蟹仙海鮮蒸氣鍋 (龍崗道)

營業中

休息中

點左尊貴海鮮套餐，哩個價錢($419)一共十款海鮮連埋菜同粥，食得出每款海鮮都好新鮮，真係好抵食。如果覺得套餐的海鮮唔夠，仲可以單點，除左海鮮，仲有肉類同蔬菜的選擇。全程都有店員幫手蒸海鮮，好精準咁設定蒸的時間，唔洗擔心會煮到過熟。店員都好細心，主動換碟及介紹海鮮，加分加分。青口同刀貝蚌新鮮到仲識噴水。蟹膏超多，未食已經流晒口水。龍蝦好大隻，啖啖肉，由尾部一夾就成條肉起左出黎。肉質夠結實彈牙，夠鮮甜。大赤蝦肉質爽口，食落鮮甜。店員特別提醒刀貝蚌唔洗點醬油，因為已經好重海水味。蒸熟後蚌內還有滿滿水份，一咬落去真係好濃味。翡翠螺同樣結實爽口，完全唔會韌。膏仔蟹真係真係超多膏，食落清甜回甘，鍾意食蟹的一定要試。而且蟹肉都唔少，超滿足。饅頭蟹相對少膏，但味道好濃好鮮。鮑魚好新鮮，雖然好厚身但蒸熟後完全唔韌，好易咬得開。青口係另一推介，因為真係好新鮮，食落完全無苦味同雪味，食到青口的淡淡清香。食完海鮮後仲有蔬菜，蒸出黎保留左菜本身的清甜。蒸海鮮時的精華都流到鍋底的粥肉，個粥本身配料唔多，有點肉片提味，加埋海鮮精華變得好鮮味。小食的魚皮，暖暖地加埋炸蒜夠香口乾脆，唔油膩。點左杯桂圓紅棗杞子茶，飲落

The wild creamy crab was a standout dish, with its flavorful and tender meat that had a delightfully chewy texture. It was rich and creamy, with an abundance of delicious crab roe. 😋😋The Pacific mantis shrimp was exceptionally tender and had a sweet freshness to it, accompanied by a rich and intense crab roe. It was irresistible, making it difficult to stop eating. 😎The Australian greenlip abalone had a fresh and sweet taste, with a pleasantly crisp texture.The Taiwanese giant scallops were incr

-蟹仙海鮮蒸氣鍋-@九龍城.成餐晚飯完全唔洗自己動手，店員會幫手蒸海鮮，仲會簡單介紹每款海鮮。.點左尊貴海鮮套餐($419)，共十款海鮮。食完海鮮後仲有個吸收晒海鮮精華的粥，真係超滿足。.蟹有兩款，分別係太平洋饅頭蟹同野生膏仔蟹。饅頭蟹比較細隻，肉唔多主要係蟹膏的味。而野生膏仔蟹就滿滿蟹膏，好新鮮甘甜，蟹肉都唔少。.蝦有加拿大野生大赤蝦同野生琵琶龍蝦，龍蝦啖啖肉，新鮮爽口。.台灣九孔鮑魚洗得好乾淨，好厚身但唔會韌。.韓國斧山珍珠蠔好Creamy。.紐西蘭刀貝蚌本身好重海水味好夠鹹，店員特別提醒唔好沾醬油。.黃金翡翠螺夠爽口。.平時唔喜歡食飯青口，但哩度的大西洋野生青口完全顛覆左我對青口的印象。本身青口好新鮮，時不時噴水。食落完全無古怪的苦味，好鮮甜，肉質好軟，值得一試。.食完海鮮仲有有機蔬菜籃，包括娃娃菜、粟米同生菜。.最後食埋個啖啖海鮮精華的粥，可以選擇加埋菜脯同蔥粒，更加滋味。.估唔到有糖水，仲係好足料的椰汁雪燕。食完海鮮後有個冰涼清甜的糖水，真係超級滿足。.

