蟹仙海鮮蒸氣鍋 (已結業)

天氣唔算好凍，唔似冬天反邢似秋天，最好就係行下食食下蟹。今日星期日就同男朋友行下元朗大棠紅葉之後就黎到蟹仙，食下海鮮，感受一下唔係好凍既的冬天！黎到蟹仙，位於西菁街，位置唔難搵，而且門口有一大隻既蟹非常顯眼！仲好吸引，好想瘋狂食蟹我同男朋友就叫左最基本既$298/位，當中包括了8款海鮮，一籃有機蔬菜店員會將米、南瓜、排骨預先放係鍋底，待一陣的海鮮精華流落，令粥帶有海鮮的鮮甜味！泰國海中蝦、深海龍躉片、越南貴妃蚌泰國海中蝦，爽口彈牙，好有蝦味；龍躉片份量略少，想食多幾片，味道濃厚，好鮮魚味！建議龍躉片可增多幾片；貴妃蚌肉厚有海水味，而且係無沙架，好鮮甜澳洲青年龍蝦原隻龍蝦，仲要禁多膏，多到流出黎！蒸熟後龍蝦微微捲起，肉質鮮美，蝦尾用黎煮粥亦是唔錯既選擇！而且有豐富的蛋白質、維生素等翡翠九孔鮑魚、日本大元貝、紐西蘭青口鮑魚清蒸味道較淡味，反而青口又幾鮮味又唔鞋口，唔錯！元貝無配上粉絲同蒜可以食到帶子既鮮味，大大粒！越南頂角膏蟹好多膏！好多膏！廚房預先清走了唔食得既內臟，岩哂我唔識食蟹既人！蟹膏肥美，肉厚，好想黎多隻！有機蔬菜好清甜既蔬菜，我無沾上醬料，又估唔到禁甜甜的！粥底吸哂上述海鮮既精

係元朗搵緊食咩晚餐既時候，見到海鮮蒸氣石碢就膽粗粗去試下。好彩時間尚早唔洗等位，到左食飯時段已經坐滿了。第一次食，叫左最平個$298海鮮餐試試先（逢星期五、六、日、公眾假期及前夕每位要加$28啊）因為唔識揀食邊款蟹好，揀左多膏d既越南頂角膏蟹試，員工好好，放落去石碢前會介紹一下深歇色的都是蟹膏，強調是可以吃的，哈哈！越南頂角膏蟹，超級多膏，食落鮮甜美味，感覺好似食大閘蟹一樣。澳洲青年龍蝦，多膏之餘肉質爽口鮮甜，蝦肉容易起出黎，唔會要落手食。翡翠九孔鮑魚、紐西蘭青口、日本大元貝、泰國海中蝦全部都鮮味十足，基本上依餐既海鮮無點過醬油食。而且火喉岩岩好，貝殼類海鮮食落都唔會太韌。蔬菜籃有娃娃菜、粟米、南瓜片。因為用蒸氣石碢煮既關係，食落特別juicy食埋最後兩款海鮮，越南貴妃蚌同埋深海龍躉片，其實都已經飽飽地。但係仲有今餐既精華海鮮粥底，將咁多款海鮮味道滲入粥底，真係好正！總括黎講，海鮮新鮮先做到咁鮮甜效果。員工話因爲老闆係香港海鮮入口商經營批發，海鮮會運到鋪頭先批出去呢。

打左咁多日邊爐，終於都覺得有啲悶，本來想食雞煲，但經過見到呢隻咁醒目嘅大蟹，於是今晚轉左食蒸海鮮！呢度有幾款唔同價錢嘅套餐，我哋就揀咗最平嗰款海鮮餐，$298一位，星期六日要加$28嘅附加費。雖然埋單要三百幾一位，但的確物有所值！套餐已經包左八款海鮮，仲有蔬菜、南瓜排骨粥同埋甜品！食到尾真係好飽好滿足！開餐之前侍應會先準備粥底，跟住就拎啲海鮮食材出來。食材款款都好新鮮，龍蝦同埋膏蟹尤其吸引，爆曬膏咁！一開始先蒸鮑魚同蝦，四分鐘就食得！鮑魚清蒸味道比較淡，蝦肉幾爽口彈牙，味道好鮮甜！之後就到食澳洲龍蝦，每人有半隻！龍蝦要蒸耐少少，不過侍應會幫我地較好時間制！蒸完之後白雪雪嘅龍蝦肉好正，一挑起就成舊肉食得，鮮味十足，食到舔舔脷跟住就到食膏蟹，真係隻隻都好多膏！呢款蟹嘅膏比較實，味道好香濃！蟹身嘅蟹肉都好鮮嫩，不過食蟹就比較麻煩囉～食完蟹就到龍躉同埋貴妃蚌。貴妃蚌口感非常爽滑，一人一隻都有啲唔夠喉！最後嘅海鮮係聖子同埋青口精子唔算超級肥美，不過勝在材料新鮮，味道鮮甜！食完咁多肉之後要食返啲菜我哋有粟米、南瓜、娃娃菜同埋生菜，非常健康！之後仲有已經煮好左嘅南瓜排骨粥，啲粥吸收晒海鮮嘅鮮味，再撈

