避風塘興記

營業中

休息中

原想試試所謂的避風塘菜色，真後悔沒看食評便去試了，害家人吃了不愉快的一餐！很不幸之前的劣評十居其九都遇上了 - 味道沒什特別，食唔飽但超貴 (最慘唔知價 - 食1-2味「時價」分分鐘過千，check 單都冇用，任佢話幾斤幾兩，仲有好多餸要問先知價錢)，仲要受氣 (除了一位男伙計比較okay外，個個都好唔禮貌 - 對住熟客同豪客除外)！如果你唔係佢呢兩種人，香港實在有太多餐廳比到你更好既享受 (無論食物質素或服務態度) ~仲有，縱觀咁多食評既消費都係偏高，點解呢間食店既平均消費只係$101-150? 希望可以更正資料，以免誤導。

六小福( with their XO醬 its so gd!), 蒜蓉粉絲聖子, 油鹽水浸蜆, 椒鹽賴尿蝦, 古法避風塘炒蟹, 椒豉炒蜆, 西蘭花炒鹹肉, 燒鴨河 (soup n 河好味, 鴨nth special, still gd tho!)酸梅湯好飲一定過一千i love seafood

尋晚同朋友一行四人去左避風塘興記試食,聽朋友講果處好多明星去,味道唔錯.於是便上開飯網查吓間餐廳咩料. 好壞參半,但就勁多人炳佢d service唔得,態度差. 但我地都係為左食,所以都決定去.去到七點幾,都好好彩無咩人,招呼都無係開飯網講得咁差,但當然唔係好好果隻.坐低左便開始睇餐牌,有侍應埋來介紹.我地要左豉椒炒蜆,六小福,椒鹽炒賴尿蝦,燒鴨髀河,金沙炒蟹.個侍應好似唔係太滿意,仲係咁推介飽魚,石斑等.燒鴨髀河幾好食,而份量就非常適合減緊肥既朋友,非常精緻,俾我食既話,相信可以一啖就食得晒.但就要成四十幾元.豉椒炒蜆就係睇左阿蘇施黃介紹而叫的,係成晚無得彈的唯一,好好味,好o岩食.六小福本來就幾ok,但敗筆之處在於個好鬼死苦的豬肚.朋友說如果豬肚苦就代表豬肚洗得唔乾淨.椒鹽炒賴尿蝦好鬼死咸,咸到我係度狂飲酸梅湯,成jar好鬼快就因呢碟椒鹽炒賴尿蝦而飲晒.金沙炒蟹真係唔知咩叫做金沙,我就覺得同避風塘果d蒜蓉無咩分別.碟蟹賣相好ok,但d肉就無咩味.我地未食完,就俾侍應問,你地仲有無野order,感覺到被人催,果陣都只係八點幾,坐左一個鐘咋.唉~好無癮...於是就埋單,張單要成千五元,

因為903 DJ 們的推介, 所以約埋d 朋友一行8人去品嘗呢間明星食店. 上到去間店原黎都幾細. 但係四周的墻上都簽滿哂明人的簽名. 係多到癲左囉. 可惜我無帶相機. 所以一眾食物係無得留紀念. 因為我估我都無咩機會再去食得咁豪!!!! 之外睇人地d食評話平均$200 左右. 都可以接受,因為去西貢食海鮮都要呢d價位. 點知埋單...wahhh...嚇死左~ 每人$537. 仲貴過去食buffet. 係咪好好味呢. 又唔可以話頂級. 但係都不俗. 唯一可惜唔係我點菜, 如果唔係就可以有清有濃的食物了. 是次點菜是由朋友發板, 點左1) 蒜蓉蒸巨型聖子- 個汁好味, 但係太濃,蓋\\\過左d鮮味. 但係配粉絲永遠都係最佳配搭!2) 油鹽水浸蜆- 胡椒味太重, 但味道還是很好.3) 蒜蓉開邊中蝦- 無咩特別. 話就話係中蝦, 但係size 對我黎講係普通size. 4) 豆豉蒸水豆腐- 普通. 但係佢\\\個豉油真係做得好好味.5) 上湯浸石斑- 湯底好味, 因為有蕃茄. 但係魚係炸的. 我個不是太喜歡炸魚. 我認為新鮮的魚係要清蒸先好味!6) 燒鵝河粉- 鵝燒得好香. 7) 艇仔粥-

