木火堂 (已結業)

好少難食到要出post佢差唔多每燒一樣都係唔合格, 質素好似係屋企學整野食咁, 食到把幾火, 完全係無尊重過客人同食物牛仔骨燒到燶唒, 苦+脆既😵羊肉咬唔開😵牛舌算係正常, 但係都偏靭五花肉, 厚切又係咬唔開😵😵😵😵😵扇貝仲離譜, d 肉癡實個殼食都食唔到, 都唔講有幾難食😵😵😵😵😵鮑魚係擦紙膠咁仲要臭既😵😵😵😵😵鱔都算係難得正常啤酒樽裝緊係正常啦😅😅😅我夠膽講呢間野係完全唔識做食物十級伏店

講咗好嘅先。有一兩樣都幾好食，燒蠔係全晚最好食，夠大隻，亦燒得剛剛好，唔會太乾身，仲保留到蠔本身的水份。一口牛唔差、幾有肉汁，不過唔好期望有咩特別嘅調味。蔬菜類完全不敢恭維。通常啲餐廳燒菜都係穩陣之選，將一Pat蒜蓉加啲牛油pat 落啲菜度好難唔好食。今餐點咗三個蔬菜類，完全突破我三觀：燒韭菜，係三樣入面最正常嘅野，雖然煮得偏生，但都仲可以食得晒成碟，撈埋啲木魚一齊食都幾有趣。燒大蔥，極生，差啲咬唔爛，食到頭尾果兩粒，直程好似冇煮過咁，生到差啲標眼水 🙂蒜蓉燒茄子又係另一個奇蹟，今晚之前我從來冇諗過原來一道聽落去咁簡單嘅餸可以整得咁難食。🙂喺全場得一枱客嘅情況之下都可以整到咁嘅質素，好想問OpenRice啲like係點樣chok返嚟 🙂

突然好想食吓燒肉🍗😋木火堂位於灣仔聖佛蘭士街，以前呢區主要係法國人居住嘅地方，但呢間新開張嘅居酒屋主要係食日式串燒，樓上重可以自己動手燒肉。未入店已經感受到日本的特色裝潢，彩色海報、紅色燈籠木製飯桌。雖然店舖唔算大，幾張坐枱同吧枱，但勝在夠人情味，同三五知己食下串燒再飲咗幾杯，重同店員傾咗幾句，先知道後鋪重有個大鳥居古舊天井，而且重被列入非物質文化遺產！同埋所有串燒都用炭火處理，下次嚟開灣仔一定要試埋！秘製黃金蒜蓉茄子王店主推出，茄子超級大條，陣陣蒜蓉香，微香又Juicy，正👍明太子撈烏冬真係估唔到佢做得咁滑口，連平時好少食烏冬嘅我都停唔到係咁夾😂牛油粟米初初以為係細細盆，點知咁足料👍牛油落得夠，粟米肉質🌽好似食緊飯咁爽口軟滑香脆雞皮串(兩串) 每次食燒肉必點，燒雞皮好講功夫，燒得夠乾身又唔可以太dry🫦黑毛豬五花腩豬腩肉係本人最愛，油脂豐富爽口濃郁，停不了吃！煙肉荔枝卷呢個真係必點！煙肉燒到外脆內軟，保持返肉質嘅嫩滑，夾埋咬落去粒荔枝清香鮮甜👍👍👍日式雞腿肉串 鍾意食肉嘅朋友每次食燒肉都會點，秘製醬汁配雞肉嫩滑可口😋孜然羊肉串成日都好掛住街邊嘅孜然羊肉串，羊味濃厚冇騷味✨日式明太子手

