鍾菜 (已搬遷) 新店位置

呢幾個月，真係嚟咗呢間好多次。今日細佬學成歸來，爸爸媽媽決定再去一次，帶細佬試吓呢間鍾菜。今晚試咗佢嘅四人套餐：1. 鍾家小碟子 (拍蒜青瓜+爽口海蜇) - 青瓜嘅汁較得太酸，海蜇欠缺麻油味。2. 豐祝燉靚湯 - 仍然係咁足料，唔似落咗味精，但味道好濃。3. 廿八頭干鮑扣花膠 - 鮑魚真係好好味，口感一流，冇其他可以代替，花膠就因為今次有鮑魚汁去扣，所以味道昇華了不少。4. 碧綠遼参帶子 - 用脆肉瓜、什菇炒帶子，幾夠鑊氣。5. 古法蒸龍躉球 - 我諗油泡會好食啲，蒸始終用細條啲嘅魚會好食啲，所以呢道菜味道一般。6. 瑤柱鮮菌泡菜苗 - 好普通，好清。7. 石榴脆香雞 - 石榴同蘋果令到個雞會減低肥膩感，配合得幾好，同之前水準一樣，果然係攞獎菜式。8. 脆肉紅米炒飯 - 啲豬肉粒好硬，個飯混合紅米，好健康，但係唔係幾啱出街食飯之用，始終出到街，味道先至係首選。9. 杏仁茶+楊枝金露 - 甜品都不過不失，絶不馬虎。Comments : 家常便飯、以至飲宴菜式都係有番咁上下水準，值得繼續幫襯。

jan 31, 09,5人來飲早茶,叫咗 : 1) 蠔豉瘦肉粥-無嘜蠔豉味 2) 香煎脆芋餅-好似無以前咁有芋香 3) 潮州素粉果-唔錯 4) 奶皇馬拉糕-1般 5) 金菇瑤柱伊麵-呢味最唔掂,1碗收成$50-伊麵碎濕濕,又腍,只喺得單1嘅鹹味,瑤柱金菇味出唔到 6) 叉燒腸粉-正常 7) 雲南野菌餃-今次用嘅野菌只喺帶爽身,但無嘜菌味 8) 鮮拆蝦餃皇-保持水準 9) 桂花椰汁糕-仍是美味 10) 法式焦糖燉蛋-平時已好想試吓佢嘅西式甜品-反而呢個有驚喜,只需用"羮"1卜,個焦糖面真喺脆開-底下嘅燉蛋亦好滑滑- 多謝家人請飲早茶- 因被點名少出席家族茶聚,所以唯有推掉食友嘅行山活動........之後仲行吓times - 今次唔知點解會有意見書填,個伊麵緊喺比我彈到飛起啦~~~~

jan 21, 09, 9大1小來食團年晚飯,諗住唔叫套餐,但sorry,平時嘅散叫餐牌收起咗,剩番好少散叫菜色,所以唯有叫個8人套餐 : 1) 小食i) 叉燒-都軟腍,又惹味-味道不錯 ii) 海蜇-可以咁啦 iii) 蒜蓉青瓜-青瓜喺脆,但還是少了1份蒜頭嘅辛辣味 iv) 牛展-切得都幾薄-不錯 2) 海中寶湯-另外仲有1個選擇,不過唔記得咗-用上雞腳,豬肉,淮山片,花膠等煲成嘅清湯-都唔錯喎 3) 翡翠本菇炒帶子-幾驚又喺黑椒味-同佢以前嘅套餐改進咗少少,放棄咗黑椒粒,而且今次用咗大大隻嘅帶子,有鮮味同甜味喎-掂 4) 蜂巢海鮮卷-1如以往,個餡就真喺少之又少-近尾嘅尖3角仍然有少少"un",但比以前叫做有進步 5) 豉油皇炒中蝦-個皮泡油都泡到幾脆身-蝦肉亦爽-處理得幾好6) 石榴脆皮雞-初時以為喺潮式嘅石榴雞,原來喺伴碟以新鮮石榴同蘋果片+1個新鮮石榴為主嘅調汁-隻雞皮好薄,少脆,肉仍好嫩滑,有質素,當然就喺無咩雞味啦-味道好清新7) 什菇浸菠菜-菠菜好嫩8) 蒸海斑-蒸得頗滑-肉質1纖纖,條斑新鮮9) 紅米荷葉飯-已經幾飽,只能淺嚐-幾健康,混有紅糙米,裡面仲有其他料,唔會

