係抵食夾件呀~~

9:50 睇Isabelle Huppert 既The Separation，咁既時間當然夠時間食dinner 啦。近近地黎左呢度食米線，本身都好想order 汽窩雞同口水雞，不過又想食米線，又只得2 個人，好難成事。所以只係order 左個2 人套餐($79-) 有：大鍋米線- 鮮牛肉、魚丸、豬膶、鵪鶉旦、火腿、冬菇、腐皮、芽菜、甜酸菜、生菜、韮菜、等...鮮牛肉、魚丸同腐皮都幾好，其他一般。米線爽口、湯底order 左小麻辣，又係因為就朋友，所以次次都係叫小麻辣，都唔係點辣。雞翼- 熱辣辣上檯，味道香口、不太油，但辣肉係雪藏貨，比較鞋。土豆絲- 係爽的，但不是我杯茶，又唔係太食到薯仔味，加上佢既辣味蓋晒.. (我地揀左辣)。甜品- 豆腐花- 有豆味、但好實、唔軟滑，d 糖好奇怪，唔溶咁款，餐既甜品黎講，都接受既。飲品- 都係叫返上次既鹹檸七- 味道ok。朋友叫熱檸茶，都ok。環境- 佢安排位安排得較差，無組織，整到唔可以好好咁食，檯係泊埋一齊，換句話講即係幾檯一齊食緊。服務- 我嚇死了，係我面前用手拿起d 骨放落食完既碗度再拎走。(當時我仲係食緊野呢，我即刻望第二邊)我認為佢應該只

同男朋友去食,叫左個2人餐2人餐包一大碗過橋米線,重有1款小食,1款冷盤,2杯飲品同2碗糖水小食揀左香草雞翼,煎得幾香口,但略為唔夠香草味,都係景霖d香草雞翼好味d冷盤貪得意叫左麻辣海帶絲,一試好鬼辣,加上其實我地2個都唔鍾意食海帶既,食左2啖就收左手,好side野碗米線要左小辣既麻辣湯底,有13款送,有豬潤,魚蛋,冬菇,鵪鶉蛋,火腿,腐皮,豬肉,甜酸菜,芽菜,生菜,韮菜etc,陣容好龐大,湯底清甜,好好飲,米線份量唔算太多,但都幾滑,d送足夠2人份量,但味道就普普通通飲品叫左凍柚子蜜同凍咖啡,我杯凍柚子蜜都ok,唔太甜,配合食麻辣米線好0岩糖水係熱木瓜雪耳糖水,都幾好,清清甜甜, 夠滋潤~又多1間米線可以經常黎~當然景霖仍然係我首選~

今天又來了這裡食lunch，今次同同事share 左一個大鍋(傳統過橋米線$49)，入面包好多野... 記得既有：肥牛、豬潤、手撕雞、五花腩、魚腐、腐皮、金菇、甜酸菜、芽菜、生菜、韮菜。湯底揀左小麻辣。另外我叫左杯鹹檸七(+$8)，朋友叫左菊蜜(+$8)。個米線，好爽，軟硬適中。湯底唔太辣(我上次食小辣已經知可再叫辣d，不過今次就我同事，所以揀返小辣)，辣得黎唔會覺得辛苦的那種。餸方面，我比較鍾意魚腐，肥牛同上次一樣，麻麻地(上次話太熟可能因為外賣，應該就唔係啦，因為今次堂食都係咁)，五花腩好香，不過我唔太好呢d，所以都係無食肥果part，另外，甜酸菜幾好食。整體黎講，材料豐富，但味道一般，但我同同事都食得勁飽。杯鹹檸七都唔錯。

趁lunch 去左百老匯電影中心買飛同埋換埋張贈卷^^，平時就會揀去夏銘記，但呢排去左好多次啦... 所以今次去左好麵線，但時間唔多，所以都係外賣隱陣。叫左個小窩米線$17 (內有酸菜、芽菜、韮菜、肉碎)，跟"食送" (每款$3) - 鴨血、肥羊、手撕雞，麻辣(小辣)湯底拎走。我一向都唔係點食豬紅、雞紅- 即係一年都食唔到一次果種)，見到個鴨血，覺得幾得意，所以就試一試。鴨血有約8 塊，好多下，好味道，又爽又滑又有質感，推介一試。手撕雞就好重雞味，但比較"鞋"身- 都係預期之內，因為手撕雞好多時都係咁，而個肥羊，就好普通，可能叫外賣既關係，灼到"鞋"晒。配菜都唔少，芽菜好爽，肉醉都幾有味。呢度既湯底幾好，唔似第二度既咁重香料，係清辣，唔怕食到咳同"逐"親果種。今次既係小辣，但對我呢講係唔夠辣，下次可以叫辣d 都得。

