Holt's Cafe

Open Now

Now Closed

Holt’s Cafe 位於香港瑰麗酒店，餐廳裝潢一貫Rosewood華麗的風格，主打環球及香港地道美食，名副其實係一間行五星級路線嘅茶餐廳。神級叉燒飯 $228來到Holt’s Cafe，梗係要試吓依度主打嘅神級叉燒飯，朝聖吓一個叉燒飯有幾神級要賣二百幾蚊。賣得咁貴用料方面當然唔可以求其啦，叉燒係由西班牙黑毛豬製成，肥瘦適中，肉質軟腍，燒得好香。流心嘅太陽蛋表榜係用日本有機雞蛋同秘制豉油。飯底當然係用日本米啦，蛋汁同豉油撈飯食非常好味😋。不過分量的確係有啲少，男士食一碗應該好難飽肚😂香煎鱸魚 $298魚皮煎得幾香，魚肉保持嫰滑，個汁個人感覺比較中式，同個魚都幾夾，不過不失啦，冇太大驚喜。整體價錢同一般茶餐廳比較當然偏貴，值唔值真係見人見智，不過我覺得一試無妨，又未算係天價，始終個環境同服務都的確係五星級嘅質素。

去過Rosewood同k11 musea幾十次都無嚟過holt's cafe，如果唔係同學推介，真係唔知呢道係中西合璧，仲有weekend brunch(好想試😁)Staffs有笑容有禮貌，正常6星酒店的服務質數，環境舒服不過梳化有點軟，坐得矮，定張枱高呢?🤨Menu有set dinner有a la carte，中西合璧任君選擇，3個人叫兩個set dinner再點a la carte， 十分方便👍☆☆羊架係最最最好食，好大件阿!煮得剛剛好，一流阿

一個月之前book位，兩個大人帶着三個小朋友去食，環境衛生且服務態度非常好我哋order咗酸辣湯、蘑菇意粉、炒飯、干炒牛河、炸魚薯條….一開始先上麵包，麵包唔錯牛油夠香夠滑！小朋友肚餓一開始都食咗幾個，跟住服務員好有禮貌且再攞多一set俾我哋！酸辣湯屬於小辣，味道不錯十分好味，但相對其他食物嚟講，百幾蚊一碗唔算平！炸魚薯條出色.. 魚肉多汁且嫩滑! 牛扒正常，價錢合理！蘑菇意粉意粉一般般！炒飯夠鑊氣，而且帶點鹹香！而傳說中個個都話要食嘅乾炒牛河，本人就覺得味道不錯，但又未至於好出色！同行有三個小朋友，本想試食個神級叉燒飯，但可惜已經食得太飽，只好留返下一次再試！

✨黑松露栗子濃湯黑松露唔香唔突出 栗子味香濃湯稀穠度適中 味道唔錯✨神級叉燒飯叉燒 偏瘦 肉質軟腍中上水平 神級真係稱不上脆邊煎蛋 豉油帶啲蔥香飯 用上日本米 軟硬適中 有米香整體都算唔錯✨鮮茄焗西班牙黑豚豬扒飯煎蛋賣相唔算好靚仔 同埋叉燒飯隻蛋相比有啲失色茄汁 番茄味唔算好濃但調味略嫌過濃 偏甜 偏稠身豬扒 吉列做法 外層鬆脆豬扒唔算厚身 肉質結實 口感軟腍炒飯 夠乾身 飯粒分明整體只屬普通✨芒果新地有三大球芒果雪葩芒果雪葩 質感綿密 密度高 冰感唔重芒果味濃 味道唔係好假啲種芒果味忌廉 帶微微雲呢拿香 質感偏厚 但食落有啲怪味杏仁脆片 香甜 脆口另配上芒果汁 香濃 稠身✨法式栗子櫻桃酒慕斯蛋糕栗子粒 栗子蓉 香甜櫻桃酒慕斯香滑 帶少少櫻桃酒香餅底鬆脆 整體唔算好甜✨Latte賣相同上一次一樣差咖啡味唔算好香 帶甘奶泡夠厚身 普普通通食物中上 冇乜驚喜環境可以 卡位私隱度幾高 但座椅太腍冇彈性 亦同張枱有啲距離感覺有啲迫 唔算坐得好舒服服務唔錯 但五星酒店服務就稱不上價錢合理 但以食物水平會有更好選擇

