好麵線

營業中

休息中

今日返工前同男友11點左右黎呢度食lunch, 上兩次想黎試但摸門釘,今次終於皇天不負有心人!環境同裝潢比想像中光猛,乾淨,四正!我地叫左個2人冒菜餐連口水雞,2杯凍飲,2杯豆花$79---冒菜可選4送加薯粉.我地要左紫菜魚丸,貢丸,豆腐,仲有1樣唔記得.要左豬骨雞湯.另加$5要碗小麻辣湯.紫菜魚丸,貢丸,豆腐薯粉---湯底相當濃而清, 加左香蒜, 芫茜,芽菜, 正!薯粉十分煙韌有咬口!配料就不過不失啦!小麻辣湯辣得黎真係有麻辣味,食完個口仍有麻既感覺.口水雞---雞肉嫩滑,花生碎加辣汁,辣中帶甜,唔錯!凍飲要咸檸蜜,金桔蜜,味道都ok!豆花亦唔錯!埋單$84, highly recommended!下次要埋汽鍋雞同黃涼粉.

隔左一排又黎食過, 今次唔食冒菜叫米線. 米線係爽口果隻, 好似譚仔果種, 好岩我口味. 配料揀左豬潤同鴨紅, 前者浸耐左都唔老, 味道甘甜, 好食; 後者就似雞紅多過鴨紅喎.見本月推介係乾豇豆伴肚絲, 叫左客黎試, 乾豇豆質地帶韌勁, 同肚絲有d似, 兩者都算幾夾. 味道唔算突出, 不過材料切得一貫地幼細, 讚.又食香草烤羊串, 今次太鹹, 食唔出羊味來.意猶未盡, 點埋想試好耐既口水雞, 呢樣比較令人失望, 好辣, 但完全唔麻, 唔當佢係口水雞的話, 可能會滿足到嗜辣的朋友.唔知有無記錯, 冒菜好似由以前既$29加到$39, 加左成十蚊???又好彩無遇過其他人講既唔禮貌同唔衛生既情形, 所以依然都可以比個笑臉.

o尋日去油麻地有野要搞，所以專程同老公o黎食。叫了個79蚊的二人套餐，幾抵食，包括有一大鍋米線、冷盤、小食、兩杯飲品同甜品。落單時侍應阿姐問米線、冷盤同小食要唔要辣，我心諗唔食辣的話，入o黎做咩呀!冷盤係洗澡泡菜-切到一粒粒，真係幾似咸酸菜，味道就一般啦，只係食到d辣油味。米線要中辣的麻辣湯底，淨睇顏色完全唔似係麻辣湯，點知入口真係幾辣，之後口腔仲留有陣麻的感覺，而且個湯底好好飲，我都不自覺飲了不少。有十幾樣"食送"，魚蛋、豬潤同雞絲都好好食：反而米線份量就唔算多。小食本來只有兩款選擇，但侍應阿姐俾我改串燒羊肉，一客有5串，燒得較乾身冇肉汁，孜悠粉味唔重，真係好懷念東來順d串燒羊肉。甜品係豆腐花，唔太掂，一望就知好實好硬，唔得滑溜。基本上都ok，食物唔太差，至於d阿姐服務態度冇其他食友講到咁差。

大約半年前，我都O係呢度食到曱甴，ｄ亞姐立即毀滅証據，仲好大聲話唔係，話只係香料之類，但明明係一隻好完整有腳嘅曱甴o黎喎！但証據已被毀滅，佢地死口唔認我都冇法，佢地完全冇歉意，冇意思換過第碗比我，只係不斷話唔係曱甴，攪到好似係我錯咁，碗嘢有曱甴，我更係唔食，但佢又唔肯換，我只有埋單走人。大家食到昆蟲曱甴，記住影咗相先叫D亞姐呀！唔係佢地又會唔認!

