榊原 (亨環‧天后)

Open Now

Now Closed

這次壽司之旅真是令人難以忘懷。從足料的茶碗蒸開始，這頓飯就已經奠定了高水準。然後，是獨特的漬物，除了一般的酸薑外，還有牛蒡、千本漬、蒜頭和茄子，風味獨特。斑馬瀨尿蝦鮮味十足，多膏的啫喱狀更是添上了豐富的口感。石鯛魚刺身配上酸汁啫喱，完美提升了魚的鮮味而不掩蓋其本身的美味。北海道生蠔，新鮮且creamy，是一大亮點。春魚搭配炸蒜，入口即有鹹香，之後是魚的鮮甜，味道層次豐富。希魚和舞茸菇天婦羅，師傅建議加鹽而不沾天婦羅汁，炸皮薄脆，內部保持多汁，舞茸菇特別爽口。北寄貝的爽脆口感和深海池魚的彈牙肉質，讓人驚喜不已。劍魚腩配炸蒜，肉質厚實，風味十足。黑鯥魚燒過後，魚油的香味尤為突出。大拖羅刀工精細，右口魚入口即溶，加上芝麻香，更是美味無比。最終，我們來到北海道馬糞海膽，有兩款，一隻creamy如同雪糕般，一隻海膽味濃郁，兩隻都好新鮮冇苦味。香蔥toro手卷中，紫菜新鮮脆口，即使拍照後品嚐，依然保持脆度。甜點是湖北蛋和蘭王蛋製作的玉子布甸，蛋味濃郁，中間略帶流心質地。最後的提子布冧雪糕，酒味香但不苦澀，提子的甜味覆蓋了酒的苦澀，完美收尾。整體來說，這次的壽司體驗，不僅讓味蕾大開，更能感受到日式料

最近試咗一個超豐富嘅【OMAKASE 20品】精緻料理，好滿足😍蛍狩Hotarugari $1,380刺身8款、和食2品、寿司7貫、湯、甜品2款首先，北海道水果蕃茄仔加岩鹽，蕃茄仔甜度似水果，好驚喜。北寄貝同活赤貝爽口無比，兵庫縣蠔則飽滿鮮甜多汁。清新嘅春魚配上紫蘇花，好細膩。日本象拔蚌同昆布小甜蝦，鮮甜鮮味。另外毛蟹配蟹醋啫喱同紫蘇花，蟹肉鮮甜，層次分明。加拿大牡丹蝦配蝦膏、蘭王蛋同黑魚子，鮮味無比，好好味😋。天婦羅白燒鰻魚配梅醬，好脆口。慢煮4小時嘅南非鮑魚，肉質腍身又入味。當中鹿兒A5和牛配紫海膽，有炸米紙脆脆口感，配淡雪鹽味道更突出。牛油燒大蝦香濃美味，油坊主配炸蒜獨具風味。拖羅有魚油香又肥美。喜之次新鮮，腦天口感肥美。吞拿魚腩壽司配紫海膽、三文魚子，鮮味無敵。最後魚湯用魚頭煲出嚟，味道濃郁，暖胃又滿足。甜品有布甸蛋帶酒香，甜而不膩。另外仲有抹茶布甸，茶香濃郁，yummy。

呢次試咗一個20品嘅Omakase，食到飽飽，物有所值。先有北海道水果蕃茄仔，又甜又多汁。刺身北寄貝、活赤貝：口感爽口。兵庫縣蠔：鮮甜多汁。春魚配紫蘇花：清新細膩。日本象拔蚌：鮮甜爽口。昆布小甜蝦：鮮味綿密。毛蟹配蟹醋啫喱：蟹肉鮮甜。加拿大牡丹蝦配蝦膏、蘭王蛋、黑魚子，層次豐富。和食：天婦羅白燒鰻魚：配梅醬，好味。南非鮑魚：慢煮4小時，嫩滑入味。壽司鹿兒 A5和牛：配紫海膽、淡雪鹽、炸米紙，質感一流。牛油燒大蝦：香濃美味。油坊主：配炸蒜，獨特風味。拖羅：肥美鮮味。喜之次：新鮮魚味。腦天：入口即化。吞拿魚腩壽司：配紫海膽、三文魚子，鮮味無敵。魚湯用魚頭煲出嚟，味道濃郁。甜品布甸蛋帶酒香，甜而不膩。抹茶布甸：茶香濃郁，完美收尾。呢餐Omakase真係無敵享受，從刺身到甜品都好滿意！