第一次黎，Menu好多唔同set哦二人餐乜都有啲，就試一試啦有蝦/蠔/鮑魚/蟶子etc店員間中會幫手蒸事先解釋左呢隻赤蝦，甜但就唔會好彈牙經女店員介紹，我升級左鮑魚有個男店員好似識幾多野，見佢會指點其他店員。如果食客本身都識啲海鮮知識，建議同店員交流下會好有趣🤭等左成晚，打卡位黎啦龍蝦係每人半邊的，肉質夠彈牙食呢隻之前都有一隻饅頭蟹，齋食羔無乜肉的相比之下，呢隻多羔多肉更啱口味原本食緊粥，其實都飽飽地但店員話漏左碟肉肉拼盤，後補返比我地估唔到啖粥加左肉汁之後好味左仲會有糖水～女仔一定夠飽🤭埋單大概每位$700左右啦

很久沒吃過蒸海鮮了～侍應會介紹不同餐單基本都是以套餐形式serve包含了海鮮、肉、蔬菜或個別食材再收費升級按個人口味選menu就好！最後我點了$999的二人套餐粥底及醬油費是每位另加$15～一開始會用蒸鍋高溫蒸一下食具首輪海鮮拼盤來啦蒸海鮮不需要太繁複烹調侍應會幫忙處理食材，而蒸鍋可以輸入時間所以不用食客動手但建議也留意一下menu還有什麼未出哦！當晚忙場的時候他們漏掉了一碟牛肉和肉丸之類的最後粥底味道有差😂個人認為最好吃的是龍蝦和蟹啦，有羔又有肉

用openrice 咁多年第一次打食評，一直都係只睇唔打 今次忍唔到 要出手 勁失望 ＄1080 （有其他費再加1）食完唔飽 好大獲（lunch） 性價比低 無的 入左去食左野 下次唔再黎姐 叫左個每位419餐，2個人食。望落餐牌好似好多野喔 一上餸 就覺得唔夠飽外伏伏地 就係下面的相 2碟野 1人1隻蟹？ 係2人分一隻1人1隻蝦？係2人分1隻開邊人地電話講明係食“精緻海鮮”，原來呢個詞形容幾好。係我聆聽得唔好係我幻想太美好，唸住慶生日 點知。。。問屋企人老人家： 你無食粥飽唔飽？ 屋企人：飲埋茶罐水夠龍等按人頭得1片 見到個量未食就知大獲 唯有靠食曬個粥底先飽 以前都有食過蒸海鮮 但係未到食粥已夠飽 食唔落粥都係慶生唸住同老人家食下蒸海鮮唔好自己洗，但無唸過唔飽。 呢個價出去食到好多野 可能我唔識咩叫鮮？而個人而言真係唔識欣賞同接受 仲等我成日話要留港消費，🙈咁的性價比 難怪咁多港人翻曬上去消費😔好彩有服務 會幫你放野上去蒸 按完timer後翻黎開蓋放比你姐姐們都好禮貌 好客氣 送左椰汁雪燕水甜品 灌埋落肚都係個句 呢個價會去選擇有更好裝修 的其他中菜廳我食左2碗粥頂肚 無影相如果

一入到舖頭，店員會熱情推介，再用蒸氣消毒左碗筷先，店員會推介好多唔同嘅套餐同講吓有咩推介嘅時令海鮮，聽佢講海鮮都係新鮮空運，最後揀咗個刁鑽二人套餐，總共有10款嘢食，另外仲有個粥加糖水。前菜蟹皇海蜇微脆，感覺凍啲會更好味。跟住再上係好吸引嘅龍蝦刺身同埋北極貝加牡丹蝦，刺身甜口新鮮，好鮮味，推介一定要食北極貝。跟住再上有鮑魚，青口，韓國蠔，蝦同埋紐西蘭刀貝蚌既蒸海鮮拼盤，海鮮全部都好大隻，正👍有唔同嘅款式每人一隻，好豐富，姐姐話青口係贈送，見佢咁大隻，平時唔食佢嘅我都俾咗次機會，吾會好似平時青口既腥，好濃郁嘅青口同海水味。跟住再上我最期待嘅龍蝦同埋蟹，兩者都膏，龍蝦肉質彈牙，蟹肉清甜又有邪惡嘅膏，都大隻既😍😍最後食埋蒸蔬菜，同埋個粥底。最後食埋甜品，為完美嘅晚餐畫上句號。

