Bella Shine (已搬遷) 新店位置

公司剛搬嚟觀塘區，人生路不熟，同事喺openrice揾到呢間上樓西菜，見like多過dislike, 就上嚟試試，結果是非常失望。呢度收費都唔平，set lunch 最平都超過$70，我叫咗個廣島蠔鯛魚湯飯 set, 要成$100，是是日第二最貴選擇，餐湯是南瓜忌廉湯。首先，香港地，人情薄過紙就體驗得多，但係牛油薄過紙就真係第一次見，我地一行9個人，但枱面只放4小碟僅厚2mm嘅三角形牛油畀我地搽餐飽，我只能講聲刀工超凡，而南瓜忌廉湯，冇忌廉味都算，其實真正身分係糖水，到主菜先頂癮，本人查實係水上人出身，魚腥可以話係免疫，呢個湯入口腥到冇朋友，我肯肯定係啲蠔出事，然後舊鯛魚就真係令人鯛一聲，咬落去原來係生嘅！當然第一時間問侍應個菜式設計係唔係咁喇，話晒佢收得咁嘅價錢，應該係高級整法都未定，不過個侍應都好誠實，話幫我換過一碗，等咗一陣，佢竟然換咗一碗得原先已經好細舊嘅鯛魚一半size嘅一口鯛魚柳畀我，我問點解舊魚比頭先細咁多，佢入咗廚房再出番嚟然後話原先舊魚唔熟，所以大啲，依舊熟啲所以縮細咗，我絕對有理由相信呢舊係原先嗰舊，但係切走咗我咬過嗰邊嘅同一舊魚，不過經驗話我知，去到呢刻都唔好再拗

近期買了新相機正值迷戀的階段一有樹機會就外出影日落今日正打算到觀塘海濱長廊影日落所以就把握今次機會到觀塘覓食之前已經知道觀塘工廈到處都有美食今日就選中這間日式fusion菜餐廳環境寬落 光線充足小妹喜歡食雞因此就選了lunch set c柚子蜜燒春雞配蜜糖芥末燒汁首先到的是餐湯栗米忌廉湯 上面仲有拉花令人賞心悅目栗米蓉超多 啖啖栗米仲要熱辣辣 食到底都仲熱 抵讚香草包 雖然只是微溫 但都吃得出餐廳用心內裏的香草很香 不用塗牛油吃 味道更佳之後就是主餐 燒雞上菜時雞熱騰騰的皮烤得脆卜卜連平時不吃雞皮的我都忍不住連皮吃了幾口真是罪疚配菜是有紅菜頭 蕃茄仔的薯蓉薯蓉幼滑 我喜歡它並沒有添加芝士雖然沒有了香濃 但多了點綿密順滑悠閒的星期六當然要配上一杯熱咖啡和甜點為自己加錢加配了熱cappuccino 上面可愛的小熊拉花令我童心大增 立刻多拍幾張食物照如果可以的話 真想帶本書來呷一口咖啡 慢慢看書享受午後的陽光當半天文青 放鬆一下神經最後甜點 水信玄餅晶瑩剔透的外表吃的時候配上醬汁 滑dodo夏天吃絕配看見它已經有被治癒的感覺滿足的一餐

同女友黎食lunch，都幾多人下。我點左個鰻魚茶漬飯，炎炎夏日食要幾消暑，鰻魚都ok的。女友食芝士意大利雲吞，就咁睇份量唔算多，味道ok, 但比較單調，女友話食到最後有d膩。