Omakse：廚師發辦嘅菜式，挑選時令，珍貴嘅食材製作刺身，壽司等菜色，因此大部份廚師發辦用餐價格都比較高。因為Budget有限，經朋友介紹話天后有橦大廈有間日本餐廳食Omakse,叫我可以lunch去試下，不過要記得book位先好去🤣聽完佢講就今日去左試呢間餐廳''榊原''。餐廳環境超干淨又企理，坐位有十幾個，廚師同食客不停傾計，交流飲食心得。第1道菜係茶碗蒸，係我人生食過最好食嘅，超足料嘅茶碗蒸，蟹肉魚肉份量超多，當然蛋非常滑流😋接住落黎輪到鯛魚刺身，將醋整成啫喱狀，酸酸maymay同刺身好夾龍蝦配蝦膏，三文魚魚子：龍蝦肉鮮甜，肉質爽口，蝦膏食落冇腥味，三種食材一齊食，層次豐富，最鍾意魚子係口腔卜一聲嘅感覺🤣左口魚壽司就食得多，右口魚都係第一次食（印象中），肉質非常滑，配左魚肝＆魚邊，整體非常夾。仲有吞拿魚壽司，北海道銀雪魚壽司，深海池魚壽司........ 最後吞拿魚蓉手卷，師傅毫不吝嗇將滿滿嘅魚蓉放上飯上＆灑上天婦羅碎，咬落去每啖都充滿魚蓉，好滿足🤗提外話，師傅仲問我洗唔洗多飯多魚蓉餡添🤣由於'蟬時雨' 菜式太多不能盡錄，食嘅過程睇得出師傳對食材好過要求，佢地都好用心製作每道菜

朋友今日lunch帶左我黎天后話想俾驚喜我😂去到餐廳門口都覺得個名似曾相識，印象中食Omakase, 一入去只見張bar台＆兩位師傳，再望一望簡單嘅餐牌，不出我所料真係廚師發辦，超開心囉，人生第一次係香港食Omakase 😊午市menu有高中低3個價錢, 我地揀左蟬時雨呢個set, 總共有16品。上刺身前，先食左茶碗蒸，配料非常多，蒸蛋滑嘟嘟，蒸得恰到好處，食得出用左雞湯混合左蛋一齊蒸，相當好味😋長尾鯛刺身魚肉相當透明，食落清甜有彈性，配上醋啫喱，夏天食好開胃龍蝦刺身配蝦膏三文魚魚子，擺盤好靚，色澤豐富，龍蝦肉爽口彈牙，配埋佢地一齊食口感一流赤穗蠔：呢款蠔係生蠔界拎過獎，唔好見佢蠔殼唔大，但肉質好飽滿，帶有海水味＆鮮甜嘅蠔味北海道銀雪魚壽司：表面用火槍輕微燒下，燒香左嘅銀雪魚焦焦香香油脂重右口魚壽司：魚肉上面放左魚邊之後再放上魚肝層層疊壽司，魚邊油份好高，入口即溶紫雲丹飯好鬼正，紫菜淨係包住海膽食又得，包埋飯食亦得，自行配搭，馬糞海膽食得多，紫海膽第一次食，佢比馬糞清甜，海水味濃吞拿魚蓉手卷放上天婦羅碎，增加層次感，食落脆卜卜，而且食到最後都仲有魚蓉最後不得不提餐廳嘅梅酒非常濃，飲到最

