避風塘興記

營業中

休息中

早在一個星期前與食友食過，今次老友生日好想食蟹，我就提議呢間。原本訂了7:45，但要人到齊才可以入坐，當齊人後又無位。期間老友們已不停抱怨，以我性格一早跑了，但為了壽星女食蟹心願，無奈又繼續等，最後等了差不多90分鐘後才可入坐。8點半大家已肚餓，先來併盤六小福，豬脷仍保持水準，最差就是豬腸，食落帶苦澀味。豉椒炒蜆-一粒豆豉或辣椒也找不到，只有濃濃的南乳味，而蜆炒得不夠火喉，蜆殼與蜆肉是2比1，殼多過肉。蒜茸蒸蟶子及鮑魚-本來每人一隻蟶子，但賣淨三隻，唯有再叫三隻鮑魚。每人各樣半隻，蟶子肉質夠爽，不會被蒜茸搶了鮮味。而鮑魚好厚肉，肉質唔嫩，味道亦唔鮮。主角的古法炒蟹，今次要了中辣真係惹味好多，啖啖蟹肉，我最欣賞就是黑漆漆的辣豆豉。還有一味上湯莧菜，水準普普通通。原本要兩碗淨河粉，但老闆娘不停遊說燒鴨河好食，我們唯有各叫一碗，我就覺得兩者分不大。雖然每道食物大家都欣賞，可惜等位及服務問題，大家異口同聲說不會再來。

我唔係第一次食興記, 大大話話已幫襯三四次, 但今次係最令我不滿o既一次, 亦令到我下定決心唔會再幫襯佢! 即使巿面有幾多雜誌讚到佢天上有, 地下無, 蘇絲黃再比十個叻佢都好! 我都唔會再幫襯!上星期五晚, 打電話去訂枱 , 伙記已叫我準時到達, 否則無枱 ! 咁最終我都比原定時間早了15分鐘到場, 到了卻又被老闆娘質問何時齊人! (訂了4位, 到了兩位!) 我答15分鐘後齊人, 她才帶我們入座, 期間卻自言自語(我唔應佢!)說一定要快些齊人, 如果唔係到時交唔到枱 , 今晚好多人, "攪唔掂!" 關我乜事, 如果我訂枱 時, 你說明要何時交枱 , 我都有點兒心理準備比你催趕, 但我一心帶媽咪來品嘗海鮮, 卻換來一肚子的被人埋怨! 什麼意思? 還不特止, 坐下已立即叫我們點菜! 真係咩態度呀? 剛剛坐下, 氣還未吸一口新的, 已叫我們點菜? 我沒有理會她, 只推說要竹蔗水便是了! 期間, 我o既心裏其實還焦急著阿哥同老公何時會來到, 不用給他們盯著! 隔了10多分鐘, 阿哥終於出現, 說時遲那時快, 老闆娘又行過來, 說要點菜? 救命呀! 客人還未坐暖, 竹蔗水還未喝一口, 已催客人點

出道得早，有幸還經歷過上艇漫遊避風塘，品嚐炒蜆、白灼豬雜的日子。時移勢易，現今雖然滿街也是標榜「避風塘小炒」的店舖，個人認為，能稱得上正宗的，全港只剩下一家半。上年跟食友試了那半家，今年就到訪餘下的這一家~興記。 星期一，接近八時，全店滿座。如沒有訂位，絕對是一椅也難求。門外掛黑底金漆的招牌，牆壁上佈滿各界名人的簽名，檯椅盡是龍鳳雕花，「江湖味」甚濃。坐在店子後方的十二人大檯，雖然不及大廳的另一端舒適，也總叫自成一角。餐牌的菜式，十年如一日，沒多大變化，故不消一刻，是晚十數來人的菜單便擬好。要了六小福、肉蟹兩吃、蒸大蟶子、油鹽水浸蜆、蒸泥、白灼東風螺，兩道炒菜，再加粥及上湯河粉，相當豐富。 人還沒到齊，檯上已放了一壺蔗水。除了竹蔗，還加入了紅蘿蔔及馬蹄，清甜潤喉，絕對是當晚的「解藥」，屈指一算，兩小時內竟幹掉了8整壺。先上六小福(即鹵水併盤)，有豬、海蜇、豬粉腸、魷魚、豬肚及油菜，試了其中數款，味道大都不錯。最喜歡的是豬及豬肚，浸得頗入味，軟熟腍甜，用來下啤酒，簡單對味。海蜇頗具特色，是整塊浸過鹵水再切大件上，口感比平常吃到的海蜇絲更爽脆。難得的是連菜心也翠綠爽甜，相當不俗。這數款前菜