今晚同朋友仔去旺角又唔知食乜好想起呢間未食過雖然遠少少都行左過黎叫左個汽鍋雞二人餐包括汽鍋雞2個,傳統過橋米線1大碗,蒜泥青瓜同2個甜品汽鍋雞～話就話係田七汽鍋雞,但無乜藥材味,雞味好足,鍋內既雞肉滑又淋,不過已經無晒味,最後無食到,但1人1 個飲完都飽左一半傳統過橋米線～有十三種料:鮮牛肉,手撕雞,豬潤,腐皮,芽菜,蕃茄,九菜,魚腐,生菜等等,上檯時即時將材料同米線加入有雞油浮面既湯入面,全部都剛剛熟,雖然因為就朋友仔只可以要唔辣既清湯底,但仍然好味道,正!蒜泥青瓜～呢個個汁好正,青瓜又夠新鮮,一碟份量好多,拌埋一齊食好正!就算散叫都只係12蚊,好抵食!甜品～係木瓜雪耳糖水,唔太甜好滋潤,但木瓜硬左少少!兩個人飽飽都只係79蚊超值!下次要再試其他二人餐!服務好好!無之前d食評咁講既情形喎!(唔通佢地都有上openrice??)阿姐好有心機咁不停介紹同解釋各樣食物六點半前埋單當下午茶計,有九折!p.s.聽到好似年廿九開始休息,年初七先再開巿要黎試最好先打黎問下!

好耐冇食汽窩雞，所以叫酸菜魚二人套餐($79)，有一大碗酸菜魚米線、田七汽窩雞、兩杯飲品(我同老婆要凍檸蜜同凍咸檸蜜)和兩碗豆腐花。好彩有朋友講過呢度都幾辣，所以我碗米線要小辣，對我講已經夠哂辣。分量幾大，確係夠兩個人食。鯇魚幾新鮮，不過好多細骨。米線本身亦幾滑，唔錯。汽窩雞就出乎意料，同我雲南米線舖食開唔同，呢度係雞湯，得幾舊仔雞肉，不過個湯都算幾好味，有藥材味但唔算好勁。豆腐花亦唔差，好滑。有唔少網友彈佢服務唔得，不過我就好彩，阿姐冇乜，服務普通啦。

9:50分走入黎叫我地快d 叫因為10:15分到關門, 我同朋友都食得快, 所以無問題, 只是覺得奇怪, 通常d舖頭都會俾半小時給最後那批客人, 其實9:45就唔應該收客啦, 不過這也是客人自己的選擇, 都可以接受...叫了個$79二人餐, 詳細唔講了, 個土豆絲同米線真的不錯, 個雞絲就普通ok啦...因為就快收舖, 所以無服務可言, 都明白的...問題來了, 見佢想收舖所以未食完野就叫佢上定跟餐的甜品時, 佢先好驚愕的找了一找話收舖沒有了, 真奇怪點解我地叫餐的時候唔同我地講...同佢地理論才用豆漿代替, 仲要話用兩碗甜品先換到一支小小的豆漿, 唔係朋友按著我就一定繼續同佢地理論.後來朋友同我講, 原來我叫佢地上甜品時有人竟然'嘴妙妙', 原來佢地竟然想扮唔知等我地以為沒有甜品而走!!! 不過都好, 見這裏的評論, 個甜品那麼差, 可能真係要支豆漿好過!!!

事發係早兩個星期既事, 朋友又提議去好麵線食飯. 見有新野出, 我地又試下, 就係下面doraemonc 講既二人套餐.汽鍋雞清清地, 無乜藥材味, 唔識係咪正宗, 但我地覺得都幾好味.我唔鍾意食魚, 怕腥怕吐骨, 不過朋友好想試酸辣魚, 亦都甘願冒要一個人食晒既危險, 咁無理由唔比佢叫. 上檯先知原來魚片下面係一大鍋米線, 都好, 我食唔到魚都可以食米線. 魚片果然好多骨, 不過無乜泥味, 腥味亦唔重, 朋友仲話算幾滑添. 我食左一件就放棄, 轉攻米線. 呢度既米線好爽, 我不嬲都鍾意食, 不過個酸辣魚就算我地order左小辣都好辣, 係舌頭覺得火燒果種辣, 所以食得唔暢快.雖然酸辣魚米線好大窩, 但由於唔岩口味, 我心理上依然覺得唔多滿足, 於是明知食唔晒d野, 都要叫番個雞絲海蜇. 好彩呢味保持一貫水準, 好味.套餐送既甜品豆腐花, 亦都係一貫水準----一樣咁硬. 不過今次多得窩酸辣魚, 令我地想食番d甜野解辣, 以致兩碗豆腐花不致於原封不動.雖然今次既新菜式唔多岩口味, 不過間唔中黎都見佢有新野出, 都值得鼓勵既.

