新蔡潤記魚旦粉麵 (已結業)

尊登落巴士去搵食啦 ﹗唉，太令我失望，總之返屋企食杯麵好過 ﹗超多食客，人頭擁擁、人山人海，仲有等位啊，好采我一個人好快有得坐。點解間間麵檔都超多人架，條街又多人到癲，處處人迫迫好討厭，今日到底咩日子呀？食左廿幾三十年都係第一次要係門口排隊呢。高朋滿座，水涉不通，人來人往，手忙腳亂。我地終於坐低喇，等左十分鐘就有位，好采都唔係太耐。魚蛋河加底加皮走蔥，以前鮮味實淨又彈牙既魚蛋去左邊？魚蛋腍劈劈，味道免強合格。炸魚皮好韌，半點都不脆，通左風嗎？唯一可取係湯底鮮甜、河粉滑溜。物價高漲、天價租金所以將貨就價咩都差晒？都要保持質數先得架 ﹗魚蛋河加底加腸走蔥，豬粉腸真係比以前好食好多倍呢，完全無苦澀味，肥美、棉滑、彈牙，香甜可口 ﹗魚蛋魚片突然又變回腍劈劈，點解會咁架？質數時好時壞，好難捉摸。倒上大量辣椒肉連河帶餸掃入口中，湯汁像洪水般向著肚胃奔跑，熱燙燙好滿足。魚蛋河加底加牛腩加粉腸走蔥，腩汁跟河粉發揮特別又奇怪的化學作用，使其質感較平時硬淨，滑溜欠奉。依度既炆牛腩特別另類，程深啡色既外層，而裡面係鮮嫩淡淡粉紅色，質地鬆化又勁 juicy。比起最初賣牛腩時進步很多了，味濃多汁香甜，質數穩步上

第一次咁晏黎食，近年延長左營業時間，生意難做，不過係好野既就無有怕啦。食客都比較少，可以舒舒服服、不急不忙、安安靜靜地嘆碗靚麵喇 ﹗都有段時間無黎幫襯，加價了 ﹗我最愛的辣椒油，只要渣唔要油，又香又辣永恆不變，最少要一碟滿滿的才能使我滿足 ﹗新蔡潤記辣椒油，唔係個個都頂得住，我就勁愛佢既香辣程度喇，每次最少要一小碟滿滿先夠配一碗麵架 ﹗介紹左比同事們，大家都非常喜歡，間中我都要幫佢地入貨呢。新蔡辣椒渣兩大碟，減壓良方，藥到病除！魚蛋鴛鴦加底加牛腩走蔥，都唔知幾多年無係度食到熱騰騰、出晒煙既湯麵喇 ﹗經常都只係微暖，唔夠熱，今次勁開心 ﹗先黎當然試個湯啦，加上少少牛腩汁味，好清甜，好好飲，真係停唔到，我未試過成碗湯飲晒架，湯底超水準 ﹗鮮味、魚味濃、彈牙既魚蛋終於返黎喇，不枉我一直都不離不棄。我對新蔡既牛腩一向都唔多好評，今日再試，發覺佢地開始有自己既風格同味道。牛腩係瘦肉質感，不過炆得夠腍，而且保留左牛肉原始鮮味，肉汁非常豐富，今次好滿意，讚 ﹗Keep 住呀。魚蛋河加底加粉腸走蔥，湯底清甜夠味，難得晏晝五點幾仍有始味道，好少可。粉腸質數大躍進 ﹗飽滿肥嘟都外形，皮層爽滑又彈牙、裡面濕

如果不是要幫囝囝拎功課，也不會平白老遠地跑去大埔。交收完都開始有點肚餓，順道吃碗麵打底。魚蛋牛腩麵水準大跌watt，咬一口魚蛋，不單魚味單薄，而且質感鬆浮，而牛腩又死實，賣相還以為是湯渣，麵條半死不活的，毫無彈性。腩汁菜心已經習慣了不落蠔油，但今次腩汁卻淡得出奇，沒有腩汁應有的濃郁香味，菜心亦覺「老」，既不甜亦有渣。伙記出菜慢，等餐懵，下次不如轉去隔離街的「蔡潤記」算了!

