鍋心粥底火鍋 (已搬遷) 新店位置

我同屋企人講開話去打邊爐， 佢哋話人地介紹粥底海鮮火鍋好正，咁就一於去試下啦 ~一早book 好枱，6pm 到，講真環境一般般，坐落有少少迫，唔會好似喺酒樓咁舒服。不過有好多海鮮，包括有蟹，蜆，蝦，鮑魚等等 ，份量都好足。海鮮全部好新鮮，全部落曬落個粥度煮，好鮮甜。鮑魚煮完都唔un, 幾爽口~ 蟹食落好鮮甜，由於有家人唔食蟹，我一個人食左成隻蟹~ 蝦就正正常常啦～蜆都算好大粒，同唔會有沙~最後食埋個粥 ，就真係超級飽~ 咁既價錢，相比其他海鮮火鍋又係幾抵既，唯一唔好處就係坐得麻麻，後生去ok，老人家去就唔係幾岩~

同一班舊同事吹水食野究竟搵邊度好？佢地話烚吓烚吓～我就諗到（鍋心）粥底打邊爐。係二百元內可食到海鮮邊爐喎，仲要係新鮮呀！❤️佢7款時令海鮮已經set 好曬，所以唯有選5款配料。先講海鮮：有蝦、蟹、鮑魚、象拔蚌仔、蜆、花甲仲有魚。每樣野都好新鮮，鮑魚見到佢係度陏。啲海鮮沸到緊緊熟，非常鮮味。其他嘢食我哋叫咗自家製雞骨丸、日式蟹棒、花膠仔、豬腩肉、肥牛。最好食係花膠仔，入口即溶，豬藍肉肥瘦適中。最差莫過於日式蟹棒，我諗住係長長嘅蟹棒點知係蟹柳😕個粥底由一清湯煮到變成海鮮湯，最後再加上芋頭南瓜和蔥就變成一杯粥。將所有海鮮精華集中一碗粥，令這個邊爐畫上完美句號其實講到食物嘅質素我都比到90分但。服務質素就麻麻。我們食六點鐘時段，因為廚房趕不了同一時間切蟹，我們到後期先有蟹去打邊爐，因為食他們要一些時間。但八點半要交枱給下一個時段，到最後他們不太願意給配料完成碗粥。😩

聽過幾位朋友讚鍋心，於是就約埋同事去食下。之前我試過佐敦聚滿坊，海鮮又係勁新鮮，但我嫌粥底5夠味，有少少失望，所以今次我就無咩期望既。咁上星期五放工就跑過去，因為佢每晚有3個時段 : 1800-2030, 2030-2300, 2300-0200，我就揀咗1800。店舖比我想像中大，員工幾 nice，但座位地下就滑潺潺咗少少，要小心d。我地6條，就每人1個份量 : 7款時令海鮮、少許蔬果、5款火鍋配料，無免費茶水，位位 $198，無加一。無茶水，只好叫咗3支康師傅酸梅湯 ($48)、1支大啤($25)、1罐可樂 ($13)。牆上有張紙寫晒每款海鮮要煮幾耐，仲有個計時器添。海鮮有魚、蝦、蟹、鮑魚、花甲、2款蜆。。。全部好鮮好好味，份量好足。由於得2.5 小時，我地真係不停口食。食食下，d 眼闊肚窄同事怕5飽，要加單。。。半份響鈴 ($15)、半份油炸鬼 ($10)、1份淮山 ($34)。油炸鬼吸咗湯底，又幾好味淮山又係新鮮到不得了之後就將南瓜粒、芋頭粒、粟米放入鍋內淆湯，之後就開始食5款火鍋配料，我地揀咗 :花膠仔 : 膠質5多，若有其他心水，可以不選牛肉 : 不及豬肉好味豬腩片 : 5