收工同家人去咗九龍城嘅蟹仙海鮮正蒸氣鍋，試咗佢哋嘅尊貴海鮮套餐，入面有好多豪華海鮮，包括罕有藻食綠膏蟹、台灣花尾龍躉片、野生琵琶龍蝦、台灣九孔鮑魚、加拿大野生大赤蝦、大西洋野生青口、紐西蘭野生刀貝蚌、黃金翡翠螺、韓國釜山珍珠蠔同有機蔬菜藍，湯底有海鮮精華，甜品有椰汁冰糖雪燕糖水。罕有藻食綠膏蟹肉質非常鮮甜及彈牙，黃綠色蟹膏望落好creamy，食落肉嫩鮮美。台灣花尾龍躉片嫩滑清甜，入口即化，濃郁海鮮風味。野生琵琶龍蝦十分推薦，想追加多一隻自己嘆吓🤣琵琶龍蝦嘅肉質非常新鮮，食落好彈牙，肉味非常濃郁。台灣九孔鮑魚口感爽滑，咬落唔韌，十分清甜。加拿大野生大赤蝦鮮嫩多汁，入口濃濃蝦味湧出，同平時食嘅大蝦唔一樣。大西洋野生青口充滿海水味，肉質鮮嫩，食得出每日新鮮運到。紐西蘭野生刀貝蚌大大隻，用蒸既方式處理得滑而脆，帶有一種淡淡的海水味。黃金翡翠螺肉彈而有咬勁，大大隻螺身，入口種螺肉鮮美。韓國釜山珍珠蠔鮮甜之餘蠔味爆發，濃郁又不失鮮嫩。有機蔬菜藍，蔬菜清甜，為整個高蛋質餐點增添一點平衡感覺。最後粥底吸收咗大量海鮮精華，極之濃郁鮮美，帶出啖啖海鮮鮮味，令人食完一碗再一碗🤩餐廳送上是日糖水，椰汁冰糖雪燕

九龍城出左名多泰國餐廳，但其實食海鮮都出名。今次我地搵左間食蒸海鮮，食材夠新鮮特別，性價比都好高。佢地menu有幾個餐，我地最後揀左$999二人餐，食到18款食材，超級抵食！呢度仲有樣好既係店員會幫你蒸埋，我地只係需要負責食。前菜涼拌青瓜海蜇好爽脆，配埋自家制酸辣汁好惹味。海底野生赤蝦好大隻、肉質爽彈、好多蝦膏！蝦膏味好濃，我自己鐘意整哂啲蝦膏出黎再用蝦肉點蝦膏咁食。澳州龍蝦澳州龍蝦只要夠新鮮，蒸既時間啱啱好，就已經冇得輸！龍蝦膏既色水都好靚，肉質嫩滑爽。.韓國珍珠蠔海水味同蠔味偏濃，蒸完只係縮少少水。咬落口爆哂汁出黎但唔會腥.九孔鮑魚黎到時清走內臟 ，大隻得黎夠哂彈牙，唔會韌.野生青口平時唔太鐘意食青口，因為好多餐廳都用急凍貨，有雪藏味，但呢個海水味十足，好鮮！.紐西蘭刀貝蚌店員處理完提示我地呢隻刀貝唔洗點醬料都夠鮮甜，果然真係，而且都好大隻！.紐西蘭元貝好大粒，店員幫我地蒸得岩岩好，所以唔會輆。.饅頭蟹呢種屬於深海蟹出面好少食到，肉唔算多，但膏夠鮮甜。.肉、丸、菜有安格斯牛肉、黑毛豬肉、蟲草花雞件、芝心小籠包、爆漿牛丸、蝦蟹棗丸、貢丸同埋一份菜，正常發揮。.食完海鮮已經八成飽，但唔

