鷹巢

營業中

休息中

同屋企人去食飯，都想坐得舒服啲，食得開心啲。 今晚就去咗 鷹巢 食飯，預祝母親節。我哋預訂咗 澳洲龍蝦嚐味海鮮套餐，非常豐富。一開始先有幾個小食：冰燒三層肉、蜜汁脆鱔同埋叉燒皇。我想講冰燒三層肉真係好香脆又夠味；叉燒王用咗半肥瘦豬肉，肉質軟冧；最好味係蜜汁脆鱔，皮脆肉嫩，起晒骨啖啖肉，好味道！芝士焗蟹蓋好啱小朋友食，大量蟹肉同芝士撈埋一齊，放喺蟹蓋上面，好睇又好食。原個椰皇花膠燉雞湯好滋補好好飲，椰子味好香，入面仲有螺頭同花膠，好足料！之後就到重頭戲：碧綠彩椒炒澳洲龍蝦球😍 呢個菜式擺盤好靚，色香味俱全！澳洲龍蝦球肉質鮮美，龍蝦肉結實爽口，輕輕調味已經好好食😋😋😋 大啖大啖龍蝦肉咁食真係好正，非常滿足～玉梨帶子係一個口感同味道都好豐富嘅菜式，香梨墊底解肥膩，上面係炸咗嘅帶子同蝦膠，帶子都好厚肉👍🏻媽媽最鍾意食荷香雲腿蒸龍躉球，分量十足，龍躉好新鮮，好有魚味，無乜骨，配咗少少金菇味菜等等調味，幾好食。食完咁多餸之後仲有南乳吊燒雞同蟹肉伊麵，呢個套餐真係好豐富。最後仲有棗皇糕同埋紅豆沙，大家都食到飽飽的。呢度環境幽靜舒適，下次同屋企人食飯都可以再嚟呢度！

四圍搵野食，可以試下呢間中餐。食物1）蝦餃（ok,睇相就知靚👍🏼👍🏼👍🏼）2）小籠包（靚靚地可以拿起；建議酣用小匙羹放落去，夾住個皮穿左，舊年肉掉咗落枱面，樣衰🤣）3）金牌叉燒王（好好味既肥叉，必叫👍🏼👍🏼👍🏼👍🏼）4）蜜汁燒鱔（又脆又好味，必叫👍🏼👍🏼👍🏼，D豆都好味）5）荷葉飯（好嘛嘛）6）清心丸綠豆爽（係熱既，ok) 如果叫叉燒同燒鱔，可以叫白飯，正👍🏼👍🏼👍🏼普洱茶，好唔得😞希望茶，可以做好D。飲茶都係想飲杯靚茶。我係覺得D水怪怪地☹️

呢間酒店喺旺角開咗之後我都想試吓鷹巢，根據我爸爸敘述呢間酒店同中菜廳以前係喺中環。所以諗住復活節長假期同爸爸去飲中午茶。公眾假期星期日，為咗免等位，所以一早已經預約定。當日去到其實客量唔多。裝潢嘅感覺好似大陸嘅酒樓。點心選擇唔多，而且冇乜太大特別，唯一可以講嘅係錦鹵雲吞，而家喺出面嘅酒樓比較少見。總括嚟講我只可以有兩個點心，覺得唔錯之外，其他都完全敗筆。比較好食嘅有：-第一款金巢香酥帶子芋角，口感表面香酥，芋蓉香綿，味道清香。第二款金牌叉燒皇，叉燒嚟講佢唔係特別好，只不過係成餐飯嚟講佢都算OK，切到成3cm厚，女士見到有啲卻步，始終女仔都係鍾意細細件咁食。但係食落去肉質鬆軟，有一貫叉燒嘅質素。其他當日點咗嘅點心同菜色有：-1. 蜜汁燒脆鱔 - 勁咸，咸到食唔到任何味道，鱔皮都算脆嘅，蜜汁完全唔多覺。2. 韭菜蟹肉酥 - 一般過一般，完全食唔到有韭菜味，莫講話蟹肉，蟹味都唔多覺有。3. 福建炒飯 - 都係一個字《咸》，完全食唔到其他味道。4. 錦鹵雲吞 - 好失望嘅一道餸，首先個炸雲吞，一啲都唔鬆脆，仲好似潮咗咁，咬落去濕濕淋淋一啲都唔脆。仲有塘油喺底浸住啲雲吞，食到成口油。濕料方面，汁

