森戶 (官塘立成大廈) (已結業)

良久沒吃日本菜，心癮又起，搜尋附近的日式料理餐廳，才發現原來開了間新壽司店，可一解心癮了！餐廳鄰近地鐵站，位置非常便利。店裡店外的裝潢設計簡約雅緻，富有高尚氣派，與外面平民地區形成強烈對比。特上刺身拼盤賣相非常精美，質素亦一流！刺身包括拖羅、深海池魚、金目鯛、牡丹蝦、赤貝、海膽，款款均大有驚喜。金目鯛貴為傳統高級刺身，果然沒有令我失望。肉質細緻，嫩滑無比，魚味鮮濃。深海池魚同樣出色，鮮味強勁，令人一吃難忘。牡丹蝦啖啖肉，彈牙爽口，鮮味十足。拖羅油脂豐富，軟棉棉口感真是一流，超嫩滑溜，魚味香濃。赤貝好大件，肉質超爽口，鮮味爆燈。海膽份量很多，極度新鮮creamy，毫不腥臭，啖啖滋味。特上壽司拼盤有拖羅、牡丹蝦、赤貝、銀鱈魚、深海池魚、魴鮄、帶子、鯖魚、海膽、三文魚籽。海膽份量十足，令整個軍艦幾乎滿瀉，相當新鮮又滑膩，每一啖都好滿足！赤貝亦是非常大件厚身，不會​​像一般壽司店的細細塊連飯都覆蓋不到，口感爽脆，滿滿鮮味。銀鱈魚肉質肥美豐腴，帶豐潤魚油香卻不膩口，入口細嫩滑溜，就算不蘸豉油仍能吃到魚的鮮味。鯖魚口感軟滑，味道帶酸香，伴葱花薑茸很好吃。帶子肉質好爽滑，不會有雪味，十分鮮甜。魚籽份

好驚喜！觀塘區入邊新開左一間omakase，喺九龍東有呢類餐廳絕無僅有，鐘意食日本新鮮刺身嘅吃貨可以去試。餐廳嘅裝修有高級日本料理風格，有小小似築地餐廳style，老闆仲好有禮貌，會同我地吹下口。坐定之後，就遞上一杯抹茶。好想讚佢本抹茶，作為抹茶控嘅我，一飲就知呢杯唔係茶包沖嘅，唔似得其他連續壽司店（你懂的😏），佢係非常香濃，淡淡嘅抹茶味，建議食完刺身，飲一啖，再食另一舊，感覺會更品嚐到刺身嘅鮮味。我哋叫左壽司拼盤同埋自選12件壽司🤪，前菜有和風沙律同埋麵豉湯，麵豉湯飲落好特別，唔係一般飲到嘅味道。重點係🥳🥳呢度啲壽司好新鮮，原價$188/10件，依家仲要係試業期（18/9前食都有85折優惠，如果揀Omakase 森/Omakase 戶第二位仲有半價，雖然兩款優惠不能同時使用，但是但一個優惠都好抵食😍）😍食落去可以感覺到佢嘅鮮味，但係又唔會覺得佢腥！另外，我每次食壽司都會睇一睇師傅嘅技術好抵讚，壽司飯壓得好實，夾左好耐都唔散😍特別推介👍🏻：1. 油甘魚：呢到嘅油甘魚好肥美，我平時唔鍾意食嘅都可以令到我想食完再食。2. 三文魚籽：呢度軍艦壽司紫菜唔會好淋，證明餐廳唔會放左好耐，食材好新鮮

