慢煮工房 (已結業)

慢煮近年於香港盛行，要不便是自己買一部慢煮機於家中烹調，但其實近年也開了不少以慢煮作主題的餐廳，嫌麻煩的可以考慮考慮。此「慢煮工業」位於駱駝漆三座四樓，Typically大量食肆群於駱駝漆這範圍。通常吃慢煮也是advance booking的。4道菜晚市套餐由$108元的黑松露羅勒意粉起，至$398元的超巨型20oz美國安格斯肉眼扒，無須加一，價錢超值，份量超大。奉送是日果茶一杯，微甜，像lite版的檸檬茶。南瓜湯: concentrated，南瓜香氣突出，非常鮮甜濃郁，並不油膩，整體絕不兒戲，達高級西餐之標準。20oz美國安格斯牛扒($398): 20安士的概念便是一般8安士牛扒的2.5倍，可算是巨無霸選擇，再考慮其$398元價錢，堅抵玩!牛扒夠厚切，十分有肉感，無論是肉汁或是肉質，也能達至令人滿意的水平，難以挑剔。牛味比起一般肉眼扒出色，整體可謂美好! 唯脂肪有點多，但難以避免。西班牙伊比利豬鞍($288): 豬鞍能一開二，肥美肉厚，慢煮的特色是能令其肉質保持嫩滑及maintain肉汁，因此非常juicy。肉味適中，為一欣賞之作。另外，北印度乾果飯，或以Cream Risotto來

呢幢工廈都開有唔少既餐廳，今日就試左一間環境舒服，食物高質，Cafe似的既西餐廳門面設計對於位於工廈既佢，都唔算馬虎餐廳於午市時間，主打Set Lunch。一共有八款選擇，當中亦包括素食，照顧唔同客人嘅需要價錢有＄88 至 $158不等餐廳內在環境設計相當舒適，左邊可以算係一個開放式廚房嘅位置，而右邊就係客人坐嘅枱，當日午市時份咁岩有一班客人訂咗枱，人數都大約有十多人，所以餐廳都安排到將多張枱拼埋一齊比客人坐叫左野食，好快最先嚟到嘅，係呢個牛油多士，應該係跟餐湯一齊食用嘅，一個餐，就有一塊，雖然細細塊，但係熱烘烘，幾好食之後都好快嚟到嘅，就係呢個餐湯佢係非常濃厚嘅南瓜濃湯呢個湯可以講係小編最近去過嘅餐廳，其中一個最好飲嘅餐湯之一，因為佢將南瓜煲得好溶，完全無粉粒狀既感覺再加埋佢嘅調味用料應該唔多，所以完全飲到南瓜嘅鮮味呢個湯絕對値120分飲完個湯等多陣，主菜都到了。呢個小編揀既$138 慢煮。溫泉蛋。手作流心芝士漢堡扒。葡萄牙蕃茄燴飯望落去賣相唔錯，雖然睇落整體個分量唔算大，不過其實個飯底都幾多既蕃茄燴飯既味道酸酸地，幾開胃漢堡扒大約一個拳頭左右既大小，絕對食得出係手作既感覺，因為味道

想食呢間慢煮好耐了坊間呢排突然興起慢煮🙈 但亦未試過一間完全標榜慢煮嘅餐廳所以拉左男朋友黎試😙.呢間餐廳嘅英文名Sous vide正正就係法文 慢煮嘅意思慢煮係用一種真空嘅烹調方法 將肉放係一個真空密閉嘅空間 再放入慢煮機隔空慢煮水溫去烹調肉類一般唔超過75度而呢個溫度係可以避免破壞食物中嘅纖維😌可以帶到食材最佳效果出黎💕連豬肉牛扒都可以輕易控制成皮脆肉超嫩滑但因為雖花費較長時間 所以肯去慢煮嘅餐廳都比較少始終要預早好多準備食材所以我都好期待呢餐慢煮餐🤤.點完餐就有南瓜湯同蒜蓉包奉上抵讚係餐湯唔hea 南瓜湯好濃郁好香南瓜味😙大愛❤️而蒜蓉包都幾香脆 蒜蓉落手好重 岩哂我地重口味😂.主菜男朋友就揀左慢煮·溫泉蛋·帕馬臣芝士·蘆筍·雙重煙肉燴飯($98)感覺係risotto版嘅Carbonara蛋係20%熟嘅狀態 我地將個蛋伴落個飯到令每一啖都有蛋香😆清楚分辨到兩種煙肉 一種係薄片同平時係Carbonara食到嘅係一樣 另一款係厚切 感覺會有少少似厚身火腿/餐肉 芝士味好濃 但又唔會太膩每一粒飯粒都被個忌廉醬裹住 好滿足但飯粒較腍 如果可以維持有嚼勁會係更正宗嘅做法🙈.而我一心想黎揀嘅慢煮

