鮨心 (已搬遷) 新店位置

收工時分想近近地搵個舒服地方同朋友傾下計，食下好野，鮨心係地鐵站出口既一棟商業大廈裡面，位置尚算方便，上到去發現原來六點半先開始晚市喎！師傅叫我地坐下飲下茶先食日本野我最中意坐吧檯，可以睇到師傅準備美食嘛！個人好中意木既餐桌，感覺乾淨企理兩個女仔其實好細食者，首先點左油甘魚/薄切鰈魚刺身 （$78/$98）先食鰈魚，果然切得好薄身通透，好爽口亦都唔腥油甘魚油分好高呀！食完魚油味係我口久久不散雜錦天婦羅稻庭烏冬$128我成日話 香港好難食到好食既烏冬，呢到既烏冬卻令我驚喜！稻庭烏冬係較幼身既烏冬，入口較爽滑，我覺得較似麵條，值得一讚係木魚湯底非常清甜，拌勻附上的山藥蓉口感更滑。天婦羅有苦瓜、蝦、南瓜、蕃薯，粉漿幾薄炸得香脆最後係西京燒銀雪魚$178銀雪魚一直都係賣飛佛，可惜價格越來越高呢，一上碟已知西京燒魚油非常豐富，燒得好香，有入口即溶既感覺！令我非常滿足值得一讚係就算食完店家都唔會催你走，慢慢食慢慢坐飲杯茶relax下，係晚飯不錯的選擇。

比較少喺旺角食日本嘢，今日嚟開呢頭，好想食魚生飯，又搵到呢度好似幾企理咁，就試一試啦！裝修幾得意，好多麻繩，牆上嘅畫又幾靚咁喎！旁邊嘅窗滲出天然嘅陽光，令到整個氣氛都非常和諧，舒服！前菜有辣辣哋嘅牛舌，有嚼勁但鬆化軟腍，但如果唔辣我會更開心 😂沙律有腰豆嘅沙律，有趣有趣；上面有一堆粉橙色嘅醬汁，味道新鮮，原來係梅醬！有創意喎！海鮮丼 ($238)因為早餐食咗麥當勞嘅關係，所以落單時叫咗少飯。見到成層都放滿新鮮厚切刺身；有比較少有蟹鉗肉，形狀完整，肉質鮮醇；加少少手磨Wasabi去帶子，鮮味大大昇華！每片魚都肥美鮮甜，油脂豐富；海膽鮮味濃，可惜嘅係太少喇，一口就食晒；值得一讚嘅係飯真係好好味，每粒都好飽滿，又夠黏，仲食到飯香，真後悔叫咗少飯！而且飯中有夾雜咗紫菜及冬菇，冇咁單調！細個嗰陣成日喺大丸買壽司食，一直好懷念入面嘅冬菇，終於俾我喺呢度食返嗰種冬菇味喇！茶碗蒸嫩滑有蛋香，唯一敗筆就係顆白果有啲苦；好特別嘅係有啲類似魚翅/粉絲咁嘅？好有新意！麵豉湯唔會過鹹，而好驚喜嘅係竟然有秋葵！以旺角嚟講，呢度環境食物都非常不錯。全間餐廳咁多客，得一位店員，見佢做到冇停手，真係陰公，但依然保持到服

這家為於旺角的日本餐廳，地點位於旺角地鐵站旁的一棟新大廈，十分方便。進店內，地道日本裝修，感覺不錯。 明太子雞翼($58)，炸得剛好，外皮香脆，不會太油或太乾，裡面釀入明太子＋雞肉，味道恰到好處。 味淋魚干($68)，即是雞泡魚干，剛剛燒起，溫度夠，口感Chewy，不錯，醬油的甜度可以調底少許。 燒牛舌($58)，優質牛舌，爽口彈牙，香牛味。 燒油甘魚胶($128)，魚質鮮嫩，賣相不俗，可惜有少許乾。 這裡食物富水準，值得再來！

好像有一段時間沒接觸日本菜，在雜誌上看到這家好像很吸引便來了。如山般的塔形鰻魚丼，日本米飯被鰻魚重重包圍著，鰻魚每片也厚厚的，很綿滑再點上一壺海鮮茶壺湯，倒進杯子裡，湯汁很清澈，嘗一口，海鮮味濃。打開壺子看看，裡面滿佈鮮蝦香菇，難怪能滲出濃郁鮮味。

