甲天下正宗桂林米粉 (已搬遷) 新店位置

同朋友過去奧海城行街去之前見過間食桂林米粉見到好似幾正宗，所以入咗嚟食環境簡約，裝修都幾有四川風味近門口位置有醃左嘅蘿蔔同埋辣椒可以自己攞用黎做前菜都幾開胃點左一個干撈桂林米粉另外再加左香煎豆腐、單骨雞翼再配埋好耐冇飲嘅椰子汁記得細個飲過類似嘅包裝嘅椰子汁依款同細個飲嘅味道一樣唔知係咪同一個產品桂林米粉開頭以為係平時食到好幼既米粉原來係好似米線咁，仲要好彈牙麵上放咗筍、蔥、花生拌埋一齊食多重口感，個香煎豆腐就煎得好好味單骨雞翼都經過醃過再煮，好入味佢將雞翼整到單骨咁，好方便食

本身愛吃米線既我時常都愛到處搵下附近有咩米線鋪，依間專賣正宗桂林米粉就係街市左近，店鋪雖然唔大，裝修都以木製枱石牆為主，其他客人都係街坊為主其實以前去廣州都食過桂林米粉，麵條同米線差不多，但口感比米線更佳，今次係依度食到既味道同口感，同我係度廣州食過既一模一樣，真係夠地道醃蘿蔔同醃青椒都係自取任食，似韓式蘿蔔味，開胃前菜<<桂林米粉>>依度除左有米粉，仲有土豆粉，我叫米粉湯，配料夠多，食落重酸辣味，米粉口感軟熟彈牙，酸辣荀入味又爽脆，另加左鹵蛋、香辣魚仔、鹵大腸、秘制豬頸肉，魚仔食落好香，愈咬個辣味愈出，鹵大腸鹵得入味，如果瘦少少就好，豬頸肉都幾爽口，整碗味道惹味十足香港真係難得少有桂林米粉，估唔到係度都可以食到地道味道，真係好好食，下次帶男朋友黎再安哥先

其實一貫食開的米線都係用桂林米粉浸製出嚟。內地通常會叫原名桂林米粉，點解香港叫叫下會叫左做米線我都好想知道。不過我肯定嘅係兩者的味道唔同，桂林米粉的味道有拒獨有的酸荀味，酸荀係其中一個配菜。就好似米線甘，平時一般都酸菜同肉碎一樣。今次叫左個柳州螺螄粉，比原本的粉多左幾樣配料。有肉沫，酸荀，酸頭角等等，材料算是豐富，辣度屬於中辣，愈食就愈辣。味道係酸味重，湯底有海鮮湯味。如果想另外再加配菜的都可以自由搭配。另外一個我叫左一個炒桂林米粉，配料加左單骨雞翼同埋冬菇兩個配料，單骨雞翼經炸過，冬菇係經過炆，食落去好有鹹香嘅味道。炒米粉好有鑊氣，加左椰菜一齊炒，上面仲有酸荀絲。另外大枱上有醃青椒同醃蘿蔔，可以免費取。味道好酸，但係就超開胃，好過癮。呢間店的位置剛剛在橋下，有點難塭，但幸好沿途都有拒張海報指示，留意一下就塭到。

講起旺角 我相信大家開常都係行女人街呀旺角中心呀好小人會去朗豪坊後面周圍走今日 約左朋友拎野 慢無目的咁周圍行行到朗豪坊後幾條街發現到食桂林米粉既小店 門前有一大張poster 賣相吸引而我去到既時候都差唔多9點 而個區都唔係旺區，所以食客較小一坐低就睇下有咩好野食呢到好似平時食車仔麵咁係張紙簡好咩湯底 同要咩餸每款都好特別 最終特就簡左柳州螺螄粉起初我以為係螺絲粉再問返店員先知其實個湯底係用左螺肉去煮成而粉就係桂林米粉 質感好似米線咁但又無米線咁'腍' 口感不錯而湯既配料有炸腐竹, 炸花生, 荀, 木耳, 蔥花, 炸肉碎等等配料口感豐富, 而個湯底本身帶辣, 非常惹味額外 我再加左豬手及鹵大腸而豬手及大腸煮得非常入味, 一入口有即溶既感覺, 一流!另外, 有自家制既醃青椒及醃蘿蔔可以比客人自己攞黎食