有一日下午，同女朋友行開觀塘，就去附近工業區食一間以"慢煮"做主題嘅餐廳。慢煮意思係以75度或以下的低溫，再以長達數小時的時間，將食物烹調。美味是其次，最重要是低溫慢煮不會破壞原來食物的營養，大大提升食物的營養價值。餐廳內環境比較幽靜，建議與另一半一齊黎食。餐廳嘅Lunch Set，會附送特製餐湯，今次我飲嘅係南瓜湯，味道濃郁，每飲一啖都感受到重重嘅南瓜蓉👍🏿亦配上一小塊蒜茸包點啜，不會太單調。我就叫左以下呢碟:慢煮•溫泉蛋•帕爾森芝士•蘆筍•雙重煙肉燴飯佢同意大利飯(Risotto)類同，芝士味好重，所以食落去質感好滿足👍🏿再有隻溫泉蛋配，非常滑溜！我女朋友就叫左碟:慢煮•刺身級挪威三文魚•英式腕豆燴飯。注意:有數量限定！大多限定嘅野都會係唔錯!👍🏿首先，三文魚肉質都好嫩滑，質感亦較清新👍🏿配上英式腕豆燴飯，味道好夾！燴飯亦不會太膩，感覺健康，再加上一個蕃茄扒，簡直一流！飲品叫左杯: 茉莉花釀氣泡礦泉水。味道清香，同埋咁大杯，夠曬抵飲！亦叫左杯:莫卡咖啡(凍)(Iced Mocha) 上層奶泡好綿👍🏿，朱古力味道亦不會蓋過咖啡香。總括而言: 雖然"慢煮"賣點係健康，保持食物質素，但味

我哋去一行三人去食，menu只有4 course set dinner，沒有深究就叫咗三個set。食完main course等咗好耐，問係咪有甜品，同埋想睇drink menu再嗌嘢飲，個waiter話：要like我哋facebook先有㗎喎，然後就走咗去！我哋仲好茫然咩嘢facebook？隔一陣個waiter返嚟話已經last order咗冇得再嗌嘢飲，我哋：吓？幾時last order咗冇人同我哋講？個waiter又走咗去！我哋想問清楚點解4 course dinner點解唔包甜品，唔通嘢飲都當一個course？另一個人就淨係拎個menu俾我哋指住一行字有寫要like facebook先有甜品，咁我哋咪like囉！但其中一位長輩冇facebook，我哋都係預佢俾兩份甜品，但佢嚟到又真係只俾兩隻叉！搞到長輩好唔高興！甜品都唔肯食！講真我明白呢種生意手法係想吸多啲客，如果餐廳ok我不知幾落意like，我之前冇任何優待都喺網上同人分享好食嘅小店，但呢like真係like唔落，幾後悔食咗嗰兩個甜品！如果可我想嘔返嗰兩個甜品出嚟俾返佢哋！咁嘅態度，俾你呃到幾多次like都會立即unlike！

