焱丸水產 (Closed)

今日男朋友帶我食好嘢佢話竟然未去到日本旅行，不如去食日本嘢。咁我梗係無所謂啦，港女最鍾意食日本菜！銅鑼灣係人來人往，鋪頭係後面，相對寧靜。 店鋪裝修相當日風 入到黎好有返鄉下感覺！除了主餐牌，仲有時日精選前菜先黎個唐揚八爪魚，即叫即炸，炸粉不會太厚，外脆內嫩溫泉蛋天婦羅相當有驚喜 食個陣諗唔明個蛋黃點樣可以係炸完後都係流心！一個字，正！黎到當然要食食磯燒！烏賊爽口新鮮，蟹蓋蟹膏味夠曬濃再黎刀貝，店員好細心幫我地燒，唔洗怕過熟or過生。刀貝鮮味重，無沙，好味道！蒲燒饅魚，北海道炒飯都唔錯㗎。饅魚個汁不會太流，食得出饅魚鮮味，又無乜骨，幾好。北海道炒飯都好足料，又香口。雖然已經好飽，但都盡力食。總括，好食到下次要帶啊媽食。

突然好想去居酒屋食日本野，搵到銅鑼灣呢度有磯燒海鮮嘅居酒屋，就決定食啦首先叫個前菜-麻醬番茄豆腐沙律豆腐清清地，蕃茄甜甜地，加埋麻將撈起嚟食夠哂香再叫一個我好鍾意食嘅辣味豆腐一上枱已經覺得好香好新鮮炸起食落口果然外脆內軟入口即溶我至愛加上佢有辣緊辣辣地啱晒我再叫多個牛油炒野菜，好香好重牛油味，有野菜加什菌，個人比較鍾意食跟熟嘅菜呢度嘅野菜比較生，熟啲林啲會更好再叫多個大虎鬼殼磯燒（兩隻），都幾大隻，最緊要係好多膏正呀！有店員幫我地燒，熟咗之後啖啖蝦肉都幾彈口幾鮮甜然後上左個梭子魚係皮面燒咗一燒，燒得特別香魚新鮮又有口感都幾厚身，每人四件有點漏不過好滿足再黎燒多個多春魚又係我至愛之一用左最多時間燒，燒到啱啱好，夠香夠脆，仲有好多春正呀壽司就叫咗三文魚中卷，有魚子同沙律醬喺面夾埋黎食好滿足，唔算好大件，每人兩三件啱啱好最後叫多個日式甜醬牛肉鍋，肥牛點生既雞蛋食甜得來又有少少蛋味嫩得來再加少少蛋汁連個湯底都特別甜兩個人食完都捧住個肚走，不過埋單都要每人四百幾有點貴但味道唔錯不妨一試

雖然最近梅雨季，但係都無礙我同朋友仔豐富嘅食慾嚟到呢間好hit嘅日本嘢，7點已經有好多人先叫咗個刺身5點盛望落超豐富！！！有5隻刺身，海膽，魚生，貝類，要有嘅都有係春夏當季嘅時令海鮮海膽瓣瓣分明，顏色橙黃鮮豔，食落海水味唔重，反而好甘甜油甘魚腩又名鰤魚腩，好厚切，一望落去魚皮嘅雕花，就已經流晒口水，油脂豐腴肉厚三文魚好冰涼鮮味，而且每片都好厚切，入口肥美豐厚，三文魚嘅天然鮮味滿溢北海道帶子刺身大片又鮮甜，切開咗一片片，更容易夾起醮醬汁赤身食落軟熟，味道較為清爽，食得出鮪魚嘅原味獺祭(音：涮制)叫咗兩杯，本身以為會係細細杯嘅sake，點知店員不斷倒，倒到滿瀉哂都唔停！倒完直頭多咗個double份量最簡單嘅清酒味道香醇，配埋刺身一齊食就最啱炸魷魚圈嘅麵包糠好香脆，爆炸性咁向外發展，入面雪白嘅魷魚肉好彈牙旁邊配上小小柚子醬油沙律，小清新梅酒煮蝦係用錫紙兜裝住，裝到滿一滿，份量唔惹少梅酒煮過嘅，有海蝦肉，蝦頭，洋蔥，本菇等，食落微微酸，但係酒香濃郁海老本身嘅味同梅子肉估唔到都幾夾，而且整個汁煮，食落多汁唔會乾

