576
12
3
| 餐廳: | YAKINIKU KAKURA (Tower 535) |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
開飯介紹
佐賀人氣燒肉店登陸香港，由日本直運九州產的A5黑毛和牛，當中的稀少部位更加鮮嫩美味。座位闊落，環境舒適，適合和家人或朋友聚餐。
繼續閱讀
營業時間
今日營業
12:00 - 22:00
星期一至四
12:00 - 22:00
星期五至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
優惠
| 餐廳: | YAKINIKU KAKURA |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
雖然宜家唔夠膽去日本，但係喺香港都可以搵到好高質正宗嘅日本餐廳。宜家一諗起食和牛就會諗起「Yakiniku Kakura」嘅燒肉，沙田同銅鑼灣都有分店，好方便。兩間都食過，質素一樣一流，今次方便朋友所以再食銅鑼灣呢間，Sogo附近行兩步就到Tower535，十級方便。今次主要想食牛為主，所以冇揀啲抵食套餐，全部叫牛肉食返夠本！第一當然要叫「大判燒！黑毛和牛西冷」。呢款係我嘅最愛，厚薄適中，肉質香嫩，油脂分布極之均勻，燒完再粘上日本蛋，真係人間美味，絕對好過果啲貴一貴又厚身又多油脂嘅和牛。食完我地已經就又再加叫一塊！另外仲叫左「黑毛和牛腹柳小排」同「黑毛和牛上嫩肩里肉」各一，全部都睇得出係靚料，可揀調味款，咁就燒完即刻食得，懶人最愛！兩款肉都好好食，一樣係厚度適中，份量又唔係太多太少，俾個讚佢！食燒肉難得款款都岩口味啊。大家都知食和牛唔可能食太多，會太肥膩。叫左個「辣冷麵（小）」，超平$48，但估唔到俾到好正宗嘅韓國味道我。兩個人食岩岩好，仲要足料，有埋雞蛋連一堆蔬菜配料，酸酸甜甜又小小辣，食完和牛食呢個好正。另外加左「七味豆腐鍋」，呢個就正常水準，可能因為個辣冷麵太好食，令佢顯得冇咁特別。最後埋單有個免費甜品，一人一客杏仁布丁同埋雪糕雪米糍，杏仁超香，如果可以另叫，我諗我會肯俾錢食多一份！
繼續閱讀
天氣回暖，可以唔使打邊爐，咁就食燒肉😆。日文名”焼肉かくら”嘅YAKINIKU KAKURA，係佐賀嘅人氣燒肉店，而家喺香港都有唔少分店。銅鑼灣嘅分店喺Tower 535，非常方便。呢度係用明火，我最鍾意嘅燒和牛方式。大判燒！黑毛和牛西冷 $178呢個係必叫。一大塊雪花非常靚嘅黑毛和牛西冷，只係$178，而且連埋雞蛋。好快擺落火爐度燒一燒，點一點雞蛋，天下無敵。黑毛和牛上肋骨中肉 $198但呢一個喺葫中嘅和牛，其實一啲都唔輸蝕。首先佢嘅調味非常充足，而且佢嘅厚度足夠，燒完之後唔單止牛味濃，嗰陣油香係會令人感動。加上佢份量多，性價比一絕。塩味上牛舌 $128牛舌有分普通牛舌同上牛舌。上牛舌比較厚，位置比較靚。燒完會食到明顯嘅質感，呢個係普通薄牛舌做唔到嘅。海鮮拼盤 $178同樣抵玩嘅有海鮮拼盤。只係百幾蚊就有齊大蝦、烏賊同帆立貝。當中最好食嘅係大蝦，大隻爽口燒落有蝦味。帆立貝可以連盒燒，方便又有好香嘅牛油味。日本蠔 (3隻) $38三隻日本蠔只係$38，我哋叫咗兩set。佢係盒上，可以連盒燒，相當方便又抵食。黑毛豚脛肉 $88就係豬頸肉了，肉質唔錯，煙煙韌韌，又有調味，冇乜好投訴。冷麺（大）二人前 $72呢個冷麵有好多配料，包括泡菜，青瓜等等，食落酸酸甜甜非常惹味，特別係食完熱辣辣嘅燒肉之後擺啖冷麵落口，wow。白桃乳酸梳打 $42乳酸梳打 $38呢兩杯飲品可以揀少冰甚至走冰，對於唔想太凍嘅人有個選擇，算唔錯，飲落兩杯都唔會太甜。呢度嘅日式燒肉，質素高，價錢合理，而且有充足空間，加上有甜品送 (糯米糍/杏仁布甸)。燒一燒，人都精神啲。
