慢煮工房 (已結業)

今日心情大好!和朋友睇完鬼片後便到觀塘工廠區逛逛開倉。逛到駱駝漆附近見到慢煮工房嘅廣告，我和朋友都未吃過慢煮菜色，就試試吧!餐廳位於駱駝漆大廈4樓，十分易找。lunch時間，餐廳幾乎爆滿，我們點了兩個lunch set。慢煮。香煎雞脾肉饟乾蕃茄澳洲菠菜芝士。象葉生菜($108)首先，店員送上餐湯和蒜蓉包。餐湯是蕃薯薯仔湯，味道香濃。蒜蓉包應該是自家制的，蒜蓉醬不會過多，包身很脆口，用來送湯不錯呢。餐飲香桃果茶好消暑，茶味和果味都濃，喝一口，口中桃味久久不散去。終於到主菜了。雞肉超級滑，還有香香炭燒味!兩片雞肉中間夾著乾蕃茄，芝士和菠菜。雞肉的鮮味因為乾蕃茄得以大大提升。象葉生菜是非一般的沙律菜，每一片的色調十分一至，都是青綠色。吃下更是又滑又嫩。慢煮。温泉蛋。手作流心芝士漢堡扒。葡萄牙蕃茄燴飯($138)前菜一樣，不多提了。值得一提的是，這道菜難度十足。看相片便知道漢堡扒的厚度好比一舊石頭，㕑師要找一隻流心蛋放於中間跟本就是向高難度挑戰。為了好奇心，我們狠狠的一刀切下漢堡扒中間。結果是.....温泉蛋確實能做到流心，但漢堡扒一點紅都沒有，看似有點過熟。幸好，吃下去仍不會太老，牛的香味為

慢煮生活態度@慢煮工房觀塘開源道60號駱駝漆大廈3期4樓T室透過慢煮，保留食物的營養及味道，一般用的溫度是60至80度。長形open kitchen 個lunch set好抵食，有餐湯，果茶同一款主菜，百來元左右更免加一服務費。南瓜湯，純正用南瓜打蓉，天然甜最好喝，跟一塊脆牛油法包。每一點一份再share食，$108 香煎雞脾肉釀乾蕃茄澳洲菠菜芝士配火箭菜沙律。雞比肉質本身已經是嫩滑，食時去掉皮就更健康了。乾蕃茄味道比新鮮更濃縮同強，加上輕微炒過的芝士菠菜，一起送入口。另一份是$158的娜威三文魚配婉豆飯。三文魚扒大塊嫩滑煎到2成熟，omega 是對身體有益，一星期食2次都心臟皮膚都好。飯一粒粒有點黏好creamy，混了紅米同紅蔥碎，食落好香。果茶是紅茶，夏天飲真是消暑。當食物都是過度加工，追求快速的年代，慢食慢煮好似是妄想，但想深一層平日只是填飽，並沒有享受與吸引食物營養，假日有時間要想平衡一下。食飽就要走走路幫助消化了，食得健康才能擁有健康

今日是星期一，為了一星期有一個好的開始，決定食好少少！*特製餐湯是日的特製餐湯是南瓜蓉湯；湯的溫道夠熱；味道偏甜了一點。*慢煮刺身級挪威三文魚配英式碗豆飯($158)因為魚皮和魚的表面用上了鹽醃製，所以偏咸，可以先整走上面的鹽；刺身級挪威三文魚，中間熟與不熟之間，比起平時食到的更嫩滑，有點在吃刺身的口感；飯粒粒分明，帶點硬身，更加入了紅米，是我喜愛的口感；繪飯用上了忌廉汁，但比起想象中的質感不會太稠。*厚切煙肉卡邦尼意大利麵($118)朋友點的*夏日果茶朋友點的跟餐夏日果茶*玫瑰拿鐵($21)拿鐵底有玫瑰糖漿，但是裝飾上少了一點玫瑰花花瓣；味道甜了一點。

