船渦

Open Now

Now Closed

行開銅鑼灣，見到有間一人份嘅粥底海鮮火鍋，online見d相都幾吸引！食完之後我覺得佢嘅性價比幾高，啲海鮮新鮮，個set又樣樣都有啲。佢呢到係揀set既，然後再揀想要咩粥底，食完都已經好飽叫咗個「九品芝麻」火鍋，佢仲有前菜，先嚟咗碟青瓜蟹柳沙律同埋兩粒章魚燒🤤然後先再上海鮮，有白蜆、蝦、鮮魚片、大蜆、鮑魚，蟶子咁啱冇貨，轉咗做象拔蚌😍🤭重點間餐廳係自己有埋魚缸，所以啲海鮮好鮮，唔使點醬油都OK枱上寫低曬每款海鮮要蒸幾耐就食得，啱晒我呢啲唔識煮嘢食嘅🤣肉類都有齊肥牛同埋豚肉，就咁蒸都好好食，幾重肉味👍牛骨濃汁牛丸、薑汁皮蛋貢丸同埋招牌墨魚丸每款各一粒，都幾特別同埋好食，d丸咬落係好juicy，唔係實的的果種👍仲要有成個雜菜果籃佢每樣都有d亦都好精緻，食完亦都好夠飽，臨尾果碗粥真係吸曬d精華，好正！我地叫左蟹粥，個蟹粥係超鮮超重蟹味，好正👍

蒸氣海鮮最能鎖住海鮮嘅鮮味，所以每次一諗起食海鮮就必定係清蒸首選！船渦除左海鮮選擇種類眾多之餘，仲特別設有一人一鍋，自己安排想食咩就食咩🤭▫️九五至尊套餐 $698今次選擇咗最高級別嘅九五至尊套餐，除咗高達十款海鮮之外，亦配有刺身、和牛及炸物等，種類繁多😍先上刺身及蠔，海膽及帶子都超新鮮完全冇腥味，甜蝦及生蠔亦唔錯👍🏻炸物方面，餃子及明太子雞翼翼香脆好味，完全唔會油膩！接住落嚟的重頭戲 - 龍蝦及巨型瀨尿蝦，鮮甜新鮮！清蒸已經能夠鎖住嘅鮮味，鮑魚、蟶子、蜆亦大大隻，特別欣賞其海花螺份量超多，全部我哋大概用咗1.5小時慢慢享用❤️和牛亦相唔錯，牛肉香濃之餘肥瘦平衡！蔬菜籃及粥底填滿肚內最後一點位置，食飽又滿足！甜品仲贈送雪糕糯米糍，好味又唔膩👍🏻💬 推薦想食清蒸海鮮嘅朋友來一試❤️

蒸氣火鍋健康又好味！這裡的環境很日式風格的感覺。每個座位對面都有簾，這種傳統的日式元素為整個空間增添了一份雅致和神秘感。而燈光設計以黃黃暗暗的色調為主～九品芝麻套餐：性價比之相當飽足又好味的套餐。蟹籽沙律新鮮爽口。即整章魚燒口感酥脆，內裡濕潤軟嫩，非常好吃。白蜆大蜆和蝦都很新鮮，帶著海洋的鮮甜味及海水味。鮮魚片切得很薄，質地鮮嫩。扁蟶子和鮑魚好大個有鮮香的味道。肉類有牛肉豬肉雞肉選擇，我選了兩份雞腿肉非常嫩滑多汁，且份量十足。還有三寶丸粒粒又大又彈牙，非常有嚼勁。時蔬拼盤上的蔬菜新鮮綠脆，又菜又肉又海鮮。最後，將Q彈的米線加落蒸氣火鍋的鍋底中，湯頭鮮甜濃郁，絕佳的結尾！服務方面，店員換盤速度非常快，基本上一滿就收，這個十分讚！