朋友生日,話呢間好食所以去試下訂左四位,我一個人先到,佢話唔俾我,要我到齊先,好,無問題,去熱門壽司店都係咁啦。點知另外兩個朋友到埋之後,佢都唔想俾我地,我話仲有個朋友來緊,個侍應仲話「係咪架?」大佬,四個人定三個人都係坐四人啦,有無搞錯?唔係約好哂人,一早走左叫左金沙炒蟹,水浸蜆,燒鴨湯河等等,公平D,係好味既,不過又係想催你快D走咁,成日想幫你收哂D野佢四個人埋單八百幾,當然唔算平,我去灣仔橋底應該可以平過佢又差唔多質素,但咁既服務質素一定唔值咁貴,大牌檔都好過佢好多仲有,臨走俾錢,個疑似老闆娘物體一句多謝都無,好野!唔緊要,以後都唔見了

因為是平日晚上, 再加上是2人枱, 一訂就有位. 炒蜆要少辣, 但我都覺好辣; 泥鯭粥同灼菜好一般, 但個避風塘中蝦的確不錯, 炸得很香我連個蝦殼都食埋. 埋單連竹蔗水及加一, 2個人都差不多$500. 但服務就不太好, 你叫點完野個待應仲係咁問要唔要其他野, 要唔要鮑魚...我講完唔要係咁多, 個待應即刻黑面. 老實講都無下次

這次是因為MM兄回港料理私務，一眾圍內食友當然要出來吃吃飯。也因為MM嫂想吃豆豉炒蟹，一行十二人，來了興記。這裡的服務，是出了名的「好」，入席前，也照例的勞勞氣氣。召來主理人，隨便叫幾個菜，來這裡吃了多年，這裡的菜色少變，吃的也是那幾味。叫了六小福、油鹽水浸蜆、豉油王煎中蝦、古法避風塘粉蟹、咕嚕肉，單尾當然是鴨河及艇仔粥。未起菜，例必在喝蔗水，不過是晚有新點子，是MM兄帶來的純金燒酌，在此謝過。是晚的六小福，是粉腸、豬舌、土魷、豬肚、魚肚及菜心。六款菜色中，最受歡迎的當然是魚肚，煮得軟腍，一夾起已知膠質豐富，不滋補也至少養顏，一掃而光。是晚的豬粉腸有點苦味，豬肚及豬舌是仍然不錯，土魷是照舊的口感彈牙，但完全沒有味道。最欣賞的，還是那幾條菜心，清甜翠綠，吃了這麼多年，六小福中菜蔬的那一味，一向也是精選；油鹽水浸蜆也是每次來都叫，是次特地囑咐其要減胡椒。辛辣味減了，但仍然鮮甜無比，難得的是同煮的韮菜也鮮甜沒有渣，也不可錯過；豉油王中蝦也很美味，中蝦開邊，拉油後再下醬油爆炒，隻隻夠味，脆得連蝦殼也可以一起吃的。最不能錯過的，就是這裡會將一塊塊的蝦殼炒出來，吃起來除了冶味，也像蝦片般卜卜脆，用

sorry sorry 價目我弄錯了, 因近年都是我老細結數請客的, 所以食不知價, 是有２人餐$448的, 及是夜結數是$500多,但我及我老細都對閣下對人的態度不太認同。