可能是明星食堂!我們一般老百姓(從台北來)!我是第二次去(第一次和一位香港明星的老婆,當時態度極佳)這次就普普通通!東西是真ㄉ好吃啦!牆上好多簽名喔!!不枉我強力推薦(朋友也誇!好好味_)雖然服務不盡理想!但東西好吃!下回還是會去的

6個人11pm去消夜,6碗湯面,1個蒜子勝瓜,1個白灼蒜心,2jar蔗水,食物不算差,但服務唔好,要聽女伙計說話,要看男伙計面色,可能我地唔係大客,結帳$496.分析後,食物約$350,下欄$240,服務中無提供茶水,只有1小碟花生,1碟棘油,男伙計話下欄人頭計,所以約$40/人.我地6個人,因為全晚都玩得高興,都唔係計較錢,入得去食當然會比錢.結論:我自己唔會再主動去食.

全程同惡男兄喪劈竹蔗水,頻頻去toilet洗手的一餐,以往讀書時期都經歷過一碗麵落三匙椒油,但年紀越大就越縮,難得有機會,再試底線又如何?頭盤六小福是六道小菜,魷魚,海蜇頭,豬肚,豬'月利',粉腸,作為前菜送啤酒是不錯的選擇.清蒸泥蜢,避風塘又怎能沒有泥蜢?舖上果皮絲一同蒸來僻醒是大路做法,是夜泥蜢已經去頭再上,賣相討好,但可惜先天原因,肉質偏實.油鹽水煮蜆聽聞以前是宜接用海水煮的一道菜,今天污染咁嚴重,比你咁煮我都唔敢食,是夜用上胡椒豬肚湯式煮法,胡椒落得非常重手,飲完一碗,已經背脊出汗,心知不妙.........!灼東風螺是小時候常跟老父食的一味小食,可惜今夜size有點小.蒜蓉蟶子皇,可能怕蟶子冷親,舖上厚厚一層粉絲作綿被,蟶子新鮮爽甜,配上粉絲,與豉椒炒是另外一種味道.中辣蟹用艇醬炒先打頭陣,已怕死地只不過品嚐蟹蚶,但足以劈多兩杯竹蔗水,但肉質嫩滑,又非死實的辣,而是漸次地令你中招.再來是大辣蟹,由於是夜有喪男喪女唔怕死,點都要更上一層樓,金沙?風沙大辣蟹,喪女已經面不改容,喪男更可以用金沙撈粥撈麵,最後怕麻煩,竟然可以就咁食......!乜人黎架?我求其搶左半個殼扮有食算啦!

