百樂潮州酒樓 (希慎道) (Closed)

講到潮州菜，百樂相信不是潮州人也認識。分店不只一間，還在米芝蓮榜上有名。 銅鑼灣百樂的門口雖不在大街，但門面非常搶眼。 甫坐下，待應便為我們端上潮色前菜 - 潮州鹹菜 ($15)。還有功夫茶，感覺真「潮」。 杏汁豬肺湯一盅足夠4人用。店員為我們分湯時，已聞到陣陣杏香。口感濃郁、順滑，足料又滋潤。多喝兩口，感覺自己立即滋補養生了 吃潮州菜，當然少不了我最愛的煎蠔餅。這個蠔餅用料豐富，蠔仔隻隻又大又肥美。口感脹卜卜的，煎得恰到好處。喜歡它没平時的「炸」，粉漿夠薄，感覺健康得多。  最後來個待應姐姐介紹的上湯芥菜膽。 別以為只有芥菜，還有些瑤柱襯托襯托。芥菜很爽甜，配埋清甜上湯，用個湯撈飯就最適合不過。待應姐姐果然没介紹錯 喜歡這𥚃的老店員服務，貼心又健談，很有賓至如歸的感覺。對我來說，這種人情味比美味更難能可貴。

早啲食中秋節飯，因怕多人，又唔係成日食潮州菜，於是試下呢間。入到去已經覺得地方超迫，肥啲都坐唔落。前菜有兩碟酸菜同只6杯功夫茶，但我地一行10個人，問侍應，語氣已經唔好！ 到點菜，一路點個侍應一路擔天望地，每個送起碼講左3次佢先落到單。啲送黎到係唔熱既，鵝片唔好食、薑子鴿啲皮唔脆、白肺湯冇味又唔熱。因有人生日關係，帶左蛋糕去慶祝，收$100切餅費，但就甘放低叉同碟就算，甘就唔好收我$100切餅費啦！最後埋單，已經唔該前唔該後問個短髮女侍應攞手寫單，等左一陣就問手寫單得未？ 佢就甘拋起張枱度，仲大聲夾惡話我走左（成個人坐起度都話走左）。總結： 呢間潮州酒家完全唔得，都唔明點解仲甘多人去食，服務態度超差！俾錢買難受！ 冇下次！

潮吃潮州菜 , 尤其是被《米芝蓮指南香港澳門 2016》評為推介食肆的潮州菜 , 百樂潮州酒樓總店 (銅鑼灣希慎道), 一派古樸勤儉的味道。 第一件事是要趁熱喝杯功夫茶 , 頓時齒頰留香 , 喉底回甘。 小碟鹹酸菜總是有吸引狂吃的理由 , 少鹹少酸也有多多甜 , 爽口亦多汁。 鹵水千層峰配鵝腸鹵水千層峰=鹵水豬耳, 豬皮膠質已經被煮出來, 加上豬耳骨的層層疊疊, 凍卻後成為啫喱狀, 鹵水味香, 入口煙韌爽口, 拼上鹵水鵝腸, 是一碟相當醒胃的精緻冷盤。 皮蛋酸薑我喜愛吃皮蛋, 倒喜歡那陣鹼水味, 因此在吃皮蛋時是不需要落糖或夾子薑來吃, 很久沒有吃過皮蛋酸薑, 兩者夾著吃又會有別番美味, 更何況是百樂的皮蛋, 鹼水味不會過份強烈, 軟滑的皮蛋黃, 彈牙的蛋白夾上酸薑, 酸甜也可口。 荷包白鱔湯 聽是聽得多, 喝還是第一次, 這道湯盡顯廚師的心思, 湯是清但味道不會寡, 荷包是用鹹酸菜的芥菜葉把一件起骨厚肉的白鱔包裹著, 經過燉煮時間、火路的掌握, 白鱔的油香、鹹菜妁酸鮮味也一一流進燉湯裏。 薑米鴿 鴿子小小的一隻, 肉又不會多, 採用吊燒雞的泡油方法去弄, 兼釀入薑米飯