疫症之後冇得去旅行，真係成日都好掛住日本嘢食。今次就同同事嚟咗呢一間日本新餐廳試一試。就喺門口見到佢而家堂食同外賣都有八五折優惠，就俾佢吸引咗入去。店員仲有特登同我哋講omakase森户第二位有半價優惠，我即刻雙眼發光，雖然兩個優惠只能二選一，精打細算嘅我都計過，無論邊個優惠都真係平咗好多。我自己就叫咗個壽司拼盤。平時食壽司拼盤都預左好貴，但呢度既拼盤好平，唔使好貴就有12件，幾抵食。種類方面都有唔少選擇，我呢個就揀左9件刺身＋3件軍艦。先講下壽司飯：飯既溫度岩岩好，食得出係師博岩岩握出黎既，而飯既口感亦適中，幾有質素。而刺身方面種類亦好多，而且好足料，蓋實哂壽司飯，食落充滿油香。 另外都叫咗個刺身拼盤，刺身放得好靚，一放上枱已經忍唔住打卡，相機食先。刺身既種類除左有魚，仲有蝦、帶子等等，好豐富。刺身既整體質素亦唔錯，唔係雪到凍哂個款刺身，配埋wasabi食，刺激又好食。順帶一提，我特登問咗店員有冇得外賣， 因為限聚令同埋疫情，我自己呢排都買多咗外賣，好彩大部份嘅嘢食都有外賣，咁下次我就可以買返辦公室同同事或者同屋企人食。

訂位果時冇提示客人只收現金，準時去到仲要等候10分鐘先有位，坐低等食物時等到標汗🥵，全程室溫效應下食晒呢一餐，食店經理好好禮貌，不停講對唔住，食物質素係唔差，已經第二位客人是半價收費，我都覺得唔太值，如果回復正價收費的話，真係太貴了，食物質素只可以話，同板長差不多，一定唔可以稱呼為Omakase，疫情下一心來支持下小店渡過難關，但係咁既食物質素及焗冷氣問題，真係冇下次👋🏻

餐廳：森戶 (牛頭角)地址：牛頭角牛頭角道305-325A號官塘立成大廈地下E號舖今日同朋友去咗牛頭角道新開嘅壽司店——森戶🍣，去食嘅原因係見到門口寫住試業期間到18/9堂食同外賣都有8️⃣5️⃣折優惠😍，食Omakase森($680)或者Omakase戶($480)第二位亦有半價，不過要留意，兩個優惠無得同時享用，但都夠哂抵啦😜12點左近就已經坐滿哂人😆，要黎嘅真係趁早。午市食野送沙律🥗同麵豉湯，以我所食過出面嘅壽司店都唔係間間做到🙈，抵讚餐廳嘅海鮮由日本豐洲運港🇯🇵，確保餐廳所用嘅食材都係最優質同新鮮😋，叫咗個特上刺身拼盤同特上壽司拼盤，等緊嘅時候仲可以欣賞師傅嘅手勢添👨🏻‍🍳特上刺身拼盤 $320呢個拼盤有拖羅2件、深海池魚2件、金目鯛2件、牡丹蝦2件🦐、赤貝2件同海膽。海膽份量都幾多，目測至少有6條，食落口新鮮無腥臭味👍🏼；不得不提金目鯛肉質細膩，油脂均勻，放入口非常鮮美🤤特上壽司拼盤 $258由10種不同壽司組成，有拖羅、牡丹蝦、赤貝、銀鱈魚、深海池魚、魴鮄、帶子、鯖魚、海膽同三文魚籽。最為特別同少食到嘅係魴鮄🐟，粉紅同白色交集嘅魚身肉質紮實，味道清甜，同深海池魚有啲似，不過就無咁肥

睇FB見到觀塘區新開咗一間可以食到omakase嘅日本餐廳，一位$680，第二位仲有半價添，二話不說就約咗翌日黎呢度試下。餐廳座位唔多，所以記得要預約入座，我當日去食都滿座，亦都好多人叫外賣。我一心黎諗住食omakase，所以都無留意餐牌其他食物，omakase主要分兩款，見有第二位半價，所以毫不猶豫選擇了$680森set。侍應介紹我地飲呢款清酒，甜得黎又重米香，非常易入口。呢度嘅omakse唔係好似出面餐廳咁，逐款上同介紹，我懷疑係同地段有關，始終呢度係比較工業區，會黎呢度食lunch 嘅人應該都係附近工作，可能驚大家趕時間？所以刺身同壽司都係分開2碟一齊上，成個氣氛好似食緊普通刺身壽司set咁。刺身方面有粒貝、深海池魚、慢煮鮑魚、日本岸蠔、toro、牡丹蝦，食材新鮮。特別欣賞呢隻日本岸蠔，海水味濃郁及creamy。壽司方面有以下，最令我印象深刻有這幾款：吞拿魚面頰肉：樣貌有點似牛肉，但口感嫩滑灸燒銀雪魚：煎熟嘅銀雪魚食得多，但原來用灸燒嘅方法食佢，啲油脂味勁香。海膽：非常新鮮，唔會有苦同腥味。最後可以選牛肉烏冬或手卷，我揀了前者，份量非常多，食埋碗烏冬係超級飽肚。總結：覺得呢度環境