今晚來到觀塘APM shopping，買唔到好嘢，但喺就食到好嘢~來到工廈慢煮工房"Sous vide"，法文就係慢煮既意思~想試慢煮好耐la~係埋真係咁正，等我來會一會先~首先來個前菜先…有烤到脆卜卜既牛油香草餐包，配上我最愛的熱辣香滑既南瓜蓉湯，十分香口，入口綿密，撒上小小香草，正~另外還有個麻醬雞粒沙律，頗開胃。到主菜啦~我同老友分別選擇左兩個dinner set，分別係慢煮西班牙豬鞍北印度乾果飯同&意大利海鮮焗飯。兩set都好大份…以女仔來講，一set可以兩個人share~個慢煮豬鞍，有成個手掌咁大舊。表面擦上醬汁黑胡椒略略烤焗,睇表面以為會好乾身。一切開，肉質十分滑嫩多汁，入口勁鬆化，完全唔老，配上個法國青芥末醬汁，食落口更係清新。配上香濃白汁印度米混合紅糙米飯，入面有紫洋蔥粒，核桃乾，乾果肉，一口飯裡有三層口感，搭配完美~再來意大利海鮮焗飯，青口大隻又新鮮，肥美得來又鮮甜，還有隻大蝦烤到脆一脆，蝦頭內有勁多蝦膏，蝦肉彈口又爽甜，配上濃郁芝士忌廉白汁包住粒粒米飯，有少許即磨黑胡椒撒面，令個焗飯食上來creamy得來唔覺得漏…真好味道~最後，一個完美既晚餐，少不了一杯正嘢飲。我

觀塘一帶d工廈開咗好多西餐廳，今次試呢間有近期好hit的慢煮料理行入駱駝漆大廈，有種尋寶感覺環境好清淨，好適合傾計餐湯係南瓜湯，唔算太甜，ok。蒜蓉包餐前沙律，沙律菜配胡麻醬，清新～是日果茶 - 青蘋果茶慢煮安格斯肉眼 $398有 20 oz, 大大份，份量夠2個人share。切開好粉嫩，半熟狀態 黑椒味濃，唔點醬都夠味點咗d羅勒醬會變得清新d，唔同風味慢煮迷迭香燒春雞 $188雞皮烤得脆，雞肉juicy春雞唔肥，啖啖肉咁食，唔怕食到肥膏點少少鹽食仲好味

估你唔到工廈入面都有好feel西餐食，氣氛非常好的，光線暗暗地咁幾有情調，觀塘工廈樓上尋食記.....開始"慢煮 • 紐西蘭雙骨羊架法式焗忌廉薯"Set dinner， 低溫慢煮令羊肉肉質使肉類不會過熱保持到嫩滑效果，肉質柔軟而肉質肉十分之嫩滑，加上肉身厚，味道鮮甜，羊肉原汁原味十分新鮮!"黑松露 •羅勒 •意大利麵"，黑松露風味怎麼都吃不膩，黑松露醬的味道讓人有驚喜;意大利麵面層加入魷魚，松露醬魷魚與意大利麵混合，煮意大利麵麵條掌握得剛剛好，口感很好吃!"烤子大蝦 •青口 •蜆肉海鮮意大利飯"上碟大大份，海鮮有大大隻蝦和大大隻青口睇落都覺得豐富，每粒米都被濃濃的汁包著，加上飯混合了带子肉，真是一口一鮮味，會令人吃不停!Overall Sous Vide的菜式整體黎講係好食，會推薦朋友上去試試同埋有機會自己再去試埋塊慢煮豬扒>>>!

觀塘真是有好多樓上 cafe 這日來到駱駝漆大廈的慢煮工房吃午餐 午餐有 8 款，有意粉、燴飯、沙律 ... 全部都是『慢煮』的菜式 因為店名『Sous Vide』就是法文『慢煮』的意思 餐廳的菜式當然是以真空低溫的『慢煮』烹調法喇 !!! 我們點了兩份午餐 ... 先來兩份南瓜湯和牛油法包 接著，到我的主菜 ... 慢煮。厚切豬扒。蘋果醬。香脆薯角 HK$128 豬扒外面煎至焦香，裡面肉色呈淡粉紅色，別以為是未煮 其實已經煮熟，由於肉類長期處於真空低溫狀態，所以色澤可能仍是淡粉紅 豬扒份量十足，真是好厚切，咬落去啖啖肉很有口感，很爽呢 !!! 很鍾意甜甜地帶微酸的蘋果醬，感覺很清新，很適合現在悶熱天氣食的菜式 ~~~ 慢煮。特級美國安格斯牛仔肋。那不勒斯意大利麵 HK$148經過慢煮的牛仔肋肉質軟嫩，啱哂牛魔王囝囝午餐附送冰凍的夏日果茶，入口又香又甜，水蜜桃味較重，味道很清爽 ~~ ** 以上分享是以我的口味、喜好和情況作出分享及感受，一試 / 合用與否請自行決定

