Saravanaa Bhavan (已搬遷) 新店位置

近排成日約朋友食肉  突然好想食清D 竟然搵到間食印度的素菜一黎要左杯石榴汁  真係用新鮮水果整  但唔太夠凍  凍D 會更解暑小食試左個炸蘑菇 脆得黎唔油  一碟有好多粒北印度套餐 $110 瑪沙拉咖哩芝士, 牛油炒豆蓉, 瑪抄拉鷹嘴豆,蔬菜乾,雜菜黃飯,印度烤餅,特製鷹嘴豆酸奶,甜品, 一個餐有好多野食  夠晒兩個人食, 有好多款唔同的醬, 咩味都可以試齊晒最後想再食烤餅 又叫多兩塊, 配的醬同北印度套餐 個D 好類似

里面基本上都是印度人光顧，口味應該比較正宗。里面裝潢有點像快餐餐廳，但服務包括點餐上菜都滿迅速。North Indian Thali hkd 110整個套餐特別豐富，中間一碗雜菜黃飯，旁邊位住一圈醬料， 包括瑪沙拉咖哩芝士、牛油炒豆蓉、瑪沙拉鷹嘴豆、特製鷹嘴酸豆奶、酸瓜等。雜菜黃飯飯粒口感跟平日的不一樣，感覺較粉軟，入口香辣帶點咖哩味。套餐配送的印度烤餅煙韌用來沾上咖哩就最配搭。Pomegranate Juice hkd 68石榴汁新鮮好味，入口清甜，解暑解辣之選。

來一個新奇好玩的經歷🤓，今晚嚟到尖沙咀亞士厘道“saravannaa bhavan ”食“#北印度菜 ”，我愛吃印度咖喱😋😋，唔知北印度會有咩分別呢🤔～ .首先餐廳是全素食的，沒有肉類在菜單裡。食物款式選擇超多，而且仲咖喱都好10多種🤣🤣，諗到頭都大🤯。我同好姊妹就各自揀自己喜愛的😁😁，我必定會叫酥炸大蕉油條，一碟有3條。炸到脆卜卜而且不油，裡面是切開了片狀的香蕉🍌及加上咖喱🍛。雖然咖喱蓋過了香蕉的甜味，但都算好食。🤗🤗好姊妹叫要蔬菜咖哩角，熱辣辣⚠️⚠️，熱到熨口的但不熱氣😝😝，要慢慢品嚐。其實已經好夠味，加不加醬汁也不成問題。我本人就不太需要，你又需要加嗎？喜歡點邊個醬汁呢？特選套餐，特製薩拉維亞套餐🍽，食品非常豐富同有特色，包括有酸辣湯、辣豆、配菜、印度香料、雜菜扁豆醬、特色印度酸咖哩、乳酪、牛油奶、特製鷹嘴豆、酸奶、印度薄餅、酸瓜、甜品、米飯，可配印度薄餅或麥餅。份量足夠3人，我哋二人根本沒辦吃得完。我哋大愛特製鷹嘴豆，其他醬汁比較味道濃烈，香料味十足，適合配米飯多一點。餐廳裝修設計好一般，普普通通，座位闊落。職員全是印度人， 雖然從未去過北印度，單睇廚師同職員都好明顯是正宗北印度

印度菜係我心目中都係辣味濃味全部野一樣味, 仲要去重慶大廈先有得食。(梗係唔係啦) 我朋友好大聲答我XDDD咁就帶左我去呢間印度餐廳試下。呢度地方好大好多位，仲有露台。不過今日下雨無得出去, 下次啦。呢間餐廳由印度人主理, 餐牌有中英對照。菜式選擇超多, 我唔識揀呀, 朋友就介紹要食呢度既咖哩, 炒飯, 仲有烤餅。我最期待想食一道菜: 蘑菇用香料薑蔥炒，勁重口味，但唔係重味精個隻，是純天然印度香料，食落口蘑菇仲多汁，外層醬汁香口，感覺好有鑊氣架。鋪內有洗手盤俾你洗手食野，方便用手攞烤餅。勁貼心。咖喱雜菜，好香濃的印度香料，入口香而不辣醬汁勁濃，好傑身，薄餅連埋咖哩一齊食一流。蘑菇炒飯裡面有青椒，紫洋蔥等等一齊炒印度米飯，粒粒分明，不太油，口感好實在同埋幼細。唔同平時屋企食既白米飯。薄餅食哂我就用D咖哩汁撈飯, 一樣咁好味。Mango lassi: 用新鮮芒果加乳酸打成汁，清新好飲。感覺有一點點像羅宋湯加中辣, 很開胃。不過辣既味道唔同平時麻辣味, 好足香料味。