平時想食吓有質素嘅日本料理，唔係尖沙咀就係過海，但竟然俾大胃喺工業區發現到有間有得食omakase嘅日本餐廳，零零舍舍開喺成條都係平民食肆嘅街道上原本呢個時勢都想買外賣嘅，見menu上大部份嘅嘢食都可以拎走，不過大胃都係鍾意堂食多啲第一味先奉上新鮮嘅沙律，醬汁多而不膩，胃已醒醒完胃就要最吓胃，碗湯相當足料未食已經俾海膽誘人嘅睡姿吸引住，食落更係一發不可收拾，好食到暈，想新鮮死人咩？壽司當然不遑多讓，舊舊足料又有神，好似聽到佢地叫大胃快啲食咗佢地咁每件魚生鮮味到不得了，食完真係味蕾已醉食完先知佢係新開張，唔怪有85折啦！原來18/9之前食omakase第二位仲有半價，冇嗌到𠻹，不過就冇85折囉，不過咁維好似都差唔多

好友係牛頭角上班，成日話附近無啖好食，其實只要細心留意，想搵間有特色兼高質素嘅餐廳，一點也不難。最近就發現牛頭角港鐵站附近新開咗間日本料理「森戶」，今日就一於相約朋友一齊到訪。之前已經打咗電話嚟訂檯，原來餐廳 6 月先開始營業，而家尚在試業階段。店員話餐廳而家推出咗個「抗疫優惠二重奏」：如果客人點選 Omakase，第二位即可享半價優惠；另外由而家至 9 月 18 號，客人無論堂食或外賣，均可享全單 85 折。雖然兩款優惠不能同時使用，不過諗落都仍然覺得好抵食。餐牌選擇很豐富，有 Omakase、各式各樣壽司、火炙壽司、軍艦、刺身、卷物、手卷、盛盒、海鮮丼等。今次我哋就揀咗兩個 Lunch Set：北海丼、特上壽司拼盤。每個午市定食都會奉送麵豉湯和沙律；麵豉湯內有海藻和豆腐，飲完個胃暖笠笠，好舒服。雜錦沙律菜好新鮮，碧綠爽脆，配有少量和風芝麻醬，清新開胃。先來特上北海丼 ($188)，內有七款港人最愛嘅刺身，當中包括有吞拿魚腩、油甘魚、帶子、海膽、牡丹蝦、三文魚籽和三文魚，用料勁豐富，加上顏色很鮮艷，真係睇見都想食！每款刺身都很新鮮，吞拿魚腩夠曬肥美，入口魚油香濃。油甘魚食味亦不俗，肉

今日同朋友去裕民坊買嘢，經過見到近牛頭角方向開咗一間日本餐廳，原來係啱啱開張試業中，疫情期間餐飲業已經好難捱，呢間竟然逆市開張，真係要試下。🤩而家試業期間（去到18/9號）如選擇Omakase 森或者Omakase戶第二位可以50%OFF（第二位半價真係好抵食！），如果唔揀Omakase都可以有第二個85折優惠，堂食同外賣都可以享受呢個優惠㗎。食日本菜當然要飲綠茶，雖然餐廳有準備綠茶粉，但職員都好盡責咁幫我加茶水，所以無自己沖我地揀咗刺身拼盤，刺身都好厚切，魚嘅刺身都好新鮮，但又唔會有好重腥味。除咗刺身拼盤，我哋仲揀咗自選壽司（12件），刺身都好肥厚，同飯嘅比例差唔多1:1，食嘅時候真係好滿足😋，特別欣賞赤蝦壽司同埋芥辣八爪魚軍艦！另外午市仲會送沙律同麵豉湯！今日平日下午時間，堂食人流唔算多，walkin唔洗等位！不過留意到餐廳除咗堂食，仲可以外賣（food panda自取都有折！）原來餐牌上大部份食品都可以外賣，咁就可以安心係自己地方享用，唔怕疫情😋影低咗午餐餐牌比大家參考，有埋優惠其實同外面食個飯差唔多價錢，性價比高