家中有個咀刁細佬, 經常提起鍋心粥底鍋好食, 又問我有無食過？多得有一班為食朋友約出來食生日飯, 我終於有機會一試, 還有回答細佬問題鍋心原來有幾間分店, 為就大家方便搭車, 我們來到了佐敦分店小小店舖, 坐滿顧客, 地方比較狹窄我們先在點餐紙上點五款食物, 而其他海鮮就由店舖安排次序是先食海鮮, 然後其他火鍋配料, 最後食粥所有海鮮都鮮味十足, 謹記要跟牆上的烹調指示海鮮類每人有半隻蟹, 大大隻肉蟹又多膏, 個蟹鉗好多肉蝦亦很彈牙爽口, 很鮮甜各蜆蚌類這個真是要特別看時間, 稍為滾耐小小就已經變老變到靭不得不提的是鮑魚, 很爽很到嚼口然後到肉類了, 我們分別點了美國牛肉及梅頭肉牛肉脂肪分佈尚為正常, 並不是外面抵食任食火鍋的平價貨有牛味既有肉汁梅頭肉亦香甜爽口讓粥有了肉味就可以落其他火鍋配料花膠特別好食, 很腍另外雞軟骨丸亦得爽甜最後就是粥, 加入配料, 好鮮甜入味, 熱辣辣好舒服

同家人farewell 想試下特色野，朋友介紹依間粥底火鍋，真係無介紹錯。提早一日book位，分3段時間，我book左8點半至11點個段時間。提早10分鐘去到，已經好多人係門口等，時間到個店員會叫名入去坐。我地一行13人，好好彩可以坐到房，行樓梯上去會經過廚房位，但好彩眼見衞生都唔錯。一坐底，佢會叫你揀5款配料，我地13個可以揀10款，當然你唔夠都可以加配。等左一陣海鮮就到，第一樣係蟹，每人有半隻左右，接著蝦，蜆，魚，鮑魚等一共7款海鮮就到齊。全部海鮮都好新鮮，同佢有指引教你大火後落幾多分鐘食得。貝殼類都無咩沙，但間唔中有幾隻有沙。魚就應該會比時令魚，今次係多寶魚。蝦就要小心啲，因落去鍋時會彈水。其他海鮮都係勁新鮮既。食完海鮮，就落粥既配料(南瓜粒，芋頭粒）煲一陣就可落其他自選既餸。特別推介：黑毛豬，炸魚皮，芝士獅子狗。（注意：粥既配料唔好咁快食住，要等佢熔）最後就落粥底，係依個時候個粥水應該好鮮甜，如果有油係面可以整走佢先。等大滾，就可以食。如果炸魚皮有啲碎剩，可以加落去餸粥。最後總結，諗住黎食既記得要book位，每位198無加一，唔想食咁多就可以食宵夜時段，最低消費2位。記得留意四

勁中意海鮮。。超中意海鮮，「蟹」之特別愛好者 （笑）。今次朋友好介紹，帶我黎到呢間粥底火鍋，講緊係抵食夾大件，初時佢同我講$198（冇加一）海鮮食到你飽，我都唔信，食完之後我信了（爆）我地大食積2人組叫左3人份量，係咪好顛呢? 因為覺得海鮮唔會好飽，點知，我錯了 (≧ω≦)/呢個餐入面有好多唔同種類海鮮，包括: 花甲、蝗蜆、大蚌、北寄貝、鮑魚、魚、蝦、蟹。海鮮唔知煮幾耐? 唔緊要，有張紙教你㗎，仲有alarm俾你set添。嗱，飽魚每人一隻，蟹每人半隻，鮑魚上檯仲郁緊，勁新鮮，蟹都係一梳梳肉咁食，但其中半隻有點梅，應該死左一段比較長嘅時間 （笑）蝦每人2隻，係大隻厚肉彈牙feel㗎，魚我唔知係咩魚，見到魚皮有啲驚（嘔），但點都要試下嘅，魚肉唔腥，好滑喎。呢2碟有4款貝類，全部唔識分，但係新鮮又鮮甜的，冇沙，講真，齋食呢幾碟海鮮點會飽吖，個餐入面仲有其他野㗎，自己揀食咩啦！我地叫左手打雞骨丸，呢個正，雞軟骨咬落特別爽口，我中意，仲有蔬菜類:粟米、南瓜、芋頭。魚皮餃未免太多了吧！每人4粒啊！飽到呢。我想講一定要點油炸鬼，頂。。浸左有海鮮精華嘅粥底好味到顛，勁想encore，但太飽，冇計。豬肉

