養心殿台式養生鍋 (已搬遷) 新店位置

提起台式火鍋，就想到養心殿。它的分店越開越多，這次我們試試旺角彌敦道分店。湯底選了美人鍋拼麻辣鍋。湯底材料豐富，美人鍋有烏雞、南棗、杞子等中藥材加入桃膠。開始前我們先喝了一碗美人湯，桃膠質感細滑，湯頭味道清甜。每枱麻辣鍋可以免費加一次鴨血，鴨血已經預先煮好，只要加熱就可以，滑嫩又惹味。脆卜卜嚮鈴即炸即食，配白鍋、紅鍋皆可。黑毛豬梅花肉，比普通豬肉更有肉味，質感不硬又有肉香。朋友點的台灣A菜， 大大的一盤，翠綠新鮮，爽口清甜。蘿蔔是我的最愛，食白鍋蘿蔔時感覺湯的鮮甜味比之前更濃更香又綿綿軟軟。分店食物可以維持水準，服務態度良好，難得！早埋單有優惠，FB 打卡更有一杯飲品送。

到旺角血拼，特地到旺角養心殿一嘗念念不忘的台式火鍋。座位寬躺，適合朋友聚會。今日嘗試了麻辣鍋和美人鍋；美人鍋內有烏雞和含有豐富膠原蛋白的桃膠。迫不及待先嘗了一碗美人鍋湯底，湯底味道清甜，忍不住再喝一碗。可加添的鴨血，份量十足。每次火鍋必點的午餐肉，這裡的午餐肉是炸了的；厚切午餐肉上菜是還是熱騰騰的，放在麻辣湯底燙一燙，沾上辣汁很惹味。黑松露蝦丸，大大粒蝦丸彈牙，每一口都有香濃的黑松露增加味蕾感受。寬粉，有點像薄版酸辣粉；焯一焯就可以，麵質軟淋有咬口。晚市甜品，薑汁番薯糖水，薑味十足的糖水和入口即融的蕃薯為是晚大餐劃上完美句點！

講左好耐想同朋友打邊爐，搵黎搵去都似乎冇邊間超越到養心殿係我心目中既地位，於是又黎encore。美人鍋拼養生鍋 ($188)前者有烏雞、桃膠，後者就有人蔘、鴨血、豆腐，淨係食料同飲老火湯已經飽左大半。手切牛肉 ($238)每次黎都必叫，牛味好濃又夠厚切，朋友都話正過平時單點既好多。炸午餐肉 ($58)定價偏貴，但真係足料夠哂厚，岩岩炸起好香口，十分滿意。即炸脆響鈴 ($68)熱辣辣好香，浸幾秒就食得，出面唔會食到呢個口感。蝦丸 ($40) 半份食到新鮮蝦味，雖然冇咬到蝦肉粒，不過彈牙合格。魚皮餃 ($36) 半份絕對唔係平時任食個種雪藏貨，自家製師傅包既軟滑口感，係我食過最好味既魚皮餃。雜錦蔬菜盆 ($68)大大盆幾款菜有齊哂，性價比好高。最後驚喜地每人送左球雪糕，大部分人都係朱古力味，我偶然拎左榴槤味超正!!!

最近天氣轉涼，又要打邊爐的大日子。今天來了養心殿。先點了湯底。湯底點了美人鍋，有原隻烏雞，湯底清甜。麻辣鍋亦十分香辣，辣度並不過份，剛剛好。湯底有藥材，但不會有一陣陣濃烈的藥材味。湯底本身有冷豆腐及鴨血，吸了麻辣的湯底，十分惹味。火鍋的食材亦十分新鮮。櫻桃鮮滑鴨片最有驚喜，雖然份量並不算多，但鴨片十分稔滑好吃，亦不會有食鴨粗糙的感覺。牛肉較為厚身，牛味濃郁。另外，台灣直送的菜類既有特色，又新鮮爽甜，十分好吃。最後亦有糖水，是又飽又溫暖的火鍋!