又係搵好食嘅日子，黎都觀塘，一定要去工廈，搵好食。 嚟到呢間餐廳， 一人一個dinner set 。前菜方面沙律， 用料新鮮黑醋夠香， 最重要啲菜洗得夠乾淨。餐湯緊係我之愛，忌廉南瓜湯，忌廉味好香， 最重要佢真係用南瓜打成，唔係搵啲濃縮劑去開， 食落仲有一絲絲嘅南瓜口感， 個湯再點埋佢送嘅麵包， 真係分外出色。主食一心一個大不同，完全行2個不同風格。慢煮西班牙伊比利豬鞍配北印度乾果飯跟蘋果薄荷慕絲， 慢煮即係慢煮用嘅時間上菜嘅時間都比正常長， 但係呢度真係幾好食， 豬鞍煮得完全唔老， 好嫩口，但係又唔會冇味道。 至於北印度乾果飯 ，甜甜地 ，入口好得意。 雖然同我以前食嘅乾果飯有啲唔同，但係佢更切合香港人嘅口味。至於另一主菜，烤帶子大蝦，青口，鯷魚蜆肉海鮮意大利飯， 雖然上得好快， 但係味道比較淡口， 大蝦青口鯷魚蜆肉都係新鮮嘅， 但係個意大利飯呢，食落去冇咗意大利飯嘅口感， 有少少失望， 不過勝在新鮮搭夠， 同埋都幾大份有曬飽肚。遲咗發現 讚好面書送自家甜品， 食到飽曬先見到蝕底咗， 下次再試。飲品洛神花釀氣泡礦泉水和陳年老桔釀氣泡礦泉水 兩個都好好味，陳年老桔夠曬陳年， 洛神花好香

很喜歡Slow Cook菜式，將食物用75度以下低溫慢煮數小時，可以令肉類更軟腍入味，啖啖肉的雞胸，從此不會再又乾又嚡！知道觀塘有一間「慢煮工房」，主打Slow Cook菜式之餘，其大蝦意大利飯更是鮮味無比，讓人一吃愛上！ 「慢煮工房」位於駱駝漆大廈三期，這裡食肆林立，要突圍而出殊不簡單！餐廳在晚市提供四道菜晚餐，慢煮與非慢煮菜式都有，這晚我們點了「烤帶子大蝦‧青口‧鯷魚蜆肉海鮮意大利飯」 ($228)，和「慢煮‧迷迭香烤法國春雞香脆薯角‧烤茄子」 ($188)。價錢不便宜，味道又如何？ 前菜是雞肉沙律，雞粒啖啖肉，味道不錯，不過雪得有點硬，美中不足。蔬菜夠新鮮，與芝麻醬很配合。 今晚的餐湯是南瓜湯，沒有過分creamy，反而是香甜的南瓜味，不俗；蒜蓉多士也夠香脆。 餐飲是蜜桃果茶，清香的桃味，沒有過甜，是消暑妙品。 店員介紹我們吃這個大蝦意大利飯，雖然不是慢煮菜式，但一樣深得客人歡心。其實我一向對意大利飯沒有多大好感，因為怕奶味，也怕難消化，不過這個飯卻真的令我刮目相看！ 沒有令我反感的奶羶，反而是一陣海鮮鮮香，也許是鯷魚的神奇力量吧！飯內有洋蔥、脆煙肉粒，還有帶子、魷魚和蜆肉等，

