磊犇 (Closed)

如常經過西洋菜南街見到有間新開鋪頭大排長龍，梗係去八卦吓啦 原來係食石板牛既！見到都流哂口水 排就排啦三款牛既部位，牛肩、牛扒、西冷，每款有200g, 300g, 400g，先係點餐機(見下圖)點餐同俾錢，之後搵位坐，等食醬料有粉紅岩鹽，黑椒仲有黑椒汁同照燒汁牛肩肉 300g $110牛外面係熟上，裏面係生既。自己想用石板煎熟牛扒，想幾成熟都得！個人就覺得切件煎好，方便食呀ma燒肉既香，肉質結實得黎有口感 簡單黑椒同黑椒汁仲惹味牛扒200g味道我覺得牛扒好食過牛肩肉，口味既野各人不同啦。但係兩款都好食既總結，7點去排足20分鐘先食到 可想而知有幾多人食啦！鍾意自己落手落腳煎牛嘅朋友唔好錯過啦

地址方便, 環境一般啦, 勝在乾淨。此店有3種牛扒，分別磊牛扒（最 經濟），牛肩，西冷（最貴）。今日先試200克牛肩，都算滑，不會太多脂肪。在鐵板上，自己決定生熟程度, 要和時間競賽, 否則會過熟。平常一餐肉的份量建議是80克，200克份量表面看來很多，但當上台時, 係適中。至於質素:收貨。Salad (雖然不是十分多種類但都滿意) , rice, 湯 (忘記試) ，綠茶，山渣汁，菊花茶，洛神花, 全部都係無限refill。試了洛神花，淡淡的, 不夠酸味, 相對佢地的甜度也不高。餐廳有提供圍裙，避免肉汁彈到衣服。承為80大元。

平時去港式西餐廳食劣質鐵板牛就食得多，今次同一班兄弟食飯，就揀左呢間 #磊犇 試上佢地嘅石板牛有幾特別。 我地叫咗三款牛扒， 包括喺西冷牛， 牛肩肉同磊牛扒。 我哋點完餐，揾咗一個角落坐低，就見到檯上陳列著不同嘅調味料，有日式之麻醬、黑椒醬、日式燒汁以及基本的黑椒同海鹽，顧客可以因應自己的喜好選擇。 我個人就最喜愛黑椒醬，辣味夠而帶有少少甜味，我亦都留意到佢地嘅鹽喺粉紅色嘅海鹽，真係落足本架！ 對於大食嘅朋友， 呢度簡直係天堂，因為呢度真係例湯白飯任裝，完全唔洗怕冇嘢送咁香嘅牛扒。 西冷牛扒相對較薄，邊位有一條脂肪，肉質較軟。 牛扒遇上高温個陣，將邊位脂肪煎到甘香撲鼻。 至於牛肩肉本身比較厚身，肉質較有咀嚼感，亦冇西冷咁多脂肪，岩哂唔想食太油膩嘅食客選擇。 而最後一種磊牛扒， 則是取中庸之道，脂肪跟肉比例平均。 如果怕肉太生嘅朋友唔洗擔心，餐廳全部都係選用高温嘅石板作石板燒，保温比一般嘅鐵板強好多，可以長時間幫你煎住塊肉，若果怕太生嘅朋友可以將牛扒係石板上放耐d先再食。整體黎講磊犇係一間很不錯嘅石板牛餐廳，假若平時食嫌哂d舊色茶記鐵板牛扒，真心推介一試！

最近香港都開左好多日式石燒牛扒，主打客人自己將牛扒燒至自己滿意的熱度，同時配有自助的沙律、飲品、飯供客人自助任飲任食，岩哂一啲大食，又係食肉獸的男生。今日放工我就約左3個好朋友來到旺角這間磊犇，一入去就係一個螢幕俾客人點餐，不過俾錢都要去返收銀處。我地4個人點左兩份西冷牛扒、各一份牛肩內同磊牛扒。（份量行別有200g、300g同400g。）磊牛扒中間有條筋，肉味濃，比較痩、但肉汁相對冇咁多；牛肩肉則肉質比較淋，肉汁亦多；西冷則係薄身少少，但肉汁係三款扒最多的。

