黑木 (已結業)

門面完全係高尚嘅日本餐廳，心諗男朋友做咩無啦啦帶我食好嘢，但係翻翻Menu，價錢尚可接受。店員安排我們坐bar桌，就像傳統日式居酒屋內的相片般，10分地道。本來沒有想着要吃得非常油膩，前菜點了些蔬菜，例如溫室蕃茄和粟米刺身。想當年在日本吃過一次粟米刺身以後也沒有再接觸過，想不到今天在香港能回味一番。粟米刺身10分爽甜，粒粒有味，用烹調也有這樣的味道，證明食材10分新鮮。蕃茄也十分鮮甜，加上海鹽調味更佳👍🏻A4和牛串的肉質十分好，吃完一串以後很有那個衝動再order一串，但小資女還是要好好看顧荷包🙊所以以牛舌代替。最後結賬大概$450左右人頭，吃完以後看食評才知道他們的串燒omekase才是signature，這正正留給我下次再光顧的藉口。

嚟到尖沙咀小巷裏一間日本串燒燒烤店，呢度同城市既繁囂隔絕。今次係為咗佢嘅串燒omekase慕名而來。但詢問過是日菜單，不太合心意，所以最後還是散叫。店員推介粟米刺身做頭盤，好奇何謂粟米刺身，原來係日本新鮮運到未煮過嘅粟米。第一次食所以好友驚喜，粟米本身好多汁同埋非常鮮甜，亦都非常爽口。冇諗過粟米可以咁樣食🙊另外叫左自己最鍾意嘅雞泡魚干，一邊喝酒一邊聊天，是自己最嚮往的居酒屋之夜。另外要highlight嘅係油金魚餃，饒我無知，我一開頭以為係餃子，點知原來係油甘魚 - 餃嘅位置😂自己本身唔係太鍾意食日本烹調嘅魚，但呢一種燒法都依然能夠鎖住肉汁，加上肉質亦都10分鮮嫩，就算吾點酸汁亦都very oishi! 雖然呢間串燒嘅門面好似10分昂貴，但係勝在串物都唔算太貴，食物質素亦都10分高超，絕對係一間under rate左既居酒屋。值得一試！

想不到尖沙咀韓國街竟然會有一家隱世日式串燒店，他們沒有閃亮的招牌，也沒有冠冕堂皇的門面。只是謙虛的，靜靜的坐在街上一角。而他們的作品卻是「禾桿冚珍珠」他們的串燒選擇眾多，其中以串燒雞肉棒最值得推介。除了加了大葱外，還有小許雞軟骨混入。令到串燒有香味之除還有小許嚼勁。前菜三重奏中的三文魚嘴是開胃菜必選。酸甜的味道可以令人垂涎三尺。醃製過後的三文魚嘴變得煙韌，十分有趣，很少地方可以嚐到這小菜。串燒牛舌是必點串燒之一，坊間一般都會薄切烹調，而他們卻選擇厚切奉上。這樣能更加體驗肉質，會保持牛舌中的水份。真的十分喜歡牛舌爽口彈牙的口感日式串燒不是只把食材放上竹籤上烤熟，而是一看心思細密的工作。在品嚐的過程中你可以吃出師父的心機和細膩的準備功夫。他們都只會默默的工作，因為碟上的串燒已是口碑最好的証明。

今晚想出街食飯，去尖咀吹下海風望下海景發呆之後就上openrice揾食。結果見到呢間食評唔錯就試下。溫泉玉子沙律 78hkd點左呢個作頭盤，都幾唔錯。簡簡單單，為之後嘅肉打打底。安格欺牛扒 168hkd好味，有重嘅牛味，呢度燒牛幾得。燒銀雪 138hkd又香又滑，塊皮都燒得好香脆，我好鐘意！A4和牛串 160hkd有三舊，係唔平但值得。好香，入口有即溶既感覺。肉同脂肪分佈好，咬落啲汁即刻爆出黎，好正。店細細，但嗰晚去都滿座，下次塊係book定位好啲。

門口細細不顯眼，只有一道日式木門及一盞黑木招牌燈，拉開門欲感受到十分熱鬧，舖面大不約有二十多個座位，加上開放式廚房，甚有日本橫街窄巷的地道居酒屋小店風格。天氣悶熱，點杯Suntory Premium 黑啤消消暑，入口順滑醇香。白蔥雞，雞肉吸收了白蒽香，白蒽亦吸收了雞肉汁，十分㚒配。雞腎彈實，燒得香口惹味。牛舌軟彈，牛味濃郁。沖繩豚手，上枱賣相已經十分吸引，豬手是先炆過再燒，十分入味。入口即溶，膠質粘口。明太子飯團，飯團炸得香脆，米飯煙韌有嚼勁，配合明太子的咸辣香及紫菜的香脆，口感味道多層次。吃日本菜，無論是什麼類型，我看到燒日本迷你蕃薯都必定會點的。皮燒得香脆，入口軟綿，甜味香潤，很難令人失望。