班同事前幾日見到養心殿午餐時段做半價優惠，所以約埋啲舊同事一行八人齊齊星期六晏晝打邊爐。去到餐廳，未齊人都入得，又唔駛等位，佢仲安排左張大圓枱比我地添。但部分位置係風口位，最好帶多件褸去(但要預左件褸索味)。我地叫左兩個鍋，美人鍋同薑母鴨鍋。我見美人鍋既料有椰子，成隻烏雞，紅棗，黨蔘同杞子。薑母鴨鍋就有鴨件，荀，腐皮，薑同豆腐。淨係衣兩鍋湯已經好好飲，又足料。每人飲完兩碗淨湯之後，仲可以叫侍應再加返兩款湯添架。之後我地叫左萵荀，鴨血，百頁，雪花肥牛，三款餃子，豬肉片，老油條，手打丸同響鈴。啲手打丸好新鮮，又有咁多款味，又彈牙。必食 ! 啲雪花肥牛賣相好靚，食落牛味濃，一啲都唔覺肥。咁岩我有啲同事唔食牛，所以我地仲叫左豬肉片，食落唔覺肥，又唔會un ，都唔錯。餃子我反而覺得普普通通無乜特別姐。我都係第一次食老油條，硬掘掘咁，始終係油炸過，食落都覺得有啲油膩感。響鈴都夠脆，但一蘿響得果四條，唔夠我地八個人分，要叫兩蘿先夠。豬紅我就食得多，食鴨血我都係第一次。食落去有啲煙煙UN UN，比起豬血，鴨血有感好多。我地食左差唔多三粒半鐘掛住傾計都無人出聲趕我地走，都唔錯。

天氣突然轉涼，打邊爐就最適合不過。火鍋店選擇何奇多，我地就偏偏就選了養心殿。無他，因為想試試從台灣登陸香港的火鍋🍲店的質素如何。湯底都有6款選擇，有麻辣鍋、酸菜白肉鍋、寧神養心鍋、秘制薑母鴨鍋、美人鍋及養生鍋。可以選擇單一湯底或是鴛鴦鍋（以價格最高計算）。而部分食料均由台灣新鮮進口到香港。✈️醬料區有6款給食客選擇。上：芫茜、辣椒、蔥花下：香醋、蒜泥汁、醬油而牆上貼有清晰文字，方便食客選取自己喜愛的醬料。我們點了美人鍋及秘制薑母鴨鍋。美人鍋湯底甘甜可口，一飲難忘，是用多款中藥材、桃膠、烏雞等來熬製。而秘制薑母鴨鍋是台灣最有名的特色美食，藥膳滋而不膩，溫而不燥，最適合於秋季和冬季食用，食後通體暖暢。鴨血嫩滑無比，尤如BB肌膚一樣。鴨血吸收了湯底精華，增添無限色彩。蝦丸（半份）-用2個字來形容最貼切：Q彈爽滑。要做到彈口就要考考師傅的功夫，要費時費力才能做到。自家制極品水餃（半份）-單看外表就已經知道非常飽滿，不計成本。入口時，餡料加了木耳絲增加脆爽度，皮薄。紫准山麵，因富有營養，為健康最佳之選。口感：麵條煙韌，吸收濃郁的湯底，口感極佳。肥牛油脂分佈頗為清晰，放入口中品嚐時，嫩滑。不禁要再叫

近排嘅天氣雖然都係好暖，一啲都唔似冬天搞到我都唔係好想打邊爐，我得呢幾日突然凍返，咁梗係要即刻應下節啦。之前同朋友食過呢間既打邊爐，個湯底好impressive，今次就帶埋全家一齊食，可以叫多啲野。今次想試下鴛鴦鍋，美人鍋同養生鍋係呢到最grand 既湯底，見到佢用料好似唔錯咁。美人鍋有烏雞、桃膠等材料熬成，而養生鍋有埋人蔘，藥材味較突出。第一樣野要做既係每款湯底都飲哂一碗先，原汁原味。之前打邊爐都係食肉為主，今次就有啲新意整個海鮮拼盤，有兩隻海蝦、兩隻帶子同埋一個鮑魚，個蝦係仲識得跳，彈下彈下好新鮮。個鮑魚食落好彈牙，蝦🦐一啲都冇霉。雪花牛柳粒份量唔少，三個人分都可以食到夠，油脂豐富，咬落去滲出肉汁，又唔會好嚡，有一粒唔小心擺落個湯到耐左都唔會太韌。寬粉條麵質好Q彈，我自己比較鐘意配美人鍋個湯底，加埋吸盡湯汁既豆腐一齊食好夾。冰菜都係次次打邊爐都會叫，食左咁多肉，點都要食啲菜balance 番既🤗

