麵道 (已結業)

拉麵店越開越多, 連荃灣呢個小區都唔例外. 放假行商場見呢間新開, 幾多人WO, 唔執輸又試下先.义燒溏心蛋龍蝦豚骨湯拉麵, MENU寫湯底由龍蝦頭, 蝦殼, 蝦籽熬成, 再加入豚骨湯, 先飲一啖, 好濃郁既蝦鮮味, 有D似龍蝦湯, 豚骨味較少 , 但仍有豚骨既黏口感, 而且帶少少辣味.拉麵可自由選擇軟硬度, 揀左適中, 食落口感好彈牙爽口, 食到尾都唔覺拉麵浸腍晒. 义燒稍為煎過, 特別香. 脂肪同肉既比例各半, 口感軟腍入味, 但唔覺肥膩, 义燒亦唔會太薄.煎餃子, 食拉麵既絕配, 煎到隻隻金黃色, 但唔油膩, 皮夠薄, 網紋脆卜卜, 餡料又夠豐富.特色綠茶可樂, 淡淡既綠茶味, 似梳打水既有汽飲品, 幾清新.整體食物質素很好, 服務員各位都好有禮貌, 環境好舒服乾淨, 下次會再黎食下雞白湯底.

趁著復活節假期，跟隨荃灣的朋友來尋找美食 ! 近年日本正宗拉麵在香港大行其道，當中有很多高水準，今天就來到荃灣千色匯的京都拉麵店 - 麵道，試一下是否有日本大師的手藝 !假日下午2:00的時間，依然有少量人排隊，也算旺場，大概花了10分鐘就能入座。這裡的拉麵是每日限量發售的，人氣的濃厚雞白湯已經沽清了，想吃的話下回請早吧。靜岡綠茶可樂這牌子的可樂在其他拉麵店試過了，但精美的設計跟味道令人一試再試。帶有淡淡清香綠茶味的可樂，非常爽口怡人。叉燒溏心蛋龍蝦豚骨湯拉麵我點的龍蝦豚骨湯拉麵，麵質是中度，爽口彈牙。 湯底是固定，龍蝦殻熬成的湯濃郁鮮甜，再加入豚骨，油潤不膩口 ! 叉燒肥瘦剛好，炙燒後非常香口惹味 ! 定番的溏心蛋亦煮得很入味 ! 吃到一半才發現龍蝦豚骨湯還有兩小塊餃子，這一刻就像發現了寶藏 ! 特盛叉燒溏心蛋醬油豚骨湯拉麵友人的豚骨湯拉麵，特盛比普通的多兩件炭燒叉燒，麵質跟濃度都點了中度，再追加辛味，辣度吃起來只是一般，雖不及龍蝦湯香濃，豚骨湯反而比較香滑黏口， 再加上甜口的醬油，也是出色之選 ! 麵醬青瓜吃完拉麵後才發現，正做期間限定的優惠 ! 使用指定App內優惠就能免費獲贈前

今日去左荃灣新開既拉麵店，一去到見到成條龍勁多人等位，本來都唔係好想等但係媽咪又好想食拉麵，就陪佢排咗10幾分鍾，都幾快有位。一坐低就叫左兩個拉麵，拉麵仲可以配小食同埋飲品。分別叫左個叉燒糖心蛋醬油豚骨湯拉麵同雞叉燒雞白湯拉麵䈑筍夠新鮮！裏邊仲有一隻溏心蛋不過啲湯就有少少咸。胡麻蘆筍好特別，筍好新鮮，爽脆翠綠，唔會太腍，筍面淋上白色沙律汁，再灑上紅色㗎蟹子，筍切成小段，唔會太長，方便嘴嚼，蝶邊淋上另類帶酸味㗎沙律汁，引起食慾，最後我係一個人食晒整碟，好健康！牛肉野菜沙律，菜夠新鮮，牛肉細細嚿，鮮肉味配合新鮮蔬菜，好健康！最搞笑係有個新飲品，叫綠茶可樂，我之前都無飲過，一黎到淨係個樽都夠晒特別，飲落夠凍又好有氣，食完熱麵，飲落肚，好舒服，好正。叉燒豚肉拉麵，麵質有咬牙，湯料好足份量，有爽口木耳絲，大大粒㗎溫泉雞旦，配搭埋蔥粒，食落肚時，媽咩寫完話「好有滿足感」！

