富來紫砂飯店 (已結業)

許多小型飯局，誘因會是一位食友吃完後令到其他人都產生了興趣而成局的。今天這個小飯局，便是由一位有心食友負責安排，在此要再一次多謝他。從太子步行過來不用二十分鐘，進店時客人已佔了三分之一左右，店內都以大量的中式燈籠來作主要的佈置，加上用淺灰色的磚牆，感覺很不錯。我們被安排到在較入的"偏廳"，跟在外邊的客人有一點距離，沒有那麼嘈雜。到了相約時間，各食友亦陸續到達。其一位食友(惡男兄)特地帶了"手信"小吃過來，實在是客氣呢。茶方面要了龍井，用紫砂茶壺盛著的茶，味道當然...............不會有甚麼分別，只是感覺好一點而已。 而點菜方面，大部份由"攪事者"KKK兄負責"發辦"。先點了蝦蟹煲仔飯、再來淮山杞子鳳爪燉響螺(大盅)、川貝海底椰雪梨豬展湯(大盅)、梅子鴨、窩蛋牛肉煲仔飯(加蛋)、臘味糯米煲仔飯、梅菜肉餅煲仔飯、咕嚕肉、烏醬白鱔煲和瑤柱技竹浸勝瓜。先來的，是兩個大盅燉湯:<<淮山杞子鳳爪燉響螺>> 較鮮甜濃味而重膠味<<川貝海底椰雪梨豬展湯>> 燉出來的湯，味道比煲出來的完全唔同。這個清潤帶甜，如果熱氣喝這個最好。

謝謝kkk兄策劃有得吃有得玩紫砂宴，九人安排在內堂位置，自成一閣，言笑間亦不怕被其他食客打擾。全店清一式紫砂菜系列，主人家已安排了幾味煲仔飯，又寫下了幾味小菜，睇睇價錢，小炒平均$40左右，價錢認真大眾化，位置雖隔涉卻其門如市。先來海底椰豬肉燉湯，很清很消暑的湯品，餐前暖暖胃，也不錯，之後的響螺燉湯，食友大讚濃郁美味。幾味煲仔飯，食友問起紫砂作用，熱烈討論鬧出連番笑話，笑言臘味飯同海鮮飯如此「香噴噴」，都是托紫砂之福，將雜質吸走，連帶毒素亦透過空氣排走。吃了碗海鮮煲仔飯，蒜茸蒸蝦汁滲到飯內，每口汁香，也能輕易吃掉兩碗。夏天無胃口時，不是吃辣就是吃酸，梅子鴨，原以為是梅醬那作炆鴨，看鴨樣子「實實淨淨」，是鴨還鴨煮，醬是後加，味道很抽離，胃納還是留給白鱔好了。烏醬炆白鱔，醬汁輕描淡寫，白鱔卻出奇地鮮嫩而不帶泥腥，油脂豐腴，為食地吃了幾件，身邊食友亦吃得滿意，$58壹煲，是意料之外的好。香桃咕嚕肉，如DragonFire兄所言，用地門水蜜桃代替菠蘿，甜重於酸不著嗆喉醋味，但炸漿打得很厚，影相後開始變腍，可幸肉質無經化學，吃落亦有彈性，$28壹碟，認真經濟抵吃。柴娃娃玩得高興，叫下啤酒，卻無小

前幾晚黎試下, 結果有d失望:南瓜荔芋菇粒+白鱔煲仔飯: 好豐富. 但味道好似唔係好夠, 就算加左少少豉油都無咩味涼伴青瓜海哲: 糖水味好重. 不過就好清涼. 夏天食好舒服我覺得好屈錢係茶錢每位$6, 都算, 我都飲. 但佢一定要人要碟花生, 又唔好味, 又熱氣, 根本就係唔想食. 但都收十幾蚊碟. 之後仲要加一!! 兩個人茶錢加埋呢碟花生未叫飯都要比二十幾蚊, 出面食到碟飯啦!請注意, 煲仔飯最少要等半個鐘, 如果你係超級肚餓就唔好諗黎呢度食. 唔係會越等越忟.仲有...service好一般....點解要加一呢?