難得放長假緊係同屋企人出去食正嘢啦，今次再次嚟鷹巢，上次嚟過覺得幾好又近屋企，所以今次再嚟試多啲好嘢。今次主要食咗點心，真係有水準㗎！首先係順德煎釀尖椒，尖椒煎完仲好juicy唔會乾晒，襯埋煎釀魚肉食好有口感，十分香口。跟住係酥脆蘿蔔絲腸粉，好有咬口，入面真係脆卜卜，唔會蒸到淋晒，味道都啱啱好，正！燒賣就不嬲知係正野，今次嚟食依然keep到個水準，鮮味彈牙香麻醉蛋散，炸得好靚炸到金黃，入口鬆化，好香最後緊係要嚟個甜品啦，我就叫咗楊枝甘露布甸。呢個幾有驚喜，分量適中，透明器皿裝住，可以見到入面係有層次嘅，好特別。味道小朋友老人家都適合，唔會太甜。總括嚟講都幾滿意，野食有水準，服務唔錯，環境寬敞，一定會再幫襯。

嚟緊長假期咁開心，所以跟啲同事去食好嘢，今日我哋揀咗喺公司附近嘅鷹巢中菜廳，呢度環境幾好，地方闊落，可以靜靜地嘆番下。 啲點心幾好味.  今日食咗: 蛋黃千層糕 - 其實已經好耐冇見過，一啖淡嘅奶黃夾雜着蛋黃鹹香味，據我所知因為工序好煩複, 已經買少見少了另外, 上湯牛肉球 - 牛肉球係我必食嘅點心。平時食嘅都只係山竹牛肉，呢個幾特別，用上湯來熬製，香濃美味.  仲有, 甘筍鹹水角 - 佢嘅造型好特別，真係成個甘筍咁，啱晒嚟緊復活節嘅感覺，鹹水角嘅皮亦都好煙韌, 皮薄, 亦好足料沙律春卷，春卷嘅賣相好靚，佢特登整咗啲沙律菜好似一束花，好有心思, 同埋脆卜卜，啱晒我。 帶子碧綠海螺棧 - 啲帶子好鮮甜，海螺肉質爽口，好清新。 陳皮燉雪梨 - 好滋潤又清甜，佢真係有成個雪梨上，可以雪梨肉都食埋。

之前已數次光顧過這個餐廳，雖然服務一般，但整體食物水平不錯。想不到今次再來幫襯迎接我的竟然是連大排檔也不如的服務水平！由於今次是我請客，所以我一早便通過餐廳WhatsApp訂枱，並預訂好食物及預留車位俾屋企人。點知當日去到酒店的valet parking時佢居然話我個車牌已經俾餐廳取消左俾左另一架車（後來上到去見到餐廳另一邊擺緊酒，明晒！）！雖然我已經即時打俾餐廳要求佢地跟進，但最後係完全沒有人理過我的，問返職員時佢第一句竟然係show俾我睇個WhatsApp，話呢個係餐廳既意思，「唔關我事」，最後要交涉一輪先「施捨」個本來一早已經reserve 好既車位俾我地。後來到達餐廳，上菜時我又發覺點解食物同之前reserve既唔同。搞完一大輪後發覺原來佢地職員將四月一號先effective既set menu send錯左俾我。雖然佢地一早發現左，但竟然喺無通知個客既情況下「自把自為」將我個澳洲龍蝦餐換成普通龍蝦餐，如果唔係我再三要求check單，佢地根本完全唔會承認自己做錯。雖然後來被迫「硬食」的食物水準尚算OK，但成餐飯已經乜野mood都俾佢搞到無晒，背脊骨落。這裏的服務態度連屋村酒樓都不

這間略有名氣的酒店中菜，家中老人想再吃一遍很久了，今日終於安排好去吃！6時去到人不算多，但再過了些許，就有數檯人客跟著入座，還好早來。中菜餐廳環境尚算闊落，感覺頗舒服。據說他們的叉燒很有名，不得不試，所以我們一家人點了一個4位用含「皇牌叉燒」小碟的北京填鴨歡聚套餐，連同兩款甜品總共8道菜，價位$1488，很親民呢！先上三小碟，份量多到可稱為大碟，厚切的皇牌叉燒真是很出色，家中小朋友一吃再吃！而醉雞的雞肉很嫩滑，絕對不是雪藏雞肉做到的效果。再來是一鴨三味，先是北京填鴨，燒得金黃又脆，而超薄的餅皮亦有火爐控溫，搭上片皮鴨，很Juicy 好味! 然後上檯的是豆腐時菜鴨件湯及生菜包鴨崧，鴨湯味濃而不膩，而鴨崧就很香口惹味，都很不錯!之後輪到十分清甜的日本南瓜賽磅蟹，蛋白中真的有蟹肉，易入口，小朋友大愛，唯一難處理是搲南瓜肉! 最後一道主菜龍躉配蝦乾肉片籠仔蒸飯，它的蝦汁鼓油大有畫龍點睛效果，帶起飯香。最後，甜品上場，雙色荷花酥造型很精緻，相機一定食先，而煮到起沙的紅豆沙配上百合蓮子真的很清甜，做到消膩的功效。這一餐酒店中菜，老人細路都飽到上心口，大家都滿足!