昨晚與朋友們食生日飯，之前一晚先預約，總算容易book位。食物質數良好，海鮮新鮮，整潔。$198/位 7,5,3,7樣海鮮：有掩仔蟹半隻，新鮮蝦兩隻，鮑魚一隻，多寶魚一條(共享， 不知道5個人同兩個人是否都一條魚？), 扇貝一隻，貝殼類一碟； 5樣自選我哋選左，豬豚肉，淮山，黑木耳，豆腐制品，花膠(唔錯)3樣 設定栗米，芋頭粒，南瓜粒改善地方： 可加菜作打邊爐。之前所謂的沙律太少。粥水底，最後先比軟飯煮粥。食物質數新鮮，唯獨是沒飲品，水都沒有，其實可選擇加多$30 任飲，相信飲品不太貴。另外，環境真係一般，地方太迫，空氣不流通。啲位置set得太迫。服務有待改善，門口叫位的小姐，竟然大聲朗讀客人電話，佢唔知私穩條例，要再培訓。其他的都不太懂得招待客人，但有善的。

一直都想同老婆黎呢度試下個粥底打邊爐，但因為呢度分時段，同要預早訂位，所以唔容易就到時間。天氣凍凍地加今日可以早放工，最好就係同老婆早d 黎打邊爐。今次安排坐閣樓，首先選好自選既五種火鍋料，二人份量既海鮮就馬上送上。七種海邊包括鮑魚，蝦，蟹，蚌，蜆，花甲，多宝魚等。海鮮都很新鮮，店員細心的特意提我們蝦會很生猛，下鍋時最好就用夾夾住 維持數秒 才放手，不然的話，蝦會彈起鍋中的滾湯。我們聽後不而為意，誰知一打開蓋著蝦的碗，隻蝦已經生猛到跳落地下，真正生蝦咁跳。可能平常打邊爐食既蝦 都是用竹穿好，但原來其實新鮮既蝦 係真正既爽甜，好味得多。另外以往打邊爐既經驗係 食物過熟 之後冇咁好食，呢度細心既係每一款海鮮要煮幾耐 都有在店鋪有詳細講解，所以一定唔會過老過熟，浪費食物，抵讚。食完海鮮之後，就黎自選火鍋料，我地選擇左 黑毛豬五花腩，肥牛，鮮准山，油炸鬼，自家手打雞軟骨丸，兩款肉都有驚喜，都是有質素，另外雞軟骨丸亦頗特別，肉丸夾著爽脆的軟骨，有趣。最後店員會用之前煮過海鮮既粥底 加入一些煮粥配料，製造一鍋美味既粥，原本已經飽得七七八八，也不禁食左一整碗。整體來說，店員服務態度有善細心，食物亦在

首先一定要預先訂位食八點半 去到門口已經有好多好多人一入到去首先 職員會講解一下個步驟啦第一轉去食海鮮先有鮑魚有花甲有蟹有魚有蝦見到啲材料都非常新鮮啲蝦好生猛第二樣就食自選嘅五款食物之後就落埋啲南瓜芋頭粒最後碗粥真係非常非常甜值得再試

同朋友試左呢間。朋友係大圍間鍋心食過幾次，都覺得幾好，今次為左地點好似方便D所以揀左佐敦呢間。我同朋友兩個人準時6點到左坐低左，友人B就遲少少到。因為友人B未到，我地就唔放野食住，但D野食不斷黎，放到成枱都係。好啦終於友人B都到左，我地開爐。食食食，食到8點度，我地枱面剩返少少火鍋餸（兩三舊響鈴，幾塊牛肉，南瓜芋頭同個粥底），店員1走過黎催我地 "提返你地8點半交枱"。我地都已經食得好快架啦，過多10分鐘，店員2又走過黎催我地，仲話 "等我幫你地較埋個粥"，問都無問我地想食幾多粥，一野將成碗粥底倒左入去。咁我朋友就即刻出聲 "哎呀我地唔想咁多粥，想稀D"。店員2 "咁我幫你加返D水" （真係多謝哂，煲左兩個鐘咩味都無啦宜家）隔左幾分鐘，又有個店員3黎催。我成世未試過食火鍋食得咁辛苦，係咁催催催，我地係食得慢少少，但都無遲交枱呀！如果再食，會食返大圍果間！

第一次試粥底打邊爐，一開始以為會傑撻撻咁，但原來係用粥水打，打完晒啲食材，最後先會將啲煲過嘅米粒放番落個粥底度。呢度主要食海鮮，有7款時令海鮮，之後再揀多5款肉、丸或蔬菜類食材，仲有一碟沙律。海鮮係主角，所以唔食海鮮嘅人就唔太啱啦。呢度嘅海鮮好鮮甜，啲蝦仲識郁，放落個煱度真係生蝦咁跳咗出嚟!一開始要放咗蟹先，因為蟹要水多先打到，打到最後水位下降就可以放番啲米粒落去。以為個粥會好普通同已經食得好飽唔會想食，點知粥底索咗啲海鮮汁，又鮮甜又入味，我地最後食剩咗都打包埋佢!

