新南苑私房菜火鍋鷄煲 (華僑商業中心) (已搬遷) 新店位置

好朋友生日又要搵間好嘢食同佢擦餐勁，有朋友介紹這間好正有雞煲吃仲可以打埋邊爐，即刻唔使講訂枱食飯啦！有個疏菜櫃任取見到有唔同種類疏菜好新鮮有唐生菜、白菜、通菜、粟米、金菇等。飲品一樣是任飲的而前菜係花生雞腳。嘩。。。雞煲出場喇。雞煲有小辣同大辣揀，我們點了小辣而每分半鐘就炒一炒免黐底，炒了三次就全熟食得喇。雞肉鮮嫰醬汁非常入味。吃完雞煲到火鍋時間呀！冰鎮鮑魚，好新鮮食落夠爽脆又彈牙，味道好鮮甜。花膠蟲草花椰青湯底，湯底清甜滋潤而花膠又可養顏，好保身啊！小籠包每個都脹卜卜，仲有溫馨提示淥6~8分鐘食得。牛頸脊，本地手切牛肉肥瘦均稱，色澤鮮明肉質幼嫰而牛肉味道好濃郁。海鮮拼盤好壯觀呀！有六款龍蝦、海蝦、魚片、生蠔、大蜆同青口。任食火鍋配料都好新鮮，特別是脆魚鯇好新鮮又爽脆魚肉好鮮甜。如果想私隱度高的話這裡可以有房間訂的，只是每位加二十元。

朋友食過推薦，一於試下店內位置夠闊，職員手腳好快，因為雞煲炒時香料味道都比較濃烈刺鼻，會幫我地炒雞煲，仲幫手落蟹，好好服務帶子刺身夠大粒鮮甜雞煲超入味好食，我地refill左3煲先夠喉食完雞煲就同職員講要轉打邊爐，我地要左蟲草花膠椰青湯底，湯底好甜好好味，大大個椰青係個煲中間好搞笑再來海鮮拼盆，大大隻麵包蟹同海蝦，蟹好多膏食，鮑魚都好好食，朋友話蠔無腥味食得出海鮮好新鮮小籠包同牛肉ok，唔算太特別食到最後已經好飽啦，任食就是旦叫左少少就已經無再食，實在食唔到啦，有d可惜埋單仲食人送一個奶涷，正完美最後不得不讚飲品款好多，難食有椰青水任飲，出面好少有提供，一下飲左3支全程食不停食足3個鐘，我地個個食到抱住個肚走，每人$313, 高質抵食

旺角太子【推介】入味雞煲放題 | 牛肉富士山 | 龍躉安格斯牛任食 | 火鍋 | 打邊爐 | 刺身 | 蟶子皇食品質素:個雞煲又幾入味, 刺身正, 最好安格斯牛任食餐廳環境: 一般中式STYLE 冇咩特別坐位舒適:我地坐房都算多空間, 冷氣都夠嘅價錢低食: 低食黎講都算OK啦! 唔太貴太子地段個人感覺: 雞煲直接轉鍋呢個要加分, 出嘢都算快, 夜小小黎食好似唔理我幾點走咁!詳細食評請到YOUTUBE 到睇啦^^不過唔係話好識點評有幾好食, 我地只係用返平常口味黎講解

上次朋友們來新南苑聚會我有事未能出席，聚會後他們都很一致推薦這裡的雞煲划算又好吃，所以我跟男朋友就抽時間來吃吃看是不是像他們所說的囉～鮑汁雞腳男朋友看到這個完全雙眼發光，他超喜歡吃鮑汁雞腳的！我是沒有他那麼誇張啦XD但也覺得這個很入味，而且肥嘟嘟蠻多肉的！冰鎮鮑魚非常爽口彈牙！！而且冰冰涼涼的讓人覺得整個都涼快起來～麻辣雞煲(小辣)主角出場了！！蓋子一打開味道有點嗆，感覺好似很辣，我不太能吃辣，但也覺得可以接受，而且越吃越開胃～雞肉很嫩，骨頭也不多，的確不錯！油炸鬼店員說等雞煲熟了以後就可以把油炸鬼加進去，油炸鬼本身偏硬，但放進去吸點醬汁變軟後就可以吃了，非常入味，大概有８成都被我吃掉，哈哈！牛頸脊個人很喜歡吃牛頸脊的部份，比較珍貴，油花分佈十分平均，牛味也蠻重的～海鮮拼盤嘩嘩嘩！超大隻龍蝦！！還有聖子，帶子，花甲等等！光是吃這隻龍蝦就覺得有點飽了，哈哈！小籠包一開始還以為這個是甜點之類的東西，煮熟才知道原來是小籠包，哈哈哈，我們很白痴～而且這還意外的好吃，裡面真的有滿滿的湯汁喔！宵夜時段$178免加一我們還發現了這裡宵夜時段蠻划算的，還免加一，男朋友說下次要跟他的機友來這裡聚會XD手