天氣開始凍凍地咁梗係要食啲暖野啦今日去咗元朗食蒸海鮮兩個人叫咗個HK$298嘅套餐一坐低佢會幫我地準備咗個粥底先足底係南瓜排骨之後呢佢有啲醬料俾我哋自己準備說時遲那時快海鮮就來到啦啲海鮮全部大大件雖然佢哋係同一碟但係大家蒸嘅時間都會唔同不過你都唔使咁擔心因為全程都會有一位服務員幫你去管理呢個蒸爐所以我地負責安心食就可以啦另外仲有蟹同埋龍蝦雖然係龍蝦仔但係多膏多肉除咗海鮮之外仲有菜食完海鮮之後啲粥就已經剛剛好煮起啦之後仲有燕窩做甜品食到好飽啊同埋好抵食

黎呢間餐廳既原因係被店出面隻蟹公仔吸引, 所以決定黎試下, 套餐佢分左幾個價錢, 同屋企人一行4人叫左$298既set, 有9款食物, 呢度店員會幫你蒸埋, 唔洗你煩要蒸幾耐,時間掌握得好好, 每樣海鮮都岩岩好, 唔會over time, 另我最欣賞既係隻越南蟹, 無奈係蟹膏同埋d蟹肉都係勁鮮甜!抵讚!! 相反我地試埋另一款既大黃蟹呢隻就失色d, , 大家黎一定係推介揀越南蟹!!其他海鮮都唔錯, 有鮮味, 不過今日黎就冇聖子得扇貝揀, 雖然每樣份量唔係多, 但係食完都好夠飽, 食晒蒸既食材最後食埋個南瓜咸肉粥結尾, 唔錯, 仲有甜品椰汁雪燕送, 埋單加埋一$13xx, 咁既價錢食到都合理!

天氣報告話今日又突然轉涼，得十幾度咋！好彩我一早bk左枱，同朋友過元朗食粥底蒸氣火鍋。餐廳係千色後面，季季紅酒樓同元氣壽司之間，門口有好大隻會發光既蟹做招牌，見到d auntie好興奮咁拍照留念，哈哈。menu方面，呢度有$298-$688/位，我地2個都揀左$298餐，有8款海鮮同有機蔬菜，仲有個粥添。首先侍應會黎set左個粥底先，有豬骨、南瓜同米粒，咁我地就開始蒸海鮮啦，呢度有侍應姐姐全程幫手蒸既，唔洗自己落手架。Round 1 : 泰國海中蝦、翡翠九孔鮑魚、日本大元貝泰國海中蝦每人有2隻，肉質結實，蝦頭略帶蝦膏，食落爽口蝦味濃！翡翠九孔鮑魚肉質新鮮好有彈性，上枱既時候已經處理好哂，清走哂d內臟，岩哂懶到出汁又唔想整污糟手既我地。日本大元貝同出面唔同，冇落蒜蓉同粉絲，充分保留左帶子既鮮味。Round 2 : 澳洲青年龍蝦澳洲青年龍蝦一黎到真係嚇左跳，無諗過呢個價錢會有咁大隻龍蝦，岩岩上枱d龍蝦腳仲郁架，非常新鮮。龍蝦肉質彈牙爽口，用筷子輕輕一夾，就夾到成條肉，非常易食。Round 3 : 越南頂角膏蟹越南頂角膏蟹蟹肉鮮甜呢d就必然嘅事，但蟹膏可以咁多就認真難得，蟹膏味非常濃郁，啖啖