裝修簡樸木傢俬為主， 日本居酒屋風味， 餐廳以日式串燒 燒烤為主打，客人坐上吧檯 上 ，一邊享用美食，一邊欣賞師傅燒烤的手藝， 簡直雙重享受 。燒銀鱈魚$138銀鱈魚外皮燒得金黃焦脆， 充滿油光 ，魚油好豐富 ，在口中慢慢滲出來， 魚肉雪白，紋路清晰， 吃完滿嘴魚鮮， 令人回味。白蔥黑豚肉 $38香甜嘅白蔥在口中爆發， 一啖香蔥，一啖滋味黑豚肉，最佳拍檔 ， 令人想一吃再吃。羊扒$88新鮮嘅羊扒 ，肥瘦適中， 燒得剛剛好七成熟 ， 帶小小淺粉紅色 ，肉質細膩、 嫩滑 ， 不需要多餘的調味， 配上芥末籽醬 ，更加惹味。明太子茶漬飯$48明太子飯團外面金黃焦脆， 賣相吸引 ， 將飯糰放入清湯裏， 便成日式茶漬飯， 飯糰吸收了清湯鮮味， 別有一番風味， 吃到最後也不覺得肥膩。菠蘿$28新鮮菠蘿片香甜多汁，燒烤之後，香味四溢， 酸酸甜甜， 令人胃口大開，亦可減串燒的肥膩感。波子汽水$38喝一口波子汽水，兒時的味道 立刻返回來， 每次飲完波子汽水 ，取出樽內的波子留作紀念！

今日同朋友慶生,本想網上找一找食日本料理的餐廳晚餐的, 找到這個是食串燒的也不錯的評價而且很像居酒屋的, 那便到來試一下。進店感覺很好, 職員有親切, 雖然店舖不大但不會感到困有喧嘩聲, 坐住傾下計 慢慢嘆 也可以。燒雞皮$38 燒得剛剛好,脆口, 沒過火乾身。萵荀沙律$68 , 已煮熟萵荀, 入口易咬, 配上麻醬便是簡單沙律冷盤。雞腎$38 爽口, 調味亦足夠曬,沒有內臟異味。沖繩豚手$68. 這個好食到不得了, 表面醬汁甜甜地, 最好就係煮得恰到好處, 膠質感好強, 有漿住個口感覺, 沒有過淋, 係我最鍾意食的豬手境界。油甘魚魚鮫$138 , size 不算巨型, 醃料唔算好重, 點少少佢嘅蘿蔔蓉加醬油就剛剛好。仍然保留到肉汁同嫩滑, 不錯!雞翼$42. 燒得皮脆肉嫩芝士年糕 $28 . 抵食! 年糕質地做皮, 咬落去軟綿綿, 裡面芝士味道不太濃, 但口感一流,煙煙韌韌。青椒仔 $38. 不太特別, 味道不錯可惜過淋最後一定要食燒菠蘿啦, 切左個皮,一口一件剛剛好。 燒過菠蘿是很好吃的, 夠曬甜, 還有幫助清一清油膩感。

週末最佳消遣，是相約熱愛日本料理的好友，一嚐日式燒烤的風味! <黑木>是高質日式餐廳，簡樸以木色為主調，格調優雅。客人可以坐在bar檯前，觀摩師傅的燒功和手藝，別有一番滋味。我們點了各款串燒，令人十分期待。燒銀雪魚 $138銀雪魚魚皮燒至金黃色，魚皮焦脆，魚肉滑溜，入口綿密細軟。沾上沙律醬，突顯甘甜香，充滿和風味道，的確不錯。燒牛舌 $58肥美牛舌表面油光亮澤，灑上鹽和黑椒粒調味，金黃色而邊緣焦香。肉汁Juicy，柔軟而帶嚼勁的質感，令人滿足。燒白鱔 $68白鱔肉飽滿，切口平整，没有過度燒烤，咬一口，肉質綿滑而有彈性，慢慢沁出惹味鱔香，非常好吃。黑松露温泉玉子 $48拮穿温泉蛋，流心蛋醬入口絲滑、冰涼，加上黑松露點綴，啖啖香稠，松露幽香散發滿腔，令人意猶未盡! 安格斯牛小排 $66牛小排色澤豔紅，厚切的肉身，十分吸引。牛肉輕輕烤至兩邊金黃，入口油花細膩，質感嫩滑，牛味濃郁，滋味過人。芝士年糕 $28年糕脹卜卜，入口嚼勁十足，中心填滿芝士醬，滑順而美味，啖啖窩心! 冬菇 $22 / 菠蘿 $28最後少不了燒野菜，冬菇乾身厚滑，糖心菠蘿，蜜甜多汁，十分解膩。