放工後和友人，來到旺角磊犇，店外已經聞到香濃鐵板牛味。先要在門口位自助售票機買飛，可以選擇適合自己的牛肉類型同重量。牛肉類型總有三款，分別是：磊牛扒、牛肩肉和西冷牛扒，重量由200-400g可供選擇。除了牛扒餐之外，還有石鍋拌飯餐可以選擇。餐廳只會收餐價，而自助沙律、飲品、飯、麵豉湯都是免費任飲任食。我選牛肩肉200g，而友人選了200g的西冷牛扒。買飛後就可以拿提示機入內坐，可以穿上店家細心準備的圍裙，以免彈到成身都是油。飲品方面有洛神花山楂茶、菊花茶、綠茶，而我自己就選了菊花茶，有淡淡的菊花味，可以清熱解毒又解渴~枱面上有三款醬汁：芝麻醬、燒汁、黑椒汁，還有胡椒粉和海鹽，調味料齊全！取完餐時發現鐵板牛上會有一張紙蓋住， 可以讓客人覺得沒那麼多油彈起才揭。我吃的牛肩肉厚身，肉質軟淋，牛肉味重。切開牛扒後更可以利用石板熱力，煎至自己喜歡熟度。友人的西冷扒:比起牛肩肉更腍身易切一點，入口亦不會韌，牛肉味濃，油香強烈。而且自己更可以利用枱面上不同的調味料，配搭自己的牛肉，讓自己味蕾得到多重滋味﹗這是自己第一次嚐試鐵板燒牛，餐廳牛香氣撲鼻，感覺有趣過癮。

熱石板燒牛的店舖越開越多，對於牛魔王來說是一個喜訊。朋友推介，說有一間新開的石板燒牛在旺角，於是今日就跟老公去看看。店內空間不大也不少，門口有一個點餐的電子屏幕，有三款牛選擇，分別有磊牛扒，牛肩肉及西冷牛扒。而重量亦有三款選擇，分別為200g，300g及400g。老公選了磊牛扒400g，而我就選了牛肩肉300g。不想吃牛的還有石鍋飯可選，可以滿足不同客人需要。這裡是先點餐後付費，然後店員給我們一個小東西。當餐預備好的時候，這個小東西就會發出聲響，通知我們可以到點餐處取。這裏是自助的，沙律，麵豉湯，白飯及飲品是任吃的。不用擔心太多吃不完，造成浪費。桌上有調味料，喜歡甚麼汁就加甚麼。最貼心的餐廳提供圍裙，讓客人不用擔心油濺到衣服上。飲品有三款，有綠茶，菊花茶及洛神花山楂茶。我們選了菊花茶及洛神花山楂茶，兩款味道不太甜，入口清涼，很適合去熱氣。每份牛扒都用一塊廚房紙蓋著，免得油四濺。下面的石板是非常非常熱的，拿的時候要很小心。牛熟的程度是由自己控制的，喜歡吃多熟就煎多熟。我選的牛肩肉樣子厚厚的，切開還是嫩紅的，我較喜歡吃五成熟的。我灑上一些海鹽在牛扒上，入口有鹹味，充滿肉汁，不韌，很淋但咬落

呢排愈開愈多石板燒嘅小店，主打都係平民價錢就可以据到扒，加上佢快餐店形式，啱曬lunch想据扒但又冇時間嘅打工仔見呢間店新開冇幾耐，無乜人等位就試下先～叫左個西冷200g，盛惠$120；等食其間可以去自助區拎沙津、飲品、麵豉湯同白飯無幾耐個西冷就ready，都要自己出去取餐區拎；塊肉上枱時一成熟，客人可以按自己喜好控制生熟程度；不過由於塊石板好高溫亦好保溫，所以食得慢嘅話去到後面就會唔小心過熟塊扒本身肉味唔算濃，不過餐廳好貼心地提供左好幾款調味料同醬汁俾你加味，感覺都幾港式