昨日再去食米線啦，入到去d 冷氣好勁，我都唔算怕冷既人，但d冷氣吹死一個位，不停錦吹到我都起雞皮。有客同個待應講，但個待應扮聽唔到囉~~~去到就叫左個2人套餐:1) 一碗佢話有12樣野既大米線，落單時，佢問米線辣唔辣，麻辣定酸辣，我地要左小酸辣，要"就" 個fd佢唔食得勁辣): 有魚旦，酸菜，九菜，肉碎，腐竹，冬菇，芽菜，牛肉，豬潤，等.... 米線分量唔夠2個食，佢叫小辣，一d 都唔辣，叫佢加辣，佢話要煮加收5 元我fd 問: 要加5蚊，錦唔夠辣點呀?阿姐答: 加抬面辣油啦2) 泡菜(要辣) 呢碟都幾怪，個樣好似咸酸菜，但食落就唔古怪又黑蚊蚊3) 海哲雞絲(要辣) 但都唔覺佢係辣，但3樣中算最好味落單時，阿姐又問辣唔辣我fd 問佢，咩辣來架(係想問係咪有得揀，麻or酸辣) 但阿姐冷笑跟住話，辣咪辣囉，咩咩辣呀4) 2杯野飲，要黑豆漿5) 2個甜品，係豆腐花我真唔明白，食完d酸辣野，食豆花，會有化學作用，會覺得豆花都酸酸地，點解佢地唔發覺既呢?????? 最絕就係d 阿姐，個個都唔覺有禮貌，仲好鬼串囉。嘩！今次第2 次去d 野食差左少少，但d阿姐服務態度錦好，點好食都假啦，佢估

呢間野好唔好食我知! 我只知D阿姐0既態度好"好" LOR大約九點幾十點入去! 埋位坐低! 一分鐘內, 阿姐走黎問左幾次食D乜! 使唔使咁壓逼呀! 佢仲要語帶催促咁問! 喂!大佬! 真係未諗到嘛! 好喇! 幾經辛苦諗到喇! order埋! 轉個頭, 另一位阿姐好凝重,好認真咁同我地講:"你知唔知我地重有15分鐘關門"! 即時啞左! 心諗:我點q知,一入黎你就要單聲啦係嘛?? side晒大家d時間...掃晒興! 唔食即走冇下次!

大家好。。等我講下我係依間店鋪既不快經歷啦大約係四月既一個夜晚﹐我同友人買左飛睇哈爾移動城堡﹐見未夠鐘﹐依間鋪頭又係新開﹐就入去試下叫左個二人餐﹐有雞翼﹐一D類似薯仔既野(唔記得左個名)﹐甜品﹐一碗過橋米線同野飲飲品叫左咸檸七﹐好正！雞翼同小食都唔錯！但個米線黎個陣就係惡夢既開始。。。黎個陣都無野﹐甘我就同友人分麵啦。。食左兩啖我就見到有隻昆虫仔係我碗麵到甘其實出得黎食都預左Ｄ野唔系甘乾淨﹐所以都算﹐筆起左當睇唔到就繼續點知過左無耐我朋友竟發現碗裡面有隻大烏蠅！甘我地咪唯有用羹畢起隻烏蠅比個侍應睇咯。。個阿姐就犀利咯。。我地俾拒睇﹐拒竟然一手拎左我地個羹倒左隻野然後當無事俾番隻羹我地! 唔係呀嘛? 我地一臉驚訝﹐霎時真係唔係好知點做咯...甘咪繼續咯..唔知係咪我地小心得濟好快又俾我發現到一隻...一碗麵竟然有三隻昆虫! 真係火都黎埋! 我咪叫個阿姐叫個"負責人" 黎咯! 一個貌似老闆娘既人黎到﹐我地咪同拒講左個情況咯﹐拒初頭仲好意思問我地會唔會係以為D香料係虫。。但系有翼架禍大姐!之後拒都算係甘﹐講晒唔好意思﹐話換過碗俾我地同埋保證無再加料﹐甘我地都算喇!但點知碗麵黎左之後。。。我最

之前去鳳城食晚飯經過見到都想試下，昨日終於決定去試下，6:40 去到都有7成滿座，我地2 個人坐底就點:一碗冒菜＄29 (自選4 "食送) "貢丸，腩肉，腐竹，竹笙(最正腐竹，夠薄)5月推介口水雞＄29 (好味，又切得size 剛剛好一啖一舊，唔怕d 辣油彈到嘛)過橋米線$17.00 無加"食送" 佢本身都有酸菜，肉碎.........初頭頭一啖時覺得有少許硬，就食多2 久啖就ok，食到尾都無覺得一pat 野黑豆漿and 凍柑桔(食完辣野，飲佢好解辣)其中有個阿姐好搞野，由佢開始落單，佢老板就開始教佢(當然言氣唔多好啦)，我地要凍柑桔，佢就比左熱，佢見到我既表情，我都唔唔記得是否同佢講要凍定熱，都想算啦熱都好啦，佢就即話.....你要凍過喎，跟住幫我換過過橋米線來先，食緊時來第2碗佢又比米線，我就同老板娘講我地要冒菜，佢就問返我食米線好唔好，我地話唔好，想試"冒菜" ，老板娘就幫我地換過碗，但老板娘又話阿姐，你又唔寫清楚，我fd 即話真唔好意思搞到阿姐又比人鬧啦(但阿姐無野，我估佢未熟手，但佢好好禮貌架) 叫左中麻辣，如果食得辣既就唔覺辣，唔食得辣既話要少辣好啦下次要試下，拍青瓜and

