鼎皇臭臭鍋 (已結業)

星期一返一日就放假, 上星期已經約定兩個老友一收工就睇我地期待已久嘅英雄電影, 由於趕睇戲時間唔多, 我地收工直接約係尖沙咀呢間集合後就直接黎呢間鼎皇臭臭鍋 養生鍋集合, 速食返餐新開張嘅台式臭臭鍋。😋我地7點未到就到餐廳, 由於未到繁忙時間, 客人不多, 餐廳裝修以木, 黑色為主, 幾有格調, 餐廳主打臭臭鍋及養生鍋, 我地點左三款唔同嘅鍋同埋滷肉飯share食。招牌臭臭鍋 湯底唔算太濃, 不過材料非常豐富, 而且竟然有香港好少會食到嘅米血糕同鴨血, 非常有台式風味, 臭豆腐都幾滑, 味道唔錯, 另外豬大腸爽口彈牙值得一讚。👍藥膳羊肉鍋羊肉上枱時仍然係生的, 鍋滾之後食, 熟度剛剛好, 羊肉嫩滑, 配藥材味湯底, 加上冬菇炸枝竹等配料, 味道層次豐富。黑豚肉蕃茄鍋呢款鍋感覺幾日式, 黑豚肉, 蕃茄, 鳴門卷, 豆腐, 粉絲配搭唔錯。滷肉飯邊食鍋物邊食呢個滷肉飯, 再飲埋杯台式飲品, 呢餐好有係台灣嘅感覺。😆紅棗桂圓杞子茶香芋珍珠奶茶

今日HAPPY FRIDAY放左工就同老公周圍行下街街睇下有咩好野食, 本身想試個間立食壽司不過太累啦而且又食唔到耐所以放棄. 行多幾部見到有新野所以就去望望. 睇一睇MENU原來係臭臭鍋呀~ 台灣既臭臭鍋另到我又掛住台灣了.MENU上選擇唔算好多不過要有既台灣特色都有齊. 我同老公就一人一鍋再叫左2個飯同2杯飲品. 首先上枱既係2碗飯, 可能知道我地餓一早俾左飯我地填一填肚先,一個係台灣芝麻洋蔥咸魚醬飯另一個係台式滷肉飯. 兩個既味道都唔差, 咸魚醬飯會比較特別因為佢既咸魚香得黎又唔會好咸仲會有點酸酸的感覺. 令到咸香之餘仲有微酸唔會滯仲會愈食愈想食. 跟住就係我地最期待既主角啦. 老公叫左個臭臭鍋我就叫左個麻辣鍋.整體黎講2個鍋既配料都唔錯,味道都真係同台灣分別唔大. 個鴨血同埋鴨血糕真係做得番同台灣一樣的味道. 令到我地真係有至身番台灣既感覺. 呢2杯特飲都唔可以睇小. 一個係盆栽奶茶, 奶茶上有一層奶蓋. 奶蓋上又有一層OREO. 所以味道係非常吸引. 

放工喺尖沙咀做完facial有d肚餓時間又已經去到宵夜時段心諗應該好多餐廳都已經截左last order咁啱行過金馬倫道見到呢間新開嘅台式火鍋店開到晚上12點就走入去試下喇香港人真係一年四季都會打邊爐事關可以食到多款火鍋配料 一次過滿足多個願望對於我呢類有選擇困難嘅人黎講呢類已經set好哂火鍋配料只要揀個湯底就得，的確係幾方便呢度總共有8款鍋底可供選擇今次同朋友分別試咗養生系列嘅【藥膳羊肉鍋】以及滋味系列嘅【台式麻辣鍋】【藥膳羊肉鍋】一直鍾情台式嘅藥膳湯底有養生價值啱哂女士們個鍋份量十足 但食材方面略嫌質素遜色咗少少尤其蜆肉細小同欠新鮮羊肉亦比較韌而湯底味道略嫌偏淡 如果藥膳味濃返d會更好至於【台式麻辣鍋】同樣食材質素一般由於朋友本身係麻辣愛好者食落覺得湯底味道偏淡 不麻也不辣 又唔夠香加上佢喺台灣食過鼎皇臭臭鍋有比較下覺得香港呢間質量相差太遠 有點失望另外，爐具係用固體酒精蠟燭加熱由於上菜時湯底只係微暖而餐廳冷氣開到好大個鍋需要等好耐先滾起個蠟大約半個鐘就已經燒完熄滅食到一半就要搵侍應換蠟再食下半場值得一讚嘅係呢度嘅室內環境唔錯 坐得幾舒服服務員態度亦好友善同細心見我地覺得凍同個鍋等

