福丸水產 鉄板燒 日本料理 (已結業)

深夜時份係荃灣想食好少少真係有點難，雖然荃灣食肆多，但有部份都早收，又唔想食放題任食。好彩最近係楊屋道街市附近有新開日式店，所以同朋友去食個宵夜入到餐廳感覺有少少似日本的居酒屋，而且座位都非常舒適，餐廳每日都會新鮮運到海鮮、海產，所以每款魚生都係新鮮的，即使係宵夜時段都唔洗擔心食垃圾。 望到呢個餐牌真係好吸引呀！$168/6隻，而且仲要係限量嫁！做優惠唔係因為cheap野，而係想俾客人享受到高質生蠔，只可惜朋友唔食蠔，否則一定必點！先來一個特上6點盛。話明6點當然盲只有係幾款啦，由於太多食物選擇，所以唔想浪費就每樣都點少少啦！有6款食物，每件都好厚切，啖啖新鮮，真係正呀！作為一個三文魚控，必食的一定係三文魚刺身。三文魚刺身非常厚切，而且好食嘅三文魚係會有少少魚油係口控。所以真係好正！嚟得呢間餐廳真係唔可以唔試下浜燒。一於點左幾款燒得又好食嘅試下。一款係海膽蟹膏甲羅燒，另一款係蟹膏甲羅燒。其實兩款除左賣相有少少分別，食落口唔算好大不同，因為兩款的蟹膏都好多，所以食多口真係好滋味餐廳仲好細心會配埋麵包，麵包都會幫客人燒下先嫁！燒過的麵包會有少少熱，亦有少少香口，雖然就唔係多士咁脆，不過都岩

荃灣雖然唔大，但就係有好多好野食今次嚟咗個新商場，入面好似未有咁多舖頭見到福丸水產好似幾正咁，一於try try福丸水產一聽嗰名都知係日本野，本身諗住係港式日本餐廳咁，冇乜大期望點知嚟到好靚啊，好似日本居酒屋嘅感覺有好多新鮮嘅水產啊，有啲連名都未聽過哈哈，不過望到都覺得新鮮坐到埋張枱度，見到有個爐仔、小册子教你點燒，而且有簡單嘅調味料以為係我自己燒嘅，原來係會由餐廳職員燒，因為時間嘅控制、食物嘅擺位，都會影響食物嘅味道，所以雖然貪玩但係想食好西嘅我都係交翻比專業嘅員工負責六點盛合 $268精緻嘅擺設，每款都非常鮮美唔知係咪知道我哋兩個人，所以每種食物都有兩件浜燒黑占地 $38、浜燒啡菇$36我本身好鐘意食菇由日本直送嘅菇 菇味爆燈！每一啖都係濃濃嘅菇味滲出嚟梅酒燒大蝦 $116新鮮蝦先呈上枱，等我地欣賞一下平時好少會食到梅酒蝦，燒緊嘅時候已經聞到好大陣嘅梅酒味原來之前已經浸咗兩日食落去梅酒味超濃，爽甜肉嫩原條燒竹之子目張 $238燒得啱啱好，仲栩栩如生添！魚肉嫩，點埋醬油更帶鮮味鐵板南非五頭鮑魚 $168彈牙過平時嘅鮑魚，份量啱啱好夠我哋兩個食～冷稻庭烏冬 $58配上鵪春蛋、蔥花、醬油

原本可以準時收工黎同老婆黎食日本野，但因工作關係搞到八點幾先可以走到，令到老婆陪我去食宵夜餐之前都黎過幾次，同D店員開開心心傾下計既時候發現原來點菜可以師父發辦的，咁都幾好喎，又唔洗自己諗，之後同老婆叫左兩杯特別味既啤酒，一杯係洋梨啤、一杯係荔枝啤。夏の限定 【香梨麒麟一番搾り】下(清淡的香梨帶點清甜)【荔枝麒麟一番搾り】上(香濃荔枝味，比香梨香甜，一定啱我唔係點飲酒既人，容易入口些)壽司: 穴子、魚子醬左口魚、深海池魚【魚子醬左口魚壽司】左入口鮮甜軟嫩，上面掃上少少醬汁，正！【深海池魚壽司】 中食落爽口脆嫩，鮮味十足。【穴子壽司】 右先用醬汁煮過再用炙燒表面，焦香味突出，穴子軟嫩入味，堅正【鐵板燒: 宮崎A4牛薄燒】A4牛燒到岩岩好，牛味香氣濃郁，內裏卷住香蔥，炸蒜片，味道一流，肉汁豐盛。【真鯛茶漬飯】聞落充滿柚子香味，先再嚐一口湯底清爽鮮甜，真鯛魚片鮮嫩入口即溶，加埋茶漬飯一同入口，鮮味甜味充滿整個口腔內。【甜品: 山葵雪糕】食落帶點山葵味道，食真D再帶點微辣，之後就好快再帶點甜味，味道非常複雜又帶點刺激。

