和処 酒肴 (Closed)

老婆話早啲食飯健康啲， 最好重要食日本嘢添， 落雨濕濕亦都無謂去咁遠啦， 去完美麗華商場行街， 就直接到附近日本料理醫醫肚……餐廳位於天文台道附近， 韓國嘢、火鍋、酒吧林立， 而我們見到這間日式料理門口好似神神秘秘，於是我們兩公婆決定打開他的神秘面紗……餐廳佈置簡約，光光猛猛，地方大細適中。 聽說這裏的師父曾祖父刀法如神的， 曾經主持庖丁解牛儀式， 所以壽司師傅個名Kita好勁㗎!這裏的menu簡簡單單、價錢合理，沒有花巧嘢但價格非常公道， 我哋點了Nami這個套餐仲加埋清酒pairing。前菜: 前菜: 龜手( 不屬於貝殼類)， 未經加工的生枝豆， 螢光魷魚、 蝦壽司、 希靈魚甘筍加海帶、 植物葫蘆、 雞胸肉wasabi、 梅肉加鯊魚軟骨。坦白講龜手和植物葫蘆我是第一次嘗試的， 估唔到前菜以令我有驚喜！鮫鰈刺身， 有少少筋肉，口感不足， 建議配上檸檬汁。旁邊配有紫蘇苗，大了變紫蘇花，最後是俗稱的紫蘇葉。原隻蒸蛋好好味，加上劉穗清酒純米酒，味道偏花香，不濃不淡。立魚西京燒用麵豉味醬汁京燒非常香口， 配上清酒山田錦米有甜味帶出。刺身船presentation好到不得了， 司壽司吧特有的，

最近就試左依間又飽又好食既廚師發辦，價錢比起其他同類型既都平，$650就可以食到omakase$650係有前菜、刺身、蒸物、燒魚、壽司六件等等，堅多野食！！！介紹番個前菜先，有生粟米，炸蓮藕片，三文魚明太子，芥末八爪魚，辛塩魷魚刺身等等。前菜就有甘多款喇，我最鐘意既係壽字碗仔入面既辛塩魷魚刺身，濃而不俗，仲有下面既松前漬，依個係由魷魚絲同昆布整成，有啲似沙律前菜，又滿滿魷魚既味道。之後就係刺身～有兩款，就係深海池魚同黃肌生鮪，兩款刺身都同樣鮮甜，介紹下黃肌生鮪，佢係來自和歌山縣勝浦市產既吞拿魚嚟既，比較腍身，無筋。跟住就有一個蒸魚，店員介紹佢叫做左口魚菜卷有荷蘭豆、蘿蔔既菜蔬係入面，下面仲有粒雜魚丸，口感幾特別，食落唔似魚蛋而係有肉感。接住再嚟一個燒魚，每日唔同既，當日就係依條鹽燒太刀魚成條上果陣聞到好香既燒魚香味，食落口唔會太咸，魚肉好實，唔會鬆散，可以配埋側邊啲配菜一齊食，有山芋、玉子、昆布絲到壽司6件加埋卷物，我食左石垣鯛、深海池魚、炙燒左口魚邊、辛塩味左口魚、甜蝦、三文魚籽及道明寺櫻餅。平時食深海池魚最多都係配些少豉油，就甘食原味。但今次師傅落左啲帶辛辣既脆粒係面頭，食落就無平

