鳳城酒家

Open Now

Now Closed

久違了的味道！鳳城！開始生酮飲食，都煩住唔知去邊食好。好似好多野都唔食得。但其實都仲好多選擇。我最喜愛既老字號-北角鳳城酒家總店🍴生酮孖寶 - 叉燒拼豬腳仔 $70 + $10 雙拼-特別點半肥瘦叉點知黎到全瘦，但竟然好淋！有驚喜😋🍴鮮蝦腐皮卷-可以話係我食過最好食嘅腐皮卷啲蝦勁大隻勁彈牙！😋🍴鳳爪就正常啦！始終都係總店保留倒此早味👍My favour Authentic Chinese restaurant @north point! Fung Shing restaurant Keto combo - barbecue pork & pork knuckles $70+$10 combo selection of 2 Shrimp tofu skin wrap - the biggest & fresh shrimp in tofu wrap I have ever had!Black bean Chicken feet is ok.The favour of Authentic @fungshing #ketokkate

見放假就同媽咪去鳳城飲茶，一入去已經同d職員講兩位，兩個經過都無人理，咁好啦行入d,個女職員見到後面個個講三位帶佢入去，以為我地係一齊，我話唔係一齊，我地兩位，跟住好惡死咁同我講兩位等陣，其實係我地黎先，都算，有個男部長就好禮貌d,安排左我地入座，不過個位好窄，都唔緊要，媽咪話上次見人地叫既炸子雞好似好好食，就叫左半隻試下，（$140）黎既時候係幾香，雖然望落好似好靚，但其實係角度問題，如果另一邊影，雞翼同件肉個位有一段距離，唔係放埋一齊，擺到好似無左幾件咁，賣相係唔美觀，肉係算嫩，但皮一d都唔脆，食落仲有d膩，連對面搭檯食客都細細聲話好彩無叫，味道雖然唔過鹹，不過皮唔脆既炸子雞，不吃也罷，上湯炸粉果就ok,幾好食又鬆化，蝦腸正常，薑蔥蒸爽肚，好鹹！！豬膶燒賣，一般，燒腩卷，呢個唔錯南乳味唔會過鹹，而且有淡淡陳皮味，加上芋頭同豬腩肉，幾好食，呢間鳳城既水準唔太穩定，有時好食，有時就麻麻，就以炸粉果為例，有次食過係好油，而且係個男部長比較殷勤，會主動過黎換碟，其他就麻麻地，坦白講呢個價錢好多選擇，以今次既體驗呢講，唔試無損失。

～ 爽脆生腸傳統小吃、所謂嘅生腸其實係母豬嘅輸卵管、入口爽脆、送酒妙品～ 化皮乳豬合格～ 义燒相對乳豬同生腸、义燒嘅賣相同味道就失色咗小小～ 椒鹽鮮魷魷魚貨色一般、但師傅功夫了得、鮮魷入口皮脆肉嫩又夠鬆化、好味道。～ 家鄕煎藕餅傳統順德小吃、大大碟10 件買 $118 非常抵食、送酒一流～ 釀鯪魚傳統順德餸、個人覺得乾身咗d、未能做到皮脆肉嫩～ 梅菜扣肉齋睇個賣相已經唔係好開胃。。。個汁杰撻撻。。。新派做法？～ 鳯城生菜包合格、要挑剔的話、轉統用鴿鬆嘅做法已經搵唔翻。。。～ 上湯介菜膽合格～菠蘿咕嚕肉豬肉選料肥瘦適中、芡汁做到剛剛均衡地掛到每件豬肉和配料上、唔會多、唔會小、合格～ 家鄕小炒皇只有一句：唔識欣賞。。。油淋淋、濕泣泣、失望 ～ 蓮蓉西米焗布甸兒時回憶、熱辣辣、軟錦錦、傳統風味、必吃之選傳統中式酒樓、希望老板可以俾多兩錢肉緊經營 🙏🏻

光顧咗北角鳳城酒家差不多三十年！今晚再去真的令人失望！要點菜只可以從一張A4紙的二十幾款的單子𥚃挑選，內裡包括了湯羹、燒味、魚等！難以置信一問歷史悠久的食肆改到比不上普通的茶餐廳。幾經辛苦選了鷄鮑翅，蝦多士，炒桂花魚肚，豉椒炒鱔、小炒皇及介蘭炒牛肉！十分失望的蝦多士，多士一點都不脆；桂花魚肚粗糙；炒牛肉焦黑硬；其它的菜式都大不如前。失望！真的不敢想象，又一間老牌食肆變成這樣不堪！不會再去光顧的鳳城。