差一d忘記了, 這店的２人套餐只有A $二佰尾, B -$三佰多d , 沒有$448的, 你連這也講大話,其他的可信度有多大可想過半了。

我當晚都是座上客,我是坐在你的近鄰,我當天都是叫了2人套餐結數只是300多,我不覺有你說的問題,我想不要只說他人的不是處,我全程都看到,閣下當時的態度也有大不是之處,我個人只是覺得他們只是沒有多餘及假的笑容吧了。說回食物吧,湯河粉及古法炒蟹真的很正,油鹽水浸蜆都好只是辣了少詳

+我今晚剛剛食完，一肚氣，感覺好似比人欺騙之餘仲以為自己因為唔係豪客(好似我係好cheap的人咁，你幫唔幫襯都無所謂，果然財大氣粗))所以比人用咁勁差的服務態度對待。(我同老公兩個人點咗$448的二人套餐，埋單$516)以呢個價錢，唔怕遠我可以介紹大家去長洲一出碼頭向左轉的一些海鮮餐廳，行十分鐘有好多選擇，我一向幫襯尾二個間，好食幾百倍，多人吃每人百多元攪掂包埋船費仲有找。我今晚的遭遇就好似之前的食評所講一模一樣，又貴服務又差之外(太後悔無睇完開飯啦就去)，話說d食物不值咁貴唔在講，我點的二人套餐好似攞佢着數咁，好多限制，但餐牌又唔寫，套餐包括避風塘炒蟹、油鹽水浸蜆或青口、白灼油菜一碟，白灼小食一碟、粉絲蒜茸蒸聖子或椒鹽蝦、燒鵝河粉或艇仔粥兩碗、飲品兩杯，啲白灼油菜，白灼小食係唔可以揀，要揀每樣加5元，簡值是巧立明目加錢，咁都算，仲欺騙我，簡直當我係白痴。事緣我點咗粉絲蒜茸蒸聖子，佢話比我聽今晚只得粉絲蒜茸蒸聖子，無椒鹽蝦，我又聽講粉絲蒜茸蒸聖子好吃，咁以為無問題，點知佢上菜比咗椒鹽蝦，我以為佢攪錯，點知佢解釋話講錯咗，應該係無粉絲蒜茸蒸聖子，我當時好嬲，點解？我在佢上椒鹽蝦前見到佢上

未經歷過避風塘坐艇吃海鮮的日子，鳳毛麟角的相片下，資料不懂訴說什麼是避風塘的味道，可索的大概只有蓮姐話事的興記。沒有追憶地去看廿一世紀的避風塘海鮮，六小福、油鹽水煮蜆、古法炒蟹、蒸大泥、蒸聖子、白灼東風螺，記的是沒帶著包袱的心去認知避風塘味道。說是認知，然而一道充滿著辛辣糊椒味的油鹽水煮蜆，說鮮味頓厚是沒錯，善用蜆的鮮味也是本地智慧，惜胡椒過分熱情，在鮮味未進胃納前，味覺已失，油鹽水的新變奏，無心理準備而來之辛辣，不是不好，只是「無力」欣賞。當油鹽水煮蜆也感吃力時，以發酵過的豆豉、蒜頭與練過辣椒油旺火下炒成的古法避風塘炒蟹，只能輕嚐。斤量十足的越南肉蟹爆成辛而充滿著豉香的風味佳餚，能將連著厚殼的龐然大物爆炒得不失其真與鮮，大概是上古傳下來的文化遺產。也有上岸後誕生的金蒜炒蟹，是下了大量蒜頭炒香的肉蟹，未嚐，嗅覺已飽嚐金蒜的辛香，是大辣的關係，於是將之定為僅作「觀賞」之物。說鑊氣下的豉香、椒辛、蟹鮮是避風塘的漁港特色，那麼清蒸大泥與蒸聖子就是另一種演繹手法將素材鮮味突出。前者下了果皮，肉嫩而富應有的纖維彈性，鮮之餘亦嚐到微微果皮香，說到蒸魚，上岸後的艇家仍有一手。後者處理手法沒有蒸魚般考