尝了一口就觉得很震惊，世界上还有这么难吃的东西？店家这种做菜水平是怎么好意思开店的。 番茄汤料不够浓郁，面软硬不均，淡而无味整个没有放调料的样子。这可能是我人生吃过最难吃的一碗粉。即使作为午餐的简餐来说也是不够格的。

看了某生果日報的介紹，感覺不錯，便約了朋友到來試試這個台灣風味的一人一鍋打邊爐。平日晚上八點多來到，食客並不多，揀了牆邊的一張四人枱，兩個人坐四人枱很濶落主要有八款鍋揀，仲有啲小食，台式飲品等，簡簡單單，好快就決定到食咩，快快落單先枱上有辣醬，蒜蓉，豉油等，但基本上個湯底都已經夠哂正，完全無用過啲醬料。蜂蜜綠茶（$26）＆盆栽奶茶（$30）除了點左一人一鍋，仲點左一人一杯飲品，大大杯夠冰凍。自己點左蜂蜜綠茶，微甜同好香蜂蜜味，好飲。朋友點左盆栽奶茶，貪佢得意喎，上層係朱古力餅碎，厚厚奶泡，再加上滑滑嘅奶茶，甜度適中，幾正。用上呢種加臘去燒的鍋，基本上都好快滾，大約半小時左右，啲臘燒完就自動熄火，如果覺得唔夠熱，可以叫店員再加臘的。黑麻油雞鍋（$118）朋友點了黑麻油雞鍋，一開蓋好香麻油味呀!賣相也很不錯，滿滿一鍋咩都有啲咁啦。湯底香濃，味鮮不死鹹，好好味飲左好多這個豆皮很得意，長條形有咬口，又真係有豆味，其實係火鍋店成日見，但從來無點過來試，哈哈，原來幾好味的。雞脾肉入哂味，無骨無脂肪，啖啖肉正喎。還有米血糕，又係聽得多但未試過，煙煙韌韌似糯米飯？吸飽湯汁幾正喎。其餘配料仲有玉子豆腐，

認真超級推介呢間一人火鍋店!!!佢一共有八款口味,我試咗三款都超級正最令我鍾意嘅係啲湯底，真係超好飲!!! 特別大讚藥膳羊肉鍋，藥膳湯底係深啡色嗰種，唔係黃色透底嗰種， 雖然係希嘅，但係飲落去飲好足料，甘甜得黎，唔會一味得個苦字，又唔會唔夠苦， 而且冇油喺面㗎，直情飲到想淨係就咁飲個湯底hahah蕃茄湯都係好正，唔似譚仔嗰啲茄膏醬嘅味，亦都唔係嗰種好濃好傑嘅蕃茄湯，係飲落去蕃茄味 唔會太酸唔會太鹹，啱啱好， 仲好飲過阿媽煲嗰種～另外仲嗌咗個招牌臭臭鍋 我自己個人超級鍾意食呢個,佢嗰種臭臭味就係類似旺角街邊嗰啲臭豆腐嘅味道，如果鍾意臭豆腐真味就一定要食！ 而佢好嘅位係佢唔會好似嗰啲臭豆腐咁乾爭爭，而係飲落去都會有淡淡嘅臭豆腐味，就好似大陸嘅臭豆腐咁正，鍾意食嘅話一要試呢個!野食都唔失色, 首先我鐘意佢個麵底, 係類似粉絲嚟嘅,但係彈牙啲爽口啲。 餸菜都唔係淨係得魚蛋腸仔嗰種敷衍你，有硯，有豬紅，鴨血等因應鍋味襯埋嘅分量都ok, 如果好大食嘅話可以升級加廿零蚊要個滷肉飯或者醬鹹魚飯認真覺得呢間嘅火鍋好有特色,第二度食唔到 所以一定會返嚟再食 而且唔係貴喺尖沙咀黎講 百零蚊一個一人火鍋認真抵