今日行開CWB，咁揾到呢一間船渦，咁自己不嬲鍾意食蒸海鮮，咁就梗係入去試下啦，咁入面舖頭乾淨企理， 令到我覺得食嘢嘅時候會比較舒適 ，而我同朋友就叫咗個九品芝麻&內務總管套餐, 咁兩個餐其實爭少少嘢嘅啫，咁我general講曬兩個餐加埋有啲乜嘢，廢話少講大家睇下我食緊食咗啲乜:炸物：章魚燒（2粒）和吉列炸蠔：章魚燒是一種日本經典的小吃，以炸麵糊裹著的章魚球為主要。炸物具有酥脆的外殼和嫩滑的章魚內餡，口感豐富。吉列炸蠔則是用上新鮮蠔肉，帶有鮮美的海味和脆脆的口感。這兩道炸物提供了不同口感和風味的選擇。海鮮提供了多種不同的選擇，包括白蜆、蝦、鮮魚片、大蜆、鮑魚和半隻蟹。這些海鮮的新鮮度和質量對於口感和風味至關重要。白蜆和大蜆帶有豐富的海水味，蝦和鮮魚片則具有鮮美的口感。鮑魚則提供了更加豪華和獨特的選擇。不得不提鮑魚都幾大隻。蟹則是增添菜單豪華感和口感多樣性的選項。呢隻蟹係肉蟹所以幾甜(內務總管套餐先有）肉類：美國肥牛、豚肉片、雞腿肉（3選2）：這些肉類選項包括美國肥牛、豚肉片和雞腿肉，食客可以從中選擇其中三種。美國肥牛是優質的牛肉部位，具有豐富的油脂和嫩滑的口感。豚肉片則是豬肉的切片，在蒸

餐廳嘅裝修都幾別緻，套餐嘅名好有古代特色，都幾得意，唔同價位包唔同嘅海鮮，揀左八府巡按同九品芝麻套餐八府巡按 $488前菜：清新開胃嘅青瓜絲沙律炸物：餃子，芝麻雞翼（各1隻），炸得香脆熱辣辣海鮮：白蜆，蝦，北寄貝，鮑魚，元貝，扁蟶子，鮮魚片，龍蝦，蟹（半隻）/蟶子皇（一隻）2選1🌟蒸氣火鍋食海鮮係最原汁原味，呢個餐嘅主打係龍蝦，肉質新鮮彈牙，仲有少少蝦膏白蜆好大隻，好肥美元貝大隻之餘，蒸完一定要飲埋啲汁，味道好鮮，簡直係精華；蟶子皇夠哂大隻爽口；鮑魚、北寄貝、扁蟶子同蝦都係新鮮爽口肉類：安格斯牛肉/豚肉片/雞腿肉3選2🌟揀左兩份安格斯牛肉，牛味濃，有水準丸類：三寶丸三款丸分別係牛骨濃汁牛丸、薑汁皮蛋貢丸同招牌墨魚丸，都係高質素嘅丸可以揀粥底、湯底或者麵底呢個套餐我揀左粥底南瓜芋頭粥湯/蟹膏蟹肉粥+$28揀左蟹膏蟹肉粥，啲粥好綿好香套餐包左蔬菜拼盤同埋雪糕糯米糍做甜品九品芝麻 $258前菜：青瓜絲沙律炸物：章魚燒（2粒）海鮮：白蜆，蝦，鮮魚片，大蜆，扁蟶子，鮑魚肉類：美國肥牛 / 豚肉片/ 雞腿肉3選2丸類：三寶丸（牛骨濃汁牛丸、薑汁皮蛋貢丸、招牌墨魚丸）蔬菜拼盤＋甜品呢個套餐揀左拉麵底

這間火鍋店位於銅鑼灣的維安商業大廈，主打海鮮蒸氣火鍋，店內環境寬敞舒適，有自設魚缸養飼鮮活水產，不論一人或者多人均合適。每張枱也寫明不同類型的食材分別的蒸煮時間。九品芝麻 - $258沙律日式青瓜沙律有大量爽脆的蟹籽。章魚燒圓潤飽滿的章魚燒外脆內軟，有爽滑的魷魚粒。白蜆鮮甜無沙，有足夠的海水味。蝦爽滑彈牙的鮮蝦極易去殼。鮮魚片含豐富魚脂特別嫩滑甘香。大蜆更加爽脆彈牙，清爽無渣。貴妃蚌甘脆嫩滑，鮮美無比。鮑魚厚肉爽身，有著濃郁明顯的鮑魚味鮮甜味。美國肥牛大大片肥瘦相間的肥牛好柔嫩，一咬肉汁香甜四溢，或可轉豚肉片及雞腿肉。三寶丸結實彈牙的牛骨濃汁牛丸有著豐富的牛脂香，牛味極濃郁；薑汁皮蛋貢丸一咬噴汁，有著絲絲薑香；招牌墨魚丸混著爽滑的墨魚肉特別有口感。蔬菜拼盤包括金菇、南瓜、香菇、翠玉瓜及生菜等平衡膩感。南瓜芋頭粥橙黃色的粥混入蒸煮期間的海鮮精華，有南瓜的香甜和芋頭的綿密，鮮味十足。魚湯米粉倒入奶白色的魚湯，帶一層薄薄魚油脂，鮮甜無比。雪糕糯米糍可選芒果或香芋味。可樂ZERO - $16檸檬C+ - $16除了免費的熱茶供應，亦有多款酒精及非酒精飲品選擇。

