School Food (已結業)

今晚我們去咗屯門市廣場嘅「School Food」食晚飯！我們叫咗水冷麵、烏卒卒「墨魚」、大發牛肉拌飯、廚師卡邦尼年糕、香煎牛肉餡餅、紅豆蜜瓜雪山同鳳梨艾菲！水冷麵嘅麵質非常爽滑彈牙，酸酸嘅醬汁相當醒胃！烏卒卒「墨魚」嘅賣相係烏卒卒，但味道真係好好味，飯卷入面嘅墨魚粒亦好嫩滑彈牙！大發牛肉拌飯嘅色澤同賣相都幾吸引，將所有材料撈埋一齊食，都幾惹味！廚師卡邦尼年糕嘅年糕非常煙韌彈牙，醬汁嘅芝士味好濃郁，味道亦好香甜，但唔會好膩，真係超好味！香煎牛肉餡餅嘅餅煎得好乾身同好香脆，牛肉嘅肉味亦好香濃，真係非常好味！係本人嘅必食推介！紅豆蜜瓜雪山嘅賣相極之精緻同吸引，蜜瓜嘅味道相當香甜，加埋雪糕同碎冰一齊嚟食，真係超正！

差唔多兩點仍然需要等位，不過見吾算多人等又一直未食過，所以就決定等!!等左30分鐘左右就入得，實在好肚餓好肚餓!! 由於都成半個月無食韓國菜(又掛住大埔某韓國餐廳..)，所以第一時間點左個濃湯拉麵先!!好想食啊!!濃湯拉麵味道一般，應該係辛辣麵離，無咩特別!卡邦尼芝士年糕個汁好好味啊!好香! 不過年糕得10條都無..有D少....烏卒卒飯卷(墨魚飯卷)呢個係朋友想試既，都幾唔錯!細細件好易入口。總結係: 眼見school food越開越多分店，總算叫做試過!係嫌價錢有D貴...

晚上六點半, 市中心間間食肆都大排長龍. 牛一, 丼丼屋全部要等四五十張枱, 有夠誇張. 而school food 只係要等十張. Woo 冇理由唔等啦. Omg, 第一次正常dinner time 食school food 只係要等十分鐘!食carbonara年糕同烏卒卒食到厭. 今次叫左時令的*星鰻鴛鴦卷*. 雖然唔係好食得出紫色同黑色的分別,但睇到咁colorful既卷已經令人開懷 軟滑既鰻魚配醒胃爽口的黃蘿蔔. 不錯呢! 烏卒卒係賣飛佛, 佢排第二啦~ (dislike 午餐肉卷)點左個*炸雞沙律*. 以為係星星style... 點知係炸雞胸條沙律. 星星style係school food 叫韓式炸雞. 記住喇! Lol~ 錯有錯著, 雞胸條都炸得酥香, 幾重pepper & spice的味道. 仲有大量生菜墊底. 但係我都係想食韓式炸雞咯!!主食就點左*韓式牛肉炒烏冬*. menu話係新野黎. 牛肉多, 烏冬滑，唔辣但overall都係重口味既. Portion比較細. 二人share都有少少吊癮. 如果牛肉可以滑Ｄ冇咁硬會正d~可以食school food 唔駛點等位真係好

屯市新開韓食, 每次見到人排隊都想問係咪真係咁好食?! 去OPEN RICE睇, 九龍沙田分店都好多哈哈笑, 可解屯門就......, 分明係一個集團, 做出黎0既水準應該唔會錯得去邊架喎!? 好多問號......不如唔好問啦, 食吓咪知囉.叫咗個青檸凍荔枝艾菲、紳士先生、炸雞、香濃湯拉麵飲品好重薄荷味，飲落透心涼，好爽呀~~夏天飲一流! 我覺得屯門無乜整到哩種特飲0既鋪喎, 點解無人讚吓佢地呢?!紳士先生, 即係黑色果個飯卷, 我成日叫佢做壽司, 但韓式0既飯卷同日本的真係一D都唔同, 佢係用墨魚汁飯卷住塗滿醬油0既魷魚, 再用韓國紫菜包住, 辣辣地好好味, YUMMY, 不過份量就少咗D炸雞就真係無韓國咁好食, 叫黎食只係精神上回味一吓在韓國旅行食炸雞0既時光....湯麵都唔錯, 又係份量少咗D咁解啫....哈如果佢價錢方面可以比一個8-9折, 咁我相信佢更加多人食, 更加抵食!翻睇屯門人0既COMMENTS, 我諗我係避開咗"唔好食0既年糕", 所以我覺得大致上無問題。另外, 各位提到餐牌少CHOICES, 我覺得應該咁講, 佢餐牌上面0既嘢唔啱屯門人食, 睇黎佢地要諗諗tail

