甲天下正宗桂林米粉 (已搬遷) 新店位置

在旺角朗豪坊買東西，一路步行去奧海城，在步上行人天橋之際，看到這間新張不久的小店。在香港，專門吃桂林米粉的食店十分罕有，難得碰上，不能走寶吧！時間還未到晚上七點，已經有食客在等位，等了大約十分鐘，有幾名食客埋單走出來，店面地方不大，我一丁友塔枱也沒所謂吧！坐位選用仿古木制長枱長櫈，甚有內地地道小店風格！點了干炒桂林米粉，配料選了滷蛋，蒜香豆角，醬香豬手及原味玉林牛巴。桂林米粉十分柔滑彈口，腍得來煙韌有嚼勁。這種桂林米粉像是米線及鳥冬的合體，有米線的彈滑，亦有鳥冬般的粗大質感。滷水蛋帶有五香味，醬香豬手惹味，蛋同豬手都剪開左方便食客進食！原味玉林牛巴有點像牛肉乾的實感，有點風乾肉味，十分獨特！點餐前侍應溫馨提示，小店有醃青椒及醃蘿蔔提供予食客自取。奈何本人不太愛醃制食品，但看見不斷有食客添食，待人潮退郤後前去拍照，已差不多清碟了，相信有人吃得津津有味。店名為“甲天下”，相是取自名句“桂林山水甲天下吧”，哈哈！

約了朋友去旺角電腦中心選購耳筒, 本來不想買但看著看著還是買了. 大出血後不想太多吃太貴的晚飯. 朋友便帶我去一家於塘尾道的偏僻小食店. 專吃桂林米粉. 提起米粉, 現在香港最流行的是譚仔麻辣米線一類, 星期六剛已吃過譚仔, 正感到有點悶. 店子的環境頗狹窄, 但環境光猛. 看到這個點餐單的內容, 令我想起幾年前去桂林陽朔時早上吃的桂林米粉, 這裡的配料選擇自然比在桂林的小食店多. 但相對譚仔則是較少. 後面的點餐單則是飲料為主. 另有5款較貴價的配料.下單後, 老闆說中間有個枱上放了醃青椒, 醃蘿蔔, 蘿蔔吃起來脆脆酸酸, 青椒則是帶酸辣, 頗惹味開胃.最後點了跟之前在桂林吃過的干撈桂林米粉, 本來的配粉有肉末, 酸豆角, 脆花生, 蔥花, 酸辣荀等. 加點的配料則有單骨雞翼, 香煎豆腐, 冬菇. 本來的配料都較脆身, 酸辣咸味均有, 但加點的單骨雞翼意想不到地肉嫩且香, 豆腐則是薄身的豆腐乾, 吃起來是彈牙的, 味道不錯. 畢竟是干撈的, 味道有點單寡, 加點桂林辣椒同吃, 味道既配搭又惹味. 比潮州式辣椒油更對味. 埋單的價單是$54, 沒有點飲料, 這個價格在旺角繁忙區域只能點

早前在社交網站看見朋友分享米線，令我甚有興趣。所以趁著放假走去試一試！店舖位置正正就是心夜來潮的舊址，裝潢有一番古舊簡單的味道！粉的種類有三款，分別為桂林米粉、土豆粉、螺螄粉！而烹煮的方式分為干撈及干炒等等。配料分為四大類，可按自己喜好而添，當中不乏大路款式及較為特別的款式！砂鍋土豆粉 - 粉質較軟滑彈牙，湯底小飲一口味道頗濃而不油～土豆粉本身配有酸豆角、花生、酸辣筍及蔥花，味道酸酸而醒胃，確實不俗！配料點了香煎豆腐、鹵大腸及香辣玉林牛巴。香煎豆腐質感薄薄，味道軟滑～鹵大腸食落爽口軟稔而有嚼勁，完全不需費太多時間去咬嚼！香辣玉林牛巴我從未食過，好奇心驅使我去嘗試。質感味道像肉乾般乾乾而有咬口，而且有刺激醒神的辛辣，不論作為小食前菜或者放在麵條上食均可以！若果依然覺得不夠味道不夠喉的話，可以出去自助地按自己喜好需要去增添醃青椒及醃蘿蔔！食畢後覺得既可以清清味蕾清新一下之外又可以不會太顯滯～飲品其實有汽水、椰汁、加多寶等等。不過我依然毋忘到對烏龍茶的喜愛！