早前揸車經過, 發現亞皆老街近海皮街尾轉彎有間桂林麵店今晚突然諗起, 所以約埋最鐘意食嘅朋友一齊試新野經常食四川, 重慶..., 桂林未去過, 只知山水出名, 未知桂林米粉是否同樣出色❔地址感覺上是有點隔涉, 但其實只係旺角街市再行出多一條街我先選店舖最入的位置坐下, 這個位私隱度高食物選擇很簡單, 選好麵底再加餸由於廚房是開放式, 所以炒粉時特別香, 我聞到我的晚餐快來了我選了干炒桂林米粉 + 紅燒排骨 + 秘制豬頸肉 + 娃娃菜超級熱, 剛剛炒起啊沒想到桂林米粉竟像米線 但比較有靭度 (就是沒看過米線能被炒嘛)很惹味, 很有家鄉炒米粉的風味由於有酸豆角關係所以未食前會聞到酸酸的味道, 但入口酸味不再存在配料方面也有花生, 葱, 肉碎, 酸辣荀, 椰菜我另選的紅燒排骨, 脂肪比較小, 非常入味秘制豬頸肉, 肉質爽, 味濃還有娃娃菜, 炒得淋而且跟這個米粉的味道很夾‼️不很不提的是花生非常香除了很快食完這碗麵, 還飲了一罐天地一號‼️很久沒飲過, 香港很少餐廳有得飲一碗麵跟天地一號, 圓滿的完成我今晚晚餐我離開店舖時, 主廚的老闆娘還面帶笑容的問我們好不好吃？說真的, 食物味道很不錯希望下

之前在網上玩了一個遊戲,幸運的被抽中得到了禮物;這天放工後到位處於旺角的大廈領取獎品,結果整個過程花了一個多小時;然後趁著街外陰涼的天氣,便想在附近找間粉麵店來祭一祭五臟廟,於是打開Openrice大神的搜尋功能,按圖索驥找到在附近中最近領獎大廈的食店--甲天下正宗桂林米粉!來到食店時已八時多,原本店內已滿座,正想問一問店員需要等多久時,剛巧坐在門口的客人埋單離去,就變成即刻可入座了;走近食店時,看見門口招牌羅列著三款米粉,其樣子應該是主打系列;進內坐下後,直映眼簾的是青磚內壁為主調的裝潢,再配合牆壁上掛上一個竹箕,更顯有近乎農家氣息!而個人比較讚賞就是用小樹枝/草桿做成的小屏風,這裝飾在水吧檯上既美觀又實用,有將水吧分隔開的視覺效果;再配合著桌椅的深木紋色,整個氛圍營造得的效果不俗!拿起點餐紙來看看,衡量一番後,對螺絲粉興趣較大,再多添兩樣食物(生菜+滷五花腩肉),加上一個凍飲就下單了;之後在等著米粉時,店員說,店內的兩款醃物是任意添食的;這種方式還是頭一回在香港的粉麵店遇到,值得稱讚!兩款醃物各取了些來嚐嚐;觀其色澤聞其味,在在顯示其十分新鮮!醃蘿蔔一入口,酸甜味很平衡,嚼起來帶著

