Kuro Japanese Cuisine (已結業)

銅鑼灣美食林立，真係好多選擇！咁多餐廳呢度嘅性價比唔錯！Kuro Deluxe Set Menu2人前入面有齊我中意既燒帆立貝佐牛油果•黑魚子同黑鱈魚蟹膏燒大藍洞刺身，絕對係打卡之選！個豉油係特別調製，同其他壽司豉油唔同，清清地但係出刺身嘅鮮味。🍃帆立貝同牛油果既配搭令口腔好好滿足🤤鱈魚煮得嫩滑又佈滿蟹膏，味覺豐富，不過食曬成舊有d膩。如果個menu加d清新d既食物原素落去，可能會更開胃😆價錢方面$798一個二人餐，甘多款野食，絕對抵食！呢度環景雅緻又寧靜，絕對係放鬆心情或者慶祝既好選擇！

上次喺同一棟中心食咗間不錯的火鍋店，原來有條樓梯連住下層係食日本菜的，環境一樣以黑色做主調，裝潢有格調得嚟坐位都幾舒適咁靚環境當然要點杯cocktails輕鬆陶醉一下，呢杯酸咪咪幾醒神，酒味都濃好爽前菜係粒粒刺身沙律，好清新開胃，底下係脆皮裝住火焰壽拼盤會用上當日新鮮刺身再火灸過，當了然最肥美油香係拖羅啦，仲有鮮蝦跟帶子都好鮮甜，每款都有種火灸香氣估唔到日本菜餐廳會有牛筋腩食，係fusion咗中式料理，仲要炆得好入味嫩腍，果然不錯黑松露炒黑豚肉石鍋飯都有驚喜，豚肉好嫩仲多一份油香，加入黑松露更美味，石鍋燒得好熱，飯入面帶多一份焦香～最後有甜品作結，好滿足豐富的一餐

好耐無見舊同事喇(個個都係大忙人實在太難約)今日黎到呢間日本野係銅鑼灣既midtown II 28/F環境舒適食物高質最緊要午市價錢比晚市親民最岩三五知己食個casual lunch

銅鑼灣既野食應有盡有，如果你專門想食日本野，去登龍街一定搵到你想食既日本菜。今日係同男朋友既紀念日，想食得好啲高級啲，上網見到有人推薦呢間♥Kuro Japanese Cuisine♥，評價不錯，就即刻訂台。佢位於金朝陽中心2期Midtown 28樓，一出地鐵站行幾分鐘就到，非常方便🙌🏻上到去整個環境是有點暗，不過氣氛很舒服很寧靜，是我想要的感覺。餐廳環境很大，能夠容納大大小小的台，絕對適合一大班人或者兩小口慶祝😊餐廳側的位置選用了大玻璃窗，能看到外面街燈的色彩，同時也為餐廳凝造了空間感。天花板佈置了不規則以及不同顏色的玻璃吊燈，令人看到也覺得賞心悅目。另外，餐廳的另一旁用上玻璃櫃，擺設了不同造型的潮流玩意，呢到除左型格，仲多一份潮流味道！由於餐廳主要以黑色由主，所以無論桌面跟用具，什至餐牌都以黑色為主要，不過用的紋理跟質料就絕不一樣，例如餐牌，拿上手的質感有如馬毛，種種細節也沒有錯過。點餐分別有三款叫法，第一是單點散叫，想吃什麼就點什麼；第二是套餐選擇，不過好像就只有二人套餐；第三就是廚師發辦。而這次就選擇了二人套餐，套餐的食物都是想食的，那就不用想太多了。二人套餐分別有前菜、刺身、

今晚無乜planning,於是走上Kuro碰下運氣，也沒什麼期望。點知都幾有驚喜，服務貼心，食物有水準。可以有回頭。彩虹卷賣柤出色，拖羅卷既有份量也有水準。最值得一提是和牛面肉，鬆軟好味