天后不嬲都多好嘢食今次係試吓呢一間好高人氣嘅omakase 一出𨋢口就見到門口好有日式嘅感覺我哋今晚食dinner ，想食豐富啲，所以嗌咗個20品食omakase 當然要配清酒啦我哋選擇咗一枝比較dry嘅好易入口，同食物好襯我哋首先食咗個水果蕃茄好清新嘅感覺跟住有象拔蚌，佢比平時嗰啲都再爽口啲然之後個鯛魚配咗個酸汁啫喱好清新，好啱而家個天氣呢幾款魚都好食首先秋刀魚就嚟到季節，而家嗰啲都開始肥美另外個魚皮炸到脆卜卜再配上啲厚身魚肉，個口感非常好呢個叫做夢追星嘅生蠔，雖然佢細細隻，又唔算好Creamy 但係好爽口，咁樣食完之後唔會好滯，令到唔會太飽食唔落之後既野呢個係我全晚最鍾意嘅一樣食物蝦膏蝦魚子再配蘭王雞蛋，好濃味令到你個口腔停留咗一陣好香嘅味道，另外仲可以加飯，師傅話個飯先係精粹，因為淨咗好多醬汁，可以用米飯撈埋佢食佢兩款海膽都好好食我特別鍾意紫海膽，佢配上一個淡雪鹽，落好多都唔咸。成個味道再提升咗跟住個魚下巴，師傅介紹係稀有部位，都好香口肥美好好食師傅即燒個吞拿魚都好好味到最後有兩款甜品同埋一個湯去做完結好滿足好飽

位於天后的「榊原」，提供精緻的Omakase和日式料理，絕對是一個讓人心動的用餐選擇。進入「榊原」，首先映入眼簾的是寧靜優雅的日式裝潢，讓人仿佛置身於日本的和風餐廳中。服務員熱情有禮，細心解說每一道料理的來歷與風味，讓用餐體驗倍添舒適感。「榊原」的Omakase料理絕對不容小覷。每一道菜色都展現出大廚的匠心獨具，新鮮的食材搭配上精湛的烹飪技術，讓人驚艷不已。從清爽的刺身到口感鮮美的壽司，每一口都能讓人感受到料理師的用心與專業。今次我食的係螢狩套餐 ，總共有20道菜1. *水果番茄*   - 甜度高，岩鹽提鮮，開胃。2. *鯛魚刺身*   - 加蔥花和特製醬汁，清新開胃。3. *象拔蚌刺身*   - 日本象拔蚌，爽口，鮮甜。4. *炸帶子配紫海膽*   - 半生熟的帶子搭配紫海膽，口感絕佳。5. *北寄貝壽司*6. *蟹肉壽司*   - 蟹肉搭配蟹膏，鮮味十足，入口滑順。7. *秋刀魚壽司*   - 秋天美味，鮮美可口。8. *夢追星生蠔*   - 全日本第二的生蠔，爽口鮮甜。9. *立鱗燒*   - 魚鱗炸得鬆脆。10. *鮮蝦刺身*    - 加海膽、蝦油、蝦膏、魚子醬和生雞蛋，鮮味

好耐冇食Omakase啦今次呢間期待咗超耐$1380有成20品超抵食😆😆分別有刺身八款、和食兩品、壽司七款、湯同埋甜品兩款全晚最出色嘅一定係牡丹蝦碗牡丹蝦超大隻鮮甜 加上魚子醬嘅鹹香 重點係有好大隻蘭王蛋 比你撈埋啲飯嚟食 好食到喊🥹另一個亮點係 和牛海膽米紙A5和牛入口即溶 配埋勁鮮甜嘅白海膽 加埋脆卜卜嘅米紙 全部一次過放入口勁幸福🥰生蠔 - 夢追星🤩超級鮮甜 生蠔好厚肉 超級肥美 好想叫多隻🥹🥹赤海膽吞拿魚蓉海膽同埋吞拿魚蓉嘅份量超級多海膽用咗赤海膽比白海膽更加濃郁 上面仲有鹹香嘅三文魚子 加埋一齊食，超級滿足其他刺身: 粒貝刺身、薑蔥池魚刺身、象拔蚌壽司、昆布甜蝦壽司煮物：金雕、花咲蟹壽司、慢煮南非鮑魚、吞拿魚山藥白海膽吞拿魚面頰天婦羅婦、鰆魚壽司、大拖羅壽司、吞拿魚腦天最後仲有麵豉湯同埋兩款甜品20品真係係到捧住個肚走🤤每一款質素都非常高👍🏻師傅好健談 亦都會詳細同我哋介紹每一款食物👍🏻