香港出咗名係美食天堂你口講得出唔同國家嘅食物係香港都可以搵到，印度菜上其中一樣香港發展得非常之豐富嘅外國菜，今日想同朋友嚟咗Saravanaa Bhavan試吓佢哋出名嘅印度齋菜！一入到去餐廳第一個感覺係非常之熱鬧同埋都有好多印度嘅家庭係喺度享用緊晚餐，唔好以為佢哋印度人就有唔同嘅睇法成個餐廳嘅環景係非常之乾淨嘅，亦都見到印度人進食嘅時間用手睇來依度嘅食物都亦都係非常之令到佢哋安心食用！介紹下食左咩先, Masala Dosa係一種米餅，主要係用小麥經過煎烤，製造成一塊好薄身嘅煎餅，口感初頭食會跪卜卜，中間有啲一粒粒類似係用豆同埋薯仔製作而成嘅餡料，食落去個質感就好似cream加上炊餅一樣。之後就叫左一個印度最傳統嘅由烤餅，睇相你就見得到佢係一個好基本嘅烤餅有啲亞麻籽係上面，但係呢一個烤餅係最完美展現出佢哋飲食嘅文化，烤餅外邊非常之脆身，當你用口撕開烤餅嘅時間就會慢慢感受到啱啱脆口嘅烤餅我開始有煙銀嘅感覺，一路食當你咬咗亞麻籽嘅時間就會有一啲好清新嘅感覺係好裏面散發出黎，老實講我覺得雖然係最普通嘅薄餅 但係就最感受到印度人嘅手工。Mushroom Sizzler辣汁炸蘑菇鐵板燒，蘑菇表

在尖沙咀有不少各地世界的美食聚集在一起，經過亞士厘道，有一個派傳單的人，派了一張優惠的單張給我，原來是吃印度食物的，心想印度食物不是只有重慶大廈！原來在4樓都有一間出名食咖喱的印度餐廳。我們便上了4樓享用晚餐，一日店內已經是印度的員工招呼我們，看見每一台食客都有食咖喱，原來這間店舖出名的是咖喱薄餅！我們便叫了一個雜菜印度式炒飯，這個炒飯用的米是印度香米，和香港的飯不同，很幼長！雜菜方面有印度香草.青豆.蘑菇，原來印度香草有一種獨特的味道，令這個飯更加突出！這個飯更是辣辣的，喜歡食辣的人士一定要嘗試一下！配上椰汁食用更顯得印度辣的口感！第二款我們叫了咖喱雜菜，這個咖喱有正宗咖喱印度的味道，不會辣的，椰汁加咖喱混為一體，十分搭配！雜菜的份量也很豐富！第三款當然點了出名的印度薄餅，薄餅皮脆，帶有微辣，薄餅內有芫荽和椰菜花，令人感覺很健康！薄餅是手製的！這間店舖適合喜歡愛辣的人士食用！店內還有不少香港人享用晚餐，更有很多印度人！完全感覺置身印度中！

放咗工同親愛的同事食餐好嘅放鬆下基於覺得呢間印度素菜好似幾特別咁就嚟咗食啦地理位置亦都非常好，尖東站L5出口行兩三分鐘就到，門口已經其左個印度人招攬生意非常容易搵到😌😌入到黎就已經聽到唔同嘅語言啦呢到都幾大，分室外同室內，同多幾個朋友黎食嘅話完全唔擔心座位嘅問題同埋有一樣我覺得特別嘅係，呢到檯面係會放支裝水好啦，首先講下飲品先，我同朋友都叫咗分別都叫咗Lassi（拉昔）佢好勇敢咁挑戰salty lassi，我偷人飲咗一啖，覺得係咸味嘅酸奶，幾特別但我都係鍾意我果杯多啲我果杯係Mango Lassi，酸酸甜甜，好開胃野食方面就要咗個Rava Dosa（粗粒米煎餅），呢個幾好食，果餅嘅口感係脆中帶軟，軟中帶脆啲醬要惹味嘅有，要清新嘅，任君選擇之後一要咗個Kaidai Paneer Panjabi（旁遮普芝士雜菜咖喱），另配Butter Naan（印度牛油煎餅）好惹味，一定要配啲餅黎食，非常之搭配！用手撕啲餅果下好療癒啊！最後兩個人埋單$247.5，其實幾抵食唔叫嘢飲嘅話可以叫多個餸添總括而言呢度係個非常唔錯嘅印度菜體驗！十分多嘅選擇，MENU嘅菜式亦令我呢啲唔熟悉印度嘅人大開眼戒😆想體驗異