幸好身邊不乏飲食通朋友，今晚可以來到這家隱世餐廳。餐廳雖然位處尖沙咀，但位置有點偏僻，漆咸圍是平時不會到的一條巷。餐廳門外裝修神秘，較難想到是一家日式料理 ......原來一開門是一家日本餐廳，由日藉師傅主理。朋友說這家餐廳主打日本客人，而且book位唔易，今天能夠來到真有點運。枱上放上當晚訂坐的客人名字，好有心思。師傅不懂中文，幸好有位懂中文和日文的侍應。這裡的Omakase一點也不貴，最平$650已經有。$650 OmakaseSeasonal Appetizers 頭盤非常豐富芋頭仔，上面有少許鹽粒，咸咸地又腍，好開胃。甜粟米，平常吃的都是煮熟的粟米，生的粟米感覺更清新，不帶半點苦。麵豉醬燒雞酒盜配芝士，酒盜是魚內臟醃製物，咸香味濃，配上芝士，佐酒佳品。醃製番茄，上面的菊花可食用金山寺麵豉配青瓜山林明太子Today's Sashimi今天的刺身是左口魚，鱆紅魚和金目雕。左口魚雖簿切，但口感爽彈。鱆紅魚較厚身，口感豐富。金目雕的魚皮輕輕炙過，但已經散發陣陣香味。Grilled Fish立魚鮫醬油燒，望住深啡色的魚皮已經知非常惹味。看似骨多過肉，但原來很多魚肉，一試難忘。Steame

早陣子聽幾個朋友推介 話有間廚師發辦$650就已經好飽同埋好抵食，所以我就book左枱同朋友食。當慶祝自己生日！對自己好啲既方法就係食好啲啦！再加一都係$715～平時見啲廚師發辦平均都要1000蚊啦！一入餐廳見到有一列既吧台，可以望住師傅整壽司刺身真好！幸好我地都安排到坐吧台，之後仲見到佢地為我地摺既字係我地名的～依間餐廳仲有一個特點係由日本人主理的，見住師傅講日文就特別代入到自己置身係日本呢！不過有女侍應係識廣東話的，所以吾怕吾知自己食緊咩～好貼心！而依個$650既set係有前菜、刺身、燒魚、蒸物、壽司6貫+卷物、味噌湯、清酒/甜品，就是豐富！仲要所有都係用季節食材同埋當造既刺身！先嚟左前菜先，一睇就係好full仲有幾colorful~生粟米好甜好爽。三文魚明太子好似蓉狀，可能因為明太子關係味道偏咸，但可配以側邊既炸蓮藕片一併食可以中和！之後仲有芥末八爪魚，微微芥末味，少食更多滋味呢！跟住就係金山寺味噌，好日本既味道，我諗日本人都會常食依啲醬料去配飯或調味，我就伴青瓜食，一清爽一咸香！仲有壽字的器皿入面係辛塩魷魚刺身，味道有啲似螢光魷魚既味道，幾濃味！仲未完啊。。。下面係松前漬，由魷

適逢朋友剛從日本回港，今晚相約一起聚餐，奇怪的是他竟然想吃日本菜，在香港要找有質素的日本菜實在不易，經朋友介紹下來到位於尖沙咀的和処。 小店的位置較為隱蔽，門面沒有大大的招牌，木色的大門一拉開，左面是獨立的私人房間，繼續走上前就是壽司吧枱。 店內會為每位booking的客人用指摺上其名字，感覺都幾特別，而今天店員就為我用小船寫上名字。 店內主要是吃Omakase為主，另外還有一些酒類可供選擇。 經商量下，我和友人選擇了 $650的，負責料理的師傅是日本人，想不到$650也可令我們吃到飽飽。 Seasonal Appetizers 精緻的前菜，有數款小吃，最上面的是南蠻漬的魚，入口魚肉時鮮嫩，醬汁亦配搭得宜。左面是山林明太子，味道較為咸，而芋頭仔上加了少許鹽，入口腍身，還有生的甜粟米及麵豉醬燒雞。下面是酒盜加芝士，酒盜是魚內臟醃製而成的，混上芝士味道濃烈，醃製番茄，金山寺麵豉和青瓜都好新鮮。 Today's Sashimi有左口魚、鱆紅魚及金目鯛。左口魚新鮮爽口，味道較為淡身，鱆紅魚口感嫩滑，而金目鯛輕輕燒過，油脂滿溢，三款刺身都好新鮮。 Grilled Fish立魚鮫醬油燒，

