京滬村 (Closed)

好朋友Yoho Town新居入伙，house warming完後就落左附近搵野食大家都係元朗我，但佢唔講我真係唔知原來雞地呢頭有上海野食！仲話試過唔錯要再幫襯～地方幾闊落舒服覺得餐牌個logo好靚所以影下*石鍋鮮蟹粉蛋炒飯*蟹粉鮮味十足，蛋炒飯夠乾身放係石鍋入面燒，食到底既時候仲有少少飯焦超正。*灌湯小籠包*皮夠薄 唔會粉 唔會韌咬落口有豐富既湯汁溢出～～熱辣辣，好味！*椒剁大魚頭*見到都流哂口水起初朋友比d辣椒嚇親，仲擔心會辣到食唔到。點知佢愈食愈過癮，食到停唔到口！！大魚頭比軟多肉，唔似細魚雲咁多骨，所以好有咬口；配埋辣椒碎及蔥花就更香口了我最期待既高力豆沙～～岩岩炸起香噴噴外層鬆軟有空氣感，好香好重蛋香味，加埋面頭少量糖粉，仲有裡面甜味適中既豆沙，一d都無令我失望呀～元朗美食數之不盡，但數到京滬菜，真係唔多。而京滬村暫時係我既首選

今日乖女話喺元朗有間餐廳食片皮鴨好正得嚟價錢又唔算貴，就等我哋今晚嚟試一試先。由於心多多想試多幾款嘢食，個酸辣湯就只係嗌咗一人份，諗住一人不幾羹嚟試下咁啦，酸辣湯個酸甜同辣嘅味道都平衡得唔錯，連平時唔係好好辣嘢嘅我都食到津津有味。京滬四小籠，即係一籠小籠包入面有齊原味，蟹粉，蟲草花同埋黑松露四款味道，可以一次過試哂四款味道認真抵食，個人覺得蟹粉嘅味道最好，充滿著蟹粉嘅甘香，而黑松露味就幾特別，有少少 fushion 嘅感覺。嚟到重頭戲片皮鴨喇，片皮鴨燒好之後原隻拎到嚟我哋面前，嗰陣酥油嘅香味我至今都難以忘懷，店員喺我哋面前逐塊將片皮鴨片開，片之前仲會問我哋想要多啲肉定少啲肉㗎。招呼十分周到，啲片皮鴨肉汁豐富，份外肥美，除咗平時點開嗰隻片皮鴨醬之外，餐廳仲預備咗一隻柚子醬，食片皮鴨點柚子醬大膽創新，值得一試，隨鴨附送嘅餅皮有成兩龍咁多，絕對夠餸哂咁多塊片皮鴨。加多78蚊就可以一鴨兩食，要鴨架湯又得，攞嚟炒絲炒鴨件亦得，因為原本都想食京蔥爆牛肉嘅關係，揀咗個京醬爆鴨架，點知一上到枱發現同餐牌張相完全唔同嘅，面前嗰碟鴨件靚好多喎，真係真人靚過上鏡啊，碟鴨件嘅份量都算幾大，京醬爆得香口惹味，難

今晚帶 daddy 嚟試吓喺元朗嚟講唔係好多餐廳有得食嘅片皮鴨。韭黃炒鱔糊，上海菜嘅濃油赤醬，加埋揀手以及為數不少嘅鱔碌，經過爆炒之後香氣撲鼻，份外惹味，加埋碗白飯，無敵。四川擔擔麵，呢間餐廳嘅擔擔麵有好香濃既花生味，啱哂鍾意食花生嘅爹哋，連平時食麵唔會飲埋啲湯嘅佢都幾乎將成碗湯清哂，麵質方面爽口彈牙，特別鐘意佢面頭嗰啲肉碎無乜肥膏，咁就可以留返啲膽固醇俾一陣個片皮鴨啦。千呼萬喚嘅片皮鴨終於登場，侍應姐姐將原隻片皮鴨推到我哋面前，再喺我哋面前逐塊逐塊咁樣片層皮出嚟，首先俾咗四塊我哋，佢話呢四塊特別肥美要點糖嚟食，果然別有一番風味，剩低嘅一大碟就用傳統嘅方法嚟食，先將片皮鴨點滿片皮鴨醬，再夾多兩條京蔥同埋青瓜，用塊皮包住嚟食，鴨嘅油脂，京葱同埋塊皮相互配合，好好味啊。高力豆沙，臨尾以呢個咁美妙嘅甜品作結實屬最好不過，高力豆沙口感軟熟，蛋味香濃，加埋入面只有少少甜嘅豆沙餡，滿足嘅一餐就咁完滿結束。

