緬甸招牌湯米線 (已結業)

老老實實，自認米線控的我也未食過緬甸米線，於是今日就同幾位朋友來挑下機🤪Mohinga 鮮魚濃湯米線$46這款應該是店內招牌，果然沒有令人失望！湯底散發着濃濃的鮮魚美味，不知不覺就會讓人把湯喝光。米線是香港人熟悉的那種，口感剛好，而配料有雞蛋、魚片、魚腐等，挺豐富。曼德勒鮮茄滋味撈麵$45撈麵比較滋味，建議愛重口味的朋友點這款。曼德勒紅燒腩肉配飯$52我試了一塊腩肉，果真滋味無窮，令人齒頰留香！緬甸特產清香薑沙律$42薑味的沙拉，非常特別，保證你未吃過呢！緬甸多士配香滑奶茶$35我和朋友都不約而同有吃「桃哈多」的錯覺，味道甜甜的，觸感很硬，卻是入口即融，好吃！緬甸香濃幼滑奶茶$15

如果在旺角吃得連鎖店或打邊爐或茶餐廰太多，不妨行過少少，去這間特色小店，嘗嘗特別小吃，支持小店。小店主力賣面條，今次試了鮮魚濃湯米缐、「叻督」、蕃茄滋味伴面。鮮魚濃湯米缐，湯沒有腥味，值得讚，米缐軟硬適中，配料不過不失。「叻督」味道非常特別，多香料，配料均勻拌入每啖面，面底不會過油。蕃茄牛肉面熱上，濃濃茄味加碎牛肉，但有別於一般茶餐㕔的茄牛面，是附有緬甸味道的茄牛面，感覺連香港也吃到緬甸菜，真不容易。

以前去開澳門有機會總會想去三盞燈食緬甸魚湯粉同椰汁雞麵，尤其係魚湯粉。魚湯粉特別之處在於魚湯，湯底以塘虱魚熬製，加入大量香料烹調而成，湯汁濃稠，魚味香濃，入口溫順軟滑。湯面放上炸豌豆餅同芭蕉葉塊，十分之有其特色。放工經過勝利道見到緬甸招牌湯米線的招牌，於寧靜的街道上一條小小的人龍引起我的注意。上網搜尋得知此小店剛搬到勝利道較大的店舖，主打緬甸粉麵飯及小食。店內坐位不多，大概有兩至三張四人枱及一張吧枱，人多時十分擠迫。餐牌選擇不多，緬甸粉麵飯及小食每樣各有好幾款。主打菜式亦已貼於牆上。緬甸特產清香薑沙律好難想像薑可以用於沙律上，此沙律薑片不多亦不算辣，反而其他食材如菜、番茄、花生、脆片味道更突出。此沙律應該用魚露調味，鹹鹹甜甜富東南亞風味。Mohinga鮮魚濃湯米線此湯底濃稠，色澤質感都對板，味道鮮甜，食得出湯底係自家熬製而成，濃稠帶點點酸味，略略不同於一般。配料如魚片、豌豆粒較硬身，米線亦煮得較硬身，與一般食開的有點不同，唔知係唔係較有咬口先係正宗緬甸風味。曼德勒鮮茄滋味撈麵相比之下，此番茄撈麵更接近一般香港口味。番茄肉碎清甜惹味，下層的蝦子麵略為腍身帶辣味，拌勻吃十分香口。緬甸羅望子

說起米線，大家可能會想起譚仔、南記、雲南小鍋這些大眾化選擇，但其實世界那麼大，又豈止是只有這一些？如果你喜歡嘗試特色食品，緬甸米線可會得你歡心？ 說的是位於何文田的「緬甸招牌湯米線」，這是一間小店，狹窄的店面，就只容得下三四張枱。餐廳由夫妻檔二人主理，丈夫負責樓面，緬甸華僑太太就擔當大廚，是餐廳「煮理人」，所以全部麵食都很有媽媽homemade感覺。雖然賣相可能只是一般，但就簡單而美味，對香港人來說，這就更是從未嘗過的味道，充滿新鮮感。 緬甸香滑椰汁雞麵 ($45) 椰汁味香濃，撈一撈緬甸XO醬，甜甜的，辣辣的，雞件大件又滑溜，$45已夠你吃飽。 曼德勒紅燒腩肉配白飯 ($52) 曼德勒是緬甸第二大城市，所以簡單來說，以上就是指緬甸腩肉飯。腩肉半肥瘦，肥肉爽口不膩滯，甜甜的好送飯。 緬甸特產茶葉沙律 ($42) 從沒想過硬柴柴的茶葉都竟然可以做沙律！這個沙律的茶葉質感柔軟、味道酸辣，對於不太吃辣的我來說，都頗刺激！ 曼德勒鮮茄滋味撈麵 ($45) 好多番茄，真材實料。這個撈麵味道帶甜，同樣加了XO醬，雖說是撈麵，但湯汁頗多，跟我們廣東人心目中的「撈麵」有點不同。 緬甸羅望