來到地道的日本料理餐廳！一入門的第一感覺已是被尊重的！還一早準備好手摺的預約名字，感覺也特別溫馨！是次為了品嘗地道日本料理，專程預早預約了位置！坐吧位，不算太迫，希望能一邊吃一邊欣賞廚師的手藝！加上店員親切的介紹，真的感受到那份對客人的尊重！前菜已經非常吸引。半熟蛋，雞腎，蘿蔔，擺碟精緻萬分。當中的芝麻豆付自家制必需要多讚好，那小磚豆腐做到實而滑，芝麻香味能夠和豆腐配搭得好好！刺身方面，有深海池魚，左口魚，螢光魷魚。深海池魚油香味重，薄切口感一流！我比較喜歡點上小小芥末在口中油香中帶點刺激！左口魚肉較結實，魚油非常豐富，薄切做刺身，品嘗其鮮味甘香，入口甘香。中間的是螢光魷魚，日本螢光魷魚這是非常小的魷魚身體可以發光，細細條鮮味可口，一口咬光，它有點黏口感覺，咀嚼時新鮮美味，肉身多汁煙韌！蒸物方面，廚師為我們準備了德利茶碗蒸。葫蘆似的外表，入面碗內有冬菇，蒸水蛋和魚子！值得一提的是魚子數量充足，啖啖都能吃到所有配搭！加入高湯和鮮鰻魚，好夠味呀！三文魚籽加海膽是我驚喜的！因為我比較喜歡吃魚籽，能夠一口吃多量的魚籽是多麼幸福！同時主角是海膽！本來對海膽沒有特別喜歡，今次卻讓我吃出海膽的香！質

近年香港人愛食廚師發辦的料理，日文的おまかせ就是交比廚師唸，用當日最好最新鮮的食材，或是當時時令的為你製作料理。有選擇困難症的我，覺得這樣的安排也不錯，可以唔使死太多腦細胞唸太多。今次來了位於佐敦的街角小店，先看店外面有一種神秘的感覺，叫和処酒肴。料理長是來自日本東京的北さん (Kitaーsan)，他帶著對日本料理的熱誠大膽來到香港，希望為香港人炮製屬於日本的味道。食おまかせ坐Bar枱是定番。所謂「台上一分鐘，台下十年功」，坐Bar枱除了是感受氣氛外，還是看料理長表現刀功和擺盤的時候。北さん十分認真，不苟言笑似的，只全神貫注在食材上，初初也不太敢打擾他。另外，坐下時還驚喜地發現小店準備了名字的摺紙，好有心機，令客人感受到被尊重，是日本人的理念吧？友善的店員小姐提醒，小店只做晚市訂枱要趁早啊，因為食的過程中也有日本客人想walk in 都無哂位了。話明是廚師發辦，餐牌每個月也不同。務求將當月新鮮的食材送到你的五臟廟。特別是來自日本新鮮上盛的食材，百份百日本直送，好似飛左去日本咁！一路上菜時，店員小姐會親切地講解食法。唔使擔心溝通不到！當然料理長也識少少廣東話，好親切啊！前菜方面，上碟時見