呢餐飯食得最難忘嘅，就梗係呢一個殘廢餐呀喇。因為叫呢一個海鮮拼盤，會有餐廳嘅職員幫你慢慢燒，而且佢哋唔係就咁燒㗎，仲會加上適當嘅調味，等你食到最新鮮最好味嘅海鮮。而且一上到去都好好招呼好好服務，就算有啲咩問題店員都會逐一逐一慢慢為你解釋，講番呢個海鮮拼盤先。首先啲海鮮嘅份量都非常之大隻，而且一上到嚟佢哋仲係活生生㗎。所以絕對新鮮，唔係畀雪藏嘅貨色你。而且佢哋都處理得非常之好，唔會話食食下有沙。😁

老公公司又開始peak season , 日日忙到唔知幾時收工，今晚終於可以早少少走，但其實都成夜晚9點半鐘😑，好彩我先食定少少野，再等佢收工陪佢食返個日式宵夜😏😏之前一直食開一間浜燒日式料理店，知道佢地而家有做Omakase ,所以早2日打去book定，到時俾老公一個小驚喜，因為佢最近真係太辛苦啦！上到餐廳到差不多10點左右，人流都唔少，我地最愛餐廳裝修好有日本居酒屋感覺，完全可以令人放鬆心情，好好享受。餐廳有好多卡位，私人度高，大大提高舒適度👍🏻👍🏻餐牌預先已經準備好，餐廳會預先問定客人喜好作調配，非常貼心。先order杯啤酒爽一爽先，枱面見到夏日限定冰啤，叫杯試下先梨味冰啤 - 面頭冰泡口感特別，有少少碎冰feel , 梨味唔算太突出，容易入口。頭盤前菜五點蟹肉煮冬瓜 - 冬瓜有少少蟹肉鮮甜味，味道清新。海老啫喱凍 - 口感特別，外軟內爽，蝦肉鮮美。紅酒煮翹頭 - 入口酸咪咪，令人胃口大開。煮螺肉 - 螺肉好有咬囗，味道鮮甜。小蜜瓜 - 即係小青瓜，預先漬製而成，味道酸酸甜甜又好脆口。刺身蜜柑鯛 - 日本宇和島用蜜柑餵養嘅鯛魚，入口有淡淡嘅蜜柑香味，不加任何調味直接享用，入口鮮嫩

日本料理泛指日本的飲食方式，又稱日餐、和食是日本文化重要的一環。「日本料理」在日語解作「日本式烹飪」，但是此詞語也在部分地區的現代漢語中用以代表日本菜。日本料理是日本人日常的傳統飲食，特別是在江戶時代和明治時代（19世紀末至20世紀初）所形成的飲食文化和習慣，這是因為東西方食材交融所產生的衝擊，雖然日本原本食材就足夠豐富了、但是日本還是喜歡不斷把新的外國料理加入本國特色融合成日本專屬的美味菜餚。日本料理中較特色的包括壽司、刺身、清酒、便當、納豆、天婦羅、章魚燒、竹輪、蕎麥麵、牛丼、拉麵、烏冬麵，以及擺設得非常精緻的懷石料理等。傳統的日本料理以米飯為主食，然後配上魚、肉、蔬菜或醬菜等其他菜餚和湯。一段又一段看似無關痛癢的文字post 出來是為什麼呢？其實今晚同好朋友品嚐日本料理，所以自己也先學習它的文化及歷史。餐廳位於人來人往的荃灣中，福丸水產.浜焼.日本料理在川龍街118號百悅坊11樓全層，荃灣餐廳一向都琳瑯滿目，幸有食家朋友的介紹攜同下，省去選擇困難的問題而且可以輕鬆到達目的地，餐廳面積不小貫穿全層。設計採用了棕色啡木紋為主題色調、四邊牆壁用上了同色系的木牆及專牆作為裝飾、地板更是同

