諾亞半熟蛋糕專門店 (已結業)

上次買諾亞是在九龍城分店，試的是溶心芝士香蕉蛋糕，一吃就愛上了那creamy的質感。今日返娘家前特地走到西九龍中心的分店買一個蛋糕孝敬爹娘 心思思想試一下卷蛋，但最後抵抗不了新品這兩個字的誘惑! 而且夏天嘛，總覺得吃清新的口味比較對呢 選的就是這個檸檬半熟蛋糕 (嚐鮮價: $78)。店員細心的教我冷藏和解凍的方法：放在冰箱，吃之前在室溫解凍約20-25分鐘，而且最好在兩天內吃完 (因為蛋糕完全沒有防腐劑)。吃完晚飯後急不及待的把它從冰箱拿出來解凍，貓貓蛋糕盒好可愛啊！打開盒子，有餐具附送。因為在家的關係我們用了家裡的餐具，這即棄的餐具就留待下次用吧～一邊看電視一邊等它解凍，很快20分鐘就過去了，有得食喇！我愛它creamy又refreshing，還很喜歡它有檸檬和蜂蜜的天然甜味 蛋糕的外圍比較挺身又不失鬆鬆綿綿，而中間部分則比較濕潤，口感很豐富，看來解凍時間剛剛好！媽媽說怕這蛋糕太飽滯，所以著我切了一件小小的給她，結果？就是她要求食多一件囉 檸檬味酸酸甜甜，令人食慾大增啊～ 很有夏天氣息的蛋糕。怕酸的爹哋也喜歡這蛋糕，他說味道恰到好處。路痴的我在西九龍中心一樓找了一會也找不到店在哪

這天來到深水步探望一位多年不見的親友,其實深水步我也不太熟悉,之前來過數次吃飯,但還是認不到這裡的路幸好是跟另一友人前來,否則一定迷路既然來到朋友家,當然不能2手空空,路經上水諾亞,買一個蛋糕給朋友是應該的今次選擇了比利時朱古力流心芝士蛋糕,只論外觀已經非常誘人,吃起來的味道更值得一讚朱古力味道相當香濃,吃起來充滿質感,難得的只並不膩,芝士味混在其中亦是加分的另一因素而蛋糕本身亦相當鬆軟,令人有一吃再吃的衝動友人也相當高興

早前，BeautySearch 出席了西九龍中心的活動，活動過後，有點點肚餓，但距離晚飯時間還有幾個鐘，於是，便在附近逛逛，看看有什麼小食可買回家。不知不覺，來到位於西九龍中心的諾亞半熟蛋糕專門店 Noah Castella。之前見到ig說鮮乳卷蛋糕經改良重推，加上之前草莓蛋糕無緣，難得今次見到，當然要買番個。當日天氣都幾熱，所以BeautySearch買完蛋糕後也要急急腳趕回家。餅身色澤粉嫩，打開餅盒即時散發著清甜的草莓香氣，中位置包裹著白色忌廉，溶心鮮乳卷，食前放在溫室擺10分，溶心效果更好。鮮乳卷餅食約有6吋長，可切4-6件，一家食Share都無問題。BeautySearch 同蝦子餅兩人share，所以可以厚切4件，切餅時，感到餅身非常鬆軟中間部份的溶心效果雖然不算強烈，搭配份內多多的忌廉，奶味濃郁，入口香軟滑溜，中間還夾有鮮甜的草莓，大大粒，非常鮮味！

收工同朋友行街街，係西九睇到居然都有諾亞既分店，而且仲有我好想食又成日都賣哂既草莓王溶心芝士蛋糕，得返一千零一個。立即叫店員幫我包起佢，買啦！但由於行緊街街，叫店員幫我keep住先，我行完街黎拎，店員都好好肯幫我keep住先。到返左屋企，同阿妹講終於買到你一直想食既草莓王溶心芝士蛋糕啦！yeah~~立即切黎食。好多士多啤梨，好大粒，芝士蛋糕食落香滑不會膩，配上微酸的士多啤梨，好好味。好快咁一個大蛋糕又食哂啦！不過覺得最好食都係芒果流心芝士蛋糕。