標準半自助早餐. 主菜OK. 有中式港式食物提供. 自助食物非常豐富.主菜點咗奄烈. 不過不失. 其實係我自己點錯食物. 我鍾意食茶餐廳嘅奄列. 唔係酒店嘅奄列.窩夫. 正正常常.五香肉丁公仔麵. 正常發揮. 煮到茶餐廳嘅質素.蘿蔔糕. 個粉做得麻麻地. 實咗少少. 食唔到蘿蔔肉. 要點多少少XO醬.自助嘅食物幾豐富. 唔會甩皮甩骨. 有我最鍾意食嘅燒賣同埋乾蒸牛肉. 蝦餃個皮都好穩陣. 總結一下: 食物OK, 但真係唔應該同茶餐廳比較.

已經唔係第一次過來食飯, 真係可以講會食上癮, 重點係今次過來無預先訂位, 真係 walk-in, 一踏入門口, 親切友善既員工就話今日既 Afternoon Tea 已經 full 哂, 因為我去到既時候係 1 點半有多,  但我話我想食 Brunch, 唔知仲有無得食, 估唔到竟然答案係有, 而且仲可以食 2個鐘, 咁就順利入左去 ! 其實呢度星期日既 brunch 基本上網上都係 book 唔到, 主要係呢個 brunch 有齊中西美食, 而且留言都係個個讚不絕口, 所以一定要來試試 首先來既係最喜歡既海鮮併盤 - 波士頓龍蝦, 生蠔, 帝王蟹, 大蝦, 非常新鮮, 之後係 5小碟, 呢 5小碟係無限任點, 包括 : 豉椒炒小墨魚, 豉油雞, 蕃茄布拉嘉芝士沙律, 法式鴨肝凍批, 蜜汁叉燒,  5款味道都非常好, 個人最愛係法式鴨肝凍批同埋豉椒炒小墨魚, 隨後就係主菜, 每人 7款揀 1款, 我揀左煙三文魚牛油果多士, 屋企人就揀左黃金蝦球配白飯, 一邊吃主菜, 一邊再加添幾個小碟, 最後真係食到幾飽最後 3款甜品中揀左紅豆沙芝麻湯丸, 如果連紅豆沙都可以無限任點就好 ! 加埋杯

喺Rosewood住咗一晚，包早餐。我哋9:30左右落到去，喺餐廳嘅門口排咗一陣隊，幾分鐘，就被安排了入去。題外話，見到有兩位住客着咗拖鞋落去，比一位女接待員溫柔地告訴他們需要玩密頭鞋，才可以符合餐廳的衣着規定。經過餐廳嘅路係一間買朱古力嘅位置，黑白嘅格仔磚色調十分之鮮明，而且周圍都有淡淡的貴族從聖誕樹香味。入到去, 餐廳嘅面積真係好大。侍應帶我哋行到最入嘅一個位置二人枱。設計帶點懷舊味道的西式餐廳。佢係半自助餐嘅形式。有一個早餐Menu，俾你揀主菜，小食，再配飲品。然後出面就可以有自助食物俾你任拎。主菜我揀咗豉油王炒麵，再加蘿蔔糕。朋友就揀咗Egg Benedict配有一條黑椒腸、薯角、同埋幾粒蕃茄。雞蛋配有一條黑椒腸、薯哥、同埋幾粒蕃茄。Egg Benedict個外型幾討好，顏色繽紛。雞蛋都做到流心嘅效果，而且配合一層ham再加包食，鹹鹹地，口感好, 味道好！豉油王炒麵夠新鮮，因為佢都係比較熱嘅，芽菜炒得夠爽, 但係整體就油咗少少！個蘿蔔糕味道就好嘅，但係就幾凍下，食嗰陣時，佢啲邊邊有啲硬。跟住出去攞嘢食，主要非熱食為主，例如有沙律, 三文魚沙律，有好多款嘅麵包，水果都有幾款; 熱