星期六睇完介紹甲天下，行動力迅速既我第二日又叫朋友同我去食下係咪真係咁特色好味。未點餐店員先同我地講櫃枱有醃青椒同醃蘿蔔，隨便添加，鐘意食幾多拎幾多。講完我當然都夾番碟拎黎做下開胃菜，醃青椒同醃蘿蔔唔似平時過份酸，亦帶爽脆，非常醒胃。我叫左呢個砂窩土豆粉，有肉末，花生，蔥花做伴菜，另外多點蒜香豆角及鍋燒肉做配料~ 翠綠豆角蒜香陣陣，尤如平日炒菜食果種風味。土豆粉半透明狀，好似蒟蒻，湯汁精華全部都係土豆粉既表層，土豆粉滑溜有嚼感。我奇怪點解冇酸辣筍絲，原來都係薯粉中，筍絲唔太辣，適合小嚐辣既人食。呢度辣椒醬好正，落左係薯粉後零舍惹味，我落左十羹，朋友話我痴左線😂咁好食嘛~鍋燒肉真係唔可以唔叫，外層脆如燒肉，豬皮完全同燒豬皮冇分別，香脆既卜卜聲不斷從我咀裡傳出。內裡豬肉依然粉嫩有肉汁，並冇因為油炸關係抽乾水份，亦冇油膩感。朋友則食干撈桂林粉，另配香辣魚仔及香煎豆腐。雖然係干撈，但佢熱辣辣有彈性，醬汁相拌，非常美味。香辣魚仔脆卜卜，辣中帶鹹香。香煎豆腐軟軟的，唔會乾乾死鹹有豆香，保持持滑溜口感。店鋪推介~

行過諗住買碗外賣返屋企食，其實間舖位置都幾偏僻叫左碗桂林米粉$30(有幾粒花生，幾粒酸豆角，葱花), 加酸筍$6, 加排骨$10照計外賣加$1都係$47啫，收我$48, 老闆就喺免費添食嘅酸菜架，加左d酸蘿蔔同生青椒絲落個膠碟度，同我講係免費嘅，哦，原來隻膠碟要收$1，到拎外賣時又唔覺隻碟喺膠袋裡面，只覺輕飄飄回家才發現，真係中伏！一開個蓋，個膠碟喺上層，下層先係碗粉，湯連粉得半碗，唔怪得輕飄飄！比起我食過嘅桂林米粉，呢間無風格加上咁嘅價錢同份量，唔會再幫襯

同朋友係旺角行街，但係人太多，又唔想係同人逼，所以就往旺角街市方向個邊行下，睇下有咩好食。朋友提議去食麵線，見到有間都多人食既小店就入去試下。餐廳細細地好有古代風味，全部木枱木椅，入面坐到十幾個人。有點餐紙係枱上面，簡左麵底，由$30至$48，可以再選配菜，$6-$18左右，。幾特別的是，會有撈麵，同理香港好少見既土豆粉。因為朋友請客，甘我就唔客氣甘點多少少，嘻嘻。點左個砂鍋土豆粉，再選左鹵蛋，單骨雞翼，豬頸肉，豬大腸。廚房因為得一個人關係，都等左10分鐘左右先上菜。湯底聞周食起來味道好特別，香港好少有，似平時番大陸食麵既味道，土豆粉外表好似烏冬，口感煙un，好滑口，湯底配菜好多，增加湯底味道層次。鹵蛋好入味，蛋黃唔會死實實，蛋白部份很入味，隻蛋吸左少少湯底，好正。雞翼就貴左少少，但都好入味，燒得剛剛好。豬頸肉係最好食配菜，食落唔會好肥，夠爽口，食到唔停口。豬大腸吸晒湯底，煮得好入味。

雲南米線就聽過，桂林米線你又聽過未。朋友推薦這家桂林米線，於是我就黎試下睇過餐單，原來米粉有三種，而且仲有豆粉咁我當然選擇左最出名的桂林米線除湯附送；酸豆角、花生、仲有酸辣筍。。。個酸辣筍最好味，易入口既感覺，咬落仲幾爽好味既野我就簡左鹵蛋，鹵五花肉，仲有小炒肉呀！三個之中我就最鍾意鹵五花肉，真係好有口感。另外二款味道適中，如果辣一D就好。整體上唔錯，湯底唔會過濃，米線味道有夠入味，可以話色香味俱全。食完之後仲好飽咁走！！而老闆仲好有禮貌同我講再見，好有親切感呀！！價錢算平，麵質算唔錯。

