康竜九州拉麵 (已結業)

補番上次個食評:豚肉拉麵：濃度揀了最清淡的, 因生病了,但湯底淡而無味,面又硬,蒜味牛柳粒: 香但好硬,咬唔到!咖喱豬扒飯：咖喱好香，不过上菜時凍咗.玉子豆腐：超咸，根本吃不下去。呢間餐廳D檯拍得好埋,好逼,坐得唔太舒服 >_<可能以为日本有分店就有期望，下次都唔好期望太高啦！反而会有驚喜

又與專業人士午膳，這次由我話事。忽然想吃日式拉麵，康龍話到尾都是九州來品，但從來也未試過，就趁是日來一試。這裡的格式跟上一手舊舖的別府基本上是一模一樣，坐了在吧檯的位置，也不錯。不知是否迎合本地口味，拉麵也有不少的款式，看了一看，還是還原基本步，要了九州叉燒拉麵。 看著師傅在有系統的下麵，放湯，放麵碼，湯麵轉眼就在眼前。先喝湯底，這裡的湯底，可在濃度、辣度等作出選擇，沒有什麼心水，當選中庸之道。九州流當然以豬骨湯底為首，亦以那濃郁的豬油香味為特色，以前在香港吃過最接近正宗的，要數拉麵街的「暖簾」，這裡的夠濃味，除了豬骨，當然也下了不少味精。不過日本麵湯非廣式老火湯，下點味精也不足為怪，喝一口「解渴巨星」，就什麼味精也都可以沖走了；麵身略扁，雖然是很彈牙，但吃落有點硬，不夠軟熟。不過在香港吃拉麵，如不是去那幾間名店，相信以拉麵說，這裡的也是不錯的了；叉燒是帶肥的部份，廋肉也鬆化，有水準的；配料可選三款，要了筍乾、蔥花及溏心蛋，加上大量的蒜未，這裡拉麵，吃起來也有正宗風味的。始終香港地，有水準的日式拉麵甚少，這裡也要數在內的了。包前菜及汽水，埋單50元多幾角，以吃拉麵計，是便宜的了，可以一

4月25日, 又到星期五, 今次搵咗兩間食市出嚟, 一間食印度咖喱, 一間食日本拉麵,最後班同事都係選擇咗食拉麵, 睇嚟佢哋真係好鍾意食日本嘢... 呢間好耐之前已經想去食, 但係一直為咗啲雜錦魚生飯而冇嚟試,同埋原來「康竜(音:龍)」喺日本已經有好多間分店。呢度好得意, 可以自選幼麵、粗麵或芝麻麵, 又可以揀湯底濃度、辣度、油量同啲麵既韌度。 最後我揀咗「豚肉軟骨芝麻麵」($42), 少辣, 少油, 湯底濃度同韌度都係適中,等咗一段時間先有嘢食, 睇嚟師傅真係續個續個麵整。個湯底幾好, 啲芝麻麵真係食得出有芝麻碎係度,件豬軟骨都好食, 可惜太細件喇! 啲豬軟骨就係相中咁多, 係湯裡面都係有色位既一條骨仔, 冇肉架!另外半隻雞啲黃係半生熟架! 我鍾意, 不過要等一陣先好食, 因為隻雞凍冰冰架!呢個係同事叫既「燒汁者豚肉芝麻麵」($38),同埋話成件都係肥膏同硬既軟骨, 根本冇肉食喎!(其他人都係重覆叫咗呢兩款麵)除咗麵外, 仲有個小菜, 話日日新款喎~ 今日係溫室酸瓜, 幾好食, 但少咗啲。食完麵後仲有個甜品, 有兩個樣架! 一個跟兩粒蘆薈肉, 一個跟一片白朱古力。食落先知, 面層似

味道唔錯,比起好多所謂日本餐廳好,起碼食完唔會口喝,服務員就有時顧住傾計,踓多我每次去都係2-3點,但都有8-10個客人,佢地可以唔同客人加水,同埋都有幾多蚊仔,都幾影響食慾,但個牛肉粒真係好唔得,因為太干同埋唔好食,希望我下次再去既時候可以改善下.同埋覺得只係得新界同香港區有,咁九龍區唔太就腳

happy friday!!!~~ honey帶我去食日本野~好多人食wor!~ 不過就好似少d菜式揀...個雞翼拉麵加餃子~~ 都幾抵丫~ 配菜仲比我地要3隻雞蛋tim!我就最鍾意個玉子豆腐啦! 又滑又熱辣辣!!服務其實幾好ga~ 可惜冷氣機滴水滴落杯茶到...到埋單移開杯水先發覺...= = 希望honey唔肚痛啦!!! ^^~

曾食過一間日本同名的拉面店返來見到熟口熟面當然捧場啦~張單依然係有得選湯底濃度,面硬度等等但多了辣油和配菜等選擇~~個人愛吃硬面,而且愛辣可惜面來到兩樣都不足...所謂的多辣就只是那一pat?不過多有多吃少有少吃~加上辣味的湯底味道還是不錯的~另外面條絕稱不上硬...很失望...究竟是廚房沒跟指示,還是碗面在counter擺了一會才有人送過來呢?總覺得不是剛煮好的熱度...結果面條毫無嚼勁, 也沒心機吃了...吃剩了半個之多不過那個汁煮豚肉的確很好吃, 是厚切的腩肉來的我愛肥肉所以覺得份量剛好~不會"漏"呀~厚切不不會增加吃的難度!因為難得地腩肉瘦的部份也煮得好腍,這要一讚!另外叫了雞軟骨, 蒜香牛柳粒兩款小食~雞軟骨很細粒...為什麼沒有關節位的油香部份呢?個人覺得可以不吃蒜香牛柳粒則未見蒜香已被至硬身的牛柳嚇倒了可以當是香口膠般鍛練面部肌肉啊!一定不會再叫看在豚內份上,下次我還會再給這裡的拉面一個機會~但如果面質都是如此不濟的話...不如回去三八食好過了...