繼續閱讀
又到我好想食燒肉嘅時間，即刻就諗起呢間日式燒肉🤤見到有黑毛和牛套餐，乜都冇唔洗用腦諗😆👍🏻黑毛和牛精選同封門柳，好稔、肉味好濃，超超超正🤤鹽味上牛舌，爽口彈牙👍🏻唔只牛肉好食，黑毛豬頸肉同雞頸柳都醃得好好味，食都停唔到🫣鰻魚好厚好肥美，唔腥👍🏻終於輪到主角 大判燒出場😍黑毛和牛西冷，為咗唔好俾我燒燶嘥左佢，我都係叫返職員幫手燒好啲🙈大判燒油脂豐富均勻，燒過後唔會太過油膩，點埋蛋汁，入口即溶，其實太太太好食😱😱😱配菜都幾豐富，有泡菜、青瓜、芽菜、菠菜、蘿蔔，另外仲有沙律同埋飯，再加埋甜品真係超級滿足☺️☺️
繼續閱讀
⧪⧪⧪ Yakiniku Kakura ⧪⧪⧪位於銅鑼灣tower 535 1/F 入口頗為神秘 ，裝修用上黑色 但絕對唔會覺得暗暗沉沉有幾款唔同既二人前 但我同朋友就選擇左單點😛·大判燒-黑毛和牛西冷 可以叫店員幫手燒，入口好軟綿綿。一片真係唔夠。·黑毛和牛腹柳小排 近乎入口即溶，唔點汁都好好食·黑毛和牛上嫩肩里肉·極上厚切牛舌 一流！店員建議我地燒7成就夠·活鰻魚海鮮盛 （帶子、蠔、魷魚、蝦、鰻魚）·鹿兒島和牛他他全部食物都係上盛品質店員都頻頻幫我哋換網細心到位😄朋友好滿意今晚呢餐 佢話要再encore 繁忙時段限時100分鐘
繼續閱讀
嚟咗呢間喺銅鑼灣嘅日式燒烤店食午餐🤣$178「大判燒！黑毛和牛西冷」：「黑毛和牛西冷」薄切大大一片有幾靚兼分布得幾平均嘅脂肪花紋🤩，店員哥哥幫我哋燒，簡單燒好就將「和牛西冷」放落有一隻生雞蛋黃嘅醬油裏邊，咁就食得🤣，「大判燒！黑毛和牛西冷」肉質非常軟熟幾好牛味又因為脂肪足夠兼平均分布所以夠滑，我《𠽌》一聲就幾乎成塊《𠽌》咗落肚🤣$148「活鰻魚」：一邊係鰻魚皮一邊係鰻魚肉，咁我嘗試運用技巧慢慢燒，餐廳仲提供咗一兜蒲燒汁，燒咗約2分鐘，我就喺鰻魚肉塗上蒲燒汁，再燒30秒，就剪開鰻魚成一件件 bite size 跟住喺鰻魚皮塗上蒲燒汁，燒一燒反轉再喺鰻魚肉上邊又塗上蒲燒汁，然後再燒多2-3分鐘就食得🤣；鰻魚真係好厚肉，肉質鮮甜又爽滑，充滿 umami 🤣呢度有多款「焼肉ランチセット 午餐焼肉定食」，咁我哋揀咗一款雞一款豬🤣「焼肉ランチセット」仲包《沙律、昆布麵豉湯、小食、白飯、甜品》$148「黑毛豚盛合」：豬肉包括有《黑毛豚無骨小排/黑毛豚脛肉/宮崎黑毛豚香腸》🤣；「無骨小排」好似「五花腩」咁樣，大約 42%脂肪 58%瘦肉，好甘香好豬味🐷；「宮崎黑毛豚香腸」都見到有好多「脂肪」，所以又係好香口🤣；「黑毛豚脛肉」睇落同食落都有啲啲似「豬頸肉」，脂肪亦都勁充足，又係甘香，不過呢個「黑毛豚脛肉」比普通「豬頸肉」鮮味又好味啲，仲唔會有「豬頸肉」經常有嘅「臊味」🤣$118「日本若鶏盛合」：雞肉包括有《雞腿/若鷄雞胸柳/雞稀少部位》🤣；「若鷄雞胸柳」肉質偏瘦得嚟又好軟熟喎，可能呢隻雞真係非常年青（咁當然啦，若鶏呀嘛）🤣，呢個幾好食，又好雞味🤣；仲有，個名都好得意，有日文鶏字同中文雞字🤣；「雞腿」非常之滑🤣食完仲有甜品，一個「雪米糍」同埋「杏仁布甸」咁上下嘅嘢，細細份，兩個都清新好食😋
繼續閱讀