早前男友book 咗rosewood比驚喜我~ 包早晚餐，晚餐在Holt's Cafe進餐。先黎麵包有兩款，硬法包&軟包，都幾大個，硬法包同坊間麵包店一樣咁硬。。。不過軟包堅鬆軟唔錯。蘑菇忌廉湯 - 菇味重既，外間中上價cafe質數，沾包食唔錯。里昂沙律 (煙肉、半熟蛋、法式芥末醬) - 最特別係所謂的煙肉，其實似燒腩仔，不過就唔脆皮，燒肉好食d香煎爐魚/法邊豆、初榨橄欖油醬煎到魚皮脆脆地，魚肉厚滑，法邊豆帶著濃郁的牛油香，以小蕃茄墊底配搭唔會膩。美國肉眼牛扒 (8盎司)配法式蛋黃醬叫咗5成熟，不過肉質非常柴，無乜肉汁，好失望。個人亦不喜歡個蛋黃醬，配搭太膩，寧願要返黃芥末。另外亦有幼薯條，不過上枱唔算好熱，應該係炸定，都係麻麻地。🍽甜品分別是紅莓撻和朱古力撻。正正常常，其中比較驚喜係紅莓竟然完全唔酸，仲帶甜。晚餐送兩杯意大利汽泡酒，要飲其他野就要額外比錢啦。

網上信用卡資料預約，no show $500@ penalty 。當Conrad 香檳Sunday Brunch 都只收$100 deposit 真係好想知你咩料.環境方面 ： Rosewood 始終係新酒店,內部裝修都好靚枱同枱之間都有一定的距離 ,得到Sofa Table 不過好淋個人凹左落去如果坐到卡位會好一點.食物方面 : 無特別失望又無驚喜.海鮮拼盤半隻波士頓龍蝦  - 正常有點細隻生蠔-好失望,無蠔味又細又削帝王蟹 -最好味,有鮮味但很少大蝦-正常爽身小碟豉椒炒小墨魚 - 墨魚唔同魷魚不是爽口所以如果太大隻會口感奇怪,而且唔夠鑊氣亦唔惹味豉油雞 - 雞胸嫩滑,我唔食皮肉都夠味蕃茄布拉塔芝士沙律 - 清新好味,整體感覺平衡法式鴨肝凍批- 完全無騷味,配上梅醬完全沒有膩的感覺蜜汁叉燒 - 夠味好淋亦都好香主菜香煎鱸魚青豆、白酒汁 - 魚皮煎得好香但有少少過咸,配菜薯仔本身質地粉糯青豆新鮮個汁都好match成件事.鮮茄焗西班牙黑豚豬扒飯-黑豚係好食既,但係配超市急凍3色雜菜有嚇人之外個炒飯底好差普通茶記都不如甜品白芝士柚子蛋糕 - 柚子味清新,成個甜品有層次好好味.招牌71.5%

半自助早餐，任食士多啤梨藍莓🫐Book房一晚包左兩位半自助早餐，小朋友六歲以下唔使錢，除非你另外叫佢單點食物。半自助早餐果然冇令我失望，9:00落到餐廳唔使等位，Menu上面嘅食物種類唔太多，有中式同西式揀，我點咗一碗雲吞麵配薯餅，飲品飲橙汁，我朋友點左班尼狄蛋配腸仔，飲品咖啡☕️。Menu上面嘅食物叫咩都冇所謂，因為我目標半係自助早餐😂行到出去好多包類選擇，牛角包🥐朱古力酥皮，鬆餅🥞，仲有多款乳酪🧀️同埋勁多水果🍉揀，當然唔少得沙律🥗，仲有風乾火腿，配埋哈密瓜食超正，食多幾件都抵番。仲有少許中式點心蝦餃燒賣。另外飲品有益力多同各款堅果牛奶🥛淨係食出面嘅嘢食都食得好飽，最驚喜係有藍莓🫐士多啤梨紅莓🍓，竟然都可以任食，當然要食返一碗先夠本😂😂