依家香港地三五知己約食飯首選多數都係打邊爐，因為一班Fd 拾下拾下，一路食一路傾計非常開心，今次已經係我第二次再幫襯呢間火鍋，因為呢度質素真係唔錯我覺得佢呢度比其他火鍋出色嘅地方就係，佢哋嘅湯底全部都非常足料建議大家開始打之前，裝碗湯飲下，呢個寧神養心湯，係屬於清湯類嘅湯底，入口有一陣藥材味、鮮魚味、烏雞味三種材料互相輝映真係齋飲個湯都值回票價麻辣湯底，「辣」夠嘅，但「麻」味可以再重啲，呢個湯底有個特色就係越後期就越辣，越出味！每次黎我都會點呢個本地肥牛因為真係好出色，肉質、口感、味道各方面都算係高質素脂肪分布均勻，近乎入口即溶，個個朋友食過都話正呢個滷味拼盤，估唔到咁「入味」肉質「鮮」、「爽」，你好多牛雜店舖更出色👏總括嚟講，佢呢度食物嘅質素，店舖嘅環境，座位嘅舒適度，我係會比9️⃣0️⃣分

又一排冇食台式火鍋，突然好想食，於是相約一位未係香港食過台式火鍋的朋友一齊食!旺角這間分店時常都很多人，今天也不例外，好在已經訂了枱。餐廳佈置有中式的屏風，格外有風格。既然朋友沒有食過，當然給她揀選想吃的。火鍋配料落單冇耐就會上菜，很快呢!如客人於Facebook簽到打卡便會有一杯無酒精飲品送!湯底揀選了麻辣湯底及酸菜白肉湯底($128)，兩者都可以額外免費送一份鴨血或者酸菜白肉，任揀其一，而我們揀選了酸菜白肉。酸菜白肉湯底內除了有酸菜白肉，還有寬粉，寬粉吸收了酸湯的精華，食落非常開胃，也是我每次都會點酸菜白肉湯的原因!麻辣湯底內會有鴨血，鴨血很滑，是麻辣鍋必有的食物!霜降肉眼肥牛($178)，這個肥牛厚薄適中，肉質唔會太韌，頗有牛肉味!嘉美農場雞肉($108)，這款的雞肉是沒有骨的，雞肉嫩滑，有雞的鮮味!黑松露蝦丸($48)、自家製水蓮餃($42)、自家製麻辣牛肉餃($42)，蝦丸黑松露味很濃，而且爽口彈牙!水蓮餃清清地，放落酸菜白肉湯底內味道更出更鮮!而麻辣牛肉餃頗為麻辣，適合喜愛食麻辣的朋友。老油條($58)，這款是我每次來必點的炸物。油條能吸收湯的味道，令你更能感受到湯的鮮味!

第一次來食係食美人鍋，個湯超甜，好濃，好味😋攪到我飲左勁多湯一個鍋入邊有成隻烏雞！開四分，好抵食！其實我地兩個人食，食左啲雞都好飽，再加啲菜同菇已經足夠，但想試下啲牛，就叫左最平啲一口牛，都好好味，幾新鮮，又有口感，大大粒，食完超飽😂啲湯好好味😋會再來

養心殿呢兩個湯底真係一食就上癮 烏雞成隻 記住煲耐啲就好易食啲肉 仲有養顏既桃膠 紅棗 枸杞 最重點係個湯好清甜另外一定要叫就係人蔘鍋 人蔘都落得幾多 所以湯底好夠味 個鍋唔起眼既豆腐好好食 蜂巢豆腐～同朋友叫左個鮮蝦滑仲有墨魚滑 兩個滑鮮味十足 份量好多 最鍾意自己刮 可以分到8-10舊我地集中淨係食肉hahaha 牛柳粒 份量比想像中多 差啲食唔晒 牛柳粒出眾過肥牛 因為牛肉味勁濃厚 肉又軟身雪花肥牛都係邊爐必叫 除左湯底正 食材都無得輸

踏入秋冬，又係打邊爐嘅節奏，約埋成班好耐無見嘅中學同學一齊黎到養心殿打邊爐🍲。位於旺角嘅養心殿都幾易搵，而且預早咗訂枱，所以好快就可以坐低揀野食😋 店員由訂枱開始到你入座，都會貼心提醒你店內只限收現金 🔹酸菜白肉鍋 拼 美人鍋 ($188，鴛鴦鍋計最貴個款)▶酸菜白肉鍋入面有醃製咗嘅大白菜，唔會太酸幾爽口；內有豬王花腩，薄切好快熟，入面仲有彈牙寬條粉，不錯。整體湯底酸酸地，幾開胃。▶美人鍋湯底由杞子、南棗同金華火腿肴制，仲有原隻烏雞浸住，材料好足！湯底第一口飲落幾清甜滋潤，但後期加湯底就有少少鹹咗。🔹手切牛肉(小) $238色澤鮮紅，脂肪比例適中，牛肉好處就係好快熟，朋友都讚肉質不錯！🔹御選梅花豬 $118豬肉雖薄切，食落新鮮同juicy！🔹手工丸類拼盤(12粒) (每款2粒) $108食慢少少都爭啲無得食吖，好受歡迎嘅丸類拼盤，爽口彈牙，讚！🔹嘉美農場雞肉 $108雞肉嫩滑，尚算厚肉，不錯。🔹雜錦蔬菜盤 $68 及即炸脆響鈴 $68菜好新鮮，唔會有爛同污糟。炸響鈴好大件，起初覺得咁大件應該浸3秒都唔夠，但又ok wor！而且太好味，