鷹巢和希爾頓酒店也是老一代香港人的回憶, 那時候的應酬, 是Hi-End的粵菜餐廳, 同時也是一個豪華舞廳, 聲色犬馬就是它的代名詞. 現在的希爾頓, 是以比較相宜定位的Garden Inn副線作營運, 其粵菜餐廳以鷹巢為名, 不求很多Luxurious的享受, 只求有水準和質素的粵菜美食就夠.新的鷹巢當然不是由舊鷹巢人主理, 但其招牌之復古, 相當得我心. 這裡的叉燒相當有名, 用上半肥瘦叉燒, 烤的燶邊焦香不苦而且夠脆, 爆汁而且相當嫩滑, 再加上本身的厚切, 吃起來相當滿足. 另外點了沙巴龍躉, 以蝦籽和菇菌炒製, 魚味本身比較淡, 配以較濃和鮮味的食材, 吃起來味道啱啱好之餘, 又不會影響其嫩滑的肉質.炸子雞外皮香脆, 肉質有點死實, 幸好雞油夠香, 沒有雪味, 雖說是幾道菜式中比較落筆打三更, 但也算合格. 很少和朋友吃飯會點Carbo, 但見到這裏提供蟹肉伊麵, 突然很懷念以前飲宴的味道, 於是點了它去品嚐. 吃起來就是熟悉的味道, 濃厚的芡汁, 大量韮黃和蟹肉絲, 還有口感腍中帶爽的伊麵, 吃罷相當滿足.Eagle Nest is the original Cantone

情人節唔想同人逼、又唔想次次食西餐，於是來點新意思，同男朋友提早一晚慶祝情人節，兼試下高級中菜😋。由旺角朗豪坊步行7️分鐘就到位於旺角希爾頓花園酒店2樓嘅「鷹巢」中菜廳，旺中帶靜，非常方便！細食嘅我哋今次揀咗「鷹巢精選嚐味二人餐」(雖然最後都係飽到攬住個肚😝)。鷹巢精選嚐味二人餐：- 金牌叉燒皇 拼 冰燒三層肉- 芝士焗蟹蓋- 萬壽果燉海中寶- 意大利黑醋豬柳- 鮮瓷實濃雞湯浸菜苗- 薑米蝦仁蛋白炒飯- 桂圓蓮子燉桃膠 拼 杏香荔蓉綠豆酥 📣推廣限定 (兩位用)☑️ 星期一至四 $688☑️ 星期五、六、日公眾假期及前夕 $788 🗯推廣期由即日至2023年3月31日 (早食早享受🤫)🐷金牌叉燒皇拼冰燒三層肉燒肉卜卜脆、叉燒切得好厚身，入口煙韌，蜜汁鮮甜！🦀芝士焗蟹蓋是晚No.1最驚艷嘅菜式！精緻嘅金蟹形食器令人忍唔到嘩一聲叫出嚟。芝士焗到燶燶地，香味四溢，蟹蓋裡面嘅有一絲絲嘅蟹肉同洋葱粒，增加爽口滋味！真係好想encore多一隻！🍲萬壽果燉海中寶是晚No.2最回味菜式，所謂「萬壽果」即係木瓜。我本身唔中意食木瓜，但呢個木瓜真係燉得超甜😍！木瓜肉入口即溶，燉湯嘅材料豐富，有竹笙碎、菜心片、蝦

為了餞別移居的朋友, 又想多點時間吹水, 於是我們努力尋找沒時限的中菜食府。  其中一位FD 曾幫襯”鷹巢”, 說座位寛敞、味道不差、適合吹水, 所以我去 openrice 訂座, 有主食餐牌免加一優惠。我訂完座後, 也打去”鷹巢”查問菜式。員工很熱心whatsapp menu 給我, 態度很好。看過menu 和食評, 我們是8大2小, 決定不叫套餐, 全部散叫~ 因為食評中曾提及有些菜式沒提前預訂是未能供應, 所以我跟朋友們先擬定一份菜單, 然後 whatsapp 給”鷹巢”, 讓他們事前能作好安排。基本上我們叫了6個主菜 + 1個湯(每位) + 1個甜品(每位) :1. 金牌叉燒皇配秘製蜜餞豆 (例8件) $218 : 用小蠟燭 heat 住上枱, 每嚿都係厚切。我們自備食物小剪, 將8大件再切, 變成16件。味道真係好香口, 鬆軟。焦燶地方不多, 如果不喜歡焦燶, 這道菜式正合你心意2. 北京填鴨 (二食) $638 : 隻鴨 size 適中, 員工片鴨功夫不錯, 片皮鴨餅皮則以紙分隔每塊餅皮, 不會黏在一起, 幾細心。至於炒鴨鬆, 我覺得調味比較乏味, 不太吸引胃口。3. 當紅