今晚平安夜約咗個死黨一齊慶祝食晚餐，我哋冇揀選西餐，走咗去食蒸氣海鮮鍋，呢間菜館食材非常高質素，因為老闆係香港嘅海鮮入口商,經營青蟹批發30年經驗,天天直接空運到店鋪，會揀最靚青蟹到餐廳,野生越南頂角膏蟹及黃奄蟹隻隻爆膏。我哋叫咗每人一 客海鮮套餐，員工全程照顧周到，當他將海鮮放在蒸氣鍋上時，眼見食材還在跳動，不用多久，金黃閃爍蟹膏盡現眼前，我們都急不及待地放進嘴裏，蟹肉鮮甜至極，甘香蟹膏滿載口腔，非常滿足。生猛猛龍蝦，同樣滋味無窮，新鮮食材冇得輸，圓碌碌大元貝，肉質晶瑩通透汁液豐富，軟綿蜜甜。下鍋前還在跳動嘅象拔蚌仔，只需幾分鐘就給我們拿著，同樣地極之鮮甜。還有款深海龍躉片，魚皮厚度十足，煙煙靭靭，魚肉幼嫩鮮甜。鮑魚跟海蝦都不遑多讓，侍應服務態度，非常專業 每一款海鮮都計算蒸煮時間準確，因此令食物相得益彰。餐後菜館還貼心地送上甜品，椰汁官燕燉雪燕，滋陰潤肺養顏。今年嘅平安夜令我倆非常難忘，跟好朋友一齊又吃到一個平靚正嘅晚飯，非常開心。

今次真係食好西了🤩同大食友人食個海鮮二人餐，價錢包左8種海鮮+蔬菜籃+南瓜粥底+椰汁官燕燉雪燕（不過4人先有💔）好豐富先講主角越南頂角膏蟹，好！新！鮮！👍🏽👍🏽👍🏽甫上枱被佢亮晶晶嘅蟹膏吸引左🤩由店員幫手放入蒸氣鍋，我地兩個廢青等食🤗服務不錯～蟹肉甜甜的，蟹膏鮮帶微咸，口感偏硬身，類近咸蛋黃質感，好回味🙈🙈🙈另一主角澳洲青年龍蝦，兩人一隻，龍蝦肉好鬼爽，膏亦唔輸隻膏蟹，真係食到殻到清埋咁濟🤟🏽🤟🏽仲有翡翠九孔鮑魚，超彈牙，基本上我食以上正樣野係唔點醬，因為本身鮮味好足🙈熱心店長介紹，話老闆係做海鮮批發，所以日日都拎到正貨🤩仲有大元貝、貴妃蚌、龍躉片、青口同海蝦，整體而言海鮮食材幾高質，對得住呢個價🤟🏽🤟🏽🤟🏽當日正係食海鮮已9成飽🙈點知仲有有機蔬菜籃😂😂😂就爆肚都要食埋個粥底，因為集中晒d海鮮精華，而且佢係加左南瓜同瘦肉去煮，好味😣

平時想食粥底火鍋🍲，都要山長水遠出去市區食...而家唔駛喇元朗開左間蟹仙，呢日就黎試下有幾鮮見到個門口隻蟹真係好興奮，好心急想食入到去就要揀左食咩餐先，店員話每日只會揀最新鮮既食材，仲要直批海鮮，邊款靚就會用邊款，我揀左$298果款登登登登登，要開動喇呢度既店員會為每枱客放食物落個蒸蒸蒸度就算係咁，店員都會好耐心幫你重點1出場，呢隻蟹黎到既時候，我嘩左幾次，好多膏店員為了客人可以食咩晒d膏，佢會用個殻放底，好聰明，食呢個蟹，我完全無加任何調味，真係夠晒鮮味重點2:龍蝦真心問自己，300蚊食到咁既質素真係抵到爛食晒野之後，個粥底變左咁樣，店員會再落菜甫同蔥，食埋個粥，呢餐就畫左完美既句號❤️

天氣真的愈來愈寒冷，除了火鍋，雞煲，還有第三個選擇，就是蒸氣石鍋粥，既可食到海鮮的鮮味，也可以暖身暖胃，更沒有火鍋雞煲般的油膩，食完也不怕會長胖🙈.朋友介紹元朗這間「蟹仙海鮮私房蒸氣石碢」給我，想想位置不是很遠就直接去了。.蒸氣石碢店就在元朗換領智能身份証中心附近，門口有隻巨型大螃蟹🦀️作標誌，十分搶眼又易認。甫進餐廳，光線充足，地方寬敞。.剛好遇上冬至，店員還額外送了一碗廚師親手做的「私房鹹湯圓」，好幸運呀🙆‍♀️.Menu 上主要有四種套餐，分別有$298，$398，$498和$688，當然也可以另加海鮮。.我們選了$298套餐，共有9款食材，包括越南頂角膏蟹（半隻），罕有大黃奄蟹（半隻），澳洲青年龍蝦，翡翠九孔鮑魚，日本大元貝，越南貴妃蚌，深海龍躉片，紐西蘭青口，泰國海中蝦和有機蔬菜籃。.越南頂角膏蟹 + 罕有大黃奄蟹兩隻螃蟹都有很多蟹膏，好肥美! 羔蟹的肉就比較厚實一點而奄蟹的肉滑則比較嫩滑一點。兩種口感兩種感覺，但味道都是一樣的 - 鮮味十足。澳洲青年龍蝦厚身又實肉，肉質彈牙。,翡翠九孔鮑魚口感厚實彈牙，沾少少辣椒醬油，不得了。日本大元貝一個五蚊銀般大卻有三個五蚊銀的厚度！記得要