來到週日，又係一班朋友gathering既大好日子，因為約佐朋友仔4點鐘到奧運站的屋企gathering，所以出發前我就忙裡偷閒，到了旺角shopping一番。行到累，買到窮，是時候要醫五臟六腑；在往奧運站的中途，讓我找到了這間桂林米粉店。記得若干月前，這個位置是「心夜來潮」，一間我很喜歡的潮洲店，現在，卻已面目全非，變成一間米粉店。大約下午2時多，人，不算多，但看見外裡的招牌，是挺吸引的。 走進店內，發現原來此店是和「心夜來潮」同一集團的，這讓我不禁又多了一番期望。店裡裝潢，古式古香，很有內地：四川，潮洲那份書卷味，餐具，也是以木制品為主。餐牌十分簡單，主菜分兩款：桂林米粉，和土豆粉。煮法就分：砂鍋，干撈，和干炒，三款。無奈地，餐牌沒有圖片，客人要點菜，可能要依賴餐廳外的大大宣傳牌，或者看openrice的食評，不然，要知道自己所點是甚麼，也有一點難度。飲品選擇不少，而且價錢親民，和超市賣的價錢相若，走平民路線。就是這個大大的宣傳板，是唯一的圖片，讓客人知道各款食物的蘆山真面目。在餐廳的門口，設有餐廳自己醃制的青椒，和蘿蔔，客人可以按自己需要，免費拿取，當然，切忌浪費，食得哂，先好拿

同朋友去奧海城睇完戲，諗住去旺角行下街，途中行天橋果時見到有個易拉架有桂林米粉，因為好少食到，就抱住試新野既心態黎食～位置有啲隱蔽，好彩有睇佢指示牌黎，睇黎係開左冇幾耐既鋪頭。環境位置開始坐到廿來個，以石磚同原木做佈置，好中意佢既格局。桂林粉都有分好多種，有乾撈、炒、湯等等，我就嗌左個乾撈試下～食麵點少得飲品，依罐椰奶我以前細細個就飲，已經好耐冇飲過喇～好多地方都搵唔到，要去番舊式士多先有，味道好懷念呀～但價錢方面就貴左啲，要$10一罐，但因為食乾撈，所以不得不加。食客可以自由加辣，不過我唔係好辣之人，就冇咩點食LU~~乾撈桂林米粉，另鮙加左鹵蛋、娃娃菜、香煎豆腐、金菇，佢碗米粉配有蔥花、肉末、酸豆角、花生同酸辣荀，酸辣荀會帶有小辣，可以額外分開上，最後我揀左後者～依碗乾撈桂林米粉材料豐富，有少少既肉末汁可以撈勻，桂林米粉口感彈牙，同出面食開既米線好唔同，加上配料既味道，更添幾分味道，雖然我加既配料較素，但依然感受到製作人既用心。米粉唔易斷開，佐如果多少少醬汁味道會更好～（因為我食唔到辣，冇得辣汁撈粉XD）係一間幾有特色既麵食好去處呢!

聽朋友講旺角心夜來潮的舊鋪位轉了做桂林米粉，亦是心夜來潮同一公司開的，之前吃過心夜來潮，覺得做法傳統又好味，相信桂林米粉亦會別有一番風味裝修跟之前心夜來潮一樣，只是招牌改了，另外亦無左室外的餐枱，唔知係咪同政府加緊執法有關呢? 可能呢個就係心夜來潮要搬大鋪，而呢度就要轉營的原因自助點餐紙，跟一般車仔麵叫法一樣，自選湯粉或炒粉，再選配料，基本的都配有肉末、酸豆角、脆花生、蔥花、酸辣筍，好有潮州風味器皿樣子不錯看客人可以免費自助取用腌蘿蔔興腌青椒，大家記得店內的溫馨提示，唔好浪費食物椰子汁 ($10)上次食心夜來潮的時候已經飲過，覺得好好味所以要再飲，喜歡它的無添加美味砂鍋土豆粉 ($38)，配料 - 娃娃菜 ($6)、醬香豬手 ($10)我跟媽媽都係第一次食潮式土豆粉，原來土豆粉係外層晶瑩，食落好滑，比起普通米線好味好多，酸辣筍絲令成碗粉好香，醬香豬手用南乳滷得夠入味，有D已經骨肉分離，足見其淋度干炒土豆粉 ($48)，配料 - 香煎豆腐 ($8)、原味玉林牛巴 ($18)、生菜 ($6)點了一個湯的，當然要試埋炒的， 干炒土豆粉少了那份晶瑩剔透感，但同樣咁滑，口感更加煙韌，玉林牛巴有少