最近響fb果倒好多人like左呢間舖頭，佢個post上面果碗粉睇落好多料好吸引，所以就捉左個朋友同我一齊黎食一黎到見倒呢度古色古香咁，好似睇古裝片入面啲客棧咁。廚房前面仲有個木欄，木欄嘅左邊有啲醃左嘅青椒同蘿蔔可以自助咁夾黎食。個menu有兩頁，唔好睇溜左後面嘅頂頂都有餸可以揀嫁，價錢全部都列哂係上面，唔會唔清楚。第一次黎呢度食，其實睇下面個介紹都好清楚可以知道碗野係點嘅，不過店員都好好，主動介紹翻。而且係對每枱客人都係咁好態度咁講解。呢個係桂林米粉，加左香辣魚仔同豬頸肉。個濃底味道都幾濃入面配料好多，飲落有小小辣辣地，好野味。啲魚仔好香好脆，有小小似炸過咁，同個湯底都幾襯。豬頸肉同平時食倒泰式果啲好唔同，佢應該係炸過嘅，較平時泰式果種乾身小小，較為煙韌。雖然成碗粉好野味，但係湯底唔太鹹又唔油，所以食落一啲濟嘅感覺都冇。呢個係螺獅粉，個湯較為清甜但係就辣過桂林米粉小小。飲落個湯底好清，一啲味精都冇，食完完全唔口渴。仲有，啲豬腸真係好正，味道好濃螺獅就係呢啲螺仔喇，挑左出黎細細粒咁幾就咬口，就係因為呢啲螺仔所以個湯好清甜。呢個單骨雞翼炸到個皮好脆，咬落塊皮索索聲，入面仲有雞油流出黎

以前雲桂香有隻叫薯仔qq面好好味比米線彈牙好多不過就un胃d自從佢無左之後除左大陸食到香港已經唔知邊到有得食無意中知道而間有砂鍋土豆粉食即刻同男朋友黎試一個砂鍋土豆粉本身配料有肉碎，碎豆角，同花生另外加餸就介乎$6-$18 男朋友叫左大腸同豬頸肉，唔記得左每樣$10/$12者係都已經五十幾一碗 我就要左雞翼同榨菜不過而到有任添既配料，包括辣荀絲，醃青椒同醃蘿蔔加埋荀絲同青椒都真係幾好食有返熟悉既味道土豆粉癮起時會再黎既不過如果想食米線都係食返其他有更好選擇

我是個吃桂林米粉長大的十足桂林人。桂林米粉對於我就像是親密戰友，而它的味道早已深入我的血液裡。一直都在香港尋找桂林米粉店，這裡不得不吐個槽。香港對國內的食物的接受程度真的太低了，我在悉尼都能輕易找得到蘭州拉麵麻辣香鍋小龍蝦自己會轉的中式燒烤，在香港真的難得一見。前幾年旺角有家黑鼻子桂林米粉是我在香港吃過最好的，可惜做不住，關了。西環那家我也山長水遠跑去幫襯了幾次，不好彩也做不下去。倒是元朗陸記開得紅紅火火。我當然吃過，那根本不算桂林米粉嘛～最近手癢又開始找粉店，居然看到旺角開了一家甲天下，乍一看還挺有點模樣，於是馬上去試試。weekday的晚上，店裡只有我一個人。還沒進店就已經聞到我最愛的酸筍味，我要的就是這個！老闆很nice，還好心介紹我桂林米粉的吃法，可惜說得都是錯的呵呵😊。素粉26hkd，我加了滷肉和燒肉（桂林叫鍋燒）還有香菇（這個組合真的很不桂林）如圖，黃色的一大片是免費添加的酸筍，我的最愛。圖上放紅紅的是所謂的燒肉，鍋燒改良版，不把它放進粉裡就算了，還在旁邊放一大匙甜辣醬是怎麼回事。算了，不要在意這些細節，我們來吃一口粉。老闆說這個粉是正宗的桂林米粉哦，可是並沒有標配的鹵水牛