友人極力推薦呢間日本菜，主打正宗日本菜式，亦有特色mix n match嘅廚師推介。今晚約定朋友食得好d...一於就試下omakase😍我都係第一次食ja六點刺身❤️三文魚腩： 肥美，魚香濃厚有頭甜蝦：蝦如其名，既甜又鮮綢魚： 爽口，魚香滿滿帶子：新鮮鮮甜特色手卷❤️超有驚喜既手卷，廚師以生菜代替紫菜，內有火炙三文魚，三文魚籽，蝦乾，壽司飯，特色醬汁。mix都好出色，好fresh原條燒竹之子目張❤️初體驗😍燒得剛剛好，魚肉嫩滑，沾上醬油更能帶出魚既鮮味。鐵板南非（五頭）鮑魚❤️非常彈牙，份量岩岩好。唔使驚食滯啦九條蔥黑豚肉卷❤️九條蔥中和返黑豚肉既重口味，令到成件事變得剛剛好~一啖食落肚好滿足粟米白飯魚天婦羅❤️好特別既tempura..炸醬唔會太厚，炸得脆身。加上香甜粟米同埋白飯魚，好新鮮既配搭白松露甲羅燒❤️最期待的菜式店員好細心幫我地燒~可加上多士及蔥一齊食。完成未食以經聞到超香濃既松露香味。我唔客氣喇真係大滿足。 今次係我Omakase初體驗，雖然廚師會一道一道咁準備，上菜時間會比平時慢。但食得出每一道菜嘅心思好值得！

今日同男朋友睇完戲已經好夜 周圍嘅食店已經關門了 卻比我們找到美味的日本餐廳 而且服務態度一流 好似令我回家吃飯的感覺一樣 食物質素 頂呱呱先來個清清哋嘅頭盤 煮蕪菁是日本的白蘿蔔 非常精緻美觀令人食指大動 咬下去有爆汁的效果 味道清清的 以及魚子嘅鹹鮮 味道互相輝映鍾意食魚嘅我 一於叫番一條日本魚食下先岩鹽燒原條喜之次賣相相當吸引 栩栩如生的猶如一幅畫 喜知次 外皮金黃 燒得非常香口 魚鰭魚尾都可以食埋 粒粒岩鹽是這味餸菜的亮點旁邊嘅配菜亦有花心思 非常漂亮 栩栩如生嘅蝴蝶配菜 使我讚不絕口本身諗住食壽司 但係又唔想食澱粉質嘢 所以轉為食刺身六點刺身 分別有左口魚 赤貝 中拖羅 甜蝦 姬鯛 油甘魚活赤貝 肉質鮮甜爽口 光澤亮麗 口感爽脆中柔軟油甘魚可算是我最愛的刺身 甘香肥美 魚味香餐廳以厚切方式呈上 口感十足 中拖羅本身肉質肥 油脂豐富 餐廳都用咗特別嘅方法處理 已經有醬汁同蔥花 唔需要點豉油 已經夠曬鮮味鐵板黑魚子牛油帶子帶子超級巨型 厚切 一開四 一啖一口剛剛好帶子用牛油煎封 表面帶有金黃 非常香口 肉質細嫩鮮甜 配合黑魚籽咸鮮的香味 令菜式變得不一樣野菜牛肉烏冬雖然湯底非常清

下班嘅時候夜已深 打算去楊屋道街市買餸返屋企煮飯 點知街市已經關門 成條街都黑蚊蚊 但總有一點亮光 一於食佢 福丸水產餐廳收凌晨12點 係我哋呢啲打工仔下班的深宵食堂餐廳裝修別緻 和式風格 有櫻花相伴一入到餐廳就見到大大個嘅魚缸 入面養咗好多活海鮮 一於試一試先來兩客濱燒內紫貝以浜燒嘅方式烹調 有專人為您服務職員拿捏時間非常好 燒得剛剛好 半熟的狀態口感是最好的內紫貝 第一次食肉質彈牙帶點爽 味道極其鮮甜 而且冇沙是日本來貨的 非常罕有明白為何叫內紫貝 因為佢入面個殼真係紫色㗎日本無花果沙律清新嘅一道前菜 本人非常喜歡食無花果 清甜清新嘅味道 軟淋淋的 非常消暑白甘鯛伴海膽汁非常出色嘅一道主食 食魚一般都唔會食魚鱗 但係經過廚師特別烹調之下 魚鱗都可以食埋一整塊魚肉完全冇骨啖啖肉的 亮點是魚皮及魚鱗炸至金黃香脆 咬落去脆卜卜 感覺好似食緊薯片另外旁邊嘅菊花花瓣 同魚鱗互相輝映 有種金碧輝煌 而且華麗嘅感覺 睇得又食得醬汁係由鮮海膽製成 海膽嘅獨特香味 確實令人無法抗拒 入口瞬間即逝 香味卻留在口腔久久不散最後食埋甜品 冇錯 我係用甜品嚟形容佢 冰凍嘅白粟米(生食) 生食粟米都係第一次