星期六周街都係人 其實有時都想搵個地方正整地食餐飯於是乎我哋就搵食搵到來觀塘嘅工廈Bella Shine聽落個名以為食西餐 而餐廳個格局裝修都幾西式 但事實上呢度係食日式fusion菜既香草包(跟餐送)深信呢個香草包係餐廳自製嘅香草包送上嘅時候有微暖 令口感比較鬆軟加上包入邊有餐廳秘製嘅香料味道令到成個包嘅味道感覺比較新鮮餐湯(跟餐送)呢個餐湯齋看賣相都已經覺得好吸引因為佢製作嘅時候係表面用咗忌廉畫花令整體賣相變得好靚開頭飲落去第一啖以為自己飲緊薯仔湯但細味嘅時候湯帶有甜味 所以證實左呢個其實唔係薯仔湯 而係番薯湯餐廳將番薯磨成茸 再加入水同調味料製成左呢個獨一無二嘅餐湯肉眼扒($128)黎到主菜叫嘅肉眼扒 落菜嘅時候我點嘅係medium rare貪佢半成熟肉質會鮮嫩一啲唔會太老切開肉眼扒嘅時候見到其實餐廳對烹調肉眼扒嘅時間控制得好好而揀選嘅肉眼扒肥瘦均勻 因為烹煮時間再加埋選料 令到肉眼扒就咁食已經好好食所以食得出其實餐廳只係加左少少嘅調味 帶出肉眼拍本身嘅味道而呢個菜本身亦都配有一個燒汁 如果驚就咁食太寡 可以配上燒汁一齊食燒汁係用牛肝菌烹調而成 味道特別香水信玄餅($68)黎到今

終於可以寫呢篇食評, 因為放左係相機度, 點知張咭早前壞左, 要搵人重整張咭, 好多旅行相無晒 ! 能夠救返 3分之1的相, 好彩仲有呢間餐廳的相.BELLA SHINE 位於觀塘工廈內, 地點都易搵, 我記得當晚同閏蜜係度傾計食晚飯, 晚上6點半就到達了, 當時都無乜人呀 ! 我地係坐高枱, 我唔係高但都坐得舒服。晚餐價錢都正常, 由佰幾蚊起。我地叫左以下 :頂級美國牛扒12OZ意大利煙腩蛋黃忌廉汁扁意粉我地加錢轉左套餐, 先上個湯, 係磨菇湯, 上面仲有泡泡, 十分吸睛 ~ 飲落好重菇菇味, 而且仲咬到磨菇的粒粒.到主菜啦 !先黎 整個配合得好, 將上面個忌廉汁與扁意粉一起均合, 出奇地可以中和意粉的單調, 不消一會兒, 就已經比我地食晒啦 !!!再黎 牛扒雖不是厚切, 但也大片, 我地要7成, 到上枱時都唔會過熟, 有牛肉肉質鮮味 ! 愛牛一族一定好喜歡。最後不得不提點解會揀呢個餐廳, 就係因為甜品啦 ~就係呢個心動一刻, 靚靚的白朱古力半球被朱古力溶化後會有出現一個心太軟, 甜蜜的再加上再甜蜜的, 為呢餐閏蜜談心之夜添上100分

🐏個人很喜歡發掘工廈餐廳之前曾經到過Bella Shine🌞食晚餐一直覺得這裡無論環境、食物質素都相當不錯☺️今次就係一個周末第二次黎嘆個悠閒brunch😋這裡的環境很開揚 裝潢設計呈西日風格木製的餐枱及木櫈構造成優雅舒適的環境賣的西日fusion 料理可以是日本食材配西式煮法或將日本味道加進西菜裏我和友人兩點來到 仍然有七、八桌坐着其他食客可見這裡有一定的客緣😏我們分別點了兩份set lunch 一份鹽麴三文魚柳配甜椒忌廉汁和一份澳洲黑安格斯肉眼牛扒配牛肝菌燒汁 餐飲我們叫了熱檸茶和凍奶茶先來的是香草包兩片 微溫吃起來外皮乾脆香口 內裡口感鬆軟 而且散發淡淡香草味 旁邊有一小片牛油伴以調味Daily Soup是🍠黃心蕃薯湯 呈深黃色飲落有香濃的蕃薯味🍠 而且口感順滑 😙😙😙Daily Salad的mixed salad十分新鮮拌以酸甜的黑醋和香甜的柚子醬感覺很refreshing很開胃☘鹽麴三文魚柳配甜椒忌廉汁 Roasted Shin-Koji Salmon Fillet with Sweet Bell Pepper Cream Sauce ($96) 賣相相當精緻😍😍😍無骨的三文魚

