影片
港鐵尖沙咀/尖東站 B1 出口, 步行約3分鐘
繼續閱讀
電話號碼
23673838
開飯介紹
親民價的日式燒肉店，主打九州產的黑毛和牛，油香十足且有不同部位，可單點或加配成豐富的套餐。
繼續閱讀
營業時間
今日營業
12:00 - 22:30
星期一至四
12:00 - 22:30
星期五至六
12:00 - 23:00
星期日
12:00 - 22:30
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
相關文章
今次我地黎到尖沙咀食一間單點既燒肉店，每次經過The ONE都會見到呢間餐廳入面坐滿人，所以我地早d去食就唔洗等，如果排隊攞飛可以用app電話攞定👍🏻餐廳環境唔錯，裝修好有日本風格，枱面有齊紙巾，茶，檸檬汁等等用具，仲有個抽油煙機減少油煙味，落單就用QR code落，亦都有一本本既餐牌👏🏻皇盛（$218）皇盛呢個餐包括有黑毛和牛裹腹小排，大判燒！黑毛和牛肩胛肉，蔥鹽味雞腿肉，一共3款肉，仲有一罐飲品跟，牛小排肉嫩而且入口即溶，大判燒肩胛肉就比較簿，付有溫泉蛋點黎食，口感比牛小排更有都入口即溶feel，蔥味雞腿肉都唔錯，肉質唔韌😋升級紫菜飯（$18）可以升級做紫菜飯，要注意飯入面有隻溫泉蛋，可以叫佢另上或者走蛋，但就要備註寫清楚，唔係就會自動放飯中間，另外仲有面豉湯同泡菜跟埋🍚匠盛（$178）呢個餐包括有黑毛和牛腹柳小排，同埋鹽味上牛舌，亦都跟一罐飲品，燒肉每樣有5塊，牛腹柳小排感覺同皇盛既裹腹小排差唔多，都係高質既肉，牛舌雖然簿簿一片，佢都幾彈牙🐮加配冷麵set（$38）呢個餐我地就加左水冷麵，連埋泡菜，比較有韓式風味🍜極上厚切牛胸腹柳（$138）我地仲有叫左條極上厚切牛胸腹柳，佢同我地兩個餐完全唔同既一塊肉，呢個比較厚實，肉味重d，燒佢都好考功夫，要適當時候剪開佢成一條條再燒熟，食落好有肉汁😛呢度除左食燒肉，仲有飲之放題，每位$148任飲90分鐘，主要係飲酒類，我地要湊仔廢事飲到成身酒氣就冇飲到，唔係燒飲配唔同既酒都真係好夾，呢間燒肉既質素都好高，價錢相對唔算貴，d餐有飯有野飲，好滿足🥰
繼續閱讀
.‼️❤️ 記得CLICK我PROFILE關注我呀 ❤️‼️.🔥 F̾i̾r̾e̾-̾R̾e̾d̾ ̾J̾a̾p̾a̾n̾e̾s̾e̾ ̾Y̾a̾k̾i̾n̾i̾k̾u̾ ̾D̾i̾n̾i̾n̾g̾ @ 🌟 燒肉801 🌟.💁♀ 圖片展示美食為：801 Set HKD 198Kami Set HKD 168Ox-Tongue HKD 23.🤩 呢間日式燒烤店主打用色係紅噹噹嘅紅色，每一次經過都好吸睛，今次適逢午市時段經過一於試下佢嘅午餐啦，餐牌都幾多選擇喔。.🔥 叫左主推嘅「801套餐」，都幾多樣化。首先包括一大件「大判焼」，即係黑毛和牛肩胛肉同溫泉蛋！優質嘅頂級嘅黑毛和牛肩胛肉質鮮嫩到爆，撈埋溫泉蛋汁，美味到爆！.🐂 另外包括有「腹前牛小排」拼「蔥鹽味雞腿肉」。牛肉夠曬鮮嫩，雞肉嫩滑，用蔥鹽調味，帶出香氣。.🤓 另外叫左「神盛套餐」，係一個好豐富嘅三拼，包括「特上牛胸腹肉」、「腹前牛小排」、「牛板腱肉」！牛肉質地真係好嫩，完全無筋，用料絕對優質，份量亦都好足！.👅 唔夠喉嘅話，仲可以用優惠價加配肉類或者小食，有好多選擇，我地就加配「牛舌」，口感好彈牙，肉味香濃，配合上餐廳嘅調味料，味道更加突出。.🍲 午市套餐全部包括日本米飯、味噌湯，同飲品，性價比高。.😋 呢度食材用料真係優質，絕對無將貨就價，同埋坐得好舒服，好闊落，絕對值得試下。.📍 尖沙咀加連威老道14號地舖☎️ +(852)2367-3838.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