獲得與朋友把酒談心嘅時候，大家在灣仔區找尋串燒店嘅好地方，千辛萬苦先至搵到呢一度，呢一個區域永遠讓人感覺係比較神秘，這一間雖然唔係首選，但整體而言不過不失，可以一試🍡———————————————————————————🥢提燈🐔💬係雞嘅卵巢同未孵化🐣嘅蛋，穿喺籤子上，看起來就似一盞提著嘅燈籠🏮，一啖放入口，有爆開嘅感覺，味道特別唔係人人接受到☺️.🥢孜然羊肉串🥩💬仍係多汁肉嫩，孜然辣粉更加提升口感同味道，羊係要有羶味先至好食☺️.🥢雞翼🐔💬雞翅膀係永遠常伴左右，鹽燒已經最香口，皮夠脆就已足夠☺️.🥢韮菜雞皮串🐔💬沒想到用料幾豐富，韮菜塞滿雞皮之中，雞油亦滲入韮菜內，換上蒜芯、蘆筍一樣係開心☺️.🥢明太子豚肉卷🥩💬估唔到又爆汁得幾勁，一啖入口好澎湃嘅感覺，平時比較少有呢個配搭，係幾有趣☺️.🥢雞腎、雞肝🐔💬雞串燒真係可以好豐富，非常之廣闊，內臟器官更加係不能浪費，雞腎嘅爽加雞肝嘅綿滑，一剛一柔係好滿足☺️.🥢燒腐皮💬原來腐皮都係幾好燒，配上燒汁同中間包裹住啲香蔥，多吃幾件亦無妨☺️🥢燒飯團🍙💬內有芝士熔岩，外邊又加上明太子沙律醬，飯團🍙燒到香口，味道不錯😌

連假冇得飛，梗係要食返D日本嘢解下思郷嘅情！舊同事最鐘意食串燒！今次我地去灣仔聖佛蘭士街嘅木火堂，餐廳以日式傳統裝潢，門口一列大紅燈籠啱哂打卡🏮！menu主打當然係串燒，有每日新鮮到嘅海鮮，例如流浮山生蠔🦪，其餘有牛肉、豚肉、菇🍄菜🥬類，前菜、燒飯團，烏冬面等！好多選擇！🦪燒飽魚🦪超新鮮嘅鮑魚，口感彈牙，配埋蒜香一齊食更顯鮮甜！ 🧄芫茜腐皮🧄口感煙韌，裡面夾著芫茜蔥蒜～香口惹味！必點之選！🥩孜然安格斯牛肉串🥩肉味香濃，保留豐富肉汁！🍗日式雞腿肉🍗超嫩滑嘅雞腿肉，口感香軟滋味！🐥大蔥雞肉串🐥 大蔥甘香，雞柳唔會太乾身，唔錯！🐥日式燒手羽🐥燒得黃金香脆嘅雞中翼，外表香脆肉質嫩滑仲好juicy，唔錯！🍖煙肉荔枝卷🍖煙肉配荔皮燒到啱啱好，清甜好fresh又好味！🐚清酒花甲🐚清酒味濃郁🍶加上啖啖肉嘅花甲，雖然唔算太大隻，但肉質夠鮮味！ 🍠燒日本一口甜薯🍠  一口軟綿綿甜薯一定好味！🦑燒墨魚丸🦑燒到外皮煙韌，加埋蜜糖十足去左BBQ咁！正！🥖黃金小饅頭🥖燒到金黃色，外脆內軟～必食！🍆汁燒翠肉瓜🍆汁燒仍保留翠肉瓜水份，相當唔錯！🍍菠蘿🍍 最後的甜品焦糖燒菠蘿外脆肉軟，酸甜多汁，無得彈！ 木火堂地址 📍

這家串燒居酒屋位於灣仔一條斜巷中，步行一小段斜路即達，附近環境清靜，餐廳門面極具日式居酒屋風格，門口小廊更掛滿日式燈籠🏮串燒款式很多，除左有燒豬牛羊海鮮蔬菜外，還有焗鍋及小食選擇，暖笠笠啱哂咁凍嘅天氣☺️牛孜然安格斯牛肉串｜$35｜8.5/10肉質多汁，口感非常鮮嫩，幼嫩中帶少許咬口，而且比普通串燒肉件size更大，串燒黎講幾高水準豚秘製燒豬頸肉｜$68｜8.5/10油份充足，肉質好爽脆，勁惹味，份量與價錢成正比，兩個人食極都仲有🤣燒鳥明太子雞腿肉串｜$30｜8.5/10明太子塗在雞腿肉後再燒，明太子像是黏上雞肉上，兩者的混合令雞肉更惹味明太子手羽先｜$38｜8.5/10無骨雞翼裡面裝滿了明太子，一咬開明太子醬滿瀉，口感豐富，鹹香惹味蔬菜秘製黄金蒜蓉茄子皇｜$58｜8/10足足兩隻手掌咁大嘅原隻茄子，𠝹開後在中間放滿了蒜蓉，每一啖嘅味道都好濃味😆小食辛口明太子撈烏冬｜$78｜8/10明太子份量相當多，又香又鹹非常適合配烏冬或飯進食

