Saravanaa Bhavan (已搬遷) 新店位置

餐廳有啲似快餐餐店既feel，客人入面，印度人佔6成，而香港人佔4成。打開餐牌發覺好多item隔離有VO字眼，原來係vegan option，尼間係一間素食既餐廳。每樣都想試下，於是叫左餐牌既2個set同友人share。一來係酸辣湯，兩個套餐都跟既，好辣好刺激！飲左一啖喉嚨好似比火燒咁🤣食到好辣唔緊要，枱旁有水隨便開，不過細既$9，大既$12。北印度套餐：有印度炒飯，配兩款印度薄餅。我叫左roti印度煎餅再配烤印度煎餅roasted pappad🤣個名好似，但食落完全不同！一款脆卜卜似食薯片，一款似食麵包！而我最中意既醬係瑪沙拉咖哩芝士，好特別既味道，有別於平既食既咖哩，有點啖啖既芝士味，配埋薄餅食一流👍 甜品係玫瑰炸鮮奶球浸左係糖醬到，淡淡的玫塊味，但真係太甜啦薩拉維亞套餐：超多款side dish!!仲多過北印度套餐，每碟細細碟，想試哂唔同既印度野建議叫尼個！試到印度牛油奶，飲落去飲酸奶，牛奶味不會太重。而印度乳略就偏酸，楂係薄餅食都唔錯😂甜品好特別，橙色一碟我以為係carrot碎，食落先知係甜既，口感似蟹䰵，好重椰漿味，甜度我都接受到👍之後番屋企check過，好似叫ladoo🤔選

聽聞尖沙咀有間主打素食的印度餐廳，便特意來試試。一向有選擇困難症的我，毫不猶豫就點了印度套餐($90)，可以一次過試遍各式醬汁。套餐包括酸辣湯，辣豆，配菜，印度香料，印度酸咖哩，乳酪，牛油奶，鷹嘴豆酸奶，印度煎薄餅，酸瓜，甜品，米飯及印度炸餅。酸辣湯入口偏酸，十分香口，但多喝幾口辣勁就來勢洶洶。我本身對辣承受力不高，但因為味道實在好喝，所以硬著頭皮把它喝完。非常惹味的咖哩，配烤餅一流。甜品口感軟糯，甜絲絲的味道，香甜可口。我超級喜歡印度的米飯🍚外形較幼長，質地乾 爽，粒粒分明，和咖哩是絕配。印度炸餅味道像蝦片，看似香脆，實質上又帶點韌感。而薄餅乾身，油膩感不重👍🏻瑪沙拉咖哩芝士($70)即牛油汁煮香茅芝士。印度套餐感覺比較辣，而這個瑪沙拉咖哩芝士更合我的口味，咖哩味道香濃，滿滿的牛油香，撈飯食一流。印度烤餅($35)比薄餅更香口，口感更豐富的印度烤餅。Lassi@Sweet($30)甜甜的酸奶飲料，像乳酪般的味道，質地濃厚濃稠。Butter Milk($25)喝上去有淡淡牛油香，而且有股不搭的辣勁，感覺像加了各種香料的湯，如果變成熱的相信會挺好喝的，但是凍飲的話實在不太合我口味。相當地

某天晚上和好友想試試新口味，便來到大受好評的 SARAVANAA BHAVAN，店內座位很多，乾淨又光猛，顧客中有一半是印度人，沒來錯啦～店員當然也全是印度人，可以用英文溝通，我們兩人被安排在四人的座位，很舒服呢～點了以下：蘋果汁 ($45)很濃，而且不會很甜，很天然；很喜歡這種不會太過人工的味道咖哩薯仔角 ($50)大大粒，裡面有很多薯仔肉，配上兩款汁料，啡色那款微微帶甜，適合不吃辣的人綠色那款比較濃，但很香，而且很辣點上那一款汁料都很好味～洋蔥烤包 ($35)很香很軟，烤過的餅面帶點脆，洋蔥夠甜，再配上咖哩，超好味印度芝士烤包 ($35)芝士配上辣粉，又香又辣，是另一番味道，烤包很大塊又不會太薄，吃兩塊已經很飽 薯仔椰菜咖哩 ($65)咖哩都可以選不同辣度，嗜辣與不辣的人同樣享受呢～因為女生吃不到太多，點了蔬菜咖哩就剛剛好～味道很正宗又舒適的店，推介烤包點咖哩～會和朋友再 encore