係觀塘行街行到夜晚肚餓，見到佢個menu幾吸引就入左去食，估唔到食落有驚喜。間餐廳格局都唔錯，俾人既感覺幾休閒。前菜及南瓜湯：前菜係雞肉沙律，佢落左啲麻醬係個沙律度好野味，簡直幫你開哂胃。個南瓜湯好甜，食得出食材好新鮮。慢煮．20oz美國安格斯肉眼．自製意大利羅勒汁．法式焗忌廉薯：首先塊扒好大塊，賣相好吸引，肉質鮮嫩好juicy，個意大利羅勒汁有少少酸甜，配埋佢塊牛扒好夾。我以前未試過依個汁覺得幾特別，鐘意食牛扒既你一定要試下。慢煮．迷迭香烤法國春雞．香脆薯角：隻雞足一隻，而且好大隻，最緊要係燒得好好食。個皮燒得好脆，肉質嫩滑，食。個薯條都好脆，配埋個沙律醬好match。個茄子就正正常常冇乜特別。夏日果茶：個果茶係桃味既，甜甜地好fresh，食完咁多肉飲番杯果茶個感覺真係好正。總括黎講，依間餐廳既食物質素唔錯，值得一試。

估唔到觀塘竟然有間咁好食既食店，而且店內既燈光同擺設都好高級，我同我屋企人先叫左「慢煮20oz既美國安格斯肉眼·墨西醬·法式忌廉薯」同埋「法式小鍋燉牛俐」前菜，係雞肉+沙津醬，唔至開胃，加埋店主既得意之作，既野飲，食落感覺超清新。加埋法式既面包，唔但至烤過，咬落去好脆，更重要係又唔會令你太飽，又會令你一直期待主菜來臨。南瓜湯方面，實在太好味，個湯既南瓜絲同忌廉結合埋一齊，又唔會到對方個味，煮得恰恰好，而且濃濃既南瓜味配上忌廉，正！！！！！！主菜方面，由於兩款餸既份量都真係幾大，只好分享d比我朋友食，先講「法式小鍋燉牛俐」，唔至做到嫩既口感效果，配埋栗米餅，唔會太肥利之餘，如果可以配白飯/意粉去食就好，實在太好食🤤，呢味餸最大既賣點，又唔會太油又會好食到你飽，我同我屋企人都一致好評。而安格斯肉眼·墨西戈醬·忌廉薯。店長唔但至親自操刀，從新鮮既食材，拿下20oz既牛，最重要係好有心機去煮，個口感/咬口，唔係間間食店能夠做得到，曾經食過大約7-8間專門食牛既店，但係都做唔出呢到既水準，唔至口感好，配埋店主得意之作墨西戈醬，同塊扒同薯都係天衣無縫，每塊扒都係店主辛辛苦苦花好多既精力同時間去切出

觀塘工廈真係一個美食多籮籮嘅地帶，今日同同事嚟咗駱駝漆大廈食西餐，聽講呢度嘅菜式都係慢煮，好耐未食過慢煮味道了。係腦海之中，今日終於可以食返啦。我自己就點左慢煮美國安格斯肉眼餐，頭盤有沙律同是日餐湯，而今日餐湯係南瓜忌廉湯，濃濃嘅南瓜味，好多南瓜蓉，非常有口感，除咗有少少甜，總括嚟講都唔錯。再跟一杯夏日果茶，而我個人比較推介朋友order個杯茉莉花有汽水，清清地幾好飲。講返美國安格斯肉眼先，勁勁勁大塊，生熟程度啱啱好，非常好味又唔難咬，肉汁鎖住晒好入味真係好正，食唔晒打包返屋企再食。而朋友個意大利海鮮飯成蝦好大隻，原來呢度食嘢咩都大，感覺好滿足同埋好抵食。會再嚟！

在觀塘逛逛覓食之際，偶然望到一個廣告拉架介紹一間西餐廳，被展示的美食吸引，再加上我正打算今餐想食扒。所以決定連同友人不坊上去一試。坐下一心打算點叫美國安格斯牛仔肋，但服務員卻跟我們說今天不供應。聽到的時候，心感失望。但既然一場黎到，就唯有試下其他。我們最終點叫一個挪威三文魚英式豌豆燴飯餐和一個厚切豬扒薯角餐。點餐後無幾耐，服務員分別奉上蒜蓉包，南瓜湯和夏日果茶作開端。以南瓜湯作為特製餐湯這個主意都不錯 ，餐湯味道濃。我都幾喜歡這款夏日果茶，爽涼又帶點甜甜蜜桃味。之後陸續奉上兩款主餐。挪威三文魚吃落幾滑，豌豆配燴飯就增加咬感。另外一個厚切豬扒卻令我有點失望。豬扒難切，靭又粗糙。不過有蘋果醬同生果粒鋪滿係扒上，食落就會冇咁乾同多d口感，而且增加視覺上色彩，略為挽回分數。總捨來說，不過不失。