晚上和友人來吃串燒。原本見到都係大部份好評，想必有一定質素，但我和友人落單吃了幾款串燒之後，寧願轉場再食，可惜，浪費了今晚的quota。燒青椒 / 燒雞翼/ 燒免治豬肉燒青椒 : 係最正常嘅一串，不過不失。燒雞翼：好難燒到咁難食，雞肉係鞋的，燒過龍，雞翼底部燒焦，食到燶味。莫講話雞翼沒有外脆內軟，成隻雞亦都係硬實實，雞肉嚡洽洽。中間嗰串已經唔記得咗係雞腎定係乜嘢，因為咬咗一啖就冇食，一樣係好苦，因為燒燶咗。直程搣咗好多黑色一嚿嚿嘅蕉出嚟，燒到乾晒水，咬咗一啖算數。免治豬肉：感覺唔係咁新鮮，除咗比較多肥膏之外，有浸味，我同友人食咗兩啖放棄了。燒多春魚一樣，都係燒過火，都係燒焦了，食到燶味，而且感覺好似食緊魚乾咁。乾爭爭，而且有燒焦的苦味。同場其實仲嗌咗燒菠蘿，燒茄子等等，但係頭嗰幾樣嚟咗，覺得唔好食，已經冇心情影相了⋯⋯大致上都係須在食材唔夠新鮮，而且燒燶了。大部份串燒都食到苦味，因為個底燒焦。總結，我好鍾意食串燒，基本上每個月都會去一兩間食，呢間係我食過最難食嘅一間串燒店。我哋都非常之失望！真的沒有下次了。價錢唔係平，但咁樣嘅質素，真是令我們無言。

灣仔聖佛蘭士街有香港小法國之稱🇫🇷因為好多法國人🇫🇷都會係果到住🏠而當你以為果到只得法國菜或者酒吧就大錯特錯啦🤣而今日我就同個法國人揀左好有日本居酒屋feel🏮既餐廳食串燒🍢餐廳雖以小店形式經營，差不多有近百款不同串燒、鍋物、小食同啤酒🍻提供👍🏻而且即叫即燒🔥確保新鮮🤗今次揀左9️⃣樣美食1️⃣款飲品：1️⃣清酒花蛤🍶 $88清甜好味😋又無沙！連湯一齊食用好暖身🥰2️⃣芫荽豆腐皮 $22唔係周圍有得食！所以好特別🧡3️⃣饅頭 $20加上煉奶，香甜鬆脆！4️⃣孜然安格斯牛肉串🐮 $35爽彈而且牛味濃🐮5️⃣孜然燒羊肉串 🐐 $35完全無騷味！羊味香濃🐐6️⃣秘製燒豬頸肉🐖 $68份量多，咬落有口感加上秘製醬汁更惹味！7️⃣明太子雞肉串🐓 $30滿滿既明太子加上嫩滑雞肉🐓絕配💯8️⃣燒鮮白膳 🐟 $78好厚身！咬落有油脂，鮮甜彈牙🦷9️⃣麻辣川香肉碎茄子皇🍆 $68大大條茄子烤到好軟綿！加上滿滿既麻辣川香肉碎，辣味適中好香口！🔟Coedo Pale 手工啤 🍺$78以日本🇯🇵米同柚子而成，相對清爽易入口💛

