意粉 360 (已結業)

一個人去食晏，　點了一個set lunch ($49 + 10%)，　有沙律，　湯，　肉醬意份，　tea白湯有好濃郁既忌廉味，　好多mushroom，　好濃味，　好正沙律有粟米，　青瓜，　生菜，　波羅，　清清甜甜好醒胃肉醬意份係用牛肉，　茄汁唔太突出，　令牛肉味冇被淹蓋，　意份幼身彈牙服務員有禮貌，　反應快食完個晏好滿足，　下午工作都充滿精神！！！

先聲明,為了押韻,所以標題寫'意粉屋'.其實我係去其姐妹店-意粉360先真今日再計劃去小曼谷食泰菜~點知我記錯貼士,假期晚想來食的話應該要五點幾到了orz...!今次去到六點半,太遲了,門外已有成百人在等!!!!老友說等不到吧...唯有回市中心去食次選,意大利菜雖正值晚飯繁忙時間,來到7點鐘左右,幸好還有位.點知過多十幾分鐘,連平時鮮有人光顧的360都能全場爆滿我們來個匯豐套餐$208,得知360的食物份量較細,所以提議加多個小食.最後份量剛剛好之餘亦食得飽我!跟餐的三文魚忌廉湯不合我意,downgrade下要菜湯湯汁以酸味為重,菜蔬亦算足,正合我口味的,只是油量略多.跟餐沙律是芝麻醬蕃茄,兩者都是我至愛^3^醬汁香甜,配清新蕃茄,絕對是夏日之選.可惜份量太少!!始終是二人餐家陣得半個蕃茄加幾片碎菜葉...幸得老友讓出大部份給我吃小食選了芥末雞翼.哇~小雞們還未發育?雞翼瘦到丫可憐...而且雞翼再一開二的上枱,有點小家哦...不過估不到味道真不錯,外邊炸到香口,中間雞肉嫩滑又多汁.老友大讚個芥末醬好好食添和風pizza沒有話什麼批底,這個選是厚批吧.批底非常得,如像麵包的,有咬口,好煙

由於漢陽苑要等十張枱既關係, 見這間舖不用等位的情況下..故選擇了這間試試..入到去, 只可安排到近門口的位置...因入面已坐滿人了..不要緊..看看餐牌有咩食先~侍應很有禮地問我地需唔需要BB餐具, (因我帶著我個仔仔),又問需唔需要拎個CUSION過黎俾小朋友墊高...餐具是有俾到, 但CUSION要我地再提一次...不過算很細心了!!叫野食先...1.薯風蝦開頭以為老公叫旋風蝦...原來係"薯"...一黎到枱...得三隻...一口就吃掉了~其實不算太特別...只不過是一d薯仔切絲再捲住隻蝦黎炸而已...令我諗起酒樓的沙律角...但沙律角比佢更美味呢!!2.帆立貝有三串, 每串兩粒...有少少芥末味, 算幾特別..3.蒜片牛柳牛柳份量以$38黎講算幾多..味道亦唔錯..肉質好林...連平時唔多食牛肉既BB都食不停口..4.泡菜豚肉石頭鍋飯熱辣辣的, 泡菜同飯一齊食, 十分惹味..可惜豚肉不夠入味...吃過泡菜後, 豚肉變得無味道了...o徒了5.蟹籽海鮮意大利粉見到蟹籽必叫啦, 因為係老公飛佛...見海鮮我又ok, 咁就叫了我嫌個汁較淡...但老公話算ok啦wo...阿B又係食到津

上星期日, 去了屯門的spaghetti360處吃晚餐, 因為店子面積算大, 所以不用等位, 還安排到一個好似戲院情侶座位的桌子給我們, 所以坐得都幾舒服. 點了煙三文魚意粉, 泡菜豚肉石鍋飯, 雞肉沙律薄餅, 以及加20元的酥皮什菜湯和飲品一杯.酥皮什菜湯有什菜湯及忌廉湯兩款可供選擇, 要了什菜湯. 但原來跟酥皮一起吃的感覺唔太夾, 還是忌廉湯最適合. 湯本身味道一般, 有些酸, 但不算太差, 始終加20元換的都不能有太高的要求了. 煙三文魚意粉一般水準, 意粉炒得尚算乾身, 三文魚切得很碎, 食落唔太覺有三文魚的口感, 唔太差, 但無驚喜.泡菜豚肉石鍋飯飯幾好, 夠熱, 泡菜唔錯, 但豚肉唔得, 啲肉質好鞋, 似豬頸肉多些, 而且唔入味, 水準以下.雞肉沙律薄餅全餐最好食是這個, 有別於一般的pizza, 此餅的餅底很薄, 很脆口, 口感及外觀似栗米片, 上面有頗多的生菜, 雞肉的數量不太多, 但此款以清新的感覺為主, 所以其實都唔駛太多的雞肉, 加上表面的少許沙律醬, 好食!吃了合共240元, 由於這兒的食物份量普遍是偏少的, 所以吃完後其實並不是十分飽肚, 加上味道上只是正常一