需然不是〔超好〕，尚算o.k.不彷一試，因為有〔中國特色〕，晚飯惠顧必定有〔香芋西米〕糖水送，而端午節個晚還有〔〕送添，不過這飯店還有好多可改善的餘地，如禮貌等…………

昨晚到富來一試紫砂煲飯.選了個二人套餐$168:要了一個花旗參日月魚煲竹絲雞,一個海參黃鱔煲仔飯,一個雜菜煲.餸菜尚算一般,但環境很是古典;只恨環境配合服務態度很不協調(服務態度唔得)可惜可惜!餐後埋單離枱先話有糖水送埋單茶介加一$209

冬天啦, 食煲仔飯最合時. 呢度食紫砂煲仔飯, 細煲(份量: 3碗仔左右) 三四十蚊, 大煲(5碗仔), 都係五六十蚊, 價錢可以, 款式又多. 仲有好多款煲仔菜, 小菜等.生炒糯米煲仔飯$40糯米飯都有煲仔飯? 幾得意wo, 又幾好味wo! 唔油, 比起平時食開濕少少, 仲好啦, 感覺無咁熱氣, 而飯又好黏身好有口感, 足料,有好多臘味.荔芋排骨煲$48芋頭做得好靚, 夠粉又有少少硬身. 排骨份量略少, 味道都唔錯.蕃薯糖水食晚飯, 送糖水! 薑湯好夠味, 蕃薯好甜又淋, 好正!全店賣係無味精健康菜, 食落都覺得少油少味精, 食飽都唔會口渴. 服務都唔錯, 而且不設搭, 坐得舒服. 晚晚都好多人, 今晚我九點先到, 都要等半個鐘, 下次都係訂好d啦.

今晚同2個朋友嚟食煲仔飯，我們叫了一個2人套餐$148(包一盅細燉湯、一個煲仔飯、一個小菜同飯後甜品)另加一個煲仔飯同小菜；燉湯係川貝海底椰妥瘦肉燉雪梨(套餐)，煲仔飯係梅菜肉餅飯(套餐)同北菇滑雞飯$40，小菜係鮮竹什菌浸時蔬(波菜)(套餐)同烏醬魚頭煲$55，甜品係香芋西米露(套餐)；茶芥每位$5小食$10另收加一，全張單合共$294.8，每人都係$100，我們認為價錢合理。 燉湯好清甜，又唔油膩又無味精超正；煲仔飯的飯焦非常好味，我們只是加熱水已經好香脆，用料新鮮尤以北菇滑雞煲仔飯雞好滑亦有雞汁滲入飯內，所以比較香，小菜用料亦見新鮮，烏醬魚頭煲有少少辣味，好香口，鮮竹什菌浸時蔬亦係少油少鹽。 有一點我要為這間店平反的，其實這間店的出品份量並不少，只是個砂鍋實在太大，所以會令人有錯覺份量少吧？煲仔飯有3碗幾，餸的份量也不少，我們3個人亦食光了全部食品(因為好好味)。 我們非常欣賞呢間飯店，裝修得古色古香坐位舒適，服務也不錯一叫就有人落單、加水，而且出品大都少油少鹽非常適合愛健康的人士，下次一定會再光顧。

日期：2007年11月21日我同男友黎試下用紫砂煮既食物，都係不外如是姐！首先，我地七點鐘去到，得小貓幾隻，睇下餐牌有ｄ咩招牌喇！叫肥阿姐黎落單，佢既眼神話我知，佢好唔like我地．問佢有咩湯，講到一舊舊，救命！之後問佢ｄ湯可唔可以兩個人都唔同，問我即係點，講清楚ｄ俾佢聽，佢話點可以咁架，兩個人梗係一盅喇！意思即係一盅足夠兩人飲用．叫左個二人套餐HK$148，有燉湯，一個煲仔飯，一個煲仔菜，或是唔要飯，就要兩個菜呢？我地揀左前者：－１．川貝海底椰燉雪梨豬展：每人兩碗仔，清清地幾好飲啊！２．梅菜肉餅飯：加左少少既醬汁，好鹹，好多肥膏！每人碗仔幾．３．瑤柱鮮竹浸勝瓜：勝瓜好焾，鮮竹好味，無咩特別！甜品－南瓜西米露：太甜，太稀，okey喇！茶芥HK$20，加一，埋單HK$185．好唔抵既一餐，食完唔夠半個鐘，我已經要去解決喇！臭到隔離果ｄ都唔係好香，無咩紫砂既風味，劣啊！！！

