山海 (已結業)

美食沙漠馬鞍山開左一間新的日本餐廳。同朋友一嘗最近好想念的日本食物。鋪位空間大，座位寬闊舒適 , 裝修日式木系和風🇯🇵。種類選擇多，有串燒、壽司、丼飯、鰻魚 ，鍋物。我地最後叫左一個壽司SET，一個丼飯，一個串燒。1.五花腩紫蘇卷（ $56/份）爽口的五花腩配上脆脆的紫蘇葉，加上香濃的醬汁，非常有層次感。2.特盛燒牛肉丼（$148） 份量非常多，滿滿的牛肉舖滿係飯上面。香濃的醬汁，加上牛味濃，一點都唔韌， 仲有冬菇絲做伴菜。➰壽司「竹」10件（ $268 ）➰墨魚，珍寶赤蝦，活貝，油甘魚，平目魚，真鯛，縞鰺，本鮪（赤身），本鮪（中拖羅），自家製厚玉子每件壽司都好大件和好厚身。壽司用料新鮮，鮮甜肥美，非常豐富！壽司飯亦做得岩岩好。🍣炙燒本鮪腦天壽司（$68）鮪老天壽司即是吞拿魚頭頂的肉。口感滑，油脂多，魚味濃，入口被滿滿的魚油包圍。正

難得入到美食沙漠，竟然見到一間幾有格調嘅餐廳，裏面裝潢以木質調為主，觀感簡單利落，光亮大方，透明度好高，會見到廚師即席處理料理，好似Omakase咁，感覺幾高質～食日本菜必食當然係壽司啦！打頭陣見到餐牌上料理長推薦居然有極罕嘅本鮪腦天壽司（$68），忍唔住即刻叫咗份。聽聞呢款係吞拿魚頭嘅肉，每條吞拿魚只得兩片，今次廚師用炙燒方式處理，火力燒得恰到好處，外面炙香，內裏咬落油脂滿溢，有種入口即融嘅感覺，味道比中吞更濃郁，值得一試👍🏻另外，叫咗份特上壽司盛合8件（$238），包括兩款軍艦，分別係蔥吞拿魚腩同北海道三文魚子；手握壽司則有三文魚、油甘魚、帆立貝、珍寶虎蝦、赤身（因為冇晒海膽😢）、同埋中拖羅。每件壽司嘅刺身份量唔少仲幾厚身，是次特別推薦帶子同油甘魚，前者有口感仲非常鮮甜，後者肥美，魚脂香氣四溢，不斷喺口腔裏面迴盪👍🏻友人見今晚天氣涼涼地，心血來潮想來個豚肉鍋，見餐牌上賣相不錯，就叫咗一份。上枱後見豚肉配料份量確實毫不吝嗇，鍋中亦有不同蔬菜，例如冬菇、豆腐、京蔥等，另外仲有一份蒟蒻麵，同埋昆布汁。整體感覺好健康養身，唔會太濃味，清清地，多肉少菜又低卡，特別適合健身人士～食到最後覺得仲

今晚收工嚟到馬鞍山附近，平時都比較少人呢一區，所以唔知食乜好。最後都係想OpenRice睇吓啲食評，最後決定試呢一間好有日本風味嘅餐廳「山海」呢間餐廳個鋪面十分之有日本嘅風味，佢嘅裝修都係用一啲黃色格調，比較多用木材。另外佢哋鋪面亦都唔會將啲枱放到密麻麻，而係每一台時間都有適當嘅空間。除此之外師傅都會響個吧枱度製作壽司，好似食緊omakase 咁😋😋今次我哋叫咗一款特別嘅壽司，火炙本鮪腦天壽司。我第一次試呢一款壽司，佢比我嘅感覺係好有魚油香味💓仲加埋一片紫菜，口感好豐富💓另外都叫咗一款12件嘅壽司$338。我揀呢款set係因為啲碟入邊嘅刺身都係我鍾意食嘅，例如海膽、拖羅、帶子、油甘魚等等。師傅一啲都唔孤寒，每片剌身都係大大片，口感好豐富💓我覺得呢度嘅刺身都做得幾出色，十分之新鮮👍🏼另外，值得一讚嘅係佢嘅炸蝦天婦羅，佢唔係用出邊平時日本菜嘅普通蝦，而係用一啲好大隻好爽好大彈牙嘅蝦😋下次會再叫。整體嘅用餐體驗都幾好💓💓