今日又去飲茶.原本想食蒸牛肉球, 但今期的點心紙係上湯牛肉球( Steamed Beef Ball). 見英文係steamed, 心猜應該都係傳統的蒸牛肉球, 只是改一改個名而已!但上枱時見, 原來真係用過碗裝著4 粒牛肉球, size似牛丸的大小, 用上湯浸著. 但我地嫌這個上湯牛肉球唔夠熱, 而且牛肉球好淡, 好唔夠味. 而且佢又冇給喼汁, 又或者給點腸粉的甜豉油都好呀! 真係唔好食!都係希望下期的點心紙可以轉番傳統的蒸牛肉球.

不太酷愛中菜,總覺得很油很膩.爸媽愛喝茶,也是這裏的茶客,我倒是第一次來,能吸引我吃中餐,就是媽是次介紹的豪華一人餐.星期一至五半價,$198,星期六及日$396.平日來不錯,抵食之餘,泊車又有三小時,較周未多一小時.環境不錯,比一般的中菜館高級. 大部分位子是卡位,位子寬敞,很舒適.餐廳倒適合外藉人士來(不像普通的茶樓般嘈吵).人也挺多,不訂位子恐怕要等到第二節(8:30pm). 這晚訂了7點,點了三個一人餐,先選喝的,紅酒或果汁(鮮榨橙汁或西瓜汁)我與爸要了紅酒,menu介紹是智利的,還可以,不特別差或好.鮮榨橙汁也很大杯.第一道菜是帶子沙律 - 兩片帶子,沙律是生果沙律,很鮮甜,略嫌沙律醬多了點.龍蝦湯燴魚翅 - 用西式茶杯,外有花紋,龍蝦湯很濃,不漏,魚翅很多,亦大棵,還有一隻蝦,很爽口,吃後不覺很滯.蠔皇鮑魚扣遼蔘 - 鮑魚當然不是很大的那種,但以質素來說不差,遼蔘很膠,很滑.汁也調得好.桂花妙齡鴿 - 每人半隻,可以說是全晚最好的,乳鴿炸得很脆亦很滑,肉汁很多,沒有奉上淮鹽但本身已調得很入味.濃湯雲吞浸菜苗 - 就像是平時吃的雲吞,沒太特別,勝在吃點菜.甜品可選楊枝甘露或杏

上次食過鍾菜的蘿蔔千絲酥, 好好味, 酥皮脆薄, 裡面的蘿蔔絲餡又多又juicy, 好難忘. 所以今次都專登 encore.唔知係唔係轉左點心紙, 所以連蘿蔔千絲酥的造型都唔同左. 以前是比較圓身的, 今次就變成長而幼身. 送上枱時, 我地仲以為是傳菜送錯點心.其實, 一見過外型變成瘦長型, 我心想都知不對版. 果然不出所料, 裡面的蘿蔔絲餡少得可憐, 是以前的4分之1咋! 相反, 個酥皮就變相厚左今次第一次帶爹地來飲茶, 預先同佢極力推介這裡的蘿蔔千絲酥, 但今次的水準... 真係令我都有點尷尬!真係希望可以變返以前肥嘟嘟, 好多juicy 的蘿蔔絲餡的模樣.

