慢煮工房 (已結業)

2017-02-16 （Thursday)相約好耐冇見既朋友食飯 想有個唔限時又安靜既環境食野😌 原本聽到佢係慢煮真係有d擔心🌝怕要搞好耐先食到野 去到見到得一個人負責廚房更加擔心 🙄🙄🙄點知佢出野食既速度都幾快🤞🏻 我地叫左兩個sets☺😋一個係慢煮柚子蜜雞扒😋一個係煙三文魚黑松露意粉首先黎餐包 正正常常😎之後忌廉餐湯 (有粒粒薯仔溶 口感幾好😋）再黎沙律 （唔止幾條菜 好足料）食完一輪終到主菜 慢煮柚子醬雞扒雞扒非常嫩滑 唔止塊皮有柚子味 成舊雞都有淡淡柚子味 好開胃😙另一個係煙三文魚黑松露意粉 正正常常😎食完諗住埋單之際 突然上甜品 🤤 係最近好hit 既紫薯配雲尼拿雪糕 口感特別 配上士多啤梨醬冇咁漏 整體黎講成個set 幾完整（配埋餐飲）食左兩個鐘到 慢煮得黎算快 💨🤞🏻值得一試😋

認真講幾句, 見佢新開專登同大人食個遲來情人節飯, 樣樣話慢煮啦, 牛舌的確係好好食, 不過價錢貴佢一倍既肉眼扒, 就相當之普通, 希望佢負責人見到就改良一下, 牛扒我懷疑慢煮時候浸既位置問題? 塊牛扒邊位係比中間生一點, 質感生個邊幾滑但冇味, 但熟D既中間部份又比較硬身, 又夠味一點, 落鹽+黑椒唔均勻都係好大既問題, 其次, 冇扒爐燒佢, 又冇獨特香料落去, 亦有點浪費左依塊牛扒, 揀牛扒亦可能要考慮下, 根位比較多*湯好味, 但份量真係太少..

經過樓下很多次都想試試這裡的食物，今日有幸可以一試。環境不錯，是和朋友閒聚的好地方。食品食香味供俱全，甜品也一絲不苟。慢煮牛脷配紅糙米飯，有薯仔、紅蘿蔔、紅腰豆作配菜，牛脷酥軟入味，紅糙米飯煮得軟軟的，入口沒有糙造的感覺。慢煮雞扒配柚子蜜醬，柚子蜜醬甜甜的透出淡淡的柚子味，開胃首選。配上蕃茄意粉，各種食材都恰如其份。在House made dessert是紫薯蓉配雲呢嗱雪糕，兩樣食材配在一起，賣相精緻，入口亦很匹配。

慢煮從前只有在高級餐廳的餐牌上看到，但是現在越來越普及，就在觀塘駱駝漆工廈中也有它的足影。這間餐廳一索性用慢煮 “Sous Vide” 作餐廳名字，非常直接。Sous Vide是慢煮法的其中一種，通過利用較低溫度長時間加熱，帶出食材（特別是肉類）的最佳效果。基本原理是將食物放入一個特製塑膠袋並且真空密封，然後將整個袋子放入低於沸點的熱水當中烹調，基本需時以小時計算。雖說烹調時間甚久，但食物會更入味，兼且維持在口感幼嫩的狀態。甫入餐廳，店員正在準備。餐廳呈長形，配合開放式廚房，空間感足夠。午餐有6款，包餐湯、主菜及餐飲。介乎 $72-176，而且沒有加一及其他隱藏收費，叫做抵食。【慢煮·厚切豬扒，墨西哥煙燻醬，蕃茄紅米飯 $148】豬扒肉味重而且肉質鬆軟，比上星期在九龍城以豬作招徠的【Pork Bistro】又好味又平。問下豬扒來源地，店員有些猶疑，店東細聲說出「巴西豬扒」。估唔到巴西豬扒可以比西班牙豬扒更加出色！莫非慢煮真的那麼神奇？可以把巴西豬變成上等豬。【慢煮· 紐西蘭燒牛仔肉，胡椒燒烤醬，蕃茄紅米飯 $176】牛仔肉採用慢煮可以保留肉汁，而且肉色也更易呈現漂亮的粉紅色，生熟程度大

今次試個新岀既sausage platter，一次過可以試到多款不同既腸仔，都幾滿足！幾款腸仔都幾好味，各有特色。第一次見到咁大條紐倫堡腸除茄汁之外，還配上芥辣和他他汁。可能我特別鍾意點醬，如果再多啲醬就更好了。奉勸各位腸仔控，如果到觀塘的話，不妨試試！