小編是第一次吃蒸氣火鍋，看評論基本上都說海鮮的確很新鮮，吃到海水的味道，所以小編都滿懷期待的。小編選了419的尊貴海鮮套餐，已經可以品嘗9種海鮮，確實CP值高，侍應說老闆是海鮮供應商，所以每天都會留海鮮給店舖，絕對新鮮。侍應會serve每一台客，幫手順次序蒸海鮮，確保食物質素。同時臺上都附上海鮮蒸煮時間的溫馨提示。1. 赤蝦超級大隻，侍應說會有蝦線，蒸完之後要自己清掉。最令小編深刻的是它超級超級彈牙，然後很鹹鮮。2.鮑魚鮮味沒前面的線，不過口感很厚實彈牙，建議大批醬汁。3. 蠔蒸熟之後縮了一點點，不過蒸熟時間剛剛好，很鮮也很多汁。4.青口跟小編在西餐廳吃的不一樣，清蒸青口是原汁原味，伴隨著鮮嫩口感，加上超級濃郁的海水的味道，即刻為之一震。5.刀貝蚌及月亮貝兩隻都非常大隻，沒有縮水，滿口的嫩肉加鹹香味，汁水都滲入肉裡面，一咬就會爆汁。6.琵琶龍蝦這個小編很愛，因為前面的小菜海鮮鹹香味太多，小編覺得有點膩，剛好就到蝦蟹系列。琵琶蝦最好吃的部分是蝦膏，有點像像蛋黃綿密的口感。蝦肉很彈牙鮮甜，滿口的肉，只要插入尾巴的肉就很容易把蝦肉全部拉出來。7.饅頭蟹雖然小隻，但裡面有很多一絲絲的肉加蟹膏，

人生第一次食海鮮蒸氣鍋，就近近地揀咗呢間在九龍城的蟹仙。我和朋友揀咗每位$419的套餐，套餐有10款菜式。加拿大野生大赤蝦：刺身等級，蝦肉味道鮮甜，肉質好彈牙台灣九孔鮑魚：好乾淨，店舖細心，提前清理內臟，讚！鮑魚肉質好彈牙韓國斧山珍珠蠔：細細的，但蠔肉好肥美creamy，蠔味濃郁紐西蘭刀貝蚌：彈牙，比較爽口大西洋野生青口：青口肉質嫩嫩的，好新鮮紐西蘭月亮貝：肉質飽滿，套餐入面最新鮮，滿滿海水味野生琵琶龍蝦：滿滿的蝦膏，鮮甜味美，肉質緊致爽口太平洋饅頭蟹：相對少啲肉，主要係將精華滲入粥底菲律賓野生奄仔蟹：蟹膏好濃郁，奶香奶香的，肉厚鮮甜，大推！👍👍海鮮粥底：豬骨粥底加上芋頭，粟米，菜甫等等蔬菜，好足料，加上海鮮精華匯聚哂系呢一煲粥底入面，大滿足🥰除了食物水準好高之外，店員服務都好好，會幫客人親自蒸煮海鮮，每個菜式都有計時，確保每樣食材煮得剛剛好。店員亦會留意客人嘅進食速度，差不多時間先會煮下一款海鮮，好細心，確保客人食到新鮮出爐嘅海鮮。

之前食過呢間蟹仙其他分店 今次就去左九龍城食 九龍城唔一定要食泰國菜㗎尊貴海鮮套餐有十款新鮮海鮮1. 赤蝦：佢雖然係刺身蝦 但都可以用嚟蒸 口感係偏淋好甜2. 台灣九孔鮑魚：鮑魚彈牙3. 韓國釜山珍珠蠔：海水味比較重同埋偏鹹 4. 元貝：好大粒啊 就咁食都好味 5. 紐西蘭刀貝：我最鍾意嘅一款貝類 鮮味濃 食埋佢個汁不得了6. 青口：雖然細粒但個味好濃7. 澳洲龍蝦：好大隻 龍蝦肉爽口8. 饅頭蟹：佢係一款深海蟹 個身好細 每年幾個月當造 肉就比較少9. 野生奄仔蟹：蟹膏食落好似咸蛋黃咁 仲有好多肉要慢慢拆肉10. 蔬菜籃11. 粥底：用左粟米 芋頭 排骨嚟煮嘅粥底 吸哂海鮮嘅汁 我地仲將赤蝦個蝦頭擺埋落去煲 每人食咗三碗好飽 最尾仲有椰汁雪燕甜品送呀