平時去開西洋菜南街剪髮, 今日行過見到開左間食牛扒既專門店叫磊犇, 就諗住剪完髮就落番黎食當晚餐踏入門口就會見到點餐機, 簡潔清晰, 共三款牛由200g至400g不等, 今次我地兩個人分別揀左200g西冷同埋300g牛肩肉。店面提供圍裙以防彈油, 十分貼心餐廳自助形式, order完之後拎嗶嗶機, 食物ready就會響就可以自己出去拎, 牛扒用吸油紙先覆蓋住免彈油, 又一貼心之舉座位前放有調味料同餐具, 我自己就只用左鹽同黑椒吊吊味, 保持牛扒既原汁原味牛肩肉同西冷都十分厚身, 一切開口水都流埋, 原來都只係一成熟, 自己可以隨意控制生熟度, 石燒板熱力強, 切開一塊辣幾秒佢就係我最愛既5成熟啦 兩者牛味都濃郁而且肉質軟腍, 高温煎封左肉汁係入面, 而且每舊都熱辣辣超正另外餐廳提供白飯, 麵豉湯, 沙律及飲品等等比客人以自助形式拎。用日本米既白飯唔會軟爛, 用黎送燒肉真係一流!!麵豉湯熱辣辣, 好過好多連鎖店, 因為好多時麵豉湯都係被忽略同埋唔夠熱架~依度最平其實70蚊就有交易, 同係快餐店食個鐵板餐價錢係差唔多, 相比之下依度性價比就高得多, 無論牛扒同煮既方式都更高質, 仲有就係除

慘慘又抽到返地獄更🙉🥺適逢日頭要幫朋友去旺角拎啲野🙉還掂拎完撞正Lunch Hour🍴🤤咁啱經過呢間半自助扒房🍴🤤🥩趁連早餐都未食又忍唔住入黎食返塊扒扒先開工啦🤤位於旺角近太子西洋菜南街既磊犇🐮🥩🤤由旺角站B出口經天橋行過黎都算方便😆呢度係一間半自助扒房🐮🤤簡約既環境裝修牆上掛上唔同既擺設掛飾🐮☺️更有香港最近開始流行既自助點餐機🤩好讓食客品嚐牛扒之餘享受玩點餐機既樂趣🤪牛肩肉眼 (300G)食扒扒另外有自助區供應沙律、麵豉湯及白飯😆而且任添任食確係抵食🤪🥗🍚而小肥今次Order左300克肉眼既份量大大舊慢慢嘆😆更以賣相一流既高溫石板保持絕佳口感及牛扒溫度😆以三成熟上枱再以高溫石板煎香讓客人自行控制熟度🤤原塊以石板煎香能鎖住肉汁肉質滑嫩Juicy之餘🤤肉眼扒比西冷扒較少脂肪😆脂肪比較更均勻☺️🥩配合黑椒及岩鹽更帶出扒香鮮味😋🔥

牛一向都係一個好受歡迎嘅食物。問題係你應該點樣去食25蚊一塊嘅牛扒又係牛扒五千蚊一塊都係用牛扒當然我哋唔使去到咁極端最近就同老公一齊去食牛， 有一日行過西洋菜南街見到呢一間唔係太大嘅舖頭，但係又見到入面嘅擺設好有特色充滿和氣。 好奇心同埋肚餓嘅推動下晝入咗去試下佢嘅西冷牛同埋牛肩肉。 店員熱烈嘅招呼同埋介紹令到我對呢間小店更有好感。啲嘢食上到嚟見到 起熱石上面熱辣辣真係睇到個人都覺得興奮😂😂而且牛肉味道濃厚丶 醬料 調配得剛到好處。每人食一份牛都已經飽到可以打橫行出嚟，你最重要嘅係你會感覺到佢哋烹調上面及選食材上面都 有落過一番功夫，所以如果你係一個鍾意食牛嘅人行過旺角, 都推介大家入去試一試佢哋啲牛。

呢到只系賣石鍋飯同牛扒，牛扒有三款：西冷牛扒、牛肩肉同磊牛扒，吾同部位吾同重量吾同既價錢。先系售賣機揀左野食落單，然後旁邊收銀處比錢，店員會比個提示器你，之後隨意搵個位坐低，等到提示器震動就可以去提取食物區拎野食。等待期間可以去自助區，有得任取沙律、白飯、麵豉湯同埋飲料。【西冷牛扒300g】$170牛扒好厚，好彩鐵板熱力持久，煎到我想要既熟透度。牛肉味十足，呢塊都有啲筋位，不過好易切開，肉質軟體適中。【一口牛石鍋飯】$57有青瓜絲、紅蘿蔔絲、粟米粒，加埋燒汁醬撈埋啲飯一齊食，牛肉加左小小黑胡椒幾惹味。