本來試觀塘另一間西餐廳，但因為星期日，那間關門了。唯有改選第二間，見廣告板標示呢間Sous Vide,似乎不錯。於是二話不說就上咗去呢餐廳。上到去見得兩個人食。餐廳長方形，裝修頗殘舊，印象麻麻，既然一場黎到，就試下慢煮的西餐。Menu有8款lunch set可供選擇，價＄80幾至＄158一set。本來想食牛仔肋，但今日冇得供應。唯有改叫慢煮刺身級挪威三文魚，英式碗豆燴飯＄158。三文魚都算大份，夠滑，配頗碗豆的燴飯算不錯又叫了另一個慢煮厚切豬扒＄128，配上萍果醬，蕃茄，薯角賣相不錯，豬扒又夠大份。點知一切豬扒已知不妙，好實，食落更是「鞋」呀不過費事浪費，都把它吃完總括呢餐慢煮不過不失，服務員態度麻麻，付款時連一聲多謝都沒有，木口木臉

觀塘工廈入面一向都有好多隱世美食，所以平時同朋友都會鍾意尋下寶，睇下有冇機會撞中一D好味既餐廳，呢間慢煮工房就係我地咁岩入中既一間高水準餐廳。因為我地去到既時候已經3點，LUNCH HOUR都就完 （好似去到3點半），所以係冇咩人既，唔洗等位都有得入。呢間野顧名思義係食慢煮菜，LUNCH MENU都相當吸引，我地掙扎左一陣最後揀左三文魚同牛仔肋果個SET。首先上台既係跟餐既水果冰茶，水果冰茶飲落好FRESH又唔會太甜，好適合咁熱既夏天飲。餐湯係南瓜湯，飲落好甜同堆勁有南瓜香，比較杰身，好味！個包係法國面包，搽左一層好厚既牛油係上面，焊到脆卟卟咁，好好食。呢個三文魚排賣相已經好吸引，味道亦都非常唔錯。三文魚排非常厚身，表面有一層鹽，表皮煎得十分香脆，而入面的三文魚肉則未有煮至全熟，食落十分嫩滑，亦保留左三文魚既鮮美。個飯既軟硬程度剛剛好，唔會好似一般risotto咁太硬，入口亦有香濃既忌廉味，好味！牛仔肋set亦都非常唔錯~牛肉比想像中軟腍而且味道非常突出，重點係佢係無骨，所以唔洗驚要切咁麻煩。除左牛肉個set仲有napoli意粉作為伴菜，意粉雖然份量無牛肉咁多，但係醬料味道十分特別，

約左其他部門既同事聚聚吹吹水, 順便試下新餐廳, 坐位好潤落, 幾好座, 不過12點45去到至2點走人都唔見滿座, 可能係因為價錢比其他既高左少少卦慢煮厚切豬扒蘋果醬配香脆薯角 (包餐湯飲品) $128餐湯係南瓜湯, 好味好 creamy, 似係打磨南瓜蓉, 一人一塊蒜茸多士 (感覺太少, 因為太薄身)豬扒好巨型, 份量好足, 調味味道好味, 不過豬扒有少少鞋口飲品要左杯夏日果茶 (凍), 今日係水蜜桃, 唔係茶包沖個D果茶黎架, 好濃陏好好味, 甜度剛剛好另外同事叫左個慢煮刺身挪威三文魚英式豌豆燴飯 $158, 俾左D我試, 味道都唔錯

星期日朝早行完山, 同友人各自回家沖沖涼再出黎食晚飯, 所以一直SEARCH下觀塘有咩好食,最後搵到呢間「慢煮工房」, 朋友一向食野唔睇價錢, 所以二話不說就話打去問問有冇位,有就即去~一打去就話幾多位, 我心諗點解星期日我6:15PM打黎訂7:15PM居然都有位, 不過冇為意, 照去啦一去到感覺就係有點日式拉麵鋪FEEL, 不過吧位係唔坐人的, 對住既係OPEN KITCHEN座位大約有廿幾至三十左右, 一位女侍應就招呼晒所有客人, 兩位廚師加一位水吧就負責晒當晚所有餐點我見到其實都想講個服字...其實全晚都係一個餐牌, 4-COURSES SET DINNER, 主菜一堆, 但一半係非慢煮.....先上既係前菜 - 青口沙律老實講, 青口好鮮嫩, 不過希望佢下次清理好青口肉內既垃圾先....另外係DRESSING不足且上唔到菜上面,食極都只有菜本身既味道, DRESSING都落晒底下....另外黃椒我覺得太大件,一係切絲, 一係切片, 沙律菜就唔知點解有種苦味跟住上餐湯 - 南瓜湯好彩個湯都好飲, 本身自己都煮開西餐, 呢類西式湯好難唔好飲,因為主要取決果種菜是否時令,菜本身質素如