第一次光顧這間小店，賓在驚喜萬分，而且愛上拉麵首先說說「特盛叉燒溏心蛋醬油拉麵」，盛惠＄８８，特盛是指多兩塊叉燒，但叉燒微煎，脂肪比例剛好，入口即溶而男朋友選了特濃湯底，超Creamy!!!我就選了龍蝦湯底，也是超美味！湯底充滿蝦的鮮味，相道是店家使用大量蝦頭及蝦殼熬製而成，然而卻未加入其他「味精」，那種「鮮」是無可取替～（吃完是不會口渴的）最後是送的醬油青瓜，也是脆脆的，沒有青瓜的苦澀味十分回味的一餐～下次會來的！！！

經過荃灣千色店, 試左麵道~~幾中意佢有有新鮮蒜頭提供。可以自己夾蒜蓉好正。前菜食左炙燒牛肉野菜沙律。炙燒牛肉幾滑，如果多少少更加好。黑醋沾滿野菜，酸酸甜甜咁好快食晒。嗌左叉燒味玉醬油豚骨湯拉麵。日式叉燒係半肥瘦嘅，唔會太瘦無脂香。微微煎香令燒更惹味！個拉麵湯底揀咗特濃的豚骨湯。我個人覺得幾夠味，如果中意淡味d，可以響餐紙填番。幼身的拉麵幾腍滑，“索”晒d湯。響荃灣黎講算高質。唔洗下下過海先食左正拉面都幾開心。

上次經過已經見排晒隊, 呢晚特別過黎再睇下, 時間尚早唔洗排, 但入座都8成了.呢度主要有幾種湯底, 有醬油豚骨, 海老豚骨,  雞白湯, 各有特式.仲有特式支裝飲品, 叫櫻花可樂, 由日本進口, 賣相都靚過人. 味道唔似可樂, 係酸酸甜甜, 好易入口.特盛义燒溏心蛋醬油豚骨湯拉麵, 有成4片大义燒, 落足料, 唔會太肥, 軟腍有口感. 湯底豚骨味濃, 唔太油.拉麵麵屬幼身, 好爽口, 硬度恰到好處, 份量亦剛剛好.要多款天婦羅無骨雞翼, 外面炸到好脆, 面頭仲有D炸蒜, 好香口. 以為一舊食, 原來餐廳好貼心已經切開一舊舊, 仲要無骨. 肉質嫩滑唔鞋, 幾入味.

OT 後回到荃灣,只想盡快搵個地方醫肚, 於是同事帶我黎到呢度試拉麵晚上9 點幾已經冇乜人等位, 順利入座~這間拉麵有每日限定款式, 海老湯底一早已經賣晒, 太遲黎到試唔到, 所以試左個最穩陣的醬油豚骨拉麵($78)同好多拉麵店一樣, 自己點餐, 可以揀配料, 拉麵粗幼軟硬度枱上放有不同的調味料, 仲有蒜粒 (真係一粒蒜!)拉麵來了~ 賣相十分唔錯先試湯底, 味道很適中, 唔係勁濃勁重味精果種拉麵選了中等硬度, 口感很好 ; 豬肉幾淋口, 唔會過鞋~整體比想像中好得多, 亦比以前試過的拉麵好食環境很舒適, 坐位唔會太迫, 可以有下次的拉麵!