大年初一往飲茶，簡評如下：服務不錯，店員有禮貌；但去食肆當然以食物為先，因之前幫襯過覺得質素不錯，所以年初一揀咗呢間飲茶，經 openrice 訂位順利！大部分點心不夠熱；腸粉皮厚，蝦餃皮厚及比較干身；最差的是那籠仔荷葉蒸飯，又干，蝦干完全冇味，那幾粒魚尚可，有幾片深色物體相信是牛肉，因忘記蒸飯名稱。食剩了一半打包回家，點知黏著荷葉的飯竟然是整塊微黃又硬的飯焦！今次真係大開眼界，做有飯焦的蒸飯難度頗高罷！服了你鷹巢！

經OpenRice 買左棗皇糕，要3 日前電話預訂取貨，職員仲好好問定你大約幾點會拎。取貨當日跟返預約時間上去，基本上冇其他人拎糕，唔知點解幾個職員要周圍去搵糕🫠🫠🫠，最後等着大約15分鐘先拎到。大約一個鐘後番到屋企，發現糕仲係暖的，應該係酒店未等啲糕凍，就用膠袋密封抽真空（終於明點解要等咁耐）⋯ 結果底糕頂部黐住膠袋，成唔到型😑好彩自己買黎食，味道是ok的，同難得新鮮製造不過就一pat嘢咁😓😓😓

之前已經來過多次, 包括飲茶和晚飯; 不過前幾日又有大型公開活動在這裏舉行, 所以也寫一篇吧這裏是希爾頓酒店內的一間中餐廳, 裝修一流, 算是在旺角區比較罕見的.食物質素算是上乘, 之前來過多次也沒有令人失望. 他們這裏的蜜汁叉燒堪稱一絕. 肉質鬆化, 多汁, 味香. 個人認為這裏的叉燒在香港是數一數二的這裏的點心或小菜也很有特色, 每次經理亦會介紹他們新的菜式給食客. 在這個環境下, 帶客戶過來也完全沒有問題地點方面比較是遠離旺角中心點, 從地鐵站行過來也需要8至10分鐘, 當然揸車就絕對冇問題啦酒店的附屬中餐廳, 質素始終有保證

今日同同事去附近嘅中菜廳鷹巢飲茶🫖，就嚟農曆新年，好想食吓啲糕點之類，就叫咗個香煎三色糕，養顏新疆棗皇糕嚟試吓。 幾好味喎，佢個三色糕有蘿蔔糕，芋頭糕同埋年糕，蘿蔔糕同芋頭糕都好足料啊，啲蘿蔔同芋頭一粒粒， 好有層次，啲瑤柱臘味嘅鹹香味都好出色，我嘅至愛係年糕，煎得好香脆，好有椰香味，裏邊煙煙韌韌，唔會過腍，好好味呀。 到棗皇糕了， 啲紅棗同薑味都好配合，好清新，又唔會太甜，真係健康之選。 見到張枱有份宣傳單張，原來佢哋賀年糕點做緊七折，好抵喎，我都忍唔住手訂咗幾底糕返屋企食

話說啱啱秋風起，想帶屋企人食啲嘢暖身，咁啱發現呢間中菜廳有齊羊腩煲同蛇羹食，即刻就book枱帶屋企人嚟食今次係我第一次嚟呢間中菜廳，有幾樣嘢都好值得贊服務超好，員工好好，動作好快，加茶丶叫野食同執枱都快靚正。環境好舒服，間中菜廳喺酒店入面，坐位幾寬敞，全個場都有落地玻璃窗，可以望到出面環境。今次我哋order咗個4人餐「滋補蛇羹羊腩煲套餐」，重頭戲緊係羊腩煲同蛇羹啦，佢哋個蛇羹叫花膠五蛇羹，又真係冇呃人，真係食到花膠，啖啖滿足，好足料，食完成個人都發熱，口感都啱啱好，唔會覺得稀。仲有另上配料可以自己加落去食。唔係講笑，嗰日食完全日都覺得個人好暖羊腩煲比我想像嘅大煲，配料好豐富，有冬菇，枝竹，荀，馬蹄⋯ 重點係一啲都唔臊！呢個真係好驚喜，羊腩都好軟，好好食