就算 WFH 有時都要返下公司最近附近開咗間新鮨店喺觀塘都可以食到高質壽司 😍而家新開張仲有 85 折呢Omakase $380 起就有交易不過我哋揀咗兩個 sushi platter～我嗰個係【特上壽司拼盤】Lunch Set 送沙律同麵豉湯另一個係【火炙盛盒】【特上壽司拼盤】勁豐富由左上開始有三文魚籽、海膽、牡丹蝦、活赤貝同帶子跟住係銀鱈魚、魴鮄、鯖魚、深海池魚同拖羅食材都係矜貴高質嘢，相當吸引 😋三文魚籽同海膽呢兩件軍艦壽司非常爆滿！【三文魚籽】每粒都脹卜卜「噗」～ 就喺口腔爆發鮮味 🤗【海膽】極鮮甜，口感細緻幼滑【銀鱈魚】整成壽司咁食係第一次試炙燒完更加帶出油分，入口即溶咁～【拖羅】都係油脂豐腴，好好味【魴鮄】同【鯖魚】就較爽身，充滿光澤 ✨拼盤除咗魚，其他海鮮都有㗎【牡丹蝦】彈牙之餘帶點漿口 👍🏻【活赤貝】唔係周圍都有得食呢個仲要咁大隻厚身 ❤️爽甜到不得了！【火炙盛盒】有拖羅、三文魚腩、金線鯛同銀鱈魚第二排係金目鯛、帶子、左口邊同鰻魚火炙壽司燒過之後又有另一番風味燒唔燒我都鍾意，哈哈不過呢 set 係朋友嘅～【金線鯛】魚身有金線而得名係產自日本嘅紅衫魚但當然係深海魚先可以做刺

牛頭角附近新開咗間日本餐廳叫森戶，尋日有同事外賣自取咗啲丼飯，睇落幾唔錯。 原來堂食同外賣至到18/9都有85折優惠，今日就落去試吓～對上兩個星期都work from home，日日外賣抑壓得太耐，今次就食好啲～我就叫咗個【特上刺身拼盤】。有拖羅、牡丹蝦、金目鯛、深海池魚、活赤貝、海膽，每款兩件，同我同事開心「些牙」。每款刺身都色澤粉艷，一睇就知極新鮮。我最鍾意金目鯛刺身，經過火炙，魚油同少少香烤味混合，又香口又鮮味。活赤貝就好爽甜，好想貪心食晒兩件，不過好嘢應該分享先啱嘅～同事叫咗【特上壽司拼盤】，有拖羅、牡丹蝦、活赤貝、銀雪魚、深海池魚、魴鮄、海膽、帶子、青魚、三文魚籽壽司。佢話海膽壽司塞滿海膽，味道鮮甜，冇佢最怕嘅腥臭；拖羅就夠晒肥美，魚油相當豐富；深海池魚就魚味濃郁；三文魚籽就粒粒大粒兼晶瑩通透，咬落去爆出充滿鮮味嘅魚油。跟餐仲有新鮮沙律同麵豉湯，食完飲碗熱湯真係好滿足。店員溫馨提示，餐牌上大部份嘢食都可以外賣㗎！ 咁近公司，外賣都好方便啫。同事話下次可以再食豪啲，食Omakase 森或Omakase 戶 ，第二位半價，除開都幾抵食。