又是八月生日壽星飯局的日子朋友聚會還是選擇不限時的火鍋店最好起碼不會有被人趕你快點走的感覺之前已經來過新南苑兩次今次隔了大半年再來,水準依然好雞煲我們都已經叫了兩盤雞肉味濃又香口食完雞煲先食番碟冰鮮鮑魚鮑魚似乎比以前細粒點之後點了個花膠椰青做火鍋湯底貪佢清清地,又好似好滋補咁侍應說等佢放在湯內一直浸半個鐘期間可以在旁邊照放野食半個鐘後椰青可刮下果肉後攞走小籠包還是用蒸的好放在火鍋大都熟到爆裂流走湯汁了先來海鮮拼盤再來肉類及其他配菜食材都算幾新鮮只是種類選擇少了點如果食材豐富點更好而這裡最好既地方係侍應服務反應非常快好快幫你清理碟上殘餘物想要什麼都盡量配合當我們食完要切蛋糕時又會安排新桌予我們不用等待他們執檯服務態度值得一讚

第一次嚟食辣雞煲+海鮮打邊爐！一上到黎，飄來陣陣雞煲嘅香味，好鬼死香，個肚皮開始咕咕聲叫！一坐低，夥計好好招呼咁俾咗兩碟雞腳！（原來要另外俾錢，唔知係咪可以唔要）等左一陣，雞煲好快就上咗嚟加埋呢個油炸鬼超級好味!（雞煲可以無限續食）食完雞煲跟住就嚟咗一個超大嘅海鮮拼盤，有大大隻嘅開邊龍蝦，龍蝦肉大大舊，鮮甜好味，有新鮮嘅魚片，有筷子咁長嘅聖子，有大大粒嘅帶子，有隻不知名既蚌，好鮮甜，仲有兩碟新鮮嘅手切牛頸脊，食落好有牛味。一眼望去，都好豐富好多野食！（呢個海鮮拼盤係無得額外添加，須另外加錢添加的，但一個人的食量係完全足夠飽到攬住個肚）另外仲有火鍋配料同蔬菜類可以叫無限添食，款式都多種類，梗有一款啱你心水！差d唔記得講呢度既飲品係任飲既，最後埋單，仲送多個小小甜既奶凍，食完個人無咁熱，好舒服！

今日同大胃王朋友去咗食雞煲海鮮打邊爐放題。地址就喺旺角，一出地鐵站就到，相當便利。當我地去到嘅時候，餐廳已經坐滿左七八成，後來都全場爆滿，相信都應該幾好食。朋友推薦我哋食呢個放題，因為每人大概+1之後$300 ，又可以任食雞煲，仲有一個幾澎湃嘅海鮮拼盤，海鮮拼盤就真係幾精彩。每人有半隻開邊龍蝦，一上枱嘅時候，我哋已經嘩嘩聲，因為真係好大隻，而且龍蝦都算幾新鮮，仲要啖啖肉。海鮮拼盤係唔可以任叫嘅，不過海蝦同其他火鍋配料、菜......就可以呢任點任食。湯底選擇都好多，都差唔多有七八款湯底可以揀，其實食完雞煲，再食埋海鮮， 一個女仔嘅份量已經覺得相當飽。飲品方面，都係多元化嘅飲料，而且種類都好多，最窩心既係有自家制既五花茶，可清熱解暑。買單嘅時候，侍應就會送上奶凍，有甜品食梗係開心啦，作為一個完美嘅句號。

依排心情都好低落, 全身負能量所以今日就搵老公一齊出去食野, 希望食到一餐好既為自己打打氣！我地簡左依間雞煲, 價錢$268半放題, 但依個價錢佢比既海鮮完全超哂班, 再睇返相都覺得好新鮮, 連平時少食海鮮既老公都大讚！雞煲有幾個辣度可選, 非常貼心, 我唔算食得辣所以叫左bb辣, 但無損本身雞煲既和味！蔬菜選擇唔算多但勝在食材新鮮, 款款都好甜！另外一讚係自家制涼茶, 下火之餘唔會太甜, 用唻沖一沖雞煲既油膩感就岩哂！果然好味既一餐係會令人開心！