入口原來係喺後街⋯ 先去前面一期，樓下既reception會黑面答你兼蔑視既語氣叫你去後街⋯去到得三檯客，有6個staff行泥行去⋯ sushimi價錢ok：3點tuna及5點刺身。但帶子同蝦就麻麻地新鮮⋯ 壽司9件做得唔錯⋯ 有個紫色既豉油話係specialty，但個味唔知想點⋯ 叫壺綠茶，但比個類似sake杯你飲，唔知想點⋯ 擺低又唔倒比人飲，兼且擺倒對角咁遠，完全唔明我應該自己倒定係期望有人發現好⋯最誇張係，天花狂滴水，完全無人理⋯ 樓底高抹唔到明白既，但地下成攤水，仲要差dd滴落張凳度，都無人叫我地換位or安排下，就好奇怪囉——因為d staff係度傾計⋯

同半年先見一次嘅大學同學食飯，今次新界嘅豬太郎好貼心(打!)咁搵咗間港島嘅嚟食～其實登龍街真係仲有好多餐廳豬太郎仲未食㗎！！呢間Kuro價錢偏高～但食物精緻得嚟味道都好好～1千蚊鬆啲就有！#火焰三文魚輕燒佐蒜香汁三文魚嘅邊位都有微微燒香，三文魚嘅香味更加突出！厚切嘅三文魚加上燒完之嘅油，令到魚肉更加嫩滑！ #黑金系列黑彩虹多款刺身組成嘅黑彩虹，伴碟嘅醬汁都可以隨個人喜好配搭～幾鐘意安排好紫蘇葉包住海膽，食落口更加fresh!除咗食材本身好新鮮，擺盤都好加分～ 中拖羅無咁油膩，食多幾片都唔怕呢🤤#黑金系列流心膽最深色個兩嚿就係呢碟嘅主角！流心海膽！炸漿一啲都唔厚，紫菜包住滿滿嘅海膽，一咬開就係口度流出嚟嘅幸福感🤤#越前蟹釜飯一上碟真係驚訝咗～連飯都可以整到咁精緻～豬太郎真心服了，滿滿嘅蟹肉同蟹膏舖係面，入面仲有菇粒增加口感，成個配搭都好豐富👍🏻#黑豆胡麻牛乳最後嘅呢款布甸超級重牛奶味！口感超滑溜但唔儲過甜～用咗黑芝麻增加香味但又唔儲搶走牛乳主角光環lol

一星期連續的驚喜已經令我心情喜悅，是日放工與一位壽星仔在他的公司附近晚餐。來到銅鑼灣登龍街不再只是吃拉麵的普通街道...食店愈來愈多，就如金朝陽中心2期Midtown入面位於28樓的【Kuro Japanese Cuisine】。完全係新發現及驚喜十足。知道壽星仔一向崇尚日本，特愛日本菜，所以就選了這間非常有情調，環境幽暗，燈光迷離，令人放鬆，適合一邊摸著酒杯，一邊談天說地的日本餐廳！一出電梯門暗暗微弱的燈光都見到既【Kuro Japanese Cuisine】LOGO..仲有一堆酒！.5秒的黑暗世界後。原來入面係可以咁靚架！餐廳環景非常之大，感覺很Fusion又好Chill，內部設計我挺喜歡的...因為跟平時的日本餐廳不一樣用木枱做主打而是以黑色調為主...「牆身、地板、餐桌、碗碟、餐紙」都係黑色！再加上小量不同顏色作襯托...好似掛左彩色的璃球吊燈...係呢個昏暗既環景下呢個揀直無敵「美」，燈光尚算足夠...好明顯是走型格路線的！餐牌都係用咗黑色做硬皮包主入面，供應食物款式特別次餘種類又多「西式元素日本菜、壽司/刺身、Fine Dining、廚師發辦」...應有盡有最後的們讓他們都

