野郎Stone Ya Rou Stone

營業中

休息中

之前食過野狼stone，知道喺北角開咗一間新嘅餐廳野狼蒸，即刻搭車過去試吓，睇吓有乜嘢唔同。原來餐廳在一田超級市場裏面，環境10分開陽，可以看到師傅在切牛肉，挺有趣。當然要試試蒸牛肉，等了一會兒，職員拿了一個大木箱來我面前，一打開就看到香噴噴的肥牛在裏面，肥牛有很多片，份量很多，入口很林，很香牛味，牛的牛油和牛肉汁滲入底層的蔬菜中，蔬菜沒有加任何調味，也非常鮮味，想不到原來底層有很多蔬菜，很健康。蔬菜如果加上這些醬汁，柚子汁和蒜蓉，就更可口。這是蒸牛肉的前菜，那個泡菜非常不錯！同行朋友就點了石燒牛板腱，牛肉很厚，肉質鮮嫩，入口軟熟，牛肉味也很濃郁，可以自己切開一片片，也可燒成自己喜歡的生熟度才入口，整個進食過程也十分有趣，加上上面的蒜蓉片，更加可口。總結蒸牛肉十分香，燒牛肉就可以自己控制生熟程度，兩款都十分推薦。另外，職員姐姐非常有禮貌，親切友善，令到整餐也吃得很開心，加分！

到北角碼頭及北角匯影相打卡後到裏面的一田閒逛，記得曾吃過同系列的野郎stone，這個野郎蒸同樣主打牛肉，蒸和石燒都有供應。位處高檔牛肉凍櫃及巴馬火腿/芝士櫃位，人流相對少，不會有其他客人在你身旁左穿右插的感覺。😎店員十分細心，主動推介蒸，石燒的組合，更問我們對牛味，口感與生熟程度的要求後，建議如何選擇不同部位的牛及份量，讓她發板☺️☺️醬料隨意加減。由於蒸架與石燒同樣會在上菜後持續加熱，所以店員開始準備牛肉後都在計算上菜時間。😋木架放上多款蔬菜後鋪上牛肉在廚房內先預蒸一段時間，端上時就剛好菜鮮肉嫩。雜菜多元化吸了牛肉流下的肉汁十分出色。而牛片在蒸煮過後完全保留牛的鮮味，只要沾一點點醬油便已足夠。套餐配上飯，麵豉湯及三色日式前菜，非常飽足。😊之後店員便馬上準備好石板預熱及牛肉在鐵板煎封完成，上菜時間恰到好處。肉質能保持鮮嫩，但外面煎得香香的，肉眼位置在牛頭附近，香味更甚。蒜片味道加強香氣，一口牛一口沙拉菜剛好🤓🤓想不到的驚喜午餐，店員的貼心服務加上專業推介，忙過不停，為我們送上豐盛午餐，值得一讚！新派蒸法與石鍋相比較，各有千秋！😍😍

話說北角港鐵站行去北角碼頭方向開了個大型商場，和朋友說改天去逛一逛都講了差不多一年有多都未決定。今日終於有機會去北角匯發掘一下新餐廳！行到地庫一田時，見到有間餐廳特別多人圍著廚房坐，行過去望一望餐牌，發現有鐵板餐、蒸籠定食和石燒系列。湊巧有兩個人食完走人，不用等位，所以我和朋友就決定食「野郎蒸」。開放式廚房內有兩名廚師，基本上店內所有事都是他們負責的。我們未入座，店員經已很有效率地過來把檯面收拾乾淨，還捧上一盤調味料供給使用。我叫了美國上級牛小排，上檯時有一張類似牛油紙質地的蓋在石燒上，店員亦主動拿了圍裙給我們兩個女生，非常貼心！牛小排的脂肪比例較多，有些少筋位，切開望望入面，是剛剛好熟的感覺，個人覺得牛小排牛味較肉眼重。而朋友就點了美國特選肉眼，肉眼扒是厚身的，肉質腍軟，性價比高！仲可以加$30轉做套餐，可無限添加薯蓉/意粉/飯/湯及沙律，另外送一罐汽水。