今日媽媽生日話想食雞煲，於是就選擇去位於旺角嘅新南苑私房菜雞煲小廚，原因係地點方便之餘(旺角地鐵站D1出口行1 分鐘就到)，食物嘅質素亦唔差。而呢度係以半放題形式嘅，會先食雞煲然後再打邊爐(呢度嘅一大特色係唔會用返食雞煲嘅煲去打邊爐，而無限食嘅雞煲亦都可以每次食都要求唔同嘅辣度)。雞煲嘅雞每件都好入味，而且雞肉非常嫰滑。海鮮拼盤每人都有半隻龍蝦，蟶子帶子花甲脆肉鯇各一。牛頸脊油脂分布平均，牛”騷”味十足。當造嘅蔬菜任拎，每一塊都洗得非常乾淨。

太耐冇食雞煲嘅我，實在太掛住新南苑嘅雞煲啦，於是乎就趁HAPPY FRIDAY 同同事過黎旺角嘅分店食可惜係時間仲早嘅關係，今日竟然唔駛等位，而且仲有好多位淨TIM今日星期五嘅關係要$268 加多$20呢個係任食嘅LIST前菜有花生雞腳食今日嘅時令海鮮係帶子、龍蝦、蟶子、大蜆同埋冰鎮鮑魚本地手切牛頸脊小籠包而家竟然有得任飲椰青水，之前好似冇架小辣嘅雞煲中辣嘅雞煲，望到咁多辣椒都已經覺得辣店員幫我地炒左幾次之後終於有得食啦(上圖為小辣嘅雞煲)由於ENCORE 左幾次雞煲嘅關係，個胃都已經無咩位再食火鍋嘅料，所以淨係見左少少食D料嘅質素依然都係唔錯嘅最後食埋個牛乳奶凍就飽飽LU

同事推介左一個食完都幾滿意既私房菜火鍋鷄煲。開餐地點超方便,係旺角地鐵站行三兩分鍾就到。套餐超豐富並且以半自助餐形式進行,所有飲品、蔬菜、醬料都是自助。1)前菜:  花生雞腳(入味到一個點)﹑冰鎮鮑魚2)先雞煲- 招牌麻辣雞煲 (可擇辣度) ,上左雞煲自己同店員都會幫手搞拌,唔係好容易燶。叫左小辣都香到不得了,雞肉質嫩滑,配菜亦都搭夠,最正係加油炸鬼!!!油炸鬼變腍,再索晒雞煲加辣汁。當晚4個同事,食完一個雞煲,唔夠喉,又添加一煲。每次添加佢唔係就咁倒D雞落去,而係比新一鍋你。3)加入豬骨濃湯配海鮮拼盤。全部海鮮新鮮無沙,啖啖都食得開心! 連牛頸脊同任食火鍋配料,留意每次只可以點8樣。4)最後係.有Heart甜品 - 奶凍(唔太甜,意外地好食)**download佢既新南苑app,可減10蚊,每個人都dl每個人都減10蚊**總括:一人300幾蚊食到雞煲﹑打邊爐﹑海鮮﹑牛頸脊,任飲任食配料,會係我老虎鍾意既地方。整體評分 9.0/10推介:海鮮火鍋半放題套餐(五分滿)老虎回頭率：🐯🐯🐯🐯🐯

1.<新南苑 雞煲任添>🔥呢間新南苑有唔同既小菜 邊爐 粥底鍋 今次黎試左佢既268 蚊任食邊爐 首先可以選唔同既鍋底 我就點左雞煲 雞煲上枱有好多辣椒葱調味 炒兩三次焗一陣就食得🐤 佢個雞肉都幾入味 辣得黎惹味 雞肉多 口感唔錯 最正係可以任添 . 2. 食完雞煲就會上清湯打邊爐 但其實清湯都有蕃茄 菇 粟米 材料 268 蚊會包一次既海鮮盤 每人有半邊龍蝦 🐲 帶子 青口 大蜆 仲有脆肉鯇 材料整體都夠新鮮 仲有 手切牛 肥膏佔3 成 食落牛肉味濃口感好🐂仲有就甘即食既冰鎮鮑魚 都幾爽口彈牙 唔錯 3. 食完一次性既野 仲有好多唔同邊爐料可以點 好似甜蟹棒 豬頸肉 肥牛(估唔到口感唔錯) 🐷🐮 芋絲 韭菜餃 豆腐 魷魚等等 都好多選擇 而且質素唔錯 4.飲品有唔同既茶 可樂 韓國飲品 仲有自家製五花茶 ☕都整得幾好味 5. 食到最尾仲會送3.6 牛乳既甜品 都幾香滑🥛 唔錯整體黎講食物質素高 而且價錢合理 值得黎食👍🏻#火鍋 #打邊爐 #雞煲 #牛乳 #手切牛 #肥牛 #放題 Score 平均分 <7.7/10>Taste 味道：👍🏻👍🏻👍🏻👍🏻P