男人见本宫上次试过呢间午餐觉得几好。平安夜鬼鬼祟祟又话入黎观塘买鞋顺便接本宫收工，原来订左呢度圣诞大餐。黎到发觉同中午唔一样，灯较暗左懒有情调咁，不过几舒服。原来夜晚一坐低就会派篮面包，正确应该派一碟面包，如果可以揀我都比较钟意碟，因为成日形住面包个篮係唔会洗。係蒜蓉包，好蒜，夠热。送一杯圣诞饮品，红色，有玫瑰花香，有橙味，几得意。头盘一碟三款:烟三文魚黑蚧子普通，红菜头好甜，青口都OK清甜。沙律:后尾问个侍应姐姐係咩菜，叫象叶生菜，新鲜唔苦，巴马臣芝士粉橄榄油黑醋，几好，煙火鳮黑椒都可以，亮点係有个甜甜地栗子蓉，好夾。黑松露红萝白汤:黑松露加红萝白忌廉汤，几好，个黑松露好香，少左啲。蕃茄雪葩:未食过，感觉好清新，不过好冻。主菜本宫揀左鴨胸，男人揀左猪扒。鸭胸入面有青苹果，好醒胃同感觉无咁油。个蛋奶酒汁有惊喜，谂起在伯明翰圣诞饮过蛋奶酒，这里卻用来做个汁，配鸭胸好夹，鸭胸约八成熟，火候掌握得好，劲嫩。男人个猪扒都几好，好厚好大件，个汁好醒胃，不过猪本宫一般般。甜品好特别，再一次突显厨师的大胆佧风。辣椒朱古力慕斯，入口係冧酒，辣味随之而来，都几辣，上劲，之后朱古力味先出来，辣完食个甜脆饼

聖誕長假期最後一日, 要珍惜時光!!! 繼續約朋友出街食飯, 慶祝聖誕~~朋友想近近地喺返觀塘區食, 上網search search搵到呢間食慢煮嘅餐廳。一於決定去試一試佢!! 唔知係咪新開, 25號打電話book枱, 都有位!! 喺駱駝漆大廈, 好易搵, 係多人等。入到去, 環境唔錯, 安排左梳發位置俾我地, 對住個廚房。佈置都幾好, 舒服同空間唔逼。侍應好快奉上水同menu。menu係比較簡單, 只有5款set dinner揀。我地一行4人, 除左第一款沙律無揀之外, 其他每樣揀一款。餐湯係小茴香甘筍奶油湯配蒜蓉包, 飲落有啲啲牛腩味, 可能係因為有香料。味道正常, 蒜蓉包好味, 勁多蒜蓉。前菜係青口沙律配油醋汁。青口有少少酒味, 沙律菜撈得幾好同幾嫩。佢有介紹係咩菜, 但唔記得。主菜: 慢煮雞扒配柚子汁同蕃茄意粉。雞扒份量都大件, 皮脆而且上面嘅柚子醬唔太甜, 都ok。意粉就正常嘅。慢煮紅酒牛脷伴紅米飯。紅米飯賣哂, 所以轉左薯蓉。個薯蓉都唔錯, 加左啲肉醬同芝士焗, 熱辣辣, 薯蓉幼滑!!! 牛脷都煮得入味, 配菜有紅蘿蔔同薯仔, 兩樣都炆到好淋同入味!!!煙三文魚配忌廉汁天

已經有5，6年無落過觀塘工業區，因為去丹麥積木開倉先會去駱駝漆，成日睇報紙雜誌都話嗰度有好多食肆，山長水遠去到梗係要搵食啦，漫無目的咁探索，去到4樓見到有一間餐廳門口擺滿花牌，仲有班人影相，應該今日新開張。我係啲煮食群組都見過谷友分享慢煮食物，又話食物營養無咁易流失又話肉質會幼嫩啲，既然呢度叫慢煮工房，主打都應該係慢煮啦，咁就不妨一試。入到去坐低，座位都闊落，嗰陣三點幾有下午茶，有幾款係慢煮菜式，研究左一輪餐牌，有位職員走埋黎介紹餐牌嘅野食，好細心同好詳細，我地叫左慢煮牛脷同豬扒，黑椒香茅炸魚，芝士忌廉蛋牛肉包，加$10可轉特飲，就試下個陳年老桔氣泡礦泉水先，法國有氣泡礦泉水唔奇，但係溝老桔又好似好新奇。可能新開嘅關係，上菜真係要啲時間，先黎芝士忌廉蛋牛包，賣相有啲普通，但係放入口，神奇的事發生了，講唔出嘅好味，然後係豬扒同牛脷都到啦，味道淡左少少，但係真係食到慢煮嘅不同，多汁同肉嫩，最後連炸魚都到埋，一切開個陣我以為炸魚都係先慢煮後炸，但係睇返餐牌又唔係喎，因為切開個下有好多汁流出黎，食到好香嘅香茅味，可能我對香茅有鍾愛，所以呢個炸魚好難忘，從來未試過有一道香茅菜式真係有咁重咁香嘅香

驚喜！值得一試的法國菜！香港人生活節奏咁急速，真係連透氣嘅時間都無。呢間店采取慢煮嘅方式，所有用料都係精心挑選，用心制作。坐喺呢度慢慢咁品嘗每一道菜，真係用錢都買唔到。試左雞同鴨，肉質鮮嫩，一咬落去啲汁慢慢係口入面滲出嚟，真係一大享受！仲有大大杯意大利club soda,特別得嚟又好飲！推薦此店，值得一試！