呢間百樂潮州酒樓是一間潮菜老店，更被米芝蓮列入推介食肆之一，幾正宗的潮州菜。早前，相約朋友前來這間老店相聚，大家可以聯誼一下。我十分鍾情於鮮美肉爽、蟹黃脂凝透香的凍花蟹。其蟹膏雖不是滿滿，但蟹肉結實又夠鮮甜，可以說蟹肉的味道是蟹膏以外的另類享受。食潮州菜，鹵水物是必然之選，不過今次首先嚟的一客滷水鵝片，好薄，滷得好香，鵝片脂肪不多，肉質是看得見的細緻嫩滑，估唔到頭一道菜便很有大驚喜。但亦唔少得傳統潮菜風味鹵水鵝腸配千層峰，鵝腸質素甚高，入口豐腴肥美，而且亦鹵得相當爽滑。食到這麼肥美惹味嘅鵝腸，真是我的幸運。接著的皮蛋配酸薑，糖心皮蛋黃，很香口。今個湯品的是荷包白鱔湯，湯底的胡椒下得夠而味濃，荷包鱔肥美油份足，喝完身體也會溫暖起來。小菜中的子母龍鬚蝦，中蝦加上蝦籽和蝦膠，而蝦膠是以蝦籽蝦茸與肥豬肉製作出來，再加幼麵絲去炸香，形成龍鬚效果，是道很有心思的手工菜。入口吃著蝦肉的爽彈和蝦膠的鮮甜，還有很好的口感，真的要好好地享受它的味道。其實這裡的薑米鴿，肚中釀了糯米飯，鴿身皮薄又香脆，鴿肉又夠軟滑，而內裡的糯米飯米粒分明，咬下軟糯而當中因吸收了油份，所以也帶乳鴿的油香，喜歡乳鴿或糯米飯的都不

呢間係米芝蓮推介食府，可以食到潮州人最鍾情的菜式：潮式蒸凍蟹、今次配埋日本清酒，味道竟然出奇地夾。凍蟹用新鮮花蟹隔水蒸20分鐘；鮮甜中帶海水味，師傅話完全無加調味，係真正純天然食材，所以隻蟹係咪新鮮好緊要！一啖蟹內一啖清酒，我覺得好味過飲啤酒！

早前有親戚到港探親, 洗塵飯局就定在百樂潮州酒樓位於靜中帶旺的銅鑼灣區, 交通方便一早訂好座位, 被安排了靠旁的位置, 少人出出入入, 坐得很舒服飯前先來杯功夫茶, 一喝便知龍與鳳。回甘味道即時佔據口腔，香濃味十足。凍花蟹 X 2隻 = $3600這道菜式是品嚐花蟹既鮮味，蒸焗時間及火喉要掌握得好，大廚功架一吃便知。蟹肉鮮味無窮，加上肉質幼滑彈牙，蟹身很肥美，果然是潮州菜既經典菜色之一。滷水鵝片 - $400鵝片厚度適中，加上鹵煮汁醬調得剛好，鵝片吸收了調味，很入味。薑米鴿 - $230/隻很喜歡它的賣相，隨了滿足味蕾還可有觀感度。薑味很濃，鴿身雖細，不過味道香濃，配合薑米一起吃別有歷田風味。皮蛋酸薑 - $136皮蛋酸薑是必點之選，價錢也較大眾化，更是潮州菜既另一款特色菜。子母龍鬚蝦 - $120/隻子母蝦是以蝦膠釀在蝦上，可同時享受兩種口感。蝦籽和蝦茸各半的打成蝦膠，再用麵包絲輕輕的卷上蝦身，使用半浸油炸的方法令麵包絲呈金黃色。蝦身份量充以霸佔整隻碟爽滑的蝦膠內裡包著蝦籽，令其質感很爽脆。油炸方法只令麵包絲變得脆身，吃下去時不覺得油膩，是整頓晚餐我最愛的一道菜式。乾煎糖醋麵 - $

生日一向都應該慶祝，特別係我Dearest媽咪既生日，就更加要慶祝啦!一家人一齊去食好野!!呢間米之蓮推介一直都想搵日試下，今日終於有機會啦! 荷包白鱔湯: 一開波就飲啖湯先，寫菜時侍應話呢個湯係潮州既名菜，我地諗都無諗，梗係叫啦!其實呢個湯係用荷葉包住白鱔去煲，起初我地唔知係呢個好似大碼生菜包既葉食唔食得，因為平時食荷葉雞都唔會食D荷葉架嘛，細問之下原來係食得既!今晚真係第一次食荷葉咋XD平日我都好少食鱔，因為怕多骨，呢個白鱔肉，肉厚嫩滑，色澤純白，係新鮮既鱔肉，個湯味道十分鮮甜，十足老火湯既味道，荷葉同白鱔肉都煲得好林，大人小朋友都容易入口，不過要小心魚骨呀! 凍花蟹: 蟹既營養價值高，所以我一直都中意食。呢個花蟹保留左D天然蟹既風味，口味純正，肉質肥﹑堅實，唔會同一般蟹肉咁一咬就散晒!D花蟹仲好大隻，蟹鉗都容易處理，每隻都內含肥美既蟹膏，真係無得彈! 滷水鵝片: 完全同一般潮州打冷店無得比，份量夠，我地12人都食唔晒! 鵝片厚薄適中，可以感受到師傅既刀功，每塊鵝片都充滿住香濃既滷水味，肉質都解嫩，汁多美味。我最欣賞鵝片肉多過肥肉，食起上黎都比較健康。呢個滷水鵝片我媽咪都讚好!唔怪

