SUKIYAKIYA

營業中

休息中

Birthday 食好西！今次位於灣仔新鴻基中心，雖然位置有點偏僻，但寶物沉歸底..簡約光潔的裝修與及充足的空間讓席間食客都坐得舒適，而私穩度亦十分充足。Menu上食物款式不多，就只有壽喜燒和Shabu shabu..肉類分黑毛和牛A5 ,A4與及A3還有阿波尾雞，店員建議可選油脂最多的A5與及較少脂肪的A3,可互相調和，嚐出各家優勝之處。果然各有千秋，味道各有特式。服務態度非常專業，詳盡解釋各款肉類及頭盆的食用先後，日本生蠔魚子配柚子醋、和牛他他配鵪鶉蛋及京蔥、松茸湯、蘿蔔漬，擺盆非常吸引！味道亦冇失望！和牛真係好好味，入口就充滿幸福感覺，太棒了！菜式的製作一絲不茍，店員細心查詢客人對食物質感喜好而烹調，和牛可沾上日本食用雞蛋夠嫩滑、或烤久點又更帶焦香，悉隨尊便，都會配合要求。另一讚是吟釀款式，店員因應我們的喜好介紹的一款甜度適中，的確是不錯的推介！總括是日餐後感大滿足，甜品和果子及日本柿子帶來驚喜，整頓晚餐劃上完美句號！

終於食到想試好耐既關西風壽喜燒 本來想試中環mori但係book唔到所以就黎咗灣仔sukiyakiya 平日晚上都好full記住要book位先! 整體環境舒服 值得一讚係店員服務好好 好耐心介紹每種食物&食法 食物質素都唔錯🥰-壽喜燒 SUKIYAKI·前菜🦪日本生蠔🥩和牛他他🍄松茸味噌湯🥕柚子醃大根·和牛🥩日本產 特撰黑毛和牛 (A5) $689 🥩日本產 黑毛和牛 (赤身肉) $529🍄(另加) 季節限定 松茸 ~$180·甜品🍊日本柿🍡和菓子🍵抹茶-店員🤵🏼會黎幫你燒牛肉 燒前會先問你prefer生/熟啲 牛肉有幾種食法 - 點生雞蛋🥚 配飯🍚 或加青檸汁🍋生雞蛋蛋味好出 點完可以令牛肉更加滑身 青檸就酸酸地解膩 牛肉由鹿兒島進口 和牛紋理好細密好靚 油脂分佈好平均😳 依家既季節限定松茸必定要叫!!! 超香既菇味 同和牛意外地好夾❕❤️‍🔥A5雖然未至於入口即溶但油脂好香 都好滿足💋 個人認為黎的話點都要試一試A5 ; A3就比較似普通燒肉店都食到既牛肉 相對上有咬口無咁重油香 比較普通不過就好在無咁膩 最欣賞壽喜燒醬油唔會過鹹😌 之後就會有雜菜鍋 用上鰹魚+昆布湯 鰹魚超香!!

關西風壽喜燒一向係我嘅最愛可惜香港好少地方有得食灣仔哩間壽喜燒專門店令我非常驚喜🥰前菜有四小碟 食嘅順序由淡至鹹排列 令味蕾一步一步適應鹹味為食濃郁嘅壽喜燒做好準備😛.第一款前菜係冷麵冷麵彈牙 麵汁清淡 帶有淡淡魚香三文魚子帶有鹹香 係口中爆開 令食客可以體驗到唔同嘅口感🐟第二道前菜係煮鮑魚鮑魚彈牙入味 配上清酒啫哩清爽嘅口感中和左鹹味 非常配合第三道菜係A5和牛他他A5和牛本來已經入口即溶 撈埋鵪鶉蛋就更加滑溜入面加左甜醬油 引出和牛嘅甘香非常出色❤️.最後一道菜係醃漬蘿蔔蘿蔔酸酸甜甜 非常爽口剛好中和和牛他他嘅膩感係食主菜前清下口腔🙈食完前菜 就黎到今日個主角和牛壽喜燒🐮我地A4同A5和牛都各要左一份和牛油花滿佈 望到已經覺得好好食😋侍應會係面前幫你煮牛關西煮法係先用和牛油脂起鍋燒熱個鍋之後煎香牛肉再倒入醬汁同煮一路煮 牛脂嘅馥郁香氣一路四散壽喜燒醬汁嘅香甜氣味令人食指大動👀.先品嚐一啖原味Sukiyakiya嘅壽喜燒醬汁可能迎合左港人嘅口味冇日本嘅咁甜膩 .品嚐完醬汁嘅味道就將牛肉點入蛋漿本來油脂豐富嘅牛肉 加上蛋漿口感更加滑溜❤️牛油嘅味道 加上雞蛋嘅風味好味到唔識講野🙈.牛肉質素