6:00前入座，而且是平日，所以不用等位。上一次食school food是上年在又一城裏吃，但5:30前去到已經要等位了，還會亂收餐具趕人走，所以連甜品都無食就走了。但今次在屯門school food，因為比較少人，所以食飯沒有時間限制。鳳梨艾菲$98(5/10)，味道甜甜地，而且有少少氣體，幾適合夏天飲，裏面有鳳梨肉但沒有鳳梨味。我問了侍應，因為用了藍色的糖水所以鳳梨飲品可以變做藍色。所以我認為是糖水味蓋過了鳳梨味道。花海鰻卷$78(9/10)，我覺得school food最好食的是壽司，而不是年糕。這個飯是烏卒卒和紅葉花卷一樣，但裏面變了做鰻魚。但這配搭同樣好吃。大發牛肉伴飯$88(6/10)，這個在餐牌中是沒有辣椒仔，但配料中那個火紅色的菜是辣的，而且不是小辣，我覺得是中辣，所以不吃辣的人挑開就可以了。但侍應會另上一個甜辣醬，不過我覺得甜多過辣，醬料的辣味少過少辣。而最主要的牛肉切得好碎，而且好薄，只有少少，太少又薄，連牛肉味都吃不出來。南瓜脆脆豬肉丸年糕$78(6/10)，南瓜汁配年糕，這個配搭又幾好味，但年糕好硬，沒有以前的煙韌口感，但相反豬肉丸就好軟好滑。芒果紅豆雪花冰$5

今日放假同女朋友想試新野。想到屯市開左間新既韓式餐廳。跟住就去試一下 睇到個外面裝修唔錯，坐低左 水都無杯  望下個餐牌 種類極少 飲品也是 價錢算是中高。我和女朋友叫左一個炒烏冬同年糕年糕味道唔錯但數埋唔知有無10條⋯烏冬味道還可以 總括來講味道是不錯 但服務同食物種類上要改進 我覺得再係咁樣 真係會無人幫襯

一到晚飯時間，屯市的所有餐廳都會濟滿了人群，不想花時間等位，便要訂座或6時前入座，這天大約6時登記，已需輪籌。不過不用10分鐘便可入座。我們2人點了韓味炸雞大蔥沙律，火焰卡邦尼年糕和韓式炒拉麵。點韓味炸雞沙律時，發生了一段小插曲，我們原先想點的是香料炸雞沙律，我們便問待應小姐圖中的是否便是炸雞沙律，她回答是，便幫我們落單。上菜時，我們有點驚訝，以為韓式沙律全都是大蔥，再看餐牌時才發現這一份原來是韓味炸雞大蔥沙律，不過也不能怪責侍應小姐，因為她在覆述菜單時，我和友人也沒有聽清楚，算是一個小誤會吧。大蔥沙律大概是把大蔥切絲，再以泡菜汁拌勻。我和友人都不常吃大蔥，味道雖然不差，但感覺有點單調。我想只有喜歡吃大蔥的人才會把這份沙律吃完，我們還是喜歡有多種蔬菜做成的沙律。而炸雞方面，吃不出什麼韓味，只是以普通鹽，糖，胡椒，醬油調味，味道尚可，吃下去是香脆的，但脆得來有點點硬，而且粉漿過多，所以脆皮下會吃到粉漿。不過友人就覺得炸雞很美味，所以味道真是見仁見智。韓式炒拉麵，醬汁可說是年糕醬和炸醬的混合，配上年糕，魚片，青瓜，半熟蛋，醬汁包裹著每條拉麵，加上少少的辣味，十分惹味。友人是不吃辣的，她也覺

識我既人都知，我唔係一個為相機食先而叫美食既人，我係極注重味道😤所以要求都比人高少少，好易就話唔好食所以比起外表我更注重內涵！當然內外兼修就更好啦！所以整體我比差評多過好評。而且我好注重服務，服務好我就會好加分！😊首先我必須要講，我好後悔跟隨大眾口味而且信了openrice既得獎熱鋪標籤！😠勁後悔捉了朋友來陪我去食school food ，我食完有少少唔開心😭感覺辛苦了朋友陪我癲，在我要求下在我選擇下食了這年糕罪疚感中，又一次失手我覺得呢個芝士年糕勁過份，嚼到牙痛都未嚼完硬邦邦咁，煙韌到難以形容！同行友人一食就話，根本係食緊「擦膠」芝士既質感我都唔識形容，只可以講，cheap芝士好難食😨但幸好有少少芝士味，否則我唔知自己食緊咩😑天啊！我係充滿期待地去食架😭😭我的心真的受傷了💔💔服務亦麻麻！收加一，但枱枱都有水，我枱反而無問服務生拎水飲仲好似好辛苦啲服務生咁，少少黑面，唉😭價錢又唔平，食物又無誠意，又無乜service⋯⋯⋯除左食住個韓風勢+校風勢外，憑咩咁高人氣？完。全。唔。值雖然School food既芝士辣炒年糕，真係一絕地難食！😡食到我好傷心！（其實仲有唔少人認同左）啊！而且仲有

