影片
開飯介紹
曾被日本搵食網選為2013年最佳食店之一的金田家，是來自日本福岡縣的過江龍。18小時長煮湯底加秘製醬料有別於一般在港吃到的拉麵，叉燒材料更選用沖繩和鹿兒島的豬肉。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至六
12:00 - 22:30
星期日
12:00 - 22:00
公眾假期
12:00 - 22:30
公眾假期前夕
12:00 - 22:00
以上資料只供參考, 請與餐廳確認詳情
相關文章
《金田家》濃ってり豚骨拉麵🍜📍銅鑼灣登龍街34號地舖我住响九龍，冇咩事都唔會過海。不過如果話港島區邊一道街我去得最多，肯定係登龍街，因為小弟公司鋪頭就响呢道。不過咁多年，我都睇漏左眼呢間《金田家》，可能因為之前《豚王》係開响佢隔離幾個鋪位，而《三田製麵所》又响斜對面，好多時想食拉麵都先比佢地吸引左注意力先。不過因為《豚王》已經執左一段時間，漸漸我又開始留意返登龍街，除左《三田製麵所》以外，仲有兩間，一間係《ラーメン松壱家》，另一間正是《金田家》。《濃ってり豚骨拉麵🍜》香味 (3.5/5)濃濃豚骨味，不過除左豚骨之外就冇額外加添其他香味，都算係好聞。湯 (4/5)我去評價啖湯得唔得，我會主要分5個角度去睇，香味，濃度，鹹度，質感同溫度。唔少人會將濃度同鹹度混為一談，其實佢地係唔一樣。濃度指嘅係食材味道嘅濃度，鹹度係指鹽分有幾高。套用返呢碗湯，佢嘅濃度係高，豚骨味好夠出，而鹹度係適中偏低，正正啱我口味，我最怕就係偏鹹嘅湯。而質感佢算杰身，重骨膠原，張張地咀，我就幾偏好呢類質感。唯一少扣分係溫度唔算高，食到中段就有少少唔夠熱。麵條 (4/5)博多風豚骨拉麵標準配置，低加水細直麵，麥味夠，掛到湯，好食。配料 (3.5/5)豬叉燒有4塊，乍看一下係好驚喜，不過睇真d，非常咁薄切，肉味香味都夠，係因為太薄影響到口感。溏心蛋，偏生少少，因為預先切開左，隻蛋嘅蛋汁一路流出黎。原先我係鍾意偏生，不過可惜佢切開又唔另上，我唔太鍾意佢流落個湯度，而最重點係冇左响口爆漿嘅驚喜。木耳絲，青蔥，正正常常。因為係午巿套餐，佢包碗麵，蛋，炸蝦🍤同汽水，都幾抵食。炸蝦我認為都幾好，可能我本身就冇任何預期，呢款炸蝦炸得係幾鬆脆，味道就好似一般急凍貨色咁，勝在口感好。最後完食冇難度。即係咁，以麵論麵呢間水準係夠高，加上以主打博多風豚骨拉麵嘅店來講，呢碗麵勝過唔少其他店。好可惜咁啱我人有三急，食完去左個廁所，個環境老老實實真係偏惡劣，而且男廁壞左，只能男女共用一格。整體 - 值得小推薦 👍 我相信我會回頭食，不過肯定會先去定廁所先幫襯。
繼續閱讀
銅鑼灣登龍街由街頭到街尾都係餐廳，平時都成日過嚟食麵館皇同養生麵，呢間金田家都開咗好耐，今日就入嚟食個lunch。店舖環境都ok，枱與枱之間唔會好迫，我又早嚟食，所以坐得幾舒服。叫咗個濃厚豚骨拉麵，都幾快上餐。叉燒份量幾有誠意，總共有4塊，不過食落就乾咗啲，比較嚡口，肥膏部分亦相當少，所以少咗份油香。湯底就唔錯，睇樣都知夠濃，不過鹹咗少少，所以飲唔晒啲湯。加分位係上面嘅木耳絲，加返啲口感無咁單調。
繼續閱讀
原本以為銅鑼灣嘅嘢食質素都唔會差到去邊，呢間真係大開眼界😓😓食下食下無拉拉成隻活生生嘅曱甴從天而降，跌到隔離位嘅檯上，當時全場幾乎滿座，隻曱甴就咁橫衝直撞爬過，我諗係人都嘔心到完全食唔落🤮🤮🤮店員反應極慢，施施然打完隻曱甴扭頭就走，甚至留低半隻曱甴尸體喺檯底過咗幾分鐘先清理。有冇搞錯啊，咁嘅環境啲嘢食可能都已經比曱甴爬過，全程連一句sorry或者唔好意思都冇，真極品🤢嘔心到成晚都冇曬心情👎🏻👎🏻味道都一言難盡，湯底除咗鹹味食唔除其他，可能係嚇到食唔出🤮
繼續閱讀
銅鑼灣登龍街有好多間拉麵舖，今次嚟到呢間舖面細細嘅金田家，有驚喜！👍黑豚拉麵 - 講真未試過拉麵上面鋪咗咁多塊嘅豚肉，感覺好抵。仲有好淋又入味，湯底又夠濃郁，面底夠彈牙。雞白湯豚骨拉麵 - 湯底清甜雞味，比起黑豚拉麵，豚肉數目雖然比較少，但正在夠入味唔黐牙。小食吉列蝦 - 呢個小食就普通，食一嚿之後就覺得好油膩，好溜。好彩叫咗一杯洛神花梳打水，係有你絕配！👍
繼續閱讀
原來好多年冇食過呢間拉麵，難得今日經過，自己一個人唔知食咩好，就食你啦～今次叫咗一個柚子辛口拉麵，豚骨湯好濃，不過食到後面鹹咗少少🤏🏻第一啖食落去柚子味好突出，少許酸酸地，幾開胃黑豚叉燒，厚度適中，好稔，好大塊，肥瘦均勻👍🏻辣醬好惹味蔥很多我很喜歡👍🏻揀咗普通硬度嘅麵，不過一開頭食都係偏硬，下次我要揀軟啲🙈加多份大將餃子🥟，皮薄，多汁，可惜煎得唔夠脆，煎餃嚟講我有點失望😕整體來講，算ok，因為我鍾意佢嘅柚子味🤣
繼續閱讀