在食評中曾提及對日本菜認識有限，希望惡補，曾跟各方友好打了招乎，倘若知道或吃過一些性價比高的Omakase ，都知會小弟一聲，待有空便去拜訪，增進多點日本菜的知識。友好最近報料，說尖沙咀有一家日本廚師主理的鮨店新開張，廚師手藝佳且收費相宜，而且還會運用一些很日本地道而港廚甚少用上的食材入撰，聽來實在吸引，馬上訂座！這店便是座落漆咸圍的和処酒肴 。沒有偌大的招牌，平日路過，可能大家還以為是一家在裝修中的和食食肆。門外右手邊的發亮燈箱便是該店招牌，估計只有1呎x1呎大小，從店的裝修風格，大概已估計老闆是位性格低調，不愛出風頭之老派日本人。室內堂座座位不多，就只有13席，用餐期間聽到電話响過不停，客人都是打來預訂即晚座位，只聽到侍應小姐不停的說: 『不好意思，今晚已滿座。可見這裏生意其實一點不賴！』蒲坐下便看到一份窩心，感覺很温馨的禮物，一隻店家送給食客的摺紙 - 船，船身上寫上了食客的姓名。今天跟友人一同點了價值HK$650的波Nami Omakase 套餐。這家店的最後兩字是酒肴，餐牌上酒的介紹佔了甚多篇幅，反而菜牌就只有三頁，感覺上該接近居酒屋風格，不像一般鮨店。點了餐不久，便看到一位

作為日本餐嘅忠實擁躉,一向最like去由廚師發辦的日本菜，因為食材新鮮，又可以學下嘢，有得食有得學，唔錯!今次藉好友生日相約食慶生飯，我地就揀左依間omakase既日本料理餐廳去歎下！店鋪唔大，但餐廳都係以簡單吧枱座位設計作為重心，無壓迫感,輕鬆自在，座位前方放左我地既英文名摺紙同魷魚摺紙，有心思，廚師亦都係日本人，感覺更地道,有保證我地點左<<潮-USHIO>> 共有七款餸菜，首先有上一個季節前菜盛合，賣相靚靚，仲叫我地要由左至右食起螢光魷魚: 醃製後濃郁入味，攞嚟送酒一流芝士蘿蔔: 第一次食芝士拌日本蘿蔔，酸味和滯膩，味道又出奇地夾，幾可口食用既菊花瓣同牛蒡傍三文魚明太子碎而係呢個壽字盅內係黑松露魚塊，有微微嘅黑松露香，味道啱啱好！雞腎: 第一次食生既雞腎，,賣相又咁樣，真係淆淆地。但入口後真係意想不到，完全無血腥味，醃製後味道香濃，帶少許爽脆口感，幾有驚喜！希靈魚籽拌海帶: 食落濃味帶少少咸，爽脆，咸嘅程度還可以接受。半熟流心蛋: 上面放左明太子，入口後有陣明太子既味道，爽滑口感兼備刺身三種盛分別係深海池魚,油甘魚同生蠔，厚切油甘魚同深海池魚，食落

最近愛上Omakase，和朋友們開心分享，朋友們介紹了一家在漆咸圍開業了6年的日式居酒屋，當然要預個期去試試。來到餐廳，門面的裝潢風格簡約低調中帶點和式的高雅，顏色配搭得宜，帶點神秘感，令人更加期待。來到座前，便發現用摺紙摺了訂座人的名字，能讓食客感受到一份尊重溫暖感，貼切又細心。女店員好有耐心為我們介紹每道菜，服務非常周到，就如身在日本一樣。點了 《SAKANA $1300/位》//Season appetizer//前菜是用一隻長型的碟擺放各種前菜，擺得好精緻，連前菜都可以這麼用心，日本人對食的執著同要求真的好高好認真。包括鰻魚蛋捲、 廣島炸蠔 、金山寺味噌配青瓜 、芝蝦 、炸蓮藕片 、慢火雞胸 、三文明太子、 松前漬(希靈魚籽、甘筍、海帶)、東風螺、辣口的蛤。- 螢光魷魚是被酒醃過的，爽口帶黏的魷魚仲滲出淡淡酒香，夠濃味。- 最喜歡的就是東風螺，好入味，而且肉嫩，那個味道就知道下了不少功夫。各種小菜都好有特色，而且做法一點不馬夫，光是前菜都好有驚喜。//三款刺身//- 火炙金目鯛，顏色和魚皮都好易認得，魚味比鯛魚要濃些。- 鯛魚味道清香，魚肉清瑩通透帶紅間，口感一流。- 三重縣