🥚🥚🐷灣仔A5和牛壽喜燒  大熱人氣性價比高 ✨性價比：10/10🍳食物：6/10 🌏環境：5/10🕺🏻服務：6/10💰是次消費：$589 + 10% / Set#蛋蛋豬 🏝地點分類: #蛋蛋豬在灣仔 🍰食物分類: #蛋蛋豬吃日本菜————————2020年7月新開張，座落於灣仔新鴻基中心，在灣仔站天橋搭商場步行9分鐘即可前往專人席前服務的感覺和食物的質素，與日本食到的壽喜燒幾可亂真，又一愐懷日本旅行之選套餐已包前菜三碟，蔬菜盤一人前，烏冬或飯一客，及我們所選的日本產 特選A5 黑毛和牛150Gram (Japanese Supreme Wagyu A5)前菜：肉類選擇A5和牛的話，其中一個前菜會是推介的黑毛和牛他他，店員建議把上面的鵪鶉蛋和開心果碎混合牛肉一起吃，本來見到是全生肉不習慣，但食落沒有血味，混合醬汁令生肉都變得很易入口，牛肉粒十分幼滑，有開胃作用，很快吃畢一小碗另外前菜還有柚子漬蘿蔔和芝麻露荀，在和牛他他旁邊沒有驚喜主菜：A5 和牛大大塊，店員會在客人面前燒烤，混合壽喜燒醬油煮到剛熟，連生雞蛋汁一併吃和牛的油脂入口即融，嫰滑多汁，對於重口味人士，濃濃壽喜燒汁甜度加上和牛香

事隔一年多終於再返嚟呢間我最愛嘅壽喜燒專門店🤤比起當初開業嘅時候難book位咗上次試咗午市 今次就嚟試下晚市先分兩個時段5:30/7:00通常7:00時段都會較快爆滿呢度供應日本A5 A4和牛當然仲有雞肉同其他鍋物餐廳近灣仔碼頭個邊格局都非常闊落一半卡位一半方枱坐得舒服 環境乾淨依舊全程都會有專人服侍今次同朋友一個A5和牛/雞肉壽喜燒套餐壽喜燒一人前 包括前菜 主菜 野菜 烏冬/飯 甜品🥩日本產 特選黑毛和牛(A5) HKD$689🐓德島縣產 阿波尾雞 HKD$289/🥒前菜/前菜嘅款式會定期轉換和牛同雞肉套餐嘅前菜當中會有一至兩款會唔同由淡至濃味去品嘗🍜三文魚籽蝦蕎麥麵涼浸浸嘅蕎麥麵質感彈牙加入柚子醬油鹹鹹地但有柚子清香配以三文魚籽同蝦味道新鮮而開胃🥃燒鮑魚配梅酒果凍燒過嘅鮑魚再冷製質感依然保持爽口一啲都唔韌配搭嘅梅酒果凍好特別淡淡酒香同鮑魚鮮味好夾🥩A5和牛他他和牛肉非常新鮮脂肪比例比較平均唔會有羶或腥味加入日本鵪鶉蛋 質感滑身🥕汁煮蔬菜呢個就比較普通紅蘿蔔 蓮藕 香菇 汁煮再以冷盤上味道清淡 但算幾refreshing!🍊柚子醃大根前菜嘅最後以醃大根作結🤤大根好爽脆充滿柚子清香酸