最近城中的打卡熱點, 相信必定係北角滙既紫色花海, 星期六同bff去咗打卡, 仲去咗"野郎蒸"食火山石燒~呢間餐廳同一般既"野郎"唔同, 因為呢喥有得食日式蒸籠. 不過, 我同bff一心想食石燒牛, 最後就放棄蒸籠喇~牛板腱石燒我哋全部都加$30轉套餐, 就包埋薯泥/飯/湯&沙律, 全部都係無限添加, 另包一罐汽水~ 牛板腱點咗200g, 份量十足, 好厚身, 上面仲加咗蒜片, 經石燒後, 牛味同蒜香就更加濃郁, 牛板腱肥瘦適中, 仲連埋少少筋位, 口感煙韌有咬口, 肉味重, 配埋蒜泥一齊食, 100分~西冷石燒本來係點咗150g, 但見到信用卡優惠, 用優惠價點咗200g, 講真, 份量好足, 西扒都係好大塊, 脂肪量比牛板腱多, 所以油花重, 味道甘香, 口感油潤, 肉質結實, 同樣都有咬口, 但就無牛板腱既筋膜煙韌感, 我自己偏向鐘意食西冷~

位於舊北角碼頭位置的新商場‘北角滙’，據說每逢星期六、日都好熱鬧，今天我們也來湊熱鬧，專程過嚟食玩買！在一田濕平嘅時候，已經留意到呢間野郎蒸，除咗主打日式木籠蒸之餘，更有石燒吃；於是拿著一袋二袋戰利品，吃我們最愛的石燒除了石燒，午餐仲有好多選擇!非常抵食的牛板腱，200克有咁大件，而套餐只需要加$30就有汽水一罐、麵豉湯和雜菜沙律、薯蓉、意粉或白飯任揀任添，正👍熱石的熱力燒到牛肉滋滋聲，極之香氣撲鼻切開，再用火山石稍烤一會，軟而不靱但又不失咬口，肉味香濃，超讚👍西班牙黑豚扒，大廚稍煎一會便放在火山石上，然後按自己喜好再烤；這塊黑豚只有肉香，沒有一般的豬臊味，好味到食唔停口！

北角匯開咗好多新餐廳， 今日就同屋企人趁假日試左位於二期一田超市入面嘅日式食店《野郎蒸》。餐廳主打蒸籠定食同石燒牛。用蒸籠嘅煮法食牛真係第一次試我選了美國牛肉片加雞肉，店員將新鮮嘅食材放入木盒內蒸，蒸完後嘅肉片點少少醬汁就食得，新鮮又好味。依個食法完全食到食物嘅原味道。蒸籠入面仲有大量蔬菜，有紅蘿蔔，菇，翠玉瓜，椰菜絲，可以用肉片包住菜嚟食，非常健康。石燒牛今次就揀了牛板腱，即係肩胛骨上面嘅肉。扒身厚近一吋，肉汁豐富，肉質軟腍不韌。用石燒方式，客人可以自行烹調熟成度，而且石板夠熱，唔會好快降溫，食野速度慢嘅我都可以吃到熱辣辣的牛扒。轉套餐另加$30就有薯蓉/意粉/飯/湯➕沙律（仲要係無限添加）➕汽水一罐，非常抵食😋👍🏻依度嘅老闆娘好好人，係咁問我哋食得夠唔夠飽，需唔需要添飯等，非常窩心體貼。今餐同屋企人食得好開心。

北角自從開了北角匯之後，人流多咗好多，最吸引都係一田超市。今天，老公話要去嗰邊買電話，因為消費滿$1000可以泊車，順便就喺一田裏面食埋晚餐。呢間野郎蒸提供嘅肉非常優質，但係價錢就出乎意料的親民。我們點了豚肉及羊架，埋單才$300。值得一提的是他的醬料：蒜🧄泥、柚子酸醋、麵豉醬、燒汁、胡麻醬及辣椒粉。其中蒜泥及柚子酸醋係我嘅至愛，原來係他們自家做的，不是一般的好，是極好。熱騰騰的鐵板上放着優質肉，邊燒邊吃，又要忙着舔各種醬汁，雖然有些忙🤣但係又好玩又好食。大贊👍🏻👍🏻羊🐐架肉質嫰又入味，令人回味。豚肉的口感極佳，甚至有點似牛肉，真的沒想到這個價錢可以食到。嗰邊嘅侍應不像快餐式消費，好客氣又好服務。