上星期約咗friend子食飯，但近排減肥唔想食咁油膩，就同佢嚟九龍城食餐海鮮餐。我哋揀咗個尊貴海鮮餐，有成九款海鮮同蔬菜籃食。首先嚟嘅係有六款蝦同貝類海鮮碟。加拿大野生大赤蝦 - 通常赤蝦都係用嚟用刺身，但蒸完肉質結實，咬落好爽口彈牙。台灣九孔鮑魚 - 肉質好紮實，咬落有嚼勁。韓國釜山珍珠蠔 - 食落好juicy，帶點海水嘅咸味。加拿大大元貝 - 大大粒啖啖肉，口感比較軟腍。紐西蘭刀背蚌 - 食落無沙粒好乾淨，蚌肉好肥美。大西洋嘢生青口 - 肉質韌韌地好有嚼口。之後嘅一碟係三款甲殼類海鮮。澳洲青年龍蝦 - size大過手掌，龍蝦肉好鮮甜彈牙好好食！太平洋饅頭蟹 - 呢款蟹雖然比較少肉食，但蟹膏咸香味好香濃。野生膏仔蟹 - 呢款蟹嘅膏味道雖然無咁香濃，但差唔多有半隻咁多嘅膏！最後仲有清蒸蔬菜清下腸胃又健康，食埋吸曬海鮮精華嘅粥成餐好滿足！

慶祝朋友生日，知佢鍾意食海鮮，就book咗蟹仙賀一賀佢。叫咗個$419餐，有成8樣海鮮，又有粥底同糖水，都幾抵食。赤蝦 - 一般人會用來做刺身，蒸完啲肉可能冇咁爽，但係會腍啲，鮮甜啲。蝦頭都好多肉同膏，好鮮甜。台灣九孔鮑 - 爽口彈牙，點豉油吊個鮮味。韓國珍珠蠔 - 好濃蠔味，肉質唔霉加拿大大元貝 - 大大粒好滑溜，一啲都唔韌紐西蘭刀貝蚌 - 超爽口，勁鮮甜。唔好點豉油，如果唔係食唔到個鮮味。大西洋青口 - 偏鹹，係海水嘅味道澳洲青年龍蝦 - 肉好結實，多蝦膏饅頭蟹 - 清甜但冇乜肉食，但係有肉汁同埋蟹膏蔬菜 - 清清味蕾，準備食粥粥 - 吸收哂海鮮嘅精華，唔使點調味都夠味椰汁燕窩 - 冰涼解渴，好啱食完熱辣辣嘅粥食

呢間舖係我同朋友好鍾意嚟食嘅舖頭，今次我哋嚟咗近宋王臺呢間分店，揀咗個專貴海鮮套餐，有專人介紹唔同海鮮同幫手蒸，九款海鮮加埋粥底好快就飽咗 加拿大野生大赤蝦比平時嘅蝦大隻啲同埋多啲膏，食落會甜啲 台灣九孔鮑魚已經去哂所有內臟，蒸得啱啱好唔會韌，點少少豉油食會更鮮味 韓國釜山珍珠蠔Size唔係好大隻，不過細隻更加食到鮮甜味 紐西蘭刀貝蚌唔使點豉油，好有咬口，一路咬一路食到鮮味 大西洋野生青口都係唔使點豉油，食到好重海水味，好新鮮 紐西蘭元貝新鮮又冇沙，點少少豉油更好味 太平洋饅頭蟹饅頭蟹係深海蟹，得幾個月捉到，平時好難捉，肉唔多，主要係食佢嘅鮮甜味 野生奄仔蟹奄仔蟹嘅膏好滑好濃，有種食緊蛋黃嘅感覺，而且肉都會多啲，可以撩佢啲肉出嚟慢慢食 澳洲青年龍蝦比起琵琶龍蝦大隻啲，食落肉質爽口啲 最後有蔬菜籃，仲有充滿海鮮甜味嘅粟米芋頭排骨粥，舖頭仲送咗椰汁雪燕俾我哋食，真係超飽超滿足 #foodie #宋王臺美食 #九龍城美食 #海鮮 #打卡 #拍拖好去處 #hkig #hkfoodieblogger #hongkonger #foodblogger