五人飯局六點幾去到，我們是第一枱客。環境很貴價feel，而餐牌也肯定這一點。座位都幾舒適，每枱也有足夠的空間。侍應服務就有超多進步空間，面對面望住都可以笑一笑就行左去，隻手fing到斷都無人理。食完飯坐係度傾計，又很快來趕客，但出面無人等位。石榴雞：石榴香甜引起食欲，但雞就唔得，脆皮雪藏雞雜菜煲：味精重，無乜特別賽旁蟹：賣相吸引，有蝦粒在其中，味道一般鍾菜小炒皇：有些特色像油炸鬼的物體，內裡有油魚肉每碟菜份量較少，但價錢比較貴，可能是物非所值的關係，都不敢點多個菜。特別一提，鍾菜是否只喝貴價燉湯，沒有其他湯水選擇。

上星期五和Honey到鍾菜歎下午茶，到達店舖時是2:15pm, 巳有很多人在外排隊，侍應問我們可介意搭枱，我們見勢色不對，選擇了搭枱，結果等了五至十分鍾左右便有枱。雖然跟另外兩組人分一張八人枱，但無礙歎茶氣氛，唯一不便的是可放點心的空間有限。我們點了六個點心，有桂花椰汁紅豆糕，海綿千層糕，鍾家三式腸和貢菜餃等。- 紅豆糕賣相討好，桂花味濃，唯紅豆味給桂花和椰汁蓋過了。- 海綿千層糕軟綿綿，好鬆軟。- 鍾家三式腸一次過滿足你三個願望：有蝦腸，叉燒腸及牛肉腸。- 貢菜餃餡料豐富，很有口感。六個點心連茶芥才$111, 下午茶有七折好抵呢！

aug 03, 08, 7大1小來食晚飯,叫咗8人套餐 : 1) 鍾家小碟子i) 餚肉-我鍾意叫佢哋做擦紙膠,啫喱部份不腍不硬,中間嘅肉都算扎實,個皮小彈-味道不錯 ii) 蒜蓉黃瓜-蒜蓉量就好夠喇,但如果可以拍1下個青瓜,肯定會夠辛辣味 iii) 海蜇-睇個樣塌埋1pat,就知道唔爽同彈,果然-好普通 iv) 素鵝-皮都食到1層層,薄-不錯 2) 惹味螺片-用黑椒嚟炒,味道無問題,只喺個人唔好黑椒味啫 3) 花膠響螺湯- 掛住食,原來唔記得影相-喺清湯,味道夠 4) 蜂巢海鮮卷-全晚主菜覺得最欺場呢個因叫海鮮卷,但就個餡就真喺少之又少-估佢唔到佢個focus喺個蜂巢皮(妹仔大過主人婆),頭嗰part喺好薄,好鬆,但近尾嘅尖3角就"un",不過勝在夠熱-更估唔到友人平時好多我覺得好食,都彈,竟然佢話呢個好食,真喺"高" 7) 香草龍躉球-要讚喺個皮,真喺好薄,所以好脆身,難得-味道ok啦-香草汁有d葡汁feel-處理得幾好 8) 花彫蛋白蒸加拿大蟹-個蒸蛋白其實唔多,因為好淺身吓啫,但真喺好香酒味,又滑-隻蟹好大隻,蟹蓋就無嘜膏,但勝在個身同隻腳好好肉,啖啖鮮味-掂 9) 金湯鮮茄菜苗