走過幾次都沒入過去試,今日終於得閒勒1. 點左兩個野飲,OK,大路野2. 燒明太子! 唔錯個味道,偏咸,我接受到3.清酒煮蜆! 的蜆好大隻 好新鮮,配清酒好好味4.生蠔! 生蠔呢的大路野, 除左睇佢新唔新鮮之外,都沒咩要求 OK既5.燒蟹蓋! 我點左一個期間限定既白松露 好食,正,原味都精神,但衰著幫你燒果條友 成日行開搞到濃濃地6.特盛燒海鮮, 食物新鮮,味道吸引,好香好濃郁

放工約左朋友係荃灣食晚餐，網上見到福丸水產推廣，於是就黎試下佢個二人前晚餐，放工太累，二人前套餐就好似懶人包咁唔駛自己簡。叫左兩杯啤酒，麒麟啤酒(右邊多泡個杯)和柚子啤酒(左邊)魚生刺身以厚切為主，有三文魚、油甘魚、帆立貝、甜蝦同一款季節時令魚，食落幾新鮮，味道鮮甜盬燒山女魚好入味，加埋西檸汁同蘿蔔蓉食會中和左魚本身嘅咸味，魚嘅賣相可以加強豆乳地雞鍋，雞好嫩材料好足，試左先知原來個鍋係甜嘅，同埋會愈煮愈甜，如果個鍋係咸嘅會開心啲吉列黑豚，好大份，但就咁身比較乾身，建議有啲配菜松葉蟹蓋，全晚最期待，好彩都無令我失望，有職員幫手烤唔駛自己落手，但如果配飯應該會比起多士更香明太子茶漬飯，職員提醒我地飯入面有芝麻同芥末，有預先問有無食物敏感，好貼心有加分；茶漬飯暖暖地好易入口，有少少蟹籽相配更加香口雪糕又額外叫多左個清酒煮蜆，都唔錯，幾香甜，但份量不多最後見到menu有推介$128 6隻浦村牡蠣，我地叫左6隻生蠔，一試難忘番唔到轉頭，同係日本築地食嘅味道一樣，有淡淡海水味，蠔身好鮑滿有光澤，係今日晚餐嘅冠軍！推介大家黎食，但佢只係做星期日至四炸，$128真係好抵！如果下次OT我應該會考慮黎試試

今日突如其來既興起去左食荃灣既福丸水産呢類“浜燒”係香港一定係貴所以都係抱住好玩既心態黎食結果所有都好推介呢度係店員幫手燒既坐係度睇表演就得嫁啦1.生鮮鮑魚同花蛤上枱既時候完全係生猛花蛤燒出黎係有鮮味既汁好似食緊岩岩係海水出黎既花蛤咁鮑魚燒出黎吾韌爽口彈牙正阿2.廚師推介既梅酒蝦食落酒味重爽口彈牙都吾錯3.甲羅燒我今次揀左黃金蟹膏甲羅燒同海膽甲羅燒海膽果款味道較淡蟹膏果隻同日本既一模一樣兩款都係配包食好味好味4.和牛炒飯本身以為炒飯吾會好多和牛點知一上枱就見到好多牛係飯上面味道仲一流總括黎講價錢係貴嫁啦但生鮮同服務都值既值得再黎一定要預貴但質素係高