炎丸海鮮沙律熟蝦三文魚刺身 + 吞拿魚刺身 + 生菜 + 青瓜粒 + 油醋汁 = 清新開胃刺身3盛 $160 + 甜蝦刺身 $68包括三文魚、帶子、油金魚、甜蝦… 有圖有真相，全部都好新鮮。三文魚富士山堆得山一樣高的三文魚刺身，內藏著青瓜卷。三文魚魚脂均勻，肉質嫩滑，配上了新鮮清甜的青瓜卷，吃完也不會覺得太膩。蟹味噌甲羅燒即松葉蟹膏釀蟹蓋, 蟹膏上面加咗些少蟹肉和鵪鶉蛋。呢啲組合想唔好食都難。海老天婦羅天婦羅粉漿開得剛剛好。唔太厚，但足夠脆口。而且完全唔油膩。Perfect ! 烏賊磯燒原隻魷魚放在爐上烤熟，有人幫你燒、唔怕over cooked。厚切的魷魚烤熟後肉質仍然很爽滑，佐酒一流。白蜆磯燒蜆肉非常新鮮飽滿，而且完全無沙粒。燒熟開殼後加入少量清酒同煮，完全唔需要其他調味… less is more巨峰提子乳酸Refreshing ! 

今日來到銅鑼灣食第一次食嘅日式餐廳，好多朋友食過佢哋話彷彿好似去咗日本一樣，裝修同環境都同日本好似，去到餐廳店員立刻為我地安排坐位，店內嘅裝修亦都非常之靚，餐廳嘅認識就好似日本嘅居酒屋一樣麻醬番茄豆腐沙律，沙律菜非常之新鮮番茄亦都非常之多汁，配合埋豆腐滑溜嘅口感，秘製嘅麻醬汁非常之配合原條飛魚，香港日本餐廳其實好少會食到一啲新鮮嘅魚，但我相信呢間餐廳嘅來貨應該會喺日本因為食得出非常之新鮮，魚嘅口感亦都非常之一流魚子焗薯蓉，第一次食到呢個菜式，口感同味道亦都非常之豐富炸蓮藕片，非常之爽脆如果一大班朋友食番幾杯係小食嘅必食推介三文魚中卷，賣相有啲似我哋平時食開嘅加州卷，但味道同埋口感亦都非常之豐富，因為個人非常之鍾意食三文魚貴妃蚌大隻食落非常之鮮甜虎蝦大大隻，燒完出嚟亦都冇一種縮水嘅感覺，日式甜醬牛肉鍋，秘製醬汁配合買肥牛同埋烏冬作為呢個晚餐嘅結尾非常之滿足

上次和E來過焱丸食lunch後覺得意猶未盡，所以再相約今晚食dinner, 可以和朋友傾吓計和輕鬆地享受美食，最是開心滿足白桃梳打$52~清甜冰涼的白桃梳打，夏天飲最爽梅乾燒酎$48~帶淡淡梅味的燒酒，酒精濃度高，酸酸的好開胃蟹籽蟹肉薯仔沙律$78~新鮮的生菜，蕃茄加上薯仔，蟹柳，青瓜絲和蟹籽，配上美味的沙律醬，非常開胃和清涼，爽原來焱丸為慶祝2週年紀念，凡讚好facebook專頁，2-3人惠顧即送池魚一條，我見差不多枱枱都有一條池魚刺身，我又怎能錯過呢？先來一輪刺身先，有送嘅原條左口魚，池魚，赤貝和池魚邊配紫菜和赤貝青瓜卷池魚表面令立立，新鮮爽口，加上薑蓉和葱再蘸少少醬油，特別鮮味池魚碎加了薑葱和白芝麻，用紫菜包來吃，正左口魚刺身$158~左口魚切得薄薄的，魚肉晶螢通透，非常清甜，蘸埋酸汁更能提昇魚的鮮味赤貝$68~活開赤貝橙紅色帶光澤，肉質厚爽，味道鮮甜，好正紫菜包住赤貝和青瓜造成卷物，既爽脆又鮮甜香葱蓉吞拿魚卷$80~吞拿魚蓉魚味濃郁，配埋香葱和紫菜一起吃特別滋味烏賊磯燒$75~墨魚好新鮮好大隻，店員好有心機慢慢幫我們燒，然後剪成一個個墨魚圈，墨魚肉質柔軟彈牙，外面有少少焦香，