一間有差不多半世紀、榮獲 " 2016 米芝蓮推介食肆 " 的老牌潮州酒樓 .... 對於我這種 Foodie 而言, 還有不去光顧的藉口嗎? 榮獲 " 2016 米芝蓮推介食肆 " 味道甜酸又帶鹹的 潮州鹹菜, 是百吃不厭 ~ 功夫茶 若然無喝過功夫茶, 就如同沒有吃過潮州菜 ~ 凍花蟹/2隻 $3600 花蟹大隻又有厚質感, 蟹膏甘香豐腴, 肉質既結實又細緻嫰滑, 味道鮮甜極緻, 十分美味 ~ 滷水鵝片 $400滷過的鵝肉滿是滷水香, 最正斗的是鵝肉滷至有皮無脂, 而鵝味依然濃香, 滷水味道香濃醇厚, 沒有使人嗅到滷水料後頭痛的症狀 ~ 子母龍鬚蝦 $120/隻 據店員所說, 子母蝦的意思是以蝦膠蝦籽釀在蝦上, 一口可以吃得到子母兩種口感, 味道剛柔並濟, 既複雜又鮮味, 而且咬口感層次豐富, 絕非三言兩語可形容之 ~ 反沙芋 $216一道出了名製作複雜亦十分考功夫的甜品, 外層是又乾身又脆又甜度高的脆糖皮, 芋頭鮮甜清香, 食落很是香口, 水準極高, 妙不可言也 ~ 2016 米芝蓮推介食肆, 名店。名菜, 品質一定有保證 ~本篇完 ~

是日約左一班朋友仔去試銅鑼灣百樂，原來呢間係米芝蓮。。真係要去試下喇！不過要選擇正宗而又好味的潮州菜，就唔係間間做得到，上得米芝蓮，應該有信心吧！凍花蟹橙紅色外殼的花蟹賣相，非常不俗！ 食凍蟹，要好味，就係最梗要夠鮮、夠甜，呢間食店就完全做到！咬落有一絲絲的肉質，很幼嫩，蟹肉清甜濕潤，不會太乾身，又甜又鮮，物有所值！滷水鵝片一片片厚薄均勻的鵝片舖滿整個碟，看看皮膚色層已知道滷得很充足。鵝肉稔身容易咀嚼，一啖入口，滷水香氣已充滿在口腔中，味道調配得適中，不會過份鹹口。下層是厚厚的豆腐，每片嫩滑的豆腐都吸收著滷水的精華，滋味極了！子母龍鬚蝦單看賣相已相當吸引，加上每件都得豐滿，感覺已很滿足!外層有一絲絲的龍鬚脆卜卜，咬落時鬆脆無比，一點都不覺得油膩。。內有蝦膠，非常彈牙，相信師傅在製作蝦膠時都花了不少功夫。還以為這就是子母龍鬚蝦，原來內裡還有餡料，就是蟹子，令整個龍鬚蝦口感更有層次，錦上添花!沙爹牛肉炒芥蘭吃了幾個豐富的菜式，上一個沙爹牛肉炒芥蘭，讓自己感覺清新一點！每棵芥蘭很嫩，配著入味的沙爹牛肉，都很匹配！反沙芋得知反沙芋是個難度十分的甜品，製作過程頗繁複，師傅需要妥當掌握時間，所以反