很多謝食評人和風品味於2008年4月20日給予本店之意見，本店為帶來和風品味之不便及不滿而致歉。對於和風品味所提出之有關本店服務及食物的問題，本店已向各員工加強訓示及改善服務質；並加強檢測食物以確保食物品質之穩定性。本公司十分抱歉上述事件的發生，希望食評人和風品味能與本店聯絡，讓本店作出正面的致謝。本店歡迎各食客繼續光臨指導。

我在三個星期內兩次到訪該店。第一次：覺得還可以，但服務一般，還計錯單價錢，但仍吸引到我再次惠顧。第二次：我們共點了三碗拉麵，其中兩碗是小辣，但很明顯不一樣，和麵都不像第一次食的，不似拉麵了，服務依然的差，侍應都忙著閒聊，都忘記了倒茶。我應不會再光顧，因為在銅鑼灣有太多選擇。

汁燒豚肉芝麻拉麵：第一次食豚肉，所以嚟到先知係肥肉，不過食落真係１ｄ都唔覺得肥膩！ｇｄ！但好有罪咎感．．．芝麻麵無乜特別～炸雞軟骨幼麵：普通，雞軟骨份量好似少咗ｄ～格局：有ｄ似快餐店，檯與檯之間拍得好埋，感覺是食完就想走，唔會想坐係到吹水～服務：ｏｋ，ｄ侍應都會有笑容～

之前睇過大家對呢間麵店o既食評,有讚亦有彈,好有興趣一試,結果尋晚就同左女朋友黎呢間麵店試一試味道如何,我女朋友就要左一個吉列猪扒拉麵,而我自己就掙扎於燒汁煮豚肉與猪軟骨之間,結果招牌菜戰勝了,我要左燒汁煮豚肉粗麵,點了菜,d麵好就快送到,先呷一啖湯底,發現d猪骨湯o既味同出面食開果d拉麵店o既味道有d唔同,我同我女朋友都覺得,d湯o既味道有d似o係屋企煲果d青紅蘿蔔煲排骨湯o既味咁,不過我地都覺得d湯好好味,飲得出好有猪肉同雞o既鮮味,冇出面食開果d咁味精feel,唔錯!再試一啖麵,d麵都好彈牙好爽口,d吉列猪扒亦都抵讚,d猪扒厚切但食落唔韌,外層脆漿亦唔會太厚.個燒汁煮豚肉都好入味,不過由於本人有肥膏恐怖症,故此,只試左一啖之後就冇再食.服務都唔錯.美中不足o既我諗係d麵o既份量比較少.整體上確實唔錯值得一試!

十分感謝食評人luigi於2008年3月23日提出有關本店之寶貴意見，就luigi所反影的問題，本店已向店員特別強調及指示，必須根據客人選擇來提供標準份量的湯口味，包括湯的濃度，油量多少及辣醬多少等。本店再次多謝食評人luigi之意見，並歡迎各食客繼續光臨指導。

由於剛在長洲吃得很飽，只想吃少少野當晚餐，見這間的食評不俗，覺得能自選配料方面給食客選擇，於是入去一試兩人分別不約而同的點了粗身的豚肉拉麵和炸魚柳拉麵。女友的拉麵點了少辣但奇怪湯底比我的還要多辣油。說實的麵身有點奇特不似拉麵，入口倒像中式的油麵。而我的炸魚柳真的只有一個脆字，內裏肉質很乾身而且很硬，女友食過後要我講才知食的是魚柳……而女友的豚肉則可以，雖然沒什麼燒汁但厚厚的吃下去也頗okay。蜜桃特飲則一般，蜜桃味濃得來有點味道怪。以$50左右能在銅鑼灣吃一餐晚飯，一分錢一分貨，當然不能要求太多，整體尚算中規中矩。

去開銅鑼灣又好想食拉面, 突然唸起依間去試下, 以前係東京食過都唔錯燒汁豚肉好硬, 乾爭爭, 幼面好似自己百佳買黎住d陽春面, 第一次食正宗日本野紫菜係好似四洲紫菜咁咸蒜味牛柳粒炸得太耐, 都係好硬, 粗面好少少, 不過好普通, 周圍都食到冇必要去依間食囉

第一次食有五樣配料俾你揀~ 糖心蛋几正~除左粗同幼麵, 重有"芝麻拉麵"~ 有湯底揀~ 大/中/小/無辛~我食"七味粉雞翼拉麵"~ friend食"燒汁豚肉拉麵"佢極力推介的"燒汁豚肉", 入口即溶呀~ 豬骨湯底不錯好濃郁唔覺有味精

要乜乜野菌搭粗麵，加糖心蛋，木耳，加上。。。忘了。野菌好大隻，糖心蛋可以，湯底味好濃，粗麵呢，口感有啦，但比我感覺像粗身蝦子面，還是吃幼的好。份量不多，不過以價格來說，在這區也不能要求太多。餃子唔油，有D幹爭爭的感覺，但餡料味道很鮮。環境很好，不太多人，我們吃完坐了很久不斷吹水，無人干擾。會再來。