位於尖沙咀既黑木，門口簡約樸素，入到去又另一番風味，環境熱鬧，好多放工一族同朋友係度飲番兩杯傾下計。呢度既野食都幾精緻，每一樣野食好有質素！芝士年糕，個皮烤到外脆，個皮一啲都唔厚，入面內軟，芝士份量恰當，一啲都唔驚食濟安格斯牛小扒，十級juicy，入面生生地，好有咬口，一定要encore既串燒燒銀雪，燒到香，帶少肥，所以食落好滋味，點埋沙律醬仲正鵝肝，一上枱就聞到好香，邪惡又滿足既小食沖繩豚手，炆到好入味，好似啖啖都食梗骨膠原咁白蔥黑豚肉，第一次食燒白蔥，原來咁好食，一啲辣既味都冇，入邊仲保持到水份。

朋友邀請的生日飯局, 朋友知道中菜吃得太多, 便帶我來這家他認為質素不錯的日式串燒. 店裡的座位不多, 大約能坐15,16人左右, 環境感覺頗舒適. 雞腎的質感有點爽快的咬感, 作為頭盤最是不錯. 碟上有檸檬及牛蒡作調味料及小吃. 雞肉棒配上溫泉蛋汁, 混起來吃特別濃郁. 雞軟骨的咬口也做得適中. Suntory黑啤固然好喝, 但最難得是倒酒時的泡沫控制很好, 感覺特別幼滑. 燒雞翼是必點的, 這裡的雞翼烤起來偏乾身, 也相當不錯. 兩款串燒相比下, 我較喜歡紫蘇的香味, 與雞肉配搭得天衣無縫. 雞皮烤得乾身, 而且咬起來特別有質感. 牛舌軟嫩有質感, 好吃. 牛小排燒得剛剛好, 裡頭充滿肉汁. 外皮烤至微焦的豬手, 燒前應該經過炆煮. 入口充滿膠質, 肉質軟淋好吃. 馬友的肉質較油潤, 一夜干後肉質紮實, 吃起來這裡的烤飯團較一般的呎吋相對較細. 明太子茶漬飯用的是烤過的飯團, 米咬起有質感. 碗邊有少許芥茉. 最後各吃一串小甜薯, 提高飽肚感. 埋單的價格算合理, 燒烤的功夫不錯.唯一不好的是靠牆的座位對正冷氣風口, 店子偏小亦不好意思要求調位, 訂座時最好要求坐中間或烤爐邊的吧枱

喺尖沙咀行吓行吓，來到呢條韓國街俾我見到一間日本餐廳叫＂黑木＂，不如就入去試一試餐廳嘅裝修都幾特別，有日本風味，放咗好多清酒。先來睇下個Menu先，種類都有好多選擇，有前菜，海鮮，肉食，蔬菜等等！服務員仲介紹咗佢哋當日精選嘅菜單俾我哋睇!先叫咗支日本波子汽水，充滿兒時回憶先來碟黑松露溫泉玉子，原來係流心蛋，鮮味十足啲碟係燒菠蘿，啲菠蘿好甜都幾好味當然唔少得要試吓安格斯牛小排，係呢間餐廳推介嘅食品，肉質很嫩滑有我鍾意食嘅燒秋葵，對身體健康食串燒當然一定要叫雞軟骨，必食！！除咗肉色當然唔少得要叫海鮮，我哋叫咗碟海膽燒元貝，配上脆多士，好好味呀最後當然唔少得叫碟我最鍾意食嘅燒銀鱈魚豐富嘅晚餐😊😊😊

今晚在尖沙咀附近放工，就約朋友一齊去日本居酒屋食串燒飲杯酒，黑木串燒就係一間頗出名的食串燒的店。餐廳門口裝修富有日本風，以淺黃色的木趟門搭配，簡約易見。白鱔魚皮煎得香脆惹味，咬落卜卜脆，魚肉嫩滑多汁，鮮甜美味，魚油香味散發。馬友一夜干 馬友份量大條，少⻣香甜，魚肉軟稔嫩滑，用一夜干的煮法令魚肉更入味，醬汁惹味。油甘魚鮫 油甘魚鮫的油脂份較重，香氣撲鼻，肉質較嫩滑鮮甜，多汁厚肉。安格斯牛小排 牛肉味香濃，燒得剛好熟，嫩滑多汁，咬落彈牙有口感，鮮甜而不帶油膩感。牛舌牛舌切得厚身，皮香肉滑，肉質爽滑香甜，燒得一點也不乾身，肉汁緩緩流出，入口香味散發。雞肉棒即燒熱騰騰，嫩滑的雞肉當中撈有爽脆的雞軟⻣細粒，口感層次豐富，可以點用日本新鮮雞蛋攪勻的蛋汁一齊食，味道好夾。明太子-飯團值得一讚的燒飯糰，外面燒得如飯焦香脆，入面軟熟煙韌，明太子味道香濃。