---價錢先講價錢, 因為原來中午12點前找數或2點後入座... 點心有7折, 茶錢同加一都冇... 食中餐喎... 係時代附近去邊度搵????---環境雖然係稻香旗下, 但裝修同設計都幾高級小弟同屋企人三人被分去靠牆六角形卡位度都幾靜, 好彩的話仲有有兩間獨立房俾6-8人食, 但係唔想等位的朋友都可以同人搭檯, 不過各下都會知有咩唔好啦---味道叫左幾個點心都OK好食, 係 "叉燒包", "鮮蝦粉果" 咸了少少... 不過嫌粉皮太厚如果叫 "鯪魚球" 唔好沾太多醬, 如果唔係會咸 (可能係小弟唔係太鍾意食咸野啦)"野菌餃" 就幾好食, 甜甜地清清地感覺幾健康獨特至於點心紙上的甜品都幾好食"香芒奶凍" 好清甜, 唔會太甜.."桂花紅豆糕" 都係一樣, 但唔鍾意甜品淡口的人可能唔會鍾意---服務叫 "豆瓣醬" 竟然俾碟 辣辣地的"甜酸醬" 黎... 得啖笑不過普通功夫都OK.. 野食黎得又算快走果陣 "食完兼夾拎" 都有專人埋黎幫你入袋, 唔錯唔錯---找數三個人食左七個點心, 3 個甜品, 埋單都係$173... (冇加一/茶錢).. 俾$180 走人都有好多人同你講 "多謝晒, 拜拜

上星期五晚book左七點半四個人食飯,第一次去都冇咩idea叫咩野食,見到其他食評話好多人叫石榴燒雞,咁我都想叫黎食下,本身好鍾意食雞,特別係燒雞,點知...未夠八點已經賣晒...我地叫左...焦糖皮蛋- 只不過係皮蛋上面有少少焦糖,無咩特別;香檳西檸雞- 一d香檳味都feel唔到,只不過係普通西檸雞,但比普通餐廳酒樓好食o既; 奇妙帶子xxx(唔記得咩野名)- 又幾得意,有d帶子,茄子粒,米通,聰咁少埋一齊,都可以;梅菜炒菜心- 只係名如其名,冇咩特別甜品叫左法式焦糖燉蛋- 我覺得幾好味,雖然唔似燉蛋,好似蛋味慕士, 另外蛋白杏仁茶,都可以!overall,都唔係話特別好好食,但都唔差,一般稻香水準,睇menu以為好貴,但埋單,四個人都係五百蚊,因為佢三免呀, 但有樣野唔滿意係,九點有人好突然遞張單埋黎叫我地比錢,事前係冇通知過我地幾點要交台,我book位,同入坐時都係無講過架! 所以唔太好,雖然我地都食飽準備走,但事前講聲條氣都順d嘛...

夜晚上到 times sqare 間間都爆, 竟然呢間就有位。 見未試過試下啦... 裝修看似高檔, 當然價錢都嘗試走高檔。 一碟普通小菜都差不多$100.. 見了所謂招牌菜的石瑠雞... 原來結果係只有數塊石磂做伴碟, 幾失望。其他的菜色亦無什特別, 只係d 菜色包裝就唔太岩我, 明明是中菜, 但碟就用西式碟, 伴碟亦很西式... 我只覺得不鄰不類....唯一可讚係賽螃蟹, d 蛋好滑, 賣相亦求突破..仲有, 叫茶亦要小心, 因為一到位佢就會俾張新茶推介比你, 要$30一壺, 但原來係可以叫返普通茶的..... 呢招我就唔受啦

apr 13, 08, 5人來飲早茶,叫咗 : 1) 菠蘿菠蘿包-裡面個餡都喺菠蘿肉,我就無試到,友人話甜咗d(不過呢個友人1貫都唔多鍾意食甜小小嘅嘢) 2) 蘿蔔千絲酥-入面有明顯嘅蘿蔔絲,唔會全部蓉,所以有口感,幾好味 3) 香煎脆芋餅-友人話之前仲好食因個芋頭味仲濃d,佢哋估計宜家唔當造-但我喺第1次嚟,我就已經好收貨因個餅好軟身,外微脆,d芋粒亦好綿,又香芋頭味 4) 皮蛋瘦肉粥-1般 5) 原蝦燒賣皇-蝦肉爽,不過無嘜鮮味,ok 6) 排骨蒸陳村粉-個陳村粉小小挺同爽口,唔會腍-排骨好滑,不錯 7) 雲南野菌餃-個皮好似水晶包嗰d咁-味道ok啦 8) 鮮拆蝦餃皇-我無試,但其1友人講明要食呢度嘅蝦餃,話食開好食,仲催促其他人快d趁熱食 9) 豉汁蒸鳳爪-我無試 10) 叉燒包-個皮喺鬆軟,但個人嫌裡面個汁偏甜 11) 桂花紅豆糕(信用咭優惠: 買1送1)-明顯嘅3層-好味 12) 合桃露(信用咭優惠: 買1送1)-唔喺溝出嚟因味道唔假-香,又無燶味,又唔甜-掂 13) 生磨杏仁茶(信用咭優惠: 買1送1) -問亞侍應哥哥可唔可以+蛋白,check過之後話唔得,so sorry