灣仔同金鐘之間，有條小斜路，行上去除咗幾間西餐廳之外，會見到一間充滿居酒屋風小店❣️木火堂❣️門面同入面裝修佈置都好有心思，掛咗好多日式燈籠🏮 餐廳主打日式串燒同燒肉，啱哂同朋友一路食一路飲返幾杯🍻𝗕𝘂𝗯𝘂推介👍 鹽燒特級牛舌心日式燒牛已經好好味，今次仲要係食牛舌心。牛舌心燒到外脆內嫩，肉質爽口彈牙。👍 日式大蔥雞柳串大蔥雞柳串用咗日本大蔥同雞柳相間，大蔥吸晒雞嘅精華，雞柳又帶淡淡的蔥味，兩者簡直係絕配。👍 明太子雞腿肉串喺嫩滑嘅燒雞腿肉上鋪上明太子去燒，明太子嘅鹹香舖滿每一寸雞肉， 非常惹味。📍木火堂 灣仔聖佛蘭士街12號地舖

灣仔嘅木火堂，新開左唔夠一年，地方雖小，但係都係日本嘅設計，鍾意影相嘅女仔可以過嚟打卡, 入面環境暗暗地，而且環境好寧靜，幾有情調，情侶一齊黎都幾啱㗎。餐廳主打食串燒，即叫即整，高質惹味！我最推介嘅係鮮燒流浮山生蠔。木火堂嘅生蠔可以新鮮即食或者燒烤出嚟食。我就揀咗燒烤嘅，熱辣辣拎出嚟，生蠔一擺入口，d汁就爆曬出嚟，超正。生蠔亦夠新鮮，燒得好好，香蒜油香味出曬黎。價錢：$200/半打，最少兩隻起，$38/隻性價比：⭐️⭐️⭐️⭐️⭐️我哋仲叫咗好多串燒，首先係鹽燒秋刀魚，自己燒到燒唔到呢種咁入味嘅感覺。魚皮少少煎香嘅味道，魚肉燒得好嫩滑，值得推介。價錢：$58性價比：⭐️⭐️⭐️⭐️⭐️跟住仲有孜然燒牛肉串，汁燒金菇肥牛，秘製燒豬頸肉，豆腐皮，香脆雞腎串，日式雞心串等等。蔬菜方面，試咗芝士焗西蘭花，芝士味好夠，配埋西蘭花熱辣辣食，一啲都唔單調。仲有秘製黃金蒜蓉茄子皇，呢個真係推介嘅蔬菜，因為茄子煮得啱啱好，淨係食佢個茄子肉，都已經出晒味，個秘製醬汁同個茄子match 得好好。價錢：$58性價比：⭐️⭐️⭐️⭐️最後叫多一個明太子撈烏冬，呢個烏冬份量估佢唔到，可以幾個人一齊share, 明太子嘅味好濃郁，配埋烏冬食啱

Hello 大家好！疫情原故有一排冇出去食好嘢，終於忍唔住要出山啦，今次去咗灣仔St. Francis木火堂食炭燒A+日本和牛烤肉🥩🥩🥩，一人前套餐$678有宮畸A5和牛、澳洲M7和牛、美國Prime肉粒、五花腩片，海鮮有大蝦及蚌，及配菜南瓜片&脆肉爪片，原味原件自助燒烤，自己調味調到啱口味，炭爐慢慢燒傾下計，燒出嚟又別有一番風味，Enjoy it~ 😋😇😇 推介：成班friend喝住Sake餸燒肉傾計氣氛一流🍶🍶🍶

經過門口，見到環境幾有日式Feel🤗睇返原來有得食串燒同埋燒肉🌶️麻辣撈豆腐凍豆腐配上㊙️製麻辣醬汁，灑上蔥花，入口豆味香濃，好惹味😋幾正！🦪生蠔廚師推介😍日本生蠔，好大隻呀，肉質飽滿好肥美，淡淡嘅海水味，食得出好新鮮😋🍗明太子雞腿肉雞腿肉好嫩滑，配上明太子醬，少少咸香味，正🐮孜然安格斯牛肉串燒得好靚😍孜然味唔會太重，食落肉質軟淋Juicy，牛味香濃，必食😋🍢燒豆卜豆卜燒到好脆，配上蒜茸蔥花，好惹味😋🐣日式燒手羽雞翼大大隻，好肥美，肉質Juicy，好入味，一串有兩隻，抵食🐤香脆雞皮串燒得唔算好乾身，鹹鹹香香，口感唔錯🍠燒一口甜薯薯控嘅我必點item, 香甜😋🐤日式新鮮雞心串新鮮就係正啲，生熟程度剛好，配上秘製醬汁，滋味🤤🐣大葱雞肉串雞肉嫩滑，表面少少焦香，配上爽脆嘅大蔥，口感味道更豐富🫑日式青椒日式青椒仔口感鮮嫩，微辣，配上日式醬汁及木魚絲，味道豐富🤤🍜昆布湯烏冬食完惹味串燒，再食碗清清地嘅烏冬，甚為滿足！好大碗呀，食得出係靚烏冬，煙韌滑溜💕串燒種類選擇好豐富，味道唔錯，而且幾抵食😋餐廳亦有供應多款酒類，啱曬同朋友一齊飲嘢食下串燒❤️