我好耐無食諾亞的流心蛋糕啦!~~今天經過深水埗西九龍中心,我知佢地剛在這邊開了一間分店,我去睇下有什麼蛋糕想食買回去與家人分享。我在廚櫃內見到好多蛋糕,有新款的蛋卷,芒果蛋糕,原味蛋糕,伯爵紅菜蛋糕,香蕉蛋糕,睇到我心大心細都唔知不買邊個好。原本我想食芒果蛋糕的,但我太遲了,最後一個已經比其他人買了,我最後選了令人食了會開心的朱古力蛋糕。比利時朱古力溶心芝士蛋糕~~我今次控制時間非常的好,我由蛋糕店回家,蛋糕剛剛好少少融化,有牛油紙包住,非常衛生及靚,附有紙碟,匙及刀。我已急不及待的取出刀叉碟切蛋糕食啦!~~底部是一層3MM簿的朱古力蛋糕,軟棉棉的,不太甜。中間的外圍是芝士蛋糕,香濃的芝士味軟滑,不會有實的感覺,而中間的是芝士流心。一切開中間的芝士慢慢的流出來。面層是比利時的45度朱古力,輕輕的試了有少少苦中帶甜,與芝士蛋糕一齊食甜度剛剛好。我好想試下芒果蛋糕呀!~~~等我過兩星期再去買回家食先。

早已聽過諾亞半熟蛋糕的「味」力，可惜每次去到都售罊，所以今次特地趁放假，一早到深水埗買返個蛋糕一試。櫥窗擺放的蛋糕種類眾多，店員熱情地逐款介紹，有半熟類有芝士類。嘴饞又選擇困難症的筆者聽得每款都想試，然而on diet的問題極為惱人，幸得店員體貼的一句：「初嘗可先試蜂蜜半熟蛋糕啊。」筆者終於選得心頭好，可以帶著半熟的蜂蜜蛋糕回家一試。從冰箱拿出，解凍五分鐘即可食用。望落似未完的製成品，正是半熟蛋糕的賣點和癥結。以蛋糕盒內附送的膠刀細切，先來是撲鼻的蜂蜜香。輕輕取出切好的一份蛋糕，半熟的狀態盡呈眼前。微塌的蛋糕中央是最軟綿的部分，慢慢流出淡黃色的蜜漿，以蛋糕輕沾溢出的蜂蜜，入口沒有極濃而甜到漏的感覺，相反清甜的「蜂」味更讓人鍾愛。有別於傳統那種熟透的海綿蛋糕，此半熟蛋糕非但入口更軟熟香綿，而且口感綿滑，加上清新的蜂蜜甜味，無論嗅覺或味蕾都同樣有極致享受。而看著慢流的蜂蜜，更覺此半熟蛋糕「足料」程度極高。加上店員落足嘴頭甜入心的推薦，即使外賣自取都同樣感受到「賓至如歸」的服務。

話說本人路過呢間蛋糕店不禁比佢地嘅蛋糕賣相吸引通常你會見到整個蛋糕嘅外貌但係呢間蛋糕店只會比蛋糕嘅俯視角度你睇而蛋糕嘅周邊會被奶油紙包住就係呢一份神秘感就吸引左本人停低望多幾望本人抱住一係唔食 要食就震食最好嘅信念咁就買左草莓王叔屋企試下店員服務唔 問我住幾遠 再放入乾冰以保持住草莓王嘅品質仲提我最好即日食同要室溫解凍二十分鍾作為一個食家 當然想食到最好質素嘅食物啦所以返到屋企待就好乖咁跟足指示好啦 究竟個蛋糕係點嘅呢？請看下圖基本上草莓王有四層：啫喱 忌廉芝士層 乳酪流心層 同餅底整體味道同蛋糕質感唔錯 忌廉芝士軟硬適中 略帶微檸檬酸味 與忌廉芝士相附相成但係未能做到流心嘅效果 而且餅底有點鬆散 估計牛油份量不足考慮到價錢同質素 整體不過不失 可以一試