五年無食過..仲記得小學果陣成日嚟食牛腩魚蛋河加低 同阿妹食得好開心今日行過係心癮想試下都幾多人 坐滿晒 話晒都係禮拜日嗌咗個牛腩魚旦河加低 等咗三分鐘就有 同以前一樣咁快一望個河...五粒魚蛋同兩舊半牛腩碎河嘩於是我拎起筷子試下啲河粉唔知浸咗幾耐吸晒水 但係個湯底 就好似水咁稀 完全無味試下啲魚蛋 諗住最出名嘅魚蛋會有啲希望都好彩有啲魚味 可惜得五粒我食咗半碗 已經食晒啲餸拍拍屁股走人埋單三十蚊 失望

很久沒過來大埔買菜，偶爾放假都會跑過，畢竟款式較多，亦有新鮮感。習慣了去到邊食到邊，群記太貴，而且有人龍，無謂等吖，行多幾步，走去新菜潤記。就算是什麼時段，店內都有七八成客，相信大都是熟客吧!看看餐牌，單雙併都是一個價，夠均真。點了魚片牛腩麵，麵未到先送上辣椒油，令人想起粉嶺的群記，辣椒油同樣出色。麵底沒太多鹼水味，已經不錯，但望見份量真是少得可憐，將價就貨是必然的事，牛腩沒多少油脂，吃起來有嚼口，其實已經不錯，魚片薄薄一片，魚味稍淡，蘸點一下辣油來提味。埋單$24，一點都不貴，但個肚依然像一陣風，好肚餓。

魚蛋 魚片 好食肉質彈牙 魚味較濃 size較細以前食開大粒魚蛋 依家 感覺係1開2 得番半邊 怪怪的 辣椒油 辣而不香 可惜魚皮 硬到以為食緊"崩沙" 唔浸湯食唔惦 食開鬆化的魚皮 硬身魚皮 真係食唔慣價錢合理 值得一試

以前屋企人都好鍾意去一間魚蛋粉麵食架，今日又再次經過，隱起，有決定咗去食多一次試吓以前嘅味道。  n我就叫左魚蛋加牛腩面，仲叫佢比多肥少少我，結果一送到，個牛腩真係超級肥，差唔多有一半都係肥膏，就算話肥少少都唔使咁肥呀嘛，不過算啦，咁咪可以滑啲囉。 試咗一啖魚蛋，雖然都幾唔錯，但已經冇之前咁好食啦，啲牛腩都叫入味。  河粉嘅話係唔錯嘅，而湯汁我就因為叫咗少汁，冇咁濃，啱啱好。如果唔鍾意太濃嘅，記得少汁啊。

今日放假無所事事去大埔走走, 本來想去群記食牛腩但又未開, 咁就去咗未去過嘅新蔡潤記, 店好似裝修過, 環境幾干淨, 枱與枱之間幾闊, 叫咗魚蛋粉$24有五粒魚蛋及三塊魚片, 魚蛋及魚片比平時啲舖細好多, 先飲啖湯 - 只有咸味, 再食魚蛋, 真係要食神上身, (魚蛋冇魚味), 魚片薄薄的, 冇炸過, 味道一樣冇魚味, 失望之極, 細細碗食完都未飽, 再趕下塲, 去另一間蔡潤記再食過

自小家住大埔~大埔有好多好嘅野食~魚旦粉~碗仔翅~排骨飯~砵仔糕~ 新蔡潤記~以前放學跟同學一個星期一定會幫襯一次~ 由細食到大~人長大咗~搬離大埔17年~返工~放工~忙碌~忙碌~呢d全部都係回憶~今日帶住我個女同老公去追尋我嘅兒時最愛~魚旦粉~炸魚皮~期待已久~小店多年都無變過~但係食物就完全變哂~魚旦變細粒咗~等如以前嘅半粒~魚旦味淡~得個彈~彈得嚟又唔似魚旦嘅口感~河粉變粗硬咗~唔夠滑~炸魚皮好厚粉~兼炸得好硬~一d都唔鬆~食2件~牙肉都損損地~所有野都好差~難怪個女同老公都話~仲難食過平時屋企樓下平民店仔~仲話出名~拆咗我誠意推介嘅好好味招牌~失望而回~我可以同新蔡潤記劃上一個句號~往事只能回憶~