即興飯局，朋友話想食日本菜，我又想搵個好食又可以傾下計嘅地方，見到網上幾好評，結果搵搵下搵到泥呢度。上到去，門面格調唔錯，淡淡日式味道滲緊出泥，仲見到張吧台，應該係食「師傅發板」打開menu，果然第一頁就係omakase，好似幾掂咁款，一於叫幾樣食物試一試～啲餐具幾靚，心情即刻好起來。先泥油甘魚壽司清一清，大概係一口size，魚肉係軟綿綿嘅質感，魚鮮有停留喺口腔，醋飯調味適中，入口幾秒就溶晒～不過魚味較清淡，未必啱重口味朋友仔。明太子雞翼，陣熱氣上枱都未散，漲成咁，咬開釀滿明太子，pop pop pop喺口中爆發。至於燒玉子食落有啲柚子味，滑蛋加柚子，呢個配搭比較少見，不過都ok喎，係覺得可以熱番少少。另外都點左兩個主食，一個稻庭烏冬，配雜錦天婦羅。扁身嘅烏冬，好清嘅醬油湯底，熱熱地飲一啖好舒服，唔覺有味精chok住個喉嚨。但由於烏冬比較易淋，個人覺得一上好快啲食。反而天婦羅擺耐左食都仲好脆，亦炸得好乾身，唔油膩～另一個係饅魚飯，將饅魚切件圍繞中間嘅大飯團，擺法似朵花，唔似一般就咁擺喺面，欣賞廚師嘅用心～聞起泥好香，試少少汁先。醬汁比平常食嘅有少少淡，不過饅魚就好夠味，魚肉肥美無乜骨又

呢間樓上日本餐廳裝修幾日本風, 空間感十足, 坐得好舒服。沙律幾大碟, 沙律菜新鮮無渣, 淡淡清甜, 好清新!玉子燒暖暖地食落好鬆軟, 蛋味夠濃, 仲有少少柚子味, 少左份單調既感覺, 超正。刺身夠新鮮, 食落好鮮甜, 入口甘香。尤其鍾意三文魚, 脂香滿溢, 有入口即融既感覺。鰻魚卷特別在加左牛油果, 添左份軟滑同香氣, 亦令鰻魚卷冇咁膩。鰻魚鹹香惹味, 軟滑無骨, 唔錯。免治雞肉串外層少少脆, 咬一口, 肉汁不斷流, 調味亦啱啱好! 最後嚟個清新既甜品做結尾。水信玄餅比較淋, 冇乜口感, 連埋黃豆粉一齊食, 健康又唔甜膩。呢餐日本菜無論邊方面都好出色好滿意, 值得encore!

今晚約左朋友仔食飯，朋友選了旺角的鮨心。喜歡這裡地點方便，旺中帶靜，店內地方雖然不算很大，但感覺很舒適雅緻，又不會太嘈吵。一進門口就見到是日精選海鮮這裡分成幾個區有壽司吧枱位、酒吧吧枱、亦有方枱，三五知己食飯也不錯。日本餐廳總會注重細節，開餐前侍應會放一個壓縮的紙巾在杯中央，用茶壺倒入水，就變成了濕紙巾供客人抹手這裡除了供應廚師發辦外，亦可以散叫其他食物赤貝$48赤貝係我最愛食嘅貝殼類海產，刺身賣相精緻，赤貝爽口新鮮，顏色鮮豔，食落爽脆鮮甜雞翼$48燒雞翼我自細鍾意食，難得呢度有埋串燒，當然要食下雞翼啦。雞翼金黃香脆，內裡肉汁還很豐富，好味。牛舌$58牛舌厚薄適中，燒到金黃外面香脆，入口香濃，咬落仲有肉汁海鮮井$238今晚好想食海鮮井，這個海鮮井配搭好豐富，有蟹魽、海膽、魚子、蝦、帶子、拖羅、魚生等，全部都好新鮮、顏色豐富、色澤鮮豔。魚生肥腴，帶子爽滑、海膽又夠鮮甜甘香，成個配搭都好正，飯嘅份量又多，性價比高的一個海鮮井。KAGUA馨和啤酒＄58有佳餚當然要配美酒，今晚就叫了呢枝日本啤酒，泡沫細緻，味道微苦中帶點柚子味道，配食刺身也不錯。