繼續閱讀
食燒肉最重要的是約身邊三五知己朋友一起吃先至最開心，今日就去到尖沙咀的一間日式燒肉店，雖然餐廳的空間及環境都非常之廣闊，但仍然吸引了不少人在外面等候🫶Omakase $428餐廳除了有六人四人二人餐之外，亦都會推出Omakase套餐，一共有五款不同類型的牛肉，還有前菜、沙律及薯蓉，當然還有煙煙韌韌的韓式炒年糕😋🌟前菜、沙律 及 薯蓉前菜當然不少得醃青瓜、醃蘿蔔以及泡菜，都是非常開胃的前菜。除了前菜之外還有沙律及薯蓉，新鮮的沙律菜配上酸酸甜甜的醬汁，還有三個香滑的薯蓉😋🌟五款肉類（汁燒）五款肉類，由廚房發辦，自己也不知道吃了什麼，不過看花紋就知道那一款肉是最好吃的，三個人吃五盤肉，份量還是剛剛好的，如果不夠的話可以額外再點不同的肉類😋🌟韓國年糕套餐還提供了韓國年糕，煙煙韌韌的年糕再配上韓國的甜辣醬汁，微辣風味則增添了一抹刺激，吃着吃着會吃上癮的😋🌟黑毛和牛上肩肉（汁燒）$148果然是和牛上肩肉，油花分布平均，做肉質豐潤多汁，現出其卓越的口感和嫩滑的質地，帶有濃郁的牛肉香氣。🌟888杏仁豆腐 $28超級滑的杏仁豆腐，帶有香濃的杏仁味道👅冰冰涼涼都幾好食🤤
繼續閱讀
呢間日本燒肉位於尖沙咀非常之旺嘅地帶，肉類嘅quality唔錯，可以逐碟逐碟嗌，我覺得好啱減肥又想食燒肉嘅大家🤣🤣佢哋有唔同嘅套餐可以選擇，套餐可以加配冷麵🍜或者白飯🍚，同埋各款唔同嘅飲品添🥤我今日就揀咗兩個套餐，分別係翔盛り $196 同埋 豐盛り $203 ，每個套餐都有三款唔同嘅肉，某一啲套餐仲可以豬、牛、雞Mix埋一齊，每樣都有啲咁～ 呢度除咗牛肉高質之外，我都好推介呢度嘅雞肉，俾啲耐性就可以燒到焦脆嘅雞皮同埋好嫩滑嘅雞肉😍😍除咗唔同嘅套餐之外，如果想再加唔同款式嘅肉，佢都有得另外散叫嘅～ 好似我今次咁就揀咗208美國牛肩胛肉（汁燒）🐮$78 同埋 210美國牛肋骨條肉（汁燒）🥩$68，每一款大約會有四至五件肉類，肉嘅質素都非常高，真係好有牛味同好Juicy🙌🏻🙌🏻
繼續閱讀
中午12點經過加連威老道呢間燒肉801準備開門，順便睇睇店員放置門外餐牌，好似幾吸引就被吸引入內，店內以木色為主，枱椅就用紅色，牆上掛滿日系裝飾好醒神。午市時間有多種燒肉或定食套餐好實惠。點了801盛及802樂盛兩個燒肉套餐，追加帆立貝同牛板腱每樣只係23蚊。801有大判燒！黑毛和牛肩胛肉、腹前牛小排、蔥鹽味雞腿肉，大判燒油脂均勻，牛肉味濃郁油香撲鼻，點溫泉蛋食更滑溜，腹前牛小排油脂較少，雞腿肉肉質嫩滑，餐可加錢轉冷麵，冷麵份量適中，麵身好滑凍食好爽。802樂盛有腹前牛小排、黑毛豚無骨小排及雞腿肉，黑毛豚豬腩位置油脂豐富，燒到爆油焦香，豬肉表面脆脆地最好食。牛板腱切薄片好嫩有牛味，帆立貝新鮮有兩大隻，一人一隻啱啱好。燒肉801嘅午市套餐質素好，份量又足，每種肉類都預先有合適調味，正式又大件又抵食，性價比高。
繼續閱讀