炙燒本鮪腦天壽司 炙燒本鮪面頰壽司 $68呢兩個部位係超級罕有，腦天係魚嘅頭頂肉，每條片只有一小片，面頰每條魚只有兩塊，所以數量係每日限定🤪 口感同拖羅唔同，滑身好多，少少入口即溶嘅感覺，用火燒之後更加帶出魚香味🤤🍣壽司 梅 12件 $338有齊大中拖羅，油甘魚，縞鰺，加拿大海膽😍 樣樣都好新鮮，每件都大件厚身，想食嘅都有齊，似omakase，啱晒我呢啲貪心嘅人😋🦪廣島蠔雜炊 $108用料足，入邊有好多冬菇同5大隻蠔，鮮甜肥美，雜炊有啲似粥🍲加埋雞蛋更加香滑，食咗咁多件壽司，食返啲暖嘅嘢平衡下🤤🍢串燒叫左豚肉年糕卷同免治雞肉串，原來每份係兩串，性價比好高。年糕好煙韌，有咬口👍🏻免治雞肉串沾上蛋黃汁，好吸引😚山海 📍馬鞍山中心地下A03A-05號舖

馬鞍山中心地下最近新開左一間日本居酒屋，行高端路線，提供各類刺身、壽司、串燒、丼飯、壽喜燒，以及酒類，附近嘅居民終於有多啲選擇，真係天大嘅喜訊！ ！餐廳裝潢以木質為主，燈光光猛，簡約時尚，座位寬敞，坐得舒服。🍣壽司「竹」10件🎍（ $268 ）（墨魚，珍寶赤蝦，活貝，油甘魚，平目魚，真鯛，縞鰺，本鮪（赤身），本鮪（中拖羅），自家製厚玉子）打開Menu就被色彩繽紛、琳琅滿目嘅壽司吸引，我地點咗壽司「竹」，共有十款。欣賞呢度嘅魚生非常新鮮肥美，食得出採用貴價優質貨。壽司飯採用優質珍珠米，口感綿糯，選用嘅醋酸味較濃，我個人非常喜歡呢個調味，連啖飯都食得出廚師嘅用心。🐟炙燒本鮪腦天壽司🧠（$68）店內特別推薦呢款比較罕見嘅壽司，腦天係魚頭頂部位嘅肉，一條魚只有2片，認真矜貴！由於呢個部位多脂肪少筋位，所以口感軟滑，魚味香濃。🐷五花腩紫蘇卷🍢（ $56一份）味道非常特別，帶有紫蘇葉獨特嘅芳香，係烤肉嘅最佳搭檔。🐂特盛燒牛肉丼🍚（$148 ）切成薄片嘅牛肉與洋蔥用特調醬汁燒至入味，甜甜鹹鹹，放喺盛碗嘅白飯上，就成為一道既簡單又美味嘅料理，好食又飽肚。整體來講「山海」嘅食物質素相當高，食得出好有誠意

今次推介呢間屯門馬鞍山都有分店嘅高質居酒屋除咗環境寧靜舒適之外 食物仲超級新鮮最特別係近排推出鮪魚嘅罕有部位 難得一遇好食到震驚味蕾 (˶‾᷄ ⁻̫ ‾᷅˵)推介中意食日本野嘅朋友去試下😋-📌分類#couple_fooddiary_馬鞍山#couple_fooddiary_日本菜🇯🇵 #couple_fooddiary高分系列🤩 -❤︎必食💮炙燒本鮪腦天 $68呢個真係唔係講玩笑 睇相都知正腦天係吞拿魚嘅頭頂部份 一條魚得2片筋少脂肪多 本身已經稀有呢個腦天仲要勁厚切 炙燒後更充滿魚油香魚味比中拖濃一倍有多(●’◡’●)ﾉ😋：5/5-💮火炙魚背壽司 $38呢個魚背火炙後係勁多魚油 入口即溶 必點❤️😋：4.7/5-💮特選壽司盛盒 8件 $238軍艦｜三文魚子 海膽▶️吞拿魚蓉壽司｜三文魚 帶子 油甘魚 熟蝦 赤身 中拖羅呢個盛盒一次過滿足曬食吞拿同三文魚嘅願望最正係三文魚子 粒粒都係卜卜口感(⁎⁍̴̛ᴗ⁍̴̛⁎)咬爆之後爆魚油嗰下好正三文魚好厚切 魚味好出 帶子好鮮甜 有驚喜(•̀ᴗ•́)و😋：4.5/5-❥本鮪盛盒 $188 5件吞拿魚不同部位吞拿魚蓉 火炙大拖羅 大拖羅 中拖羅 赤身火炙大拖羅最吸睛 厚切