近期香港真係開咗好多間石燒牛扒店，而且價錢亦越來越大聚化!所以今天特意走去一試! 今天惠顧的石燒牛扒店位於太子, 附近亦有泊車錶位, 位置十分便利!由於星期六及日真係比較人多輪候, 所選擇了平日的晚上惠顧; 好讓可以坐多一會, 慢慢品嘗!此店有三款牛肉(包括西冷, 牛肩和磊牛扒)提供選擇!，三款size(200g, 300g和400g)，三款醬汁選擇。由於本著品嘗的心態, 所以三款都品嘗一下!個人覺得西冷肉味最香濃；牛肩肉質軟腍, 很容易入口；磊牛扒則較有嚼勁!另外, 白飯,沙律同湯等都係任食，最合大食一族!而餐廳仲會提供圍裙,讓大家食得開心兼衛生。

餓底今天中午跟朋友在旺角搵食，來到這間熱石牛扒專門店－石石石牛牛牛！先在門口自助機買好票，向店員取個感應器，就可以選個靚位等食。這類熱石牛扒店都會提供沙律、麵豉湯、白飯&飲品任飲任食，餓底幾鍾意呢個setting，可以自己決定要幾多就取幾多。這間的飲品比其他熱石牛扒店多選擇，有洛神花山楂/菊花茶/綠茶，更有熱水及綠茶粉提供，餓底試了洛神花山楂及菊花茶，都是微糖，太好了，最怕太甜的餐飲。幾分鐘後，西冷&牛肩肉就來了！上菜時蓋住廚房紙巾以免油彈到，此時才想起要圍口水堅，否則整件上衣都會中招！西冷：油花分佈較平均，吃時剛好煎到medium，肉質腍、多汁，加少少鹽調味，入口充滿油香。牛肩肉：煎到表面焦焦地，入面仲係好粉嫩，比西冷瘦，但食落唔韌喎，肉質幾有彈性，又有焦香，餓底同朋友都鍾意牛肩肉多啲！食食下，見到隔離有幾個人食石鍋拌飯，好似幾好味，仲平啲添，下次嚟試下先！

今日出旺角行街買嘢俾貓仔們，行經見到呢間自助形式嘅扒房，突然間想据下扒，所以就入咗呢間餐廳喇。佢係自助形式落單，我叫咗個300g 嘅西冷牛扒，我朋友唔好牛肉，所以叫咗個雞肉石頭鍋飯，估唔到餐單設計員都幾細心，照顧到有唔同需要嘅客人。西冷牛扒係鐵板上，一路熱到尾，自己可以調教生熟程度，非常正！牛扒牛肉味濃，唔會話有筋難咬，肉汁豐富，呢個價錢嚟講真係性價比極高。朋友食嘅雞肉石頭飯，材料好豐富，味道亦都好好。我哋仲飲埋菊花茶，洛神花茶，同埋麵豉湯，成件事好美好！

近半年來熱石燒牛扒大熱，很多地方都開咗，今日陪父親大人去金魚街睇魚，發現附近有間新店，仲要唔係連鎖性的，於是行過去試一試同以往嘅熱石燒牛扒店一樣先自助買飛，但最大分別系佢自助部分更多，先去售票機選心水牛肉類型同重量總共有三款，分別是：磊牛扒、牛肩肉、西冷牛扒，最多仲有400g可供選擇，除咗牛扒餐之外還有石鍋拌飯餐，買飛之後可自己先攞餐具，搯麵豉湯，攞沙律同取飲料，再搵個地方坐低，等店員備餐後，之後就可以自行到取餐處取餐而我哋大鄉里不知道最後店員姐姐幫我地攞飲品方面有洛神花山楂茶、菊花茶、綠茶醬汁三款由左至右：芝麻醬、燒汁、黑椒汁磊牛扒（300g)-$100就食到300g，睇落size頗大份，而且非常厚身，係我食過性價比最高的一間，取餐時香氣撲鼻，令我流晒口水牛肩肉（300g)- 牛肩肉比較軟淋，肉味重，切開牛扒後利用石板嘅熱力，煎至你喜歡嘅熟度，油香更強列，完全無根，抵食好食P.S. 下次應該會試埋佢個拌飯，$57超抵