新年一聚，冬天聚會首選自然是吃火鍋。麻辣鍋和酸菜白肉鍋($128)，愛吃辣者與不吃辣者皆宜。酸菜解辣，吃麻辣鍋覺得太辣時，喝一口酸菜湯即可解辣。麻辣鍋附送鴨血，鴨血是這類的招牌食物，毫不覺腥，爽、滑、軟的獨特口感，其它配料無法媲美。點了食物後，便到調味料區取調味料。最多人拿的是蒜泥汁和蔥粒，在後段看到這兩款已是半空了。稻庭烏龍麵($48)比其它麵條更吸汁和更具嚼勁，把一半麵條放進麻辣鍋，另一半放進酸菜鍋，再把兩種味道混在一起吃，一酸一辣，為味蕾帶來刺激。由於酸菜鍋本身已有寛條麵，點一份稻庭烏龍麵，兩人吃已足夠。千層凍豆腐($48)幾乎是每次必點的食物，皆因其大大小小的孔可吸滿湯汁。在放油膩食物如炸豆皮和肉類前，先放凍豆腐和烏龍麵吃會更健康，也不會破壞湯底的味道。半份自家製極品水餃($42)，水餃皮非常滑，放入麻辣鍋變成麻辣餃子。半份自家製麻辣牛肉餃($42)，放入麻辣鍋，辣上加辣，十分過癮。一份黑松露蝦丸($92)是必點，黑松露丸在熟透後會散出濃郁的黑松露香氣，加上爽脆的蝦丸，一直都是高水準之作，伴酸菜湯底更是錦上添花。台灣翠絲水蓮($88)，罕見的火鍋配料，所以再點這個。有排油作用，

話說，不少朋友跟我說，養心殿是她們在香港最喜歡的火鍋店，上週我終於有機會一訪！平日的七點半，已經有很多人在等位呢，幸好我們有book位。湯底來說，我們兩個女生要了美人鍋 ($188)，裡面有原隻烏雞啊，還有好多桃膠、南棗和杞子，好滋補養生的感覺！開動前一定要喝一碗湯啊~桃膠的份量比想像中多😍！店員好快就送上我們點的食物，最期待的是手切牛肉 (小份$238)，份量算多，兩個喜歡吃牛的人吃剛剛好。急不及待先吃一塊，哇好高質！牛味重，非常軟稔，牛脂不會太多，厚度剛好。另外，黑松露蝦丸 (半份$48) 也不錯啊！大大粒，黑松露味濃郁，又夠彈牙。魚皮餃 (半份$36) 則較重胡椒味~除牛肉外，最喜歡的是這裡的自家製韭菜餃 (半份$42)，好足料，皮薄餡靚。要吃澱粉質的我，還是忍不住要了一客稻庭烏冬 ($48)，烏冬偏幼身，但算彈牙，吃完覺得很飽😂。啊我們兩個怕響鈴份量會太多，所以要了台灣炸豆皮 ($38)，第一次吃發現脆身香口，好吃，也適合兩個人吃。總括而言，吃得滿足啊，店員服務態度好好，下次要約多些人來試更多配料！餐牌如下:

今日去旺角行開街，見到養心殿有分店，都幾方便，於是同朋友齊齊去食台式火鍋盛行。我地叫左雙拼湯底，一邊辣一邊唔辣，一紅一白好有視覺衝擊，辣椒撲鼻，料好多，將成個鍋鋪得滿一滿。（鵝肝墨魚丸，梅菜豬肉丸，各叫左半份，上面鋪左小蟹籽，大大粒，落鍋冇縮水，好好食。另外亦有加拿大象拔蚌。肉厚多汁，打邊爐都冇比湯底搶走鮮味，仍然咁美味。除左海鮮仲有肉類，牛方面，有霜降肉眼肥牛同極上雪花肥牛，脂肪分佈均勻，鮮嫩又薄，好適合打邊爐。另外有厚脂黑毛豬梅花肉，同牛肉唔同口感，肉比較結實。今次養心殿體驗唔錯，旺角難得搵到個坐得耐嘅地方，食物又唔錯，價格相宜，下次會再同朋友黎食！