見咁多好評，又即時book到位，所以黎試下呢間喇！餐廳環境一般，裝修普通，每個位之間好逼，所以座位好多。充滿期待去叫左2個飯，再每個人＋＄88轉餐。第一樣黎既係香草包，味道同質感一般，冇乜特別，細細舊。牛油提供係一塊薄既三角形，好少份量，唔夠用。之後呢個紅菜頭，係全晚最讚既野！味道ok，而且口感都不錯，煮得夠濃夠杰身。不過放左d 包落去，仲浸到淋哂，呢樣有少少怪。前菜不過不失，唔算新鮮。松葉蟹肉三文魚籽意大利飯呢個完全係一個伏！全個飯真係得幾粒三文魚籽！！蟹肉我完全食唔到！＄128我全程剩係食飯…加上呢個飯口感較硬同乾，完全唔係平時食開意大利飯既口感。而味道係配類似檸汁既酸酸地，我望住果幾粒三文魚籽… 全程剩食飯…真係愈食愈酸…心酸輕燒帶子黑松露意大利飯。我係好鍾意食黑松露既，所以呢個飯岩我口味，唔錯。帶子內在未熟，因為係輕燒，所以都算保留到份鮮味。個飯明顯比上面個松葉蟹肉三文魚籽意大利飯好， 起碼口感較滑同creamy，呢個＄128我覺得合理。甜品一般，中間係個lime芭菲，個人比較鍾意雪糕多d，而且個芭菲比較淡，冇乜味。另外2樣不過不失。水信玄餅。當初係俾呢個甜品吸引我黎，所以＄6

每一個月總有1, 2次會同男友食好dd, 辛苦既工作得閒食返貴少少叫做對自己好一d嘛! 😁😁😁經過一輪search之下見到呢間餐廳都幾多好評, 而且環境幾高級, 所以男友就二話不說咁book左位。平日關係入坐人數唔多大約只有3成, 用似柔和燈光令成個室內感覺都好Romantic❤️❤️❤️Dinner選擇唔多, 主食只有1個餐牌, 價錢係官塘區黎講都算貴, 而且Main屬單點不包飲品, 轉套餐(頭盤, 餐湯, 甜品, 飲品) 另+88, 再加埋一, 淨係轉套餐要成$100, 認真太貴唔敢叫..😅最後每人單點左個Main輕煎日本帶子黑松露意大利飯 $128賣相的確唔錯! 帶子既2邊煎香過, 食落口感帶軟身, 可惜食唔鮮甜.意大利飯幾多醬汁, 黑松露香味包圍住每一粒既飯. 但意大利飯煮得比較林身冇生米感, 冇咀嚼感有點可惜😔頂級美國肉眼扖12oz 配牛肝菌燒汁 (五成熟) $288上枱賣相一般🙁12oz既肉眼扖唔太厚身幸好5成熟算處理得唔錯, 切出黎還有少量肉汁淹出.食落幾軟熟但欠缺牛脂香味, 感覺比同平時出面食『花X餐廳』既扖相約, 而且扖餐只有跟上少量薯菜, 成$300一個扖真係有D唔值!

之前同朋友嚟觀塘工廈覓食, 環境唔錯, 都坐得幾舒服嘅~我點同個lunch set個忌廉湯紫色好過癮, 質地好杰, 每一啖都好濃紫薯味意式雲吞有d 太漏, 不過味道係唔錯, 不過呢個汁可能配扁意粉仲好食~甜品方面真係太驚喜, 驚喜在於我地order 時餐廳話心動一刻呢個甜品制作需時, 夜晚先供應, 點知大約2pm 佢又話而家客唔多, 可以整俾我地!!!!佢俾我地自己淋上熱辣辣嘅朱古力漿...入面係雪糕伴心太軟, 雖然都好食, 不過真心覺得賣相仲高分過味道~