第一次來食完個炸芝士念念不忘，於是約了同樣喜愛印度素食的好朋友再去試，好處是大家都不會點大路的菜式，開始找些未試過的印度菜。首先送上是"酸奶薯蓉配炸圓脆餅（有６件），像個麵粉炸出來的小碗剩著酸奶、薯蓉及其他配料，一啖咬落有很豐富的口感，甜甜酸酸的，是很值得推介的餐前小食。（不過留意這不是在餐前小食找到，而是街頭印度素菜的部分）再來是"瑪沙拉乾果米餅"，是小麥薄煎餅釀入薯蓉及洋蔥，配乾果仁及葡萄乾，這一款薄餅第一次試，較厚身同軟綿綿，也有點甜，最正是三款醬料，黃色的較辣，白色是棷蓉、很香甜，橙色的則是很香口，整塊薄餅很大塊，差不多成呎闊，第一次去可以先叫部分，唔夠再叫。最後不得不提我為它而去的酥炸茅屋芝士，我一個人食了三粒半，比起西式炸芝士，這一款是很乾身而不油膩，也不會太鹹。順帶一提，這餐廳是飯堂格局，想「食埋」環境的話就可能要留意下。

近期吃素菜已成為一股熱潮，但除了中式的素菜外，印度的素食也漸漸為港人接受。不要以為素菜的菜式沒有什麼選擇，其實利用印度的香料配合蔬菜等配料，就可以做出千變萬化的菜式。如果你喜歡吃素，印度素食必定為你帶來另一種體驗。Saravanna Special Biryanis 特製薩拉維亞炒飯（$75）👍👍👍👍這是傳統印度香料炒印度香米雜菜飯，幼長的印度米黏性較低，所以做炒飯很適合，飯粒分明，加入雜菜同炒增添口感，吃的時候還可加入酸乳酪一起吃。Masala Dosa 瑪沙拉煎餅 ($60)👍👍👍👍👍米煎餅釀入辣薯仔餡(Potato Masala) 並配合三種不同的 chutney 和 酸豆湯sambar同吃。煎餅又薄又脆，其中白色的 coconut chutney 是不含辣味的，可以獨立點來吃，亦可以點齊幾種醬汁同吃。Dahi Puri (6pcs) 酸奶薯蓉配炸圓脆餅（$65）👍👍👍👍這款小食是用炸過的圓脆餅上面舖滿酸奶，薯蓉和洋蔥絲等，最後在撒上一些炸了的脆麵條上面，口感和味道十分多層次。Vegetable Butter Masala 瑪沙拉牛油雜菜（$70）👍👍👍👍用了印度香料煑成的牛油瑪

呢日同個friend落老尖shopping,行到咁上下又係食晏時間，佢話带我試吓新口味…印度素食，咁我哋就嚟咗呢間座落喺雅士尼中心4樓嘅Savannah Bhavan。有别於一般食肆，打開大門做生意嘅風格，我哋搭𨋢上度嚟，見到一個寫滿印度文嘅水牌，跟住推開道平平無奇嘅木門，先至見到間餐廳。沒有我想像中一般印度食肆别饒傳統風味嘅華麗佈置，反而像踏足一間平民食堂。只見四周食客都係印度人，咁反而增添我對呢度嘅食物嘅信心，因為一定夠地道。天口咁熱，先來杯石榴汁消消暑氣，現搾現飲，少少甜冇加糖，夠新鮮，夠健康。跟住嚟個小食：蔬菜咖喱角，咖喱角主要餡料係青豆同香料薯仔，一啖咬落外皮酥脆，再沾一沾酸甜醬同香草薄荷醬，豐富口味前所未有。再上嘅腰果炒飯，係用印度香米配金黄嘅炸腰果再加上印度香料炒成，炒飯帶少許微辣，不過非常可口，再配上加咗青瓜同紅洋葱嘅乳酪汁，好味層次又再提升。啱啱烘好嘅洋葱烤包熱辣辣上枱，食落煙煙韌韌，包入面有新鮮嘅紫洋葱同香草，口味夠晒清新。估唔到印度素食都有咁多選擇同口味，下次嚟一定要叫多幾款唔同嘅菜式。