叫了一客黃膳煲仔飯和淮山子燉水魚。湯足料，兩位四碗，不多不少，味道尚可但吃不出水魚味。煲仔飯有別於一般坊間香口熱氣的風格，類近蒸飯(但紫砂煲底有飯焦)，黃膳味道一般，汁液未能滲入飯身，中規中矩之作。餐牌內有引述清代袁枚<<隨園食單- 飯粥單>>，可惜未能於其出品中得到引證。是夜連茶芥花生$148。

一位幾富腦筋的老闆，由主打紫砂茶系列轉形至老火湯餐廳。以紫砂茶盅包裝，頗健康的感覺，尤其是開放式「湯房」擺著一系列燉湯，增添了一定吸引力。打開大餐牌，過百款的小菜、燉湯、粥品．．．看得花多眼亂，簡單地點了一客午市套餐，窩蛋牛拼臘腸紫砂鍋煲仔飯。一壺紫砂普耳，順喉濃郁加埋靚靚茶壺，午市不收茶介加一，配套也真的好得無話可說。一系列砂煲瓦撐吸大紅大紫的設計，加上60年代的曲調，真有點精神分裂感覺，難怪來的都是中年街坊客，幾個煲一壺茶加些小菜，也算幾豐富的平民午餐。先來一客例湯，難以想像是羅宋湯，番茄加燈籠椒的清湯，感覺幾難頂，老老實實來碗西洋菜湯感覺會更好，紫砂壺西湯，佩服。等了廿多分鐘，是即叫即焗的煲仔飯，原盅入爐，外焦內濕的飯，紫砂壺導熱能力真的麻麻，加點杰身的醬油焗一焗，總算添了點味道，但飯的質感較電飯煲飯出的還要濕，而鍋底帶著薄層飯焦，失敗；牛肉是肉片，加了可接受程度的化學處理，軟軟地醃料味也幾重，但切得太大片，怎麼用蛋撈也撈不出滑的質感，臘腸也是瘦瘦的，沒有油潤感覺，幾失色的。煲仔飯味道不怎麼出色，這個紫砂套具還是燉湯去好了，用作煲仔飯的話，未免大才小用。圖：上：反共復清乎？中：器

我阿媽一向都唔鍾意出街食飯, 但今次佢主動叫我帶佢黎呢間野試. 因為佢坐巴士經過時, 深深被佢既"紫砂"同埋裝修所吸引. 不過我亦有咁既同感.呢度交通亦非常之唔方便, 坐地鐵, 深水埗又唔係, 太子又唔係, 巴士線又唔係特別多, 又係一個黑漆漆既舊區. 以咁既條件, 照計食客都係附近既居民. 但係呢間野價錢又唔係十分平, 照計單靠附近居民應該做唔住, 因為相信附近居民的能力都唔會太高. 以咁既條件, 呢度既食客算係出奇地多. 永遠維持八成滿. 相信佢一定有佢優勝之處.呢度啲枱都算幾大張, 坐得好舒服, 又有電視睇, 要追電視劇都得. 舖既裝修有啲古色古香既感覺. 店既一旁放左好多紫砂煲, 而店既食品絕大部份都係以呢啲紫砂煲黎煮. 所以我保呢間野其實係一間做紫砂煲既公司所經營, 佢想做既並非飲食業, 目的只係等大家試過用紫砂煲煮既野會買番一兩個. 或者我地都食慣味濃既野, 我地總係覺得食物冇乜味, 不過份量好夠, $240.我地一行三人, 叫左滑雞大鱔煲仔飯- 雞同大鱔好滑, 飯冇飯焦陳皮梅子炆鴨- 冇陳皮味, 鴨有鴨味, 好乾, 只有沾有梅子醬既鴨件先有梅子味豆腐鯪魚球生菜煲- 鯪魚球

見到食評好壞一半半，經過即管試試。京式裝璜，６０年代音樂，有點不倫不類，想睇電視都聽唔到。前菜碟酸薑千祈唔好錯過，再叫碟薰魚，好過好多上海館。西洋菜唐排湯，好味，真材實料；住家老火湯水準。紫砂煲仔蝦飯，濃濃的蒜茸味攻鼻，倒入付上的鮑魚醬汁，讓海鮮的肉汁、醬汁及蒜茸滲透入。飯身乾，蒜茸味香；海參雞煲仔飯都好正，BB海參仔好Q，好好食，雞嫩滑，有水準。烏醬魚頭煲，好惹味，食到停唔到。蒜茸生菜，水準一段般LA。同經理打牙較，問點解之前咁多劣評，都係果D啦，管理不善，人事問題。老細銳意改革，樓面廚房換過哂，有D起色WOR。原來佢地主要係推廣紫砂電器，講講吓比佢講都心郁，都買左個煲，果然有計。餐飯都滿意，唔計個煲；300蚊左右，4個人，OK Ar。