聽講何文田開咗一間緬甸魚湯米線，呢一日就同朋友特登入咗嚟何文田。作為米線專家嘅我，一定要試勻港九新界我米線，以緬甸作為招牌係第一次聽，都好興奮。一坐下老闆娘便招呼我們，店舖雖少，但有家庭式餐廳的設計，令客人有賓至如歸的感覺。四周亦張貼了不同菜式的圖片，十分吸引。我黠咗招牌魚湯米線，雖然話係漁湯，但係質地非常之杰身，同想像中有出入。裏面有半隻蛋、魚卜、一大片炸蒜、炸魚皮，材料非常之豐富，炸蒜以及炸魚皮非常之脆身。食落去個汁酸酸地，味道非常之濃郁，配上軟滑林身的米線。朋友點了「曼德勒鮮茄滋味撈麵」。 曼德勒是緬甸中部伊洛瓦底江畔，是曼德勒省省會，菜式以地方命名。湯汁鮮甜美味有濃厚的蕃茄味，加上緬甸特有的香料和肉丁。麵條彈牙爽口，加上蕃茄丁令到菜式清新又開胃。飲品方面，仲叫咗兩杯椰汁「緬甸珍多冰」，飲品比較甜，但有香香的椰香味加上爽脆的珍珠粒，口感十足，冰凍得很，十分好飲！可以一試~

見到門口貼唒相，雜誌報導就入去試下，推開玻璃門都推唔入，原來有客人坐左係個門口位，要麻煩人起身先可以推得開入去坐，坐底之後就即刻點左「招牌魚湯米線」等左10分左右終於上檯，一望碗米線心諗，咩事？明明門口張相都有8成滿，但我面前呢碗得3成滿，其實點解唔用細啲既碗呢？是旦啦，好食就得啦，食第一口...冇味既？！碗麵只有2片魚片，2-3件得一半既細豆卜，同埋一塊類似黃豆餅既餅，我完全食唔到魚味，仲話濃湯？碗野極其量只可叫撈麵，$46/1碗...我要自己再加辣椒粉同檸檬汁先可以完成碗麵...絕冇下次，食完仲要去街尾食返隻熱狗先飽！Ps:熱狗好味得多多聲！

好記得曾經有一個人問我，食咗咁多一間餐廳究竟邊一間餐廳係好特別，好值得推介比佢食嘅。我就揀咗呢一間餐廳，原因係佢真係香港少見嘅美食，雖然店舖細細但係水準非常之高價錢好相宜。曾經有不少雜誌都介紹過呢一間緬甸餐廳，佢最出名嘅就係緬甸嘅魚湯米線，係經過長時間嘅熬製，再配合不同嘅香料製造而成，而且每日嘅數量有限，真係啖啖湯都係心血。如果你叫我形容個，我覺得佢有少少似喇沙湯米線，但係佢就冇咗椰汁嘅香味，反而多咗魚湯嘅味道。但係箇中味道又唔會好腥，入口有小小甜味嘅感覺，湯嘅質地都偏稠，非常之特別。佢嘅配料仲有非常之多，我特別鍾意佢呢個薄脆。平時我食緊呢個軟身嘅嘢時候係唔鍾意加啲脆身嘅材料喺度，但係呢一碗加左個薄脆感覺就好似以前酒樓皮蛋瘦肉粥一定要加薄脆食咁樣。另外仲叫咗一個咖喱雞飯，喺呢度嘅咖喱同出邊嘅什麼印度咖喱，日式咖喱係完全唔同嘅。佢有自己獨有嘅風味，顏色係偏深，味濃，淡咖喱味。仲要B推介就係呢一個茶葉沙律，佢除咗有菜之外，仲會有番茄，蠶豆等等嘅配料。最重要嗰個配料我覺得就係佢嘅茶葉啦，佢嘅茶葉經過發酵，之後會有少少酸嘅味道。似我哋中國人食嘅酸菜，令成個沙律個感覺非常之開胃，非常之獨特，必食