近年主打日本水產的餐廳越來越多，原來荃灣都有一間。位於楊屋道街市旁一座商廈入面。電梯門一打開，嘩，去咗日本漁市場咁啊，仲有種世外桃園的感覺 ，在傳統的街市旁竟然有間超高質的日本料理餐廳。門口有可愛的佈置，食飯之餘，仲可以同一班朋友影下相。一入去就見到大魚缸和一排排海鮮等緊我。座位以卡座為主，圍板頗高，私隱度高，想點selfie都得，唔怕騷擾到其他人。 今次選本日のおすすめ。廚師會按時令的食材設計菜單，不時不食，所以每次去都會有驚喜，而且確保可以食到最新鮮的美食。 六點刺身擺盤精緻，眼睛先食。6款刺身，金目鯛、深海池魚、牡丹海老、帆立貝刺身、三文魚、 魷魚海膽刺身。 刺身中包括身價很高的金目鯛刺身，鮮甜爽口，肉質紮實，魚鮮味突出，其他魚類刺身也比下去。夏季盛產的深海池魚，肉質結實爽口、肥美。 牡丹海老，蝦肉肥厚，彈牙，甘甜、不黏口。 帆立貝刺身，肉身肥厚，富光澤，坑紋清晰，表示依個帆立貝好新鮮。食落爽口甘甜。厚切三文魚肉質軟嫩，油脂豐富，入口即化。一啖一件彈牙的魷魚包著海膽刺身，入口即融，海膽的鮮味滿佈咀裡，好味到唔捨得吞。醬油？唔需要，因為刺身真係好新鮮，不沾任何醬料才能吃到刺身的原味

嚟到荃灣有咩食？ 同男朋友嚟到百悅坊覓食， 佢話想食日本嘢，於是乎我哋就上咗11樓嘅福丸試試！一打開lift， 已經覺得門面勁有氣派， 入到去成個餐廳裝橫都非常有日本特色， 佈滿櫻花嘅佈置真係完全打動我嘅少女心☺見到餐牌嘅選擇花多眼亂，我哋一於試下廚師拍板！六點刺身有多款嘅魚生，其中最特別嘅係帶子海膽卷(?!)， 帶子爽滑，海膽鮮甜，其他魚生都好新鮮~其中金木鯛更係入口即溶🤤特式手卷有別於一般手卷子呢款火炙三文魚手卷係以生菜包住， 飯煮得啱啱好，加埋沙律醬係入面，配搭生菜嘅感覺好清新，仲有啲大大粒魚籽，一口食落去超正！！鐵板南非五頭鮑魚食落好惹味，重點係飽魚肉質煮到啱啱好，好彈口唔會韌~原條燒鍋曹以魚嘅賣相好精美，好有氣勢好似游緊水咁😂魚皮烤到好脆，但魚肉卻非常嫩滑一啲都唔乾👍🏻沖繩紫穌大蝦天婦羅 + 沖繩苦瓜天婦羅以為苦瓜天婦羅會好苦，點知一啲苦澀感都無，仲有啲回甘😍大蝦天婦羅好大隻，配搭紫蘇香香地，味道幾特別， 重點係唔會好似平時食嘅天婦羅咁咁多炸粉👍🏻白松露甲羅燒開頭聽個名完全唔知係咩嚟 😂上菜後原來係一個蟹蓋入面裝咗蟹膏、蟹子、蟹肉、鵪鶉蛋、香蔥同白松露， 再將佢放上爐上面燒，

今日去咗荃灣川龍街百悅坊11樓嘅「福丸水產」食日本野，餐廳裝修非常日式，有好多卡位，私穩度不錯，朋友去食飯傾計慢慢坐一流👍🏻 我哋叫咗二人Omakase～ 🍣 六點刺身包括深海池魚，凡立貝，甜蝦，三文魚，左口魚，金目鯛，每一款都新鮮好味，三文魚腩超級肥美，充滿油脂，凡立貝新鮮，爽口甜美～ 🍙 特色手卷福苑特色手卷，非常新穎特別，用生菜代替紫菜包手卷，中間有一片好大塊嘅火炙三文魚，有三文魚子，有少量嘅飯，亦有炸蒜同洋蔥粒，整體口感好好，香口又好味😋🍥 鐵板南非五頭鮑鮑魚係熟嘅，燒得剛剛好，切成薄片，肉質爽口，腍身入味，正👍🏻🐟 原條燒竹之子目張第一次食竹之子目張，係白身魚，魚燒得形狀好靚，肉質鮮美，配上醬汁更好味😋🐖 九條蔥黑豚肉卷賣相精緻，小小的兩卷，黑豚肉燒得好香，九條蔥亦都好香，非常夾～ 🍤 粟米白飯魚天婦羅清楚見到白飯魚同粟米粒，口感唔錯，配合醬汁同鹽食更好味～🦀白松露甲羅燒店員會幫我地燒埋，店員介紹本身嘅蟹膏已經係煮過，半熟嘅狀態先去燒嘅，所以唔會燒到硬晒先食，仍然保持滑滑嘅口感，加上有蟹子同蛋，味道非常好，多士亦都會烘熱一齊食，最後加埋蔥喺上面，非常正😋👍🏻餐廳食物質素好，服