同事之前食過~今日帶我地黎試下~Set Lunch~有6個選擇~店內的擺設同裝修都幾簡單~好岩傾下訐坐下~香草面包~香草味好出，面包有少少熱，咬落好軟熟~好食!沙律~唔算好特別~唔錯~因為選左沙律~所以無湯飲~椰菜花的湯黎~同事表示個湯唔錯~同事叫左肉眼扒~一黎到覺得配菜顏色好靚~lol~同事叫左3成熟~用普通餐刀，已經可以切開~一食~重牛味~好淋~好多汁~如果再會有D炭燒的香味，就不得了~另一同事叫左三文魚扒～個汁甜甜地～幾好食～三文魚扒～我試果陣連埋皮一齊食～所以唔覺得乾同都幾滑～我叫左咖哩吉列蝦同蠔～好普通～日本咖哩～唔辣～個蝦得炸粉的味道～個蠔就.....未夾就散哂～仲好腥～一試完同事個餐～再食返自己果個......下次一定係叫扒！

今日中午來到工廈搵食，皆因朋友喜歡工廈的特色，食物水準又不錯。來到餐廳，西日味道頗是特別，一邊西式一邊日式，雙重味道。午餐選擇頗為吸引，一人點上一個午餐。先來的餐包。香草味道濃香，烘得香脆不油膩，伴上牛油。方形麵包滿滿香草味道，喜歡帶點香味的味道，味道豐富不單調。甘筍忌廉湯。香濃甘筍香味，帶點忌廉的濃郁，入口杰身不稀身。甘筍味道突出帶點微微薑味，入口溫熱頗為溫暖。意大利菠菜雲吞伴芝士忌廉汁。芝士菠菜餡料豐富，粒粒餡料飽滿，意大利雲吞煮得剛好，不會太軟腍。芝士忌廉汁濃郁黏稠，包著每粒雲吞，每一口都是滿滿的滋味。

反工太辛苦，每星期放假總要搵D好野食下，呢期多數去觀塘，貪佢平靚正。今次呢間老婆同朋友食過話好食…梗係唔執輸啦。頂位時候更要求食個半鐘交枱，旺成咁，係咪咁好食先！一行四人坐完去工廈搵食必經既”貨笠”，就即時見到…一個綠色既大垃圾桶，天氣已經熱，個位又無通風，局位D垃圾，一陣陣另人暈得一陣陣既酸臭味撲鼻而黎，真係幾唔衛生，而間餐廳門口，係正隔離，相信個大垃圾桶都係比餐廳掉廚餘既，如果唔係點會放係旁邊呢？入到去，D位都編得好齊，但係都算幾迫下，人唔算太多，只有坐左兩成人。餐牌都有好多選擇，日式及意大利為主，有唔同價位，豐儉由人。小弟就點左個西班牙黑毛豬鞍，太太點左個西京燒銀雪魚配紅菜乳酪汁!餐包為貌似意大利香草包，佢地好環保，牛油只係薄薄一片兩個人分，實在有少少滴汗 。個香草包略烘，味道同質感一般，好唔意大利香草包，不過我地四個人都鐘意食包，口痕痕叫待應黎多份，待應話要加錢，就算啦！其實收咁既價錢，我係尖沙咀銅鑼灣中環既餐廳都有得免費加啦，呢個係服務之一，麵包者，何必呢！餐湯為紅菜頭湯，上枱深紅色既賣相確係幾吸引，但飲落無咩味道。紅菜頭呢個食材本身味道唔出，仲有少少菜青味，要好味都好難，唔