餐廳座位就有個簾遮掩，私隱度好高，就算不個人去食都不怕尷尬。餐廳由CWB由D1出口行去好近。枱上好貼心地列左每樣食物蒸用時間，仲有定時器。QR Code落單非常方便，落單後店員先提供前菜蟹柳青瓜絲沙律同章魚燒。揀左兩個最平最抵食啲dinner set九品芝麻套餐$258海鮮類：鮑魚、蜆、蝦、魚片、蟶子、鮑魚肉類：美國肥牛、豚肉、雞腿肉三寶丸：牛丸、薑汁皮蛋貢丸、墨魚丸蔬菜籃：粟米、翠玉瓜、南瓜、金菇、冬菇、生菜、翠玉瓜大推蝦同蜆，非常鮮嫩。最後店員用精華湯汁煮粥，分別試左兩隻粥＋$28揀左蟹肉蟹膏粥，粥底偏淡，蟹肉蟹膏都好少。免費連餐送嘅南瓜粥，粥底勁濃郁！吸曬海鮮嘅精華，味道超鮮甜，推介！

餐廳主打一人蒸氣鍋，食材每日新鮮運到。座位設有竹簾分隔，私隱度高，每張枱上都有烹調指引，好貼心啊。晚市主要有4個套餐，用QR code 自助落單，我地㨂左內務總管套餐再單點黎開心share。套餐包括前菜、海鮮、肉類、丸類、蔬菜拼盤、甜品。前菜有沙律同吉列炸蠔，沙律爽口清新，炸蠔熱辣辣脆卜卜。海鮮：有白蜆、蝦、大蜆、扁蟶子、鮑魚、元貝 。食材新鮮擺盤吸引。我地按住枱上指引去烹調，蒸出黎既海鮮原汁原味，元貝大大粒，蜆肉飽滿 ，蟶子啖啖肉，鮮味突出。肉類(3選2)：美國肥牛/ 豚肉片/ 雞腿肉丸類(三寶丸)：有牛骨濃汁牛丸、薑汁皮蛋貢丸、招牌墨魚丸，三種丸都好彈牙紮實，各有特色。蔬菜拼盤+甜品：蒸出黎既蔬菜味道都特別鮮甜；另外+$28 升級要左蟹膏蟹肉粥，粥底線密，蟹味濃郁，好入味。📍船渦 (銅鑼灣)🔎銅鑼灣謝斐道500號維安商業大廈3樓

今日lunch time 去咗位於銅鑼灣嘅「船渦」食 一人一鍋嘅蒸海鮮鍋✌️ 「船渦」佈置是用竹簾分隔，感覺不錯😗 八府巡按套餐 …….有沙律….炸物….如芝麻雞翼和煎餃子🥟海鮮呢….就有一兜白蜆，3隻蝦，2片鮮魚片，－隻鮑魚，元貝，蟶子和半隻龍蝦等……全部都好新鮮，鮮甜！肉類也不差..安格斯牛肉和雞腿肉😗還有薑汁皮蛋貢丸味道幾特別不錯👍最後可以選擇粥底或麵底加進鍋內，我選了鮮拆蟹肉粥，甜道好鮮甜👍