終於有機會試喇~~^^ 叫左碗米線同埋蕃薯粉~蕃薯粉口感幾特別^~^好好趙~聽講話酸辣唔夠辣~就揀左麻辣既小小辣同小辣~哇~~小小辣原來都幾勁~>3<~不過都可以接受~湯既甜味都仲飲得出~~但小辣好似辣得滯~食得有點辛苦~v~d餸好好食~~^0^~~腐皮好薄好香豆味~~d酸菜甜甜地~好爽口~~香燻鴨脯好似煙肉咁^^但瘦d~好香~~豬頸肉、雲吞都好味~~叫左杯咸檸7~v~用銀色o個d杯盛著~特別凍~特別好飲呢~~!

星期一，太座去了購物，我就在新填地街添置些整蛋糕的器材。雖然已吃過東西，但路經這裡，記得有食友讚過這裡的東西不錯，就來試一下。下午茶時間，人客不算多。招牌雖然標明是正宗四川酸辣米線，但亦有不少有特色的四川菜，如冒菜、口水雞﹝本月之選﹞及毛血旺等。很吸引，但一個人來吃不了這麼多，就只按招牌所示，叫了一碗麻辣湯米線，要大辣湯底，配料有麻辣的最佳拍檔，腐皮及豬腩肉。這裡的湯底，似譚仔的模樣，外表看來是沒什殺傷力，而湯裡亦混有花椒及辣椒粒的。渴口湯，辣度幾夠，亦不會辣到嗆喉，都唔錯。但麻就完全唔覺，給辣味完全掩蓋了，始終在香港吃麻辣，還未吃過比已結業的Q嘜川麵做得更平衡的了。腐竹索滿了麻辣湯的味道，很正。豬腩肉是五花腩，肥肉夠厚又爽口，同辣湯一起吃，味道都好。除了兩款配料，其實也有酸菜、大量芽菜及肉碎，加埋大大碗米線，份量足夠，非常之飽。加杯凍奶茶，埋單34蚊。雖然只做到只辣又不太麻，但水準都不錯，價錢不貴，值得一試。下次要叫多些人來吃其他菜色。

禮拜一中午，因昨天到長洲體驗人逼人的飄色巡遊，實在也沒什麼落過肚，翌日睡至中午起床，決定去吃一頓辣辣的醒一醒胃。執意到油麻地的好麵線，只因上次的土豆絲讓我回味再三，而其四川冒菜也是獨一無二。到達小店時止剩下門口的位置，還有幾位等外賣的，可見此店有固定的一班擁躉。坐下之後，二話不說，點一碗冒菜＄29，一碟黃涼粉＄12，一份5月推介口水雞＄29冒菜跟上一次的一樣，我們點的是小麻辣跟4種配料：鵪春蛋、鮑魚菇、鴨脯、貢丸；味道不是太突出，想是被湯底搶去鋒頭。蕃薯粉同樣是煙EN有嚼頭，配上辣辣的湯可是絕配哩。口水雞跟黃涼粉都是是次來訪的主要目的，黃涼粉跟我們一向吃的黑涼粉在口感方面相差無幾，只是沒有很獨特的甘甜味道；店員推薦我們吃辣的，果然是比較好的選擇，辣椒/鎮江醋/蒜末/芫荽等混在一次，是三道菜中最不辣的，冰冰涼涼的可算是讓味蕾休息一下。口水雞比冒菜再加多一點麻辣的感覺，白白的雞件在紅紅的辣油上十分奪目，在大量的芝麻，蒜末、芫荽調配下，辣味並不算嗆口，麻椒在雞件進入口腔後發揮作用，讓人欲罷不能，一件接一件，嘴巴和舌頭也慢慢膨脹起來。。。美中不足的是雞件太小巧，而且帶鮮紅色的骨頭，吃得不痛快，

晚上放學後和師兄們來個簡單的晚餐, 點了一個酸辣肥牛米線, 牛已全熟肉質感楷味道一般, 湯底已指明要小辣但亦令我幾近乎不能完成全程; 另外點了一個口水雞, 同樣是小辣, 雞肉滑但沒有雞味而且骨位偏多. 食完後一頭是汗, 唯有多喝一支黑豆漿解解舌頭上的辛辣.