之前食過尖沙咀另一間臭臭鍋，一試就愛上，見到呢度開咗一間新嘅所以即刻試試佢🍲店員話當日嘅2號鍋轉左做烤魚鍋，所以就叫左一個《烤魚鍋》$118烤魚喎個湯底好紅，所以未食嘅時候以為一定會好辣，點知又唔係好辣咋喎，小小麻小小辣，岩岩好可以過下癮🐟魚超大夠，面係煎香左脆脆地，魚肉就係爽滑既不過要小心佢超級多骨，店員都好貼心咁提醒你小心啲骨不過原來餐唔係套餐嚟㗎 ，即係冇跟飯同野飲既～所以我就散嗌左一杯《冬瓜茶》$26，啲朋友就嗌左杯《百香果芒果梳打》$30冬瓜茶唔似平時係出邊飲到嗰啲，一飲就知係糖水，呢個清清甜甜好飲👍我仲另外嗌咗碗《滷肉飯》$28但出奇地好味喎，滷肉同埋冬菇都好入味，啲肉仲係好完整連肥肉同皮都有🤪朋友就另外叫咗個《芝麻洋蔥鹹魚醬飯》$28都幾香嘅，但係佢鹹魚醬就略嫌太少，撈唔晒啲飯黎到臭臭鍋專門店梗係要嗌《臭臭鍋》$118啦湯底有臭豆腐味，同配料都幾夾，鍋入邊有超級多配料，好豐富嘅一餐😋

行開尖沙咀見到有間臭臭鍋新開張，又幾抵咁，就入左去一試～入到去環境都唔錯，唔會話太迫，一人一鍋至緊要枱夠大！餐牌都幾多選擇，除左招牌臭臭鍋之外，仲有啲藥膳鍋或者麻辣鍋！野飲小食都唔少選擇架，野飲方面聽講係請咗個台灣員工返黎沖添～我地叫左個蕃茄鍋同麻辣鍋～蕃茄鍋入面都幾多料 多菜得黎又有金菇 魚丸 最特別既係有鵪鶉蛋！湯底都幾濃郁 啲支竹吸哂味都幾正！另外，佢仲有個福袋，入面好似流心芝士咁！都幾正！朋友就叫左個麻辣鍋！叫左小辣，唔食辣既人都可以試下，都唔太辣！配料有黑米糕，都幾特別，咬落口幾煙韌！大家黎到一定要加錢飲珍珠奶茶！沖得好好飲！不過我諗少甜就得！

今日忙左成日攰到死,放工約左男朋友食飯都提唔起勁諗主意, 一路行到金馬倫道時, 見到一個木牌寫”養生藥膳鍋”, 食物和價錢都好吸引,就決定試下店長安排左卡位比我地坐，座位好闊落, 所以坐得好舒服，佢地既招牌菜係台式臭臭鍋, 但男朋友中意食羊, 所以我們叫左藥膳羊肉鍋及黑麻油雞鍋。 鍋終於到左! 等待滾鍋既時候, 已經聞到好香味道飄出黎，愈聞愈餓啊！食物份量都好多下, 羊鍋入面有好多配菜：炸支竹、粉絲、鳴門卷…..羊肉夠腍, 白蘿蔔都好入味, 仲有呢個藥膳湯好好飲啊!平時有d抗拒藥膳味既我都居然接受到!!我既麻油雞鍋都好壯觀, 除左有大量配菜, 仲有米血糕、蜆、米線, 最重要係有我至愛既玉子豆腐~~雞肉嫩滑唔會「鞋」身, 仲有好香既麻油味。最後我地仲追加左1個咸魚醬飯, 味道咸香, 超級滿足。在這裡食物價錢大眾化, 環境舒適, 估唔到香港都食到台灣風味, 好唔錯!下次一定再黎！