放工後約咗朋友去北角睇貓貓畫展覽，順路在北角匯一带搵嘢食，原來一田都有唔少選擇。好肚餓，想食啲飽肚嘢。見到有間野郎蒸食燒肉， 望落好似好吸引 ，而價錢尚算可以。我叫了一個牛柳定食， 已包白飯和沙律 ，上枱時有張紙巾蓋著，要等三四十秒先至可以食， 分量一早要揀定 ，生熟程度也可自己控制。食材新鮮，牛柳肉質也十分鮮嫩， 廚師加了蒜片令肉質更香。我先把牛柳放在一旁， 當想食時放在鐵板上興一興， 保證每一口也是熱熱的。 點少少醬汁一起，真是好好味 下次可以再試它其他定食， 平靚正。

11月底，新冠疫情再起第四波以致新加坡香港旅遊氣泡破滅之際，出外覓食，可謂「頂風作案」。不過，野郎蒸的牛肉的確值得一試。我們點了網上多名食客熱推的蒸牛小排（盛惠HK$178），服務員很貼心地問我們要不要在她的open space小廚房裡面蒸到7-8成熟再上桌，因桌上電磁爐可能需時更久，我們當然開心地答應了。噹噹噹，牛小排上桌了！下面鋪著娃娃菜，胡蘿蔔絲，牛小排切成片，沾著店家自製的醬汁，配著粒粒分明的珍珠米白飯，鮮美異常。後來再追加了一個火山石鐵板牛肉，肉質鮮美，很有牛味，也值得推薦。值得和好朋友再來的吃牛肉好去處。

聽聞過呢間餐廳好耐，今日嚟試試。點完食物之後，仲可以行陣超市先，之後推埋成車食物嚟食lunch，正！美國牛肉片+雞肉 ($88)睇住店員將食物慢慢砌入蒸籠內，在蒸熟先上菜，好過癮！一打開，第一層就係牛肉及雞肉，最底就係雜菜。呢度冷氣超級大，但好在有成個電磁爐喺我前面，冷氣幾大都唔洗怕，因為無論幾時食，我啲食物都仲係熱辣辣！仲要有成大樽生蒜頭，正呀，瘋狂地倒落去，一路蒸啲蒜香不斷湧上嚟，開心到不得了！美國牛小排 ($178)店員話可以將牛肉包住雜菜，再點啲芝麻醬咁食，就係沖繩風味嘞！食物份量絕對有五餅二魚嘅感覺，好似食極都仲有咁！啲蔬菜因為係蒸嘅關係，所以非常鮮甜，仲吸收晒牛肉汁；牛肉肥瘦適中，筋及肥膏都唔多，啖啖肉！以蒸嘅方式食牛肉，又真係比較少，不過又好過癮，下次要再嚟食！

吃過野郎stone都知質素不錯，每次都吃到鮮嫩熱騰騰的牛肉野郎蒸就第一次吃了～今天和姐姐每人一個餐～石燒的我們點了牛板腱，蒸的就點了牛小排～石燒牛果然都無令我們失望，上菜是仍是半熟狀態，剛好燒數秒就可以吃了，燒得剛剛好，嫩粉紅色沾上燒汁或蒜茸任君選擇～跟餐配有飯、沙律和味噌湯～蒸煮的牛小排脂肪分佈平均，每口吃下都是嫩滑的牛肉～侍應還提醒我們夾著蔬菜更滋味～這樣的蒸煮法少油，多蔬菜更健康，跟餐配有前菜三味、飯、味噌湯，同樣十分豐富，吃到我們都很飽～最後姐姐還買了外賣給姐夫品嚐下肉眼，原來除了蒸煮餐外，其他都可以外賣的呢～～味道好服務好，會再光顧的～