今日去開何文田附近，就去咗試啲未試嘅菜式—緬甸菜。今日點左招牌米線一Mohinga鮮魚濃湯米線丶緬甸泡菜回鍋肉片飯、緬甸特產茶葉沙律丶緬甸羅望子特飲同香濃幼滑茶奶☕。食濃湯米線之前，見到張相以為好辣，啲色好似咖喱咁⋯⋯但食落口好濃嘅味道，魚片都好彈牙，原來啲湯有黃薑魚，豌豆脆，脆卜卜，啲味道同口感都幾得意，尚可。朋友就點了泡菜回鍋肉片飯，喜歡辣的人的可以試吓。好明顯是運用左韓國煮嘢食嘅方法，味道都OK。茶葉沙律就係用發酵嘅茶，加埋番茄和菜連埋啲魚露⋯質感都幾得意，幾清新。羅望子特飲真係令人好開胃，而香濃幼滑茶奶就有啲似拉茶，茶的味道較濃，味道出啲。

緬甸菜，在本地要能嚐到是一件蠻困難之事。反而在澳門的三盞燈，倒是有幾間老店有得吃。回想起來，對上去吃的時候，已是十多年前的事了....近來有一所小店，賣的竟是緬甸的湯米線及麵類。店開在小弟每逢週日皆會路經的勝利道，要吃，相信是遲早之事....太太搶先了一步去嚐新，回來報告說做得不錯。小弟作為一名標準的貪新鮮為食鬼，自然有興趣去嚐一嚐....第一次去時，店還未準備好，除了米線外其他東西都未有得叫，也就此作罷；不死心，找天再摸去。今次聰明一點，晚一點才去到，今趟就冇走雞了....不過雖然可以從full menu中作選擇，但我還是只點了最基本，店自慢的鮮魚濃湯米線....望湯之色水，初步是對路，但喝下去，只感鹹鹹而帶酸毫不討好。說是魚湯但又感受不到魚鮮甜味。說真的，這並不屬我愛的那杯茶....至於配菜，最有特色就要數到那塊炸豌豆餅，入口脆香而帶著豆蓉的綿綿質感，是頗特別的；不過其餘的，就只是極其普通的魚片、烚蛋以及豆卜，而且來貨的水準說真的是極為一般....現在回想起來，太太說這碗米線不錯，我想某程度上大部份的原因，源出於她對緬甸式米線的好奇，以及她對米線的偏好....但對我而言，it is

同兩個friend 行過勝利道， 發現左間緬甸餐廳，我未食過緬甸菜， 所以建議試新野。鋪頭比較窄，我地推門入去， 一個人行入去，已經行唔入， 因為有一個客人企左係度order外賣，頂住左。小店內只有幾張枱，約有十幾個座位，枱面放左檸檬汁、辣椒粉、魚露，作調味用。見到牆上面d媒體介紹， 佢地d 鮮魚濃湯頭用鮮魚和雞肉，再加入黃薑粉、豌豆粉、芭蕉葉等來熬製，絕不加入味精。所以我 order 左個Mohinga鮮魚濃湯米線，米線無餐飲跟，私另外order左凍緬甸奶茶。佢地一個叫左曼德勒紅燒腩肉配飯，曼德勒鮮茄滋味撈麵 ，同埋緬甸珍多冰。個招牌鮮魚濃湯米線，魚湯係奶黃色， 魚味無我預期咁濃， 碗入面有炸蒜、芫茜、半隻蛋、豆餅、魚片同埋豆卜，米線都算爽口，不過可能湯料太多, 攪到成碗野好杰, ，建議加番d檸檬汁，食完唔會咁膩。至於杯凍緬甸奶茶，好淡口下， 可能係我飲慣港式奶茶嘅關係。我個friend 嘅曼德勒紅燒腩肉跟飯，佢又好鍾意，腩肉醬汁濃，有啲鹹, 配飯吃剛剛好。杯緬甸珍多冰，係蜜瓜味，有兩色爆珠， 不過要記得要order 少甜，因為真係比較甜左啲。最後果碗曼德勒鮮茄滋味撈麵， 幼麵麵質類