Had a chance to visit this place after bouldering at the climbing gym nearby (GoNature) and tried their duck confit. I was thoroughly impressed, actually quite tender and juicy. It had a sweet fruity taste, with a touch of herbs. Also tried their jasmine club soda, which was refreshing but came in a large jug so couldn't finish it all.Overall a nice decor and atmosphere. Great for hangouts with friends and even on dates with your love one.I think the concept of sous vide is great... beats most o

第一次去試私房法式慢煮食物，仲去到觀塘，好在食完感覺唔錯，抵！同屋企人一齊去食，老闆特別介紹左個 set dinner menu，夠哂食前菜：餐湯係小茴香甘筍奶油湯，好creamy 配上甘筍味，唔會好heavy, 份量剛好慢煮黑椒雞沙律d黑椒好香、配上新鮮菜，好味Main：我同屋企人各自叫嘅三個不同主菜：慢煮牛脷 – 好正! 牛脷同個鍋入面d蘿蔔、薯仔好入味、炆到好”林”。配番茄醬紅米飯，男仕食份量夠，個人覺得呢個set 最抵慢煮鴨 - 鴨好香口, 肉身乾左dd，但夾埋酸酸甜甜嘅紅酒洋蔥啱啱好。呢個 main 份量最細, 啱d注意身型嘅女士多d慢煮三文魚天使麵 - 個cream sauce ok, 但唔及另外個兩個set 有特色甜品：呢個係全晚至愛，連男仕都啱食菠蘿雪芭 – 用新鮮菠蘿做，清甜、消滯威士忌布甸 – 口感好得意，似d 蛋白布甸，布甸少甜當中有淡淡威士忌味… 真係要自己試吓先知!飲品:餐後叫左杯茉莉special drink, 好飲但好大杯…. 建議大家想試Special drink 都係早d叫，食住飲。如果唔鐘意甜嘅可以叫番 coffee or tea環境:座位唔太逼，比

話說同老婆喺駱駝漆行街，行行吓人有三急要搵厠所，諗住上去樓上有公厠，但原來厠所係喺商戶裏面，見有少少肚餓，就搵間餐廳坐低食個tea, 亂打亂撞搵到呢間主打慢煮嘅餐廳，見價錢唔貴，就入去試吓。果然有驚喜，我叫左個慢煮豬扒飽，咬落去好Juicy, 豬扒有d肥膏，但肥而不膩，麪包有用牛油烘過，唔會齋飽咁寡。炸雞翼就有兒時學校小食部嘅味道，香脆可口，薯條滲左好似shakeshake粉，辣辣地，鹹鹹地，配埋費士芝士醬一齊食，一個字 - 正！咖啡係即磨的，好香！呢間係性價比高，值得一試嘅餐廳

駱駝漆每天都人山人海，近年開了很多不同類型的outlet, 亦有很多食肆。早前過來逛逛，見到4樓開左間以慢煮料理為主題既新餐廳，幾有新鮮感，於事試下。見幾張枱都係叫慢煮牛脷同慢煮鴨腿，所以都照樣order。先來沙律同餐湯，還有蒜蓉包，非常香脆。餐湯是南瓜湯，應該是自家製的。我最欣賞主菜慢煮牛脷的汁，很香濃，慢煮過的牛脷很入味很腍，配以蕃茄飯好夾。我一向都喜歡米飯，如果再多啲飯就好了。鴨腿的肉質都算嫩滑，血橙汁酸酸的剛好解油膩。配菜係紅酒煮的洋蔥，也是酸酸的有紅酒香，非常特別的一道菜。甜品也是慢煮，想不到菠蘿也可以慢煮！配上焦糖，甜度恰到好處。菠蘿雪葩很清新。整體感覺不錯，特別欣賞餐單上大部分都是有誠意有創意的菜式，很有新鮮感，值得推薦。

經過見個呀嬸派傳單，貌似新開張，同两個朋友即管去試下，果然見好多花籃。坐低見個餐牌同環境，似走中高路線。午餐由$70~$160不等，我地點左个牛仔肋，紅米飯同豬頸肉沙律，上菜唔算好快，可以接受。送餐湯同飲品。湯係椰菜花忌廉湯，又幾好喎，入口creamy,牛油同椰菜花味，重唔兌有麵粉味。牛仔肋入口好嫩，个汁應該係牛骨熬制，味濃而有層次。配菜係忌廉薯，入口即溶，非常好。擺盆亦算可以。有驚喜。個豬頸肉亦嫩，見到慢煮嘅功架。炒茴香及火前菜做配菜，炒茴香好正，好小有，火箭菜好新鮮，正。朋友个后來改左個双層肉醬意粉。佢話用牛肉粒溝落肉醬度有兩個口感好正喎。食物方面好用心，正。一定要再黎試下。