全間餐廳都以黑色為主題，連紙巾都係黑色，感覺係一個摩登嘅日式餐廳。但係一品嚐過他們的食品之後，又覺得他們充滿日式風情。以「鮮」為主，然後加入他們的創意，令到食品帶出另一層味道，譬如海膽加紫蘇葉，wasabi是流質的。一直以來都唔係太留意天婦羅，但今次的天婦羅印象深刻。薄炸得夠脆，食物過好，僅熟，二人份量亦有紫菜海膽兩份，感覺特別貼心。0蟹肉飯亦都係我特別喜歡的，蟹肉新鮮，飯本身已經入味，但他們亦加上蟹膏，混和之後，蟹肉蟹膏拌飯，味道一流。二人套餐每人約600元， 覺得這個價錢也是不錯的享受，但下次可以試一試他們的清酒。看到menu上他們的清酒有300毫升供應，亦比較適合二人吃飯時叫一點酒來配搭食物。my menu: black x gold set

不知何時開始，銅鑼灣成為了日式菜的主要戰場，單是在登龍街，已經有4-5家日式料理，甚麼米芝蓮日式食府，銅鑼灣都可以找到。最近有朋友給我介紹了這家Kuro，跟男朋友路經此地，就不如一嚐這家高檔日本料理。Kuro 的店內以浪漫格調為主，擁有一般日式餐廳缺少的情調，情侶撐枱腳也好，朋友想靜靜飲野傾計也好，這裡氣氛都十分配合。餐廳的空間也很大，但枱不算很多，所以很寬敞。窗邊以sofa 枱為主，從大玻璃靜觀城市夜景，再吃一口壽司，喝一啖酒，也未嚐不是賞心樂事。要嚐一家日式餐廳，刺身壽司是不能缺的，另外，一些精緻的日式料理也需要有的，所以我們都叫齊了這些東西。大藍洞 ($398)刺身方面，選了這裡的特色刺身併盤─大藍洞。一共有六種刺身，各兩切，包括赤身、平政、三文魚、左口、牡丹蝦、帆立貝。赤身呈紅色，金槍魚背部，此部分脂肪比較少，肉質一般較堅實。這裡的赤身色澤鮮明，香味濃郁，具嚼感，雖然此部位沒有太多脂肪，但瘦肉有時才是金槍魚的精髓。平政的魚味則比較淡，而且較彈牙；左口魚肉質也很香很滑溜；三文魚脂肉比例均衡，既有脂香也有魚香；帆立貝質地軟得來不乏彈性，鮮甜多汁；牡丹蝦肥美多汁，肉質爽脆，吃下去索索

見到咁多好評同😊😊，開心諗住同朋友試下新野。Turn out super disappointed! 午餐叫左個signature 刺身飯定食（238+10%），的刺身質素好差好腥，的魚處理好差，見到好多血點，牡丹蝦大隻，但食落似日本放題的阿根廷7寸蝦，的帯子腥到要吐。最後朋友偉大同我分享佢個天婦羅定食，呢個一般水準, 個南瓜天婦羅算比較好，但要成198元連+10%，唔抵。成餐飯最好味係個蒸蛋，有普通餐廳水準。

Kuro走到銅鑼灣登龍街，食肆林立，很少會走到樓上的食肆。不過今天朋友特意邀請我到登龍街，走到金朝陽中心的樓上，品嚐一餐充滿誠意的日本菜。甫走進餐廳,被天花板上的別緻吊燈吸引着,餐廳樓底很高，以黑色做主調,難怪餐廳的中文字——「黑」。。門口的一旁，能夠看到壽司師傅，正在準備刺身食物呢。餐桌之間也不算太密集，我和朋友比安排坐窗旁，景色雖然不算很優美，但是看到窗外的景物也覺得心曠神怡呢！Black x gold set 前菜：火焰三文魚輕燒佐蒜香汁兩件的三文魚排得整齊，非常精緻，表面經過輕微的火槍燒過，燒得剛好不會令太乾，令三文魚有不同的口感。刺身：黑金系列——黑彩虹食日本嘢當然賣相會加分， 但係新鮮亦都十分重要。 稍微用配菜去提升食物嘅新鮮，令到主角更加突出，呢個感覺真係意想不到。刺身會以這樣特別的賣相呈上，實在驚喜。這個刺身十足一個藝術品似的，廚師利用墨魚汁在白色的碟上畫成不同的花紋，中間點綴了紅頭汁、黃芥末、波菜汁，這賣相已經為刺身增添了不少分數。新鮮Wasabi磨成茸再加上特製醋汁，比一般嘅較稀身，中和左一種辣味，較容易入口。拖羅係我最鍾意嘅刺身之一，油香四溢，入口即溶。牡丹蝦非常