🍣- 榊原 -🍣《蛍狩 - Omakase 20品 $1380》這間Omakase 是近期吃過最出色的一間 $1380 這個價錢有20款用心製作的菜式 絕對算是超值有好幾道菜都讓我非常驚艷 刺身8款、和食2品、寿司7貫、湯、甜品2款-前菜🥢日本蕃茄 配淡雪鹽清新開胃 非常新鮮-🥢兵府縣望追星生蠔 👍🏻榮獲日本本年度第二名生蠔 生蠔新鮮飽滿 🥢粒貝刺身爽口彈牙🥢薑蔥池魚刺身肥美的池魚搭配薑蔥 更加醒神開胃🥢象拔蚌壽司鮮甜爽口🥢昆布甜蝦壽司甜蝦數量給得非常足 用昆布醃製過的甜蝦 鮮味更加突出🥢煮物: 金雕金雕特別地炸過魚皮非常酥脆 魚肉就非常嫩滑 作出了鮮明的對比 配上慢煮過的魚湯 層次感分明🥢花咲蟹壽司鋪滿蟹肉的壽司 一整口下去 鮮甜滿溢出來🥢牡丹蝦碗 👍🏻鮮甜的牡丹蝦，配上魚子醬特別在碗中加入香濃的日本蛋整碗的鮮甜味十足 忍不住叫師傅加飯 這是其中一道非常驚艷的菜式🥢慢煮南非鮑魚經過4小時慢煮 肉質爽口彈牙 入味🥢海膽和牛米紙 👍🏻這一套完全可以作為招牌菜 超鮮甜的白海膽 配上烤得剛剛好的A5和牛 已經炸脆的米紙 一口下去幸福感滿瀉 完美融合 非常出色🥢吞拿魚山藥白海膽伴在一起 多重口

發現天后隱世高質Omakase!!!【刺身8款‧和食2品‧壽司7貫‧湯‧甜品2款】🧡深刻款🧡① 昆布蝦˚.* 昆布醃住嘅甜蝦黏稠甜蝦質感帶淡淡昆布香② 右口魚˚.* 好有驚喜嘅壽司!! 肥美右口魚+炙燒魚邊+魚肝醬 3款味都好突出!! 整體好夾無違和感③ 拖羅蛇腹˚.* 油香濃郁 油脂感大爆發④ 牡丹蝦蟹黃魚子醬壽司飯˚.* 亮點係加咗蝦油點綴 無任何蝦膏調味⑤ 和牛海膽˚.* 估唔到和牛+海膽會咁match! 完全無違和感!! 海膽零腥味 唔係好強嘅味 但味道可以last好耐

朋友生日於是預約了位於天后的榊原為他慶生，這次選擇了$628+1一位的午市廚師發辦套餐，足足有16品可品嘗，性價比極高。茶碗蒸前菜先來一個茶碗蒸，茶碗蒸非常嫩滑，內有蔬菜和魚肉。刺身4 款 - 帆立貝、鰆魚、西澳龍蝦和日本生蠔，非常幸運，可以品嘗得到日本排名第二的生蠔 - 夢追星。這次亦是我第一次品嘗西澳龍蝦刺身，蝦肉爽彈。天婦羅方面，餐廳提供了紫蘇葉穴子天婦羅，天婦羅炸得又脆又薄，魚肉有有油香但完全沒有油膩感。壽司6款愛媛膠原鯛魚 - 這是吃骨膠原長大的鯛魚日本墨魚配竹炭鹽 - 日本墨魚彈牙漿口，配竹炭鹽味道剛好尾長鯛 - 鯛魚肉配上柚子皮很清新燒右口魚配紫菜- 面頭灑上少許蔥，燒過的油口魚魚油都留進白飯里，非常香。海膽- 這次的海膽是來自日本的俄羅斯海膽飯，非常鮮甜完全沒有苦味，很新鮮。手卷這次吃到的是蔥吞拿魚蓉手卷，手卷上除了蔥和吞拿魚蓉外，還配有天婦羅脆脆，令到整個手卷的口感層次提升不少。布甸蛋 這款布甸蛋是用上日本蛋加湖北蛋焗制90分鐘而製成的，口感像布丁一樣嫩滑，蛋味香濃。面豉湯使用4 種日本面豉煮成的面豉湯，非常有誠意，整個面豉湯味道亦非常豐富。甜品甜品是曲奇雪糕，口感綿