一聽到個辣字,唔理辣咩都第一時間報名.地點係時常路過,上到去見牆佈滿名星簽名,但係從來都唔知有此店,真係孤陋寡聞. 坐低都見到官恩娜,果然真係名星食堂.KC報告菜單中只係叫中辣蟹,有點失望,因為點菜時呀姐堅持我地食唔倒大辣就唔好叫喎,不過KC同佢講幾次都'唔俾'我地叫大辣,咁就無謂勉強啦!! 但其實我都唔可以咁自私,可能其他人都食唔倒咁辣呢!頭盤中我最鍾意海蜇頭,夠入味,又爽口. 粉腸都唔錯,不過唔夠肥美!蒸泥對我個人講就一般,因為我比較鍾意食肉質嫩滑魚肉. 泥肉嫌太實,雖然幾鮮甜,不過唔合我口味.東風螺雖然細,但會嫩身d,唔會咁硬.油鹽水煮蜆簡直係驚喜,味道同胡椒豬肚湯十分接近. 而且辣度適中,極之美味. 連d蜆都唔記得好唔好食,只係記得個湯好好飲!!!蟶子皇十分鮮甜,蒸得唔會過火. 只係食上面蒜蓉粉絲已經好好味!!!主菜中辣蟹用艇醬炒,好惹味!! 而且蟹肉嫩滑鮮甜,一食難忘. 不過辣度依然未及我要求,我認為大辣係無問題! 再加上席上有專兄同Christy,一定冇問題. KC都順應我地要求叫呀姐改避風塘蟹做大辣. 辣椒金沙辣度果然好足,我都覺得幾辣. 不過辣得係有味,唔會令你冇知覺!

學下面個位人兄講, 一句講曬: "不知所謂的服務態度", 幾好味都係假, 仲有一樣係好貴, 但如果好的對客人, 條氣都順d, 謝謝!

避風塘艇仔炒蜆炒蟹已成為歷史,一早上岸開枝散葉,當中表表者,就是在山林道口的"避風塘興記".看見店內牆上的密麻麻簽名,又是一間名人飯堂,個人對這些名人效應不以為然,他/她們的口味,難道可代表著一切?周一晚上,生意也不俗,我們十一個人,坐得舒服.沒有身處海上的自然風,更加沒有美艷如花的"艇妹".始終這些觸不到的過去,還是任由在腦海中幻想一下算吧.頭盤六小福,是其中一味昔日的避風塘菜式.這個圓盤內有粉腸,魷魚,海蜇,豬肚等等,全部白灼上,簡單就是美,吃得出原味,點上豉油更能將味道升華.個人最愛,就是肥美的粉腸.個人絕少吃原條蒸泥蜢,這個果皮蒸泥蜢實在不俗.肉質鮮甜,沒有什麼異味,處理得宜.蒜茸粉絲蒸聖子,面頭的蒜茸粉絲已多到可獨立成為其中一味.下面的聖子反而沒有想像中大隻,比起福來居牛記,甚至東寶的小.肉質幾爽口,味道亦鮮.蒜茸粉絲,一貫地惹味.白灼東風螺,嫌其比較小.吃得不夠痛快.油鹽水煮蜆,其油鹽水其實是潮州的胡椒豬肚湯的變奏,辣度幾何級數上升.如過吃不到辣的人,吃罷登時中伏.蜆本身未算肥美,但搭上這個刺激的油鹽水,天作之合.兩味間場菜式,豆豉鯪魚油墨菜,平平無奇,反而鹹魚炒芥蘭就很出

佢\d料係好新鮮,貴d都正常,但要對住全舗所有人都冷冷淡淡0既態度就有d唔抵,佢\地成舗人好似一家人,成家人一樣用眼尾去望人,唔笑,冇表情,所以食完新鮮0既食物就好想拿拿聲走,唔知佢\地係咪都想客人食完就走,唔好磨0係度,但可唔可以改下呢種面口,令人覺得餐\飯完美少少,服務態度劣,冷氣超凍,座位唔舒服,價錢貴,用料新鮮其實好多食肆都做到.