星期日瞓醒有咩節目？食brunch或 all day breakfast 都好普通，就係直接去食磯燒先勁！中午的環境相當宜人，自然光透入，非常有日本魚市場在地的感覺。Whisky soda 檸檬可樂highball ($58)容易入口，在炎炎夏日的中午喝是蠻爽的。刺身3盛 ($160) 有三文魚、油甘魚、干貝，甜蝦刺身($68)都很鮮味。烏賊磯燒 ($75)烏賊要慢慢燒，一邊加醬油，一邊燒，再剪開魷魚圈，魷魚好香，新鮮又彈牙。燒完魷魚，店員自動波換網再燒魚，值得加許！焱丸海鮮沙律 ($78)材料豐富，有三文魚、吞拿魚、油甘魚，青瓜、紅黄椒、沙律菜，伴酸醋食很開胃。梅酒梳打($48)酒味不會很重，又帶梅味果酸，很適合怕酒味重的人喝。鐵火卷 ($52)新鮮製，一口size，好吃！牛油粟米 ($52)牛油味濃。柳葉魚 ($45/5本)魚酥酥的，很多都有卵，店員也很用心燒，才不會爛。 辣味炸豆腐($38)很嫩滑。北海道海鮮炒飯 ($78)好多蟹籽，仲加左魷魚和青口去炒飯。

有人升職，話要慶祝下，搵左間好出名既日本野食🤤🤤🤤入到去，非常傳統既日本🇯🇵居酒屋feel🤗唔好講咁多，先黎一份刺身。除左一向係香港🇭🇰都麻麻地既呑拿魚赤身外，其他都好好食。特別係我最愛既海膽😍超甜！超滿足！再黎多個螢光魷魚，不過呢個就鹹左少少。食完冷盤就到呢個燒扇貝，一人一隻，睇下未燒幾大隻！有人幫手睇住，燒得剛剛好。再黎今晚既重點，炎丸蟹味噌甲羅燒🤩師傅將蟹蓋入面既蟹膏蛋黃等材料撈埋，再燒。好香🤤食落，更係回味無窮🤤最後，嗌番個鍋物暖下肚☺️

今晚又約左朋友去日式居酒屋大快朵頤, 揀喺銅鑼灣可以方便到大家主要做磯燒海鮮既焱丸水產, 門面都好日式架上面塊布既可以裝飾舖頭, 又可以擋到冷氣, 一舉兩得呀👍👍左口魚刺身 - $158一坐低就當然要食番個鮮魚刺身先啦, 有咁多片既左口魚都只係$158咋, 塊塊都切得薄之餘厚度都算平均, 而且感覺好新鮮鹽檸檬燒酎 - $48有正野食點少得飲番杯野丫, 見到drink list 有燒酎, 有多款生果味架, 見到有鹽檸檬好似幾新鮮咁, 咸中帶點酸, 好易入口👍赤貝 - $68繼續食刺身, 即開赤貝, 肉質鮮甜又爽👍焱丸號壽司 - $158就咁睇真係睇唔出係壽司黎😂刺身大到已經覆蓋晒件壽司飯, 海膽完全冇腥臭味👍吞拿魚蓉同樣出色👍炸蓮藕片 - $35炸得非常香脆, 口感似薯片, 送酒一流👍烏賊磯燒 - $75食完生冷野係時候食磯燒喇, 職員會細心地反覆燒幾次, 中途會加入醬汁等佢入味d 同埋唔會乾爭爭👍最後幫你剪好埋上碟🤤芝士魚蛋 - $35估唔到呢款芝士魚蛋又幾抵食喎, 燒溶左裡面既芝士, 變左熱辣辣既流心芝士👍香噴噴又惹味😋