今日遠道而來去到天后食omakase，呢一間系網上都大受好評，偶爾一次都要對自己好啲，入到去已經Feel到高級感。門面設計非常優雅，有日式庭園嘅設計風格，店舖面積唔算大（廳），只係提供大約12位客人嘅座位，所以座位非常寬敞，亦都十分舒適。呢度主廚梁師傅超級健談，非常親切，最重要係佢可以上每一道菜時都非常詳細講解佢嘅來源同埋特色，甚至講埋點樣處理方法，呢樣嘢好難得，梁師傅可以做咁多年都係堅持同食客有交流，睇得出有心有力。食物方面以時令食材炮製盛宴，當中晚市廚師發辦最為豐富，有20道菜色，包含前菜、刺身、和食、壽司、湯和甜品。梁師傅會提供各款壽司，刺身及海鮮。亦可以提前同佢講唔食邊啲以便安排，又同我哋傾閒計，成餐飯都食得好開心，整體質素都比較高質。

天后榊原一直都有不少忠粉。以每位$628的價格，已包括了16品包括刺身、海膽、卷物、壽司及料理，水準穩定，不時也會到訪刺身 ⟫ 餐前的刺身拼盤包含了北寄貝、鰆魚、馬交魚，以及一款特別的蠔——“夢追星”，這款蠔在日本排名第二，搭配酸汁啫喱一起享用，酸爽開胃當天有 ⟫ 西澳龍蝦配龍蝦膏，絕對罕見。日本人通常只在喜慶日子用到龍蝦 。肉質鮮甜彈牙，搭配濃郁的龍蝦膏，味道層次豐富天婦羅穴子，穴子魚的製作方式比較特別，先經過燒烤，再包裹紫蘇葉後油炸，魚肉肥美多汁，天婦羅的口感更是讓人很有驚喜壽司⟫愛媛縣膠原鯛肉質潔白清爽、且口感軟嫩細緻墨魚 質感柔軟赤貝配青檸汁 爽口鮮甜 最重要很夠厚度黑鯥 俄羅斯海膽 ⟫ 當日用上東川的紫海膽，顆粒感清晰，肉的顏色為橙色偏黃，甘甜度適中，海水味較重拖羅右口魚 配搭很用心，魚質本來就很滑，配上魚肝和魚邊，口感很不錯每一貫壽司的米飯與魚料比例恰到好處，魚肉的新鮮度和米飯的醋香在口中完美融合。特別是俄羅斯海膽，帶來了一種濃郁的海洋鮮甜，極具特色。手卷⟫ 餐尾的手卷以蔥拖配天婦羅脆脆，口感豐富湯品⟫ 用上四種味噌湯為整個用餐劃上句點，湯味濃郁，帶有深厚的發酵豆味，令人倍

今日帶女朋友黎食好西，黎到中環呢間「榊原」食omakase 呢到係樓上鋪，一開lift門就見到個靚境，身心舒暢今日揀左個dinner set，人頭$1080好抵呀飲清酒既話仲有得自己揀中意既杯，全部都勁靚，裝清酒既壺都好吸引，差啲想拎返屋企用前菜係茶碗蒸，面頭仲加左大大隻魷魚，好入味，蛋勁嫩滑勁，不過真係要小心熱漬物魷魚，勁軟身好入味，食落去有啲爽口彈牙，第一次食好有新鮮感日本生蠔Karen，日蠔都係偏向鮮甜無乜金屬味，好大隻火炙帆立貝配紫菜，師傅係我地面前用火槍燒，有得睇又有得食，整緊既時候都已經聞到好香自家製酒漬三文魚子配甜蝦，魚子一咬落去竟然會爆漿好出色雜錦天婦羅炸粉唔會好厚，新鮮炸出黎仲係熱辣辣，正壽司不能盡錄，醬油已經加好唔洗自己另外點，全部都勁新鮮，一整好已經急不及待即刻放入口最後當然唔少得甜品，今日係布丁同檸檬雪糕，完美作結

Fresh shirako is light, refreshing, and creamy.Snow crab taste sweet meat; aromatic roe; and fine-textured eggs.The soy-marinated sea urchin from Hokkaido is smooth, with a balanced marinade, would prefer to have one more. Despite the size of Nagasaki oysters relatively normal but pack with flavorful, with thick, creamy flesh and a crunchy texture.Clams is crunchy and bouncy. When the chef hits it, it shrinks, making it fresh, crisp, and sweet.Flatfish, is used in sushi with different parts of t