尖沙咀韓國街除左韓國餐廳，附近都有一間隱世日式串燒店。主餐牌雖然得⼀頁，但各種海鮮，肉類，菜類，小食，麵食都有。除左主餐牌既野食之外，呢度都有廚師特別推介。首先係海鮮類，要左份海膽燒元貝，將兩樣我最愛嘅海鮮放埋一齊，實在係太期待，果然實物亦都冇令我失望。帶子嘅size好大，用蛋黃醬一齊燒完都冇掩蓋本身嘅鮮味，上面再放烤過嘅鮮甜海膽，放上白麵包上面一齊食勁滿足。然後要左燒雪場蟹腳，雪場蟹嘅蟹腳有幾鮮甜唔使講，蟹柳燒過之後再加多份焦香，配合清新既柚子醋汁，貴啲都係值得嘅。海鮮部份仲有燒銀雪魚，銀鱈魚加左燒汁燒到表面金黃色，魚肉肥美滑溜，入口即溶，加埋中和甜膩既沙律醬，人間美味。食完咁多海鮮係時候食返啲肉，首先要左份黑豚肉，豬肉加咗孜然粉，食落好香口。而且黑豚肉嘅脂肪比例啱啱好，完全唔乾。最後有萵荀釀雞翼，雞翼拆晒骨之後釀入萵筍條，燒到完全冇晒脂肪嘅雞皮好香脆，但雞肉仍然保持到多汁嫩滑，加埋鮮甜爽脆嘅萵筍，呢個配搭真係好好。下次會再嚟試下其他食物。

更期天氣熱到真係唔想食飯，日式串燒就係一個非常之好嘅選擇。呢間餐廳十分之有神秘感，大家嚟到就會明我講啲咩。講返食物先，我哋一嚟就要咗膽固醇極高，但好好味嘅邪惡燒內臟。首先有雞肝，雞肝外層燒到焦香，裏面係又嫩又粉的肝臟。雖然好似仲見到少少紅色但完全冇血嘅腥味同內臟嘅怪味，輕輕加小小鹽就已經好好食。講到肝臟，除咗雞肝之外點少得鵝肝呀！厚切嘅鵝肝經過煎之後，將多餘嘅油份逼走，再放喺趣多士上面，加埋黑醋中和油膩感，簡直係perfect match。下一個出場既內臟係牛舌，師傅將厚切牛舌燒到岩岩好，唔會外層過熟但中間太生，亦成功鎖緊肉汁，好香好濃。食完咁多肉，係時候食翻d蔬菜balance下。串燒冬菇最怕燒到乾爭爭，呢度仍然保持到juicy，師傅輕輕加左少少鹽同木魚絲，好食。最後要左份茶漬飯，可以選擇紫菜，梅，或者明太子，我地就揀左紫菜。仲有配料牛膀絲同波菜。飯團輕輕燒過表面，配合茶同清湯，加埋少少wasabi，大滿足。

又到星期一拍拖日,今日同老婆去尖沙咀金巴利街搵食, 原本打算求其搵間韓國野食, 點知見到一間日式裝潢既店, 就好像日本橫街內的居酒屋一樣, 忍不住就入了去試一試!店內有兩列吧台, 一面響牆一面向師傅枱, 中間有幾張枱, 店員安排我們坐了近門口的位置, 不用對住燒烤爐位, 比較涼快!串燒應該要配清酒先對板, 可惜今天揸車, 咁就唯有以茶代酒, 亦無損吃串燒既雅興!我同老婆各自選擇了一系列既串燒, 可以各有各叫自己喜愛的又唔怕吃唔晒浪費食物, 這就是吃串燒的好處!店員先放下一個長碟配漬物同檸檬, 長碟用來放每次燒好的食物, 加少少檸檬汁可以更加惹味, 漬物用醬油醃製, 好開胃, 屬於吃唔停口既前菜. 重點講下我吃過既食物如下:1.萵荀沙律$68: 清爽咬口再配上濃濃芝麻香既沙律汁, 好適合而家熱辣辣既天氣2.汁燒銀鱈魚$138: 西京風味, 香滑肉嫩, 我無野要補充3.明太子飯糰$48: 同平時吃既飯糰有所不同, 明太子包圍了整舊飯糰再燒,咸香脆口4.雞皮$38: 全晚最推介呢個, 脆口過薯片, 不油膩, 同響日本買既雞皮手信好似, 但新鮮燒既自然要再加分5.雞肉棒$48: 細膩、扎實、鮮