美食哥倫布今次去咗尖咀搵野食!有乜好野食？一齊睇下啦!約了幾個朋友去尖沙咀相聚，大家剛好想嚐嚐台灣的美食，就找到這家好像開幕不久的臭臭鍋專門店。不到很遠的距離就嗅到一片很濃烈的味道，我們都被這些味道吸引到，於是便馬上找個位子點菜。可能大家都餓了，我們都分別點了三個不同類型的鍋和飲品，包括是蕃茄黑豚肉鍋，藥膳羊肉鍋，招牌臭臭鍋。這裡的鍋也很特別，利用燃燒蠟的方法去煮沸鍋物。在三個鍋中最值得嚐的當然是招牌臭臭鍋，也是當中最有特色的，這家店的臭臭鍋將很多台灣的小食都放進去，好像是豬血糕和臭豆腐，尤其豬血糕在香港很小機會可以吃到。而臭豆腐有很濃郁的「臭」味，整個鍋都充滿濃厚的「臭」味，不會飛到台灣就吃到了。另外，藥膳羊肉鍋湯底也有很濃烈的藥材湯底。藥材的味道把羊肉的羶味封住，而那些蜆肉也很新鮮，有一種雙重享受的感覺，吃起來比較健康。而最後點的蕃茄黑豚肉鍋很合適所有人吃，如果不偏好特別口味的鍋，這個蕃茄黑豚肉鍋就最合適不過了。裡面的「福袋」是我最喜歡的，封在裡面的蕃茄濃湯溢出來，整個嘴都是濃濃的蕃茄湯，而配菜好像是頁丸，蛙蛙菜，金菇，嗚門卷也很不錯。吃鍋物當然不能不配上飯，這裡也有台灣的魯肉飯，

未食之前都唔知咩係臭臭鍋原來係一個人既火鍋咁解臭係因為佢個鍋入面有臭豆腐噢明白了MENU好簡單 台式麻辣鍋第一次黎到就梗係試下佢既台式麻辣價錢唔算貴, 但係份量係超級多!!!入面既材料有娃娃菜, 金針菇, 鴨血, 牛柏葉, 豬大腸, 肥牛片, 鮮魷卷, 米血糕, 萵筍片, 公仔麵 超級豐富, 一上到枱等佢再次滾起就可以食得架喇 咁咁多種食材入面我最鐘意就係肥牛片!! 唔知點解佢煲極都唔會太老, 仲係好嫩滑, 加上係麻辣鍋既關係, 唔洗點任何醬汁就已經好好味!!! 其次就係個豬大腸, 超大的一圈, 唔似得d車仔麵店切得細細上碟, 大家都可以睇到入面係洗得勁乾淨, 抵讚 必食鴨血, 比起豬紅口感會更加爽口一點, 而且吸收左麻辣湯既鴨血會更加辣!!! 超開胃 