屋企人生日，指定要黎北角鳳城酒家食晚飯。（心入面一直疑惑點解新界人要出到北角分店食）地鐵站行10分鐘到就到達樓下，但要行樓梯上一層的。如果需要坐電梯就要到後面街上。-全家最早到，太肚餓先叫個拼盤食住先❣️海蜇x叉燒叉燒好impress到我！肉質唔乾，一咬落去肉汁流出黎😋蜜汁夠濃又冇燒焦，好耐冇食過咁好食嘅叉燒！海蜇有咬口，不過份量細，只適合做餐前小食。-之後到壽星點菜，總共叫了8個餸1個甜品。8個餸當中有6個是set嘅餸。1. 乳豬三拼盤叉燒x燒肉x大腸對大腸好抗拒的我一舊大腸都冇食過燒肉皮好脆，肉又滑，好食！叉燒依舊好食！2. 蝦多士呢個十分推薦！真係好好食。其實蝦多士放左一陣先食，但依然脆口，每啖都有蝦肉。重點係一D都唔油膩！碟上一滴油都冇！3. 西蘭花帶子個人覺得呢道餸不太特別，唔需要咁貴。不過西蘭花🥦食落新鮮既，可惜不太入味。4. 雞燉鮑翅仔好濃的湯，但感覺上有味精，食完好想飲野。姐姐就咁拎埋一邊就分哂細碗，冇得影番張相先😢5.瑤柱扒時蔬好簡單的一碟時蔬😂6.八寶釀全鴨八寶鴨需要另外訂的。Book位時訂埋好好食入面餡料十足，入哂味！鴨肉唔乾又多汁，肉+餡料好夾好正宗。食完一啖又一

第一次去 鳳城酒家 北角 總店吃飯，順德菜 真的不錯，碟菜心炒牛肉好有WOK氣、炸子雞是招牌菜、個冬瓜湯好適合季節。牆上的 龍鳳呈祥(中式婚禮 用)好七十年代，正！而食物方面不錯，服務也不錯，在香港中價市場，也有如此好的服務很難得(例如不斷加水呀執碟呀⋯)！It’s my first time to visit Fung Shing’s flagship Shunde restaurant in North Point, and I m impressed by the “dragon and phoenix” decor (for Chinese Wedding) on the wall, which is so 1970s!Another surprise is the service: the waitresses were so eager in offering new hot tea and everything. Seldom would you find such intensive service in HKG.

今日只叫了三寶，鍋貼大明蝦是大人小朋友都喜歡的菜式，外表金黃色的蝦鍋貼，咬一口，感到它的酥脆，蝦肉爽口彈牙，是一道看似簡單的小吃。廚師將蘸上蛋漿的鮮蝦鋪於麵包上，以金華火腿和芫荽作點綴，再以滾油炸至金黃色，很好吃，沒有油膩的感覺。鳳城生菜包也是很開胃的菜式，肉鬆加上馬蹄粒及配菜炒香，以生菜包裹進食。今天這個菜稍為淡味，唔夠香口。雞燉包翅 我們四人叫了半隻的份量，湯很清甜，翅都有少少睇頭，大家都吃得開心。煎蓮藕餅是以魚肉加入蓮藕等材料製成，做得精緻，其實順德菜的食材都是簡單的，全靠廚師的廚藝發揮。乳豬拼生腸 乳豬香脆，皮很鬆化。生腸又是他們出名的，脆脆的很爽口，配上啤酒一流。

是晚同幾個老友聚聚，大家都不約而同想食中菜，飲杯茶，傾吓計。雖然係平日夜晚，但人都唔少，好彩坐得唔算逼，都傾到計。人少少，所以只係叫咗蝦多士、家鄉小炒皇和竹笙海皇羹。首先嚟既係蝦多士，好香口，食落唔覺得油膩，不過就最好等齊人先嗌，趁熱食正！跟住到家鄉小炒皇，顏色好豐富，味道唔錯，份量都算OK，腰果好新鮮，蝦都幾爽口最後叫嗰個竹笙海皇羹就有啲失色，大家食落都唔係好察覺（視覺同味覺上）到「海皇」既存在...反而豆腐就好多...個賣相同普通湯羹差不多，加上不似預期，所以無特別影到相喇。本身大家揀鳳城就係為咗試蓮蓉西米焗布甸，可惜無做足功課訂枱嗰陣訂埋，唯有等下次再試啦！