餐廳每台都有既小菜，花生同拍青瓜。拍青瓜好開胃，個酸度剛剛好。雞絲粉皮食上海野真係唔可以冇左雞絲粉皮，作為開胃菜一流，又可以頂下胃。依個雞絲粉皮既麻醬好濃郁，係比較杰身個種，麻味香濃，雞絲份量都唔少，加埋好爽口既青瓜絲，整體都唔錯。招牌京滬炒飯炒飯上面加左好多蟹籽，蟹籽每粒都脆卜卜，撈埋落炒個度食好正，好有口感。粉飯都有唔少蝦仁，夠哂蝦味。拔絲蕃薯我最期待既甜品！一上台已經俘虜左大家既心啦。拉得高高既拔糖拔絲同炸到金黃色既糖衣蕃薯真係好吸引！厚厚既金黃色糖衣包住熱烘烘既蕃薯，糖衣雖然厚身，但好脆好好食，一咬開脆皮既糖衣就食到鬆鬆軟軟既蕃薯，口中有兩種不同既口感，再加埋糖絲就有另一種感覺啦！蕃薯自然既甜味同糖衣既香甜好夾。

講到中國名菜， 較為人所熟悉嘅一定係上海菜同埋北京菜， 簡稱「京滬菜」。今次想介紹嘅呢間中國菜館， 係位於元朗鳳攸南街嘅【京滬村】， 主推各款上海菜以及北京烤鴨，味道正宗， 突顯咗上海菜「濃油赤醬」嘅特色。上海菜必定令人想起小籠包，酸辣湯，同埋炒鱔糊。先講講小籠包， 呢度除咗有平時嘅湯汁小籠包之外， 亦有加入咗創意特色嘅【京滬四小龍】， 呢「四小龍」包括南翔小籠包、蟹粉小籠包、蟲草花小籠包，同黑松露小籠包。四款都各有千秋，南翔小籠包充滿湯汁，一咬落，肉汁爆發，記得小心燙口。我就最鍾意黑松露小籠包， 呢個中西crossover嘅小籠包， 充滿創意，而且香味十足，黑松露嘅香氣四溢，喺傳統嘅小籠包上加入創意，like~另外酸辣湯亦同樣出色，酸度和辣度恰到好處。 材料亦相當豐富， 筍絲、 豆腐、 蛋花、 木耳等， 每種材料帶給酸辣湯唔同口感， 味道酸酸辣辣， 非常開胃。韭黃炒鱔糊， 鑊氣十足。 呢度菜式突顯上海菜「濃油赤醬」嘅特色， 加入味道濃郁嘅韭黃同蒜片， 非常惹味。而且黃鱔夠曬滋補，用猛火爆炒後，加入黃酒、醬油，肉質爽口彈牙， 一啲都唔會腥。至於飯後甜品就揀咗最後大廚功架嘅高力豆沙， 先

話說有一日突如其來好想食北京烤鴨但係喺元朗食京滬菜嘅餐廳唔算多眾裏尋他之下 喺雞地附近搵到間叫《京滬村》嘅菜館喺openrice 見到片皮鴨啲相好吸引一於就同屋企人一齊嘆番下由於老媽子好鍾意食擔擔麵所以喺食片皮鴨之前就叫咗碗擔擔麵一齊食呢度嘅擔擔麵花生味好香濃而且麵質爽口 絕對唔會因浸得太耐而發脹味道亦好啱口味 少少辣 食到有少少炸菜粒一路傾一路食麵時間好快就過咗40分鐘北京烤鴨已經烤好了店員職直喺我哋面前 切片皮鴨最先嗰四塊係鴨胸嘅皮呢個鴨胸皮入口鬆化 神奇地 一啲都唔覺得油膩至於片皮鴨我哋就選擇咗皮連用切烤鴨嘅火後掌握得非常好外皮酥脆 肉質嫩滑 保持肉汁而且薄餅亦 皮薄軟熟用薄餅皮包裹著大蔥 片皮鴨 同青瓜絲 再加上甜麵醬卷住一齊食簡直滋味滿分淨低嘅鴨身 用咗嚟煮京醬爆鴨架鴨架肉一啲都唔騷而且加入咗大蔥同埋醬料爆炒夠曬火候 非常惹味最後叫咗個高力豆沙做甜品高力豆沙有豐富嘅蛋白香食落軟綿綿裏面嘅豆沙蓉又香食到大家都舐舐脷估唔到喺元朗區都有間咁正宗嘅京滬菜館元朗果然系美食天堂