潮州菜平時真係好少機會接觸，最多都係試過打冷，今次朋友介紹食正宗潮菜，真係大開眼界 食完真係不禁概歎中國地大物博，各省各區的食物更是各有特色。今次為食兵團團友一行十人相約食潮州野，揀左呢間米芝蓮推介的酒樓~~地點係銅鑼灣~非常方便~門口有米芝蓮~肯定唔會認錯~行到入深處先見到門口~~早左到...無人...飲返啖功夫茶先!!! 唔知係咪新裝修???盞燈超啱我心水 負責發板的團長一到，竟然即刻叫左支德國啤 咦，呢間唔係潮州野黎咩??竟然有德國啤!!?? 凍花蟹凍蟹都算係潮州菜的例牌冷盤之一，今次食呢個係花蟹版，肉質厚實、鮮度十足 價錢也就高級許多了~~配潮州黑醋，酸酸甜甜，更添風味~~ 無酒不歡的團長，居然叫了枝sake 這絕對是2015年發生的第三次文化衝擊!!!! 之前叫啤酒都算，但配sake呢個組合真係諗都無諗過~團長話幾年前已經興過sake配潮州菜喎!!(oh, 可能我真係見識少!)唔飲尤至可，飲落真係好易入口.....香醇得黎隱約有陣陣果香...好神奇 而且同潮州菜的鹵水味道異常地match，一清一濃拎返個平衡。滷水鵝片 $188成個造型

朋友說帶我來試試剛榮獲米芝蓮2016推介的百樂潮州酒樓！他們說這裡的凍蟹非常出名呢～終於有機會可以試到米芝蓮餐廳了【凍花蟹】潮洲凍蟹就是要食蟹本身的鮮味，這個凍蟹非常新鮮阿！膏也鮮甜，大家也可點一下醋作提味 啖啖肉既蟹鉗在我手上呢～正！【鵝腸豆腐】超鐘意食鵝腸！經過鹵水既洗禮，鵝腸已經好入味但仲keep住好爽口，正！【鹵水鵝片拼鵝掌】鵝片好腍而且非常入味，每一片也在口中溶化實在忍不住再吃多幾片呀！【潮陽炸雙棗】一個蝦肉，一個蟹肉的炸物向來都是小朋友最愛的香口野外面金黃色，一咬開非常彈牙，都是滿滿的肉～重點是吃完也不會覺得很膩或很油，而是很香的蝦／蟹肉味其實我仲可以食多幾粒嫁～～～【荷包白鱔湯】還是第一次試白鱔做的湯！個人是非常喜歡喝湯的！我共喝了3大碗呢湯頭非常的香，而且很清也帶有荷葉味，而鱔呢～？原來用荷葉包住了，需要把荷葉拆開進食非常怕鱔的骨，總覺得每吃一口也有～所以只嘗嘗就好了還是喝多幾碗湯丫^^【子母龍鬚蝦】又是一道手工菜！外面的絲炸得香脆裡面就是蝦膠釀在蝦內，還有蝦籽阿！外脆內又彈牙，仲幾juicy嫁，咬咬下蝦籽仲爆埋tim食完呢個其實都幾熱氣～因為佢出面炸得太正了～【薑米

翻睇番啲食評，原來對上一次嚟百樂潮州銅鑼灣老店已經喺年幾前嘅事。近50年嘅歷史，晌依個年代賣少見少。雖然老店，單睇門面，金黃流線，簇新型格，喺迎合時代轉變嘅見證，但卻仍掛住「百樂酒樓」霓虹燈老招牌！最近，因店方被米芝蓮捧為推介食肆之一，又引起多少少關注。是夜，一眾朋友嚟到再嚐其出眾嘅潮菜。環境方面唔多講，以前嘅食評都已經有描述。酸菜小碟雖然只喺鹹酸菜一碟，但潮州嘅經典食材又點少得鹹酸菜一份。昔日唔少潮州人晌碼頭做咕哩，一碗白粥，少少鹹酸菜加菜脯就喺一餐。滷水鵝片拼豆腐另一潮菜經典「滷水」，又喺唔可以錯過嘅嘢，所以，打孖兩碟嚟，先試碟滷水鵝片。鵝片堆得滿滿，當然，下面喺墊咗豆腐啦，不過，豆腐入口滑溜，亦喺水準之作。而鵝片塊塊厚薄均一，既有肉香，又有滷水嘅醇厚，質軟味足，好食！所以，就算滷水鵝片唔喺米芝蓮推介菜式，嚟到百樂潮州都要例點啦！滷水鵝肝拼鵝腸唔怕膽固醇高，依道滷水鵝肝亦喺正嘢，厚切一片疊一片嘅鵝肝入口粉嫩甘腴，帶淡淡滷水香；而鵝腸口感爽脆，全無異味，同樣好味！豪華大拼盤首先最注目嘅喺中間嘅壽星公，栩栩如生，雕得細緻。拼盤包括椒鹽九肚魚、炸芋蓉帶子丸、髮菜卷及麻油海蜇。九肚魚脆口嫩