Whenever I go to eat Japanese, I usually choose places in Central, Causeway Bay or Tsim Sha Tsui. So, when I heard Mong Kok and Japanese, I think ... eh ... no. It's not authentic. It's that strange Hong Kong changed Japanese food or just really scary looking sushi that'll probably get me sick afterwards and I stick with all you can eat.So, what was I doing here? In MK, eating Japanese? Well ... it was simple. A coworker highly recommended it to me.. This coworker only eat Japanese and is extrem

難得老公放半晏😎😎專程黎旺角食個lunch，無期待反而有驚喜，魚生丼飯set算幾抵食，相比尖咀某幾間嘅丼飯😄😄裝修幾日本feel，可能係平日嘅lunch time，唔算多人坐得幾舒服，更加提高食慾😆😆😆壽司定食😊無得自選前菜：沙律，毛茄面豉湯，蒸蛋，仲有啡色嘅係牛舌粒幾入味😄😄水玄信餅😍😍透明靚到好似水晶球，質感似軟身d嘅涼粉海鮮丼，新鮮足料

辛苦返左5日工，星期六日難得放假當然要約班朋友出黎食下野行下街啦，唔係的話遲早痴晒線。由於其中一個朋友好不幸星期六要返長短週，所以就佢方便去旺角食lunch。我叫左個海鮮丼定食，貪佢入面乜野都有，刺身樣樣齊，就咁睇2佰幾蚊好似貴貴地，但佢又跟埋前菜、沙律、茶碗蒸同麵豉湯同埋個刺身飯。除返埋，又好OK 喎。前菜有牛舌，我無食，比左朋友清埋佢，佢話好淋又入味。沙律酸酸甜甜好開胃茶碗蒸同麵豉湯都係水準之作黎，食個正餐刺身飯前先暖下個胃。刺身飯到了，每件都大大件又夠晒新鮮。至正係帶子同蝦，厚肉又鮮甜。食物同招呼都一流，環境又舒適，輕輕鬆鬆咁又過左兩個鐘 。

都有一陣子沒有去居酒屋了，今晚選了這間新開業不久的居酒屋吃個痛快～ 店不算大，以麻繩裝飾，並分格吧枱和雅坐位置，別樹一格。 鰻魚巻($88)，鰻魚肥厚足料，肉身鬆化，味道鮮美，加上其他牛油果青瓜餡料，口感味道一流！ 酒煮大蛤($78)，大蛤隻隻肥厚，鮮甜味美，讚！ 牛肉稻庭烏冬($108)，牛肉新鮮，剛剛熟的牛味是最香最濃的，口感嫩滑，一入口，小妹的心像被溶化了一樣～還有這款稻庭烏冬，口感煙靭，比起傳統白色肥身的烏冬好吃十萬倍！ 炸雞軟骨($68)，這個外皮脆，裡面軟骨夠甘香，有點像升級版的麥樂雞～好好味呀！

鮨心, 聽個名已充滿日式的感覺, 而且地點方便就腳, 在旺角地鐵隔離, 一座新的商業大廈, 今天唻食個LUNCH, 地方闊落, 裝潢甚有漁船感覺, 有好多麻繩, 又帶點日本傳統的風格, 三文魚、油甘、甜蝦、海膽、帶子、 蟹鉗、 吞拿魚及拖羅、共有8款, 仲有日本珍珠飯。 午市定食先來個沙律，沙律新鮮，有法國蘿蔔, 車厘茄, 粟米。 前菜有厚厚的牛脷，還有有星形的秋葵麵豉湯，茶碗蒸蛋，好豐富。 LUNCH SET叫了海鮮丼($238), 賣相不得了, 咩都有, 包括 最喜愛係甜蝦,好肥美, 仲有三文魚, 好有油香味道, 週末唻到, 太陽照射玻璃窗, 寧靜的環境, 及好舒適的卡位, 令人享受美食之餘, 也可同朋友暢談一個下午呀! 窗台見到好多美酒SAKE, 下次夜晚唻真係要試一試。