多年無吃過避風塘炒辣蟹, 既然有人提議,當然舉腳贊成. 這次地點選了佐敦的興記.一進店舖就先聞到辣椒混合豆豉醬的濃烈香味, 再來就是見到滿佈明星/名人簽名的牆壁, 有些小明星把自己名字寫得大大的, 但現已不知身在何處; 有些就把名字寫得相當撩亂, 看不出是誰, 相當低調. 無論高又好, 低又好, 當作飯前小遊戲去數數有甚麼名人到訪也頗有趣. 雖然, 我覺得把牆壁"掛滿星星", 是頗俗氣的裝飾.言歸正傳...十一人共要了九道菜, 分別如下:雜錦拼盤- 包括有豬舌, 豬肚, 水魷, 海蜇, 粉腸, 賣相並無甚麼特別, 但總算可以吃出食材原本的味道, 較討好我的還是口感軟潤的粉腸與及爽脆的海蜇.豆豉陳皮蒸泥猛- 細細條, 但相當新鮮甜美, 陳皮味亦點到即止並無搶過魚鮮, 連一向不太吃魚的我也忍不住吃了兩條.油鹽水煮蜆- 蜆雖算鮮甜但本身比較瘦小, 一眾嗜辣食友還是選擇喝過痛快, 超濃刺激的白胡椒湯, 每一口都衝擊著味蕾, 喝罷從口腔至食道都有一種暖流通過的感覺,冬天喝相信感覺會更好. 但如不好此道(胡椒湯)者切勿亂試, 因為真的頗刺激, 有吃不得辣的食友因為勉強喝了半碗而頭暈. 哈哈.避風塘

叫得避風塘，都係會expect佢有d特色……入到去，有如「沙嗲王」的格局，已經知道唔係我想要的。佢畀左一間二人房我，靜靜的不受騷擾都好既~叫左好多野，有個豬潤湯、艇醬A菜、避風塘雞翼、蟹粥同炒聖子……聖子係新鮮的，但又唔係特別好味；避風塘雞翼係足料的，但係D肉乾爭爭；豬潤湯正常，但有味精；蟹粥有蟹，但個粥底麻麻。最驚喜的係個A菜，個醬幾好味，不過原來都係油麥菜(咁就唔好懶勁咁改左個名0係度妖言惑眾啦)……最後叫左個dessert，係擂沙湯圓，我同我男朋友的至愛。點知佢都唔夠熱，冇特色亦冇誠意……埋單都唔平，while佢唔值呢個數冇下次囉~

一字記之曰：貴。豉椒炒蜆：味道濃，但油多，凍得快，油便成為膏。鴨背湯河：河粉幼滑，但鴨及湯均偏淡。油多。蒜蓉粉絲蒸小象拔蚌：新鮮，且夠味，配料足，但多油。湯浸魚：蕃茄湯底，魚尚算新鮮，但價錢想像不到的高，$390，魚應不足12兩。清酒：沒有冰凍的......環境：提供櫈仔放袋，但還要塞入枱底。樓底矮，「明星」（據說是林Ｘ珊及關心Ｙ）及其朋友一到，嘈吵聲相當大。其他食客：「直率」。「同我開咗佢吖！」「先生，開酒費$30。」「三百蚊我都要俾你架啦！」埋單......$770.......兩個人......Never again...

每次老闆來HK都指定要去興記擦餐飽...論價格：絕對是貴價飯堂~論品質：避風塘炒蟹-> 絕非一般街邊貨，十分正宗!蒸魚-> 瓜子斑，好滑好新鮮~瀨尿蝦皇-> 啖啖肉，好鬼好味!豉椒炒蜆/青口-> 又香又辣好過癮~椒鹽中蝦-> 鮮甜酥脆，連殼一起落肚!小菜拼盤-> 有豬肚、粉腸、豬利、海蜇、韭菜花，送酒一流~其他菜色-> 樣樣都好有特色...論環境：常有機會見到明星大導演幫襯~(見過徐克)有機會大家也去試吓吧!

星期六晚同男友黎左食飯,叫左金沙炒蟹,上湯菠菜,兩隻鮑魚仔,一碗河粉同埋兩罐cola...埋單600..食得好滿足..d炒蒜好好食...本來佢極力推介我地食正宗濕炒果隻..最終我揀左乾身呢隻..熱辣辣隻蟹又大隻...碗河粉真係好好味...d幼河粉好滑..真係一條條..個湯好入味...今晚仲見到詹瑞文添..就坐正係我地隔離檯..見到佢..餐飯都特別食得開心.