到馬鞍山賀朋友新居入伙, 好客嘅佢帶我行出廣場,往地面一直行, 黎到呢間日本料理餐廳。餐廳門面至內部同樣光鮮, 非常整潔企理, 主打刺身、壽司、串燒、小食, 仲有清酒...兩個人食嘅野唔太多, 只能order幾款share食。【灸燒本鮪面頰壽司】HK$68整條鮪魚嘅面珠燈肉相對比例小, 亦唔係好多餐廳有供應; 將鮪面頰肉於表面火灸至五成左右熟, 中心keep刺身口感, 表面滲出魚油, 令口感很更嫩; 微熱魚肉冇筋, 夾埋壽司飯、紫菜、香蔥食, 平衡到面頰肉本身魚油嘅油膩。【三文魚盛盒】HK$108一次過品嚐三文魚、三文魚腩、火灸三文魚、火灸三文魚腩同埋三文魚小卷;三文魚、三文魚腩兩者其實分別唔大, 火灸過後嘅三文魚, 表面滲出薄薄一層魚油, 魚香重一點點; 很欣賞壽司上嘅三文魚都幾厚, 很滿足 【炸雞軟骨】HK$58炸後表面乾身不油, 爽脆有口感, 自行支少少檸檬汁提升味道。【特選刺身丼】HK$298一次過品嚐五款刺身, 包括金目鯛、深海池魚、大拖羅、帆立貝、牡丹蝦; 金目鯛、深海池魚好少可係丼飯上出現, 而且係厚切, 金目鯛魚皮被火灸過, 帶點爽口; 深海池魚肉質細嫩爽口; 帆立貝、

餐廳環境令我非常想念日本。座位與座位的空間寬闊，十分舒適。侍應待客亦十分有禮，招呼十足。••••••••••••••••••••••••••••••特盛鰻魚丼 $168Jumbo Eel Don 鰻魚多得像一座“鰻魚山”，沒有細骨。美中不足的是，外皮燒得不夠脆。蛋絕對有驚喜，蛋味濃，又不會太甜。••••••••••••••••••••••••••••••特選刺身丼 $298Premium Sashimi Don刺身份量多，有牡丹蝦、油甘魚、金目鯛、帶子和深海池魚，每樣各兩塊。金目鯛較少見，肉質嫩滑，沒有魚腥味；帶子鮮甜。配魚生的醬油味道適中，不會太鹹亦不會太甜。••••••••••••••••••••••••••••••佐賀A4和牛(肉眼）壽司 $88A4和牛 (肉眼）啖啖肉，牛味濃，份量不會太少，但距離入口即溶還差一點點。••••••••••••••••••••••••••••••炸雞軟骨$58Deep-fried soft chicken bone 小食之選！外皮炸得十分鬆脆，雞軟骨每粒都連著嫩滑的雞肉，外脆肉軟，加少許檸檬汁更可一解油膩感。••••••••••••••••••••

睇完D食評，諗住試吓哩間壽司，所因為驚無位所以咪訂位啦，點知到左都無位，我地已經早左到，大約19：30到，訂左19：45等到20：15點都未有位，其實真係唔知訂枱有咩用

由於太耐冇得飛，十萬個掛住日本🇯🇵，所以放左工之後就同朋友試吓依依間野，平時經過門口都好有日本feel 😀由於我哋唔係好肚餓，今次我地叫左刺身，sushi, 手卷同串燒 😎小編推介原條池魚刺身，刺身有兩種食法，一個係厚切火焰🔥，另一個係薄切，再配上柚子豉油，感覺真係好清新🤣，食唔停口👍🏻另外推介嘅係本鮪盛合（5件），全部都係吞拿魚為主，有中拖羅壽司，大拖羅壽司，火灸大拖羅壽司，吞拿魚腩壽司，拖羅蓉軍艦，一次過食晒唔同等級嘅吞拿魚，可以有比較，小編當然最鍾意食拖羅啦，拖羅油脂分布好平均，好肥美😋仲叫咗個灸燒本鮪面頰壽司，呢個部份係用吞拿魚嘅「面珠燈」😂，肉質好有彈性，口感一流，聽餐廳職員講個部位好罕見😆，咁當然要試吓啦小編覺得整體都唔錯，係一個唔錯嘅體驗，食物質素都好高質，而且裝修都好由日本特色，好似返咗去日本咁👍🏻😜

老遠跑來，又是一句：朋友推介！單是11月，她便來了三次。既然如此，就來「見識」一下。😉大約6:00pm到達，可以任坐。和式裝修，色調柔和，予人舒服的感覺。甫坐下，朋友便立即推介三色丼，可惜海膽無貨，我們便選了海鮮丼。各款刺身均屬厚切，口感不錯，不過未有那種一試難忘的鮮味，質素與價錢大致相符。之後，就是豚肉鍋。忘記拍照😅，那就不多提....厚燒牛舌，味道不錯！炸雞軟骨，油比較多.....朋友是馬鞍山居民，喜見有水準的日本菜，因此一試再試；而我，作為九龍人，各區實在還有很多選擇......😄😄