響應Green Monday, 今日嚟個素食，不過係重口味少少嘅…印度餐。揀咗呢間位於尖沙咀亞士呢道嘅Saravanna Bhavan, 餐廳風格走大眾平民路線，食客又多係印度同鄉，感覺就好似入咗一間印度茶記一樣。打開餐牌一睇，林林總總多款印度菜式 ，唔單止分開南、北印度，仲有D加咗中國特色，好似印度客家炒飯同印度四川炒飯，相當有創意。唔好講咁多，一嚟叫個酥炸蘑菇同蔬菜咖喱角試吓先。咖喱角入面主餡料係薯仔，外脆內軟，配埋两款特色醬汁，啡色酸酸甜甜好惹味，綠色香草薄菏夠清香；無論口感同味道都相當不俗。呢碟酥炸蘑菇配咗個香濃咖喱汁，好味到食唔停口。一般人食印度餐多數揀印度薄餅，但我今次專登叫個洋葱烤包，一來平時比較少見，二來梗要試新口味喇！口感有D似北方燒餅，不過入面配咗新鮮嘅洋蔥同香草，可口清甜，今次真係冇揀咗。嚟多杯芒果拉昔，呢餐真係食得健康又滿足。讚！

最近想吃點特別的，所以特地找了個不挑食的好友一起找未刷過的店。看到網上這店的印度菜評價不錯，一時起了興致，便跟好友下班跑去試吃～店其實很部鐵站，一出直行不到幾分鐘就到的樓上店。裝潢非常簡單，店內光線明亮。店裡大多是印度人，但也有非印度的人用餐，看起來偏正宗所以很期待！看到石榴汁簡直想尖叫！一杯$68，但完全沒滲水原汁原味，酸甜清香的果汁，是我最愛但難在香港喝到的。叫了個蔬菜咖哩角$50兩個，配兩種醬汁。一種是偏微酸帶點輕甜的醬油，沾著吃會減低了辣勁，因裡頭的蔬菜都是混了咖哩醬有點辣。而綠色的帶有清涼薄荷味，跟平日吃不同是後勁很強，辣勁是後來才突出來。我個人偏好這醬，清新卻又惹味。咖哩角本身炸得挺香脆～重點中重點，傳統爐燒的薄餅，這是辣芝士碎味$35一碟有兩大塊，芝士上下都塗了層很香的牛油，且芝士碎也未全融，所以咬著很香口。薄餅也自然很鬆脆。單吃配咖哩都正。除了辣味芝士，也叫了洋蔥味，都是$35兩大塊，用的是辣味較重的紫洋蔥，中我心！薄餅油香，加上差紫洋蔥獨有的清新辛辣，味道合起來很開胃。咖啡薯仔aloo gobi$65，咖哩也不少，足夠分著吃兩份薄餅還有點剩。很香口惹味，辣度可自己要求