繼續尋味全城熱食的半熟蛋糕, 今次尋到來自台灣的她, 原來在台灣主要做宅配, 我還大鄉里不知她原來在香港已有多間分店, 真係唔試唔得.  尋到最近我家的西九龍分店, 因為今天是星期天, 人流多到像旺角般熱鬧. 已很久沒有踏足這商場, 原來在每個通道位都開了很多小店, 因店舖及人流太密集, 在商場指示圖也找不到這店, 唯有致電店員詢問位置, 經指點後便好容易找到這搶眼的鮮黃色店子, 兩個蛋糕櫃擺滿多款蛋糕, 有原味, 朱古力, 紅茶, 就連芝士都有幾款, 多心既我都唔知揀邊款.  因為第一次幫襯, 店員介紹我可先試她們的招牌原味蜂蜜味. 店員還細心叮囑我如能半小時後回到家便可即享用, 否則便要冷藏後才可品嚐.原來有大熱既忌廉哥crossover蛋糕, 不過咁可愛既忌廉哥唔捨得食落肚囉....蛋糕盒很精緻, 很愛貓面形手挽, keep起了唔捨得掉了牠蛋糕盒上很細心列出食用方法及營養標示, 真是這店既宗旨要"在乎大家吃的安心與健康".蛋糕輕輕的搖擺已見到表面有微微震盪, 就如剛出爐的蛋撻面般. 所以包裝上有一個硬身既透明膠盒作保護.抽出來看看, 她真是沒有華麗的外表, 而且還矮矮的.但當刀子

今日同朋友去開西九龍中心，見到呢間近排好hit的諾亞半熟蛋糕專門店，店子小小的，但有好多蛋糕產品可供選擇。我未食過半熟蛋糕就諗住試下，不過同行朋友已經試過半熟蛋糕，店員又推薦新出的草莓溶心鮮乳卷，就買左一個同朋友一齊試。呢個草莓溶心鮮乳卷的慕絲勁多，而且甜度適中，唔會太甜，食完唔會有好膩的感覺，啱曬我口味！蛋糕部分亦好軟綿綿，而且仲有好多新鮮的士多啤梨夾在慕絲內，士多啤梨一d都唔酸，好鮮甜！總括而言，呢個草莓溶心鮮乳卷($98)好好味～值得推介！

媽媽和婆婆都愛吃蛋卷，而我吃過諾亞半熟出品挺不錯的芝士蛋糕，就是沒有吃過他們的蛋卷，今次真的要吃吃他們的蛋卷，一來可滿足她們又可以滿足自己。無論看了他們的蛋糕盒多少次，我仍是十喜歡，可能自己是貓迷的原因吧，加上這個盒真的是很可愛。抹茶蛋卷 $88蛋卷大大，中間有著滿滿的純忌廉，還有點抹茶cream呢。將蛋卷切開之後，蛋卷和忌廉的層次更見分明。綠綠的蛋卷包著大量純忌廉，純忌廉內包著一點抹茶cream，抹茶cream旁邊還有流心綠茶呢。蛋卷氣孔綿密，口感扎實而不失蛋卷應有的鬆軟，這樣的蛋卷吃下去就更實在。除此之外，蛋卷濕潤而帶蛋香，蛋香之中還帶著絲絲的抹茶清幽。扎實的蛋卷包著幼滑的純忌廉，一剛一柔，口感更為升華。只是一些抹茶cream加上流心抹茶便可中和純忌廉味道的單一化，而且與抹茶蛋卷作出味道上的互相呼應，真的很美味。雖然這抹茶蛋卷定價為$88，但它讓我吃得出他們用料尚乘，加上蛋卷口感扎實而飽肚，美味可口，就連媽媽和婆婆也大讚，絕對是物有所值。

呢日係媽媽生日,打算去深水埗區買蛋糕既時候,途經西九龍商場時發現左間我從未聽過既半熟蛋糕。初時我都未聽過呢個TERM,對半熟蛋糕抱有新鮮感,心諗:「下? 咩蛋糕有一半熟咁得意呀?」後黎望望商店海報既解說後,覺得幾有趣,所以決定買個返屋企細心品嚐。香蕉芝士流心半熟蛋糕($78)呢個半熟蛋糕既特別之處,需要放係冰箱(-2度~-8度)低溫雪藏,食之前要拎出黎係常態下放置約半個鍾解凍,務求食既時候可以感受到佢蛋糕既鬆軟&流心既滋味。講下佢既味道;香蕉味比較濃郁,芝士味相比下冇咁出位,但同時間都可以感受到2種味道既配搭,而且好清新。佢既香蕉味流心令個蛋糕帶黎新鮮感,唔會有種好DRY既感覺,唔洗好似食普通蛋糕咁食到口乾乾~-份量方面亦唔會太少,夠4個人食到有小小飽。-拎起個蛋糕會發現有紙碟同餐具,包裝設計得幾貼心。