觀塘工業區向來「禾稈冚珍珠」，這間主打慢煮菜式的餐廳菜式選擇不多，只有套餐而沒有單點菜供應，不過晚市套餐價錢合理，所以我們二人共點了三個套餐，分別每人各一個飯餐及另外再點了一份羊架套餐。首先送上沙律、南瓜湯及牛油法包。南瓜湯份量雖少卻真材實料，香甜軟綿。另外配上一杯清爽甜蜜的夏日果茶。慢煮•法式小鍋燉牛脷•番茄醬紅米飯 ($198)雖說是「小鍋」但其實份量之大不容小覷，牛脷煮得軟腍入味，醬汁鹹度拿捏得宜，配上略帶意大利飯之濃稠感的酸甜蕃茄飯，絕對會令人有意不斷添飯。慢煮•紐西蘭雙骨羊架•自家製薄荷葉•忌廉薯蓉•鮮番茄沙沙 ($208)兩大件巨型羊架肥美肉厚，嫩滑多汁，極之出色絕對令人喜出望外，性價比奇高，與平時常於日式放題中吃到的羊架質素毋庸置疑更是差天共地，另外配上軟滑的忌廉薯蓉倍添飽足感。烤帶子大蝦•青口•鯷魚蜆肉海鮮意大利飯 ($228)這裡的意大利飯飯粒質地與別不同，非屬煙韌類別卻反而是偏向湯飯飯粒般的口感，煮得濃厚稠密，海鮮及意大利飯份量亦相當充足。最後讚好Facebook更會奉送是日甜品，不過當天的朱古力慕絲則較為失色，朱古力味略假。單是羊架質素之高絕對足以令人有意再訪，暫

繼續發掘下觀塘嘅工廠大厦食肆，又係時候講快啲歷史啦，喺觀塘做嘢做左差唔多有六七年嘅時間，如果唔發掘多啲新嘢食嘅話呢就真係食到好悶架。今次就發掘左呢一間慢煮嘅西餐，其實慢煮係啲乜嘢嚟嘅呢？初頭我都唔係好知，自從我有個同事喺美國嗰邊買咗一個慢煮嘅儀器返嚟我先開始認識。但係我就唔拋書包啦，我淨係簡簡單單嘅覺得慢煮係容易啲比較低嘅溫度將啲食物慢慢咁樣去煮，透過適當嘅溫度令到佢食物嘅味道，新鮮，營養，保持係最佳嘅位置。今日揀咗午餐嘅，一個慢煮牛肋骨意粉，佢呢一個牛肋骨真係煮得非常之淋，用叉篤去已經感覺到。咬落嘅感覺比起用明火炆嘅肉質更加重要事更加有口感，肉汁更加能鎖住。另一個就叫咗慢煮溫泉蛋，手作牛肉芝士漢堡扒配西班牙嘅意大利飯。呢一個飯局份量真係非常之充足，我特別中意個個漢堡扒，真係有兩個拳頭咁大，而且咬落去嘅肉係非常之有咬口，係用純正牛肉而晤係用雜肉嚟煮。再配上嘅西班牙意大利飯，口感就比較軟身，係我鍾意嘅口感。再加上溫泉蛋嘅蛋汁，撈埋落個飯到，令到飯嘅味道更多。特別重要提一提嘅，就係佢一餐上面係配上水果茶， 炎炎嘅夏日飲番一杯水果茶，比起什麼什麼奶茶，又或是凍檸茶個感覺，更加清新更加好。

跟朋友差不多同一時間轉工，都轉到觀塘去了！近年觀塘成為最新美食之地，這天LUNCH就跟朋友去駱駝漆大廈覓食吧！名為「慢煮工房」，當然食物都是以慢熟的方式烹調！午餐選擇可不少呢～每個餐都有跟湯、飲品及餐包，很脆的包！朋友選擇了慢煮蘋果汁厚切豬排及薯仔，豬排非常嫩滑，配上又酸又甜的蘋果汁，好惹味，很適合夏天，很開胃！豬排可真是十足，名乎其實的厚切，加上香脆薯角，非常滿足！我則是一個魚控，因此選擇了刺身級挪威三文魚，配上英式豌豆燴飯。三文魚的厚度絕不欺場，果然是刺身級，不過如果可以再煮熟些會更好～餐廳行木色裝修路線，很清新的感覺，就抽些時間，細味新鮮的美食吧....

Poached Egg, Homemade Cheese Volcano Burger Steak, Portugese Arroz De Tomate慢煮 溫泉蛋 手作流心芝士漢堡扒 葡萄牙蕃茄燴飯 $138It was already exciting enough cutting open the succulent piece of steak! The melted cheese and poached egg gradually spilled out, adding favourable moisture to the Arroz De Tomate. The whole plate was luscious and flavour was invitingly rich! Thumbs up to the tenderly executed steak! Homemade Pumpkin SoupMocktail Summer Special (+$15)