從來吃日本菜，只會聯想到尖沙咀、銅鑼灣這些地方。旺角區無可否認是有很多日本餐館，但此終沒有一間合我心水。最近聽朋友說旺角開了間高級日本餐廳，能夠吃到おまかせ料理，而且評價還不錯。到了出糧日子，當然要和老友豪一豪鮨心位於旺角一幢新開的商業大廈內，就在地鐵站A1出口，非常方便坐下不久，店員便介紹此店最著名的お任せset, 分別有$600和$800 兩款，豐兼由人お任せ的意思是指師傅每天選取最新鮮優秀的食材來為客人製作食材，全部由師傅發板，因此每次吃也會有驚喜!剛出糧當然要對自己好一點，來個$800 set吧等了一會，首先上枱的是精緻得像一幅畫的前菜，內裡有牛舌、白果、茄瓜、芋蓉、黑豆、奶黃醬蓮藕、汁煮花螺、日本白粟米、蕃薯和炸蟹仔。店員燃點起花螺，眨時間吸睛度爆登，立刻相機先食📸📸📸接下來是剌身三點，進食的先後次序，首先是榮螺，然後牡丹蝦，最後才到大拖羅榮螺沾了少許檸檬汁，酸酸的易入口，爽口又彈牙。牡丹蝦是新鮮貨色，嫩滑鮮甜。大拖羅入口即溶，肥美可口，想再encore大拖羅夾起像豬肉般，晶凝通透，真心唔捨得食今天的料理一品是魔鬼魚翅群，配以秘制的味噌汁，味道不單調。魚翅群香口入味，最後連個

十月天時依然好熱，唔想食熱嘢，所以食多咗魚生壽司，食得多嘴刁咗，今晚特別想食得好啲，去咗朋友介紹啲呢間。座大廈都好似新，但可能無行過，呢間鮨心開了幾個月，食評都是讚啲多。以繩索綑綁餐廳作為設計幾另類，入口左面壽司吧，右面普通位。最近要新鮮，有日本直送新鮮貨，走高級料理店路綫，我哋都唔客氣，先點個 $568 特上刺身拼盆，有八款，包括貴價的金槍魚腩及牡丹蝦，全部新鮮肥美，大大件，入口即溶。無飯唔會飽，先食個卷物，香蔥碎金槍魚卷，$88 客，有八件，紫菜夠脆，飯夠腍，好食。見咁多人讚，我都揀個鰻魚丼，切法配料都唔同，鰻魚切細件，包著成個飯，加埋蛋絲食，鰻魚汁不及其他地方唔濃，清有滑的好。

在旺角這麼喧鬧的地方居然有一間這麼清幽典雅的日本料理，實在是沙漠中的綠洲。餐廳裝修經過特別設計，一邊是吧枱，另一邊有開揚卡座，環境舒適。店員殷勤地介紹餐牌內容，由於不是太餓，所以點了一set“Omakase鮨心廚師發辦”~ $600前菜共有十款，好像迷你雜錦併盤一樣，款款精緻特別，有“小女子(炸魚)”, “酒煮螺”，“蛋黃蓮藕”，“咖哩牛傍”，“宮崎炸雞”，“核桃高野豆腐”，“有機黑豆”，“山芙”，“田和小里芋”及“芋頭毛蟹醋物”“山芙”是以麵粉混入海藻而成…。“核桃高野豆腐”跟一般豆腐不同較黏口。“芋頭毛蟹醋物”爽脆而略帶酸味，開胃美味。十款當中最搶眼的是酒煮螺，紅紅的火焰上碟很是漂亮！寿司有八款，亦是款款不同。當中以拖羅，深海池魚，三文魚生莱包，及金目錭最特別，食材全部新鮮美味，用料上乘！卷物亦是非一般的“干飄卷”，雖不知干飄真正是什麼，但美味依然！吸物是“松茸地雞茶壺湯”，外形嬌小玲瓏，清甜可口。最後是甘味甜品“抹茶奶凍”，以巨風提子及糯米糍伴碟，不失創意！從食物配搭中可看出廚師的心思，加上全是高級食材，雖然份量較少，但也不影響整體感覺，下次會試$800的“廚師發辦”。