諾亞半熟蛋糕專門店深得港人喜愛，香港成為了寵兒，蛋糕鬆香軟滑，味道做得十分出色，早前慶祝父親節，父親提議食芒果流心芝士蛋糕，便決定一嚐父親的心願，一齊體會當中的美味。 諾亞半熟蛋糕專門店有很多的分店，我居住在九龍區，深水埗的分店交通很方便，地點設於商場內，深水埗地鐵站出口，幾分鐘巳經到達。 櫥窗的蛋糕，真的非常吸引，款式也蠻多，不同味道的蛋糕在我眼前，分別有半熟蛋糕，溶心蛋糕和鮮乳卷等。芒果流心芝士蛋糕 HK$138蛋糕未切開巳有芒果香味飄出，芒果份量很多，芒果肉蓋滿蛋糕上層，果肉鮮甜，有啫喱層包住芒果，口感煙韌特別，中間位置的芝士很creamy，有流心的漿力，芝士味香濃，流心甜膩度剛好平衡，最底的朱古力餅底好脆，蛋糕唔會覺得滯，比一般蛋糕口感更細滑芳香，層次更豐富，瞬息之間便食了整個芒果流心芝士蛋糕，真心很好味。 原味蜂蜜鮮乳卷 HK$79鮮乳卷用日本海藻糖(低熱量)、鮮牛乳、頂級日本麵粉所造成，鮮乳卷中間清楚見到有很多的忌廉，中間忌廉棄用現成貨，五星級甜品師親手調制，鮮乳卷很鬆軟，蛋味很香濃，濕潤的口感，唔會太乾身，又唔會太甜，齒頰留香，吃起來口感滿載。

好友肥糖姐生日，我哋成班 fd 上佢屋企同佢慶祝，我就身負重任去買蛋糕，我見成日食黎食去都係果啲，襯今次不如齊齊試新嘢。呢間餅店蛋糕搵咗隻明星貓做代言人，同埋蛋糕款式比較新穎，我當然要買壽星女最鍾意果款草莓芝士溶心蛋糕啦，店員好細心問我路程有幾遠，幫我加乾冰，仲提醒我未食就先放雪櫃，食前10分鐘擺室溫就可以有流心效果。肥糖姐見到個蛋糕當然好鍾意啦，蛋糕面舖滿红紅的草莓，好鮮甜，下面係一層草莓啫喱，酸酸甜甜，之後就係溶心芝士，非常creamy，最底層係的朱古力蛋糕，朱古力味唔太突出，但整體都係好好味。

經過西九龍見到過家好特別既蛋糕鋪，所賣既蛋糕跟坊間大型既蛋糕鋪好唔同，第一次聽這款半熟蛋糕，竟然有我最愛既伯爵紅茶口味，因市面很難找到紅茶味既蛋糕，於是買了一個低糖伯爵紅茶半熟蛋糕 $75番屋企試試。因回家路程超過半個鐘，所以店員好細心地給我放了乾冰，番到屋企仍好冰凍，在室溫解凍大約30min就食得。入口好香伯爵紅茶味，唔太甜，質感都算細滑，中間有小小流心既感覺，因沒有cream，一D都唔膩。半熟蛋既蛋糕真係好特別，下次會再試其他味道。

本身好少去西九龍嗰邊行街，但又想食呢度既cheesecake，於是好衰女既我，求左媽咪突燈夜晚去西九買番個，等我收工返去有得食！媽咪話店員服務態度都幾好，我叫佢映下menu俾我簡下到底食比利時朱古力溶心旦糕好定呢款皇牌好！人地都無歧視佢係咁映，而且有細心講解喎！有清楚為客人說明旦糕的最佳保鮮方法 請見諒，媽子拍照時可能心急映我睇，佢啲相有啲手震               呢個旦糕叫做限定草莓王溶心芝士旦糕，咁應該就係做得好少，因為相對其他店內旦糕價錢較貴，但其實都好扺，面頭舖住14粒士多啤梨，齋賣相已經好得下，而且份量都幾巨，168呢個價錢一啲都唔貴，而家出面啲連鎖旦糕店，個樣做靚少少都唔止呢個價，而且好多好睇唔好食，得個甜同忌廉味！     旦糕盒正常樣，唔係話好靚，不過個盒就好大，好似1磅咁款，但呢度啲旦糕無分大中細，得一個size，咁想試既話，大都要照買，最多揾多啲人黎開心share嫁姐！！可惜我都係揾唔到既，叫阿妹返黎幫拖，佢收夜又唔濟，攪到得我同勞苦功高走去買既媽媽同我兩份食既姐！！！ 預先附上在旦糕盒底的刀叉感覺貼心好似無食過咩係溶心cheesecake，心唸：係咪姐係刺