/𝐒𝐔𝐊𝐈𝐘𝐀𝐊𝐈𝐘𝐀香港比較Top嘅Sukiyaki都不外乎Sukiyaki Mori / 日山/ Sukiyakiya. 前兩間我都試過啦, 今次就嚟試吓位於灣仔嘅Sukiyakiya🏯餐廳係嚴選咗九州鹿兒島嘅和牛, 有品質保證架👍🏻一行入去, 店舖裝修十分日式而且座位與座位之間好多空間, 兩個人食都會比四人卡位坐, 加上服務態度好好, 有侍應講解牛肉既分別同專人幫手燒, 所以感覺好舒服😌餐牌會有四款肉可以揀分別係A5和牛, A4和牛, A3和牛同阿波尾雞😋 每一個set都會包前菜四點, 御飯, 野菜同甜品, 唔夠仲可以追加肉添👍🏻1️⃣前菜- 三文魚籽冷蕎麥面- 汁煮鮑魚配梅酒果凍- 鵪鶉蛋和牛他他- 柚子腌蘿蔔條食之前侍應好有心咁逐一介紹同建議我地由蕎麥面開始食, 最後先食蘿蔔條. 全部都好好食, 尤其和牛他他, 牛味濃又鮮而且無咩筋, 食落口都幾香油脂味, 尼個前菜set幾滿意👍🏻2️⃣日本產特撰黑毛和牛(A5) $689/ 1人首先嗌左一個A5和牛set先, A5和牛嘅油脂分布大概係七成脂肪同三成肉😌店員會用牛脂肪預熱個爐先再加壽喜燒汁逐塊逐塊煮, 食嘅時候可以加蛋汁一齊食無咁漏🤫

如題，至少本人係京都食過既手法、滋味，呢度搵唔返。如果以港式或另一種處理嚟評價，質量都好唔錯！不過個醬汁未符合我口味，男朋友就食到lam lam利前菜，視乎季節而變，職員介紹由右至左，先食個冷麵再到鮑魚，然後牛肉他他，最後柚子蘿蔔清味蕾準備食主菜。冷麵入面有蝦同魚子，粒粒脹卜卜，咸咸鮮鮮咁。之後到磯燒鮑魚，切好一片片方便食，重點係上面既梅子啫喱醬，好食，有d 烘香味！鮮牛肉他他，配上消毒過嘅日本雞蛋，可以生食。視覺上可會令你有d 心理作用怕好腥，但食完一啖再一啖，好好食！唔腥、唔膩、好滑，帶少少辣，好食！戲肉係A5和牛，「2set 呀唔該」男朋友對食好野係唔會掩住荷包！呢set 牛好靚，雪花均勻，之後職員問我哋想d牛有幾熟、會唔會想要焦燶，再燒熱個鍋就開始喇！先落牛油起鍋，再倒入少量佢哋自家既壽喜燒汁，跟手夾一片A5牛，十秒翻一翻，再等多幾秒，上碟。「先生，第一片可以沾生雞蛋試吓」由於係A5級數，入口即溶係必須！沾埋生雞蛋，滑到呢... 配一口飯，唔夠，再扒多啖！如是者，職員逐片燒，當中又試過另外兩種食法，包括灑鹽味柚子粉/ 七味辣粉、檸檬汁解膩。不過我食到第二片有d 膩（可能幾年前係