謝謝食友指點，前晚去試過YMT的好麵線，小小地方，有10張台左右吧。二話不說，點碗招牌冒菜先。後加一碟土豆絲：先來左碟酸辣土豆絲，爽口得來有D酸，又有D紅椒在面，吾錯，好開胃；不久，冒菜都來了，我揀左4個送＄29：冬菇（6-7細細隻），鴨脯幾片(吾太有鴨味)，豬頸肉（都普通OK），鴨血（哩個D味幾特別）小辣─果個麻辣湯好正，完全白色吾見辣椒，但系又好辣。。我覺得辣過譚仔；我老豆果碗清湯米線＄17有貢丸（包心的，好食），豬肚絲（硬硬的），竹笙（索曬D湯，正！）每款送＄3。我果碗會零舍D炸蒜頭在面，少不了大量芽菜。食完碗粉，個肚已經開始飽飽啦，因為我飲埋D湯再繼續未完的土豆絲，越食越多，越食越辣。。後來已經頂吾住，要連貫幾啖鹹檸蜜先頂得一陣，辣到我個嘴X2甘大xO今個月的口水雞特價＄29/碟，想叫都無位食啦好想試試果個毛血旺，一定好鬼刺激，又想叫黃涼粉，好多野想叫。。2人套餐都好抵，＄79包一大碗米線（但吾可以轉冒菜! >_<），雞翼/串燒/涼菜，揀2款，2杯DRINKS，2碗豆花，吾飽死就難。

之前都試過三兩次,今晚未開場之前咪介紹朋友o黎呢到試. 我都有食四川冒菜,要o左竹笙,魚腐,金菇同羊肉片. 竹笙好味過四川麻辣米線或者譚仔. 湯底要小麻辣. 其實我係食得辣gae,只係驚友人受不了. 下次自己要一碗中辣試o下先. 冒菜正如blue_moon 所言,變o左綠色粗蕃薯粉,但厚薄不一. 有d古怪.小食我o地叫o左酸辣土豆絲. 坦白講,土豆絲係我自從七年前去過北京一個月之後o既"我最喜愛的涼伴". 味道呢到做得唔算誇啦啦,但絕對合格. 如果有人知道香港邊到有芥末油土豆絲食,請介紹! ^_^

上次試完之後, 同幾個朋友提起, 大家都對呢間鋪有興趣, 於是一齊黎食過. 今次一行五人竟然唔駛等位. 叫左:土豆絲: 去到已經比人食左大半, 爽口, 唔覺辣.蒜泥青瓜: 個蒜泥幾好味, 多d仲好; 青瓜都真係有拍過下既.四川冒菜: 今次揀左竹笙、鮮腐皮、羊肉片同豬潤四款配料, 竹笙依然係推介, 有人話豬潤好甜. 湯底要左小麻辣, 似乎大家都覺得夠皮. 比較失色既係, 事隔唔夠一星期, 蕃薯粉換左隻綠色厚身既, 無上次薄身果隻咁吸湯.雞絲海蜇: 呢個要左唔辣, 夠凍, 各種材料都切得夠幼, 我自己幾欣賞.香草羊肉串: 茴香粉夠香, 羊肉又軟熟, 好味!毛血旺: 菜牌上既介紹, 話係「以大紅袍花椒、香爆紅辣椒及豆辦醬放入豬骨、雞湯中熬製出特級香辣湯底, 加入鴨血、豬肚、豬腩肉、火腿、牛肉、芽菜、牛柏葉、土豆片及青菜煮熟」. 穩陣起見, 都係要小辣. 但辣椒的辣唔同麻辣, 呢個明顯比四川冒菜辣囉.四川黃涼粉: 有甜味同酸辣揀, 我地要左後者. 自己鍾意食呢類野, 呢度個汁較得好味, 唔太辣得黎好似有少少甜味添.香草雞翼: 香口, 入面既肉仲好嫩同juicy, 如果外面燒得再脆d就更正.麻辣