今日黎開馬鞍山探個朋友，見有啲肚餓就嚟到呢間位於馬鞍山廣場新開嘅日式居酒屋：山海同一般香港嘅日式居酒屋唔同，呢度環境好闊落，坐得好舒服，而呢度嘅裝修都好有佢嘅特色㗎！！黎到先叫佢強力推薦既本鮪腦天壽司同本鮪面頰壽司🍣，本鮪即係吞拿魚當中體積比較大同比較昂貴嘅，唔係好多地方食到😋😋而腦天同面頰就係當中最珍貴嘅部位，腦天即係魚頭頂的肉，口感好滑，脂肪多，魚味濃郁，面頰肉，肉質爽口，充滿彈性另外叫左份壽司set，壽司都好新鮮，鮮味濃郁，當中以魷魚最為出色😋😋而家天氣咁凍，就梗係要叫個鍋，份量都唔細，而佢嘅豚肉質素都好高，油脂比例啱啱好，入口即溶，好食😋最後就叫咗兩個串燒嚟埋尾，牛舌好厚好入味，雞腎夠爽口，而最值得欣賞嘅係佢嘅調味，唔會太咸又唔會太淡👍🏻👍🏻

Omg! 我成長而且有美食沙漠之稱嘅—馬鞍山，最近好似有越來越多有質素嘅餐廳進駐！就好似呢間新開的日本餐廳，和風木系的裝修非常舒服，居酒屋的大門亦係好好的打卡位😍期間限定的灸燒本鮪面頰壽司，極香魚油味，入口即溶😋特盛鰻魚丼， 鰻魚極多，真係食極都食唔完😋我唔最意特上壽司盛盒，有8件壽司，包括蔥吞拿魚腩軍艦、北海道三文魚籽軍艦、北海道海膽軍艦，三文魚、油甘魚、帆立貝、虎蝦、拖羅壽司，件件都非常新鮮同厚切，呢個餐最啱我呢d 貪心的人😋聽講晚市仲會有串燒供應，我一定會再黎試架！

趁今個星期五放假，黎到馬鞍山搵朋友食午餐～☕️ 好耐冇去馬鞍山，原來而家呢度唔再係美食沙漠，有好多好嘢食呢！🤩朋友推介呢間日本餐廳，午市套餐選擇好多、而且幾抵食～👍🏼 我哋叫咗個壽司+烏冬定食、天婦羅蝦卷+烏冬定食，另外再加一個茶碗蒸～🍥🍣　每個定食仲附送一份串燒添～🤤壽司好高質，刺身食得出好新鮮，三文魚大大塊、鮮味十足～ 魷魚好爽滑，鰻魚厚肉唔會腥～ 天婦羅蝦卷內嘅炸蝦幾大隻、炸得剛好～🍤 雞軟骨串燒用上鹽同黑椒來燒、炭香十足～😋 烏冬好滑、湯底咸淡適中～午飯時間見到都有好多食客，因為真係幾好食而且性價比高，值得再試！🍣🍢🍱🍵

去馬鞍山探朋友，朋友帶咗去試呢間新開嘅日式料理餐廳，環境食物同服務都相當不錯！.🐟 原條池魚刺身 $188原條池魚刺身分為薄切同厚切，擺盤非常考究。池魚肉質細滑爽甜，薄切細味魚肉鮮味，厚切突出魚肉肥美，炙燒過更富油香，兩種食法兩種風味。搭配清新嘅蔥花柚子汁，唔會搶走池魚本身嘅味道，更加提升鮮味。.🍣 壽司「梅」$338有12款不同嘅手握壽司：墨魚、牡丹蝦、帆立貝、松葉蟹爪、油甘魚、平目魚、真鯛，縞鰺、自家製厚玉子、中拖羅、大拖羅、加拿大海膽。每款壽司嘅刺身都大件厚身，用料新鮮。拖羅肥美無渣帶魚油脂香，牡丹蝦及帶子鮮甜彈牙，海膽滑溜味濃，松葉蟹爪啖啖鮮味，非常豐富！.🦪 廣島蠔雜炊 $108份量唔係好大但用料十足，入面有滿滿嘅鮮冬菇同5隻肥美飽滿嘅廣島蠔。雜炊口感介乎于泡飯和粥之間， 綿密鮮味，伴入雞蛋更加香滑。.總括而言：餐廳裝潢走雅緻日式風格，環境寬敞舒適。料理選擇都幾多，有前菜沙律、刺身、壽司、燒物、天婦羅、海鮮丼等等。食物用料新鮮高質，去開馬鞍山不妨一試(●'◡'●)ﾉ