極度鍾意食sukiyaki，提前1個月左右訂位，選用日本官方認證既鹿兒島「野崎牛」，以牧埸為命和牛品種， 豐盈油花，入口嫩滑😍食物質素但格錢合理❣️裝修簡單日系風格，餐廳寬敞，座位相隔有足夠距離🥳店員會親自下廚，烹調最佳既食法俾食客，服務💯。⭐️🐮日本產 特選黑毛A5和牛 有3件，店員提供3種不同食法😗1️⃣用秘製燒汁燒至7成熟既黑毛和牛沾上日本雞蛋汁，令牛件更嫩滑🤤牛味為最重，油脂為最香🧡2️⃣牛件加壽喜秘製燒汁燒、加青檸汁，帶出輕盈牛味，但無咁膩😗3️⃣可轉Shabu-shabu，舖係雜菜頂，或者以第1種方法燒熟，我食開重口味梗係簡燒肉上🥳雜菜用鏗魚汁煮，雜菜本身帶有鮮甜，而鏗魚汁不會cover雜菜鮮甜味🤩最鍾意年糕同福袋🧧索哂d湯既精華😍。🐮日本產 黑毛A4和牛 相對A5 油脂平均，咬口較為豐富，肉味比A5重😝。🐮追加A3和牛肉味為最濃，油脂輕盈，口感亦為最豐富🤤。🍶純米吟釀-瀧澤選擇了冷飲🧊帶有蘋果、香蕉、梨及花的氣息，口感淡香，幼滑細緻，淡淡餘韻❣️

我只選了A4牛，無咁肥，但也很香很滑。 我訂了枱坐入面，2人坐4人卡位環境很闊落。抵讚。 門口個幾張枱會較擠迫。2人坐2人卡位身旁就已經有另一枱客，所以記得訂枱訂明坐入面大廳既獨立卡坐。但係我比較鍾意森久，森久係有大廚煮望住你進食嘅速度而煮，依間係有waiter waitress 煮，煮完一塊關爐行開一陣，過了一陣見你食左，會有另一位得閒既staff 再開爐煮下一塊。兩間價錢差不多，咁我會比較想有大廚係前面煮俾你食.，大廚會不斷因應客人需要調校味道同埋因住你嘅速度較大細火。

香港好多餐廳都要提早預約先有得食壽喜燒等左兩個星期終於食到首先個前菜個冷麵好普通但要特別讚下個牛肉他他 好滑個鮑魚都好入味而主菜叫左一份A5一份A3A3牛味濃好多咬落去感覺厚身A5入口即溶既感覺加埋蛋漿就好似滑入喉嚨咁但真心一人食三塊A5會有小小膩所以將一塊A3放左入蔬菜鍋打算試下，但發現味道變得好普通然後食個蔬菜鍋呢個係一個失望位味道好普通有啲似屋企打邊爐咁之後加左個烏冬落去個烏冬係幾好食，索曬啲味道最後太飽只食左一啖芝麻雪糕整體黎講環境係舒服乾淨寧靜座位闊落服務周到會有專人幫手煮但留意番係侍應做埋廚師有幾次覺得有啲啲馬虎如果係廚師做會加分而牛既質素好好但其他都有進步既空間呢個價位我會再想試其他多啲

My friend and I love wagyu beef very much so we always search where we can eat it. This restaurant was on the top of our list and it is very hard to book. There are only two time slot which is 5:30 or 7:30. We arrived at around 6 and ordered straight away. Every set came with three appetizer, my favourite was the beef tartare! It was soft and tender. The A3 wagyu beef were presented in front of us. They were beautifully sliced. One of the staff cooked for us and the beef was cooked perfectly! Th