上個星期四約左兩個朋友食飯,放工入番屯門食,突然諗起呢度,就嚟試下,我地三個人都未食過,都幾多選擇及都好似幾抵食喎,我地三個人叫左一個二人餐另外再叫左一個pizza加20元轉做餐.食物分別係:餐湯跟二人餐的係普通忌廉及雜菜湯,另加20元的係酥皮忌廉湯,熱辣辣都好多料的,好味.360pizza-有些煙肉,火腿還有雞蛋,將雞蛋煮熟切開一片片都幾特別,,我地叫薄批,都幾好味呀,薄薄地,呢種配撘都係第一次食,ok呀雞肉凱撒沙律-雞肉冇咩味,一般啦,沙律的味道都係一般沒有甚麼特別,味道唔係太突出帶子酥-這個8.8元一個,見個圖好似好靚及吸引咁我地就叫左每人一個啦,嚟到個樣都ok,都幾得意呀,有些創意,味道都幾好,帶子都算大粒架,個樣好似鮑魚架.白汁焗茄子-這個都幾好味,茄子吸晒d汁好入味又淋身墨魚汁蠬蝦仔飯-這個都幾特別,味道一般啦,可能我對墨魚汁飯麻麻地啦,但蠬蝦仔好爽口呀,同埋好大窩的.飲品加8元叫左杯熱蘋果綠茶珍珠,好甜,d珍珠入面有些果汁,好甜,要加熱水才可以入口.這裏的食物都幾特別,唔係普通的配撘,不過都係見人見智啦,唔係個個人都啱口味及食物唔係樣樣都可以配埋一齊的.

九點幾入坐,得兩枱人食(可能晏得滯,d人走哂掛)環境唔錯,坐得舒適個男經理服務態度好好.一坐底就問我地飲凍水定暖水,仲介紹左個今期新推介同二人餐,有笑容最後大家因為好肚餓就求其叫左個二人餐食餐湯:龍蝦湯,無咩龍蝦鮮味,但係唔太差.(我加幾蚊轉左酥皮)前菜:芝士焗西蘭花:好多芝士.鐵板牛柳:唔會"鞋"主菜:意粉(唔記得個全名)-果然係賣意粉,唔錯,個汁味道岩岩好,意粉軟硬適中羊架-有四件,配菜有薯條,炸芋絲同三色椒.羊架個汁好惹味,本身佢另有芥末汁可點(我最憎食,所以無點),不過都好好食.羊架就肥左少少 薯條同芋絲都唔差.炸得脆卜卜.但係三色椒就油左少少,同埋無咩味餐飲:跟餐,都係一般餐廳質素,無咩特別由於對方好細食.我又再次"包底".最後飽到上心口.好滿足= ="下次都係散叫!!! 整體算唔錯,如果去開屯門,又想食西餐,都會揀呢間

朋友飯叙，選址spaghetti360。一嚟係因為想嚐新，二嚟係想睇下佢同spaghetti house有幾唔同。一打算餐牌，感覺有d似日式café嘅menu，多左d石鍋類食物，其實好似都無咩分別…另外都有d套餐，而散叫主菜可以加20蚊要多一個酥皮湯同埋餐飲。我地決定叫一個pasta加一個pizza，再每人加20蚊轉餐。Pasta就叫左忌廉汁海鮮意粉同埋360pizza~酥皮湯就一紅一白。首先紅白酥皮湯上場，一貫spaghetti house嘅酥皮湯，另外加上忌廉汁海鮮意粉都穩穩陣陣嘅味道，無驚喜亦都無驚嚇。360pizza反而令我地估佢唔到，首先一出嚟~我朋友就講左句唔係圓嘅!!雖然唔係圓，但又幾好食，配料有煙肉同白烚蛋，食落去有少少咸香但又令我好有食早餐嘅感覺，而埋單就剛好200蚊，食完之後真係忍唔住諗，其實點解要開副線呢，無論價格味道整體感覺除左個餐牌我都覺得係spaghetti house。如果餐廳真係想創新而又要擺脫主線嘅影子，睇嚟要再諗下點做了。