位置謝斐道ge 駱克大廈其實就係位於銅鑼灣廣場一期後面, 一蘭個條街, 行去近消防房位置, 都幾易搵, 丁丁落車就最方便環境木色裝潢, 周圍有日本居酒屋ge裝飾, 擺設, 好有日本水產feel磯燒海鮮~我來了講到依道又有d餓, 雖然就味飽過, 好~開動!烏賊磯燒店員放會幫我地放上爐燒, 再將醬汁塗抹在燒好ge烏賊上, 烤到超級香, 仲會幫我地剪開一舊舊食落0雪味, 彈牙刺身3盛帶子大滿足, 超級鮮甜其他魚甜都好厚切, 凍冰冰十分新鮮紫蘇葉一齊食埋都得, 好開胃焱丸號壽司, 三文魚中卷壽司就好似軍艦, 有爆哂料既海膽、蟹柳、蛋絲、三文魚子、味付三文魚下面係壽司卷, 好滿足海膽同三文魚子大愛, 鮮味十足份量幾個人share都得啊蟹子蟹肉薯仔沙律日本既薯仔沙律調味真係好好薯仔亦都唔會粉, 沙律醬酸甜依個亦係超足料蟹肉分開放好細心敏感都可以new開食什錦天婦羅炸皮好脆唔油膩, 外脆內亦鎖到蔬菜/魚/蝦的水份天婦羅汁熱辣辣, 點完令天婦羅更香脆可口露荀煙肉牛油燒露荀青甜,爽脆配上煙肉同牛油唔算太heavy記得襯熱食蟹味噌甲羅黑松露甲羅燒兩組甲羅燒都十分鮮味, 配上um春蛋同調味, 正啊牡蠣吉列吉

最近接另一半放工，發現銅鑼灣鵝頸橋附近很多新開餐廳，今晚放工約了舊同事食飯，他想吃日本菜，找到了在內街的炎丸水產，佈置頗有地道日本磯燒店感覺。麻醬蕃茄豆腐沙律 $58先吃個前菜，加添胃口開餐，麻醬好香，菜也新鮮。辣味炸豆腐 $38豆腐表面炸得香脆微辣，還有豆香，不錯。三文魚中卷 $88黑魚子鮮味，三文魚下還有飛魚子，又多了一個層次，牛油果有益，加上紫菜與蟹柳。梭子魚 $228賣相出色，把魚身兩邊片肉出來，輕輕燒過，魚皮燒出香味，表層熟，內層仍然是魚生口感，入口有層次，肉質鮮甜腍滑，入口溶化。日本甜醬牛肉鍋 $108有點像喜壽燒，牛肉腍，豆腐香滑，還有其他蔬菜，菇菌與粉條，浸煮多一陣子才吃。大虎鬼殼磯燒 $116即是燒虎蝦，大虎蝦肉質爽口彈牙，大概有七寸長，肉厚，侍應燒的手勢不錯，不會太乾身，仍有肉汁。柳葉魚 $45即多春魚，慢火燒，雖然等得頗耐，但乾身得來香口，最喜歡咬爆大舊而甘香的魚春。巨峰燒酌 $48燒物配酒，最好不過，帶葡萄味的酒，對我來說酒味輕，夾葡萄味道還可以。鹹檸檬Highball $58鹽加檸檬加梳打再威士忌，酒味不會太濃，味道可以。