放工後約埋同事一齊去食個頭圍tea,話晒都新開業, 總是會吸引唔少食客來潮聖下,店舖開完一間又一間, 但始終都未試過.今日齊齊放早就去試下佢.因為6:00前入座, 所以唔駛等位既情況下就可以入去了.有同事之前食過, 所以都推介左幾款食品.軟芝士泡菜鐵鍋炒飯 $88將蛋汁混入辛辣醬飯裡食真係幾好味~加上本身在鐵鍋上, 有少少焦燶效果!烏卒卒墨魚 $75外貌雖然樣衰, 同個名一樣烏卒卒, 不過真係幾好味! 飯卷上仲有墨魚粒添~卡邦尼年糕 $68我自己唔太好食年糕, 不過佢煮既味道係唔錯既, 個汁夠濃芝士味, 而且帶甜, 令到原本冇味道既年糕, 食落口都覺得好好味, 再加入煙肉碎, 咸咸地又有D野可以趙下~~韓式冷麵 $72上檯時, 大家都猶疑緊, 拎唔拎開D冰呢, 因為好似好多~但係同事話, 如果拎走D冰, 咪冇左冷麵呢個精隨囉! 又係喎! 所以我地決定博一博, 就將入面既刨冰同麵撈埋晒佢! WOW~~果然好好味呀!! 原來刨冰混入麵裡, 同麵汁造成一個辣湯, 麵因為用冰撈過, 麵既質地變得好煙靭彈牙, 好正! 而且個辛辣湯都好好飲呀!!!! 呢個冷麵值得推介!! 鳳梨艾菲 $98 嗯

昨天在公司附近吃午餐，上次去過school food覺得幾好吃，今日午餐地點揀去school food,我的同事梗不會去,因為她們冇套餐散叫好貴，今次叫了卡邦尼年糕(68元)+汽水(25元)+白飯(15元),白飯主要用來配年糕 ,年糕等了20分鐘又未來 ，中午吃完要返工 ,午餐時間只有1小時，開始有些小後悔午餐時間來school food ，這間店員做野好慢,我就催了一次,好快送來,我得番30分鐘吃完這個，芝土汁好水汪汪,年糕更加少 ,味道好油膩，我覺得這個不是太好吃，白飯就好吃，汽水冇特別，就貴過外面,服務亦麻麻,環境都OK題外話不建議來這裡，打工仔午餐時間只有1小時，這裡送餐同收銀好慢，以後不會再來這裡

夜晚8點8左右到，等到9點半先入座，10點last order⋯⋯⋯多人等就預左架啦，不過個呢個價錢，食物無咁誠意，又無乜service咁囉⋯⋯⋯校園花卷用煎蛋包住紫菜飯卷，有啲好似菜莆咁既野同牛肉，配類似鰻魚汁，不過不失卡邦尼年糕甜甜地，有煙肉、粉絲、年糕，個年糕煙煙unun，都幾好食，不過覺得過甜濃湯拉麵一食落口，嘩！農心辛辣麵黎既喂！加個少少泡菜，返屋企食可能感覺仲好水冷麵有層薄冰係醬汁上面，幾得意。酸酸地幾開胃，食食下就覺得辣左啲。醬菜牛油鐵鍋飯呢個都唔知講咩好⋯⋯佢係校園花卷既另一個形態囉，換個方式再perform。真係⋯⋯⋯中途叫人加水係零回應，隔離個小伙子仲表演起飛腳，用腳關櫃桶⋯⋯只概嘆飲食業難請人，而且令服務質素每況越下⋯⋯⋯咁就食左502，份量偏少，選擇唔多，無乜service，當堂嚇一跳，然後得啖笑