我地拍拖👩🏻‍🤝‍👨🏽紀念揀左去灣仔一完Sukiyaki夢☺️。點一個set就有哂前菜到甜品，仲有店員貼心嘅介紹同服務，係一等一嘅享受🤞🏻。<Sukiyaki Set>📌前菜四式-🧊蕎麥冷麵，鰹魚汁配搭三文魚子嘅鹹香有少少柚子嘅酸味醒一醒胃🧡。-凍鮑魚，鮑魚爽脆唔會韌，上面有啲梅酒果凍，帶出海鮮嘅鮮甜味。-🐮牛肉他他，牛肉唔韌撈勻鵪鶉蛋黃同醬油帶出額外嘅鮮味脂香味。-🍋柚子醃蘿白，清香嘅柚子味幫你準備味蕾享受和牛刺激。🐂特選黑毛和牛（A5）$689煮肉嘅過程店員都會主動幫客人，等我地可以舒服咁享受美食👅👅。店員先比我地先試食Sukiyaki原味加蛋漿再加佢地嘅調味粉。A5和牛油脂分布均勻，入口好似綿花糖咁🤤🤤🤤，第一啖仲係到，第二啖就消失左，剩低就係一股獨特嘅油脂味係口腔徘徊，正正正💓💓！Sukiyakiya嘅醬汁甜得黎同醬油味平衡，唔會死甜，同煎牛嘅焦香好夾。蛋漿包住牛肉令口感更滑，亦都中和一啲醬汁嘅油膩感😈。一共有3款味粉:青檸、七味粉，山椒黑七粉，味粉可以帶啲後勁、味道變化，不過我地只推薦落少少試下☺️。🇯🇵追加 黑毛和牛 $349追加哩碟牛平A5少少，應該係A4黎。

時間： 週六12:00 等候： 0 ，因為有訂位服務： 貼心，有人服侍斟水，煎牛，煮菜。基本上睇住佢整價格： $615 A4 $529 A3 — 加價都幾快，3月都仲系$500 左右 A4 稍貴食物： 前菜： 三文魚籽冷面。梅酒啫喱配鮑魚。和牛他他。柚子漬蘿白和牛他他比較驚喜，我有怕食生牛肉，但哩個調味容易接受，幾好味，又香又滑。 A3 肉質較實，肉味較濃，有少少根，壽喜燒汁好野味，我個人覺得不沾蛋更香口。 青檸更不用，太搶味。原汁原味好足夠A4 好軟滑，我個人較喜歡。 每個餐有3塊肉/150g , 看似好少，但由於油脂較重，都有點膩。蔬菜窩 - 用鰹魚湯煮，太致上都好味。 最後加烏冬和壽喜燒汁煮，更加野味。👍🏻👍🏻甜品 - 芝麻雪糕 好軟滑。結尾都好正總結：別看似份量少，但都食到捧住個肚走。 牛肉質素確系一流，但價格有少許貴。 質素服務都一流，幾推薦👍🏻👍🏻

✨前菜野菜煮物 茄子口感清爽 味道清新黑毛和牛他他 鮮味 加埋鵪鶉蛋黃更滑自家製柚子蘿蔔 口感爽脆 味道酸甜帶柚子清香✨日本產特選黑毛和牛A5油脂分布平均 油脂甘香 肉質腍滑 肉味梗係唔濃✨季節野菜盛合野菜新鮮 蕃茄好甜 ✨日本產讚岐烏冬烏冬口感煙韌 索晒壽喜燒汁 味道香甜✨柚子雪葩柚子味濃 略甜 唔易溶總結：食材品質好 食物唔錯店內環境較細 但枱與枱之間空間足夠 坐得幾舒服服務態度可以 但用餐唔知點解搞到好趕咁未食前菜 就開始煮牛肉 碗菜都未食完 已經煮好烏冬未食完烏冬 就開始想執枱 然後上甜品 最過分係未食完甜品就比張單你全店當時得兩枱客 訂座時亦冇提過有限時餐廳定位中高檔 人均消費六百以上 要客人用茶餐廳速度用餐 令整個用餐體驗好差呢點真係不能接受

通常食飯即興 決定食咩餐聽，睇緣份，book 到就去，吾會刻意去排隊，所以開業咁耐，今日 先試吓， 整體環境 舒適， 更比我想像中好環境夠大，而且服務員有禮，食物上菜速度也適中，每道菜講解也細心，雖然紅酒選擇少，但係比我預期中有好過冇🤣A5 和牛質量 🌟🌟🌟🌟🌟。套餐前菜到甜點🍮也 足夠且美味，值得再次 光顧， 期間也發生小插曲，隔離張枱客人是小朋友，突然離席，原來有隻大烏蠅🪰跌落個前菜度！店員也好快更換！極都嚇到我個心離一離🥶🥶，check check自己啲前菜有冇烏蠅🤣🤣🤣！