今晚又過荃灣幫Eagle買糧，晚飯還不知道要吃甚麼好，走著走著來到麵道，門口一條人龍，心癢癢想試，於是行多一會，過了最高峰的人龍後再來排隊⋯喜歡日本拉麵，因為日本的師傅都很用心製作，客人吃的除了味道外，還有師傅的誠意與熱情，在麵道我們同樣找到了這些傳承⋯店內裝橫、餐具、服務員的衣著，甚至播放著的音樂都充滿日本地道小店的風情，讓客人置身在日本一樣，所有服務員都有禮和熱誠，非常難得﹗麵道的拉麵有3款湯底，分別是醬油豚骨湯、伊勢海老豚骨湯和雞白湯，其中最受歡迎的是伊勢海老豚骨湯，而雞白湯則是期間限定，我們入座後幸運地還能試到伊勢海老豚骨湯，這款湯底通常一早就賣光呢﹗客人可以自己在點菜紙上填寫，拉麵可以選走蔥和走木耳，更加可以填選拉麵的軟硬度，非常細心～枱面上還放了各式調味，前菜是牙菜，空口食非常辛辣，喜歡吃辣的朋友不妨加在拉麵裡；另外有蒜頭夾及新鮮蒜頭，讓客人可以按自己喜好加進拉麵中；此外亦有白芝蔴，客人可以將白芝蔴倒進磨器裡自行將芝蔴磨碎，磨碎後的芝蔴更加香，加在小食上或拉麵中亦可⋯櫻花可樂(左)和靜岡綠茶可樂(右)我覺得一定要試，櫻花可樂是甜甜的波子汽水糖味，又有點像兒時吃的水果吹波膠味

識我既朋友都知道我住將軍澳，今日中午突然間想食拉麵，特登揸車入荃灣接媽媽放飯食lunch，首選麵道。日本拉麵店。來自日本京都的拉麵。先叫一枝抹茶可樂。抹茶和可樂的配搭好新穎，茶味唔算好濃好突出，清清茶味和可樂，味道新奇有趣。餐廳主推3種湯底：醬油豚骨味、龍蝦豚骨味和雞白湯味。今日我選擇左醬油豚肉湯底。豚骨味道鮮甜濃厚，味道偏濃但甜鮮度頗高，叉燒燒香再煮，非常香口軟腍，最愛溏心蛋，流心度令人驚喜。再叫多個燒汁餃子。

為左碗拉麵，你可以去到幾盡？由港島的柴灣站，萬里長征黎到荃灣，只為一碗拉麵。主打3款湯底的拉麵，有醬油豚骨、龍蝦豚骨和雞白湯。每日限量發售，有錢都未必食到架。我黎到已經賣哂雞白湯拉麵啦，好想試下雞肉叉燒。先黎一枝靜岡抹茶可樂。茶味清清的唔算好濃，可樂配抹茶好特別呀。灸燒牛肉沙律。用上芥末沙律醬，味道清新開胃，配上灸燒牛肉，香口滋味。特盛叉燒溏心蛋龍蝦豚骨湯拉麵。加上蝦油，味道濃香滋味，豚骨湯香濃鮮甜，味道偏重好惹味。叉燒薄薄一片燒得香口，增加味道層次，最鐘意流心溏心蛋。

上次食牛摩已經望到隔離間拉麵店好多人，即時同老婆大人講左下次要試下呢間。今日放假過開黎幫寶貝仔買生肉糧，終於可以試到啦。可能今日仲早，條人龍唔太長，等左一陣就入到了，佢地安排得好貼心，兩個人都可以坐四人檯，唔駛搭檯，所以感覺唔會好逼其實入黎前喺門口見到有個牌，倒數緊佢3款招牌麵剩餘數量，見伊勢海老豚骨只剩幾碗，一直好心急，好驚賣晒，所以一坐低立即落左單先。呢度可以自己磨芝麻前菜有小小辣識食一定落蒜粒小食先黎天婦羅無骨雞翼，啲芝麻係我自己加架，好香呀，雞翼無骨，寧舍好味嘅跟住係芝士燒餃子，剛剛燒起，小心燙口，芝士唔會太濃，唔會太「漏」老婆大人嘅叉燒溏心蛋龍蝦豚骨湯拉麵我比佢貪心啲，叫特盛叉燒溏心蛋龍蝦豚骨湯拉麵，特盛就係多佢兩塊美味嘅叉燒啦。湯底微微辛辣，刺激你嘅味蕾，再加入左龍蝦頭、蝦膏等，令口感層次更豐富，湯都比我飲晒飲品方面，選擇左靜岡綠茶可樂同富士山櫻花味可樂，飲到淡淡的櫻花或綠茶味，正可沖淡剛剛拉麵濃濃嘅湯底味道，感覺好舒服。最後埋單3百蚊有找，兩個人食到咁高質素拉麵同小食，值得回頭，下次過黎要試下另一款湯底先