屯門一直以來只有華都個間家庭式韓國料理，真是冇選擇，近來在網上火紅shcool food揀了在屯門開分店，我之前一直有興趣想試這間,韓國料理不是我的最愛，有時品嘗其他美食，shcool food開了在別府以前位置，上月看完醫生之後又經過見到冇人排隊，當天時間好早呀，我在11:30上到shcool food,趁冇人排隊要試下，我叫了三款食物，分別是校園花卷,香港人俗稱叫韓國壽司，它同日本壽司好相似，有牛肉/豬肉/雞肉三個任揀,我揀牛肉，平時吃韓國壽司來到已經凍咗,shcool food新鮮整給客人，牛肉卷送到我面前，熱辣辣送上來 ,我覺得好好味,牛肉卷的飯好軟熟，紅棗茶亦都好好飲，紅棗味道好清甜,天氣咁熱叫了冰凍甜品，我可能不習慣吃冰，這個不是我杯茶，服務就一般,等埋單等了15分鐘，有必要改善，好在當時不用趕返工,話說安排我坐近門口位置，我真的不習慣俾人望住來吃，這裡環境都幾好,座位亦坐得舒適，這午餐比起平時貴咗,我覺得物有所值

早就風聞School Food的人氣，不過個人對傳統韓食興趣大於韓式輕食，加上食友對School Food的風評毀譽參半，即使分店已開始成行成市，也未有朝聖的衝動。不過，凡事總有例外。上週光顧Baby Cafe之際，赫然發現別府的原址竟掛上School Food的圍板，肚子裏的魔鬼呼喚我說: 又是你這屯門友嚐新的時候了。萬料不到，只消幾天它就開業了!這天下班，在屯市等老公之際，就決定: 今晚，我吃定你了!傻傻地致電訂位，當然是被拒了，這種人龍店要Walk in是常識吧。時值6時，打算7時用膳，店員帶點自豪地說: 「想7時用膳，那你現在就要取票了。」店員所言非虛，即使是閒日，6時取票，7時只是剛好可以入座，門外食客紛紛投以艷羨的目光。像這種人龍店落戶屯門市廣場，門外少說也有三十多人正在苦等，屯門友想試還是請早早來取票吧!帶領入座之際，店員說只有75分鐘用餐時間。因此甫一坐下便立時翻餐牌了，其實出餐速度頗快，不用擔心吃得太趕。School Food走的是韓國街頭風，以深木作為主色，椅子錯配亂搭，K-pop MV不停擋，帶點隨意率性。但位與位之間距離甚近，位置頗迫，不宜久坐。食客以年輕一輩為

今日慶祝父親節，咁就同屋企人試下呢間新開既韓國餐廳拉。餐廳經常排長龍，以為好好食拉，點知…………有小部分既菜色ok既，但大部分都吾掂，好難食！食物選擇方面，有90%既菜色都係辣既，吾食得辣既人一定吾好去！飲品方面，我試左一款特飲～紅寶石橘子艾菲，98蚊，可以分到4杯。味道方面，勁難飲，我飲到西柚味，完全吾似橘子汁lo…菜色方面，我叫左……1,香料炸雞沙律～65蚊炸雞幾好食，小小特別既炸雞，沙律勁辣，值得一試！2,醬菜牛肉鐵鍋飯～82蚊好難食！d飯太軟拉，味道又吾知想點……3,大發牛肉拌飯～88蚊幾特別既蛋包飯，味道一般，可以試下既4,豬頸肉拉麵～80蚊好難食，拉麵太淋，豬頸肉吾好食，味道一般5,廚師卡邦尼年糕～68蚊年糕配芝士，新款菜色，幾match，味道ok，幾好食，值得一試！韓國壽司同日本壽司完全唔同，咁我試左3款壽司1,紳士先生餐肉卷～65蚊好普通的壽司，只不過係雞蛋包住個壽司，裏面有d餐肉，味道一般，吾掂！2，烏卒卒墨魚卷～75蚊幾特別既壽司，有創意，味道ok,值得一試！3,Oppa煙肉卷～68蚊好普通既壽司，味道一般。價錢方面，6個人食左$7xx，都幾貴下，一個人要預100幾

每次經過School Food都好想食 但每次都好多人排隊 所以打消念頭!!見school food 係屯門市中心開左分店+等朋友收工+朋友大力推介school food好食 就試下啦!!!真係好多人排隊入到去侍應放低水就走人 落單 叫左好耐都無人應😠烏卒卒-墨魚(HK75)壽司卷夾有煙韌墨魚 menu有提到少辣 但我食吾出有辣味坤士先生-餐肉(HK65)壽司卷夾有餐肉 用蛋皮包住壽司 很普通 完全吾抵食㕑師卡邦尼年糕(HK68)平時食開韓國年糕都係用傳統辣椒醬煮今日試西式方法煮年糕 偏甜吾好食 明洞炸物拼盤-炸雞肉丸 炸年糕 薯條(HK88)三款小食 都係甜 有配芝士醬點來食 好彩有沙律伴碟 減少左甜度軟芝士泡菜鐵鍋飯(HK88)叫左甘多款菜 最好味就係個飯覺得用甜方法煮年糕 係創新 但吾會再試侍應太忙 想叫佢地加水都等左好耐!!!!!!!