旺角人多美食多，趁今日放假，便到旺角覓食一番！在朋友群組中，朋友曾介紹過【甲天下正宗桂林米粉】，於是決定同老公前去會一會它！未走進【甲天下】，已見一對關於【桂林】及【米粉】的對聯。看到門口的廣告相，我已被【砂鍋土豆粉】吸收了！店舖雖小，但裝修很有農村及反樸歸真的感覺。我們可在點菜紙上挑選自己喜歡的配搭。店內更備有惹味辣醬，為美食添刺激。此外更提供【醃青椒】及【醃蘿蔔】，但開始時不要取太多，要先淺嚐，如喜歡，可再隨量添加。經常食【醃蘿蔔】，未覺得特別，但第一次食【醃青椒】，酸中帶點辣，很特別，我鍾意。我們叫了很多美食。老公叫了【桂林米粉】配【冬菇】及【單骨雞翼】。隨米粉會配有肉末、酸豆角、脆花生、蔥花及酸辣筍。我食了一隻雞翼，嘩，原來有少許椒辣，但純屬惹味，所以連不嗜辣的老公都讚好！我當然要叫在門口展示出來的【砂鍋土豆粉】啦！賣相很吸引，送來時熱辣辣，香噴噴！土豆粉都會配有肉末、酸豆角、脆花生、蔥花及酸辣筍。平日我愛食飯，很少食粉麵，但今次有點改觀，這土豆粉十分晶瑩，呈半透明狀，猶如有層啫喱包著米線，口感煙靭十足，彈牙爽口，果真不錯！此外，我叫了軟滑薄身的【香煎豆腐】及入味的【玉林牛巴(

在旺角也發現特色米粉，平常見到的，大多是桂林米線/米粉，這裡有干撈的米粉已經很特別，但「柳州螺螄粉」更是吸引我，立即點來食。店內還供應醃蘿蔔及醃青椒，都是自助任取，當然食多少就拿多少，不要浪費食物。還裡的飲品選擇也有烏龍茶/蜂蜜綠茶/汽水/椰汁等等，但我又發現好推介，在大陸一飲就喜歡上的「天地壹號」是一款蘋果醋飲品，有氣的。味道酸酸甜甜的果醋，充滿蘋果香，帶有氣泡清爽的飲品，好岩食辛辣食物時飲，解辣又消膩。食米粉當然少不了辣椒醬，十分香辣椒味，且有胡椒香好惹味，比較偏咸。至於醃蘿蔔不夠入味，再酸一點較好。醃青椒反而醃得夠入味，酸香卻去掉了辛辣感，味道幾好。柳州螺螄粉 $40，配料包括有螺螄/肉末/酸豆角/脆花生/蔥花/酸辣筍/黑木耳/脆腐竹......等等，口感極之豐富，味道又多層次，一碗的份量剛好。食過呢款螺螄粉就知道此「螺螄粉」不是 西式的螺絲粉，「螺螄粉」其實是用一種叫「螺螄」的貝殼類海鮮配豬骨及香料熬製成湯頭，用來煮米粉，而叫作「螺螄粉」。而正宗的「螺螄粉」是不放「螺螄」肉的。先飲湯頭極之鮮味，香辣中帶有鮮甜味，濃郁清湯一點也不油膩，跟本食不停口，米粉質感似米線，軟滑爽口且吸了