有朋友推介此店，於是昨晚即管前往一試。裝修算花心思，相信所費不菲，但近門口一排卡位全沒遮欄，客人一舉一動以至食相，亳無半點私隱可言。我們三人被安排於一角的卡座，但與隔鄰的座位只有像徵式的分隔，於是你眼望我眼，對話亦清楚聽到，此等所謂新派式裝修恕我不懂欣賞。採用開放式廚房亦屬敗筆，即使坐得老遠仍受到炒煑之燥音煩擾，難為坐得近的食客們。一坐下還未放妥購物袋，待應已遞上一張花茶單張詢問耍點那款茶。瞥一眼看到下款標明每壺三十元，而菜單卻又指免茶免加一，但那待應卻並沒有解釋，似乎只等答案。「咁有冇普洱、壽眉呢?」「有嘅。」(選了壽眉，但最後來了一壺掛上白牡丹招紙...) 待應又立刻問我們有沒有xx銀行信用咭，如果有你們就可以以八折揀選指定餸菜，酒水亦買一送一。同樣沒有解釋清楚便離去，非常非常不容易(待應嚴重不足)才找到人問明詳情，未點菜心已涼了一大截。石榴脆燒雞: 一入口，雞只是微熱。所謂石榴雞，原來只是有小薄片伴碟及以凍石榴汁作蘸汁，以微温的雞件配以冰凍的石榴汁，我以後不想亦不會再試。燒雞燒得不及格，先是不太脆口，近翼部分直情overheated 烤燶了! 切工亦唔掂，雞件大小不一，翼部分斬得

屋企有人生日，11個人去呢間鍾菜。叫左好多野，包括一個什麼古法蒸魚、花膠海參、瑤柱苻蓉蛋、海參伊面、炒牛柳、爆炸雞、羊肉煲。其他太多唔記得左。所有有汁ge野味道好似冇多大分別。古法蒸魚食唔出同普通蒸魚有乜分別。花膠海參冇用上湯煨，只係用水煮到腍bat bat再淋D汁，汁又偏甜，只可以話難食。瑤柱苻蓉蛋同普通炒蛋冇分別，而且炒到過火，老到死。瑤柱少到見唔到咁濟。海參伊面，成300幾蚊。但D面太腍，賣相很核突。炒牛柳，OK，甜左D。爆炸雞，OK。羊肉煲，都OK，又係甜左D，而且羅出呢時未煲熱，要等好耐先可以食得。另外想提下D服務，本來都OK。但個姐姐落單時瑤柱苻蓉蛋變左中虾蒸蛋。我地話冇叫過，姐姐就死都話係我地叫ge。爭持左一陣之後，佢就走返入廚房。出返呢時佢仲係羅住碟野，然後同我地講話D虾開晒如果我地唔要都係掉。叫我地要左佢。我問佢咁係咪唔洗錢先？姐姐就話：你地要左呢碟，最多我免費同你整番個瑤柱苻蓉蛋。中虾蒸蛋貴過瑤柱苻蓉蛋，我地要比多D錢，佢先比番個瑤柱苻蓉蛋我地。我覺得佢呃人羅！