充滿日本既味道，令人沉醉周圍環境都用左好多有日本味道既海報仲要有個站牌排係大堂中央一開始食個蟹子蟹肉薯仔沙律開開胃先薯仔烚得剛剛好，有種軟綿綿既質感青瓜特意切成薄片，比一般切成絲更有爽脆既口感加上蟹籽既Q彈口感，再拌以沙律醬，將蟹柳絲既味道溫和咁將整盤味道調和前菜仲有個香蔥吞拿魚卷油香偏重吞拿魚切成蓉，加入令油膩感減低同增加爽口口感既青蔥，好好咁配合起黎今日有日本飛魚刺身入口魚肉甘香清爽，還富有嚼勁，肉質緊緻，鮮活爽彈跟三文魚、吞拿魚這種魚油多的魚肉是截然不同的質感，再加葱、生薑做成土佐的食法，令感覺更加清新小食有個炸豆腐外皮炸到脆身灑上辣椒粉令味道更鮮明，內裏仍然係滑嫩無比，香濃既豆香同辣味形成比對到磯燒時間啦我地揀左榮螺同大蜆睇住黎燒，莫名有種治癒感大蜆岩岩就係魚缸撈起，夠哂新鮮，當燒到開口就加入清酒繼續燒，海水既咸味加上清酒既酒香味，令鮮甜更加提升榮螺係一種好睇個人口味，雖然榮螺肉彈牙，有充足既鮮甜味道，但係腸臟既位置會帶有甘苦，而我就好喜歡食榮螺腸臟獨有既甘苦味，不過怕苦甘味既就要同店員講要去除腸臟，留番鮮甜彈牙既榮螺肉

高質日式海鮮燒烤料理焱丸是日和朋友到銅鑼灣逛了很久，想找一些高質的餐廳大吃一頓，我和朋友也異口同聲的說要去焱丸這間日式料理餐廳，因為我們都是這間餐廳的常客，今次也不例外。餐廳格局是十分地道日式的居酒屋，每張枱上也提供一個燒烤的小火爐方便食客可以用來燒烤，而且更有燒烤工具和載垃圾的竹筒，感覺很貼心。焱丸海鮮沙律有大蝦、北寄貝、吞拿魚、三文魚、青瓜和日式醬汁在面，刺身顏色鮮艷，令人垂涎欲滴，吃下去啖啖肉很新鮮。左口魚刺身一整排左口魚刺身薄薄的一片片端上來，肉身透透的而且很有光澤非常新鮮，再配上醬汁吃下去很鮮甜美味，很有口感。甜蝦刺身甜蝦很有肉而且很甜，顏色鮮嫩粉紅，喜歡吃甜蝦的人很值得點來吃。三文魚中卷三文魚卷內有牛油果、雞蛋蟹柳和面有魚子醬，所有的食材混合味道很夾，吃完一件再想吃多一件。露荀煙肉牛油燒露荀煮得很爽口而且炒得很入味和煙肉味道很夾。日式甜醬牛肉鍋裏面有牛肉、豆腐、金菇、蔬菜等食材，的確是喜歡吃蔬菜牛肉的我的首選。大虎鬼彀燒(1本)大大隻的老虎蝦切了一半放了在爐端燒，服務員非常細心的煮給我們吃，他的手勢非常好，不會燒得太乾而且很有肉汁還提點我們要趁熱吃。聖子皇(2隻)這個蟶子皇

想起好耐無同朋友去食日本野，便相約今晚一齊去食焱丸水產。餐廳位於銅鑼灣鵝頸橋附近，方便易搵。門口裝修已經富有日式風格，檯同椅係用木的，坐得舒適寬落，牆上貼多種日本文化的圖案。左口魚刺身，$158, 薄切幼身，晶瑩剔透，魚肉嫩滑，咬落彈牙有質感，魚香味鮮甜，點上醋汁食味道好夾。炸蓮藕片，$35, 即炸熱辣辣，香脆可口，蓮藕香甜多汁，係送酒的一流小食。燒芝士魚蛋，職員會貼心在旁幫忙燒好，彈牙的魚蛋夾住熱溶的芝士，燒得剛好熟，香氣散發，芝士味道濃郁，滑溜美味。烏賊磯燒，$75, 整條大隻新鮮，肉質彈牙爽口，燒汁惹味，滲入魷魚當中。蠔鍋飯，$88,用熱石鍋煮的米飯，有新鮮生蠔，青椒同黃椒等，飯粒煙韌軟熟，生蠔味道鮮甜。炒野菜，$52, 爽脆鮮甜，多汁而惹味。梅酒，$48, 食日本野當然要點一杯梅酒加冰，冰凍可口，梅味香濃，酒味香醇。