我發誓唔會再去新蔡䦞記！不只啲嘢難食，服務又差！新年期間，見舊蔡閠記無開，明知新蔡䦞記巳經同變曬,唔好食.但見新年又幾肚餓就比多次機會佢！點知真係一句講曬！無下次！「肥腩魚蛋河」D肥腩起瘦又乾又"UN".好似食緊好乾既瘦肉咁！真係一D都不似牛腩。魚蛋也不像様。湯汁無味！在大埔我真係未食過一碗咁難食既牛腩魚蛋河！最後，我用一百付款，見個收銀呀姐之前在傾計，我打擾佢傾計，佢已經見佢好燥底，唔多老黎。但我真趕時間， 又見佢慢慢在玩緊手上既大包銅幣，我同佢講：「唔該快小小，我趕巴士！」之後個女人停了手，瞪住我好兇咁講:

29/6/2013(六)6:45pm,我和丈夫入到去大把位;叫了牛腩河及牛腩麵,兩碗的湯面都肥淋淋,牛腩像是肥豬肉(8成肥膏,2成肉),第一次來吃到超級肥膏牛腩,肯定不返轉頭吃

大埔有兩間蔡潤記，係同胞兄弟分別經營。一新一舊，店鋪只有一條馬路之距。本人喜愛舊蔡潤記既魚蛋同魚皮，新蔡潤記既牛腩。而老公又比較愛吃牛腩麵，加上新蔡潤記比較近大馬路，所以今日同老公走去新蔡潤記食早餐。 【魚蛋牛腩河】 ﹣魚蛋好有魚蛋味， 口感彈牙，滑口。好味！ ﹣牛腩好淋，肥瘦剛好，夠味。非常可口。 ﹣河粉軟硬度適中，厚度有質感。 ﹣牛腩汁不會過濃過淡，好好味。食完之後又不會有口乾既感覺。﹣炸魚皮就炸漿太厚，沒有了魚皮味道，稍為失色！

終於的起心返大埔尋找兒時魚蛋粉回憶, 自從出黎工作, 已經10多年無食了..."新蔡潤記", 細個食過的其中一間, 本來都有去舊店"蔡潤記"睇睇先, 去到已經無魚皮了...anyway, 返去"新蔡潤記", 2點幾重有炸魚皮, 細個又食開的, 當然入去回味下先...我依然食魚蛋魚皮麵, 魚蛋無咁彈牙, 麵身就比較爽, 主角魚皮係占上厚粉炸成, 黃生唔太喜歡, 雖然佢d魚皮比較硬, 不過始終有別於出面見慣的魚皮, 加上我喜歡的炸粉所以好啱我食, 我重外賣了一份魚皮呢! 而黃生的牛腩河ok, 不過牛腩似乎切錯紋, 唔易咬開. 每碗$20/, 炸魚皮$18/

自已算是半個大埔友，經常在這裏醫肚餓，今日幫襯的麵店頗為特別，因為隔一條馬路，有兩間店店名一樣，但新舊有別。行入去叫咗一碗魚疍米，另加餸---粉腸。記住雙併價錢係一樣，加餸則貴七元。有朋友話黎呢度能否吃好魚旦要看際遇的，我今日運氣好，魚疍係彈牙嘅，魚味夠濃。D米粉淥得剛好，食落爽而不淋。但可惜最大敗筆係粉腸，唔多夠新鮮而且帶有頗重嘅苦澀味，仲帶埋落D湯底度添。早知D粉腸唔加好過加。我唯有用力啜哂支可樂吞咗佢本來好好的一碗魚疍米，就被幾條粉腸拉低，可惜

曾經同友人話過去新蔡潤記唔係因為食物出色，係一份情意結，由小五開始每逢星期六返早學的日子，媽媽就會比錢我與同學食早餐才返學，當時的我係幫趁蔡潤記，尤其記得一位老人家稱為「拉叔」的老闆，但久而久之新蔡潤記的出現，而老人家又在新蔡潤記出現，所以我亦隨之「過檔」新蔡潤記的魚旦又準很飄忽，時彈牙時林patpat。所以今天只叫了牛腩魚皮鴛鴦加底，自己很喜歡很鴛鴦，河粉加熟麵，很多朋友都不明白何為熟麵，只是朋白生麵，熟麵就為似全白麵，蝦子麵的一種，而生麵就為「木見」水麵，自己不愛「木見」水味，所以熟麵亦為我的最愛。今天的湯底很淡，淡而無味，河粉很碎，而且牛腩不夠林，有點鞋口，很失望，只有魚皮仍然夠脆！