常在觀塘工廈流連。無論是買食材以至開餐，這裡一帶的食店及食材舖都成為我們一家最近的至愛....在一眾工廈之中，我最愛亦最常到訪的，便是離鐵路站不遠的駱駝漆大廈....裡頭食店林立。其中一間甚讓我吸睛的，便是這間"慢煑工房".... 店名喚作"Sous Vide"，就是法文"慢煑"的大概意思。嚴格來說，這即是一種真空低溫的烹調法也.... 星期六來時，吃的是這裡的weekend holiday set。裡頭的內容大多是如burger、包及all-day breakfast一類的選擇。從餐牌上喵到一道"慢煑牛脷包"，此時不禁大喜，因小弟不嬲都是牛舌的大粉絲來的.... 打算慢慢享受這一頓。點一杯濃甘度aftertaste甚厲害的expresso，再望著廚子不慍不火慢煑著我的牛舌，登時人的節奏節拍也變得緩慢了，好悠閒.... 靜候了十五分鐘左右後，主食來了.... 第一時間試嗒一口切成丁方小粒的牛舌。吃過後發覺只需用四字去形容，那便是"入口即溶".... ciabatta上塗了大量香草牛油，烘得熱熱的軟綿得尤像柔軟的欖枕般，進口自是極受用；牛舌粒與長腰豆多得全舖滿包身上，豆跟牛舌

煙3文魚奶油天使麵幾好味，好濃但又5會好漏。可能飲慣港式飲茶掛，我地都覺得e個法國白朱古力奶茶5好飲，好甜又好古怪。舊牛好juicy，如果舊牛表面再脆d就更好味😬。個菜、醬、薯條幾好，各樣份量對女仔黎講都岩岩好👍🏻 陳年老桔釀氣泡礦泉水，幾好飲，有d似柑桔汽水e個係weekend & holiday set下午茶再抵d👍🏻Menu drink配餐任揀，又5洗加錢👍🏻除左個古怪奶茶，其他都幾好。服務方面，d staff一開頭好似趕收工咁，一入去就同我地講幾點會break time, last order架喇果d，其實都有一個鐘😓我地食野其實都好快，所以都有照坐低食。之後服務就普通啦，冇特別好亦冇特別差。

諗住母親節食飯，第一次到這店，叫了豬架，一個雞意粉，及一個牛利，前兩樣簡直，雞同意粉都係甜嘅，雞扒除咗層皮係甜之外，啲肉無味及實的的。個豬架又係 (鞋霎霎) 的，超熟加無味。除咗個牛脷還可以外，其餘的真係。但係奇就奇在上菜時間超耐，真係無改錯名慢煮，除咗我嗰枱慢，我見到其他人都等到係咁吹但當時並不是爆場。我哋7點落晒 order，到10點後先完。

之前食過慢煮嘅餐廳，味道令我念念不忘，咁啱拜完山落觀塘行下，見到呢間有慢煮食，即刻入去試下，雖然門口見到餐牌都唔平，想食嘅慢煮平均都要$130-$150，以假日tea time 黎計當豪少少啦，點知就中伏!d野真係唔值呢個價!服務又差!環境又唔衛生!首先，我地3個人入到去，佢安排我地坐最入面嘅4人枱，未坐低已經好多一隻隻野係度飛，呢d唔係蚊之，而個位隔離就係厠所，大家自己諗下係咩！坐底覺得唔對路，我地即刻要求調返去門口附近坐，咁先好d …其實我地一坐低已經點左假日餐牌裏面嘅三個慢煮set, 分別係厚切豬排，牛仔肋同埋豬肋排，點知我地等左超話30分鐘都未黎，廚房有個男人（似係老闆）已經去左兩次厠所，廚房得一個仔煮野，個男人一d都冇幫手，我地黎先落order先，但後面一枱訂左位嘅之後黎，佢地都食到一半有多，都仲未開始煮我地d野!因為佢地係open kitchen ，所以佢地點做野望得好清楚，真係火都黎!等左咁耐完全冇人覺得唔好意思囉，你話你d野好食我都服你呀，但又唔係，比d垃圾人食!你地冇心煮唔好浪費d食物呀！d野食黎到都又唔熱，整完放左係度2分鐘都冇人上餐，個男人淨係同d客吹點樣整d野