呢一度環境其實唔錯，坐得舒服既話，食都會食得舒服啲~石鍋素翅鮮蚧粉炒飯，呢個飯有d特別，而且賣相好靚，好似一個盆栽咁，有塊青綠嘅小葉做裝飾，好得意，而素翅蚧粉口感都唔錯，點埋佢特有嘅醬汁，味道好襯！佢個飯超級熱，岩岩出爐，一呈上黎嘅時候中有“滋滋聲" 個飯中自己煮緊，保持最鮮嘅口感比食客，側邊嘅飯係脆嘅，因為佢貼住鍋邊，醬汁撈埋個飯，食到津津有味！第二味係蔥油拌海蜇，一條條望落去彈力十足嘅海蜇各有各姿態等住我品嚐，蔥油配住海蜇，令海蜇顏色唔再咁單調，撒滿香脆嘅芝麻係海蜇上面，一影完呢個美照，我就急不及待開餐啦！

今次第是二次到來光顧，點了京葱爆羊肉配薄餅。鐵板上的中菜，離遠已經聽到吱吱喳喳聲，端來聞到好香的鍋氣味！未食已經覺得很惹味！驟眼看羊肉份量唔多，但食落原來一點都唔少，還好"林"好入味又沒有羊騷味！配薄餅代替白飯，又是另一風味！接著點了個職員推介的黃金蝦球，面頭是香濃鹹蛋黃，炸得又香又脆，與內裡的蝦好夾，膽固醇高的問題都暫且放下，食少少不怕吧，因為真的很好食！很滿意的晚餐！(見餐牌的拔絲地瓜賣相很豪氣，下次要試試！)

今晚同家人到元朗呢間小酒店食餐飯。好多野食，好難選擇，樣樣都好想食！五花八門嘅菜單睇到我眼花缭乱，最後我就决定左呢三味。環境相當唔錯，整齊，我地坐得好舒服。五香金錢展，賣相好掂，排列整齊，又有花衬托，好靚！試下佢嘅味道真係好味，唔咸唔淡，味道岩岩好，牛展切得好薄，點埋汁食，好襯。蔥油拌海蜇还需，海蜇好爽呢！芝麻又香，襯哂海蜇嘅鮮味！魚香河蝦仁，呢道係我最中意食嘅，紅姐綠綠係未好吸引呢？當然啦！鮮蝦好彈牙，好鮮味，個醬汁好特別，同鮮蝦襯到絕，自己煮唔到呢個汁呀！所以當然好好品嚐啦！

想食京川菜，即時想到的便是這間中式茶店。地下有職員安排上一樓雅座，這樣可以避免人多時的混亂。首先點了開胃冷盤 -- 鎮江肴肉。賣相跟餐牌一樣，切成方條形，像啫喱般通透，肉香爽口，冷吃真的很開胃！! 見很多食評讚好石鍋鮮蟹粉蛋炒飯，我都點來試下。鍋飯一上枱的時候，那香味直樸味蕾，果然是推介之選！鮮蟹粉味聞到已經覺得很鮮甜，食落很幼滑，撈飯食一流！鍋飯份量比預期的小，但小食多滋味，正！牆身掛有螢光幕，播的不是電視節目，是給予長者的優惠細節，很有心的食店啊，欣賞！

今日收工返到元朗約左女朋友食飯，佢話好耐無食過上海菜，之前聽朋友講過依度好味又抵食，今日一於試下佢先！ 依度裝修得幾骨子，有好多卡位坐，仲有vip房添，如果一大班朋友嚟都吾怕嘈親人！ 嘢食方面有好多選擇，有套餐有散叫，仲有好多上海傳統甜品，啱曬中意食甜品既我！ 先嚟個酸辣湯，一盅上好有特色，飲落去細個係舊色上海舖頭食嘢既感覺返曬嚟，酸辣度剛剛好，又足料，飲完即刻好開胃啊 小籠包就梗係必食啦，四個字形容曬，皮薄餡靚，食落口入面啲肉汁咇出嚟真係好正，點埋啲醋就絕配！ 剁椒大魚頭，一見到個賣相都即刻流曬口水啊，廚師蒸既時間做得好好，又滑又吾老，食落口又鮮又辣，中意既朋友必定要一試！ 甜品我地叫左高力豆沙，一路都好中意傳統既上海甜品，依度都無令我地失望，好鬆軟好香，入面既紅豆餡料都好夠，真係勁正 今餐食得好開心，女朋友都讚不絕口，話明下一次要再嚟食，就等我下一次黎試下個套餐先