今日朋友生日，諗住揀個好地方同佢慶祝下，近排登龍街兩旁的大廈先後翻新，都吸引左唔少特色食肆進駐，成為新嘅美食集中地，朋友話好少黎呢頭，所以帶佢黎見識下！朋友本身都好愛日本，一年都返幾次家鄉，所以今日就揀左28樓呢間日本料理同佢食，貪餐廳係做fusion菜，唔洗一味傳統咁悶，試下新野。餐廳名叫Kuro，日文意思係 黑，成間餐廳裝修都好配合個名，走黑色主調，佈局非常Grand，而座位亦非常寬敞，唔會話同隔離貼得太近，好有私人空間，近窗位置更可以望到維港景色。不過朋友揀左中間位坐，話天花板d仿氣球燈飾靚喎。餐廳有二人餐提供，亦有得散叫，種類都非常多。本身都想叫個二人餐試下，朋友怕二人餐太大份，所以話不如散叫食下刺身壽司咁。食完發現其實二人餐更加抵食，有大份刺身之餘，又有天婦羅同釜飯，喺最後會補個二人餐比大家參考下*另外我地都叫多左2杯野飲，亦比個cocktails menu 大家望望啦。首先前菜點左個薄切白身魚沙律，點白身魚原因係因為夏天當造，白身魚油分少，不油膩，配搭酸汁食更加開胃，可以中和一下夏天個種熱感。而餐廳以沙律配搭白身魚，以酸汁取代一般食沙律嘅黑醋，另有一翻風味，同時食用非常搭配

終於加人工！ 辛苦得來至在食，當然要請至親的人吃一頓好的。家人喜愛日本菜，研究之下發現這家環境和性價比都不錯的地方，決定來這裡慶祝慶祝。不知不覺登龍街除了是拉麵街以外，現在還多了三幢高樓大廈，整幢大廈幾乎都是餐廳，且還是新裝修，感覺很新淨企理。走進餐廳，先是給人驚豔的感覺。餐廳內部設計以黑金為主調，掛上彩色的璃球吊燈，燈光足夠，不會在上一輩的人口中落得一句「鬼五馬六」，反而很有時代感，這種格調正合我意。如果坐窗邊，因樓層高的關係竟可望到少許海景，是高級餐廳的配套，在銅鑼灣鬧市當中絕對勝人一籌。我們坐另一邊的梳化，除了玻璃酒櫃外，還看著一列機械熊陳列櫥窗，比窗邊的感覺多了份親切和有趣，真的是「估你唔到」。-除了廚師發辦外，也有套餐和散點。套餐雖然較花算，但散點的種類和款式十分多。幸好我們一行四人，可以點一個二人餐，再散點一些較大的拼盤分享，便可多試點不同款式。黑金二人餐有五道菜，包括前菜——火焰三文魚輕燒佐蒜香汁、刺身——黑彩虹、天婦羅——流心膽、食事——越前蟹釜飯、甘物——黑豆胡麻牛乳。餐廳很貼心地不會將套餐和散點分開上，而是順著菜式逐道上，所以先吃前菜、冷盤、熱食，最後才到甜品。-先