同朋友有幾年無見，我就建議去觀塘cafe度聚聚舊，最後佢就揀左呢間餐廳。book左枱六點半，上到去就有，而且平日都唔會full，所以就算walk-in都應該無問題。環境舒服，大班人既，少至兩個人都有適當既空間招呼，唔錯！睇到餐牌，我地好隨意選擇左兩個dish，帶子黑松露意大利飯，同大蝦意粉，之後都加錢跟餐上，係絕對係正確既選擇！紅菜頭湯好濃好入味，可惜既係麵包浸左好耐咁，或者遲上枱，一入口就林晒，而且洋蔥都偏林，或者係為左令湯更濃更杰身，所以就煮耐D。前菜係！尤其係個爙蟹蓋（中間），味濃而且焗到個面少少焦，入口即溶，正！左邊就係ham加一片橙，有創意；右邊係吞那魚。先上帶子黑松露意大利飯，如果鍾意黑松露既人，一定會好喜歡，而我既focus係件帶子，可惜煮耐左，有少少“un”，飯唔太似意大利飯，不過整體係ok既！大蝦都係偏煮耐左，唔彈牙，或者個廚師都係以食物安全為主，所以都ok既！相反我最鍾意個綠茶mousse cake，好重綠茶味，加上中間個lime芭菲，幾有特色，條杏仁條就普通。當然你可以加錢轉其他既甜品！整體食物係ok既，環境亦好好，waiters亦都留意幫我地加水，收碟，所以呢間

一直想試試觀塘工廈的樓上小店, 所以今日相約朋友黎呢度食飯地點唔算難搵, 一入店內俾人好舒服既感覺, 一D都唔似置身於工廈入面好多野都想試, 左諗又諗先點到餐, 先黎左個包由於我地冇叫SET, 所以冇湯, 就咁食個包都好好味, 脆脆地又香美國肉眼扒 - 朋友唔食得咁生, 所以叫左6成熟, 伴碟睇得出有花心機, 牛扒亦燒得好靚, 一上枱已經聞到好香, 切開入口岩岩好, 唔多根, 一咬就開, 夠肉汗, 好好味日本帶子黑松露意大利飯 - 同朋友爭扎左好耐叫意粉定意大利飯好, 因為驚意大利飯唔係間間好食, 所以猶豫左好耐, 好彩最終冇揀錯意大利飯, 因為真係好濃味, 好似加左個湯既精華O係入面咁,淨係食D飯已經好滿足, 帶子亦冇欺場, 大大粒芝麻雞翼 - 是日黑板寫左有呢個小食, 就叫左黎試下, 熱辣辣即叫即煎, 入口唔痴牙, 皮脆肉滑原本想試埋佢既甜品, 但真係已經食唔落, 所以留返下次啦, 香港應該多D呢D咁用心製作食品既小店

為左遷就我地班係附近返工，又收工收等夜既後生，老豆生日都要佢專登要佢出觀塘食。同𨋢既原來都係一齊去Bella Shine，入到去都幾爆場，同埋大部分都係後生，心諗應該都唔錯。其實佢係日式西餐，我地先叫左燒牛舌、雞泡魚乾、雞軟骨等小食，老豆好杯中物，想叫啤酒送小食⋯⋯竟然無啤酒叫，反而得紅酒，有點奇怪點解酒類得甘少選擇！？主菜我地叫左一個set dinner - 酥皮牛柳拼長腳蟹，其他就散叫，叫左個銀雪魚西京燒、香腸拼盤、蟹肉意大利飯，散叫果到其中一個跟餐⋯⋯但要加$88，會有個蟹蓋頭盤+餐湯+甜品+飲品，好似貴左d囉，當個頭盤拎到埋黎，更加覺得唔值，因為隻蟹蓋細得好緊要！成餐飯，我覺得除左小食既雞泡魚乾，燒得夠乾身，同唔會搽勁多麥芽糖/蜜糖搞到好甜，呢個係最好食之外，其他都真係好普通，百幾蚊一個主菜，但我食唔到食物係用料靚，甚至乎我食唔到煮既人有比心機煮，我真心覺得唔值，特別係果個酥皮牛柳，好彩叫左medium，埋檯切開果下已經變well done，舊肉變得好鞋～食到尾果個甜品都係唔得，我自己買上去果個蛋糕反而係全餐飯最好食既食物⋯⋯又貴、又唔好食、又唔抵食、又好嘈⋯⋯無下次的餐廳！