個FD突然SD左條LINK比我，話見到間上海菜咁樣幾想食，即晚就約左我，不過見佢話車我過去都算方便既，出面就係停車場，揸車過黎食，食完揸車走！餐廳晚市茶位8蚊位，黎到我地揀左香香的菊花，菊花味好香，沖左好耐味道都依然很足當然我地都係按照習慣用茶洗洗碗杯筷子今次就只講我主動要點的三道菜：黃金明蝦、石鍋鮮蟹粉蛋炒飯、拔絲地瓜黃金明蝦，即是蛋黃炸蝦球。一碟份量都夠兩人食用，不會太少。蝦已事先處理，剪掉蝦尾，可以一口吃掉整隻蝦，不過我當然鍾意細啖細啖慢慢品嚐。蛋黃佈滿整隻蝦，食落不會好粉，啖啖蛋黃濃香，仲有粒粒咸蛋黃係到TIM，真係會越食越上癮！石鍋鮮蟹粉蛋炒飯，面料超多，讚！熱辣辣既石鍋新鮮放上檯，已經聞到陣陣香味。「不」開之後發現原來面頭蟹粉真係超多，滿滿都係，就算撈勻成個飯，每一啖都爆多蟹粉，唔會孤寒比少少你！食落去好強烈上湯味，味道較強，所以配埋個飯剛剛好。飯有跟蛋絲炒香，飯粒粒粒分明，不會又濕又黏雖然石鍋飯偏小，但係食後感覺好飽滿。拔絲地瓜是我選為最後晚餐的總結。新鮮即製地瓜，店員會一開始問我地即刻整定叫上，叫上都要等成20分鐘架，所以如果唔係太多時間吹陣水都要睇準時間叫上。拔絲地瓜

今日食左個好好味的晚餐。實在太耐冇食上海野，終於端午節可以食上海野，順便應下節。餐廳舒服，有卡位，大檯可以慢慢食。叫左個東波肉。勁快上菜，效率高。我期待既東波肉，同餐單既相一樣。侍應切左九塊東波肉，好靚。東坡肉口感軟滑，東坡肉汁滲入豬肉，啖啖都係香甜味。豬腩肉既皮整得滑，加埋少少肥膏，入口即溶，冇叫錯野食。好邪惡。叫左個南翔小籠包。皮整得幾好。中間有個窿仔俾小籠包透氣，唔會整爛個包皮。燒籠包入邊既湯汁熱辣辣滲入口中，好鮮甜。加埋少少醋，令小籠包味道更fresh。小籠包最重要係皮唔會爛，呢四粒既皮夠彈牙，又冇爛到，保留湯汁保留得好好。有咁上下功夫！好舒服咁食完呢個端午節晚飯。開心既，最重要好食！

今晚同幾個朋友，一齊去食上海菜期待已久的飯局，一早已經訂左7點半檯，驚無位麻所以做足準備啦。依間餐廳係上樓ge，一行到去同職員講訂左檯，就可以上去啦，上面分別有兩間餐廳，另一間係倫哥火鍋。入到去個環境幾舒服，佢地安排我地坐入邊，有朋友想飲酒，就叫左枝青島，加上仲有個朋友未到，所以就叫住開胃冷盤小食先加上太肚餓啦，連檯上嘅小食都清灑🤣分別叫左上面依兩款前菜第一個反應係估唔到小食都咁大碟，個海蜇麻而不辣，肴肉就味道適中，可以再雪硬身d，更好味，但整體都好食開胃👍🏼送酒等朋友一流之後，朋友都到齊啦，我地就叫多幾樣野食，分別係熊貓奶黃包、小籠包（忘記影相）、韮黃炒鱔糊、蔥爆羊肉配薄餅，所有菜式都黎得好快係熊貓奶黃包，真係試到同食評講ge一樣非流沙，得個樣吸引，不過包都幾鬆軟，所有野都熱辣辣出煙上檯，依下幾好ge，跟住仲另加左個松節桂花魚依個魚比之前見到人地果條多汁，但個汁都配搭得還可以，酸甜酸甜咁下餐會想試埋d甜品，所以都有機會再來一嘗

行下行下，見到元朗有間食小籠包，就上左去。裝修一般，服務一般。我就叫左一籠小籠包，36蚊4隻，價錢一般。等左大約10分鐘。首先，個小籠包皮係薄，但係，4隻小籠包有3隻穿左隆，湯都流駛出黎。個餡就略嫌有啲細，味道不太夠。如果皮唔穿，個小籠包大致可以接受。