今日同人妻去銅記行Sogo,然後佢無啦啦話想睇吓總統戲院仲喺唔喺度😂😂係到嘅😂然後想搵野食🤡一望到對面好大個banner 食海鮮鍋穩陣起見，我地睇咗OP先，然後決定去試（我地未食過蒸海鮮打邊爐🤫）食物海鮮鍋大癲🤡勁新鮮！我係第一次食到啲貝殼類咁鮮甜😨以前食鮑魚覺得佢好難𡁻😂今日食到佢呢個鮑魚超級彈牙又新鮮，啲蝦又好正我第一次食蟶子，原來聖子係咁好食🥹🥹🥹蒸完嘅海鮮水落咗個鍋到，佢哋再加魚湯，就可以煮埋個烏冬，同埋嗰啲肉類同丸嗰啲丸都好有驚喜🤡🤡🤡初初食第一粒，我已經feel到佢係醬爆啲朋友😂我唔敢咬跟住用筷子篤，真係爆汁出嚟😂超級彈牙豚肉魚湯烏冬日本烏冬！超滑🤡勁掛湯🥰啲魚湯好濃，超鮮味沙律、炸雞翼、日式餃子其他煮得咁好食🥰係因為有出貓紙。💁🏻‍♀️佢呢度私隱度好高，兩個人打邊爐就唔使怕約唔齊腳！同埋佢呢度係用手機落單，職員喺上菜同埋加湯會過嚟。呢度係用竹簾間隔，私隱度都好高🤫你睇唔到對面😂佢呢度好貼心，有個籃仔，可以放袋。唔怕阻塞通道同埋整污糟自己個袋。

呢間食過幾次，真係好高質好抵食😋海鮮超新鮮，之前嚟食，龍蝦、蜆、瀨尿蝦上枱仲超生猛今次我地叫左《內務總管》套餐：先嚟前菜，沙律🥗新鮮爽口呢度嘅炸物一向炸得唔錯👍🏻今次呢個套餐配吉列蠔，即炸，好鬆脆😋海鮮有鮑魚、蟶子、扇貝、蝦、大蜆、貴妃蚌、白蜆海鮮處理得好乾淨，食嘅時候唔係自己再花心機處理，因為新鮮，各款海鮮都好鮮甜好彈牙，今日啲蜆上到枱仲識伸脷🤣蒸完全部都開晒👍🏻枱上有貼出每樣海鮮要蒸嘅時間，爐有得set時間，唔洗自己用腦同計時👍🏻另外，套餐仲包埋肉類（有豬牛雞，3選2），三色丸類，蔬菜盤肉類質素唔馬虎，墨丸同牛丸幾高質，蔬菜多款又新鮮蒸完海鮮最後仲可以揀粥底或者魚湯米線，我哋一人一款，粥加左南瓜，超甜好好味，魚湯米線加上海鮮鮮味，好鮮甜😋

呢間餐廳都多人，訂位會比較安全，如果一早訂位時選擇咗套餐會有折扣，冇限時，唔會食得好趕，環境稍嫌擠迫，但仍可接受，有普通枱同高枱。食物嚟講可以散嗌或者套餐，我就揀咗九五之尊套餐，食物非常豐富，一開先有魚生，包括帶子同海膽，main dish 就有蟶子、龍蝦、瀨尿蝦、蟹、鮑魚、花、蜆，仲有肥牛同蔬菜，d海鮮幾新鮮同多種類，如果你係一個鍾意海鮮嘅人，就應該會好鍾意食呢間餐廳，美中不足嘅係有一兩個店員態度稍為欠佳，不過整體嚟講就瑕不掩瑜，我個人會推薦。

銅鑼灣呢間🛶船渦係附近出名嘅海鮮🦞蒸鍋專門店，主打一人一蒸鍋🍲，每人都可以各自選擇自己鍾意嘅😍套餐，十分之有彈性。入面有🤩個人位亦有大枱位，無論係😆一個人來、一pair👫咁來，或者一家大細👨‍👩‍👧‍👦來都咁適合。我哋揀咗✌️兩個套餐都有跟沙律🥗，入面勁多仿蟹柳絲。唔同嘅套餐亦有不同跟🧆小食炸物跟埋，章魚燒外脆內軟，炸餃子🥟同埋芝麻雞翼亦都唔錯。八府巡按套餐主打🦞龍蝦、大元貝、🦀蟹（半隻）或者蟶子皇（一隻），而且肉類有🐂安格斯牛肉/豚肉片/雞腿🐓肉三選二，十分之豐富。九品芝麻套餐就🥰主打鮑魚、北寄貝同埋大蜆，肉類就係🇺🇸美國肥牛/豚肉片/雞腿肉三選二，而且兩個套餐都有跟埋🤤三寶丸（牛骨濃汁牛丸、薑汁皮蛋貢丸、招牌墨魚丸）同埋🥬蔬菜拼盤添。佢哋啲🦐海鮮全部都好新鮮高質👍，因為有部分海鮮係店內養住，🤩即叫即劏份外鮮甜，而且個蒸爐有⏱️計時功能，跟住佢個指引計住時♨️蒸就唔怕過熟。每個餐仲有粥底或者🍜湯麵/米線/米粉等等多個選擇，我覺得加💰$28𨍭嘅蟹膏蟹肉粥十分之鮮味🦀甘香，魚湯米粉我哋加埋啲🥬蔬菜入去煮來食亦都好好味。最後仲有🍨雪糕糯米糍做甜品😍，為呢餐畫上一個完美句號☺️。