今日約左好友食飯, 佢介紹牛頭角地鐵站附近一間新開日本料理 户森 , 有Omakase 廚師發板, 魚生刺身、壽司, 話非常新鮮高質素！餐廳裝修日式木系居酒屋風格, 大部分為吧檯坐, 可見師傅席前製作, 亦有卡座適合大夥兒聚餐。而家新張期內至18/9, 堂食及外賣都有85折優惠；食 Omakase 森/ 戶就享有第二位半價。兩款優惠不能同時使用, 又確係幾抵食！一場嚟到, 梗係試下廚師發板, 就點咗個Omakase 戶。套餐包前菜沙律和麵豉湯。Omakase不時不食, 每天不同, 今日刺身有北海道牡丹蝦、拖羅、金目鯛、深海池魚、赤貝和海膽。海膽北海道直送, 肥美肉厚帶海水味。赤貝新鮮爽口彈牙。深海池魚晶瑩剔透, 鮮甜爽脆。金目鯛肉質結實魚味濃。我嘅至愛拖羅, 入口即溶油脂爆發充滿口腔, 甘香歷久不散, 回味無窮！壽司有拖羅、魴彿、金目鯛、牡丹蝦、帶子、吞拿魚、鯖魚、深海池魚、銀雪魚和海膽。魴彿魚刺身平時喺香港較難食到, 肉質鮮甜爽口。牡丹蝦蝦肉甜美, 細綿帶爽口感。帶子肉厚味甜, 嫩滑鮮味。炙燒銀鱈魚油脂豐盈, 肉質細緻。拖羅碎手卷 鮮甜味美, 嫩滑細緻, 跟醋飯手捲帶微酸黏口,

今日牛頭角收工經過見到有間新開日本餐廳，入去試吓好有驚喜，海鮮用料上乘，食過港島區同類型食材要$500以上，開在官塘區價錢合理，平民價易接受，$400-$600就可以享受到高質的omakase，同時見到隔離枱嘅井飯好有水準，下次一定會試埋😋

有冇朋友仔好鍾意食壽司呢？話說早排就同朋友去咗一間喺牛頭角新開既壽司店🍣店舖唔算好大並以淡木色做主調，除咗一般手握壽司亦都有Omakase食，質素都唔錯☺️_🍣Omakase 山 $380呢度亦都有3款唔同價位既Omakase食，呢個套餐就包左10款壽司同一個手卷，亦附上味噌湯，十款壽司包括海膽、帶子、活赤貝、大拖羅、牡丹蝦、銀鱈魚、深海池魚、魴鰤、火焰蒜香和牛同鯖魚，全部壽司都好新鮮💜另外店員都有提我地要食咗手卷先，食嘅時候紫菜能夠保持到脆口😉蔥吞拿魚腩手卷食落充滿油脂香😋-🍤特上剌身拼盤 $320剌身拼盤上包括多新鮮剌身：拖羅、深海池魚、金目鯛、牡丹蝦、赤貝、海膽💜 午市壽司拼盤附上味噌湯和麻醬沙律🥗鯛魚晶瑩通透食落亦很鮮甜😆另外不得不提既係呈粉紅色的拖羅🤤食落去滿滿幸福感

今日約左朋友食lunch佢帶咗我去佢公司附近嘅一間日式餐廳朋友話呢度新開張做緊優惠，無論係外賣定堂食都可以有八五折㗎，所以今日特登帶我嚟呢度試下午市時間，呢度有價錢相對優惠嘅定食套餐我見咁耐冇出嚟食嘢，加上有得折， 所以就要咗個貴少少嘅特上壽司拼盤而朋友就要咗呢款《森》既omakase我嘅壽司拼盤因為係套餐，所以會有埋熱湯同沙律拼盤一共有十件不同食材嘅壽司每件壽司都色澤均勻亮麗，賣相相當吸引食落嘅質素亦都非常好，最肥美之選非拖羅莫屬朋友嘅《森》同樣有十件時令新鮮嘅手握壽司仲會有一件拖羅蓉手添食飽飽飲埋自己沖嘅抹茶就最perfect喇