月頭行街睇衫，行到咁上下，有啲肚餓，經過意粉 360 ，見到門口有個大 Menu ，睇到下午茶款式幾特別！急不及待入去試吓！北海道珍寶帆立貝野菌酥皮方塊 $8.8今期優惠小食，見價錢合理，餐牌圖片賣相不錯，一試無妨！以蟹籽配上青芥末醬、帆立貝、野菌並以酥皮方塊墊底；做得精巧有心思，以豆苗芽作點綴，突出美感！第一口已經食到攻鼻嘅 Wasabi 日式芥末沙律醬，Wasabi 沙律醬配合蟹籽，配合起嚟味道都唔錯！兩者放在帆立貝上面，一來作點綴，二來可以調味。帆立貝係日本人叫法，其實就係我哋食嘅扇貝；亦有公乸之分，就係睇橙色部分，有時係綠綠地色，我都忘記邊隻色係公乸！Sorry! 呢粒帆立貝算幾肥美！帆立貝與酥皮方塊之間，係野菌所在，野菌即係蘑菇，將蘑菇切成粒，醃埋醬料，好惹味！酥皮方塊口感好似食緊牛角飽！雖然薄薄地，但係夠鬆化！焗芝士牛肉肉醬薯條 $26焗芝士肉醬意粉就食得多，以牛肉做肉醬焗薯條真係第一次試！幾有新鮮感！估唔到味道係出奇地夾！每條粗粗嘅薯條炸得金黃，外脆內軟；然後同芝士肉醬一齊焗，十分滋味！大部分有成 3 吋長，食起嚟好有口感，兼有薯味。平時食慣蘸上茄汁，今次配上芝士牛肉肉醬

每次經過都好香(可能其實係隔離間a-1先真XD)所以搵左一晚3個人去試真係好好味!!叫左個2人套餐 $188 +8湯加酥皮 味道一般 較淡 燒帆立貝串 十個正!! 有D辣辣地 但total係超好味 蕃茄蒜蓉飽 特別 第一次 比起其他普通蒜蓉飽係多左幾分味道 田螺焗薯蓉 不過不失 泡菜牛肉石頭飯 好味! 黑豚肉意粉 似上海粗炒..可能係我食唔慣幼身既意粉 沖繩黑糖薑蜜 熱飲 好薑 但未算好辣 裡面有d百香果珠珠 幾特別餐牌上既食物種類都幾多 去多幾次試新野都唔會悶服務都唔差 唯獨係有一位侍應講野無咩尾音 "唔該 掰掰"都似錄音機= =

話就話開學日，但對我黎講已經無乜意義。因為我都唔會呢日開學，雖然如此，但都要食飯架。嘩！真係估唔到咁多人，都要等一陣位。可能真係開學先多人啦。忌廉湯一如以往既味道，蘑菇既份量都幾多。而且又幾好飲，而伴湯既蒜蓉多士好脆口。呢個又幾好架，食得過。鴛鴦帶子石鍋飯個帶子有幾鴛鴦，我就唔係好feel到。講個帶子，其實個味道就無乜特別，淋淋地又幾好食。都算唔錯既。而個飯既汁係忌廉汁，又幾惹味。而呢次個飯都幾多飯焦，食得好滿足。葡萄梳打冰呢個特飲幾好飲架，個葡萄其實係葡萄糖水。不過又唔算太甜，總之個味道係幾夾架。整體上都唔差既，只不過因為係開學日。人流比平時多，而且人手又唔夠。點都好，實有下次既。

呢日同媽子過黎屯門，唔知點解好想走入黎呢度食野。呢度野食唔算太貴，而且選擇都算幾多，所以都幾吸引我呢後生仔。不過呢日就唔叫set，反而想散叫。小食芝士焗茄子意粉屋都會食既產品，呢度都整得幾好。預先將茄子加上蛋漿半煎炸，再加上白汁同芝士焗。點樣會唔好食呢？個茄子好惹味，而且芝士味好濃，真係幾好食架。主菜和風咖喱一口雞石鍋飯一口雞即係細件既炸雞，呢個就無乜特別。而個咖喱汁就唔會太辣，但同個飯既味道都幾夾。每次食石鍋飯，都期待既飯焦，呢次就唔係太多啦。我有失望，點都好，呢個飯都唔錯既。煙三文魚pizza呢個幾好食，個批底整得好薄。而且配料好多，煙三文魚係好新鮮。而且個芥茉醬既味道好惹味，而且芝士份量都幾多。真係好正。飲品、甜品凍莫加咖啡一飲落去，咖啡味好重。但當中又不乏朱古力味，而且可以自已落糖水，甜度可以自已控制。綠茶雪糕綠茶味好濃既雪糕，但又不乏奶味。呢餐都唔錯既，食物既質素都唔錯。而且坐得舒服，點都有下次既。