一)如果人多去食飯,食物館d野一般都有(例牌1份).(例半1.5份,)(中盤2份)分架!有d無良嘅店舖會自動加比你,所以要注意呢點二)寫住^時價^嘅食物要問清楚先好叫喎,吾喺可能荷包要大出血呀. 三)叫汁醬配料等等前,要問清楚使吾使加錢四)落單前問下咩野信用CARD會有優惠,我地而家咁多CARD,隨時會有意想吾到嘅收護架.五)睇下隔離枱食乜野,同反應好吾好.

MM歸來, 想吃古法避風塘辣蟹, 似乎興記是比較好的選擇, 雖然我對興記的服務不敢恭維, 但一眾好友齊聲贊成, 我也沒有異議了. 訂了一張大檯, 雪怡早到卻被老闆娘拒絕入座, 堅持要我們人數過半到達才可就座, 實在無理得很, 訂位制度如同虛設(或只是對明星富商等有效?)未點菜, 老闆娘已過來硬銷飲品, 不想糾纏,就要了一"渣"茅根竹蔗水. 這個我覺得甜了一點.好友到齊, 坐滿一圍, 要了以下菜式:六小福, 同意下面食評所說, 其實是普通過普通的白灼拼盤, 吃過兩次, 夠了. 油鹽水煮大蜆, 今次胡椒的辛辣不及上次, 但大蜆更多, 亦算肥美, 吃得過.豉油王煎大蝦: 大蝦經油泡得連殼也脆口可吃, 汁香濃味美, 蝦亦算新鮮, 是我當晚最欣賞的菜式.菠蘿咕嚕肉, 有Olivian 就必有的一道菜式, 這裡做得不算太好, 但勝在炸得夠脆, 收貨了.再來避風塘炒辣蟹, 蟹依然份量十足, 但價錢亦絕不便宜, 今次為遷就吃不得辣的朋友, 特地吩咐了要小辣, 結果據聞是完全不辣, 只得豆豉味, 但也算惹味. 對, 因為喉嚨發炎, 這碟蟹我並沒有吃, 有點可惜.另外除了菜, 還要了幾碗鴨湯河, 這個味道

因為蘇絲黃介紹,所以上去試0下,我地一行九人(八女一男),點菜時,老闆娘樣樣都話正, 於是我地一口氣叫0左瀨尿蝦, 炒蜆, 金銀蛋莧菜, 沙薑雞一隻, 魚香茄子煲, 聖子, 東風螺, 蒜蓉開邊蒸蝦, 其實都唔少啦, 佢仲問我地加唔加呢樣, 加唔加果樣, 我地話唔加, 佢就好似唔多高興.等0左半個鐘以上先0黎第一碟蒜蓉開邊蒸蝦, 於是諗住叫d 飯送蒜蓉汁, 個侍應就話河粉正, 極力推介, 我地就聽佢講叫0左, 之後其他菜陸續上, 樣樣都好大碟, 見形勢唔對, 就問侍應未0黎0既可唔可以唔要, 佢話唔得, 全部煮緊.食完飯就影下相(因為係慶祝生日), 跟住有個阿姐行埋0黎, 佢話要我地埋單先, 我地叫佢放低張單先, 攪掂俾番佢, 點知個阿姐一句話....... 唔得喎! 我地要食飯!完全冇尾音, 冇笑容, 冇唔該, 冇多謝, 態度奇差, 張單成2500蚊, 望清楚d , 發現價錢同價錢牌唔同, check 番先至知原來佢見我地九個人, 全部同我地起雙,瀨尿蝦六百幾蚊, 金銀蛋莧菜$176, 白灼東風螺$176, 其他都費事數佢.見我地成班女仔仲不停問我地加唔加0野, 咁都算喇, 今時今日咁