去完奧海城行返旺角覓食，見天橋後的一角，有間「甲天下正宗桂林米粉」，以前在內地食過呢類有風味的米粉，難得香港有一定食下。平時食有湯的米線多，呢度有干撈、干炒的米粉，話雖叫米粉，但質感是米線。還有好特別未見過的柳州螺螄粉。配料另計，也有20款之多，花光眼亂，我就點了推介的配料。點完餐，就自行取醃製配料，有少見的醃青椒，更有幫我一解辛辣的醃蘿蔔，自家醃製的。醃青椒酸酸地有椒的香味，而且一點也不辣。醃蘿蔔在韓菜炸雞時食得多，但呢度自家製，酸度剛好不嗆喉，一解我辛辣的味蕾。辣椒醬跟一般的不同，好香辣椒及香料味，而且不算太辛辣，咸香惹味，一定要加點落米粉同食。干撈桂林米粉 $30，我選擇了鹵蛋 $6，鹵大腸 $8，玉林牛巴 $18。分了點配料給友人，因為分量幾多，食完好飽好滿足。除了有自選配料，本身撈米粉麵有肉碎、醃豆角、脆花生、蔥花、酸辣筍，材料十分豐富。拌勻後才食，味道多層次，又豐富。米粉好有彈性好好咬，加上干撈的關係，比平時放湯的味道更濃。微辣好香，應該用了不同辣椒及香料，好有風味。酸辣筍又爽口又惹味，醃豆角也醃得岩岩好，保持到爽脆口感又酸酸地。鹵蛋超入味，分了給友人有點不夠喉，好味到一個

你對廣西桂林米線有一份執著的鍾愛我們都被正宗兩字吸引了點了湯／撈土豆粉各一份我的撈土豆粉十分Ｑ彈配料有酸酸的豆角筍子肉末花生告青蔥追加了一份煎豆腐和排骨煎豆腐驚喜十足軟嫩之餘還很香口有一點像是魚腐的口感撈土豆粉的醬汁十分惹味不死鹹有層次的確是一碗相當精緻的撈粉湯土豆粉也不俗適合冬天享用追加了一份單骨雞翼帶點麻香很是開胃老闆推薦了可隨意享用的醃蘿蔔和青椒還有在桌上的勁辣辣椒醬這家米線真的很地道來一轉桂林原來只需要一頓午飯時間

話說我係正宗湯麵控，但朋友推介我呢到有個干撈都好正，話係正宗桂林做法，所以嚟一試而這裡係小店形式經營，裝潢都係簡單木檯櫈<干撈桂林米粉> $30呢到有3種桂林米粉(分別湯、干撈或炒)，我就點了朋友介紹的干撈桂林米粉做個麵底，碗內仲有酸豆角、花生、蔥等配料麵質比較粗身，但食落都幾煙韌彈牙而餸就點了炸得幾香口嘅單骨雞翼、醬香豬手就醃得入味，而且都夠腍身帶膠口仲有秘制豬頸肉、香煎豆腐、酸辣荀(這個都幾夠辣度)而飲品有汽水、加多寶、烏龍茶等而出面仲有醃青椒同醃蘿蔔自取

成日食連鎖式嗰啲已經食到厭，d味冇乜點變嘅時候食得多就唔想再食，或者要隔一排先至想食⋯嚟到呢個地方都唔算特別容易搵，不過就打正旗號主打米線，價錢尚算適中， ＄30一碗米線底，裏面包左五樣小小食品，其他餸就要另外俾錢架啦。今日胃口實在太好，所以冇特別睇價錢叫咗好多餸，包括娃娃菜、金針菇、滷水蛋+五花腩⋯仲有免費小食添！分量算係適中，價錢都係合適，有少少似車仔麵同雲南米線Fusion。五花腩好肥美，而且夠入味超級好味，就係油膩左少少。滷水蛋入味之外唔會過分煙韌，咸香十足。娃娃菜同金針菇間間都差唔多，冇咩特別。米線來講都算幾有彈性，而且有少少煙韌嘅口感，分量亦算多。湯底本身冇辣味，但係就有酸辣筍，如果覺得唔夠嘅話可以自己再加辣，酸辣嘅。