餐廳位於大廈入面，環境都幾寬敞。餐牌有勁多選擇...酥炸茅屋芝士油條: 外皮香脆，香料味十足。一咬開，入面嘅cottage cheese質地挺身，細嚼下淡淡嘅奶香滲出，感覺特別。點下黃色嘅特式印度醬汁，少少辣，更加惹味。(Btw, 口感有啲似豆腐乾😂)-咖哩芝士咖嘢一入口，唔算太辣，入面有好多配料，例如薯仔、香葉等等。食多幾啖之後，發現好戲在後頭，越食越辣，滿口都係香辣嘅咖哩味，好刺激! 不過，我地揾極都揾唔到芝士，可能溶左入啲咖哩入面掛😂咖哩味好夠，不過芝士味就唔係好覺喇。-印度烤餅 naan印度烤餅新鮮熱辣，攞上手熱騰騰，真正炙手可熱😂一咬落去，質地既軟熟又煙韌，而表面則烤得有少少焦，點埋咖哩食好配合。-印度芝士烤餅 paneer naan相比剛才嘅印度烤餅，尼份印度芝士烤餅就係佢升級版！驟眼望落已經見到油光，聞到陣陣香味。撕開烤餅，發現中間藏住好多芝士粒！入口粒粒芝士，口感好滿足！

朋友是食齋的, 但食黎食去都係粵齋或西式齋, 在openrice search 一search, 發現原來印度都有齋菜, 而且也挺多好評, 而且地方也方便易到, 尖沙咀地鐵站出行幾分鐘就到, 於是就帶埋朋友黎試一試。粗粒米煎餅是由小麥米漿造成的脆薄煎餅味道溫和樸實又帶點微辣, 外表有一個個洞,軟得黎又帶D脆, 中間又會有少少軟。配上三款醬同一碗酸辣湯, 有一種獨特的印度香草味道，, 橙色係最辣的, 有少少咖哩味, 黃色果款都辣, 不過又有少少薄荷味, 白色係最基本的, 三款都好足香料味, 開胃惹味。雜菜薯仔配印式爆米花係一道爆過的印度米飯，粒粒分明，有股濃濃的印度的咖哩和香料味, 不算太油，不過口感比想像中淋, 唔會係爆到卜卜脆果隻, 唔覺得似食緊脆米，可能係因為撈埋薯掛！印度麥餅及蔬菜套餐每份套餐配鬆軟薄全麥麵包配蔬菜特製薯蓉及咖哩, 特製薯蓉香料味濃郁, 另外還有鷹咀豆的特製咖哩, 營養滿分。另外薄全麥麵包鬆軟, 有陣輕輕的麥味。另外仲叫左塊raw 的naan, 係款好基本嘅烤餅, 烤餅外邊脆身之餘, 趁熱撕開烤餅仲會見到D 煙, 而入面係煙煙銀銀的口感, 用黎點番D 辣醬就最pe

星期六返半晝，放工經過尖沙咀附近逛下有咩食，最後揀左間印度餐廳試下。Onion Chilli Uthappam (HKD 50)洋蔥辣椒班戟師傅以班戟作或面灑洋蔥及辣椒醉再烹調，配辣豆湯及三色酸辣醬。班戟質感較像粘米粉，入口軟腍，味道微酸辛辣，辣度對香港口味的朋友來說較高。Panner Naan (HKD 35)印度芝士烤餅微辣濃濃芝士釀入印度烤餅，煙煙韌韌有嚼勁，用手撕開再沾上咖哩醬，極有質感。Pomegranate Juice (HKD 68)無添加鮮搾石榴汁，清甜好味。

講到食印度菜, 應該個個都會諗起去重慶食咖哩。 其實係尖沙咀食印度菜又點只重慶一個地方。今次朋友帶左我去亞士厘道上樓既Saravanaa Bhavan食印度素菜, 係重調味既咖哩下, 食素菜好似罪惡感減半, 完全自欺欺人FEEL, 哈哈.呢度環境比重慶舒服乾淨好多, 而且座位闊落, 方便GIRLS TALK。 為左可以試最多既野食, 我地叫左Parotta & Vegetables set 同North Indian Thali.Parotta & Vegetables set 印度千層煎餅+蔬菜咖哩+薯蓉North Indian Thali. 入面有咖哩芝士, 豆蓉, 鷹咀豆沙拉, 蔬菜, 鷹咀豆酸奶, 黃飯, 薄餅..一共有10 種野食, 岩晒我地呢D 有選擇困難症既港女, 哈哈雖然我唔識分邊種咖哩係咩材料咩口味, 但總括黎講, 每種咖哩都有少少分別, 唔會只係得青黃白咖哩咁簡單, 而且唔會好辣, 食完個身唔會好大陣咖哩味, 值得推介。