月頭同朋友去打邊爐！之前見過幾次呢間舖做廣告，但次次都食唔列，今次終於黎食！半放題套餐包左一個手招牌麻辣雞煲同打邊爐，生猛海鮮拼盤，仲有成大版配料任揀！首先嚟咗個前菜小食先，滷水鳳爪配花生🥜！鳳爪醃得，幾入味，但唔算炆得耐，所以D骨無散哂咁！花膠蟲草花椰青湯底因為我地得兩個人，次次食雞煲都係食兩舊就食唔哂，所以今次就無叫到！重接打邊爐！果然幾架勢，成個椰青上，入面掛住五六舊花膠。呢個擺法方便客人唔使搵花膠搵得咁辛苦啊💪仲有一個時令生猛海鮮拼盤！每人半隻龍蝦🦞，無花無假！食落清甜，爽肉！有放尿！無臭味🤤其他海鮮都好好食，新鮮海鮮黎，唔係冰鮮貨！鯇魚片好爽脆，刀工幾好！淨係食呢個海鮮盤都好抵！另外，其他配料每次可以叫8種！呢個指定數量可以避免浪費！出面仲有個櫃可以比客人自助攞D菜返去烚，款式唔少，都有五六種！最後仲有甜品牛奶奶凍，依家甜品唔差，記得留返quota食！

今日行開旺角搵餐廳食dinner，發覺有一段時間都無食過雞煲，就上open rice搵食，發現有間新南苑開既私房菜火鍋雞煲，因為新南苑既主店細細個就成日食，大排檔風味既小炒，佢地開得既雞煲應該有保証，就決定去試下睇睇餐牌先，叫左個招牌麻辣雞煲，先食雞煲，之後換湯打邊爐。除左餐牌上既食物如海鮮拼盤及牛頸脊等外，其他免費追加，去馬！頭盤先食個花生雞腳主菜，每隔分幾鐘炒一次，total炒4次食得，雞件 軟硬適中，非常惹味，食落唔會得個辣字，開胃！送既冰鎮鮑魚，即黎即食蘿蔔清湯牛坑腩鍋食完麻辣雞煲就轉食返個清淡啲既鍋底海鮮拼盤有大大隻龍蝦仲有蟶子刀貝等牛頸脊牛味重之餘，油花分布都十分均勻，正！寫紙任嗌既選擇蔬菜自助任拎總括而言，人頭二百幾蚊食到好味雞煲，重有埋打邊爐，又海鮮又牛頸脊，仲有選擇多多既配料任食，絕對係十分之超值，讚！

最近公司聯誼 好少咁齊人腳🦶唸左好耐食咩好 不過經朋友介紹試下呢間係旺角好出名既食雞煲海鮮火鍋餐廳😬😬同行10人所以沒人一粒鮑魚🥳🥳但可惜既係冇乜鮑魚味 得果口感 幾好咬😅再者來左個雞煲 個雞煲真係不得了好難食 都唔入味 仲話主打係雞煲 失望🙍‍♂️之後係海鮮拼盤🤭平均每人一個 除了龍蝦 其他冇乜睇頭講真😪💤龍蝦係多肉既 但都係果句 食唔出鮮味 呢個好大問題 牛肉係高質既 紋路優美 肥瘦分明 好食普普通通既豬骨湯呢個湯底唔🉐️ 話係花膠 但🉐️幾舊 所以冇乜味lor 好似清湯咁 😭😭😭小籠包多汁 幾有上海feel🤭🤭總結名過於實 咁既價錢應該大把選擇 呢間不了 一次有多✅✅🙇🏻‍♂️🙇🏻‍♂️🙇🏻‍♂️