多謝一位朋友經常帶我去遊走中產生活的日常餐廳，我一定要去見識下！樓底好高，每次去K11 Musea都有很不同的體會，有時很日系，有時很浪漫，有時很型格，但都很高級的。特色－最大的反差是我在西式餐廳食中式餐！試左神級叉燒飯，用日本有機煎蛋、山形大米蔥低飯配古方秘製陳年醬油，我覺得個飯口感好特別，係粒粒食得出的米，但叉燒就一般，無咩特別驚喜，但蛋汁同飯係good match, 但在酒店食中式已經係一個衝擊。其他菜式：椒鹽鮮魷（多左炸出黎的xo醬料）、芝麻蝦多士 (超好食！好香口唔油膩，脆口好食），巴馬臣芝士薯條（好多人叫，但佢唔係一pat融的芝士，有點失望）#foodie #rosewoodhotel #本地遊 #romantic #浪漫飯局 #浪漫約會餐廳 #神級叉燒飯 #西餐廳中菜

Rosewood staycation包2人嘅semi buffet breakfast 1人包1個主食再係自助區任拎😮本來期望好高但覺得除咗點心 同窩夫好食之外其餘質素都係一般般同選擇唔係好多🥲叫左個egg benedit同窩夫環境係幾靚但食物方面作為一間五星級酒店嚟講可以再做好啲🥲

今次我們仨去staycation, 包dinner但酒店餐廳係寵物禁地，唯有留大蛋糕自己喺房內，快啲食埋就上番一間好正既房Autumn Gastronomic Set Dinner首先嚟熱辣辣既麵包里昂沙律有似燒肉咁厚既煙肉，似唐三既半熟雞蛋，法式芥末醬酸甜味恰到好處蘑菇忌廉湯濃濃蘑菇味好突出神級叉燒飯蜜汁叉燒唔記得叫瘦叉，但都係瘦軟鬆化，日本有機煎蛋係反蛋，好少喺酒店食到，加咗飯$30要埋山形大米葱油飯配古方秘製陳年醬油，飯粒分明香煎鱸魚法邊豆新鮮爽脆，鱸魚香煎魚皮脆脆，魚肉厚滑是日餅撻朱古力果仁撻軟中帶脆果盤其中一個餅撻轉咗做果盤，比較奢華既生果，新鮮甜度足

Book唔到Sunday brunch，就試住午餐先啦！我哋被安排坐近厨房。個open kitchen 好大，裝修現代，格局驟眼看似自助餐區。套餐價錢較合理豆腐海鮮羮用料足，但只得麻油味！黑松露蘑菇湯冇黑松露味，味道一般。金蠔肉碎炒飯金蠔粒雖然香，但份量唔多，所以唔係每啖飯都有金蠔，炒飯普通，食落有啲油。香煎甘鯛魚煎得香脆，魚肉唔嚡，蔬菜同薯仔好淋，略嫌個汁淡咗啲。加咗兩個小食炸雲吞同普通酒樓冇分別。芝麻蝦多士啲蝦膠夠彈牙，多士冇食到一口油最後兩款甜品都冇乜特別，加埋杯唔錯嘅咖啡總括來講，食物賣相和味道都是普通，但比一般酒店嘅cafe 只有兩、三款中式食品有較多選擇。服務非常好，酒店大堂有人帶到我哋去餐廳門口，仲介紹埋賣甜品的地方

Staycation package 包埋早餐自助餐，呢度嘅早餐自助餐係可以每個人揀一個Main,之後就可以出去好似自助餐咁任拎。🥳🥳 我今次就叫咗Egg Benedict 配薯餅可以話係我食過咁多間酒店嘅早餐自助餐來講最高質嘅一間，出邊嘅食物選擇有好多，中式點心都有好幾款例如蝦餃燒賣糯米卷。另外沙律亦都有好多種，亦都有煙三文魚。最特別係佢哋呢度有好多甜嘅包點，例如牛角包等等，都有成三四款。仲有好多乳酪同配料。真係好多食物好豐富