這兩個禮拜工作很忙，放工整個人都謝曬皮，難得這幾天天氣突然變涼又可以吃火鍋了哈哈。發現尖沙咀開了家新的台式臭臭鍋，便拉上陳先生陪我去試試看。我從來沒吃過臭臭鍋，也不知道臭臭鍋是真的很臭還是怎樣。原來臭臭鍋裡面放了臭豆腐所以變「臭」，雖然不是新的concept但對我來說還蠻特別哈哈！在香港據我所知好像只有兩家吃臭臭鍋的專門店，而且兩家都在尖沙咀。我去的這家在金馬倫道上的地鋪，裡面還蠻寬敞，裝潢簡約。餐廳主打臭臭鍋和養身鍋，一共8款鍋式可以選擇。餐廳有提供三款免費醬料：辣醬，蒜茸，沙茶醬。如果不喜歡吃臭豆腐鍋的朋友仔們可以選其他口味的，我們選的是台式麻辣鍋（$118）和藥膳羊肉鍋（$118）。這邊是一人一鍋，不是傳統那種火鍋煤氣爐，用的是固態臘燃燒，所以火鍋只會輕滾。但因為除了牛肉以外其他食材都是熟的，所以輕滾一下肉也能熟。我的台式麻辣鍋裡有肥牛肉，鮮魷卷，麻辣餃，豬大腸，鴨血，娃娃菜，金針菇，米血糕，牛柏葉等等的食材，每款兩到三塊，款式還蠻多。如果覺得不夠的朋友仔們可以再追加食材。我覺得食材都還蠻新鮮的，豬大腸沒有什麼異味，米血糕煙韌。麻辣程度還蠻辣，我要再點一杯飲品降降溫。我覺得這個鍋

行行下街，雖然天氣唔係好凍，但突然都想食下火鍋！而且呢到可以一人一鍋，檯面上有三款醬料～其中有我最鍾意嘅沙茶醬！我叫咗個藥膳羊肉鍋，如果唔食羊，可以改牛肉！材料有炸枝竹， 蜆， 鮮冬菇，娃娃菜，金針茹， 白蘿蔔，粉絲，鳴門卷，准山片，四季豆⋯⋯牛肉質感唔韌 , 口感幾好，食完剛好夠飽肚嘅！加埋個紅棗桂圓杞子茶，呢個仲可以選擇少甜，飲落去好舒服！朋友揀左最喜歡食既麻油雞鍋，裡面既材料有米血糕、蜆、台灣貢丸、玉子豆腐、嗚門卷 、娃娃菜同最好味既麻油雞，再配台灣米線。米血糕真係幾好食，又香又鲜，其他店好少有得食，另外台灣米線又濶又有口感，乃特别！當然不可缺少既主角——美味鮮嫰既雞，食落有一種唔想停既感覺。最後加多杯台式珍珠奶茶，真係勁正！

附近的餐廳也嚐過不少，眼看有新餐廳，與同事不約而同地提議team lunch來試試看。位於金馬倫道近漆咸道南的一截，午膳時間不乏年輕打工仔及OL小姐。無他的，台灣菜總有一群忠實的支持者。午餐$88元任選一鍋，餐牌背面的任何台式飲品也只需另加$8元，至於配滷肉飯/秘製咸魚醬飯也只是加$12元。藥饍羊肉鍋含羊肉片、炸枝竹、蜆、娃娃菜、玉子豆腐、台式貢肉丸、鮮冬菇、鳴門卷、白蘿蔔及粉絲等等，配料甚為豐富，而且蔬菜類多，健康並不肥膩。藥饍湯底滋陰養生，藥饍味道清甜，而沒有較嗆的中藥味，好讓我先飲一碗才開始享用其餘配料。湯底是精髓，其餘配料也沒有太特別，但於藥饍湯的配合下，提鮮不少 。滷肉飯/秘製咸魚醬飯只需另加$12元，份量如一般小碗的台式滷肉飯，咸魚醬飯較有特色，富咸香，內有綿綿的咸魚茸，蠻香口，如增加醬料份量將會更惹味。招牌奶茶和冬瓜茶均相當出色，本人認為點選三分糖便已足夠，冬瓜茶生津滋潤，清甜但又不是糖水般的死甜，蠻好喝。而奶茶的茶底亦不錯，同樣推介。

Cauldrons also spelt Caldrons were found in the medieval times when people believed in Witches.When I heard about this place, it aroused my interest as I thought it was going to be one of those themed restaurants/cafes but it turns out to be a Taiwanese Hotpot place.It is located in TST so there are now two Taiwanese style hotpots.On the menu, there are eight different hotpots and the LUNCH DEAL is really good because you can add $12 to get the Braised Meat Sauce Rice or the Sesame Onion Salted