今日喺灣仔行完山落到北角呢一邊,去到北角匯一田超市入面嘅food court,見到呢間日式鐵板燒幾吸引😍想入嚟試下～餐廳除咗提供鐵板燒，仲有蒸飯～我哋叫咗一個鐵板燒同一個蒸籠定食☺️美國牛肉片雞肉蒸籠定食$88好大個蒸籠🤣上邊有牛肉片，雞肉同飯～下邊個籠裝住湯水，擺咗喺電磁爐上邊蒸，可以調教自己適合嘅牛肉生熟程度～我第一次食呢種蒸籠定食😂感覺幾特別😍有好多牛肉片😊根據老闆娘嘅講法，可以將啲肥牛片捲着啲菜食，係日式嘅食法😄可以食到肥牛片同埋蔬菜嘅甜味🥰牛肉片薄薄地，幾新鮮👍🏻仲有好多蔬菜☺️例如紅蘿蔔絲，翠玉瓜，香菇等等～跟餐仲會有麵豉湯同埋前菜，有泡菜酸瓜等等～幾正💕紐西蘭羊架三支骨$128鐵板燒羊架～職員先會整熱羊架，再擺上鐵板俾我哋調教自己鍾意嘅生熟度～羊架係鐵板上面啲肉汁彈曬出嚟😆滋滋聲🤣羊架幾大件同埋厚身😍食落有好多肉汁～而且啖啖肉，好滿足嘅滋味😋加$30可以配飯同埋餐湯，沙律，汽水～而且白飯，湯同埋沙律都可以無限添加🥰幾抵食👍🏻老闆娘好好人🥰不停同我哋傾計🤣仲不停問我哋使唔使加湯，加飯或者沙律☺️不停照顧我哋嘅需要💕睇得出佢對客人好好👍🏻我地食到好飽🤣

野郎又一呈獻 繼石燒牛之後今次就用蒸籠蒸煮新鮮食材套餐選擇都幾多比較有特色既係美國牛小排蒸籠定食 牛小排以蒸煮方法煮熟可以保持鮮嫩度肉味都幾香濃突出 點上鹽或或者芝麻醬都非常好食牛肉下有蘿蔔、冬菇同椰菜絲置底定食配上薯蓉同麵豉湯 感覺抵食豐富漬物有蘿蔔 菠菜同牛肉 朋友點嘅就係豬腩肉牛小排定食豬腩肉味道香酥 令人回味蒸煮日式菜式相當有特色而且更能食得出食材嘅鮮味下一次都可以試埋佢哋嘅石燒牛扒餐 性價比都相當之高！

在北角工作, 多數午餐都會在附近揾食同行下商場,好多時見這間野郎蒸有好多人幫襯, 心思思想試下~咁啱有一晚工作夜了, 就想在附近食埋晚飯才回家, 立即記起野神蒸。和同事行到去都差不多7點多, 人客亦不算多, 坐低睇睇餐牌, 餐牌簡單易明。二人揀咗一個紐西蘭羊架(3支)和蒸籠定食(牛小排+豚腩片。羊架放在熱石上, 人客可以自己決定食幾多成熟, 枱面有燒汁等幾款醬汁可隨意選擇。同事分享了一枝羊架, 已經熟了8成, 醮些燒汁已經非常嫩滑好味, 我覺得咁樣已經好夠味同埋可以食到羊嘅味道呢!我點的牛小排和豚肉, 份量也很多, 蒸了一段時間, 店員會提點番番D牛同豚肉, 因為兩款肉也切得很薄, 不需要蒸太耐, 尤其是牛小排, 所以我會先食牛小排, 剛熟的牛肉才多汁和嫩滑, 係最好食的。另, 豚肉是半肥瘦, 哈哈, 是我最喜歡的一種, 因太瘦的豚肉是比較粗嚡，太肥又吃不消。可醮酸甜汁減少肥膩感。定食有湯, 飯同前菜, 可以食到飽飽, 忘卻了忙碌的一天工作喇~

一田超市內，有好多野食。遠遠看到有間餐廳的枱上，有一個個的電爐，原來是用日式木盒蒸。今餐清清地，食蒸餸，要了兩款餸，美國牛肉片並雞肉，套餐跟前菜3款，味噌湯和日本飯。牛肉片好甜，薄身較易熟，雞肉都好甜，蒸是較清淡些。肉下面好多蔬菜，菇和瓜，蔬菜有蒸肉的肉汁，特別清甜。石燒牛扒，要了200g美國上級小牛排。牛扒放在熱石上，已經好香。小牛排肉質是實實地，食起來較有口感，牛扒好有牛肉味，熱石燒起牛扒面真係好香口。餐跟的味噌湯，有些蔥粒更香，味道真係好好飲。