下午茶時分，很多人在門口望完餐牌就走，沒有職員上前招呼。因為有建行信用卡優惠才試試，叫了四個餐，兩個價錢較低的半價。下午茶份量預期比平常小，但不至於迷你得如此離譜。索價$32的雞翼薯條是兩隻袖珍雞翼加數條薯條，十條也沒有。兩碟意粉加埋才是茶餐廳一碟的份量。鮮茄意粉雖然沒有肉類，但味道不錯。石頭飯也是迷你版，味道也比和民的差得遠，咖哩是最後才淋上面。反而最好的是咖啡茶，只是媽媽不喜歡凍檸茶茶味淡。最終也只是節省了30多元，如果沒有優惠一定不會去。

難得渡過了五天辛勞的工作日，與周公共襄大事直至翌日的下午。顯然睡眼惺忪，我的肚子還來不及醒過來。雖然如此，但o野始終都要食，於是試下spaghetti 360(應該唔會似昂坪360令人失望la)HaHa! 因未開肚，輕輕叫了兩個dishes.Black Truffle mushroom spaghetti意想不到只花大約$70 便能品嚐飲食界的黑鑽石 - 黑松露。雖然不像一般高級餐廳的做法，將一整片黑松露放在意粉之上，但眾所周知黑松露以濃味見稱，那不如將松露完全溶入意粉之中，而且廚師巧妙地以多種味道較清的mushroom 襯托，突顯松露的味道之餘，亦不失平衡。 意粉硬度適中，如配厚汁更佳。Milan Special點了厚批，厚批感覺較為實在。 味道不錯!用料十足，但不會有令人吃不消的感覺!可能較新，未受大眾所認識，即使在晚飯黃金時間，亦無需等候。

呢日同幾個同學黎屯門食飯，二話不說即刻想到呢間食店。呢間可算係年輕版既意粉屋，裝修同食物既價格都符合年輕人既。所以都不乏呢種既客源食飯架，我都唔例外。酥皮忌廉湯酥皮焗得好鬆化，食落真係好脆口。浸落湯仲好飲，雖然個忌廉湯既味道有小小似曾相識，不過都唔錯既。而伴湯既蒜蓉多士好脆口，蒜蓉味幾夠。360pizza呢個係薄脆批，又幾好食既一個pizza。料有蛋、煙肉、芝士等啦。料雖然無乜特別，不過個pizza既口感同平時食既有分別。個口感好似食緊脆餅咁。露筍煙肉意粉呢個意粉係忌廉汁既，不過味道就無咁濃。但我覺得都唔錯既，配料比我既感覺係好清新。醬燒豬仔骨呢個唔錯架，豬仔骨燒到好。肉唔會太老。伴碟既薯條新鮮炸起，好正。食到飽飽地，可以食凱撒沙律。呢個沙律好新鮮，唔會濫落凱撒汁。所有野都好。西多士配雪糕雖然呢個配搭無乜特別，不過我覺得都幾好食。新鮮既炸麵包配上雪糕，一冷一熱既感覺好特別。葡萄雪糕梳打呢個幾得意既飲品，有個雪糕玩同葡萄既特飲，好正。整體上，食物既質素真係唔錯。而且服務都唔錯架，食豬骨又會比濕紙巾。真係好細心體貼。咁我附近發生左突發事件，個經理度同我地道歉，話唔

七月二十五日﹙日﹚在炎熱的下午找個透心涼的地方避暑，總比留在家中理想得多。正值下午茶時間，看看門外餐牌，下午茶小食加飲品由二十多至四十多元不等，還要加一服務費，價錢不便宜，但既然未試過遇著今天有點想找新東西吃的心情，就跟著店員往內走吧。坐下第一件事侍者先為我們略介紹餐牌，第一個印像來得不錯，至少服務有禮親切。下午茶餐牌是雜亂式，有和風的串燒﹑韓式的石頭飯﹑亦有意式的意粉薄餅，正當煩惱點甚麼吃時候，看見鄰桌點的小薄餅做得挺有模樣，便點了一個迷你夏威夷薄餅﹑串燒帆立貝及名古屋炸雞翼薯角。店員向我們推介了特價的一口吉列石斑只售八元八角一客，就要一客試試。一口吉列石斑賣相不錯，一客三件每件的底部也有青瓜片墊底，表面則加上了沙律醬調味。是不是真正石斑就不知了，但整體而言魚柳炸得金黃而且恰到好處，仍然吃到魚柳的嫩滑，八元八角有這水準這份量，收貨了。串燒帶子同樣有三串，每串兩小粒。單看外表與前者類同，在面頭加上一點沙律醬就是了。不過帆立貝的樣子相當廋少，賣相未算吸引。吃起來完全吃不出燒的感覺，九成是只不過把現貨的熟帶子輕輕放在爐上烤兩烤，便成了這個製成品。索價二十八元三小串，也不是便宜，這個水準馬虎