天氣凍就梗係想食啲熱辣辣嘅野，朋友提議話想食海鮮蒸鍋，仲推薦元朗有間話好好食的，叫蟹仙地點距離地鐵站都有啲遠，餐廳裝修樸實，天花頂上面仲有幾盞靚靚鑽石大轉燈聽店員講老闆係香港既海鮮入口商，海鮮天天直接空運到店鋪，會揀最靚嘅海鮮到餐廳！我地就叫左9款海鮮嘅餐，每人盛惠$298越南頂角膏蟹(2人一隻)呢隻膏蟹真係不得了，啲蟹膏多到擠晒出黎，好肥美！而且都好多蟹肉，好鮮甜好正啊！澳洲青年龍蝦 (2人一隻)龍蝦好厚肉，肉質爽彈，仲有少少膏添海鮮大拼盤材料好豐盛呀！紐西蘭青口好肥厚又鮮甜！貴妃蚌超級大隻，都幾爽口，好新鮮添啊！深海龍躉片係厚切的，魚肉嫩滑，魚皮仲帶有膠質，口感不得了哦！鮑魚已經貼心地清潔乾淨，餐廳已去除左腸，可以成粒直接食，一啲都唔腥，好鮮味！日本大元貝一樣好厚肉，食完隻元貝之後記得飲埋個殻上面嘅湯汁，係精華黎架好清甜！海蝦肉都幾厚身，肉質結實，蝦味濃郁蔬菜籃有娃娃菜、南瓜、粟米，新鮮又健康最後黎到全晚的重頭戲，就係將蒸鍋底下嘅粥底加入海鮮湯後熬製成粥，所有海鮮精華滲透晒入飯粒，粥底都幾綿滑，每口粥都好鮮甜喔物超所值又大滿足嘅海鮮蒸鍋晚餐

今晚專程入元朗搵朋友食飯，但近來食得太多打邊爐，食到悶悶地，朋友就介紹我食蒸氣石碢 ，既健康又可以食到海鮮嘅原汁原味， 不油不膩。朋友帶我去「蟹仙海鮮私房 地址在元朗西菁街10號好順泰商場地下16-17號舖，我哋叫了$298海鮮餐，有足足8款海鮮、1款蔬菜及甜品送椰汁官燕燉雪燕，食物包括：1. 越南頂角膏蟹或罕有大黃奄 2. 澳洲青年龍蝦 3. 紐西蘭青口4. 日本大元貝5. 貴妃蚌或象拔蚌仔6. 深海龍躉片7. 鮑魚8. 海蝦9. 蔬菜籃首先職員會在鍋底放米飯、排骨及南瓜，在鍋面加上一個蒸格，在蒸格上蒸煮每款海鮮，又幾聰明喎，用蒸煮海鮮時的海鮮汁液精華流落南瓜粥裡，設計這個做法的人，連所有精華都不錯過，厲害。所有的海鮮時間控制的十分準確，每一款海鮮職員都會按計時器，一夠時就會響鐘及自己停止，咁樣就可以確保唔會煮過時啦。味道方面，我喜歡澳洲青年龍蝦多膏及肉質彈牙。 罕有大黃奄比龍蝦還要更多蟹膏，超甘香，肉素都好滑。紐西蘭青口超甜，而且肉身肥美。鮑魚同海蝦都非常新鮮，蒸蔬菜都好好味，唔會蒸到發黃，食物質素高，款款食物都很美味。至於個南瓜排骨粥，真係不得了，煮到白米很綿，南瓜及排隊剛好，食