其實食印度咖哩都真係第一時間諗起重慶大廈，不過朋友話之前喺雅士利道食過一間都幾好，環境比較寬敞，於是又去試下。餐廳係樓上舖，都叫乾淨企理，只提供素食。我哋叫咗平時比較少見嘅印度芝士煎餅，係一款以扁豆米造嘅pancake，中間包咗d碎芝士。塊煎餅係無敵大塊，成隻紙鳶咁，配上4款醬汁。芝士煎餅就咁食有少少酸酸地，質地都幾軟熟，配上咖哩，又幾好食。其實幾款醬汁我唔係好知係d乜，橙色兩款係咖哩，黃色好似有少許薄荷味，白色就真係完全食唔出。食印度菜又點可以唔食Naan Bread, 食naan 就當然要配咖哩！我哋叫咗個雜菜咖哩，好多青豆！不過青豆之外唔係好揾到有完整嘅菜喺入面，我估計係打成菜茸融入咗咖哩之中。呢個雜菜咖哩都幾辣，食落好刺激，一路用手拎住naan bread, 再沾咖哩食，真係別有一番風味！我哋仲叫咗一款瑪沙拉咖哩芝士，呢一款咖哩相對無咁辣，但就有濃濃牛油味，咖哩入面有一粒粒茅屋芝士，其實都幾特別！今次用餐經驗感覺幾好，食物多選擇，坐位又真係比較舒適，雖然係食素菜，但係可能食物都偏向濃味，所以一d都唔覺得寡！想食素又怕太清無乜食慾嘅朋友真係可以試下印度素食！

今日同友人黎試下印度式素食！我地比較早到，所以都仲有位置，唔會坐得好迫。今日天氣都比較熱，當然要叫個凍飲先啦，我就揀左mango lassi食物送到喇！芝士煎餅 (Cheese Dosa) - 個芝士煎餅好大份架，熱辣辣，芝士幾香，中間嘅芝士仲可以拉絲添！煎餅仲附有四款醬汁可以點，例如有咖哩汁，薄荷香草醬，都唔錯架。酥炸蘑菇 (Fried Mushroom) - 依個炸蘑菇就好有香港風味，炸左嘅蘑菇，再用青椒同洋蔥去炒，又幾惹味喎。咖哩芝士 (Mutter Paneer) - 印度嘅咖哩好常用嘅cottage cheese去整咖哩，口感都幾得意。依個咖哩唔算好辣，配合naan食都不錯。蔬菜咖哩 (Vegetable Kolhapuri) - 依個係雜錦蔬菜咖哩，相對比較辣，都係要配合naan去食。印度牛油烤餅 (Butter Naan) - 不過不失啦，一路點住咖哩食，都幾好。

成日都話食西餐、日本野，我又好似真係未食過印度食物今次嚟到呢度除咗見到好多印度特色食物、印度人之外，都可以話係一個體驗嚟嘅～入去有兩枝水已經準備好幾貼心室外有個洗手區，食印度菜少不免係要用手接觸啲食物，可以食前食後洗洗手特色煎餅聞落好香，而且煎得均勻裡面仲有特制餡料側邊有碗湯比你享用呢舊唔係炸雞，又係印度特色野入面包住好多薯仔、青豆雜菜又幾好食喎蘑菇炒飯望落好深色，食落比較淡味醬汁可以撈嚟食咖哩唔係送飯，都係送薄餅不過可能我地食得唔太習慣，有啲油膩、同埋燶燶地後記：- 其實冇想像之中咁唔整潔，仲甚至比香港某啲茶記乾淨- 差唔多所有食物都係用鐵盤裝住

今日嚟到一個充滿異國風情嘅地方，食正宗印度菜。餐廳環境闊落開揚，由印度人主理，餐牌有中英對照。菜式選擇超多，唔好以為印度只有咖哩，其實仲有好多小吃，煎餅，甜品。而單單係咖喱已經有分南印度和北印度，烤餅和煎餅都有十幾款。由於唔少印度人都係素食者，所以呢度嘅素食選擇都幾多。午餐時間餐廳都幾多人，有印度人、外國遊客，亦不乏本地人。餐廳有提供刀叉，但四周的外國人都係用手食，一於入鄉隨俗。North Indian Thali 北印度套餐 $110(瑪沙拉咖喱芝士、 牛油炒豆蓉 、瑪沙拉鷹嘴豆、蔬菜乾、雜菜黄飯、印度烤餅、特製鷹嘴豆酸奶、烤印度薄煎餅、酸瓜、甜品)一個大圓盤嘅套餐，包含十款菜式，全部放在小圓盤內，好豐富。未食已經聞到印度香料嘅獨特香味。印度咖喱辣度都是可接受範圍，香草味濃厚，配煙韌，富牛油香味嘅烤餅，好味。炒飯米粒較泰國米幼長，炒得乾爽。入口第一啖唔會太辣，但有點後勁，越食越辣，越食越想食。橙橙紅紅的甜品好重椰汁香味，甜甜地，質感軟糯。蔬菜乾入面係醃紅菜頭和豆乾，第一次食，唔錯。 Onion Kulcha 洋蔥烤包 $35新鮮熱辣嘅洋蔥烤包比原味更香，唔好睇少佢薄薄一塊，都幾飽肚㗎