一早訂咗位，有三個時段，訂咗中間8:30-10:30 時段，入去前一大班人係門口等，場面幾震撼材料係每日唔同，應該係跟據當時海鮮供應而定店員又會教你食法，唔怕錯步驟，最後會幫你整埋個粥，成餐飯都好滿足例如份量，店員，食物新鮮程度，都做得好好，值得再去

朋友相約食飯⋯介紹佐哩間⋯一於試下囉⋯$198 有15款食物好彩book 左位⋯好多人等位調味料⋯新鮮既蝦⋯見到隔離枱隻蝦跳佐出嚟！蟹好正新鮮鮑魚南瓜粥一開始食得好開心，點知落佐d蜆類就賴佐野⋯勁多沙⋯之後落咩野食都食到沙⋯朋友忍唔住同店員講⋯店員好好⋯話幫我地隔沙⋯我相信佢成個煲幫我地換佐⋯因該無可能隔到🙊當然到最後加粥就無佐海鮮既甜味啦⋯但好過食沙既

天氣開始涼又點可以唔打邊爐，今次就試下佐敦呢間粥底火鍋記得打黎BOOK枱，因為WALK IN好難有位佢係分時段制 分別係6:00 pm - 8:30 pm, 8:30 pm - 11:00 pm, 11:00 pm - 2:00 am今次同朋友BOOK左六點，六點零五分左右到，見到門口企左少少人，安排緊入坐。店內只有兩張二人座（分別係門口和店鋪中間），因為店鋪中間果張已經有客人入坐，所以被安排到門口的二人座（如果介意坐門口位既，記得BOOK左都早少少到或者BOOK個陣睇下可唔可以留返店鋪中間既二人座）。真係唔中意坐門口位，出面有人食煙，啲煙味就吹哂入黎價錢方面 每位$198 無加一收費，飲品需要另外叫每人包七款時令海鮮(今次我地就係蝦，蟹，鮑魚，貴妃蚌，蜆仔，沙白同多寶魚)，仲有五款打邊爐配料選擇一開始會先上一個沙律 咁呢樣當然唔係重點 亦唔好有D咩期望 但係值得一提既係佢既沙律汁係分開上既麻醬如果用唔晒可以留返用黎點如 一陣打邊爐既肥牛/豬肉 之後就陸續上海鮮 記得留意返座位旁邊既牌，會指出每款海鮮要煮既時間同埋每枱都會有個計時器方便大家記錄時間每樣海鮮都好夠新鮮每人半隻蟹好多膏，放

冬天吃熱辣辣的火鍋最好了！實在未試過粥底火鍋，感覺此店的海鮮挺不錯，兩星期前已訂好位😎留意Walk-in 幾乎是不可能的，小店看似沒有人在門口等位，全因為晚餐分了6:30/8:30/10:30三個時段，時間一到就會有一大群食客在門口等入座，真的是一大群哈哈，很熱鬧呢～訂好位，也方便店家為你安排食物呀！$198/人，稱之為海鮮全包套餐，有蝦蟹鮑魚貴妃蚌蜆仔沙白多寶魚，按人頭分配數量，人人有份，不用禮讓😂不夠喉還可追加象拔蚌等海鮮，這個很推薦，因為象拔蚌超甜超好吃！多是$10-20/隻。噢你以為只有海鮮？😎😎😎套餐還有五款配菜，牛豬雞丸菜都有，吃完海鮮就打邊爐，而且配菜份量足料，一定吃得夠飽！而且還有南瓜粒和芋頭粒熬粥，最後的粥真是不油膩的精華呢！店員服務抵讚！一整晚密密幫我們清空桌上的垃圾桶，又會向我們推薦好吃的料(真心好吃！)，Good!噢，還有是，吃海鮮一定會用手，但因為湯底沒有油，只是純粹的粥水，所以不會把手弄得油笠笠，其實可以接受，當然，你也可以約一個讓你動口不動手的友人，他/她剝殼便好😂有一盤沙律菜，菜很新鮮。起碼比連鎖快餐的燶邊生菜好太多。🦀🦀🦀😍😍😍大大隻，一人半隻，煮個十