星期日去左深水埗搵食,見到間富來紫砂飯店裝修特別,加上天氣炎熱,唔想係大排檔食到汗流浹背,所以決定一試!入到去裝修好中國feel,環境十分企理,由於第一次黎,所以叫侍應介紹有咩好食,佢極力推介左個新出的蒜蓉原隻蟹焗煲仔飯,剩係聽到個名都想試啦,何況我係一個蟹痴,另外叫左個京烤骨(招牌之一),由於2個人唔係食到太多野,所以叫左個海鮮雜菜煲就算!!!等左一陣,我最期待的蟹煲仔飯終於出場,一開蓋已經聞到好香既蒜蓉味,見到成隻蟹放係入面,個蟹蓋有好多膏,本身我唔係咁鍾意食膏蟹,因為覺得d膏好硬同好"鞋",但係佢地既膏好香好軟,配埋d煲仔飯一切食,簡直係人間極品,之後再食埋d蟹肉,都好好食,好甜...仲之一個字“正”!!! 至於京烤骨賣相非常好睇,酸酸地甜甜地,d肉又夠淋,非常送飯,所以除左個蟹既煲仔飯,我地2條友都每人叫左2碗白飯,而個雜菜煲就不過不失,份量足!!Anyway,食完好滿足埋單都係2百幾蚊,超抵!!!個經理仲話我陸續會有好多不同既煲仔飯會上牌,叫我地多d黎幫襯...唔駛佢講食完個蟹飯我都肯定會再番叮lor!!!我諗冬天黎食一定會更加滋味lor.....

上次去對面飛鷹餐廳食飯見到呢間舖, 覺得相當有特色, 已經決定一試, 今晚同老婆有D事要去奧海城一趟, 都算係附近, 機會來了...裝修完完全全的中國式, 一檯一椅都係木造, 舖子不算大所以空間感略覺不足.餐牌的選擇大都是煲仔的, 有煲仔飯, 煲仔粥同煲仔小菜, 但也有不少餐前小食. 我們點了一個白鱔煲仔飯, 一個海味雜菜煲同一個子薑牛仔骨煲, 還有一個雞腳小食.先奉上的是一客酸薑, 入口酸甜適宜而且非常鬆化, 相信是加入了酸梅的關係. 等了大概十分鐘煲仔飯上檯, 這個飯做得很有水準, 白鱔新鮮很滑, 飯收水程度剛剛好, 微"火農"有飯焦, 不加醬油已很好吃. 海味雜菜煲一般, 不過魷魚同蝦乾份量都十足, 而最後上檯的牛仔骨煲味道亦很好, 而且份量十足, 最後兩個人食唔晒要打包添!經理招呼十足, 笑容可躹, 而且送糖水, 是荔芋西米露, 也很不錯的, 埋單$188, 我覺得抵食!

上星期五同朋友來這裡食飯,這是我第一次來這裡幫襯, 是朋友介紹給我, 話這裡全部都用紫砂煲煮, 還特別推介我食這裡的煲仔飯, 我就嗌咗一個海參魚肚鶏煲仔飯, 佢\有大,小size選擇, 我吔就嗌咗小size, 如果2個人食勉強可以夠食,因為我吔想試吓其他菜式, 點知一來到真係好正, 好香, 一粒粒米飯可以睇到, 還有待應向我們推介的田園炒糙米飯同現做緊推廣價$38一盅的鶏燉翅, 食落去真係食得出不是平價貨, 足料好味,糙米飯比我預期中好食, 冇肉係裡面,但食落好有口感, 總知一個字正呀, 因為我出去食冇見過有炒糙米飯,同埋我本身覺得糙米飯唔係咁好食, 但是該店特別推介我吔試吓, 咁咪試吓囉, 點知真係唔錯, 這裡環境真係好中國feel, 幾有特色,唯一唔好係d待應服務麻麻, 好似唔夠人手咁,不能照顧我吔既需要, 不過食物方面真係唔錯, 我諗我會下次再帶朋友來這裡試吓其他菜式。