上星期放工後約左個好耐無見既朋友食飯，諗住去食下特色野，於是無留中發現左呢間食印度素菜既正宗local餐廳首先環境幾舒服，唔止印度人仲有好多外國人同香港人黎食，meun有中英文有圖少左機會中伏先。因為想試多d野，我地兩個人叫左個特製薩拉維亞套餐 $120，即係大雜燴俾你撈白飯食都有包括酸辣湯、印度香料、雜菜扁豆醬、特色印度酸咖喱、乳酪、牛油奶、特製鷹嘴豆酸奶、印度煎薄餅、酸瓜同埋甜品等等......甜酸辣味都有而且都好好味另外我地仲點左個小食「Dahi Puri酸奶薯蓉配炸圓脆餅」同牛油烤餅。先講炸圓脆餅，呢個小食係我既最愛，酸酸甜甜有少少薄荷同辣。聽落match得好怪但實質上好好味，淨係酸奶個味已經好夠打。而牛油烤餅都烤得好香，之前係長洲食過一次印度牛油烤餅就上左癮，我覺得用牛油烤餅就混唔同醬汁配菜食比上面個套餐既白飯同麥餅仲好味不過到埋單時先知每張台既水都係另外收費，食印度菜一定要飲水啦，收費唔算貴所以都ok2個人食左hkd200左右飽到上心口，都幾抵食

好耐都冇食過印度野，今次就同男朋友去咗食一間價錢非常相宜嘅印度菜館。佢係喺亞士厘道，地點好近地鐵站，十分之方便，我男朋友放咗工就可以好快到菜館搵我。我哋七點半食飯，我哋食飯嗰時應該係繁忙時間，所以我哋等左一陣先至入到座。因為我哋之前喺網上都已經睇咗個餐牌，見到幾十蚊就已經有交易，所以我哋都非常放肆咁樣喺度叫嘢食。結果係有少少眼闊肚窄，叫咗好多嘢食，有少少食唔晒咁樣，好彩男朋友就係一個免費嘅回收箱，佢就收晒所有我食剩嘅食物。仲有我哋叫嘢食之前，真係睇緊餐牌嗰時先至知道原來一間餐廳係食齋菜，對於我來講完全冇問題，因為我自己都幾鍾意食菜食素，但係對於男朋友來講就係一個幾大嘅問題，因為佢係麻煩傢食肉獸。我哋叫咗一個$90嘅印度晚餐小拼盤，上面有好多醬汁，係差唔多全部醬汁都係辣，如果鍾意印度辣嘅朋友應該會非常鍾意啲醬汁，啲醬汁配落nann 印度薄餅個到真係勁夾，食完之後就一定要飲下水，平衡番，哈哈！唔係講笑，我第一次食齋菜嘅薄餅，仲要係印度嘅口味係咁好食！佢直情不點汁都好食，我哋嘅口味就揀咗番茄同埋洋蔥，有啲似煎薄撐，但係比煎薄撐更加好食，因為做得好煙銀。妮到要叫mango lassssssss

身邊有位很愛吃印度餐的朋友，所以知道了後，便找了一間印度餐廳跟她一起嘗試這間餐廳我也未試過的～進去後，有一枝大及小Bonaqua水（事後才知道是要收費的，大的$11，而小的$9）看看menu，發現都沒有肉類的，無論咖哩、煎餅🥞還是炒飯煎餅淨係煎餅都已經有20幾款選擇呢款煎餅真係要拿拿林襯熱食啊～脆脆地再點吓呢三隻醬隻隻下塊煎餅先知原來裡面有餡蘑菇炒飯 $75炒飯嘅米同平時食開嘅泰國米、日本米有啲唔同呢隻印度米比較長身同埋林啲，入面有好多新鮮蘑菇、菜而碟嘅側邊有兩個醬汁可以拌食雖然兩個醬汁嘅色係一樣，但味道係完全唔同環境有分室外室內都一樣咁舒服😌

My friend and i came to this Indian restaurant for the first time indian food.The restaurant is clean and bright. The setting is very comfortable. We ordered a lunch set, a mango messi and indian cakes. lunch combo set B 午餐B($85)The lunch combo is avaliable from 12noon to 3pm every Monday to Friday.The outlook is attractive since it comprises many colours. it contains a bowl of fry rice with green beans, dessert, soup, curry, pickle and vegetable. Two breads are given. The portion size is very l