今日入到黎元朗同朋友食飯想食好啲，行過見到有隻好大隻嘅蟹係間鋪頭前面，好吸晴咁，再睇埋個餐牌見到好似都幾吸引就入咗去試一入到去呢老闆娘就好熱情咁介紹餐牌 原來呢老闆娘係做海鮮批發所以先可以拎到咁靚嘅同咁多膏嘅蟹 佢話每一隻蟹都會揀過確保係會有好多膏！我同朋友就叫咗$398位共10款嘅套餐淨係蟹都有三款好彩有老闆娘介紹先至識分有啲咩分別。罕有王高肉蟹啲蟹膏係比較實啲嘅；越南頂角高蟹係多膏同啲膏會流心既；菲律賓大黃奄嘅比較多肉地；呢度仲可以半隻半隻咁叫，我朋友鍾意食實心嘅膏，我就鍾意食流心既膏，咁樣叫啱啱好！估唔到蟹膏真係同相一樣咁多，仲要好香，蟹肉都好新鮮好嫩，果然係招牌菜啊！係出面真係好難買到咁多蟹膏既蟹！套餐上面嘅賴尿蝦同埋琵琶龍蝦都可以各選一但係朋友怕剝殼所以叫咗象拔蚌刺身。後尾先發現原來佢係會幫你剪埋賴尿蝦嘅殼防止你整親，真係好貼心啊！到澳洲青年龍蝦，龍蝦汁好鮮甜，啲肉好爽口同埋都係好多膏， 真係成個殻啜哂，同酒樓龍蝦伊麵啲龍蝦差天共地！另外值得一提就係紐西蘭青口，食之前侍應同我講佢都好鍾意食依到既青口，話同普通出邊嗰啲真係好唔同。食完發覺真係完全唔鞋口，同出面又硬又細粒又鞋完全

老闆係香港嘅海鮮入口商,經營青蟹批發30年經驗,天天直接空運到店鋪，仲會揀最靚青蟹到餐廳,野生越南頂角膏蟹及黃奄蟹隻隻爆膏。越南頂角膏蟹，今次食膏蟹，膏會比較硬身，入囗都幾香，蟹肉鮮甜又大隻，仲有啲蟹汁真係精華黎。澳洲青年龍蝦，龍蝦成隻手臂咁大隻，啲肉都好彈牙。日本大元貝，元貝都好甜，囗感爽囗。貴妃蚌，都幾多肉汁嫁。深海龍躉片，魚肉都好嫩好滑。鮑魚，海蝦都幾足料，蝦肉彈牙，鮑魚夠曬鮮甜啊。蔬菜籃，蒸娃娃菜同南瓜都好軟綿綿。二百多就可以食到咁多好食嘅海鮮真係抵食，仲要係元朗,新蒲崗,九龍城都有分店，真係又方便就腳啊。服務又貼心又盡責，每次個放海鮮外殼嘅碗一滿咗，店員就主動去倒，真係貼心到冇得頂，仲要每種食材較好個時間蒸，蒸得啱啱好，又唔會過老。

凍冰冰嘅天氣☃️最想食啲暖笠笠嘅嘢😛今次係我第一次食蒸氣火鍋🍲其實想試好耐㗎啦 覺得好似好得意咁樣😂佢呢個蒸氣鍋蓋我覺得勁似草帽🤔一路蒸嘅時候一路諗緊會唔會有人將佢帶落個頭到😂(雖然我咁講好似膠左啲😂) 蒸氣火鍋套餐有大量海鮮可以食 全部用蒸嘅方法感覺都好似好健康咁😆揀咗價錢最平嗰一款套餐 不過都已經包左好多海鮮 食完飽到上心口🤰🏼-✏️9款海鮮餐 ($298/位)🔹越南頂角膏蟹淨係睇相都已經見到啲蟹膏係爆曬出嚟🤩誇張誇張😚而且係好香濃啲蟹膏 好似食極都有咁😛蟹肉嘅份量都唔少 單單食呢個蟹都覺得好滿足🔹澳洲青年龍蝦龍蝦肉好彈牙 食落味道好鮮甜 根本唔使點咩豉油嗰啲 直接食已經好正😆🔹紐西蘭青口青口正常好食的 唔會話有啲咩好特別 不過蒸完之後就有少少縮左水嘅感覺🤣🔹日本大元貝呢個原本又係不得了🥰超級鮮甜大大隻🤪食落去口感都幾爽 而且重點係停留喺佢個貝殼入邊嘅汁❗️飲落係極度鮮甜😚🔹貴妃蚌肉質好彈牙 但係就有啲啲難咬開🤣同個元貝一樣 留咗喺蚌殼到嘅汁真係精華嚟 飲晒係重點😛🔹深海龍躉片龍躉片嘅魚肉質感就比較實🐟比起一般食到嘅蒸魚質感就會比較粗糙少少🤔🔹鮑魚食蒸氣火鍋仲有得食鮑魚正🤣鮑魚嘅質地一啲