2015年的米芝蓮推介出爐！想不到有我喜歡的潮洲菜館之一！就係百樂潮洲了！手工菜出色，當然是捧場客了！！凍花蟹HK$1,500唔講得笑的招牌菜之一！不是到到都有凍蟹食得到！這裡的，就是要靠新鮮見稱！睇幾大隻而定個價錢，一般是千多元一隻。上次跟老爺奶奶食，單是一隻四人食的蟹也是要千多元，但啖啖肉呢~~凍蟹，食的是蟹的本味，鮮與甜。原汁原味，還食得到肉質一絲絲的啖啖口感。中間的膏，同樣吸引~或是點一點醋，吊一吊味也是不錯的。滷水鵝片HK$300呢度0既滷水鵝片做得夠晒軟腍，而且入味非常！片片都切片得夠晒薄。入口半溶，軟腍入味。而肉汁也不會很油，很好食。潮陽炸雙棗HK$150 一碟有兩，分別係蝦棗與蟹棗！圓的是蝦棗，方的是蟹棗。分別用上新鮮蝦肉以及蟹肉。還加入馬蹄、薑絲等等增加口感以及層之。兩款都是彈牙之作，點上醬汁，炸得香脆金黃又有鮮味。子母龍鬚蝦HK$120 / 隻不要以為是黃金蝦的朋友。這個可是手工菜哦~~ 表面炸得金黃香脆！連個蝦頭都可以一口食下！這一道可說是一味三食吧！炸得鬆化的蝦頭，已是下酒之物。蝦頭內還有蝦膏的甘香！而蝦身，用上面絲平均卷上。不要以為咬開就只有蝦身。除了原隻大蝦

米芝蓮香港版星光熠熠，雖然多年來不少人質疑其可信性，但其實也不乏信徒。摘星餐廳大多高價得在我而言難以負擔，轉投推介食肆不失為折衷方法。對於新增的街頭小食一項大失所望，不開設為佳，還是回歸以往的米記推介好了。　　其中一家就是早前嚐過的百樂潮州酒樓，位於銅鑼灣的地舖總店入列。話說友人相約這頓飯聚之前幾日，我就跟家人去了別家潮州菜食館。可是油膩非常，又未見得手工精緻出色，因此一直懶得發文。再早前，跟好友相聚時也有嚐到幾道潮菜，但那家不是專做的，選擇太少，未能盡興。約聚的那時得見選址於此，不得不興奮起來，應該有少少似樣既野入口啦。滷水鵝片　$188　　食潮州菜最常吃的當然就是滷水鵝，不管是鵝片還是鵝件。不過對於我這些懶人而言，還是無骨的鵝件淨肉比較稱心。一碟價位本就不便宜，但份量倒是足量，件件厚薄均勻，恰到好處。　　鵝片肉薄不韌，但就比較緊實富韌感，不會綿綿爛爛。脂肪部分不多，只在邊緣的少許帶過，未算重負擔，滷水入味的話就更不見膩。其實每次吃都會期待底下的滷水豆腐，雖然有人會覺得用豆腐墊起左就唔抵食。但要做得夠味之餘，豆腐中心仍然保持嫩滑味清，也不是易事。荷包白鱔湯　$80　　記得友人早前問到

星期六 冇局 約咗班friend返大陸 而家北上最大嘅娛樂唔係泵骨 食好嘢 而係平買簡體書同blue ray碟 之前約咗出發前先茶聚 食飽肚先繼續 去咗百樂潮州茶 沏咗壺壽眉 叫咗幾籠點心 蝦餃 皮夠薄 內里D蝦又夠大隻同彈牙 味道真係幾好味 開心嘅一日應該由此開始潮州粉果 超傳統做法 有肉碎 花生 菜脯 芫茜 冬菇同蝦米等 食落去D芫茜味 夾雜一大堆往口一送 即刻感覺到花生香 菜脯脆 蝦米有咬口 係我其中一款至愛嘅點心咖喱魷魚 魷魚好新鮮 咬落脆口同埋好爽 咖喱汁亦都做得唔錯 最好嘅係魷魚同咖喱汁一齊煮過 唔係果D骨肉分離又夾硬撈埋一齊同隻最後叫咗個粟米餅 全素 里面有粟米 馬蹄 菜脯 蘿蔔等 兩邊餅面煎香咗 食落口感唔錯 因為餡料全素 口感清爽 不俗