禮拜六同朋友仔去左尖沙咀位於亞士厘道的Saravanaa Bhavan食印度菜。呢間餐廳由印度人主理，裝修簡潔，露台側邊有洗手盤俾你洗手食野，餐牌有中英對照，點菜時唔使估估下。我地先叫左個North Indian Thali 北印度套餐，呢個餐有瑪沙拉咖喱芝士、 牛油炒豆蓉 、瑪沙拉鷹嘴豆、蔬菜乾、雜菜黄飯、印度烤餅、特製鷹嘴豆酸奶、烤印度薄煎餅、酸瓜、甜品，菜式非常豐富。黃飯炒得好乾爽，d飯粒粒分明，好有咬口；咖喱好香濃，每啖都有好濃烈的印度香料味；烤餅好香牛油味，煙煙韌韌，配合埋咖喱，令人忍唔住食完一啖又一啖！特色煎餅Plain Dosa 原味煎餅 - 煎餅大大份，煎得好均勻，咬落好脆口。隨碟送上四款咖喱，特別推介橙色果款咖喱，辣得黎帶d酸，好開胃。怕辣就可以沾黃色果款醬，唔太辣易入口又帶點椰漿味。南印度甜酸香料湯 - 個湯望落有d似羅宋湯，飲落酸酸甜甜又辣辣地，都幾開胃。侍應仲介紹我地左試下個酥炸花椰菜，唔會好膩，口感有d似魚肉，配合埋d特製辣椒醬，味道不俗，果然無介紹錯。

之前食過幾間印度菜，突然重口味又想食餐廳好光猛，感覺乾淨，而且每張枱都有支裝水！加分！呢間餐廳係食素的，我地揀咗<瑪沙拉咖哩芝士>、<薯仔餡薄餅>。咖哩初初食落口，唔太辣，之後愈來愈辣，有後勁刺激呀！入面d豆、豆角好食！同薄餅好夾！<薯仔餡薄餅>好香口，入面都好多薯仔，略嫌有d油。<芝士煎餅>之前食印度餐，次次都食薄餅，今次試下煎餅！超大塊！好香芝士味，個面好脆，最驚喜係，煎餅入面，全部都係芝士餡！大塊到....我地2個人都食唔哂.............另外，有4款醬汁可以點，白色嗰款好得意，有d椰子味咁，正！不過我地都係中意點咖哩芝士多d。<芒果奶昔>好滑，好香芒果味都幾清新，亦都解到辣！

作為香港人, 食黎食去都係日本野, 泰國野, 越南野, 你都咪話唔悶。結果今日朋友帶左我去尖沙咀食印度野, 話要比D新的衝激味蕾。餐廳係尖沙咀亞士厘道, 都幾易搵。餐廳佔晒成層, 都幾大, 坐得幾舒服, 亦都可以揀outdoor 的地方。而且黎食印度野的人都幾多, 仲唔分國藉tim! 朋友果然無揀錯。特製薩拉維亞套餐食印度野諗起鄭秀文好多年前果套戲, gam 就叫左一份特製薩拉維亞套餐，貪佢咩都有齊, 可以一次過試晒唔同味道的甜酸辣, 例如有酸辣湯, 雜菜扁豆醬, 印度酸咖哩, 辣豆, 牛油奶, 乳酪, 甜品, 仲會配上兩款餅同一款印度飯。唯印度飯質地比相像中削, 另外印度薄煎餅、炸餅、麥餅點醬都幾好食。Mango lassi: 用新鮮芒果加乳酸打成汁，酸酸甜甜，好開胃, 清新好飲