小店只有12個位，12時半來到已經全部滿座，門外還站著4個等位的人。猜他不想等，但我又不想轉。吃碗麵應該很快吧。先看看餐牌。原來不只米線，還有飯和沙律等小食。果然很快，等了大概15分鐘。早已選好，一坐下便可以落單。不過羅望子特飲沒有供應，只好改為白板上的黃薑蜜。緬甸特產茶葉沙律把來自緬甸的發酵茶葉浸醃，賣相似中式的梅菜。加了蕃茄、椰菜等配料，似花生非花生的硬脆粒粒，層次豐富。猜是用了魚露調味，鹹鹹酸酸的，加上新鮮蕃茄的清新，都幾特別。緬甸多士原來是一粒一粒的，烘至似超市賣的零食多士般，很鬆脆，輕飄飄。另一意料之外，原來是甜的，都幾特別。Mohinga鮮魚濃湯米線牆上貼著張紙，如果整碗湯喝光，有減＄3的優惠。湯底看起來似喇沙，都幾厚。據聞湯底用塘虱、豌豆粉加芭蕉葉等不同香料，熬一個晚上。黃薑的顏色使其看起來不似魚湯，也不太吃到魚湯的鮮甜，不過味道濃郁。要了小辣，第一啖已吃到刺激的辣味，相當惹味。配料之中，最特別是豌豆脆。炸得脆如泰式蝦片，上面凸起一粒一粒的豌豆。魚片很彈，但彈得似煮得未夠，亦不入味。米線不是滑溜溜的，少少嚡，吃起來反而方便，口感夠彈。曼德勒鮮茄滋味撈麵用新鮮蕃茄做的茄醬，

某天，有秘密行動要到何文田😏，隨便試試這新穎緬甸麵店，記起以往在澳門吃過椰汁雞跟撈麵也甚具特色😏友人的魚湯米線，米線不太粗，煮得半軟，附湯能力不錯。魚湯微酸，有些魚蓉在底，而面頭有些豆，不太腥而略感魚香，怡人而新鮮。椰汁雞麵，面頭的湯汁較滑，底下則較漿，味道較濃；雞大大件，肉感一流，不鞋不乾。三色冰，三色啫喱，放在椰汁之內，行到熱喝杯冰還可消暑。店子較小，只見兩張四人座、旁邊三個面壁位，人多時須搭桌，食客將就，支持小店。

第二次再去番「churk」招牌魚湯米線，勁失望！！成碗野得個色，完全冇味！我要狂加檸檬汁同調味料整番啲味。失望 失望 失望其實小店真係唔應該攪咁多花款，專注做好招牌菜先啦，少左啲材料又唔同食客講番，坐我對面的食客要開聲問：「點解圖片有嘅材料我碗冇」呢啲野對小店黎講，就係好差嘅服務態度。我唔知間舖頂到幾耐，但食物和服務質素真係要改善，呢個同你收幾錢無關。我真心覺得第一次食好得，亦好希望香港有間正宗緬甸餐廳！

自從幾年前去完緬甸後都未再食過Burmese food..今次就黎懷”緬”下。間店空間真係太細，得2張四人枱同一張2人bar枱咁，入門逼到要一個一個入。緬甸有名的小食當然不少得茶葉沙律，這道小食包含發酵茶葉、蒜、辣椒、番茄、芝麻油，蝦仁椰菜，烤花生等食料。拌在一起吃，味道富有層次，一開始酸酸鹹鹹，咬耐左開始少辣，幾開胃，但唔係幾食到菜葉的苦味。mohinga就是魚湯米線，係緬甸既國菜，姐係好似鬼佬黎到香港一定要食點心咁，不可錯過既。主要湯汁係用鮮魚熬成，放入其他料例如香菜，炸脆片，啲好似魚片既餸，食落去時都會有淡淡既咖哩味。啲湯好濃郁，啲麵吸收晒啲湯，好入味同有飽肚感。

勝利道成條街除左多寵物店外，亦有不少食店。從未食過緬甸菜，好期待！鋪面好細，內裡只有十幾個位，非常狹窄。招牌菜mohinga鮮魚濃湯米線既湯底好似咖哩咁，好濃稠，唔似平時食開既米線湯，同想像中既味道有超大出入，由於加入左緬甸特有既香料，雖然係濃味既，但完全食唔出有魚味，可能食唔慣啦，不太岩我口味配料豆卜、魚片、半隻蛋、最好食係果2件豌豆脆，脆口且入裡有整粒圓圓既胡椒，好特別！反而椰汁雞撈麵岩口味多d，一大灘白汁既椰子味濃，雞肉算滑且少皮