lunch 去食，落單後等左半個鍾，唔緊要啦，可能人地慢工出細貨，都幾期待，然後惡夢就開始叫左個set 金菇肥牛+一口牛，嚟到竟然係畀炭我地食，d肉燶到苦嘅，金菇燒到黑色咬落去仲衰過自己bbq結論：有圖無老作，不可一不可再

早兩日過咗港島做野夜晚約左朋友食飯，朋友話好耐冇食過串燒，好想去紅磡食，當然都係得個講字🤣所以就搵下附近有冇串燒食喇。一搵之下就彈左呢間「木火堂」出嚟，位置於灣仔附近，既然咁近就去試吓啦，點知真係有大大驚喜😳😳😳。。🔘免治雞肉串 | $38評分:🌕🌕🌕🌕🌗評語: 超級大推介！免治雞肉串經過燒烤後肉質都係比較實，因為咁樣先可以保持到唔散開。木火堂嘅免治雞肉串係實而爽😳中間加入左馬蹄食落勁好口感，點埋日式蛋黃醬油一齊食真係不得了！肉味香濃又夠爽口！。。🔘大葱雞肉串 | $30評分:🌕🌕🌕🌕🌑評語: 大葱同雞肉相間咁串上，大葱都沾上左燒雞肉嘅香味。雞肉夠幼嫩，表面微微燒燶咗更加增添到焦香嘅味道！。。🔘燒滷大腸 | $32評分:🌕🌕🌕🌕🌗評語: 呢個燒滷大腸係店員推薦我哋嘅，亦成為我哋嘅另一個重點推介🤤廚師先將大腸用滷水浸泡，一早都已經入晒味！再將滷大腸用炭火燒香，令到大腸外脆內軟。加上豬大腸經燒烤出逼出嘅油香味，真係未食都流口水！。。🔘明太子雞翼 | $38評分:🌕🌕🌕🌕🌑評語: 燒烤又點少得雞翼🤤我哋就點左呢款明太子雞翼啦。呢款雞翼其實都幾考功夫，要先將雞翼骨拆出，再將明太子鑲入雞翼之中。

-之前去日本旅行🧳都好中意食當地串燒店果陣風味同特色一試難忘🥰/早排lunch time經過灣仔比我無意中發現呢間日式串燒居酒屋 「木火堂」🏮好想同大家分享一下🫶🏻裝修充滿日本特色🇯🇵一入門口就見到掛起紅色燈籠超吸睛👀牆身位置貼上好多唔同種類嘅酒標適合打卡📸/午市出咗新Menu雖然種類唔算多但份量都幾飽肚每份定食仲會配炒雜菜、白飯及味增湯（改昆布湯烏冬+$10)/▫️即燒自選定食(小食➕主菜各一) ＄118▫️小食揀咗 「金菇肥牛卷」中意食金菇同牛肉一定要叫呢款醬汁夠晒惹味，同菜式味道好夾主菜揀咗 「熊本一口和牛」牛味豐富，肉質鮮嫩一啖一塊夠晒滿足🤭/▫️A5宮崎和牛拼生舌定食＄188▫️A5和牛肉質軟腍，油花分布均勻啖啖都入口即溶超驚喜！牛舌肉味濃郁，會食唔停口😋/▫️孜然牛肉串+$20▫️肉味香濃，加上孜然粉又係另一番風味係必選嘅佐酒小食🍻/▫️可爾必思梳打(白桃/葡萄)+$10▫️乳酸梳打酸酸甜甜，中和肉類油膩感/㊙️店舖座位有限，確保有位記得電話訂座