🇭🇰#香港捐窿捐罅記 instagram: foodkiller_dk大家情人節快樂🍍🦖🐶🐴今日講既係一間有成65年歴史既順德老店 老闆譚國景 已經80歲 但對夥計好好 所以好得夥計既支持同信服 不過酒樓環境都相對較舊 好多基本設施都冇 例如冇電梯 老人家要行上去就比較唔方便 夥伴態度就正正常常🙂特別提一提現時真正既鳯凰酒家得北角同太子兩間 其他都係另一個集團開既🙂-🐥炸子雞半隻🐥（$140）我食過最正既炸子雞 皮好既薯片一樣 超脆 肉就好多汁 就算係食雞胸既位置都輕易咬到 唔會出現好柴好鞋既情況 係好爽口咁咬到 可能同佢地既煮法有關 對比出面成隻雞放入油炸 佢地就淋油煮 雖然需時比較長 但效果都好好多 而且佢地係生炸 唔會炸定先 所以肉嫩多汁🤤🦐鍋貼大眀蝦🦐（$200）我地平時出面d大眀蝦係冇蝦 只係有蝦膠 但果食果d係正宗 有蝦係上面 食落去超鬆化 炸得超好 一定要叫 我食過最正既蝦多士🦐🐷爽脆生腸🐷佢地係用八個月大既豬仔腸去煮 比外界一般既生腸爽口 而且夠肥 做前菜一流🍯蓮蓉西米焗布甸🍯要訂先有 微甜 啱晒想健康既人 蓮蓉唔太多 外皮夠軟 食入口好滿足 我覺得係必叫🥛大良炒鮮奶🥛

鳳城酒家是懷舊的順德菜酒樓，他們的大良炒鮮奶是很出名的，但今天這道菜實在今人失望，冇牛奶味之餘 還是冇乜味道！大良炒牛奶 是以雞蛋白及牛奶混合，再如上蝦仁炒成的，上碟再配上炸欖仁等，雪雪白白的顏色，炒牛奶應該是香濃軟滑的，但今天吃到的是實實的，冇味的。我們吃不到一半便停下來，結帳時告訴了服務員有這情況，他很快便請部長來解決我們的問題，部長了解過後很爽快的説再請廚房替我們再炒一碟，因為已到結帳時候，我們婉拒了，希望下次再來的時候大良炒鮮奶是我們愛吃的。

食懷舊經典嘅中菜相信唔少人都推薦呢間鳳城酒家，不過佢好多分店，今次我試呢間北角嘅分店就非常之滿意啦😝事關吃貨最近轉新工的關係，一行十幾個同事們farewell我的那餐飯就是在這𥚃，因我想食中菜，要選擇一間坐得多人，味道又好食嘅，有朋友就建議去這間北角嘅鳳城酒家的分店。環境就不用多說都係傳統舊式嘅酒家嘅類型，果晚剛好遇上留俾我地張大枱旁有間開俾人打麻雀超爆嘈🙄好彩安排到調枱，唔係成晚都唔使傾計。嗰日放工一行十幾人，大家都好肚餓，見到乜係唔係都點晒先😂一共點左10幾個餸，每個都好似比色香味俱全啵！鍋貼蝦多士真係好驚艷!因為我之前未食過，但係朋友已經大力推薦一定要食，就咁睇似係一塊塊炸多士，咬落去就知道真係功夫菜，佢張手打嘅蝦膠讓入麵包，再慢慢去半煎炸到金黃色，蝦膠非常彈牙有蝦味，而多士一啲都唔覺得油益，食一件真係唔夠喉!我可以食一打🐷😋😝家鄉煎藕餅又係另一正嘢，藕餅煎得夠乾身食，又到粒粒蓮藕，爽口！海皇一品煲同埋鴨掌煲都正正常常，我哋嗌左十幾度餸，有正嘢就梗有啲餸係一般㗎啦，大良炒鮮奶就一般，似炒蛋白又似牛奶，口感同味道都一般，最後我懷疑我哋嗌錯左，我地應該係想點大良炸鮮奶，一舊舊果啲，下

母親大人一直話想去鳳城飲茶之前中午時份去過太子分店 好多點心都賣哂為左唔令佢失望  一於搵次早去拎定位飲茶鳳城真係好受歡迎 門口等位既人未少過好彩岩岩好拎到台 唔係實有排等如果想去既朋友10：30左右好過黎拎位啦星期六日我既點心係收正價既另外再計菜芥加一一場黎到 真係要叫多幾樣張點心紙都差不多叫哂最特別有呢個炸粉果個皮炸到好香酥 好好味！仲有出面無既豬潤燒賣舊肉索哂豬潤既鮮味 唔錯呢到既蓮蓉包有蛋黃滿足我想食壽包既慾望煎腸粉比較油不過好耐無食 係回憶既味道最特別係呢到既灌湯餃母親大人話以前既灌湯餃就係咁好似小籠包咁 唔係浸入湯入面嫁合桃叉燒酥 我覺得好好味不過粒合桃就好失色 苦既但整體超高質好味既仲有呢個大腸大腸咁食我都係第一次異食咁好食 唔會覺得肥 又無臭味推介！雖然野食都不錯但呢到真係太多人好多時啲待應姨姨都唔會幫手想要加水收碟一係自己黎一係就等到2046