有一陣子沒有幫趁好麵線，有點掛念他的辛辣，這個星期六趁著放工尚早，正好來酸辣一番。新推出的二人套餐＄79 有四種東西：一窩酸辣魚；一煲汽鍋雞；豆腐花作甜品；還有兩杯飲品，看來陣容不太鼎盛。汽鍋雞不等多久就用傳統雲南式中間有個洞的瓦碗上桌，熱辣辣的湯鮮甜，但不見雲耳/紅棗等，份量不錯，有3大碗左右。跟其他店比較，這裡是偏向雞湯的形式。喝著雞湯的時候，選擇了小辣的酸辣魚來了。用上大米線的碗（有去過的都知道是哪種SIZE吧），份量驚人，表面佈滿魚片/雪菜/芫西/辣椒，色彩斑爛的放在白白的湯頭裡，看著已覺得十分開胃。下方有米線墊底，不用擔心吃不飽。第一次在這裡吃魚片，味道是不錯的。魚片切的五分厚，約兩三吋長，算是頗大塊，有點辣味襯托下，吃得出是新鮮的。可是因為採用類似脆肉"魚完"的切法，但又太厚了，弄得頗多細骨在每塊魚片裡，吃的時候有點費力。店員都知道，所以預先給我們每人一小碗以盛骨頭。要是廚房能改善切片的方法，食客會更欣賞哩。本來以為份量不多，到最後卻是連甜品也差點吃不下，微溫的豆腐花，正好一洗魚的辛辣哩。

以前每逄到電影中心睇戲都喜歡去好麵線食米線，因本人非常喜歡吃辣。但在此店吃過曱甴麵後，阿姐話我睇錯，仲立即毀滅証據，但佢只係"不"起隻曱甴就俾番碗麵我，我當然好嬲，但又無佢辦法，唯有快快找數。

28/10 7:30pm友人吾太舒服,想食清d,所以帶左佢黎食米線,我地叫左個2人餐$79---大鍋米線要左小麻辣(豬膶,鵪鶉旦,火煺魚旦,豬頸肉),手撕雞海哲,蒜泥青瓜,2杯飲品(柚子蜜及檸蜜),糖水(木瓜雪耳).全部都保持水準!但個人仍偏愛冒菜多點!

It is rarely found small restaurant will be so clean.I like the 麻辣here much better than 譚XX.All waiters are seem not very friendly to customers.Note : It closed on ALTERNATE SUNDAY

考完試當然要去食野, 朋友們話去搵炸雞伯伯, 下? 唔好卦, 興趣不大, 於是借詞告辭. 本來唸住去星座食碗茄麵, 行行下突然閃出呢間鋪, 一於行多兩個地鐵站先.人唔多, 好易就"霸"到張檯. 因喉龍痛, 只要了碗小酸辣米線, 竹笙, 肥牛同豬肚, 另多支黑豆漿. 唔駛等好耐有得食, 淨睇賣相都唔錯, 即刻飲啖湯, 夠熱, 但可能要小辣的關係, 真係唔太辣, 而且酸味則好少, 好後悔無點中/大辣, 食到唔夠喉. 雪花肥牛肥瘦比例都算均勻, 當然唔係新鮮肥牛, 好彩無灼過龍, 唔太"鞋". 竹笙幾爽口, 索晒湯食仲好味. 反而三款配料中, 我覺得豬肚最好, 切成半隻手指的粗幼, 爽口, 無腥味, 得!! 米線少少硬身有咬口, 好怕食淋"pat pat"的. 加埋酸菜同芽菜, 真係夠晒飽. 黑豆漿係來貨, ok啦, 基本上食晒碗米線都飲唔落豆漿, 勝在係支裝, 可以拎走. 原本想叫埋土豆絲, 但見份量都唔少, 都係下次先. 服務一般啦, 起碼唔係"無水洗面"果種, 見到街坊當然又係落力d, 笑容多d. 但其中有位亞姐每當有食客坐低的時候, 佢就即刻企0向則邊"等你吩咐",

今朝返工前同老表2個11點黎呢度食米線,要左一碗手撕雞,菜肉雲吞,竹笙小辣米線加薯粉(+$5),另外一碗鵪鶉旦,魚旦小酸辣米線,2杯凍菊蜜.酸辣同普通小辣湯底比較,似乎上次麻辣湯底最正!米線似乎過淋,薯粉比米線有口感.配料方面樣樣都吾錯,除左菜肉雲吞麻麻地.埋單$71,抵呀!