影片
更多
2010-07-07
25 瀏覽
第一次幫襯spaghetti 360,同朋友黎食,各樣都不過不失啦,唯獨臨尾比個staff嚇親今次我地係嗌個2人餐,有$218同$176兩個揀,其實差唔多,只係我朋友想食218果個而已先講食物質素先:1)湯方面,加9蚊可以加so皮,但塊皮唔夠香喎,有少少油炸鬼既感覺,想重拾食早餐感覺既朋友可以一試既2)然後黎個小食,呢個係有芝士條同牛肉粒揀(好似係),咁揀左芝士條隻芝士條其實未黎前,我冇咩大希望,預佢勁乾果d;黎到又唔係咁喎!似ok脆脆地喎,但冇預佢係香;食落,哇!唔止鬆脆,仲好香tim!!試一啖冇點芝士醬,都幾好食,點埋芝士醬..哇不得了...愛上左3)未食晒d芝士條就前後腳黎左個意粉同pizza,上菜上得幾快意粉睇落好少,但食完芝士條兩條,食半個意,我都有少少飽既感覺,本來對個意都冇咩大希望,但食落幾香茄味,又唔會太酸,又冇話太淡,不過不失,但佢有d茄粒,生生地咁,唔錯喎,個精華係塊雞扒,真係好滑喎!!又唔太油,雞皮又香,真係冇咩可能發生:「我要食雞唔要雞皮」事件又入味,因為塊扒,為個意粉加50分,130分呀!4)個pizza真係驚喜黎,2mm,真係2mm,有少冇多,但唔算脆,但香
今次我地係嗌個2人餐,有$218同$176兩個揀,其實差唔多,
只係我朋友想食218果個而已
先講食物質素先:
1)湯方面,加9蚊可以加so皮,但塊皮唔夠香喎,有少少油炸鬼既感覺,
想重拾食早餐感覺既朋友可以一試既
2)然後黎個小食,呢個係有芝士條同牛肉粒揀(好似係),咁揀左芝士條
隻芝士條其實未黎前,我冇咩大希望,預佢勁乾果d;
黎到又唔係咁喎!似ok脆脆地喎,但冇預佢係香;
食落,哇!唔止鬆脆,仲好香tim!!試一啖冇點芝士醬,
都幾好食,點埋芝士醬..哇不得了...愛上左
3)未食晒d芝士條就前後腳黎左個意粉同pizza,上菜上得幾快
意粉睇落好少,但食完芝士條兩條,食半個意,我都有少少飽既感覺,
本來對個意都冇咩大希望,但食落幾香茄味,又唔會太酸,又冇話太淡,
不過不失,但佢有d茄粒,生生地咁,唔錯喎,個精華係塊雞扒,
真係好滑喎!!又唔太油,雞皮又香,真係冇咩可能發生:「我要食雞唔要雞皮」事件
又入味,因為塊扒,為個意粉加50分,130分呀!
4)個pizza真係驚喜黎,2mm,真係2mm,有少冇多,但唔算脆,但香,
佢d料係一塊一條炸雞,生菜,生薯仔片,芥辣(ok少)
個pizza係清,加炸雞又中和返,
生菜生既,好有食草既感覺,
生薯仔片就真係唔得喇...熟左拎去焗應該仲好味,
雖然除左條雞之外,樣樣唔掂,但連埋個底黎食,係唔錯架喎,
又健康,好岩減肥中既女仔,高纖呀!
第一次係街食飯食完會返到屋企有便意,證明真係高纖
成餐飯,每味菜都有好有唔好,芝士條除外,但真係比個湯塊皮扣晒分
環境:暗暗地,純白色既卡位,微紅既燈光,幾分似mk老富昌喎
裝修比老富昌新好多好多tim!但我同朋友係坐門口轉左第一個位,
所以係冇咩feel,不過我同個fd去,浪咩漫丫入面真係浪漫d
服務:其實唔錯架..開頭入去前,你未行埋去,佢會由得你睇meau,
我幾鍾意呢種,冇咩壓力,你行入去,佢就主動問你幾位,
又冇話催你嗌野食,又冇話自把自為咁話最尾先落餐飲,
而且食飯途中又冇咩走埋黎斟水呀果d,幾岩傾計
不過岩岩都講過係比個waitress嚇親,哈,其實是咁的:
咁果陣我諗住嗌埋單,舉一舉手,遠方既waiter就行埋黎,
突然之間門口果位waitress衝埋黎而且好緊張咁問:「係小姐要d咩」
haha,香港人咁緊張既,放鬆d啦香港人
張貼