今日好難得我姨話黎呢道，平時約食飯...唔係佢 club house，就冇新意地茶餐廳！難得我地做節有新意，即刻應承啦！好多野都想 book 黎食！最後訂左金錢雞同雞煲翅！黎到睇菜單都好多野想食！金錢雞太好食喇！呢個懷舊菜第二道都真係冇得食，入面既肥豬肉爽口，唔會漏！好正 ～ 阿姨怕肥喎！益左我地！雞煲翅好甜呀！個雞俾我地食哂，翅既份量都唔少！不過翅都少食為妙 🤣蒜蓉炒豆苗，炒得好翠綠！味道好夠又夠鑊氣 👍🏻釀鯪魚，呢個又係功夫菜！今晚食得太開心，咁多菜都試到！個面好脆，真係外脆內軟 👍🏻 真材實料半隻炸子雞，應該係新鮮雞黎！雖然入口有d散！但雞味好夠！個皮勁脆，薯片咁 😏鮑片鴨掌煲表弟叫既菠蘿咕嚕肉大家好期待既 西米布甸，呢個反而有少少失望！蓮蓉唔夠，西米又太淋 😤

約冬至晚一家人吃餐飯，正日吃要分兩輪時間，6pm 或8pm，咁啱是星期六，所以可以約咗早些的6pm。冬至前一天，鳳城打電話來確定訂位，仲千叮萬囑要準時，因爲8pm 一定要回枱。於是當天各家人都準6pm 巳到齊。決定了叫全包宴$4980，包括汽水8罐、啤酒2支。很快便上乳豬大拼盤，乳豬件、海蜇、生腸、义燒、扎蹄片等，乳豬皮酥化，海蜇又粗又爽脆，特別是拼盤很少有的生腸都是爽脆的。可是吃完拼盤就像時間停頓了，等完又等，大家都傾到有些累了，看看錶原來已等候了差不多40分鐘仍未有第二碟菜送來，召來服務員查詢，追了再追，終於有沙律鍋貼蝦，有成14件，各人都高興地各自夾來一啖便吃了，即時反應是鍋貼蝦凍晒而且開始變硬，不滿之聲齊起，服務員不斷道歉，可是已有大半人都已食完了，覺得再吃也沒有意思，便不用再做了，但正色表示跟著來的其他菜式如也是如此，便不能接受了。還好，此情況沒有再出現了。可能人太多，廚房根本承受不住，跟著的菜也上得很慢。順德魚肚羹，即粟米魚肚羹，只是加上了松子仁，味道正常。螺片扣鵝掌，又一奇事，鵝掌是一切為2的，家人都想應是每人有一隻鵝掌的巳吧，可是有好幾位都找不齊完整的一隻。於是在等其他

我家老闆有親戚在澳洲返來，又係時候一大班親朋戚友聚一聚，一行13人大部分是上左年紀既長輩，一定是食中菜，選擇了鳳城是因為長輩們喜歡這裡的乳豬及其他餸菜碟頭分量大，人多最好不過，預約了7:30pm，現場差不多全埸滿坐，非常熱鬧，我們總共預定了11個餸菜，大部分是鳳城的傳統菜，上菜速度很快，質素保持一貫水準，全部吃光光，仍然保持飯後送糖水👍👍👍埋單才$3700，好抵食介紹一下我們點的餸菜🤤🤤📌經典乳豬全體，皮脆肉嫩，肥瘦適中，一上枱快速掃清😋😋😋😋😋📌又一招牌菜蝦多士-蝦膠打得彈牙，重點不油不膩，好喜歡😋😋😋😋😋📌蜆芥鯪魚球-有陳皮，好經典，炸得剛好，蜆芥醬也是老牌餐廳才做到，鹹和鮮，蔥很多，好味😋😋😋😋😋📌賽螃蟹-雖然明知要用大量的油才做到此名菜，但美味背後總要犧牲🤤，蟹肉好多，炒得鮮嫩，配上松子增加口感，此名菜確實有點膩，所以我們多人吃才能分享此道菜😎😋😋😋😋📌菜心炒斑腩-菜心鮮嫰粗壯，班腩油爆後再炒剛熟，好味😋😋😋😋📌生菜包配海鮮醬-又是一道快速清碟的餸菜，我也食不出有多少樣材料，配上爽口生菜，很清新😋😋😋😋😋📌不會令人失望的炸子雞-皮脆肉嫩，我的最愛，我一人吃了6舊😝😝😋😋😋😋😋📌