我一向喜歡食海鮮，之前多數都係打邊爐食海鮮，所以今次喺朋友强烈推薦下，嚟咗呢一間位於銅鑼灣嘅’船渦’度食蒸海鮮入面主要係日式裝修，每一個座位都有活動百葉簾，私隱度都好高，就算一個人嚟食都完全冇問題有自助醬汁可以自己添加餐廳有多種套餐可以揀，亦見到餐廳入邊嘅海鮮缸，隻隻新鮮生猛今次我地一行二人，分別揀咗九品芝麻套餐$258內務總管套餐$328另叫左支生力黑啤$28另收加一服務費-九品芝麻套餐前菜 蟹籽沙律炸物 章魚燒兩粒海鮮 白蜆、蝦、鮮魚片、大蜆、鮑魚、北寄貝三寶丸 牛骨濃汁牛丸、薑汁皮蛋貢丸、招牌墨魚丸 肉類 美國肥牛&雞腿肉蔬菜 生菜、娃娃菜、金菇、冬菇、粟米粥 南瓜芋頭粥內務總管套餐 前菜 蟹籽沙律炸物 吉列炸蠔兩隻海鮮 白蜆、蝦、大蜆、鮑魚、北寄貝、元貝、蟶子王三寶丸 牛骨濃汁牛丸、薑汁皮蛋貢丸、招牌墨魚丸 肉類 美國肥牛&雞腿肉蔬菜 生菜、娃娃菜、金菇、冬菇、粟米粥 南瓜芋頭粥所有海鮮非常新鮮，蜆肉脹卜卜大大隻完全冇沙，好鮮甜，鮑魚唔韌好爽口，最後粥底當然吸收咗所有嘅海鮮精華，極之濃郁鮮美，帶出淡淡嘅海鮮鮮味，令人一碗一碗咁接

比較少食蒸海鮮,但船渦卻是我第三次回訪.餐廳格局帶日式風味,簡潔乾淨,亦掛滿竹簾為客人提供充足私隱度,感覺舒服.餐廳以一人套餐為主,豐儉由人,每款食品及海鮮都新鮮生猛.每次質素都保持,完全值得令人一訪再訪🔸水師提督套餐($138)▫️章魚燒▫️白蜆▫️蝦▫️鮮魚片▫️大蜆▫️鮑魚▫️美國肥牛▫️特選蔬菜▫️魚湯米線🔸八府巡按套餐($468)▫️沙律▫️芝麻雞翼▫️雞軟骨餃子▫️白蜆▫️蝦▫️鮮魚片▫️鮑魚▫️蟹▫️元貝▫️北寄貝▫️扁蟶子▫️龍蝦▫️安格斯牛肉▫️三寶丸食物一上枱已經充滿震撼感!滿滿一盤海鮮,魚蝦蟹通通都有.而且仍有生存意識,非常新鮮!由小食到海鮮,甚至丸類絕不欺場.個人特別喜歡蟹,鮮魚片及貝殼類.蟹肉鮮甜充滿濃郁蟹膏.鮮魚片無骨滑溜.而貝殼類隻隻飽滿充滿海水鮮味!龍蝦富彈性,啖啖肉~安格斯牛肉捲得美美,不鞋口.三寶丸有:招牌墨魚丸,薑汁皮蛋貢丸及牛骨濃汁牛丸,彈牙亦多汁,絕不求其!各海鮮新鮮清蒸,原汁原味!自己製作亦唔難,枱面有提示蒸煮時間.最後完成充滿魚鮮味魚湯米線及粥底南瓜芋頭粥,更是圓滿!而且並無限制時間,就算叫簡單水師提督套餐,百多元都實屬性價比高,絕對值得慢慢嘆!