餐廳的裝修都頗有日本風，而牆上這幅畫更顯一分型格。為方便點食物，也是用這類餐紙，不錯。先來一碟小食：天婦羅無骨雞翼。令人驚喜的是單看外表完全看不出已去骨，因為雞翼的外型還在，很有趣。也能夠看到肉的份量也不少。外層不像一般的天婦羅味道，脆得來咸咸的，很惹味。而肉質也很嫩，有不少肉汁。主角是叉燒溏心蛋伊勢海老豚骨湯拉麵，最突出的是湯底，很濃，蝦味較為突出。更驚喜的是溏心蛋，真的超流心。不過內層較涼，如果能做到與湯的溫度相約就無得彈了。最後一定要一提這個蒜粒，是個人特別喜愛的。雖然吃了有會有口氣，但真的抵不了那份美味！

今次黎到我主場荃灣，荃灣城市中心一樓二間麵道。之前經過經常性都會大排長龍，當晚是平日夜晚八點左右竟然不需要排隊，所以就立即衝入去試吓。店舖裝修與日式設計，簡潔舒適。除了二人及四人座位，還有一人座位，方便一個人的時候都可以進食。餐牌主要以食物相片來展示，用日文中文及英文來對照，方便不同客人選擇。主要有三款湯底提供，醬油豚骨、雞白湯、伊勢海老湯湯底每日限量供應，售完即止。感覺矜貴。除了拉麵，還有幾款小食可以選擇。有開胃前菜沙律炸物餃子。原來呢度會有兒童餐選擇的，面量較少但會送一支益力多，價錢亦平了感覺都不錯。個人一向喜歡食辣，所以今次點了製作繁複的伊勢海老湯底，做法先烤好龍蝦頭、蝦殼、蝦膏、蝦籽，加入豚骨煲成蝦湯，再加入蝦油製成的。入口鮮香味濃，口感層次豐富，令人齒頰留香。小食我點了依個天婦羅無骨炸雞翼，無骨雞翼食的時候非常方便，加上用天婦羅炸過口感香脆，再加上七味粉調味，口感惹味香脆，價錢只是＄18非常抵食，必叫！還有坊間少有的日本綠茶及櫻花味汽水。

不知道大家有沒有 comfort food, 小妹的comfort food 就是日式麵放假在千色匯行街, 見有一間未試過的日本麵店, 立即就衝入去食這兒有來自日本的特別汽水, 我就要了一支櫻花味的汽水, 這汽水看來是粉紅色的, 味道是一種新奇怪誕, 很難去形容 雞肉叉燒溏心蛋 雞白湯拉麵叉燒相當柔軟又不算是太肥膩的那種, 雞肉夠雞味也香口, 溏心蛋的糖心程度亦令人滿意, 麵是幼身的而且煙煙韌韌, 好有咬口感, 最有驚喜的就是這個雞白湯的湯, 味道很重雞味, 既濃香又不肥膩本來已經很飽肚, 但又忍不住口, 又叫了一個 芝士餃子 來吃, 這個餃子煎得很香, 配合厚厚的芝士, 真是邪惡到一個點!吃得飽飽, 繼續去 shopping!

清明節假期, 突然想出街食麵, 所以就想起荃灣這間“麵道”。為了唔想排隊, 專登等到晚上9點幾先去食, 去到都仲要等三張枱, 大概10幾分鐘便有位了。我叫了豬⻣湯底, 淡味, 少油, 麵質適中, 有温泉蛋的拉麵(可自選的, 十分好好好), 另外再叫了煎餃子。雖然叫了淡味, 反而突出了麵和湯的純味道(因本人唔喜歡鹹味或味精食物)。而且麵質好好, 真的想添多碗。。。。。。 但已經9:45pm了, 怕再食就肥死喇,哈哈！餃子煎得好脆, 內涵就是ㄧ般, 不過不失啦!